| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੧. ਸੋਲ਼ਸਪਞ੍ਞਾਨਿਦ੍ਦੇਸੋ
1. Soḷasapaññāniddeso
੪. ਪਞ੍ਞਾਪਟਿਲਾਭਾਯ ਸਂવਤ੍ਤਨ੍ਤੀਤਿ ਕਤਮੋ ਪਞ੍ਞਾਪਟਿਲਾਭੋ? ਚਤੁਨ੍ਨਂ ਮਗ੍ਗਞਾਣਾਨਂ, ਚਤੁਨ੍ਨਂ ਫਲਞਾਣਾਨਂ, ਚਤੁਨ੍ਨਂ ਪਟਿਸਮ੍ਭਿਦਾਞਾਣਾਨਂ, ਛਨ੍ਨਂ ਅਭਿਞ੍ਞਾਞਾਣਾਨਂ, ਤੇਸਤ੍ਤਤੀਨਂ ਞਾਣਾਨਂ, ਸਤ੍ਤਸਤ੍ਤਤੀਨਂ ਞਾਣਾਨਂ ਲਾਭੋ ਪਟਿਲਾਭੋ ਪਤ੍ਤਿ ਸਮ੍ਪਤ੍ਤਿ ਫਸ੍ਸਨਾ 1 ਸਚ੍ਛਿਕਿਰਿਯਾ ਉਪਸਮ੍ਪਦਾ। ਪਞ੍ਞਾਪਟਿਲਾਭਾਯ ਸਂવਤ੍ਤਨ੍ਤੀਤਿ – ਅਯਂ ਪਞ੍ਞਾ ਪਟਿਲਾਭੋ।
4.Paññāpaṭilābhāya saṃvattantīti katamo paññāpaṭilābho? Catunnaṃ maggañāṇānaṃ, catunnaṃ phalañāṇānaṃ, catunnaṃ paṭisambhidāñāṇānaṃ, channaṃ abhiññāñāṇānaṃ, tesattatīnaṃ ñāṇānaṃ, sattasattatīnaṃ ñāṇānaṃ lābho paṭilābho patti sampatti phassanā 2 sacchikiriyā upasampadā. Paññāpaṭilābhāya saṃvattantīti – ayaṃ paññā paṭilābho.
ਪਞ੍ਞਾਬੁਦ੍ਧਿਯਾ ਸਂવਤ੍ਤਨ੍ਤੀਤਿ ਕਤਮਾ ਪਞ੍ਞਾਬੁਦ੍ਧਿ? ਸਤ੍ਤਨ੍ਨਞ੍ਚ ਸੇਕ੍ਖਾਨਂ ਪੁਥੁਜ੍ਜਨਕਲ੍ਯਾਣਕਸ੍ਸ ਚ ਪਞ੍ਞਾ વਡ੍ਢਤਿ, ਅਰਹਤੋ ਪਞ੍ਞਾ વਡ੍ਢਤਿ। વਡ੍ਢਿਤવਡ੍ਢਨਾ ਪਞ੍ਞਾਬੁਦ੍ਧਿਯਾ ਸਂવਤ੍ਤਨ੍ਤੀਤਿ – ਅਯਂ ਪਞ੍ਞਾਬੁਦ੍ਧਿ।
Paññābuddhiyāsaṃvattantīti katamā paññābuddhi? Sattannañca sekkhānaṃ puthujjanakalyāṇakassa ca paññā vaḍḍhati, arahato paññā vaḍḍhati. Vaḍḍhitavaḍḍhanā paññābuddhiyā saṃvattantīti – ayaṃ paññābuddhi.
ਪਞ੍ਞਾવੇਪੁਲ੍ਲਾਯ ਸਂવਤ੍ਤਨ੍ਤੀਤਿ ਕਤਮਂ ਪਞ੍ਞਾવੇਪੁਲ੍ਲਂ? ਸਤ੍ਤਨ੍ਨਂ ਸੇਕ੍ਖਾਨਂ ਪੁਥੁਜ੍ਜਨਕਲ੍ਯਾਣਕਸ੍ਸ ਚ ਪਞ੍ਞਾવੇਪੁਲ੍ਲਂ ਗਚ੍ਛਤਿ। ਅਰਹਤੋ ਪਞ੍ਞਾ વੇਪੁਲ੍ਲਗਤਾ ਪਞ੍ਞਾવੇਪੁਲ੍ਲਾਯ ਸਂવਤ੍ਤਨ੍ਤੀਤਿ – ਇਦਂ ਪਞ੍ਞਾવੇਪੁਲ੍ਲਂ।
Paññāvepullāya saṃvattantīti katamaṃ paññāvepullaṃ? Sattannaṃ sekkhānaṃ puthujjanakalyāṇakassa ca paññāvepullaṃ gacchati. Arahato paññā vepullagatā paññāvepullāya saṃvattantīti – idaṃ paññāvepullaṃ.
ਮਹਾਪਞ੍ਞਤਾਯ ਸਂવਤ੍ਤਨ੍ਤੀਤਿ ਕਤਮਾ ਮਹਾਪਞ੍ਞਾ? ਮਹਨ੍ਤੇ ਅਤ੍ਥੇ ਪਰਿਗ੍ਗਣ੍ਹਾਤੀਤਿ – ਮਹਾਪਞ੍ਞਾ। ਮਹਨ੍ਤੇ ਧਮ੍ਮੇ ਪਰਿਗ੍ਗਣ੍ਹਾਤੀਤਿ – ਮਹਾਪਞ੍ਞਾ। ਮਹਨ੍ਤਾ ਨਿਰੁਤ੍ਤਿਯੋ ਪਰਿਗ੍ਗਣ੍ਹਾਤੀਤਿ – ਮਹਾਪਞ੍ਞਾ। ਮਹਨ੍ਤਾਨਿ ਪਟਿਭਾਨਾਨਿ ਪਰਿਗ੍ਗਣ੍ਹਾਤੀਤਿ – ਮਹਾਪਞ੍ਞਾ। ਮਹਨ੍ਤੇ ਸੀਲਕ੍ਖਨ੍ਧੇ ਪਰਿਗ੍ਗਣ੍ਹਾਤੀਤਿ – ਮਹਾਪਞ੍ਞਾ। ਮਹਨ੍ਤੇ ਸਮਾਧਿਕ੍ਖਨ੍ਧੇ ਪਰਿਗ੍ਗਣ੍ਹਾਤੀਤਿ – ਮਹਾਪਞ੍ਞਾ। ਮਹਨ੍ਤੇ ਪਞ੍ਞਾਕ੍ਖਨ੍ਧੇ ਪਰਿਗ੍ਗਣ੍ਹਾਤੀਤਿ – ਮਹਾਪਞ੍ਞਾ। ਮਹਨ੍ਤੇ વਿਮੁਤ੍ਤਿਕ੍ਖਨ੍ਧੇ ਪਰਿਗ੍ਗਣ੍ਹਾਤੀਤਿ – ਮਹਾਪਞ੍ਞਾ । ਮਹਨ੍ਤੇ વਿਮੁਤ੍ਤਿਞਾਣਦਸ੍ਸਨਕ੍ਖਨ੍ਧੇ ਪਰਿਗ੍ਗਣ੍ਹਾਤੀਤਿ – ਮਹਾਪਞ੍ਞਾ। ਮਹਨ੍ਤਾਨਿ ਠਾਨਾਟ੍ਠਾਨਾਨਿ ਪਰਿਗ੍ਗਣ੍ਹਾਤੀਤਿ – ਮਹਾਪਞ੍ਞਾ। ਮਹਨ੍ਤਾ વਿਹਾਰਸਮਾਪਤ੍ਤਿਯੋ ਪਰਿਗ੍ਗਣ੍ਹਾਤੀਤਿ – ਮਹਾਪਞ੍ਞਾ। ਮਹਨ੍ਤਾਨਿ ਅਰਿਯਸਚ੍ਚਾਨਿ ਪਰਿਗ੍ਗਣ੍ਹਾਤੀਤਿ – ਮਹਾਪਞ੍ਞਾ। ਮਹਨ੍ਤੇ ਸਤਿਪਟ੍ਠਾਨੇ ਪਰਿਗ੍ਗਣ੍ਹਾਤੀਤਿ – ਮਹਾਪਞ੍ਞਾ। ਮਹਨ੍ਤੇ ਸਮ੍ਮਪ੍ਪਧਾਨੇ ਪਰਿਗ੍ਗਣ੍ਹਾਤੀਤਿ – ਮਹਾਪਞ੍ਞਾ। ਮਹਨ੍ਤੇ ਇਦ੍ਧਿਪਾਦੇ ਪਰਿਗ੍ਗਣ੍ਹਾਤੀਤਿ – ਮਹਾਪਞ੍ਞਾ। ਮਹਨ੍ਤਾਨਿ ਇਨ੍ਦ੍ਰਿਯਾਨਿ ਪਰਿਗ੍ਗਣ੍ਹਾਤੀਤਿ – ਮਹਾਪਞ੍ਞਾ। ਮਹਨ੍ਤਾਨਿ ਬਲਾਨਿ ਪਰਿਗ੍ਗਣ੍ਹਾਤੀਤਿ – ਮਹਾਪਞ੍ਞਾ। ਮਹਨ੍ਤੇ ਬੋਜ੍ਝਙ੍ਗੇ ਪਰਿਗ੍ਗਣ੍ਹਾਤੀਤਿ – ਮਹਾਪਞ੍ਞਾ। ਮਹਨ੍ਤਂ ਅਰਿਯਮਗ੍ਗਂ 3 ਪਰਿਗ੍ਗਣ੍ਹਾਤੀਤਿ – ਮਹਾਪਞ੍ਞਾ। ਮਹਨ੍ਤਾਨਿ ਸਾਮਞ੍ਞਫਲਾਨਿ ਪਰਿਗ੍ਗਣ੍ਹਾਤੀਤਿ – ਮਹਾਪਞ੍ਞਾ। ਮਹਨ੍ਤਾ ਅਭਿਞ੍ਞਾਯੋ 4 ਪਰਿਗ੍ਗਣ੍ਹਾਤੀਤਿ – ਮਹਾਪਞ੍ਞਾ। ਮਹਨ੍ਤਂ ਪਰਮਤ੍ਥਂ ਨਿਬ੍ਬਾਨਂ ਪਰਿਗ੍ਗਣ੍ਹਾਤੀਤਿ – ਮਹਾਪਞ੍ਞਾ। ਮਹਾਪਞ੍ਞਤਾਯ ਸਂવਤ੍ਤਨ੍ਤੀਤਿ – ਅਯਂ ਮਹਾਪਞ੍ਞਾ।
Mahāpaññatāya saṃvattantīti katamā mahāpaññā? Mahante atthe pariggaṇhātīti – mahāpaññā. Mahante dhamme pariggaṇhātīti – mahāpaññā. Mahantā niruttiyo pariggaṇhātīti – mahāpaññā. Mahantāni paṭibhānāni pariggaṇhātīti – mahāpaññā. Mahante sīlakkhandhe pariggaṇhātīti – mahāpaññā. Mahante samādhikkhandhe pariggaṇhātīti – mahāpaññā. Mahante paññākkhandhe pariggaṇhātīti – mahāpaññā. Mahante vimuttikkhandhe pariggaṇhātīti – mahāpaññā . Mahante vimuttiñāṇadassanakkhandhe pariggaṇhātīti – mahāpaññā. Mahantāni ṭhānāṭṭhānāni pariggaṇhātīti – mahāpaññā. Mahantā vihārasamāpattiyo pariggaṇhātīti – mahāpaññā. Mahantāni ariyasaccāni pariggaṇhātīti – mahāpaññā. Mahante satipaṭṭhāne pariggaṇhātīti – mahāpaññā. Mahante sammappadhāne pariggaṇhātīti – mahāpaññā. Mahante iddhipāde pariggaṇhātīti – mahāpaññā. Mahantāni indriyāni pariggaṇhātīti – mahāpaññā. Mahantāni balāni pariggaṇhātīti – mahāpaññā. Mahante bojjhaṅge pariggaṇhātīti – mahāpaññā. Mahantaṃ ariyamaggaṃ 5 pariggaṇhātīti – mahāpaññā. Mahantāni sāmaññaphalāni pariggaṇhātīti – mahāpaññā. Mahantā abhiññāyo 6 pariggaṇhātīti – mahāpaññā. Mahantaṃ paramatthaṃ nibbānaṃ pariggaṇhātīti – mahāpaññā. Mahāpaññatāya saṃvattantīti – ayaṃ mahāpaññā.
ਪੁਥੁਪਞ੍ਞਤਾਯ ਸਂવਤ੍ਤਨ੍ਤੀਤਿ ਕਤਮਾ ਪੁਥੁਪਞ੍ਞਾ? ਪੁਥੁਨਾਨਾਖਨ੍ਧੇਸੁ ਞਾਣਂ ਪવਤ੍ਤਤੀਤਿ – ਪੁਥੁਪਞ੍ਞਾ। ਪੁਥੁਨਾਨਾਧਾਤੂਸੁ ਞਾਣਂ ਪવਤ੍ਤਤੀਤਿ – ਪੁਥੁਪਞ੍ਞਾ। ਪੁਥੁਨਾਨਾਆਯਤਨੇਸੁ ਞਾਣਂ ਪવਤ੍ਤਤੀਤਿ – ਪੁਥੁਪਞ੍ਞਾ। ਪੁਥੁਨਾਨਾਪਟਿਚ੍ਚਸਮੁਪ੍ਪਾਦੇਸੁ ਞਾਣਂ ਪવਤ੍ਤਤੀਤਿ – ਪੁਥੁਪਞ੍ਞਾ। ਪੁਥੁਨਾਨਾਸੁਞ੍ਞਤਮਨੁਪਲਬ੍ਭੇਸੁ ਞਾਣਂ ਪવਤ੍ਤਤੀਤਿ – ਪੁਥੁਪਞ੍ਞਾ। ਪੁਥੁਨਾਨਾਅਤ੍ਥੇਸੁ ਞਾਣਂ ਪવਤ੍ਤਤੀਤਿ – ਪੁਥੁਪਞ੍ਞਾ। ਪੁਥੁਨਾਨਾਧਮ੍ਮੇਸੁ ਞਾਣਂ ਪવਤ੍ਤਤੀਤਿ – ਪੁਥੁਪਞ੍ਞਾ। ਪੁਥੁਨਾਨਾਨਿਰੁਤ੍ਤੀਸੁ ਞਾਣਂ ਪવਤ੍ਤਤੀਤਿ – ਪੁਥੁਪਞ੍ਞਾ। ਪੁਥੁਨਾਨਾਪਟਿਭਾਨੇਸੁ ਞਾਣਂ ਪવਤ੍ਤਤੀਤਿ – ਪੁਥੁਪਞ੍ਞਾ। ਪੁਥੁਨਾਨਾਸੀਲਕ੍ਖਨ੍ਧੇਸੁ ਞਾਣਂ ਪવਤ੍ਤਤੀਤਿ – ਪੁਥੁਪਞ੍ਞਾ। ਪੁਥੁਨਾਨਾਸਮਾਧਿਕ੍ਖਨ੍ਧੇਸੁ ਞਾਣਂ ਪવਤ੍ਤਤੀਤਿ – ਪੁਥੁਪਞ੍ਞਾ। ਪੁਥੁਨਾਨਾਪਞ੍ਞਾਕ੍ਖਨ੍ਧੇਸੁ ਞਾਣਂ ਪવਤ੍ਤਤੀਤਿ – ਪੁਥੁਪਞ੍ਞਾ। ਪੁਥੁਨਾਨਾવਿਮੁਤ੍ਤਿਕ੍ਖਨ੍ਧੇਸੁ ਞਾਣਂ ਪવਤ੍ਤਤੀਤਿ – ਪੁਥੁਪਞ੍ਞਾ। ਪੁਥੁਨਾਨਾવਿਮੁਤ੍ਤਿਞਾਣਦਸ੍ਸਨਕ੍ਖਨ੍ਧੇਸੁ ਞਾਣਂ ਪવਤ੍ਤਤੀਤਿ – ਪੁਥੁਪਞ੍ਞਾ। ਪੁਥੁਨਾਨਾਠਾਨਾਟ੍ਠਾਨੇਸੁ ਞਾਣਂ ਪવਤ੍ਤਤੀਤਿ – ਪੁਥੁਪਞ੍ਞਾ। ਪੁਥੁਨਾਨਾવਿਹਾਰਸਮਾਪਤ੍ਤੀਸੁ ਞਾਣਂ ਪવਤ੍ਤਤੀਤਿ – ਪੁਥੁਪਞ੍ਞਾ। ਪੁਥੁਨਾਨਾਅਰਿਯਸਚ੍ਚੇਸੁ ਞਾਣਂ ਪવਤ੍ਤਤੀਤਿ – ਪੁਥੁਪਞ੍ਞਾ। ਪੁਥੁਨਾਨਾਸਤਿਪਟ੍ਠਾਨੇਸੁ ਞਾਣਂ ਪવਤ੍ਤਤੀਤਿ – ਪੁਥੁਪਞ੍ਞਾ। ਪੁਥੁਨਾਨਾਸਮ੍ਮਪ੍ਪਧਾਨੇਸੁ ਞਾਣਂ ਪવਤ੍ਤਤੀਤਿ – ਪੁਥੁਪਞ੍ਞਾ। ਪੁਥੁਨਾਨਾਇਦ੍ਧਿਪਾਦੇਸੁ ਞਾਣਂ ਪવਤ੍ਤਤੀਤਿ – ਪੁਥੁਪਞ੍ਞਾ। ਪੁਥੁਨਾਨਾਇਨ੍ਦ੍ਰਿਯੇਸੁ ਞਾਣਂ ਪવਤ੍ਤਤੀਤਿ – ਪੁਥੁਪਞ੍ਞਾ। ਪੁਥੁਨਾਨਾਬਲੇਸੁ ਞਾਣਂ ਪવਤ੍ਤਤੀਤਿ – ਪੁਥੁਪਞ੍ਞਾ। ਪੁਥੁਨਾਨਾਬੋਜ੍ਝਙ੍ਗੇਸੁ ਞਾਣਂ ਪવਤ੍ਤਤੀਤਿ – ਪੁਥੁਪਞ੍ਞਾ। ਪੁਥੁਨਾਨਾਅਰਿਯਮਗ੍ਗੇਸੁ ਞਾਣਂ ਪવਤ੍ਤਤੀਤਿ – ਪੁਥੁਪਞ੍ਞਾ। ਪੁਥੁਨਾਨਾਸਾਮਞ੍ਞਫਲੇਸੁ ਞਾਣਂ ਪવਤ੍ਤਤੀਤਿ – ਪੁਥੁਪਞ੍ਞਾ। ਪੁਥੁਨਾਨਾਅਭਿਞ੍ਞਾਸੁ ਞਾਣਂ ਪવਤ੍ਤਤੀਤਿ – ਪੁਥੁਪਞ੍ਞਾ। ਪੁਥੁਜ੍ਜਨਸਾਧਾਰਣੇ ਧਮ੍ਮੇ ਅਤਿਕ੍ਕਮ੍ਮ 7 ਪਰਮਤ੍ਥੇ ਨਿਬ੍ਬਾਨੇ ਞਾਣਂ ਪવਤ੍ਤਤੀਤਿ – ਪੁਥੁਪਞ੍ਞਾ। ਪੁਥੁਪਞ੍ਞਤਾਯ ਸਂવਤ੍ਤਨ੍ਤੀਤਿ – ਅਯਂ ਪੁਥੁਪਞ੍ਞਾ।
Puthupaññatāya saṃvattantīti katamā puthupaññā? Puthunānākhandhesu ñāṇaṃ pavattatīti – puthupaññā. Puthunānādhātūsu ñāṇaṃ pavattatīti – puthupaññā. Puthunānāāyatanesu ñāṇaṃ pavattatīti – puthupaññā. Puthunānāpaṭiccasamuppādesu ñāṇaṃ pavattatīti – puthupaññā. Puthunānāsuññatamanupalabbhesu ñāṇaṃ pavattatīti – puthupaññā. Puthunānāatthesu ñāṇaṃ pavattatīti – puthupaññā. Puthunānādhammesu ñāṇaṃ pavattatīti – puthupaññā. Puthunānāniruttīsu ñāṇaṃ pavattatīti – puthupaññā. Puthunānāpaṭibhānesu ñāṇaṃ pavattatīti – puthupaññā. Puthunānāsīlakkhandhesu ñāṇaṃ pavattatīti – puthupaññā. Puthunānāsamādhikkhandhesu ñāṇaṃ pavattatīti – puthupaññā. Puthunānāpaññākkhandhesu ñāṇaṃ pavattatīti – puthupaññā. Puthunānāvimuttikkhandhesu ñāṇaṃ pavattatīti – puthupaññā. Puthunānāvimuttiñāṇadassanakkhandhesu ñāṇaṃ pavattatīti – puthupaññā. Puthunānāṭhānāṭṭhānesu ñāṇaṃ pavattatīti – puthupaññā. Puthunānāvihārasamāpattīsu ñāṇaṃ pavattatīti – puthupaññā. Puthunānāariyasaccesu ñāṇaṃ pavattatīti – puthupaññā. Puthunānāsatipaṭṭhānesu ñāṇaṃ pavattatīti – puthupaññā. Puthunānāsammappadhānesu ñāṇaṃ pavattatīti – puthupaññā. Puthunānāiddhipādesu ñāṇaṃ pavattatīti – puthupaññā. Puthunānāindriyesu ñāṇaṃ pavattatīti – puthupaññā. Puthunānābalesu ñāṇaṃ pavattatīti – puthupaññā. Puthunānābojjhaṅgesu ñāṇaṃ pavattatīti – puthupaññā. Puthunānāariyamaggesu ñāṇaṃ pavattatīti – puthupaññā. Puthunānāsāmaññaphalesu ñāṇaṃ pavattatīti – puthupaññā. Puthunānāabhiññāsu ñāṇaṃ pavattatīti – puthupaññā. Puthujjanasādhāraṇe dhamme atikkamma 8 paramatthe nibbāne ñāṇaṃ pavattatīti – puthupaññā. Puthupaññatāya saṃvattantīti – ayaṃ puthupaññā.
વਿਪੁਲਪਞ੍ਞਤਾਯ ਸਂવਤ੍ਤਨ੍ਤੀਤਿ ਕਤਮਾ વਿਪੁਲਪਞ੍ਞਾ? વਿਪੁਲੇ ਅਤ੍ਥੇ ਪਰਿਗ੍ਗਣ੍ਹਾਤੀਤਿ – વਿਪੁਲਪਞ੍ਞਾ। વਿਪੁਲੇ ਧਮ੍ਮੇ ਪਰਿਗ੍ਗਣ੍ਹਾਤੀਤਿ – વਿਪੁਲਪਞ੍ਞਾ। વਿਪੁਲਾ ਨਿਰੁਤ੍ਤਿਯੋ ਪਰਿਗ੍ਗਣ੍ਹਾਤੀਤਿ – વਿਪੁਲਪਞ੍ਞਾ। વਿਪੁਲਾਨਿ ਪਟਿਭਾਨਾਨਿ ਪਰਿਗ੍ਗਣ੍ਹਾਤੀਤਿ – વਿਪੁਲਪਞ੍ਞਾ। વਿਪੁਲੇ ਸੀਲਕ੍ਖਨ੍ਧੇ ਪਰਿਗ੍ਗਣ੍ਹਾਤੀਤਿ – વਿਪੁਲਪਞ੍ਞਾ। વਿਪੁਲੇ ਸਮਾਧਿਕ੍ਖਨ੍ਧੇ ਪਰਿਗ੍ਗਣ੍ਹਾਤੀਤਿ – વਿਪੁਲਪਞ੍ਞਾ। વਿਪੁਲੇ ਪਞ੍ਞਾਕ੍ਖਨ੍ਧੇ ਪਰਿਗ੍ਗਣ੍ਹਾਤੀਤਿ – વਿਪੁਲਪਞ੍ਞਾ। વਿਪੁਲੇ વਿਮੁਤ੍ਤਿਕ੍ਖਨ੍ਧੇ ਪਰਿਗ੍ਗਣ੍ਹਾਤੀਤਿ – વਿਪੁਲਪਞ੍ਞਾ। વਿਪੁਲੇ વਿਮੁਤ੍ਤਿਞਾਣਦਸ੍ਸਨਕ੍ਖਨ੍ਧੇ ਪਰਿਗ੍ਗਣ੍ਹਾਤੀਤਿ – વਿਪੁਲਪਞ੍ਞਾ। વਿਪੁਲਾਨਿ ਠਾਨਾਟ੍ਠਾਨਾਨਿ ਪਰਿਗ੍ਗਣ੍ਹਾਤੀਤਿ – વਿਪੁਲਪਞ੍ਞਾ। વਿਪੁਲਾ વਿਹਾਰਸਮਾਪਤ੍ਤਿਯੋ ਪਰਿਗ੍ਗਣ੍ਹਾਤੀਤਿ – વਿਪੁਲਪਞ੍ਞਾ। વਿਪੁਲਾਨਿ ਅਰਿਯਸਚ੍ਚਾਨਿ ਪਰਿਗ੍ਗਣ੍ਹਾਤੀਤਿ – વਿਪੁਲਪਞ੍ਞਾ। વਿਪੁਲੇ ਸਤਿਪਟ੍ਠਾਨੇ ਪਰਿਗ੍ਗਣ੍ਹਾਤੀਤਿ – વਿਪੁਲਪਞ੍ਞਾ। વਿਪੁਲੇ ਸਮ੍ਮਪ੍ਪਧਾਨੇ ਪਰਿਗ੍ਗਣ੍ਹਾਤੀਤਿ – વਿਪੁਲਪਞ੍ਞਾ। વਿਪੁਲੇ ਇਦ੍ਧਿਪਾਦੇ ਪਰਿਗ੍ਗਣ੍ਹਾਤੀਤਿ – વਿਪੁਲਪਞ੍ਞਾ। વਿਪੁਲਾਨਿ ਇਨ੍ਦ੍ਰਿਯਾਨਿ ਪਰਿਗ੍ਗਣ੍ਹਾਤੀਤਿ – વਿਪੁਲਪਞ੍ਞਾ। વਿਪੁਲਾਨਿ ਬਲਾਨਿ ਪਰਿਗ੍ਗਣ੍ਹਾਤੀਤਿ – વਿਪੁਲਪਞ੍ਞਾ। વਿਪੁਲੇ ਬੋਜ੍ਝਙ੍ਗੇ ਪਰਿਗ੍ਗਣ੍ਹਾਤੀਤਿ – વਿਪੁਲਪਞ੍ਞਾ। વਿਪੁਲੇ ਅਰਿਯਮਗ੍ਗੇ ਪਰਿਗ੍ਗਣ੍ਹਾਤੀਤਿ – વਿਪੁਲਪਞ੍ਞਾ। વਿਪੁਲਾਨਿ ਸਾਮਞ੍ਞਫਲਾਨਿ ਪਰਿਗ੍ਗਣ੍ਹਾਤੀਤਿ – વਿਪੁਲਪਞ੍ਞਾ। વਿਪੁਲਾ ਅਭਿਞ੍ਞਾਯੋ ਪਰਿਗ੍ਗਣ੍ਹਾਤੀਤਿ – વਿਪੁਲਪਞ੍ਞਾ। વਿਪੁਲਂ ਪਰਮਤ੍ਥਂ ਨਿਬ੍ਬਾਨਂ ਪਰਿਗ੍ਗਣ੍ਹਾਤੀਤਿ – વਿਪੁਲਪਞ੍ਞਾ। વਿਪੁਲਪਞ੍ਞਤਾਯ ਸਂવਤ੍ਤਨ੍ਤੀਤਿ – ਅਯਂ વਿਪੁਲਪਞ੍ਞਾ।
Vipulapaññatāyasaṃvattantīti katamā vipulapaññā? Vipule atthe pariggaṇhātīti – vipulapaññā. Vipule dhamme pariggaṇhātīti – vipulapaññā. Vipulā niruttiyo pariggaṇhātīti – vipulapaññā. Vipulāni paṭibhānāni pariggaṇhātīti – vipulapaññā. Vipule sīlakkhandhe pariggaṇhātīti – vipulapaññā. Vipule samādhikkhandhe pariggaṇhātīti – vipulapaññā. Vipule paññākkhandhe pariggaṇhātīti – vipulapaññā. Vipule vimuttikkhandhe pariggaṇhātīti – vipulapaññā. Vipule vimuttiñāṇadassanakkhandhe pariggaṇhātīti – vipulapaññā. Vipulāni ṭhānāṭṭhānāni pariggaṇhātīti – vipulapaññā. Vipulā vihārasamāpattiyo pariggaṇhātīti – vipulapaññā. Vipulāni ariyasaccāni pariggaṇhātīti – vipulapaññā. Vipule satipaṭṭhāne pariggaṇhātīti – vipulapaññā. Vipule sammappadhāne pariggaṇhātīti – vipulapaññā. Vipule iddhipāde pariggaṇhātīti – vipulapaññā. Vipulāni indriyāni pariggaṇhātīti – vipulapaññā. Vipulāni balāni pariggaṇhātīti – vipulapaññā. Vipule bojjhaṅge pariggaṇhātīti – vipulapaññā. Vipule ariyamagge pariggaṇhātīti – vipulapaññā. Vipulāni sāmaññaphalāni pariggaṇhātīti – vipulapaññā. Vipulā abhiññāyo pariggaṇhātīti – vipulapaññā. Vipulaṃ paramatthaṃ nibbānaṃ pariggaṇhātīti – vipulapaññā. Vipulapaññatāya saṃvattantīti – ayaṃ vipulapaññā.
ਗਮ੍ਭੀਰਪਞ੍ਞਤਾਯ ਸਂવਤ੍ਤਨ੍ਤੀਤਿ ਕਤਮਾ ਗਮ੍ਭੀਰਪਞ੍ਞਾ? ਗਮ੍ਭੀਰੇਸੁ ਖਨ੍ਧੇਸੁ ਞਾਣਂ ਪવਤ੍ਤਤੀਤਿ – ਗਮ੍ਭੀਰਪਞ੍ਞਾ। ਗਮ੍ਭੀਰਾਸੁ ਧਾਤੂਸੁ ਞਾਣਂ ਪવਤ੍ਤਤੀਤਿ – ਗਮ੍ਭੀਰਪਞ੍ਞਾ। ਗਮ੍ਭੀਰੇਸੁ ਆਯਤਨੇਸੁ ਞਾਣਂ ਪવਤ੍ਤਤੀਤਿ – ਗਮ੍ਭੀਰਪਞ੍ਞਾ। ਗਮ੍ਭੀਰੇਸੁ ਪਟਿਚ੍ਚਸਮੁਪ੍ਪਾਦੇਸੁ ਞਾਣਂ ਪવਤ੍ਤਤੀਤਿ – ਗਮ੍ਭੀਰਪਞ੍ਞਾ। ਗਮ੍ਭੀਰੇਸੁ ਸੁਞ੍ਞਤਮਨੁਪਲਬ੍ਭੇਸੁ ਞਾਣਂ ਪવਤ੍ਤਤੀਤਿ – ਗਮ੍ਭੀਰਪਞ੍ਞਾ। ਗਮ੍ਭੀਰੇਸੁ ਅਤ੍ਥੇਸੁ ਞਾਣਂ ਪવਤ੍ਤਤੀਤਿ – ਗਮ੍ਭੀਰਪਞ੍ਞਾ। ਗਮ੍ਭੀਰੇਸੁ ਧਮ੍ਮੇਸੁ ਞਾਣਂ ਪવਤ੍ਤਤੀਤਿ – ਗਮ੍ਭੀਰਪਞ੍ਞਾ। ਗਮ੍ਭੀਰਾਸੁ ਨਿਰੁਤ੍ਤੀਸੁ ਞਾਣਂ ਪવਤ੍ਤਤੀਤਿ – ਗਮ੍ਭੀਰਪਞ੍ਞਾ। ਗਮ੍ਭੀਰੇਸੁ ਪਟਿਭਾਨੇਸੁ ਞਾਣਂ ਪવਤ੍ਤਤੀਤਿ – ਗਮ੍ਭੀਰਪਞ੍ਞਾ। ਗਮ੍ਭੀਰੇਸੁ ਸੀਲਕ੍ਖਨ੍ਧੇਸੁ ਞਾਣਂ ਪવਤ੍ਤਤੀਤਿ – ਗਮ੍ਭੀਰਪਞ੍ਞਾ। ਗਮ੍ਭੀਰੇਸੁ ਸਮਾਧਿਕ੍ਖਨ੍ਧੇਸੁ ਞਾਣਂ ਪવਤ੍ਤਤੀਤਿ – ਗਮ੍ਭੀਰਪਞ੍ਞਾ । ਗਮ੍ਭੀਰੇਸੁ ਪਞ੍ਞਾਕ੍ਖਨ੍ਧੇਸੁ ਞਾਣਂ ਪવਤ੍ਤਤੀਤਿ – ਗਮ੍ਭੀਰਪਞ੍ਞਾ। ਗਮ੍ਭੀਰੇਸੁ વਿਮੁਤ੍ਤਿਕ੍ਖਨ੍ਧੇਸੁ ਞਾਣਂ ਪવਤ੍ਤਤੀਤਿ – ਗਮ੍ਭੀਰਪਞ੍ਞਾ। ਗਮ੍ਭੀਰੇਸੁ વਿਮੁਤ੍ਤਿਞਾਣਦਸ੍ਸਨਕ੍ਖਨ੍ਧੇਸੁ ਞਾਣਂ ਪવਤ੍ਤਤੀਤਿ – ਗਮ੍ਭੀਰਪਞ੍ਞਾ। ਗਮ੍ਭੀਰੇਸੁ ਠਾਨਾਟ੍ਠਾਨੇਸੁ ਞਾਣਂ ਪવਤ੍ਤਤੀਤਿ – ਗਮ੍ਭੀਰਪਞ੍ਞਾ। ਗਮ੍ਭੀਰਾਸੁ વਿਹਾਰਸਮਾਪਤ੍ਤੀਸੁ ਞਾਣਂ ਪવਤ੍ਤਤੀਤਿ – ਗਮ੍ਭੀਰਪਞ੍ਞਾ। ਗਮ੍ਭੀਰੇਸੁ ਅਰਿਯਸਚ੍ਚੇਸੁ ਞਾਣਂ ਪવਤ੍ਤਤੀਤਿ – ਗਮ੍ਭੀਰਪਞ੍ਞਾ। ਗਮ੍ਭੀਰੇਸੁ ਸਤਿਪਟ੍ਠਾਨੇਸੁ ਞਾਣਂ ਪવਤ੍ਤਤੀਤਿ – ਗਮ੍ਭੀਰਪਞ੍ਞਾ। ਗਮ੍ਭੀਰੇਸੁ ਸਮ੍ਮਪ੍ਪਧਾਨੇਸੁ ਞਾਣਂ ਪવਤ੍ਤਤੀਤਿ – ਗਮ੍ਭੀਰਪਞ੍ਞਾ। ਗਮ੍ਭੀਰੇਸੁ ਇਦ੍ਧਿਪਾਦੇਸੁ ਞਾਣਂ ਪવਤ੍ਤਤੀਤਿ – ਗਮ੍ਭੀਰਪਞ੍ਞਾ। ਗਮ੍ਭੀਰੇਸੁ ਇਨ੍ਦ੍ਰਿਯੇਸੁ ਞਾਣਂ ਪવਤ੍ਤਤੀਤਿ – ਗਮ੍ਭੀਰਪਞ੍ਞਾ। ਗਮ੍ਭੀਰੇਸੁ ਬਲੇਸੁ ਞਾਣਂ ਪવਤ੍ਤਤੀਤਿ – ਗਮ੍ਭੀਰਪਞ੍ਞਾ। ਗਮ੍ਭੀਰੇਸੁ ਬੋਜ੍ਝਙ੍ਗੇਸੁ ਞਾਣਂ ਪવਤ੍ਤਤੀਤਿ – ਗਮ੍ਭੀਰਪਞ੍ਞਾ। ਗਮ੍ਭੀਰੇਸੁ ਅਰਿਯਮਗ੍ਗੇਸੁ ਞਾਣਂ ਪવਤ੍ਤਤੀਤਿ – ਗਮ੍ਭੀਰਪਞ੍ਞਾ। ਗਮ੍ਭੀਰੇਸੁ ਸਾਮਞ੍ਞਫਲੇਸੁ ਞਾਣਂ ਪવਤ੍ਤਤੀਤਿ – ਗਮ੍ਭੀਰਪਞ੍ਞਾ। ਗਮ੍ਭੀਰਾਸੁ ਅਭਿਞ੍ਞਾਸੁ ਞਾਣਂ ਪવਤ੍ਤਤੀਤਿ – ਗਮ੍ਭੀਰਪਞ੍ਞਾ। ਗਮ੍ਭੀਰੇ ਪਰਮਤ੍ਥੇ ਨਿਬ੍ਬਾਨੇ ਞਾਣਂ ਪવਤ੍ਤਤੀਤਿ – ਗਮ੍ਭੀਰਪਞ੍ਞਾ। ਗਮ੍ਭੀਰਪਞ੍ਞਤਾਯ ਸਂવਤ੍ਤਨ੍ਤੀਤਿ – ਅਯਂ ਗਮ੍ਭੀਰਪਞ੍ਞਾ।
Gambhīrapaññatāya saṃvattantīti katamā gambhīrapaññā? Gambhīresu khandhesu ñāṇaṃ pavattatīti – gambhīrapaññā. Gambhīrāsu dhātūsu ñāṇaṃ pavattatīti – gambhīrapaññā. Gambhīresu āyatanesu ñāṇaṃ pavattatīti – gambhīrapaññā. Gambhīresu paṭiccasamuppādesu ñāṇaṃ pavattatīti – gambhīrapaññā. Gambhīresu suññatamanupalabbhesu ñāṇaṃ pavattatīti – gambhīrapaññā. Gambhīresu atthesu ñāṇaṃ pavattatīti – gambhīrapaññā. Gambhīresu dhammesu ñāṇaṃ pavattatīti – gambhīrapaññā. Gambhīrāsu niruttīsu ñāṇaṃ pavattatīti – gambhīrapaññā. Gambhīresu paṭibhānesu ñāṇaṃ pavattatīti – gambhīrapaññā. Gambhīresu sīlakkhandhesu ñāṇaṃ pavattatīti – gambhīrapaññā. Gambhīresu samādhikkhandhesu ñāṇaṃ pavattatīti – gambhīrapaññā . Gambhīresu paññākkhandhesu ñāṇaṃ pavattatīti – gambhīrapaññā. Gambhīresu vimuttikkhandhesu ñāṇaṃ pavattatīti – gambhīrapaññā. Gambhīresu vimuttiñāṇadassanakkhandhesu ñāṇaṃ pavattatīti – gambhīrapaññā. Gambhīresu ṭhānāṭṭhānesu ñāṇaṃ pavattatīti – gambhīrapaññā. Gambhīrāsu vihārasamāpattīsu ñāṇaṃ pavattatīti – gambhīrapaññā. Gambhīresu ariyasaccesu ñāṇaṃ pavattatīti – gambhīrapaññā. Gambhīresu satipaṭṭhānesu ñāṇaṃ pavattatīti – gambhīrapaññā. Gambhīresu sammappadhānesu ñāṇaṃ pavattatīti – gambhīrapaññā. Gambhīresu iddhipādesu ñāṇaṃ pavattatīti – gambhīrapaññā. Gambhīresu indriyesu ñāṇaṃ pavattatīti – gambhīrapaññā. Gambhīresu balesu ñāṇaṃ pavattatīti – gambhīrapaññā. Gambhīresu bojjhaṅgesu ñāṇaṃ pavattatīti – gambhīrapaññā. Gambhīresu ariyamaggesu ñāṇaṃ pavattatīti – gambhīrapaññā. Gambhīresu sāmaññaphalesu ñāṇaṃ pavattatīti – gambhīrapaññā. Gambhīrāsu abhiññāsu ñāṇaṃ pavattatīti – gambhīrapaññā. Gambhīre paramatthe nibbāne ñāṇaṃ pavattatīti – gambhīrapaññā. Gambhīrapaññatāya saṃvattantīti – ayaṃ gambhīrapaññā.
ਅਸਾਮਨ੍ਤਪਞ੍ਞਤਾਯ ਸਂવਤ੍ਤਨ੍ਤੀਤਿ ਕਤਮਾ ਅਸਾਮਨ੍ਤਪਞ੍ਞਾ? ਯਸ੍ਸ ਪੁਗ੍ਗਲਸ੍ਸ ਅਤ੍ਥવવਤ੍ਥਾਨਤੋ ਅਤ੍ਥਪਟਿਸਮ੍ਭਿਦਾ ਅਧਿਗਤਾ ਹੋਤਿ ਸਚ੍ਛਿਕਤਾ ਫਸ੍ਸਿਤਾ ਪਞ੍ਞਾਯ, ਧਮ੍ਮવવਤ੍ਥਾਨਤੋ ਧਮ੍ਮਪਟਿਸਮ੍ਭਿਦਾ ਅਧਿਗਤਾ ਹੋਤਿ ਸਚ੍ਛਿਕਤਾ ਫਸ੍ਸਿਤਾ ਪਞ੍ਞਾਯ, ਨਿਰੁਤ੍ਤਿવવਤ੍ਥਾਨਤੋ ਨਿਰੁਤ੍ਤਿਪਟਿਸਮ੍ਭਿਦਾ ਅਧਿਗਤਾ ਹੋਤਿ ਸਚ੍ਛਿਕਤਾ ਫਸ੍ਸਿਤਾ ਪਞ੍ਞਾਯ, ਪਟਿਭਾਨવવਤ੍ਥਾਨਤੋ ਪਟਿਭਾਨਪਟਿਸਮ੍ਭਿਦਾ ਅਧਿਗਤਾ ਹੋਤਿ ਸਚ੍ਛਿਕਤਾ ਫਸ੍ਸਿਤਾ ਪਞ੍ਞਾਯ, ਤਸ੍ਸ ਅਤ੍ਥੇ ਚ ਧਮ੍ਮੇ ਚ ਨਿਰੁਤ੍ਤਿਯਾ ਚ ਪਟਿਭਾਨੇ ਚ ਨ ਅਞ੍ਞੋ ਕੋਚਿ ਸਕ੍ਕੋਤਿ ਅਭਿਸਮ੍ਭવਿਤੁਂ। ਅਨਭਿਸਮ੍ਭવਨੀਯੋ ਚ ਸੋ ਅਞ੍ਞੇਹੀਤਿ – ਅਸਾਮਨ੍ਤਪਞ੍ਞੋ।
Asāmantapaññatāya saṃvattantīti katamā asāmantapaññā? Yassa puggalassa atthavavatthānato atthapaṭisambhidā adhigatā hoti sacchikatā phassitā paññāya, dhammavavatthānato dhammapaṭisambhidā adhigatā hoti sacchikatā phassitā paññāya, niruttivavatthānato niruttipaṭisambhidā adhigatā hoti sacchikatā phassitā paññāya, paṭibhānavavatthānato paṭibhānapaṭisambhidā adhigatā hoti sacchikatā phassitā paññāya, tassa atthe ca dhamme ca niruttiyā ca paṭibhāne ca na añño koci sakkoti abhisambhavituṃ. Anabhisambhavanīyo ca so aññehīti – asāmantapañño.
ਪੁਥੁਜ੍ਜਨਕਲ੍ਯਾਣਕਸ੍ਸ ਪਞ੍ਞਾ ਅਟ੍ਠਮਕਸ੍ਸ ਪਞ੍ਞਾਯ ਦੂਰੇ વਿਦੂਰੇ ਸੁવਿਦੂਰੇ ਨ ਸਨ੍ਤਿਕੇ ਨ ਸਾਮਨ੍ਤਾ। ਪੁਥੁਜ੍ਜਨਕਲ੍ਯਾਣਕਂ ਉਪਾਦਾਯ ਅਟ੍ਠਮਕੋ ਅਸਾਮਨ੍ਤਪਞ੍ਞੋ। ਅਟ੍ਠਮਕਸ੍ਸ ਪਞ੍ਞਾ ਸੋਤਾਪਨ੍ਨਸ੍ਸ ਪਞ੍ਞਾਯ ਦੂਰੇ વਿਦੂਰੇ ਸੁવਿਦੂਰੇ ਨ ਸਨ੍ਤਿਕੇ ਨ ਸਾਮਨ੍ਤਾ। ਅਟ੍ਠਮਕਂ ਉਪਾਦਾਯ ਸੋਤਾਪਨ੍ਨੋ ਅਸਾਮਨ੍ਤਪਞ੍ਞੋ। ਸੋਤਾਪਨ੍ਨਸ੍ਸ ਪਞ੍ਞਾ ਸਕਦਾਗਾਮਿਸ੍ਸ ਪਞ੍ਞਾਯ ਦੂਰੇ વਿਦੂਰੇ ਸੁવਿਦੂਰੇ ਨ ਸਨ੍ਤਿਕੇ ਨ ਸਾਮਨ੍ਤਾ। ਸੋਤਾਪਨ੍ਨਂ ਉਪਾਦਾਯ ਸਕਦਾਗਾਮਿ ਅਸਾਮਨ੍ਤਪਞ੍ਞੋ। ਸਕਦਾਗਾਮਿਸ੍ਸ ਪਞ੍ਞਾ ਅਨਾਗਾਮਿਸ੍ਸ ਪਞ੍ਞਾਯ ਦੂਰੇ વਿਦੂਰੇ ਸੁવਿਦੂਰੇ ਨ ਸਨ੍ਤਿਕੇ ਨ ਸਾਮਨ੍ਤਾ। ਸਕਦਾਗਾਮਿਂ ਉਪਾਦਾਯ ਅਨਾਗਾਮੀ ਅਸਾਮਨ੍ਤਪਞ੍ਞੋ। ਅਨਾਗਾਮਿਸ੍ਸ ਪਞ੍ਞਾ ਅਰਹਤੋ ਪਞ੍ਞਾਯ ਦੂਰੇ વਿਦੂਰੇ ਸੁવਿਦੂਰੇ ਨ ਸਨ੍ਤਿਕੇ ਨ ਸਾਮਨ੍ਤਾ। ਅਨਾਗਾਮਿਂ ਉਪਾਦਾਯ ਅਰਹਾ ਅਸਾਮਨ੍ਤਪਞ੍ਞੋ। ਅਰਹਤੋ ਪਞ੍ਞਾ ਪਚ੍ਚੇਕਸਮ੍ਬੁਦ੍ਧਸ੍ਸ 9 ਪਞ੍ਞਾਯ ਦੂਰੇ વਿਦੂਰੇ ਸੁવਿਦੂਰੇ ਨ ਸਨ੍ਤਿਕੇ ਨ ਸਾਮਨ੍ਤਾ। ਅਰਹਨ੍ਤਂ ਉਪਾਦਾਯ ਪਚ੍ਚੇਕਬੁਦ੍ਧੋ ਅਸਾਮਨ੍ਤਪਞ੍ਞੋ। ਪਚ੍ਚੇਕਬੁਦ੍ਧਞ੍ਚ ਸਦੇવਕਞ੍ਚ ਲੋਕਂ ਉਪਾਦਾਯ ਤਥਾਗਤੋ ਅਰਹਂ ਸਮ੍ਮਾਸਮ੍ਬੁਦ੍ਧੋ ਅਗ੍ਗੋ ਅਸਾਮਨ੍ਤਪਞ੍ਞੋ।
Puthujjanakalyāṇakassa paññā aṭṭhamakassa paññāya dūre vidūre suvidūre na santike na sāmantā. Puthujjanakalyāṇakaṃ upādāya aṭṭhamako asāmantapañño. Aṭṭhamakassa paññā sotāpannassa paññāya dūre vidūre suvidūre na santike na sāmantā. Aṭṭhamakaṃ upādāya sotāpanno asāmantapañño. Sotāpannassa paññā sakadāgāmissa paññāya dūre vidūre suvidūre na santike na sāmantā. Sotāpannaṃ upādāya sakadāgāmi asāmantapañño. Sakadāgāmissa paññā anāgāmissa paññāya dūre vidūre suvidūre na santike na sāmantā. Sakadāgāmiṃ upādāya anāgāmī asāmantapañño. Anāgāmissa paññā arahato paññāya dūre vidūre suvidūre na santike na sāmantā. Anāgāmiṃ upādāya arahā asāmantapañño. Arahato paññā paccekasambuddhassa 10 paññāya dūre vidūre suvidūre na santike na sāmantā. Arahantaṃ upādāya paccekabuddho asāmantapañño. Paccekabuddhañca sadevakañca lokaṃ upādāya tathāgato arahaṃ sammāsambuddho aggo asāmantapañño.
੫. ਪਞ੍ਞਾਪਭੇਦਕੁਸਲੋ ਪਭਿਨ੍ਨਞਾਣੋ ਅਧਿਗਤਪ੍ਪਟਿਸਮ੍ਭਿਦੋ ਚਤੁવੇਸਾਰਜ੍ਜਪ੍ਪਤ੍ਤੋ ਦਸਬਲਧਾਰੀ ਪੁਰਿਸਾਸਭੋ ਪੁਰਿਸਸੀਹੋ ਪੁਰਿਸਨਾਗੋ ਪੁਰਿਸਾਜਞ੍ਞੋ ਪੁਰਿਸਧੋਰਯ੍ਹੋ ਅਨਨ੍ਤਞਾਣੋ ਅਨਨ੍ਤਤੇਜੋ ਅਨਨ੍ਤਯਸੋ ਅਡ੍ਢੋ ਮਹਦ੍ਧਨੋ ਧਨવਾ ਨੇਤਾ વਿਨੇਤਾ ਅਨੁਨੇਤਾ ਪਞ੍ਞਾਪੇਤਾ ਨਿਜ੍ਝਾਪੇਤਾ ਪੇਕ੍ਖੇਤਾ ਪਸਾਦੇਤਾ। ਸੋ ਹਿ ਭਗવਾ ਅਨੁਪ੍ਪਨ੍ਨਸ੍ਸ ਮਗ੍ਗਸ੍ਸ ਉਪ੍ਪਾਦੇਤਾ, ਅਸਞ੍ਜਾਤਸ੍ਸ ਮਗ੍ਗਸ੍ਸ ਸਞ੍ਜਨੇਤਾ 11, ਅਨਕ੍ਖਾਤਸ੍ਸ ਮਗ੍ਗਸ੍ਸ ਅਕ੍ਖਾਤਾ, ਮਗ੍ਗਞ੍ਞੂ ਮਗ੍ਗવਿਦੂ ਮਗ੍ਗਕੋવਿਦੋ ਮਗ੍ਗਾਨੁਗਾਮੀ 12 ਚ ਪਨਸ੍ਸ ਏਤਰਹਿ ਸਾવਕਾ વਿਹਰਨ੍ਤਿ ਪਚ੍ਛਾ ਸਮਨ੍ਨਾਗਤਾ।
5. Paññāpabhedakusalo pabhinnañāṇo adhigatappaṭisambhido catuvesārajjappatto dasabaladhārī purisāsabho purisasīho purisanāgo purisājañño purisadhorayho anantañāṇo anantatejo anantayaso aḍḍho mahaddhano dhanavā netā vinetā anunetā paññāpetā nijjhāpetā pekkhetā pasādetā. So hi bhagavā anuppannassa maggassa uppādetā, asañjātassa maggassa sañjanetā 13, anakkhātassa maggassa akkhātā, maggaññū maggavidū maggakovido maggānugāmī 14 ca panassa etarahi sāvakā viharanti pacchā samannāgatā.
ਸੋ ਹਿ ਭਗવਾ ਜਾਨਂ ਜਾਨਾਤਿ, ਪਸ੍ਸਂ ਪਸ੍ਸਤਿ, ਚਕ੍ਖੁਭੂਤੋ ਞਾਣਭੂਤੋ ਧਮ੍ਮਭੂਤੋ ਬ੍ਰਹ੍ਮਭੂਤੋ વਤ੍ਤਾ ਪવਤ੍ਤਾ ਅਤ੍ਥਸ੍ਸ ਨਿਨ੍ਨੇਤਾ ਅਮਤਸ੍ਸ ਦਾਤਾ ਧਮ੍ਮਸ੍ਸਾਮੀ ਤਥਾਗਤੋ। ਨਤ੍ਥਿ ਤਸ੍ਸ ਭਗવਤੋ ਅਞ੍ਞਾਤਂ ਅਦਿਟ੍ਠਂ ਅવਿਦਿਤਂ ਅਸਚ੍ਛਿਕਤਂ ਅਫਸ੍ਸਿਤਂ ਪਞ੍ਞਾਯ। ਅਤੀਤਂ ਅਨਾਗਤਂ ਪਚ੍ਚੁਪ੍ਪਨ੍ਨਂ 15 ਉਪਾਦਾਯ ਸਬ੍ਬੇ ਧਮ੍ਮਾ ਸਬ੍ਬਾਕਾਰੇਨ ਬੁਦ੍ਧਸ੍ਸ ਭਗવਤੋ ਞਾਣਮੁਖੇ ਆਪਾਥਂ ਆਗਚ੍ਛਨ੍ਤਿ। ਯਂ ਕਿਞ੍ਚਿ ਨੇਯ੍ਯਂ ਨਾਮ ਅਤ੍ਥਿ ਤਂ ਸਬ੍ਬਂ ਜਾਨਿਤਬ੍ਬਂ 16। ਅਤ੍ਤਤ੍ਥੋ વਾ ਪਰਤ੍ਥੋ વਾ ਉਭਯਤ੍ਥੋ વਾ ਦਿਟ੍ਠਧਮ੍ਮਿਕੋ વਾ ਅਤ੍ਥੋ ਸਮ੍ਪਰਾਯਿਕੋ વਾ ਅਤ੍ਥੋ ਉਤ੍ਤਾਨੋ વਾ ਅਤ੍ਥੋ ਗਮ੍ਭੀਰੋ વਾ ਅਤ੍ਥੋ ਗੂਲ਼੍ਹੋ વਾ ਅਤ੍ਥੋ ਪਟਿਚ੍ਛਨ੍ਨੋ વਾ ਅਤ੍ਥੋ ਨੇਯ੍ਯੋ વਾ ਅਤ੍ਥੋ ਨੀਤੋ વਾ ਅਤ੍ਥੋ ਅਨવਜ੍ਜੋ વਾ ਅਤ੍ਥੋ ਨਿਕ੍ਕਿਲੇਸੋ વਾ ਅਤ੍ਥੋ વੋਦਾਨੋ વਾ ਅਤ੍ਥੋ ਪਰਮਤ੍ਥੋ વਾ ਅਤ੍ਥੋ, ਸਬ੍ਬਂ ਤਂ ਅਨ੍ਤੋਬੁਦ੍ਧਞਾਣੇ ਪਰਿવਤ੍ਤਤਿ।
So hi bhagavā jānaṃ jānāti, passaṃ passati, cakkhubhūto ñāṇabhūto dhammabhūto brahmabhūto vattā pavattā atthassa ninnetā amatassa dātā dhammassāmī tathāgato. Natthi tassa bhagavato aññātaṃ adiṭṭhaṃ aviditaṃ asacchikataṃ aphassitaṃ paññāya. Atītaṃ anāgataṃ paccuppannaṃ 17 upādāya sabbe dhammā sabbākārena buddhassa bhagavato ñāṇamukhe āpāthaṃ āgacchanti. Yaṃ kiñci neyyaṃ nāma atthi taṃ sabbaṃ jānitabbaṃ 18. Attattho vā parattho vā ubhayattho vā diṭṭhadhammiko vā attho samparāyiko vā attho uttāno vā attho gambhīro vā attho gūḷho vā attho paṭicchanno vā attho neyyo vā attho nīto vā attho anavajjo vā attho nikkileso vā attho vodāno vā attho paramattho vā attho, sabbaṃ taṃ antobuddhañāṇe parivattati.
ਸਬ੍ਬਂ ਕਾਯਕਮ੍ਮਂ ਬੁਦ੍ਧਸ੍ਸ ਭਗવਤੋ ਞਾਣਾਨੁਪਰਿવਤ੍ਤਿ । ਸਬ੍ਬਂ વਚੀਕਮ੍ਮਂ ਬੁਦ੍ਧਸ੍ਸ ਭਗવਤੋ ਞਾਣਾਨੁਪਰਿવਤ੍ਤਿ। ਸਬ੍ਬਂ ਮਨੋਕਮ੍ਮਂ ਬੁਦ੍ਧਸ੍ਸ ਭਗવਤੋ ਞਾਣਾਨੁਪਰਿવਤ੍ਤਿ। ਅਤੀਤੇ ਬੁਦ੍ਧਸ੍ਸ ਭਗવਤੋ ਅਪ੍ਪਟਿਹਤਂ ਞਾਣਂ। ਅਨਾਗਤੇ ਬੁਦ੍ਧਸ੍ਸ ਭਗવਤੋ ਅਪ੍ਪਟਿਹਤਂ ਞਾਣਂ। ਪਚ੍ਚੁਪ੍ਪਨ੍ਨੇ ਬੁਦ੍ਧਸ੍ਸ ਭਗવਤੋ ਅਪ੍ਪਟਿਹਤਂ ਞਾਣਂ। ਯਾવਤਕਂ ਨੇਯ੍ਯਂ ਤਾવਤਕਂ ਞਾਣਂ, ਯਾવਤਕਂ ਞਾਣਂ ਤਾવਤਕਂ ਨੇਯ੍ਯਂ। ਨੇਯ੍ਯਪਰਿਯਨ੍ਤਿਕਂ ਞਾਣਂ, ਞਾਣਪਰਿਯਨ੍ਤਿਕਂ ਨੇਯ੍ਯਂ। ਨੇਯ੍ਯਂ ਅਤਿਕ੍ਕਮਿਤ੍વਾ ਞਾਣਂ ਨਪ੍ਪવਤ੍ਤਤਿ। ਞਾਣਂ ਅਤਿਕ੍ਕਮਿਤ੍વਾ ਨੇਯ੍ਯਪਥੋ ਨਤ੍ਥਿ। ਅਞ੍ਞਮਞ੍ਞਪਰਿਯਨ੍ਤਟ੍ਠਾਯਿਨੋ ਤੇ ਧਮ੍ਮਾ। ਯਥਾ ਦ੍વਿਨ੍ਨਂ ਸਮੁਗ੍ਗਪਟਲਾਨਂ ਸਮ੍ਮਾ ਫੁਸਿਤਾਨਂ 19 ਹੇਟ੍ਠਿਮਂ ਸਮੁਗ੍ਗਪਟਲਂ ਉਪਰਿਮਂ ਨਾਤਿવਤ੍ਤਤਿ, ਉਪਰਿਮਂ ਸਮੁਗ੍ਗਪਟਲਂ ਹੇਟ੍ਠਿਮਂ ਨਾਤਿવਤ੍ਤਤਿ, ਅਞ੍ਞਮਞ੍ਞਪਰਿਯਨ੍ਤਟ੍ਠਾਯਿਨੋ; ਏવਮੇવ ਬੁਦ੍ਧਸ੍ਸ ਭਗવਤੋ ਨੇਯ੍ਯਞ੍ਚ ਞਾਣਞ੍ਚ ਅਞ੍ਞਮਞ੍ਞਪਰਿਯਨ੍ਤਟ੍ਠਾਯਿਨੋ। ਯਾવਤਕਂ ਨੇਯ੍ਯਂ ਤਾવਤਕਂ ਞਾਣਂ, ਯਾવਤਕਂ ਞਾਣਂ ਤਾવਤਕਂ ਨੇਯ੍ਯਂ। ਨੇਯ੍ਯਪਰਿਯਨ੍ਤਿਕਂ ਞਾਣਂ, ਞਾਣਪਰਿਯਨ੍ਤਿਕਂ ਨੇਯ੍ਯਂ। ਨੇਯ੍ਯਂ ਅਤਿਕ੍ਕਮਿਤ੍વਾ ਞਾਣਂ ਨਪ੍ਪવਤ੍ਤਤਿ। ਞਾਣਂ ਅਤਿਕ੍ਕਮਿਤ੍વਾ ਨੇਯ੍ਯਪਥੋ ਨਤ੍ਥਿ। ਅਞ੍ਞਮਞ੍ਞਪਰਿਯਨ੍ਤਟ੍ਠਾਯਿਨੋ ਤੇ ਧਮ੍ਮਾ। ਸਬ੍ਬਧਮ੍ਮੇਸੁ ਬੁਦ੍ਧਸ੍ਸ ਭਗવਤੋ ਞਾਣਂ ਪવਤ੍ਤਤਿ।
Sabbaṃ kāyakammaṃ buddhassa bhagavato ñāṇānuparivatti . Sabbaṃ vacīkammaṃ buddhassa bhagavato ñāṇānuparivatti. Sabbaṃ manokammaṃ buddhassa bhagavato ñāṇānuparivatti. Atīte buddhassa bhagavato appaṭihataṃ ñāṇaṃ. Anāgate buddhassa bhagavato appaṭihataṃ ñāṇaṃ. Paccuppanne buddhassa bhagavato appaṭihataṃ ñāṇaṃ. Yāvatakaṃ neyyaṃ tāvatakaṃ ñāṇaṃ, yāvatakaṃ ñāṇaṃ tāvatakaṃ neyyaṃ. Neyyapariyantikaṃ ñāṇaṃ, ñāṇapariyantikaṃ neyyaṃ. Neyyaṃ atikkamitvā ñāṇaṃ nappavattati. Ñāṇaṃ atikkamitvā neyyapatho natthi. Aññamaññapariyantaṭṭhāyino te dhammā. Yathā dvinnaṃ samuggapaṭalānaṃ sammā phusitānaṃ 20 heṭṭhimaṃ samuggapaṭalaṃ uparimaṃ nātivattati, uparimaṃ samuggapaṭalaṃ heṭṭhimaṃ nātivattati, aññamaññapariyantaṭṭhāyino; evameva buddhassa bhagavato neyyañca ñāṇañca aññamaññapariyantaṭṭhāyino. Yāvatakaṃ neyyaṃ tāvatakaṃ ñāṇaṃ, yāvatakaṃ ñāṇaṃ tāvatakaṃ neyyaṃ. Neyyapariyantikaṃ ñāṇaṃ, ñāṇapariyantikaṃ neyyaṃ. Neyyaṃ atikkamitvā ñāṇaṃ nappavattati. Ñāṇaṃ atikkamitvā neyyapatho natthi. Aññamaññapariyantaṭṭhāyino te dhammā. Sabbadhammesu buddhassa bhagavato ñāṇaṃ pavattati.
ਸਬ੍ਬੇ ਧਮ੍ਮਾ ਬੁਦ੍ਧਸ੍ਸ ਭਗવਤੋ ਆવਜ੍ਜਨਪ੍ਪਟਿਬਦ੍ਧਾ ਆਕਙ੍ਖਪ੍ਪਟਿਬਦ੍ਧਾ ਮਨਸਿਕਾਰਪ੍ਪਟਿਬਦ੍ਧਾ ਚਿਤ੍ਤੁਪ੍ਪਾਦਪ੍ਪਟਿਬਦ੍ਧਾ। ਸਬ੍ਬਸਤ੍ਤੇਸੁ ਬੁਦ੍ਧਸ੍ਸ ਭਗવਤੋ ਞਾਣਂ ਪવਤ੍ਤਤਿ। ਸਬ੍ਬੇਸਂ ਸਤ੍ਤਾਨਂ ਬੁਦ੍ਧੋ ਆਸਯਂ ਜਾਨਾਤਿ, ਅਨੁਸਯਂ ਜਾਨਾਤਿ, ਚਰਿਤਂ 21 ਜਾਨਾਤਿ, ਅਧਿਮੁਤ੍ਤਿਂ ਜਾਨਾਤਿ । ਅਪ੍ਪਰਜਕ੍ਖੇ ਮਹਾਰਜਕ੍ਖੇ ਤਿਕ੍ਖਿਨ੍ਦ੍ਰਿਯੇ ਮੁਦਿਨ੍ਦ੍ਰਿਯੇ ਸ੍વਾਕਾਰੇ ਦ੍વਾਕਾਰੇ ਸੁવਿਞ੍ਞਾਪਯੇ ਦੁવਿਞ੍ਞਾਪਯੇ ਭਬ੍ਬਾਭਬ੍ਬੇ ਸਤ੍ਤੇ ਪਜਾਨਾਤਿ। ਸਦੇવਕੋ ਲੋਕੋ ਸਮਾਰਕੋ ਸਬ੍ਰਹ੍ਮਕੋ ਸਸ੍ਸਮਣਬ੍ਰਾਹ੍ਮਣੀ ਪਜਾ ਸਦੇવਮਨੁਸ੍ਸਾ ਅਨ੍ਤੋਬੁਦ੍ਧਞਾਣੇ ਪਰਿવਤ੍ਤਤਿ।
Sabbe dhammā buddhassa bhagavato āvajjanappaṭibaddhā ākaṅkhappaṭibaddhā manasikārappaṭibaddhā cittuppādappaṭibaddhā. Sabbasattesu buddhassa bhagavato ñāṇaṃ pavattati. Sabbesaṃ sattānaṃ buddho āsayaṃ jānāti, anusayaṃ jānāti, caritaṃ 22 jānāti, adhimuttiṃ jānāti . Apparajakkhe mahārajakkhe tikkhindriye mudindriye svākāre dvākāre suviññāpaye duviññāpaye bhabbābhabbe satte pajānāti. Sadevako loko samārako sabrahmako sassamaṇabrāhmaṇī pajā sadevamanussā antobuddhañāṇe parivattati.
ਯਥਾ ਯੇ ਕੇਚਿ ਮਚ੍ਛਕਚ੍ਛਪਾ, ਅਨ੍ਤਮਸੋ ਤਿਮਿਤਿਮਿਙ੍ਗਲਂ ਉਪਾਦਾਯ, ਅਨ੍ਤੋਮਹਾਸਮੁਦ੍ਦੇ ਪਰਿવਤ੍ਤਨ੍ਤਿ, ਏવਮੇવਂ ਸਦੇવਕੋ ਲੋਕੋ ਸਮਾਰਕੋ ਸਬ੍ਰਹ੍ਮਕੋ ਸਸ੍ਸਮਣਬ੍ਰਾਹ੍ਮਣੀ ਪਜਾ ਸਦੇવਮਨੁਸ੍ਸਾ ਅਨ੍ਤੋਬੁਦ੍ਧਞਾਣੇ ਪਰਿવਤ੍ਤਤਿ। ਯਥਾ ਯੇ ਕੇਚਿ ਪਕ੍ਖਿਨੋ, ਅਨ੍ਤਮਸੋ ਗਰੁਲ਼ਂ વੇਨਤੇਯ੍ਯਂ ਉਪਾਦਾਯ, ਆਕਾਸਸ੍ਸ ਪਦੇਸੇ ਪਰਿવਤ੍ਤਨ੍ਤਿ; ਏવਮੇવ ਯੇਪਿ ਤੇ ਸਾਰਿਪੁਤ੍ਤਸਮਾ ਪਞ੍ਞਾਯ ਤੇਪਿ ਬੁਦ੍ਧਞਾਣਸ੍ਸ ਪਦੇਸੇ ਪਰਿવਤ੍ਤਨ੍ਤਿ। ਬੁਦ੍ਧਞਾਣਂ ਦੇવਮਨੁਸ੍ਸਾਨਂ ਪਞ੍ਞਂ ਫਰਿਤ੍વਾ ਅਤਿਘਂਸਿਤ੍વਾ ਤਿਟ੍ਠਤਿ। ਯੇਪਿ ਤੇ ਖਤ੍ਤਿਯਪਣ੍ਡਿਤਾ ਬ੍ਰਾਹ੍ਮਣਪਣ੍ਡਿਤਾ ਗਹਪਤਿਪਣ੍ਡਿਤਾ ਸਮਣਪਣ੍ਡਿਤਾ ਨਿਪੁਣਾ ਕਤਪਰਪ੍ਪવਾਦਾ વਾਲવੇਧਿਰੂਪਾ વੋਭਿਨ੍ਦਨ੍ਤਾ 23 ਮਞ੍ਞੇ ਚਰਨ੍ਤਿ ਪਞ੍ਞਾਗਤੇਨ ਦਿਟ੍ਠਿਗਤਾਨਿ, ਤੇ ਪਞ੍ਹਂ ਅਭਿਸਙ੍ਖਰਿਤ੍વਾ ਅਭਿਸਙ੍ਖਰਿਤ੍વਾ ਤਥਾਗਤਂ ਉਪਸਙ੍ਕਮਿਤ੍વਾ ਪੁਚ੍ਛਨ੍ਤਿ ਗੂਲ਼੍ਹਾਨਿ ਚ ਪਟਿਚ੍ਛਨ੍ਨਾਨਿ ਚ, ਕਥਿਤਾ વਿਸਜ੍ਜਿਤਾ ਚ ਤੇ ਪਞ੍ਹਾ ਭਗવਤਾ ਹੋਨ੍ਤਿ ਨਿਦ੍ਦਿਟ੍ਠਕਾਰਣਾ 24। ਉਪਕ੍ਖਿਤ੍ਤਕਾ ਚ ਤੇ ਭਗવਤੋ ਸਮ੍ਪਜ੍ਜਨ੍ਤਿ। ਅਥ ਖੋ ਭਗવਾ ਤਤ੍ਥ ਅਤਿਰੋਚਤਿ ਯਦਿਦਂ ਪਞ੍ਞਾਯਾਤਿ। ਅਗ੍ਗੋ ਅਸਾਮਨ੍ਤਪਞ੍ਞੋ, ਅਸਾਮਨ੍ਤਪਞ੍ਞਤਾਯ ਸਂવਤ੍ਤਨ੍ਤੀਤਿ – ਅਯਂ ਅਸਾਮਨ੍ਤਪਞ੍ਞਾ।
Yathā ye keci macchakacchapā, antamaso timitimiṅgalaṃ upādāya, antomahāsamudde parivattanti, evamevaṃ sadevako loko samārako sabrahmako sassamaṇabrāhmaṇī pajā sadevamanussā antobuddhañāṇe parivattati. Yathā ye keci pakkhino, antamaso garuḷaṃ venateyyaṃ upādāya, ākāsassa padese parivattanti; evameva yepi te sāriputtasamā paññāya tepi buddhañāṇassa padese parivattanti. Buddhañāṇaṃ devamanussānaṃ paññaṃ pharitvā atighaṃsitvā tiṭṭhati. Yepi te khattiyapaṇḍitā brāhmaṇapaṇḍitā gahapatipaṇḍitā samaṇapaṇḍitā nipuṇā kataparappavādā vālavedhirūpā vobhindantā 25 maññe caranti paññāgatena diṭṭhigatāni, te pañhaṃ abhisaṅkharitvā abhisaṅkharitvā tathāgataṃ upasaṅkamitvā pucchanti gūḷhāni ca paṭicchannāni ca, kathitā visajjitā ca te pañhā bhagavatā honti niddiṭṭhakāraṇā 26. Upakkhittakā ca te bhagavato sampajjanti. Atha kho bhagavā tattha atirocati yadidaṃ paññāyāti. Aggo asāmantapañño, asāmantapaññatāya saṃvattantīti – ayaṃ asāmantapaññā.
੬. ਭੂਰਿਪਞ੍ਞਤਾਯ ਸਂવਤ੍ਤਨ੍ਤੀਤਿ ਕਤਮਾ ਭੂਰਿਪਞ੍ਞਾ? ਰਾਗਂ ਅਭਿਭੁਯ੍ਯਤੀਤਿ – ਭੂਰਿਪਞ੍ਞਾ। ਅਭਿਭવਿਤਾਤਿ – ਭੂਰਿਪਞ੍ਞਾ। ਦੋਸਂ ਅਭਿਭੁਯ੍ਯਤੀਤਿ – ਭੂਰਿਪਞ੍ਞਾ। ਅਭਿਭવਿਤਾਤਿ – ਭੂਰਿਪਞ੍ਞਾ। ਮੋਹਂ ਅਭਿਭੁਯ੍ਯਤੀਤਿ – ਭੂਰਿਪਞ੍ਞਾ। ਅਭਿਭવਿਤਾਤਿ – ਭੂਰਿਪਞ੍ਞਾ। ਕੋਧਂ…ਪੇ॰… ਉਪਨਾਹਂ … ਮਕ੍ਖਂ… ਪਲ਼ਾਸਂ… ਇਸ੍ਸਂ… ਮਚ੍ਛਰਿਯਂ… ਮਾਯਂ… ਸਾਠੇਯ੍ਯਂ… ਥਮ੍ਭਂ… ਸਾਰਮ੍ਭਂ… ਮਾਨਂ… ਅਤਿਮਾਨਂ… ਮਦਂ… ਪਮਾਦਂ… ਸਬ੍ਬੇ ਕਿਲੇਸੇ… ਸਬ੍ਬੇ ਦੁਚ੍ਚਰਿਤੇ… ਸਬ੍ਬੇ ਅਭਿਸਙ੍ਖਾਰੇ…ਪੇ॰… ਸਬ੍ਬੇ ਭવਗਾਮਿਕਮ੍ਮੇ ਅਭਿਭੁਯ੍ਯਤੀਤਿ – ਭੂਰਿਪਞ੍ਞਾ। ਅਭਿਭવਿਤਾਤਿ – ਭੂਰਿਪਞ੍ਞਾ। ਰਾਗੋ ਅਰਿ। ਤਂ ਅਰਿਂ ਮਦ੍ਦਨਿਪਞ੍ਞਾਤਿ – ਭੂਰਿਪਞ੍ਞਾ। ਦੋਸੋ ਅਰਿ। ਤਂ ਅਰਿਂ ਮਦ੍ਦਨਿਪਞ੍ਞਾਤਿ – ਭੂਰਿਪਞ੍ਞਾ। ਮੋਹੋ ਅਰਿ। ਤਂ ਅਰਿਂ ਮਦ੍ਦਨਿਪਞ੍ਞਾਤਿ – ਭੂਰਿਪਞ੍ਞਾ। ਕੋਧੋ…ਪੇ॰… ਉਪਨਾਹੋ… ਮਕ੍ਖੋ… ਪਲ਼ਾਸੋ… ਇਸ੍ਸਾ… ਮਚ੍ਛਰਿਯਂ… ਮਾਯਾ… ਸਾਠੇਯ੍ਯਂ… ਥਮ੍ਭੋ… ਸਾਰਮ੍ਭੋ… ਮਾਨੋ… ਅਤਿਮਾਨੋ… ਮਦੋ… ਪਮਾਦੋ… ਸਬ੍ਬੇ ਕਿਲੇਸਾ… ਸਬ੍ਬੇ ਦੁਚ੍ਚਰਿਤਾ… ਸਬ੍ਬੇ ਅਭਿਸਙ੍ਖਾਰਾ…ਪੇ॰… ਸਬ੍ਬੇ ਭવਗਾਮਿਕਮ੍ਮਾ ਅਰਿ। ਤਂ ਅਰਿਂ ਮਦ੍ਦਨਿਪਞ੍ਞਾਤਿ – ਭੂਰਿਪਞ੍ਞਾ। ਭੂਰਿ વੁਚ੍ਚਤਿ ਪਥવੀ 27। ਤਾਯ ਪਥવਿਸਮਾਯ વਿਤ੍ਥਤਾਯ વਿਪੁਲਾਯ ਪਞ੍ਞਾਯ ਸਮਨ੍ਨਾਗਤੋਤਿ – ਭੂਰਿਪਞ੍ਞਾ। ਅਪਿ ਚ, ਪਞ੍ਞਾਯ ਮੇਤਂ ਅਧਿવਚਨਂ। ਭੂਰਿ ਮੇਧਾ ਪਰਿਣਾਯਿਕਾਤਿ – ਭੂਰਿਪਞ੍ਞਾ। ਭੂਰਿਪਞ੍ਞਤਾਯ ਸਂવਤ੍ਤਨ੍ਤੀਤਿ – ਅਯਂ ਭੂਰਿਪਞ੍ਞਾ।
6.Bhūripaññatāyasaṃvattantīti katamā bhūripaññā? Rāgaṃ abhibhuyyatīti – bhūripaññā. Abhibhavitāti – bhūripaññā. Dosaṃ abhibhuyyatīti – bhūripaññā. Abhibhavitāti – bhūripaññā. Mohaṃ abhibhuyyatīti – bhūripaññā. Abhibhavitāti – bhūripaññā. Kodhaṃ…pe… upanāhaṃ … makkhaṃ… paḷāsaṃ… issaṃ… macchariyaṃ… māyaṃ… sāṭheyyaṃ… thambhaṃ… sārambhaṃ… mānaṃ… atimānaṃ… madaṃ… pamādaṃ… sabbe kilese… sabbe duccarite… sabbe abhisaṅkhāre…pe… sabbe bhavagāmikamme abhibhuyyatīti – bhūripaññā. Abhibhavitāti – bhūripaññā. Rāgo ari. Taṃ ariṃ maddanipaññāti – bhūripaññā. Doso ari. Taṃ ariṃ maddanipaññāti – bhūripaññā. Moho ari. Taṃ ariṃ maddanipaññāti – bhūripaññā. Kodho…pe… upanāho… makkho… paḷāso… issā… macchariyaṃ… māyā… sāṭheyyaṃ… thambho… sārambho… māno… atimāno… mado… pamādo… sabbe kilesā… sabbe duccaritā… sabbe abhisaṅkhārā…pe… sabbe bhavagāmikammā ari. Taṃ ariṃ maddanipaññāti – bhūripaññā. Bhūri vuccati pathavī 28. Tāya pathavisamāya vitthatāya vipulāya paññāya samannāgatoti – bhūripaññā. Api ca, paññāya metaṃ adhivacanaṃ. Bhūri medhā pariṇāyikāti – bhūripaññā. Bhūripaññatāya saṃvattantīti – ayaṃ bhūripaññā.
ਪਞ੍ਞਾਬਾਹੁਲ੍ਲਾਯ ਸਂવਤ੍ਤਨ੍ਤੀਤਿ ਕਤਮਂ ਪਞ੍ਞਾਬਾਹੁਲ੍ਲਂ? ਇਧੇਕਚ੍ਚੋ ਪਞ੍ਞਾਗਰੁਕੋ ਹੋਤਿ ਪਞ੍ਞਾਚਰਿਤੋ ਪਞ੍ਞਾਸਯੋ ਪਞ੍ਞਾਧਿਮੁਤ੍ਤੋ ਪਞ੍ਞਾਧਜੋ ਪਞ੍ਞਾਕੇਤੁ ਪਞ੍ਞਾਧਿਪਤੇਯ੍ਯੋ વਿਚਯਬਹੁਲੋ ਪવਿਚਯਬਹੁਲੋ ਓਕ੍ਖਾਯਨਬਹੁਲੋ ਸਮੋਕ੍ਖਾਯਨਬਹੁਲੋ 29 ਸਮ੍ਪੇਕ੍ਖਾਯਨਧਮ੍ਮੋ વਿਭੂਤવਿਹਾਰੀ ਤਚ੍ਚਰਿਤੋ ਤਗ੍ਗਰੁਕੋ ਤਬ੍ਬਹੁਲੋ ਤਨ੍ਨਿਨ੍ਨੋ ਤਪ੍ਪੋਣੋ ਤਪ੍ਪਬ੍ਭਾਰੋ ਤਦਧਿਮੁਤ੍ਤੋ ਤਦਧਿਪਤੇਯ੍ਯੋ। ਯਥਾ ਗਣਗਰੁਕੋ વੁਚ੍ਚਤਿ ‘‘ਗਣਬਾਹੁਲਿਕੋ’’ਤਿ, ਚੀવਰਗਰੁਕੋ વੁਚ੍ਚਤਿ ‘‘ਚੀવਰਬਾਹੁਲਿਕੋ’’ਤਿ, ਪਤ੍ਤਗਰੁਕੋ વੁਚ੍ਚਤਿ ‘‘ਪਤ੍ਤਬਾਹੁਲਿਕੋ’’ਤਿ, ਸੇਨਾਸਨਗਰੁਕੋ વੁਚ੍ਚਤਿ ‘‘ਸੇਨਾਸਨਬਾਹੁਲਿਕੋ’’ਤਿ; ਏવਮੇવਂ ਇਧੇਕਚ੍ਚੋ ਪਞ੍ਞਾ ਗਰੁਕੋ ਹੋਤਿ ਪਞ੍ਞਾਚਰਿਤੋ ਪਞ੍ਞਾਸਯੋ ਪਞ੍ਞਾਧਿਮੁਤ੍ਤੋ ਪਞ੍ਞਾਧਜੋ ਪਞ੍ਞਾਕੇਤੁ ਪਞ੍ਞਾਧਿਪਤੇਯ੍ਯੋ વਿਚਯਬਹੁਲੋ ਪવਿਚਯਬਹੁਲੋ ਓਕ੍ਖਾਯਨਬਹੁਲੋ ਸਮੋਕ੍ਖਾਯਨਬਹੁਲੋ ਸਮ੍ਪੇਕ੍ਖਾਯਨਧਮ੍ਮੋ વਿਭੂਤવਿਹਾਰੀ ਤਚ੍ਚਰਿਤੋ ਤਗ੍ਗਰੁਕੋ ਤਬ੍ਬਹੁਲੋ ਤਨ੍ਨਿਨ੍ਨੋ ਤਪ੍ਪੋਣੋ ਤਪ੍ਪਬ੍ਭਾਰੋ ਤਦਧਿਮੁਤ੍ਤੋ ਤਦਧਿਪਤੇਯ੍ਯੋ। ਪਞ੍ਞਾਬਾਹੁਲ੍ਲਾਯ ਸਂવਤ੍ਤਨ੍ਤੀਤਿ – ਇਦਂ ਪਞ੍ਞਾਬਾਹੁਲ੍ਲਂ।
Paññābāhullāyasaṃvattantīti katamaṃ paññābāhullaṃ? Idhekacco paññāgaruko hoti paññācarito paññāsayo paññādhimutto paññādhajo paññāketu paññādhipateyyo vicayabahulo pavicayabahulo okkhāyanabahulo samokkhāyanabahulo 30 sampekkhāyanadhammo vibhūtavihārī taccarito taggaruko tabbahulo tanninno tappoṇo tappabbhāro tadadhimutto tadadhipateyyo. Yathā gaṇagaruko vuccati ‘‘gaṇabāhuliko’’ti, cīvaragaruko vuccati ‘‘cīvarabāhuliko’’ti, pattagaruko vuccati ‘‘pattabāhuliko’’ti, senāsanagaruko vuccati ‘‘senāsanabāhuliko’’ti; evamevaṃ idhekacco paññā garuko hoti paññācarito paññāsayo paññādhimutto paññādhajo paññāketu paññādhipateyyo vicayabahulo pavicayabahulo okkhāyanabahulo samokkhāyanabahulo sampekkhāyanadhammo vibhūtavihārī taccarito taggaruko tabbahulo tanninno tappoṇo tappabbhāro tadadhimutto tadadhipateyyo. Paññābāhullāya saṃvattantīti – idaṃ paññābāhullaṃ.
ਸੀਘਪਞ੍ਞਤਾਯ ਸਂવਤ੍ਤਨ੍ਤੀਤਿ ਕਤਮਾ ਸੀਘਪਞ੍ਞਾ? ਸੀਘਂ ਸੀਘਂ ਸੀਲਾਨਿ ਪਰਿਪੂਰੇਤੀਤਿ – ਸੀਘਪਞ੍ਞਾ। ਸੀਘਂ ਸੀਘਂ ਇਨ੍ਦ੍ਰਿਯਸਂવਰਂ ਪਰਿਪੂਰੇਤੀਤਿ – ਸੀਘਪਞ੍ਞਾ। ਸੀਘਂ ਸੀਘਂ ਭੋਜਨੇ ਮਤ੍ਤਞ੍ਞੁਤਂ ਪਰਿਪੂਰੇਤੀਤਿ – ਸੀਘਪਞ੍ਞਾ। ਸੀਘਂ ਸੀਘਂ ਜਾਗਰਿਯਾਨੁਯੋਗਂ ਪਰਿਪੂਰੇਤੀਤਿ – ਸੀਘਪਞ੍ਞਾ। ਸੀਘਂ ਸੀਘਂ ਸੀਲਕ੍ਖਨ੍ਧਂ ਪਰਿਪੂਰੇਤੀਤਿ – ਸੀਘਪਞ੍ਞਾ। ਸੀਘਂ ਸੀਘਂ ਸਮਾਧਿਕ੍ਖਨ੍ਧਂ ਪਰਿਪੂਰੇਤੀਤਿ – ਸੀਘਪਞ੍ਞਾ। ਸੀਘਂ ਸੀਘਂ ਪਞ੍ਞਾਕ੍ਖਨ੍ਧਂ ਪਰਿਪੂਰੇਤੀਤਿ – ਸੀਘਪਞ੍ਞਾ । ਸੀਘਂ ਸੀਘਂ વਿਮੁਤ੍ਤਿਕ੍ਖਨ੍ਧਂ ਪਰਿਪੂਰੇਤੀਤਿ – ਸੀਘਪਞ੍ਞਾ। ਸੀਘਂ ਸੀਘਂ વਿਮੁਤ੍ਤਿਞਾਣਦਸ੍ਸਨਕ੍ਖਨ੍ਧਂ ਪਰਿਪੂਰੇਤੀਤਿ – ਸੀਘਪਞ੍ਞਾ। ਸੀਘਂ ਸੀਘਂ ਠਾਨਾਟ੍ਠਾਨਾਨਿ ਪਟਿવਿਜ੍ਝਤੀਤਿ – ਸੀਘਪਞ੍ਞਾ। ਸੀਘਂ ਸੀਘਂ વਿਹਾਰਸਮਾਪਤ੍ਤਿਯੋ ਪਰਿਪੂਰੇਤੀਤਿ – ਸੀਘਪਞ੍ਞਾ। ਸੀਘਂ ਸੀਘਂ ਅਰਿਯਸਚ੍ਚਾਨਿ ਪਟਿવਿਜ੍ਝਤੀਤਿ – ਸੀਘਪਞ੍ਞਾ। ਸੀਘਂ ਸੀਘਂ ਸਤਿਪਟ੍ਠਾਨੇ ਭਾવੇਤੀਤਿ – ਸੀਘਪਞ੍ਞਾ। ਸੀਘਂ ਸੀਘਂ ਸਮ੍ਮਪ੍ਪਧਾਨੇ ਭਾવੇਤੀਤਿ – ਸੀਘਪਞ੍ਞਾ। ਸੀਘਂ ਸੀਘਂ ਇਦ੍ਧਿਪਾਦੇ ਭਾવੇਤੀਤਿ – ਸੀਘਪਞ੍ਞਾ। ਸੀਘਂ ਸੀਘਂ ਇਨ੍ਦ੍ਰਿਯਾਨਿ ਭਾવੇਤੀਤਿ – ਸੀਘਪਞ੍ਞਾ। ਸੀਘਂ ਸੀਘਂ ਬਲਾਨਿ ਭਾવੇਤੀਤਿ – ਸੀਘਪਞ੍ਞਾ। ਸੀਘਂ ਸੀਘਂ ਬੋਜ੍ਝਙ੍ਗੇ ਭਾવੇਤੀਤਿ – ਸੀਘਪਞ੍ਞਾ। ਸੀਘਂ ਸੀਘਂ ਅਰਿਯਮਗ੍ਗਂ ਭਾવੇਤੀਤਿ – ਸੀਘਪਞ੍ਞਾ। ਸੀਘਂ ਸੀਘਂ ਸਾਮਞ੍ਞਫਲਾਨਿ ਸਚ੍ਛਿਕਰੋਤੀਤਿ – ਸੀਘਪਞ੍ਞਾ। ਸੀਘਂ ਸੀਘਂ ਅਭਿਞ੍ਞਾਯੋ ਪਟਿવਿਜ੍ਝਤੀਤਿ – ਸੀਘਪਞ੍ਞਾ। ਸੀਘਂ ਸੀਘਂ ਪਰਮਤ੍ਥਂ ਨਿਬ੍ਬਾਨਂ ਸਚ੍ਛਿਕਰੋਤੀਤਿ – ਸੀਘਪਞ੍ਞਾ। ਸੀਘਪਞ੍ਞਤਾਯ ਸਂવਤ੍ਤਨ੍ਤੀਤਿ – ਅਯਂ ਸੀਘਪਞ੍ਞਾ।
Sīghapaññatāya saṃvattantīti katamā sīghapaññā? Sīghaṃ sīghaṃ sīlāni paripūretīti – sīghapaññā. Sīghaṃ sīghaṃ indriyasaṃvaraṃ paripūretīti – sīghapaññā. Sīghaṃ sīghaṃ bhojane mattaññutaṃ paripūretīti – sīghapaññā. Sīghaṃ sīghaṃ jāgariyānuyogaṃ paripūretīti – sīghapaññā. Sīghaṃ sīghaṃ sīlakkhandhaṃ paripūretīti – sīghapaññā. Sīghaṃ sīghaṃ samādhikkhandhaṃ paripūretīti – sīghapaññā. Sīghaṃ sīghaṃ paññākkhandhaṃ paripūretīti – sīghapaññā . Sīghaṃ sīghaṃ vimuttikkhandhaṃ paripūretīti – sīghapaññā. Sīghaṃ sīghaṃ vimuttiñāṇadassanakkhandhaṃ paripūretīti – sīghapaññā. Sīghaṃ sīghaṃ ṭhānāṭṭhānāni paṭivijjhatīti – sīghapaññā. Sīghaṃ sīghaṃ vihārasamāpattiyo paripūretīti – sīghapaññā. Sīghaṃ sīghaṃ ariyasaccāni paṭivijjhatīti – sīghapaññā. Sīghaṃ sīghaṃ satipaṭṭhāne bhāvetīti – sīghapaññā. Sīghaṃ sīghaṃ sammappadhāne bhāvetīti – sīghapaññā. Sīghaṃ sīghaṃ iddhipāde bhāvetīti – sīghapaññā. Sīghaṃ sīghaṃ indriyāni bhāvetīti – sīghapaññā. Sīghaṃ sīghaṃ balāni bhāvetīti – sīghapaññā. Sīghaṃ sīghaṃ bojjhaṅge bhāvetīti – sīghapaññā. Sīghaṃ sīghaṃ ariyamaggaṃ bhāvetīti – sīghapaññā. Sīghaṃ sīghaṃ sāmaññaphalāni sacchikarotīti – sīghapaññā. Sīghaṃ sīghaṃ abhiññāyo paṭivijjhatīti – sīghapaññā. Sīghaṃ sīghaṃ paramatthaṃ nibbānaṃ sacchikarotīti – sīghapaññā. Sīghapaññatāya saṃvattantīti – ayaṃ sīghapaññā.
ਲਹੁਪਞ੍ਞਤਾਯ ਸਂવਤ੍ਤਨ੍ਤੀਤਿ ਕਤਮਾ ਲਹੁਪਞ੍ਞਾ? ਲਹੁਂ ਲਹੁਂ ਸੀਲਾਨਿ ਪਰਿਪੂਰੇਤੀਤਿ – ਲਹੁਪਞ੍ਞਾ। ਲਹੁਂ ਲਹੁਂ ਇਨ੍ਦ੍ਰਿਯਸਂવਰਂ ਪਰਿਪੂਰੇਤੀਤਿ – ਲਹੁਪਞ੍ਞਾ। ਲਹੁਂ ਲਹੁਂ ਭੋਜਨੇ ਮਤ੍ਤਞ੍ਞੁਤਂ ਪਰਿਪੂਰੇਤੀਤਿ – ਲਹੁਪਞ੍ਞਾ। ਲਹੁਂ ਲਹੁਂ ਜਾਗਰਿਯਾਨੁਯੋਗਂ ਪਰਿਪੂਰੇਤੀਤਿ – ਲਹੁਪਞ੍ਞਾ। ਲਹੁਂ ਲਹੁਂ ਸੀਲਕ੍ਖਨ੍ਧਂ …ਪੇ॰… ਸਮਾਧਿਕ੍ਖਨ੍ਧਂ … ਪਞ੍ਞਾਕ੍ਖਨ੍ਧਂ… વਿਮੁਤ੍ਤਿਕ੍ਖਨ੍ਧਂ… વਿਮੁਤ੍ਤਿਞਾਣਦਸ੍ਸਨਕ੍ਖਨ੍ਧਂ ਪਰਿਪੂਰੇਤੀਤਿ – ਲਹੁਪਞ੍ਞਾ। ਲਹੁਂ ਲਹੁਂ ਠਾਨਾਟ੍ਠਾਨਾਨਿ ਪਟਿવਿਜ੍ਝਤੀਤਿ – ਲਹੁਪਞ੍ਞਾ। ਲਹੁਂ ਲਹੁਂ વਿਹਾਰਸਮਾਪਤ੍ਤਿਯੋ ਪਰਿਪੂਰੇਤੀਤਿ – ਲਹੁਪਞ੍ਞਾ। ਲਹੁਂ ਲਹੁਂ ਅਰਿਯਸਚ੍ਚਾਨਿ ਪਟਿવਿਜ੍ਝਤੀਤਿ – ਲਹੁਪਞ੍ਞਾ। ਲਹੁਂ ਲਹੁਂ ਸਤਿਪਟ੍ਠਾਨੇ ਭਾવੇਤੀਤਿ – ਲਹੁਪਞ੍ਞਾ। ਲਹੁਂ ਲਹੁਂ ਸਮ੍ਮਪ੍ਪਧਾਨੇ ਭਾવੇਤੀਤਿ – ਲਹੁਪਞ੍ਞਾ। ਲਹੁਂ ਲਹੁਂ ਇਦ੍ਧਿਪਾਦੇ ਭਾવੇਤੀਤਿ – ਲਹੁਪਞ੍ਞਾ। ਲਹੁਂ ਲਹੁਂ ਇਨ੍ਦ੍ਰਿਯਾਨਿ ਭਾવੇਤੀਤਿ – ਲਹੁਪਞ੍ਞਾ। ਲਹੁਂ ਲਹੁਂ ਬਲਾਨਿ ਭਾવੇਤੀਤਿ – ਲਹੁਪਞ੍ਞਾ। ਲਹੁਂ ਲਹੁਂ ਬੋਜ੍ਝਙ੍ਗੇ ਭਾવੇਤੀਤਿ – ਲਹੁਪਞ੍ਞਾ। ਲਹੁਂ ਲਹੁਂ ਅਰਿਯਮਗ੍ਗਂ ਭਾવੇਤੀਤਿ – ਲਹੁਪਞ੍ਞਾ। ਲਹੁਂ ਲਹੁਂ ਸਾਮਞ੍ਞਫਲਾਨਿ ਸਚ੍ਛਿਕਰੋਤੀਤਿ – ਲਹੁਪਞ੍ਞਾ। ਲਹੁਂ ਲਹੁਂ ਅਭਿਞ੍ਞਾਯੋ ਪਟਿવਿਜ੍ਝਤੀਤਿ – ਲਹੁਪਞ੍ਞਾ। ਲਹੁਂ ਲਹੁਂ ਪਰਮਤ੍ਥਂ ਨਿਬ੍ਬਾਨਂ ਸਚ੍ਛਿਕਰੋਤੀਤਿ – ਲਹੁਪਞ੍ਞਾ। ਲਹੁਪਞ੍ਞਤਾਯ ਸਂવਤ੍ਤਨ੍ਤੀਤਿ – ਅਯਂ ਲਹੁਪਞ੍ਞਾ।
Lahupaññatāya saṃvattantīti katamā lahupaññā? Lahuṃ lahuṃ sīlāni paripūretīti – lahupaññā. Lahuṃ lahuṃ indriyasaṃvaraṃ paripūretīti – lahupaññā. Lahuṃ lahuṃ bhojane mattaññutaṃ paripūretīti – lahupaññā. Lahuṃ lahuṃ jāgariyānuyogaṃ paripūretīti – lahupaññā. Lahuṃ lahuṃ sīlakkhandhaṃ …pe… samādhikkhandhaṃ … paññākkhandhaṃ… vimuttikkhandhaṃ… vimuttiñāṇadassanakkhandhaṃ paripūretīti – lahupaññā. Lahuṃ lahuṃ ṭhānāṭṭhānāni paṭivijjhatīti – lahupaññā. Lahuṃ lahuṃ vihārasamāpattiyo paripūretīti – lahupaññā. Lahuṃ lahuṃ ariyasaccāni paṭivijjhatīti – lahupaññā. Lahuṃ lahuṃ satipaṭṭhāne bhāvetīti – lahupaññā. Lahuṃ lahuṃ sammappadhāne bhāvetīti – lahupaññā. Lahuṃ lahuṃ iddhipāde bhāvetīti – lahupaññā. Lahuṃ lahuṃ indriyāni bhāvetīti – lahupaññā. Lahuṃ lahuṃ balāni bhāvetīti – lahupaññā. Lahuṃ lahuṃ bojjhaṅge bhāvetīti – lahupaññā. Lahuṃ lahuṃ ariyamaggaṃ bhāvetīti – lahupaññā. Lahuṃ lahuṃ sāmaññaphalāni sacchikarotīti – lahupaññā. Lahuṃ lahuṃ abhiññāyo paṭivijjhatīti – lahupaññā. Lahuṃ lahuṃ paramatthaṃ nibbānaṃ sacchikarotīti – lahupaññā. Lahupaññatāya saṃvattantīti – ayaṃ lahupaññā.
ਹਾਸਪਞ੍ਞਤਾਯ ਸਂવਤ੍ਤਨ੍ਤੀਤਿ ਕਤਮਾ ਹਾਸਪਞ੍ਞਾ? ਇਧੇਕਚ੍ਚੋ ਹਾਸਬਹੁਲੋ વੇਦਬਹੁਲੋ ਤੁਟ੍ਠਿਬਹੁਲੋ ਪਾਮੋਜ੍ਜਬਹੁਲੋ ਸੀਲਾਨਿ ਪਰਿਪੂਰੇਤੀਤਿ – ਹਾਸਪਞ੍ਞਾ। ਹਾਸਬਹੁਲੋ વੇਦਬਹੁਲੋ ਤੁਟ੍ਠਿਬਹੁਲੋ ਪਾਮੋਜ੍ਜਬਹੁਲੋ ਇਨ੍ਦ੍ਰਿਯਸਂવਰਂ ਪਰਿਪੂਰੇਤੀਤਿ – ਹਾਸਪਞ੍ਞਾ। ਹਾਸਬਹੁਲੋ વੇਦਬਹੁਲੋ ਤੁਟ੍ਠਿਬਹੁਲੋ ਪਾਮੋਜ੍ਜਬਹੁਲੋ ਭੋਜਨੇ ਮਤ੍ਤਞ੍ਞੁਤਂ ਪਰਿਪੂਰੇਤੀਤਿ – ਹਾਸਪਞ੍ਞਾ। ਹਾਸਬਹੁਲੋ વੇਦਬਹੁਲੋ ਤੁਟ੍ਠਿਬਹੁਲੋ ਪਾਮੋਜ੍ਜਬਹੁਲੋ ਜਾਗਰਿਯਾਨੁਯੋਗਂ ਪਰਿਪੂਰੇਤੀਤਿ – ਹਾਸਪਞ੍ਞਾ। ਹਾਸਬਹੁਲੋ વੇਦਬਹੁਲੋ ਤੁਟ੍ਠਿਬਹੁਲੋ ਪਾਮੋਜ੍ਜਬਹੁਲੋ ਸੀਲਕ੍ਖਨ੍ਧਂ…ਪੇ॰… ਸਮਾਧਿਕ੍ਖਨ੍ਧਂ… ਪਞ੍ਞਾਕ੍ਖਨ੍ਧਂ… વਿਮੁਤ੍ਤਿਕ੍ਖਨ੍ਧਂ… વਿਮੁਤ੍ਤਿਞਾਣਦਸ੍ਸਨਕ੍ਖਨ੍ਧਂ ਪਰਿਪੂਰੇਤੀਤਿ…ਪੇ॰… ਠਾਨਾਟ੍ਠਾਨਾਨਿ ਪਟਿવਿਜ੍ਝਤੀਤਿ… વਿਹਾਰਸਮਾਪਤ੍ਤਿਯੋ ਪਰਿਪੂਰੇਤੀਤਿ … ਅਰਿਯਸਚ੍ਚਾਨਿ ਪਟਿવਿਜ੍ਝਤੀਤਿ… ਸਤਿਪਟ੍ਠਾਨੇ ਭਾવੇਤੀਤਿ… ਸਮ੍ਮਪ੍ਪਧਾਨੇ ਭਾવੇਤੀਤਿ… ਇਦ੍ਧਿਪਾਦੇ ਭਾવੇਤੀਤਿ… ਇਨ੍ਦ੍ਰਿਯਾਨਿ ਭਾવੇਤੀਤਿ… ਬਲਾਨਿ ਭਾવੇਤੀਤਿ… ਬੋਜ੍ਝਙ੍ਗੇ ਭਾવੇਤੀਤਿ … ਅਰਿਯਮਗ੍ਗਂ ਭਾવੇਤੀਤਿ…ਪੇ॰… ਸਾਮਞ੍ਞਫਲਾਨਿ ਸਚ੍ਛਿਕਰੋਤੀਤਿ – ਹਾਸਪਞ੍ਞਾ। ਹਾਸਬਹੁਲੋ વੇਦਬਹੁਲੋ ਤੁਟ੍ਠਿਬਹੁਲੋ ਪਾਮੋਜ੍ਜਬਹੁਲੋ ਅਭਿਞ੍ਞਾਯੋ ਪਟਿવਿਜ੍ਝਤੀਤਿ – ਹਾਸਪਞ੍ਞਾ। ਹਾਸਬਹੁਲੋ વੇਦਬਹੁਲੋ ਤੁਟ੍ਠਿਬਹੁਲੋ ਪਾਮੋਜ੍ਜਬਹੁਲੋ ਪਰਮਤ੍ਥਂ ਨਿਬ੍ਬਾਨਂ ਸਚ੍ਛਿਕਰੋਤੀਤਿ – ਹਾਸਪਞ੍ਞਾ। ਹਾਸਪਞ੍ਞਤਾਯ ਸਂવਤ੍ਤਨ੍ਤੀਤਿ – ਅਯਂ ਹਾਸਪਞ੍ਞਾ।
Hāsapaññatāya saṃvattantīti katamā hāsapaññā? Idhekacco hāsabahulo vedabahulo tuṭṭhibahulo pāmojjabahulo sīlāni paripūretīti – hāsapaññā. Hāsabahulo vedabahulo tuṭṭhibahulo pāmojjabahulo indriyasaṃvaraṃ paripūretīti – hāsapaññā. Hāsabahulo vedabahulo tuṭṭhibahulo pāmojjabahulo bhojane mattaññutaṃ paripūretīti – hāsapaññā. Hāsabahulo vedabahulo tuṭṭhibahulo pāmojjabahulo jāgariyānuyogaṃ paripūretīti – hāsapaññā. Hāsabahulo vedabahulo tuṭṭhibahulo pāmojjabahulo sīlakkhandhaṃ…pe… samādhikkhandhaṃ… paññākkhandhaṃ… vimuttikkhandhaṃ… vimuttiñāṇadassanakkhandhaṃ paripūretīti…pe… ṭhānāṭṭhānāni paṭivijjhatīti… vihārasamāpattiyo paripūretīti … ariyasaccāni paṭivijjhatīti… satipaṭṭhāne bhāvetīti… sammappadhāne bhāvetīti… iddhipāde bhāvetīti… indriyāni bhāvetīti… balāni bhāvetīti… bojjhaṅge bhāvetīti … ariyamaggaṃ bhāvetīti…pe… sāmaññaphalāni sacchikarotīti – hāsapaññā. Hāsabahulo vedabahulo tuṭṭhibahulo pāmojjabahulo abhiññāyo paṭivijjhatīti – hāsapaññā. Hāsabahulo vedabahulo tuṭṭhibahulo pāmojjabahulo paramatthaṃ nibbānaṃ sacchikarotīti – hāsapaññā. Hāsapaññatāya saṃvattantīti – ayaṃ hāsapaññā.
੭. ਜવਨਪਞ੍ਞਤਾਯ ਸਂવਤ੍ਤਨ੍ਤੀਤਿ ਕਤਮਾ ਜવਨਪਞ੍ਞਾ? ਯਂ ਕਿਞ੍ਚਿ ਰੂਪਂ ਅਤੀਤਾਨਾਗਤਪਚ੍ਚੁਪ੍ਪਨ੍ਨਂ ਅਜ੍ਝਤ੍ਤਂ વਾ ਬਹਿਦ੍ਧਾ વਾ ਓਲ਼ਾਰਿਕਂ વਾ ਸੁਖੁਮਂ વਾ ਹੀਨਂ વਾ ਪਣੀਤਂ વਾ ਯਂ ਦੂਰੇ ਸਨ੍ਤਿਕੇ વਾ, ਸਬ੍ਬਂ ਰੂਪਂ ਅਨਿਚ੍ਚਤੋ ਖਿਪ੍ਪਂ ਜવਤੀਤਿ – ਜવਨਪਞ੍ਞਾ। ਦੁਕ੍ਖਤੋ ਖਿਪ੍ਪਂ ਜવਤੀਤਿ – ਜવਨਪਞ੍ਞਾ। ਅਨਤ੍ਤਤੋ ਖਿਪ੍ਪਂ ਜવਤੀਤਿ – ਜવਨਪਞ੍ਞਾ। ਯਾ ਕਾਚਿ વੇਦਨਾ…ਪੇ॰… ਯਾ ਕਾਚਿ ਸਞ੍ਞਾ… ਯੇ ਕੇਚਿ ਸਙ੍ਖਾਰਾ… ਯਂ ਕਿਞ੍ਚਿ વਿਞ੍ਞਾਣਂ ਅਤੀਤਾਨਾਗਤਪਚ੍ਚੁਪ੍ਪਨ੍ਨਂ ਅਜ੍ਝਤ੍ਤਂ વਾ ਬਹਿਦ੍ਧਾ વਾ ਓਲ਼ਾਰਿਕਂ વਾ ਸੁਖੁਮਂ વਾ ਹੀਨਂ વਾ ਪਣੀਤਂ વਾ ਯਂ ਦੂਰੇ ਸਨ੍ਤਿਕੇ વਾ, ਸਬ੍ਬਂ વਿਞ੍ਞਾਣਂ ਅਨਿਚ੍ਚਤੋ ਖਿਪ੍ਪਂ ਜવਤੀਤਿ – ਜવਨਪਞ੍ਞਾ। ਦੁਕ੍ਖਤੋ ਖਿਪ੍ਪਂ ਜવਤੀਤਿ – ਜવਨਪਞ੍ਞਾ। ਅਨਤ੍ਤਤੋ ਖਿਪ੍ਪਂ ਜવਤੀਤਿ – ਜવਨਪਞ੍ਞਾ। ਚਕ੍ਖੁ…ਪੇ॰… ਜਰਾਮਰਣਂ ਅਤੀਤਾਨਾਗਤਪਚ੍ਚੁਪ੍ਪਨ੍ਨਂ ਅਨਿਚ੍ਚਤੋ ਖਿਪ੍ਪਂ ਜવਤੀਤਿ – ਜવਨਪਞ੍ਞਾ। ਦੁਕ੍ਖਤੋ ਖਿਪ੍ਪਂ ਜવਤੀਤਿ – ਜવਨਪਞ੍ਞਾ । ਅਨਤ੍ਤਤੋ ਖਿਪ੍ਪਂ ਜવਤੀਤਿ – ਜવਨਪਞ੍ਞਾ।
7.Javanapaññatāya saṃvattantīti katamā javanapaññā? Yaṃ kiñci rūpaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, sabbaṃ rūpaṃ aniccato khippaṃ javatīti – javanapaññā. Dukkhato khippaṃ javatīti – javanapaññā. Anattato khippaṃ javatīti – javanapaññā. Yā kāci vedanā…pe… yā kāci saññā… ye keci saṅkhārā… yaṃ kiñci viññāṇaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, sabbaṃ viññāṇaṃ aniccato khippaṃ javatīti – javanapaññā. Dukkhato khippaṃ javatīti – javanapaññā. Anattato khippaṃ javatīti – javanapaññā. Cakkhu…pe… jarāmaraṇaṃ atītānāgatapaccuppannaṃ aniccato khippaṃ javatīti – javanapaññā. Dukkhato khippaṃ javatīti – javanapaññā . Anattato khippaṃ javatīti – javanapaññā.
ਰੂਪਂ ਅਤੀਤਾਨਾਗਤਪਚ੍ਚੁਪ੍ਪਨ੍ਨਂ ਅਨਿਚ੍ਚਂ ਖਯਟ੍ਠੇਨ ਦੁਕ੍ਖਂ ਭਯਟ੍ਠੇਨ ਅਨਤ੍ਤਾ ਅਸਾਰਕਟ੍ਠੇਨਾਤਿ ਤੁਲਯਿਤ੍વਾ ਤੀਰਯਿਤ੍વਾ વਿਭਾવਯਿਤ੍વਾ વਿਭੂਤਂ ਕਤ੍વਾ ਰੂਪਨਿਰੋਧੇ ਨਿਬ੍ਬਾਨੇ ਖਿਪ੍ਪਂ ਜવਤੀਤਿ – ਜવਨਪਞ੍ਞਾ। વੇਦਨਾ…ਪੇ॰… ਸਞ੍ਞਾ… ਸਙ੍ਖਾਰਾ… વਿਞ੍ਞਾਣਂ… ਚਕ੍ਖੁ…ਪੇ॰… ਜਰਾਮਰਣਂ ਅਤੀਤਾਨਾਗਤਪਚ੍ਚੁਪ੍ਪਨ੍ਨਂ ਅਨਿਚ੍ਚਂ ਖਯਟ੍ਠੇਨ ਦੁਕ੍ਖਂ ਭਯਟ੍ਠੇਨ ਅਨਤ੍ਤਾ ਅਸਾਰਕਟ੍ਠੇਨਾਤਿ ਤੁਲਯਿਤ੍વਾ ਤੀਰਯਿਤ੍વਾ વਿਭਾવਯਿਤ੍વਾ વਿਭੂਤਂ ਕਤ੍વਾ ਜਰਾਮਰਣਨਿਰੋਧੇ 31 ਨਿਬ੍ਬਾਨੇ ਖਿਪ੍ਪਂ ਜવਤੀਤਿ – ਜવਨਪਞ੍ਞਾ।
Rūpaṃ atītānāgatapaccuppannaṃ aniccaṃ khayaṭṭhena dukkhaṃ bhayaṭṭhena anattā asārakaṭṭhenāti tulayitvā tīrayitvā vibhāvayitvā vibhūtaṃ katvā rūpanirodhe nibbāne khippaṃ javatīti – javanapaññā. Vedanā…pe… saññā… saṅkhārā… viññāṇaṃ… cakkhu…pe… jarāmaraṇaṃ atītānāgatapaccuppannaṃ aniccaṃ khayaṭṭhena dukkhaṃ bhayaṭṭhena anattā asārakaṭṭhenāti tulayitvā tīrayitvā vibhāvayitvā vibhūtaṃ katvā jarāmaraṇanirodhe 32 nibbāne khippaṃ javatīti – javanapaññā.
ਰੂਪਂ ਅਤੀਤਾਨਾਗਤਪਚ੍ਚੁਪ੍ਪਨ੍ਨਂ ਅਨਿਚ੍ਚਂ ਸਙ੍ਖਤਂ ਪਟਿਚ੍ਚਸਮੁਪ੍ਪਨ੍ਨਂ ਖਯਧਮ੍ਮਂ વਯਧਮ੍ਮਂ વਿਰਾਗਧਮ੍ਮਂ ਨਿਰੋਧਧਮ੍ਮਨ੍ਤਿ ਤੁਲਯਿਤ੍વਾ ਤੀਰਯਿਤ੍વਾ વਿਭਾવਯਿਤ੍વਾ વਿਭੂਤਂ ਕਤ੍વਾ ਰੂਪਨਿਰੋਧੇ ਨਿਬ੍ਬਾਨੇ ਖਿਪ੍ਪਂ ਜવਤੀਤਿ – ਜવਨਪਞ੍ਞਾ। વੇਦਨਾ…ਪੇ॰… ਸਞ੍ਞਾ… ਸਙ੍ਖਾਰਾ… વਿਞ੍ਞਾਣਂ… ਚਕ੍ਖੁ…ਪੇ॰… ਜਰਾਮਰਣਂ ਅਤੀਤਾਨਾਗਤਪਚ੍ਚੁਪ੍ਪਨ੍ਨਂ ਅਨਿਚ੍ਚਂ ਸਙ੍ਖਤਂ ਪਟਿਚ੍ਚਸਮੁਪ੍ਪਨ੍ਨਂ ਖਯਧਮ੍ਮਂ વਯਧਮ੍ਮਂ વਿਰਾਗਧਮ੍ਮਂ ਨਿਰੋਧਧਮ੍ਮਨ੍ਤਿ ਤੁਲਯਿਤ੍વਾ ਤੀਰਯਿਤ੍વਾ વਿਭਾવਯਿਤ੍વਾ વਿਭੂਤਂ ਕਤ੍વਾ ਜਰਾਮਰਣਨਿਰੋਧੇ ਨਿਬ੍ਬਾਨੇ ਖਿਪ੍ਪਂ ਜવਤੀਤਿ – ਜવਨਪਞ੍ਞਾ। ਜવਨਪਞ੍ਞਤਾਯ ਸਂવਤ੍ਤਨ੍ਤੀਤਿ – ਅਯਂ ਜવਨਪਞ੍ਞਾ।
Rūpaṃ atītānāgatapaccuppannaṃ aniccaṃ saṅkhataṃ paṭiccasamuppannaṃ khayadhammaṃ vayadhammaṃ virāgadhammaṃ nirodhadhammanti tulayitvā tīrayitvā vibhāvayitvā vibhūtaṃ katvā rūpanirodhe nibbāne khippaṃ javatīti – javanapaññā. Vedanā…pe… saññā… saṅkhārā… viññāṇaṃ… cakkhu…pe… jarāmaraṇaṃ atītānāgatapaccuppannaṃ aniccaṃ saṅkhataṃ paṭiccasamuppannaṃ khayadhammaṃ vayadhammaṃ virāgadhammaṃ nirodhadhammanti tulayitvā tīrayitvā vibhāvayitvā vibhūtaṃ katvā jarāmaraṇanirodhe nibbāne khippaṃ javatīti – javanapaññā. Javanapaññatāya saṃvattantīti – ayaṃ javanapaññā.
ਤਿਕ੍ਖਪਞ੍ਞਤਾਯ ਸਂવਤ੍ਤਨ੍ਤੀਤਿ ਕਤਮਾ ਤਿਕ੍ਖਪਞ੍ਞਾ? ਖਿਪ੍ਪਂ ਕਿਲੇਸੇ ਛਿਨ੍ਦਤੀਤਿ – ਤਿਕ੍ਖਪਞ੍ਞਾ। ਉਪ੍ਪਨ੍ਨਂ ਕਾਮવਿਤਕ੍ਕਂ ਨਾਧਿવਾਸੇਤਿ ਪਜਹਤਿ વਿਨੋਦੇਤਿ ਬ੍ਯਨ੍ਤੀਕਰੋਤਿ 33 ਅਨਭਾવਂ ਗਮੇਤੀਤਿ – ਤਿਕ੍ਖਪਞ੍ਞਾ। ਉਪ੍ਪਨ੍ਨਂ ਬ੍ਯਾਪਾਦવਿਤਕ੍ਕਂ ਨਾਧਿવਾਸੇਤਿ ਪਜਹਤਿ વਿਨੋਦੇਤਿ ਬ੍ਯਨ੍ਤੀਕਰੋਤਿ ਅਨਭਾવਂ ਗਮੇਤੀਤਿ – ਤਿਕ੍ਖਪਞ੍ਞਾ। ਉਪ੍ਪਨ੍ਨਂ વਿਹਿਂਸਾવਿਤਕ੍ਕਂ ਨਾਧਿવਾਸੇਤਿ…ਪੇ॰… ਉਪ੍ਪਨ੍ਨੁਪ੍ਪਨ੍ਨੇ ਪਾਪਕੇ ਅਕੁਸਲੇ ਧਮ੍ਮੇ ਨਾਧਿવਾਸੇਤਿ ਪਜਹਤਿ વਿਨੋਦੇਤਿ ਬ੍ਯਨ੍ਤੀਕਰੋਤਿ ਅਨਭਾવਂ ਗਮੇਤੀਤਿ – ਤਿਕ੍ਖਪਞ੍ਞਾ। ਉਪ੍ਪਨ੍ਨਂ ਰਾਗਂ ਨਾਧਿવਾਸੇਤਿ ਪਜਹਤਿ વਿਨੋਦੇਤਿ ਬ੍ਯਨ੍ਤੀਕਰੋਤਿ ਅਨਭਾવਂ ਗਮੇਤੀਤਿ – ਤਿਕ੍ਖਪਞ੍ਞਾ। ਉਪ੍ਪਨ੍ਨਂ ਦੋਸਂ…ਪੇ॰… ਉਪ੍ਪਨ੍ਨਂ ਮੋਹਂ … ਉਪ੍ਪਨ੍ਨਂ ਕੋਧਂ… ਉਪ੍ਪਨ੍ਨਂ ਉਪਨਾਹਂ… ਮਕ੍ਖਂ… ਪਲ਼ਾਸਂ… ਇਸ੍ਸਂ… ਮਚ੍ਛਰਿਯਂ… ਮਾਯਂ… ਸਾਠੇਯ੍ਯਂ… ਥਮ੍ਭਂ… ਸਾਰਮ੍ਭਂ… ਮਾਨਂ… ਅਤਿਮਾਨਂ… ਮਦਂ… ਪਮਾਦਂ… ਸਬ੍ਬੇ ਕਿਲੇਸੇ… ਸਬ੍ਬੇ ਦੁਚ੍ਚਰਿਤੇ… ਸਬ੍ਬੇ ਅਭਿਸਙ੍ਖਾਰੇ…ਪੇ॰… ਸਬ੍ਬੇ ਭવਗਾਮਿਕਮ੍ਮੇ ਨਾਧਿવਾਸੇਤਿ ਪਜਹਤਿ વਿਨੋਦੇਤਿ ਬ੍ਯਨ੍ਤੀਕਰੋਤਿ ਅਨਭਾવਂ ਗਮੇਤੀਤਿ – ਤਿਕ੍ਖਪਞ੍ਞਾ। ਏਕਸ੍ਮਿਂ ਆਸਨੇ ਚਤ੍ਤਾਰੋ ਚ ਅਰਿਯਮਗ੍ਗਾ ਚਤ੍ਤਾਰਿ ਚ ਸਾਮਞ੍ਞਫਲਾਨਿ ਚਤਸ੍ਸੋ ਪਟਿਸਮ੍ਭਿਦਾਯੋ ਛ ਅਭਿਞ੍ਞਾਯੋ ਅਧਿਗਤਾ ਹੋਨ੍ਤਿ ਸਚ੍ਛਿਕਤਾ ਫਸ੍ਸਿਤਾ ਪਞ੍ਞਾਯਾਤਿ – ਤਿਕ੍ਖਪਞ੍ਞਾ। ਤਿਕ੍ਖਪਞ੍ਞਤਾਯ ਸਂવਤ੍ਤਨ੍ਤੀਤਿ – ਅਯਂ ਤਿਕ੍ਖਪਞ੍ਞਾ।
Tikkhapaññatāya saṃvattantīti katamā tikkhapaññā? Khippaṃ kilese chindatīti – tikkhapaññā. Uppannaṃ kāmavitakkaṃ nādhivāseti pajahati vinodeti byantīkaroti 34 anabhāvaṃ gametīti – tikkhapaññā. Uppannaṃ byāpādavitakkaṃ nādhivāseti pajahati vinodeti byantīkaroti anabhāvaṃ gametīti – tikkhapaññā. Uppannaṃ vihiṃsāvitakkaṃ nādhivāseti…pe… uppannuppanne pāpake akusale dhamme nādhivāseti pajahati vinodeti byantīkaroti anabhāvaṃ gametīti – tikkhapaññā. Uppannaṃ rāgaṃ nādhivāseti pajahati vinodeti byantīkaroti anabhāvaṃ gametīti – tikkhapaññā. Uppannaṃ dosaṃ…pe… uppannaṃ mohaṃ … uppannaṃ kodhaṃ… uppannaṃ upanāhaṃ… makkhaṃ… paḷāsaṃ… issaṃ… macchariyaṃ… māyaṃ… sāṭheyyaṃ… thambhaṃ… sārambhaṃ… mānaṃ… atimānaṃ… madaṃ… pamādaṃ… sabbe kilese… sabbe duccarite… sabbe abhisaṅkhāre…pe… sabbe bhavagāmikamme nādhivāseti pajahati vinodeti byantīkaroti anabhāvaṃ gametīti – tikkhapaññā. Ekasmiṃ āsane cattāro ca ariyamaggā cattāri ca sāmaññaphalāni catasso paṭisambhidāyo cha abhiññāyo adhigatā honti sacchikatā phassitā paññāyāti – tikkhapaññā. Tikkhapaññatāya saṃvattantīti – ayaṃ tikkhapaññā.
ਨਿਬ੍ਬੇਧਿਕਪਞ੍ਞਤਾਯ ਸਂવਤ੍ਤਨ੍ਤੀਤਿ ਕਤਮਾ ਨਿਬ੍ਬੇਧਿਕਪਞ੍ਞਾ? ਇਧੇਕਚ੍ਚੋ ਸਬ੍ਬਸਙ੍ਖਾਰੇਸੁ ਉਬ੍ਬੇਗਬਹੁਲੋ ਹੋਤਿ ਉਤ੍ਤਾਸਬਹੁਲੋ ਉਕ੍ਕਣ੍ਠਨਬਹੁਲੋ ਅਰਤਿਬਹੁਲੋ ਅਨਭਿਰਤਿਬਹੁਲੋ। ਬਹਿਮੁਖੋ ਨ ਰਮਤਿ ਸਬ੍ਬਸਙ੍ਖਾਰੇਸੁ। ਅਨਿਬ੍ਬਿਦ੍ਧਪੁਬ੍ਬਂ ਅਪ੍ਪਦਾਲਿਤਪੁਬ੍ਬਂ ਲੋਭਕ੍ਖਨ੍ਧਂ ਨਿਬ੍ਬਿਜ੍ਝਤਿ ਪਦਾਲੇਤੀਤਿ – ਨਿਬ੍ਬੇਧਿਕਪਞ੍ਞਾ। ਅਨਿਬ੍ਬਿਦ੍ਧਪੁਬ੍ਬਂ ਅਪ੍ਪਦਾਲਿਤਪੁਬ੍ਬਂ ਦੋਸਕ੍ਖਨ੍ਧਂ ਨਿਬ੍ਬਿਜ੍ਝਤਿ ਪਦਾਲੇਤੀਤਿ – ਨਿਬ੍ਬੇਧਿਕਪਞ੍ਞਾ। ਅਨਿਬ੍ਬਿਦ੍ਧਪੁਬ੍ਬਂ ਅਪ੍ਪਦਾਲਿਤਪੁਬ੍ਬਂ ਮੋਹਕ੍ਖਨ੍ਧਂ ਨਿਬ੍ਬਿਜ੍ਝਤਿ ਪਦਾਲੇਤੀਤਿ – ਨਿਬ੍ਬੇਧਿਕਪਞ੍ਞਾ । ਅਨਿਬ੍ਬਿਦ੍ਧਪੁਬ੍ਬਂ ਅਪ੍ਪਦਾਲਿਤਪੁਬ੍ਬਂ ਕੋਧਂ…ਪੇ॰… ਉਪਨਾਹਂ… ਮਕ੍ਖਂ… ਪਲ਼ਾਸਂ… ਇਸ੍ਸਂ… ਮਚ੍ਛਰਿਯਂ… ਮਾਯਂ… ਸਾਠੇਯ੍ਯਂ… ਥਮ੍ਭਂ… ਸਾਰਮ੍ਭਂ… ਮਾਨਂ… ਅਤਿਮਾਨਂ… ਮਦਂ… ਪਮਾਦਂ… ਸਬ੍ਬੇ ਕਿਲੇਸੇ… ਸਬ੍ਬੇ ਦੁਚ੍ਚਰਿਤੇ… ਸਬ੍ਬੇ ਅਭਿਸਙ੍ਖਾਰੇ…ਪੇ॰… ਸਬ੍ਬੇ ਭવਗਾਮਿਕਮ੍ਮੇ ਨਿਬ੍ਬਿਜ੍ਝਤਿ ਪਦਾਲੇਤੀਤਿ – ਨਿਬ੍ਬੇਧਿਕਪਞ੍ਞਾ। ਨਿਬ੍ਬੇਧਿਕਪਞ੍ਞਤਾਯ ਸਂવਤ੍ਤਨ੍ਤੀਤਿ – ਅਯਂ ਨਿਬ੍ਬੇਧਿਕਪਞ੍ਞਾ।
Nibbedhikapaññatāya saṃvattantīti katamā nibbedhikapaññā? Idhekacco sabbasaṅkhāresu ubbegabahulo hoti uttāsabahulo ukkaṇṭhanabahulo aratibahulo anabhiratibahulo. Bahimukho na ramati sabbasaṅkhāresu. Anibbiddhapubbaṃ appadālitapubbaṃ lobhakkhandhaṃ nibbijjhati padāletīti – nibbedhikapaññā. Anibbiddhapubbaṃ appadālitapubbaṃ dosakkhandhaṃ nibbijjhati padāletīti – nibbedhikapaññā. Anibbiddhapubbaṃ appadālitapubbaṃ mohakkhandhaṃ nibbijjhati padāletīti – nibbedhikapaññā . Anibbiddhapubbaṃ appadālitapubbaṃ kodhaṃ…pe… upanāhaṃ… makkhaṃ… paḷāsaṃ… issaṃ… macchariyaṃ… māyaṃ… sāṭheyyaṃ… thambhaṃ… sārambhaṃ… mānaṃ… atimānaṃ… madaṃ… pamādaṃ… sabbe kilese… sabbe duccarite… sabbe abhisaṅkhāre…pe… sabbe bhavagāmikamme nibbijjhati padāletīti – nibbedhikapaññā. Nibbedhikapaññatāya saṃvattantīti – ayaṃ nibbedhikapaññā.
ਇਮਾ ਸੋਲ਼ਸ ਪਞ੍ਞਾਯੋ। ਇਮਾਹਿ ਸੋਲ਼ਸਹਿ ਪਞ੍ਞਾਹਿ ਸਮਨ੍ਨਾਗਤੋ ਪੁਗ੍ਗਲੋ ਪਟਿਸਮ੍ਭਿਦਪ੍ਪਤ੍ਤੋ।
Imā soḷasa paññāyo. Imāhi soḷasahi paññāhi samannāgato puggalo paṭisambhidappatto.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā / ੧. ਸੋਲ਼ਸਪਞ੍ਞਾਨਿਦ੍ਦੇਸવਣ੍ਣਨਾ • 1. Soḷasapaññāniddesavaṇṇanā
