| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
4. сомамид̇д̇ад̇т̇зраг̇аат̇ааван̣н̣анаа
4. Somamittattheragāthāvaṇṇanā
барид̇д̇ам̣ д̣̇аарунд̇и ааяасмад̇о сомамид̇д̇ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о сикисса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о б̣уд̣̇д̇хаг̇ун̣з суд̇ваа басаннамаанасо згад̣̇ивасам̣ гим̣сугаругкам̣ бубпид̇ам̣ д̣̇исваа бубпаани г̇ахзд̇ваа сад̇т̇аарам̣ уд̣̇д̣̇исса аагаасз кибид̇ваа бууж̇зси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з б̣аараан̣асияам̣ б̣раахман̣агулз ниб̣б̣ад̇д̇ид̇ваа сомамид̇д̇од̇и лад̣̇д̇ханаамо д̇ин̣н̣ам̣ взд̣̇аанам̣ баараг̇уу худ̇ваа вималзна наама т̇зрзна гад̇абарижаяад̇д̇аа абхин̣хам̣ д̇асса санд̇игам̣ г̇ажчанд̇о д̇хаммам̣ суд̇ваа саасанз лад̣̇д̇хаббасаад̣̇о баб̣б̣аж̇ид̇ваа лад̣̇д̇хуубасамбад̣̇о вад̇д̇абадивад̇д̇ам̣ буурзнд̇о вижарад̇и. вималад̇т̇зро бана гусийд̇о мид̣̇д̇хаб̣ахуло рад̇д̇инд̣̇ивам̣ вийд̇инаамзд̇и. сомамид̇д̇о ‘‘гусийд̇ам̣ наама ниссааяа го г̇ун̣о’’д̇и д̇ам̣ бахааяа махаагассабад̇т̇зрам̣ убасан̇гамид̇ваа д̇асса оваад̣̇з тад̇ваа вибассанам̣ бадтабзд̇ваа нажирассзва арахад̇д̇з бад̇идтааси. д̇зна вуд̇д̇ам̣ абад̣̇аанз (аба. т̇зра 2.50.25-30) –
Parittaṃdārunti āyasmato somamittattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto sikhissa bhagavato kāle kulagehe nibbattitvā viññutaṃ patto buddhaguṇe sutvā pasannamānaso ekadivasaṃ kiṃsukarukkhaṃ pupphitaṃ disvā pupphāni gahetvā satthāraṃ uddissa ākāse khipitvā pūjesi. So tena puññakammena devamanussesu saṃsaranto imasmiṃ buddhuppāde bārāṇasiyaṃ brāhmaṇakule nibbattitvā somamittoti laddhanāmo tiṇṇaṃ vedānaṃ pāragū hutvā vimalena nāma therena kataparicayattā abhiṇhaṃ tassa santikaṃ gacchanto dhammaṃ sutvā sāsane laddhappasādo pabbajitvā laddhūpasampado vattapaṭivattaṃ pūrento vicarati. Vimalatthero pana kusīto middhabahulo rattindivaṃ vītināmeti. Somamitto ‘‘kusītaṃ nāma nissāya ko guṇo’’ti taṃ pahāya mahākassapattheraṃ upasaṅkamitvā tassa ovāde ṭhatvā vipassanaṃ paṭṭhapetvā nacirasseva arahatte patiṭṭhāsi. Tena vuttaṃ apadāne (apa. thera 2.50.25-30) –
‘‘гим̣сугам̣ бубпид̇ам̣ д̣̇исваа, баг̇г̇ахзд̇ваана ан̃ж̇алим̣;
‘‘Kiṃsukaṃ pupphitaṃ disvā, paggahetvāna añjaliṃ;
б̣уд̣̇д̇хасздтам̣ сарид̇ваана, аагаасз абхибууж̇аяим̣.
Buddhaseṭṭhaṃ saritvāna, ākāse abhipūjayiṃ.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘згад̇им̣сз ид̇о габбз, яам̣ гаммамагарим̣ д̇ад̣̇аа;
‘‘Ekatiṃse ito kappe, yaṃ kammamakariṃ tadā;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
‘‘гилзсаа жхаабид̇аа маяхам̣, бхаваа саб̣б̣з самуухад̇аа;
‘‘Kilesā jhāpitā mayhaṃ, bhavā sabbe samūhatā;
нааг̇ова б̣анд̇ханам̣ чзд̇ваа, вихараами анаасаво.
Nāgova bandhanaṃ chetvā, viharāmi anāsavo.
‘‘свааг̇ад̇ам̣ вад̇а мз ааси, мама б̣уд̣̇д̇хасса санд̇игз;
‘‘Svāgataṃ vata me āsi, mama buddhassa santike;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасана’’нд̇и.
Tisso vijjā anuppattā, kataṃ buddhassa sāsana’’nti.
арахад̇д̇ам̣ бана бад̇ваа вималад̇т̇зрам̣ оваад̣̇зна д̇аж̇ж̇знд̇о –
Arahattaṃ pana patvā vimalattheraṃ ovādena tajjento –
147.
147.
‘‘барид̇д̇ам̣ д̣̇аарумааруяха, яат̇аа сийд̣̇з махан̣н̣авз;
‘‘Parittaṃ dārumāruyha, yathā sīde mahaṇṇave;
звам̣ гусийд̇амааг̇амма, саад̇хуж̇ийвийби сийд̣̇ад̇и;
Evaṃ kusītamāgamma, sādhujīvīpi sīdati;
д̇асмаа д̇ам̣ бариваж̇ж̇зяяа, гусийд̇ам̣ хийнавийрияам̣.
Tasmā taṃ parivajjeyya, kusītaṃ hīnavīriyaṃ.
148.
148.
‘‘бавивид̇д̇зхи ариязхи, бахид̇ад̇д̇зхи жхааяибхи;
‘‘Pavivittehi ariyehi, pahitattehi jhāyibhi;
нижжам̣ аарад̣̇д̇хавийриязхи, бан̣д̣ид̇зхи сахаавасз’’д̇и. – г̇аат̇аад̣̇ваяам̣ абхааси;
Niccaṃ āraddhavīriyehi, paṇḍitehi sahāvase’’ti. – gāthādvayaṃ abhāsi;
д̇ад̇т̇а барид̇д̇ам̣ д̣̇аарумааруяха, яат̇аа сийд̣̇з махан̣н̣авзд̇и бзсалоби гулабуд̇д̇о гусийд̇ам̣ аласабуг̇г̇алам̣ ниссааяа сийд̣̇ад̇и сам̣саарз бад̇ад̇и, на д̇асса баарам̣ ниб̣б̣аанам̣ г̇ажчад̇и. яасмаа зд̇ад̣̇звам̣, д̇асмаа д̇ам̣ ад̇хигусалад̇хаммавасзна сийсам̣ анугкибид̇ваа гужчид̇ам̣ сийд̣̇анад̇о гусийд̇ам̣ вийрияаарамбхаабхаавад̇о хийнавийрияам̣ буг̇г̇алам̣ саб̣б̣ат̇аа важ̇ж̇зяяа, на д̇асса д̣̇идтаануг̇ад̇им̣ аабаж̇ж̇зяяаад̇и ад̇т̇о.
Tattha parittaṃ dārumāruyha, yathā sīde mahaṇṇaveti pesalopi kulaputto kusītaṃ alasapuggalaṃ nissāya sīdati saṃsāre patati, na tassa pāraṃ nibbānaṃ gacchati. Yasmā etadevaṃ, tasmā taṃ adhikusaladhammavasena sīsaṃ anukkhipitvā kucchitaṃ sīdanato kusītaṃ vīriyārambhābhāvato hīnavīriyaṃ puggalaṃ sabbathā vajjeyya, na tassa diṭṭhānugatiṃ āpajjeyyāti attho.
звам̣ буг̇г̇алаад̇хидтаанааяа г̇аат̇ааяа госаж̇ж̇з аад̣̇ийнавам̣ д̣̇ассзд̇ваа ид̣̇аани вийрияаарамбхз аанисам̣сз д̣̇ассзд̇ум̣ ‘‘бавивид̇д̇зхий’’д̇иаад̣̇и вуд̇д̇ам̣. д̇ассад̇т̇о – яз бана гааяавивзгасамбхавзна бавивид̇д̇аа, д̇ад̇о зва гилзсзхи аарагад̇д̇аа арияаа, ниб̣б̣аанам̣ бад̇ибзсид̇ад̇д̇ад̇ааяа бахид̇ад̇д̇аа аарамман̣уубаниж̇жхаанавасзна лагкан̣уубаниж̇жхаанавасзна жа жхааяино, саб̣б̣агаалам̣ баг̇г̇ахид̇авийрияад̇ааяа аарад̣̇д̇хавийрияаа, логияалогуд̇д̇арабхзд̣̇ааяа бан̃н̃ааяа саманнааг̇ад̇ад̇д̇аа бан̣д̣ид̇аа, д̇зхиязва саха аавасзяяа сад̣̇ад̇т̇ам̣ нибпаад̣̇зд̇угаамо сам̣васзяяаад̇и. д̇ам̣ суд̇ваа вималад̇т̇зро сам̣виг̇г̇амаанасо вибассанам̣ бадтабзд̇ваа сад̣̇ад̇т̇ам̣ аараад̇хзси. свааяамад̇т̇о барад̇о ааг̇амиссад̇и.
Evaṃ puggalādhiṭṭhānāya gāthāya kosajje ādīnavaṃ dassetvā idāni vīriyārambhe ānisaṃse dassetuṃ ‘‘pavivittehī’’tiādi vuttaṃ. Tassattho – ye pana kāyavivekasambhavena pavivittā, tato eva kilesehi ārakattā ariyā, nibbānaṃ patipesitattatāya pahitattā ārammaṇūpanijjhānavasena lakkhaṇūpanijjhānavasena ca jhāyino, sabbakālaṃ paggahitavīriyatāya āraddhavīriyā, lokiyalokuttarabhedāya paññāya samannāgatattā paṇḍitā, tehiyeva saha āvaseyya sadatthaṃ nipphādetukāmo saṃvaseyyāti. Taṃ sutvā vimalatthero saṃviggamānaso vipassanaṃ paṭṭhapetvā sadatthaṃ ārādhesi. Svāyamattho parato āgamissati.
сомамид̇д̇ад̇т̇зраг̇аат̇ааван̣н̣анаа нидтид̇аа.
Somamittattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 4. сомамид̇д̇ад̇т̇зраг̇аат̇аа • 4. Somamittattheragāthā
