| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[410] 5. сомад̣̇ад̇д̇аж̇аад̇агаван̣н̣анаа
[410] 5. Somadattajātakavaṇṇanā
яо мам̣ бурз бажжуд̣д̣зд̇ийд̇и ид̣̇ам̣ сад̇т̇аа ж̇зд̇аванз вихаранд̇о ан̃н̃ад̇арам̣ махаллагам̣ аараб̣бха гат̇зси. со гирзгам̣ сааман̣зрам̣ баб̣б̣ааж̇зси, сааман̣зро д̇асса убагаараго худ̇ваа д̇ат̇ааруубзна рог̇зна гааламагааси. махаллаго д̇асмим̣ гаалагад̇з род̣̇анд̇о барид̣̇званд̇о вижарад̇и. д̇ам̣ д̣̇исваа бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, асугамахаллаго сааман̣зрасса гаалагирияааяа род̣̇анд̇о барид̣̇званд̇о вижарад̇и, маран̣ассад̇игаммадтаанарахид̇о ман̃н̃з’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣збзса имасмим̣ мад̇з род̣̇иязваа’’д̇и вад̇ваа ад̇ийд̇ам̣ аахари.
Yomaṃ pure paccuḍḍetīti idaṃ satthā jetavane viharanto aññataraṃ mahallakaṃ ārabbha kathesi. So kirekaṃ sāmaṇeraṃ pabbājesi, sāmaṇero tassa upakārako hutvā tathārūpena rogena kālamakāsi. Mahallako tasmiṃ kālakate rodanto paridevanto vicarati. Taṃ disvā bhikkhū dhammasabhāyaṃ kathaṃ samuṭṭhāpesuṃ ‘‘āvuso, asukamahallako sāmaṇerassa kālakiriyāya rodanto paridevanto vicarati, maraṇassatikammaṭṭhānarahito maññe’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepesa imasmiṃ mate rodiyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇аавад̇им̣сабхаванз саггад̇д̇ам̣ гаарзси. ат̇зго гаасиг̇аамаваасий б̣раахман̣амахаасаало гаамз бахааяа химаванд̇ам̣ бависид̇ваа исибаб̣б̣аж̇ж̇ам̣ баб̣б̣аж̇ид̇ваа ун̃чаажарияааяа ванамуулапалаапалзхи яаабзнд̇о ваасам̣ габбзси. згад̣̇ивасам̣ палаапалад̇т̇ааяа г̇ад̇о згам̣ хад̇т̇ичаабам̣ д̣̇исваа ад̇д̇ано ассамам̣ аанзд̇ваа буд̇д̇адтаанз табзд̇ваа сомад̣̇ад̇д̇од̇исса наамам̣ гад̇ваа д̇ин̣абан̣н̣аани каад̣̇аабзнд̇о бадиж̇аг̇г̇и. со ваяаббад̇д̇о махаасарийро худ̇ваа згад̣̇ивасам̣ б̣ахум̣ бхож̇анам̣ г̇ахзд̇ваа аж̇ийрагзна д̣̇уб̣б̣ало ахоси. д̇аабасо д̇ам̣ ассамабад̣̇з гад̇ваа палаапалад̇т̇ааяа г̇ад̇о, д̇асмим̣ анааг̇ад̇зязва хад̇т̇ибод̇аго гааламагааси. д̇аабасо палаапалам̣ г̇ахзд̇ваа ааг̇ажчанд̇о ‘‘ан̃н̃зсу д̣̇ивасзсу мз буд̇д̇о бажжуг̇г̇аманам̣ гарод̇и, аж̇ж̇а на д̣̇иссад̇и, гахам̣ ну ко г̇ад̇о’’д̇и барид̣̇званд̇о батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto tāvatiṃsabhavane sakkattaṃ kāresi. Atheko kāsigāmavāsī brāhmaṇamahāsālo kāme pahāya himavantaṃ pavisitvā isipabbajjaṃ pabbajitvā uñchācariyāya vanamūlaphalāphalehi yāpento vāsaṃ kappesi. Ekadivasaṃ phalāphalatthāya gato ekaṃ hatthichāpaṃ disvā attano assamaṃ ānetvā puttaṭṭhāne ṭhapetvā somadattotissa nāmaṃ katvā tiṇapaṇṇāni khādāpento paṭijaggi. So vayappatto mahāsarīro hutvā ekadivasaṃ bahuṃ bhojanaṃ gahetvā ajīrakena dubbalo ahosi. Tāpaso taṃ assamapade katvā phalāphalatthāya gato, tasmiṃ anāgateyeva hatthipotako kālamakāsi. Tāpaso phalāphalaṃ gahetvā āgacchanto ‘‘aññesu divasesu me putto paccuggamanaṃ karoti, ajja na dissati, kahaṃ nu kho gato’’ti paridevanto paṭhamaṃ gāthamāha –
105.
105.
‘‘яо мам̣ бурз бажжуд̣д̣зд̇и, аран̃н̃з д̣̇уурамааяад̇о;
‘‘Yo maṃ pure paccuḍḍeti, araññe dūramāyato;
со на д̣̇иссад̇и маад̇ан̇г̇о, сомад̣̇ад̇д̇о гухим̣ г̇ад̇о’’д̇и.
So na dissati mātaṅgo, somadatto kuhiṃ gato’’ti.
д̇ад̇т̇а бурзд̇и ид̇о бурз. бажжуд̣д̣зд̇ийд̇и бажжуг̇г̇ажчад̇и. аран̃н̃з д̣̇ууранд̇и имасмим̣ ниммануссз аран̃н̃з мам̣ д̣̇уурам̣ бажжуд̣д̣зд̇и. ааяад̇од̇и ааяаамасамбанно.
Tattha pureti ito pure. Paccuḍḍetīti paccuggacchati. Araññe dūranti imasmiṃ nimmanusse araññe maṃ dūraṃ paccuḍḍeti. Āyatoti āyāmasampanno.
звам̣ барид̣̇звамаано ааг̇анд̇ваа д̇ам̣ жан̇гаманагодияам̣ бад̇ид̇ам̣ д̣̇исваа г̇алз г̇ахзд̇ваа барид̣̇звамаано д̣̇уд̇ияам̣ г̇аат̇амааха –
Evaṃ paridevamāno āgantvā taṃ caṅkamanakoṭiyaṃ patitaṃ disvā gale gahetvā paridevamāno dutiyaṃ gāthamāha –
106.
106.
‘‘аяам̣ ваа со мад̇о сзд̇и, алласин̇г̇ам̣ва важчид̇о;
‘‘Ayaṃ vā so mato seti, allasiṅgaṃva vacchito;
бхуумяаа нибад̇ид̇о сзд̇и, амараа вад̇а гун̃ж̇аро’’д̇и.
Bhūmyā nipatito seti, amarā vata kuñjaro’’ti.
д̇ад̇т̇а аяам̣ ваад̇и вибхааванад̇т̇з ваа-сад̣̇д̣̇о. аяамзва со, на ан̃н̃од̇и д̇ам̣ вибхаавзнд̇о звамааха. алласин̇г̇анд̇и маалувалад̇ааяа аг̇г̇абаваалам̣. важчид̇од̇и чинно, г̇имхагаалз маж̇жханхигасамаяз д̇ад̇д̇аваалигаабулинз накзна чинд̣̇ид̇ваа баад̇ид̇о маалувалад̇ааяа ан̇гуро вияаад̇и вуд̇д̇ам̣ ход̇и. бхуумяаад̇и бхуумияам̣. амараа вад̇аад̇и мад̇о вад̇а, ‘‘амарий’’д̇иби баато.
Tattha ayaṃ vāti vibhāvanatthe vā-saddo. Ayameva so, na aññoti taṃ vibhāvento evamāha. Allasiṅganti māluvalatāya aggapavālaṃ. Vacchitoti chinno, gimhakāle majjhanhikasamaye tattavālikāpuline nakhena chinditvā pātito māluvalatāya aṅkuro viyāti vuttaṃ hoti. Bhūmyāti bhūmiyaṃ. Amarā vatāti mato vata, ‘‘amarī’’tipi pāṭho.
д̇асмим̣ кан̣з сагго логам̣ ологзнд̇о д̇ам̣ д̣̇исваа ‘‘аяам̣ д̇аабасо буд̇д̇ад̣̇аарам̣ бахааяа баб̣б̣аж̇ид̇о, ид̣̇аани хад̇т̇ибод̇агз буд̇д̇асан̃н̃ам̣ гад̇ваа барид̣̇звад̇и, сам̣взж̇зд̇ваа нам̣ сад̇им̣ бадилабхаабзссаамий’’д̇и д̇асса ассамабад̣̇ам̣ ааг̇анд̇ваа аагаасз тид̇ова д̇ад̇ияам̣ г̇аат̇амааха –
Tasmiṃ khaṇe sakko lokaṃ olokento taṃ disvā ‘‘ayaṃ tāpaso puttadāraṃ pahāya pabbajito, idāni hatthipotake puttasaññaṃ katvā paridevati, saṃvejetvā naṃ satiṃ paṭilabhāpessāmī’’ti tassa assamapadaṃ āgantvā ākāse ṭhitova tatiyaṃ gāthamāha –
107.
107.
‘‘анаг̇аарияубзд̇асса , виббамуд̇д̇асса д̇з сад̇о;
‘‘Anagāriyupetassa , vippamuttassa te sato;
саман̣асса на д̇ам̣ саад̇ху, яам̣ бзд̇аманусожасий’’д̇и.
Samaṇassa na taṃ sādhu, yaṃ petamanusocasī’’ti.
ат̇асса важанам̣ суд̇ваа д̇аабасо жад̇уд̇т̇ам̣ г̇аат̇амааха –
Athassa vacanaṃ sutvā tāpaso catutthaṃ gāthamāha –
108.
108.
‘‘сам̣ваасзна хавз сагга, мануссасса миг̇асса ваа;
‘‘Saṃvāsena have sakka, manussassa migassa vā;
хад̣̇аяз ж̇ааяад̇з бзмам̣, д̇ам̣ на саггаа асожид̇у’’нд̇и.
Hadaye jāyate pemaṃ, taṃ na sakkā asocitu’’nti.
д̇ад̇т̇а миг̇асса ваад̇и имасмим̣ таанз саб̣б̣зби д̇иражчаанаа ‘‘миг̇аа’’д̇и вуд̇д̇аа. д̇анд̇и бияааяид̇ам̣ сад̇д̇ам̣.
Tattha migassa vāti imasmiṃ ṭhāne sabbepi tiracchānā ‘‘migā’’ti vuttā. Tanti piyāyitaṃ sattaṃ.
ат̇а нам̣ овад̣̇анд̇о сагго д̣̇вз г̇аат̇аа абхааси –
Atha naṃ ovadanto sakko dve gāthā abhāsi –
109.
109.
‘‘мад̇ам̣ мариссам̣ род̣̇анд̇и, яз руд̣̇анд̇и лабанд̇и жа;
‘‘Mataṃ marissaṃ rodanti, ye rudanti lapanti ca;
д̇асмаа д̇вам̣ иси маа род̣̇и, род̣̇ид̇ам̣ могхамааху санд̇о.
Tasmā tvaṃ isi mā rodi, roditaṃ moghamāhu santo.
110.
110.
‘‘ганд̣̇ид̇зна хавз б̣рахмз, мад̇о бзд̇о самудтахз;
‘‘Kanditena have brahme, mato peto samuṭṭhahe;
саб̣б̣з сан̇г̇амма род̣̇аама, ан̃н̃аман̃н̃асса н̃аад̇агз’’д̇и.
Sabbe saṅgamma rodāma, aññamaññassa ñātake’’ti.
д̇ад̇т̇а яз руд̣̇анд̇и лабанд̇и жаад̇и б̣рахмз яз сад̇д̇аа род̣̇анд̇и барид̣̇званд̇и жа, саб̣б̣з д̇з мад̇ам̣, яо жа мариссад̇и, д̇ам̣ род̣̇анд̇и, д̇зсам̣язва звам̣ род̣̇анд̇аанам̣ ассусугканагаало над̇т̇и, д̇асмаа д̇вам̣ иси маа род̣̇и. гим̣гааран̣аа? род̣̇ид̇ам̣ могхамааху санд̇о, бан̣д̣ид̇аа хи ‘‘род̣̇ид̇ам̣ нибпала’’нд̇и вад̣̇анд̇и. мад̇о бзд̇од̇и яад̣̇и зса бзд̇од̇и сан̇кяам̣ г̇ад̇о мад̇о род̣̇ид̇зна самудтахзяяа, звам̣ санд̇з саб̣б̣зби маяам̣ самааг̇анд̇ваа ан̃н̃аман̃н̃асса н̃аад̇агз род̣̇аама, гим̣ ниггаммаа ажчаамаад̇и.
Tattha ye rudanti lapanti cāti brahme ye sattā rodanti paridevanti ca, sabbe te mataṃ, yo ca marissati, taṃ rodanti, tesaṃyeva evaṃ rodantānaṃ assusukkhanakālo natthi, tasmā tvaṃ isi mā rodi. Kiṃkāraṇā? Roditaṃ moghamāhu santo, paṇḍitā hi ‘‘roditaṃ nipphala’’nti vadanti. Mato petoti yadi esa petoti saṅkhyaṃ gato mato roditena samuṭṭhaheyya, evaṃ sante sabbepi mayaṃ samāgantvā aññamaññassa ñātake rodāma, kiṃ nikkammā acchāmāti.
д̇аабасо саггасса важанам̣ суд̇ваа сад̇им̣ бадилабхид̇ваа виг̇ад̇асого ассууни бун̃чид̇ваа саггасса т̇уд̇ивасзна сзсаг̇аат̇аа ааха –
Tāpaso sakkassa vacanaṃ sutvā satiṃ paṭilabhitvā vigatasoko assūni puñchitvā sakkassa thutivasena sesagāthā āha –
111.
111.
‘‘аад̣̇ид̇д̇ам̣ вад̇а мам̣ санд̇ам̣, гхад̇асид̇д̇ам̣ва баавагам̣;
‘‘Ādittaṃ vata maṃ santaṃ, ghatasittaṃva pāvakaṃ;
вааринаа вияа осин̃жам̣, саб̣б̣ам̣ ниб̣б̣аабаяз д̣̇арам̣.
Vārinā viya osiñcaṃ, sabbaṃ nibbāpaye daraṃ.
112.
112.
‘‘аб̣б̣ахий вад̇а мз саллам̣, яамааси хад̣̇аяассид̇ам̣;
‘‘Abbahī vata me sallaṃ, yamāsi hadayassitaṃ;
яо мз согабарзд̇асса, буд̇д̇асогам̣ абаануд̣̇и.
Yo me sokaparetassa, puttasokaṃ apānudi.
113.
113.
‘‘сохам̣ аб̣б̣уул̣хасаллосми, вийд̇асого анаавило;
‘‘Sohaṃ abbūḷhasallosmi, vītasoko anāvilo;
на сожаами на род̣̇аами, д̇ава суд̇ваана ваасаваа’’д̇и.
Na socāmi na rodāmi, tava sutvāna vāsavā’’ti.
д̇аа хздтаа вуд̇д̇ад̇т̇ааязва. звам̣ сагго д̇аабасасса оваад̣̇ам̣ д̣̇ад̇ваа сагадтаанамзва г̇ад̇о.
Tā heṭṭhā vuttatthāyeva. Evaṃ sakko tāpasassa ovādaṃ datvā sakaṭṭhānameva gato.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа хад̇т̇ибод̇аго сааман̣зро ахоси, д̇аабасо махаллаго, сагго бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā hatthipotako sāmaṇero ahosi, tāpaso mahallako, sakko pana ahameva ahosi’’nti.
сомад̣̇ад̇д̇аж̇аад̇агаван̣н̣анаа бан̃жамаа.
Somadattajātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 410. сомад̣̇ад̇д̇аж̇аад̇агам̣ • 410. Somadattajātakaṃ
