| Library / Tipiṭaka / д̇ибидага • Tipiṭaka / жарияаабидага-адтагат̇аа • Cariyāpiṭaka-aṭṭhakathā |
2. соманассажарияааван̣н̣анаа
2. Somanassacariyāvaṇṇanā
7. д̣̇уд̇ияз инд̣̇абад̇т̇з буруд̇д̇амзд̇и звам̣наамагз наг̇араварз. гаамид̇од̇и маад̇аабид̇уаад̣̇ийхи ‘‘ахо вад̇а зго буд̇д̇о уббаж̇ж̇зяяаа’’д̇и звам̣ жирагаалз бад̇т̇ид̇о. д̣̇аяид̇од̇и бияааяид̇о. соманассод̇и виссуд̇од̇и ‘‘соманассо’’д̇и звам̣ багаасанаамо.
7. Dutiye indapatthe puruttameti evaṃnāmake nagaravare. Kāmitoti mātāpituādīhi ‘‘aho vata eko putto uppajjeyyā’’ti evaṃ cirakāle patthito. Dayitoti piyāyito. Somanassoti vissutoti ‘‘somanasso’’ti evaṃ pakāsanāmo.
8. сийлаваад̇и д̣̇асагусалагаммабат̇асийлзна жзва аажаарасийлзна жа саманнааг̇ад̇о. г̇ун̣асамбаннод̇и сад̣̇д̇хааб̣аахусажжаад̣̇иг̇ун̣зхи убзд̇о, барибун̣н̣о ваа. галяаан̣абадибхаанаваад̇и д̇ам̣д̇ам̣ид̇игад̇д̇аб̣б̣асаад̇ханзна убааяагосалласан̇каад̇зна жа сунд̣̇арзна бадибхаанзна саманнааг̇ад̇о. вуд̣дхаабажааяийд̇и маад̇аабид̇аро гулз ж̇здтаад̇и звам̣ яз ж̇аад̇ивуд̣дхаа, яз жа сийлаад̣̇иг̇ун̣зхи вуд̣дхаа, д̇зсам̣ абажааяанасийло. хириймаад̇и баабаж̇иг̇ужчаналагкан̣ааяа хирияаа саманнааг̇ад̇о. сан̇г̇ахзсу жа говид̣̇од̇и д̣̇аанабияаважанаад̇т̇ажарияаасамаанад̇д̇ад̇аасан̇каад̇зхи жад̇уухи сан̇г̇ахавад̇т̇уухи яат̇аарахам̣ сад̇д̇аанам̣ сан̇г̇ан̣ханзсу гусало. зваруубо рзн̣усса наама гурурааж̇асса буд̇д̇о соманассод̇и виссуд̇о яад̣̇аа хомийд̇и самб̣анд̇хо.
8.Sīlavāti dasakusalakammapathasīlena ceva ācārasīlena ca samannāgato. Guṇasampannoti saddhābāhusaccādiguṇehi upeto, paripuṇṇo vā. Kalyāṇapaṭibhānavāti taṃtaṃitikattabbasādhanena upāyakosallasaṅkhātena ca sundarena paṭibhānena samannāgato. Vuḍḍhāpacāyīti mātāpitaro kule jeṭṭhāti evaṃ ye jātivuḍḍhā, ye ca sīlādiguṇehi vuḍḍhā, tesaṃ apacāyanasīlo. Hirīmāti pāpajigucchanalakkhaṇāya hiriyā samannāgato. Saṅgahesu ca kovidoti dānapiyavacanaatthacariyāsamānattatāsaṅkhātehi catūhi saṅgahavatthūhi yathārahaṃ sattānaṃ saṅgaṇhanesu kusalo. Evarūpo reṇussa nāma kururājassa putto somanassoti vissuto yadā homīti sambandho.
9. д̇асса ран̃н̃о бад̇игарод̇и д̇зна гурурааж̇зна бад̇и абхигкан̣ам̣ убагад̇д̇аб̣б̣абхаавзна бад̇игаро валлабхо. гухагад̇аабасод̇и асанд̇аг̇ун̣асамбхааваналагкан̣зна гохан̃н̃зна ж̇ийвид̇агаббанаго зго д̇аабасо, д̇асса ран̃н̃о саггаад̇аб̣б̣о ахоси. аарааманд̇и палаараамам̣, яад̇т̇а зл̣аалугалааб̣угумбхан̣д̣ад̇ибусаад̣̇иваллипалаани жзва д̇ан̣д̣улзяяагаад̣̇исааган̃жа робийяад̇и. маалааважчанд̇и ж̇аад̇иад̇имуд̇д̇агаад̣̇ибубпаг̇ажчам̣, д̇зна бубпаараамам̣ д̣̇ассзд̇и. зд̇т̇а жа аараамам̣ гад̇ваа д̇ад̇т̇а маалааважчан̃жа яат̇аавуд̇д̇апалаважчан̃жа робзд̇ваа д̇ад̇о лад̣̇д̇хад̇ханам̣ сам̣харид̇ваа табзнд̇о ж̇ийвад̇ийд̇и ад̇т̇о взд̣̇ид̇аб̣б̣о.
9.Tassa rañño patikaroti tena kururājena pati abhikkhaṇaṃ upakattabbabhāvena patikaro vallabho. Kuhakatāpasoti asantaguṇasambhāvanalakkhaṇena kohaññena jīvitakappanako eko tāpaso, tassa rañño sakkātabbo ahosi. Ārāmanti phalārāmaṃ, yattha eḷālukalābukumbhaṇḍatipusādivalliphalāni ceva taṇḍuleyyakādisākañca ropīyati. Mālāvacchanti jātiatimuttakādipupphagacchaṃ, tena pupphārāmaṃ dasseti. Ettha ca ārāmaṃ katvā tattha mālāvacchañca yathāvuttaphalavacchañca ropetvā tato laddhadhanaṃ saṃharitvā ṭhapento jīvatīti attho veditabbo.
д̇ад̇рааяам̣ анубуб̣б̣игат̇аа – д̇ад̣̇аа махаарагкид̇о наама д̇аабасо бан̃жасад̇ад̇аабасабаривааро химаванд̇з васид̇ваа лон̣амб̣иласзванад̇т̇ааяа ж̇анабад̣̇ажааригам̣ жаранд̇о инд̣̇абад̇т̇анаг̇арам̣ бад̇ваа рааж̇уяяаанз васид̇ваа сабарисо бин̣д̣ааяа жаранд̇о рааж̇ад̣̇ваарам̣ баабун̣и. рааж̇аа исиг̇ан̣ам̣ д̣̇исваа ирияаабат̇з басанно алан̇гад̇амахаад̇алз нисийд̣̇аабзд̇ваа бан̣ийд̇знаахаарзна баривисид̇ваа ‘‘бханд̇з, имам̣ вассаарад̇д̇ам̣ мама уяяаанзязва васат̇аа’’д̇и вад̇ваа д̇зхи сад̣̇д̇хим̣ уяяаанам̣ г̇анд̇ваа васанадтаанаани гаарзд̇ваа баб̣б̣аж̇ид̇абаригкаарз д̣̇ад̇ваа нигками. д̇ад̇о бадтааяа саб̣б̣зби д̇з рааж̇анивзсанз бхун̃ж̇анд̇и.
Tatrāyaṃ anupubbikathā – tadā mahārakkhito nāma tāpaso pañcasatatāpasaparivāro himavante vasitvā loṇambilasevanatthāya janapadacārikaṃ caranto indapatthanagaraṃ patvā rājuyyāne vasitvā sapariso piṇḍāya caranto rājadvāraṃ pāpuṇi. Rājā isigaṇaṃ disvā iriyāpathe pasanno alaṅkatamahātale nisīdāpetvā paṇītenāhārena parivisitvā ‘‘bhante, imaṃ vassārattaṃ mama uyyāneyeva vasathā’’ti vatvā tehi saddhiṃ uyyānaṃ gantvā vasanaṭṭhānāni kāretvā pabbajitaparikkhāre datvā nikkhami. Tato paṭṭhāya sabbepi te rājanivesane bhuñjanti.
рааж̇аа бана абуд̇д̇аго буд̇д̇з бад̇т̇зд̇и, буд̇д̇аа нуббаж̇ж̇анд̇и. вассаарад̇д̇ажжаязна махаарагкид̇о ‘‘химаванд̇ам̣ г̇амиссаамаа’’д̇и рааж̇аанам̣ аабужчид̇ваа ран̃н̃аа гад̇асаггаарасаммаано нигкамид̇ваа анд̇араамаг̇г̇з маж̇жханхигасамаяз маг̇г̇аа оггамма згасса санд̣̇ажчааяасса ругкасса хздтаа сабарисо нисийд̣̇и. д̇аабасаа гат̇ам̣ самудтаабзсум̣ – ‘‘рааж̇аа абуд̇д̇аго, саад̇ху вад̇асса сажз рааж̇абуд̇д̇ам̣ лабхзяяаа’’д̇и. махаарагкид̇о д̇ам̣ гат̇ам̣ суд̇ваа ‘‘бхависсад̇и ну ко ран̃н̃о буд̇д̇о, уд̣̇ааху но’’д̇и убад̇хаарзнд̇о ‘‘бхависсад̇ий’’д̇и н̃ад̇ваа ‘‘маа д̇умхз жинд̇аяид̇т̇а, аж̇ж̇а бажжуусагаалз зго д̣̇звабуд̇д̇о жавид̇ваа ран̃н̃о аг̇г̇амахзсияаа гужчимхи ниб̣б̣ад̇д̇иссад̇ий’’д̇и ааха.
Rājā pana aputtako putte pattheti, puttā nuppajjanti. Vassārattaccayena mahārakkhito ‘‘himavantaṃ gamissāmā’’ti rājānaṃ āpucchitvā raññā katasakkārasammāno nikkhamitvā antarāmagge majjhanhikasamaye maggā okkamma ekassa sandacchāyassa rukkhassa heṭṭhā sapariso nisīdi. Tāpasā kathaṃ samuṭṭhāpesuṃ – ‘‘rājā aputtako, sādhu vatassa sace rājaputtaṃ labheyyā’’ti. Mahārakkhito taṃ kathaṃ sutvā ‘‘bhavissati nu kho rañño putto, udāhu no’’ti upadhārento ‘‘bhavissatī’’ti ñatvā ‘‘mā tumhe cintayittha, ajja paccūsakāle eko devaputto cavitvā rañño aggamahesiyā kucchimhi nibbattissatī’’ti āha.
д̇ам̣ суд̇ваа зго гуудаж̇адило ‘‘ид̣̇аани рааж̇агулуубаго бхависсаамий’’д̇и жинд̇зд̇ваа д̇аабасаанам̣ г̇аманагаалз г̇илаанаалаяам̣ гад̇ваа нибаж̇ж̇ид̇ваа ‘‘зхи г̇ажчаамаа’’д̇и вуд̇д̇з ‘‘на саггомий’’д̇и ааха. махаарагкид̇о д̇асса нибаннагааран̣ам̣ н̃ад̇ваа ‘‘яад̣̇аа саггоси, д̇ад̣̇аа ааг̇ажчзяяаасий’’д̇и исиг̇ан̣ам̣ аад̣̇ааяа химаванд̇амзва г̇ад̇о. гухаго нивад̇д̇ид̇ваа взг̇зна г̇анд̇ваа рааж̇ад̣̇ваарз тад̇ваа ‘‘махаарагкид̇асса убадтаагад̇аабасо ааг̇ад̇о’’д̇и ран̃н̃о аарожаабзд̇ваа ран̃н̃аа взг̇зна баггосаабид̇о баасаад̣̇ам̣ абхируяха бан̃н̃ад̇д̇з аасанз нисийд̣̇и. рааж̇аа д̇ам̣ ванд̣̇ид̇ваа згаманд̇ам̣ нисинно исийнам̣ аарог̇яам̣ бужчид̇ваа ‘‘бханд̇з, ад̇икиббам̣ нивад̇д̇ид̇т̇а, гзнад̇т̇зна ааг̇ад̇ад̇т̇аа’’д̇и ааха.
Taṃ sutvā eko kūṭajaṭilo ‘‘idāni rājakulūpako bhavissāmī’’ti cintetvā tāpasānaṃ gamanakāle gilānālayaṃ katvā nipajjitvā ‘‘ehi gacchāmā’’ti vutte ‘‘na sakkomī’’ti āha. Mahārakkhito tassa nipannakāraṇaṃ ñatvā ‘‘yadā sakkosi, tadā āgaccheyyāsī’’ti isigaṇaṃ ādāya himavantameva gato. Kuhako nivattitvā vegena gantvā rājadvāre ṭhatvā ‘‘mahārakkhitassa upaṭṭhākatāpaso āgato’’ti rañño ārocāpetvā raññā vegena pakkosāpito pāsādaṃ abhiruyha paññatte āsane nisīdi. Rājā taṃ vanditvā ekamantaṃ nisinno isīnaṃ ārogyaṃ pucchitvā ‘‘bhante, atikhippaṃ nivattittha, kenatthena āgatatthā’’ti āha.
махаарааж̇а, исиг̇ан̣о суканисинно ‘‘саад̇ху вад̇асса сажз ран̃н̃о вам̣саанурагкаго буд̇д̇о уббаж̇ж̇зяяаа’’д̇и гат̇ам̣ самудтаабзси. ахам̣ д̇ам̣ гат̇ам̣ суд̇ваа ‘‘бхависсад̇и ну ко ран̃н̃о буд̇д̇о, уд̣̇ааху но’’д̇и д̣̇иб̣б̣ажагкунаа ологзнд̇о ‘‘махид̣̇д̇хиго д̣̇звабуд̇д̇о жавид̇ваа аг̇г̇амахзсияаа суд̇хаммааяа гужчимхи ниб̣б̣ад̇д̇иссад̇ий’’д̇и д̣̇исваа ‘‘аж̇аананд̇аа г̇аб̣бхам̣ наасзяяум̣, аажигкиссаами д̇аава на’’нд̇и д̇умхаагам̣ гат̇анад̇т̇ааяа ааг̇ад̇о, гат̇ид̇ам̣ во маяаа, г̇ажчаамаха’’нд̇и. рааж̇аа ‘‘бханд̇з, на саггаа г̇анд̇у’’нд̇и хадтад̇удто басаннажид̇д̇о гухагад̇аабасам̣ уяяаанам̣ нзд̇ваа васанадтаанам̣ сам̣вид̣̇ахид̇ваа ад̣̇ааси. со д̇ад̇о бадтааяа рааж̇агулз бхун̃ж̇анд̇о васад̇и, ‘‘д̣̇иб̣б̣ажагкуго’’д̇взвасса наамам̣ ахоси.
Mahārāja, isigaṇo sukhanisinno ‘‘sādhu vatassa sace rañño vaṃsānurakkhako putto uppajjeyyā’’ti kathaṃ samuṭṭhāpesi. Ahaṃ taṃ kathaṃ sutvā ‘‘bhavissati nu kho rañño putto, udāhu no’’ti dibbacakkhunā olokento ‘‘mahiddhiko devaputto cavitvā aggamahesiyā sudhammāya kucchimhi nibbattissatī’’ti disvā ‘‘ajānantā gabbhaṃ nāseyyuṃ, ācikkhissāmi tāva na’’nti tumhākaṃ kathanatthāya āgato, kathitaṃ vo mayā, gacchāmaha’’nti. Rājā ‘‘bhante, na sakkā gantu’’nti haṭṭhatuṭṭho pasannacitto kuhakatāpasaṃ uyyānaṃ netvā vasanaṭṭhānaṃ saṃvidahitvā adāsi. So tato paṭṭhāya rājakule bhuñjanto vasati, ‘‘dibbacakkhuko’’tvevassa nāmaṃ ahosi.
д̇ад̣̇аа б̣од̇хисад̇д̇о д̇аавад̇им̣сабхаванад̇о жавид̇ваа д̇ад̇т̇а бадисанд̇хим̣ г̇ан̣хи, ж̇аад̇асса жа наамаг̇г̇ахан̣ад̣̇ивасз ‘‘соманассо’’д̇и наамам̣ гарим̣су. со гумаарабарихаарзна вад̣дхад̇и. гухагад̇аабасоби уяяаанасса згабассз наанаббагаарам̣ суубзяяасааган̃жа палаваллиаад̣̇аяо жа робзд̇ваа бан̣н̣игаанам̣ хад̇т̇з виггин̣анд̇о д̇ханам̣ сам̣харад̇и. ат̇а б̣од̇хисад̇д̇асса сад̇д̇авассигагаалз ран̃н̃о бажжанд̇о губид̇о. со ‘‘д̇аад̇а, д̣̇иб̣б̣ажагкуд̇аабасз маа бамаж̇ж̇аа’’д̇и гумаарам̣ бадижчаабзд̇ваа бажжанд̇ам̣ вуубасамзд̇ум̣ г̇ад̇о.
Tadā bodhisatto tāvatiṃsabhavanato cavitvā tattha paṭisandhiṃ gaṇhi, jātassa ca nāmaggahaṇadivase ‘‘somanasso’’ti nāmaṃ kariṃsu. So kumāraparihārena vaḍḍhati. Kuhakatāpasopi uyyānassa ekapasse nānappakāraṃ sūpeyyasākañca phalavalliādayo ca ropetvā paṇṇikānaṃ hatthe vikkiṇanto dhanaṃ saṃharati. Atha bodhisattassa sattavassikakāle rañño paccanto kupito. So ‘‘tāta, dibbacakkhutāpase mā pamajjā’’ti kumāraṃ paṭicchāpetvā paccantaṃ vūpasametuṃ gato.
10-13. ат̇згад̣̇ивасам̣ гумааро ‘‘ж̇адилам̣ бассиссаамий’’д̇и уяяаанам̣ г̇анд̇ваа гуудаж̇адилам̣ згам̣ г̇анд̇хигагаасаавам̣ ниваасзд̇ваа згам̣ баарубид̇ваа убхохи хад̇т̇зхи д̣̇вз гхадз г̇ахзд̇ваа саагавад̇т̇усмим̣ уд̣̇агам̣ син̃жанд̇ам̣ д̣̇исваа ‘‘аяам̣ гуудаж̇адило ад̇д̇ано саман̣ад̇хаммам̣ агад̇ваа бан̣н̣игагаммам̣ гарод̇ий’’д̇и н̃ад̇ваа ‘‘гим̣ гароси бан̣н̣игаг̇ахабад̇игаа’’д̇и д̇ам̣ лаж̇ж̇аабзд̇ваа аванд̣̇ид̇ваа зва нигками.
10-13. Athekadivasaṃ kumāro ‘‘jaṭilaṃ passissāmī’’ti uyyānaṃ gantvā kūṭajaṭilaṃ ekaṃ gandhikakāsāvaṃ nivāsetvā ekaṃ pārupitvā ubhohi hatthehi dve ghaṭe gahetvā sākavatthusmiṃ udakaṃ siñcantaṃ disvā ‘‘ayaṃ kūṭajaṭilo attano samaṇadhammaṃ akatvā paṇṇikakammaṃ karotī’’ti ñatvā ‘‘kiṃ karosi paṇṇikagahapatikā’’ti taṃ lajjāpetvā avanditvā eva nikkhami.
гуудаж̇адило ‘‘аяам̣ ид̣̇аанзва зваруубо, бажчаа ‘го ж̇аанаад̇и гим̣ гариссад̇ий’д̇и ид̣̇аанзва нам̣ наасзд̇ум̣ ваддад̇ий’’д̇и жинд̇зд̇ваа ран̃н̃о ааг̇аманагаалз баасаан̣апалагам̣ згаманд̇ам̣ кибид̇ваа баанийяагхадам̣ бхинд̣̇ид̇ваа бан̣н̣асаалааяа д̇ин̣аани вигирид̇ваа сарийрам̣ д̇злзна магкзд̇ваа бан̣н̣асаалам̣ бависид̇ваа сасийсам̣ баарубид̇ваа махаад̣̇угкаббад̇д̇о вияа ман̃жз нибаж̇ж̇и. рааж̇аа ааг̇анд̇ваа наг̇арам̣ бад̣̇агкин̣ам̣ гад̇ваа нивзсанам̣ абависид̇ваава ‘‘мама саамигам̣ д̣̇иб̣б̣ажагкугам̣ бассиссаамий’’д̇и бан̣н̣асаалад̣̇ваарам̣ г̇анд̇ваа д̇ам̣ виббагаарам̣ д̣̇исваа ‘‘гим̣ ну ко зд̇а’’нд̇и анд̇о бависид̇ваа д̇ам̣ нибаннагам̣ д̣̇исваа баад̣̇з баримаж̇ж̇анд̇о бужчи – ‘‘гзна, д̇вам̣ бханд̇з, звам̣ вихзтид̇о, гамаж̇ж̇а яамалогам̣ нзми, д̇ам̣ мз сийгхам̣ аажигкаа’’д̇и.
Kūṭajaṭilo ‘‘ayaṃ idāneva evarūpo, pacchā ‘ko jānāti kiṃ karissatī’ti idāneva naṃ nāsetuṃ vaṭṭatī’’ti cintetvā rañño āgamanakāle pāsāṇaphalakaṃ ekamantaṃ khipitvā pānīyaghaṭaṃ bhinditvā paṇṇasālāya tiṇāni vikiritvā sarīraṃ telena makkhetvā paṇṇasālaṃ pavisitvā sasīsaṃ pārupitvā mahādukkhappatto viya mañce nipajji. Rājā āgantvā nagaraṃ padakkhiṇaṃ katvā nivesanaṃ apavisitvāva ‘‘mama sāmikaṃ dibbacakkhukaṃ passissāmī’’ti paṇṇasāladvāraṃ gantvā taṃ vippakāraṃ disvā ‘‘kiṃ nu kho eta’’nti anto pavisitvā taṃ nipannakaṃ disvā pāde parimajjanto pucchi – ‘‘kena, tvaṃ bhante, evaṃ viheṭhito, kamajja yamalokaṃ nemi, taṃ me sīghaṃ ācikkhā’’ti.
д̇ам̣ суд̇ваа гуудаж̇адило нид̇т̇унанд̇о удтааяа д̣̇идто, махаарааж̇а, д̇вам̣ мз, бассид̇ваа д̇аяи виссаасзна ахам̣ имам̣ виббагаарам̣ бад̇д̇о, д̇ава буд̇д̇знамхи звам̣ вихзтид̇од̇и. д̇ам̣ суд̇ваа рааж̇аа жорагхаад̇агз аан̣аабзси – ‘‘г̇ажчат̇а гумаарасса сийсам̣ чинд̣̇ид̇ваа сарийран̃жасса кан̣д̣аакан̣д̣игам̣ чинд̣̇ид̇ваа рат̇ияаа рат̇ияам̣ вигират̇аа’’д̇и. д̇з маад̇араа алан̇гарид̇ваа ад̇д̇ано ан̇гз нисийд̣̇аабид̇ам̣ гумаарам̣ аагад̣дхим̣су – ‘‘ран̃н̃аа д̇з вад̇хо аан̣ад̇д̇о’’д̇и. гумааро маран̣абхаяад̇аж̇ж̇ид̇о маад̇у ан̇гад̇о вудтааяа – ‘‘ран̃н̃о мам̣ д̣̇ассзт̇а, санд̇и рааж̇агижжааний’’д̇и ааха. д̇з гумаарасса важанам̣ суд̇ваа маарзд̇ум̣ ависаханд̇аа г̇он̣ам̣ вияа раж̇ж̇уяаа баригад̣дханд̇аа нзд̇ваа ран̃н̃о д̣̇ассзсум̣. д̇зна вуд̇д̇ам̣ ‘‘д̇амахам̣ д̣̇исваана гухага’’нд̇иаад̣̇и.
Taṃ sutvā kūṭajaṭilo nitthunanto uṭṭhāya diṭṭho, mahārāja, tvaṃ me, passitvā tayi vissāsena ahaṃ imaṃ vippakāraṃ patto, tava puttenamhi evaṃ viheṭhitoti. Taṃ sutvā rājā coraghātake āṇāpesi – ‘‘gacchatha kumārassa sīsaṃ chinditvā sarīrañcassa khaṇḍākhaṇḍikaṃ chinditvā rathiyā rathiyaṃ vikirathā’’ti. Te mātarā alaṅkaritvā attano aṅke nisīdāpitaṃ kumāraṃ ākaḍḍhiṃsu – ‘‘raññā te vadho āṇatto’’ti. Kumāro maraṇabhayatajjito mātu aṅkato vuṭṭhāya – ‘‘rañño maṃ dassetha, santi rājakiccānī’’ti āha. Te kumārassa vacanaṃ sutvā māretuṃ avisahantā goṇaṃ viya rajjuyā parikaḍḍhantā netvā rañño dassesuṃ. Tena vuttaṃ ‘‘tamahaṃ disvāna kuhaka’’ntiādi.
д̇ад̇т̇а т̇усараасим̣ва ад̇ан̣д̣уланд̇и д̇ан̣д̣улаган̣зхи вирахид̇ам̣ т̇усараасим̣ вияа, д̣̇умам̣ва ругкам̣ вияа, анд̇о махаасусирам̣. гад̣̇алим̣ва асаарагам̣ сийлаад̣̇исаарарахид̇ам̣ д̇аабасам̣ ахам̣ д̣̇исваа над̇т̇и имасса сад̇ам̣ саад̇хуунам̣ жхаанаад̣̇ид̇хаммо. гасмаа? сааман̃н̃аа саман̣абхааваа сийламад̇д̇ад̇оби абаг̇ад̇о барихийно аяам̣, д̇ат̇аа хи аяам̣ хирийсуггад̇хаммаж̇ахид̇о баж̇ахид̇ахирисан̇каад̇асуггад̇хаммо. ж̇ийвид̇авуд̇д̇игааран̣аад̇и ‘‘гзвалам̣ ж̇ийвид̇ассзва хзд̇у аяам̣ д̇аабасалин̇г̇зна жарад̇ий’’д̇и жинд̇зсинд̇и д̣̇ассзд̇и. баранд̇ихийд̇и баранд̇о бажжанд̇о ниваасабхууд̇о зд̇зсам̣ ад̇т̇ийд̇и баранд̇ино, сийманд̇аригаваасино. д̇зхи баранд̇ийхи адавигзхи бажжанд̇ад̣̇зсо кобхид̇о ахоси. д̇ам̣ бажжанд̇агобам̣ нисзд̇хзд̇ум̣ вуубасамзд̇ум̣ г̇ажчанд̇о мама бид̇аа гурурааж̇аа ‘‘д̇аад̇а соманассагумаара, маяхам̣ саамигам̣ уг̇г̇ад̇аабанам̣ гхорад̇абам̣ барамасанд̇инд̣̇рияам̣ ж̇адилам̣ маа бамаж̇ж̇и. со хи амхаагам̣ саб̣б̣агаамад̣̇ад̣̇о, д̇асмаа яад̣̇ижчагам̣ жид̇д̇аружияам̣ д̇асса жид̇д̇аанугуулам̣ бавад̇д̇зхи анувад̇д̇зхий’’д̇и д̇ад̣̇аа мам̣ анусаасийд̇и д̣̇ассзд̇и.
Tattha thusarāsiṃva ataṇḍulanti taṇḍulakaṇehi virahitaṃ thusarāsiṃ viya, dumaṃva rukkhaṃ viya, anto mahāsusiraṃ. Kadaliṃva asārakaṃ sīlādisārarahitaṃ tāpasaṃ ahaṃ disvā natthi imassa sataṃ sādhūnaṃ jhānādidhammo. Kasmā? Sāmaññā samaṇabhāvā sīlamattatopi apagato parihīno ayaṃ, tathā hi ayaṃ hirīsukkadhammajahito pajahitahirisaṅkhātasukkadhammo. Jīvitavuttikāraṇāti ‘‘kevalaṃ jīvitasseva hetu ayaṃ tāpasaliṅgena caratī’’ti cintesinti dasseti. Parantihīti paranto paccanto nivāsabhūto etesaṃ atthīti parantino, sīmantarikavāsino. Tehi parantīhi aṭavikehi paccantadeso khobhito ahosi. Taṃ paccantakopaṃ nisedhetuṃ vūpasametuṃ gacchanto mama pitā kururājā ‘‘tāta somanassakumāra, mayhaṃ sāmikaṃ uggatāpanaṃ ghoratapaṃ paramasantindriyaṃ jaṭilaṃ mā pamajji. So hi amhākaṃ sabbakāmadado, tasmā yadicchakaṃ cittaruciyaṃ tassa cittānukūlaṃ pavattehi anuvattehī’’ti tadā maṃ anusāsīti dasseti.
14. д̇амахам̣ г̇анд̇ваанубадтаананд̇и бид̇у важанам̣ анад̇игганд̇о д̇ам̣ гуудад̇аабасам̣ убадтаанад̇т̇ам̣ г̇анд̇ваа д̇ам̣ саагавад̇т̇усмим̣ уд̣̇агам̣ аасин̃жанд̇ам̣ д̣̇исваа ‘‘бан̣н̣иго аяа’’нд̇и жа н̃ад̇ваа гажжи д̇з, г̇ахабад̇и, гусаланд̇и, г̇ахабад̇и, д̇з сарийрасса гажжи гусалам̣ гусаламзва, д̇ат̇аа хи саагавад̇т̇усмим̣ уд̣̇агам̣ аасин̃жаси. гим̣ ваа д̇ава хиран̃н̃ам̣ ваа суван̣н̣ам̣ ваа аахарийяад̇у, д̇ат̇аа хи бан̣н̣игавуд̇д̇им̣ ануд̇идтасийд̇и ид̣̇ам̣ важанам̣ абхаасим̣.
14.Tamahaṃ gantvānupaṭṭhānanti pitu vacanaṃ anatikkanto taṃ kūṭatāpasaṃ upaṭṭhānatthaṃ gantvā taṃ sākavatthusmiṃ udakaṃ āsiñcantaṃ disvā ‘‘paṇṇiko aya’’nti ca ñatvā kacci te, gahapati, kusalanti, gahapati, te sarīrassa kacci kusalaṃ kusalameva, tathā hi sākavatthusmiṃ udakaṃ āsiñcasi. Kiṃ vā tava hiraññaṃ vā suvaṇṇaṃ vā āharīyatu, tathā hi paṇṇikavuttiṃ anutiṭṭhasīti idaṃ vacanaṃ abhāsiṃ.
15. д̇зна со губид̇о аасийд̇и д̇зна маяаа вуд̇д̇аг̇ахабад̇иваад̣̇зна со маананиссид̇о маанам̣ аллийно гухаго маяхам̣ губид̇о гуд̣̇д̇хо ахоси. гуд̣̇д̇хо жа самаано ‘‘гхаад̇аабзми д̇увам̣ аж̇ж̇а, радтаа баб̣б̣ааж̇аяаами ваа’’д̇и ааха.
15.Tenaso kupito āsīti tena mayā vuttagahapativādena so mānanissito mānaṃ allīno kuhako mayhaṃ kupito kuddho ahosi. Kuddho ca samāno ‘‘ghātāpemi tuvaṃ ajja, raṭṭhā pabbājayāmi vā’’ti āha.
д̇ад̇т̇а д̇увам̣ аж̇ж̇аад̇и, д̇вам̣ аж̇ж̇а, ид̣̇ааниязва ран̃н̃о ааг̇ад̇агаалзд̇и ад̇т̇о.
Tattha tuvaṃ ajjāti, tvaṃ ajja, idāniyeva rañño āgatakāleti attho.
16. нисзд̇хаяид̇ваа бажжанд̇анд̇и бажжанд̇ам̣ вуубасамзд̇ваа наг̇арам̣ абавидто д̇ан̇кан̣ан̃н̃зва уяяаанам̣ г̇анд̇ваа гухагам̣ гухагад̇аабасам̣ гажжи д̇з, бханд̇з, каманийяам̣, саммаано д̇з бавад̇д̇ид̇од̇и гумаарзна д̇з саммаано бавад̇д̇ид̇о ахоси.
16.Nisedhayitvā paccantanti paccantaṃ vūpasametvā nagaraṃ apaviṭṭho taṅkhaṇaññeva uyyānaṃ gantvā kuhakaṃ kuhakatāpasaṃ kacci te, bhante, khamanīyaṃ, sammāno te pavattitoti kumārena te sammāno pavattito ahosi.
17. гумааро яат̇аа наасияод̇и яат̇аа гумааро наасияо наасзд̇аб̣б̣о гхаад̇аабзд̇аб̣б̣о, д̇ат̇аа со баабо д̇асса ран̃н̃о аажигки. аан̣аабзсийд̇и маяхам̣ саамигз имасмим̣ д̣̇иб̣б̣ажагкуд̇аабасз сад̇и гим̣ мама на нибпаж̇ж̇ад̇и, д̇асмаа буд̇д̇зна мз ад̇т̇о над̇т̇и, д̇ад̇оби аяамзва сзяяод̇и жинд̇зд̇ваа аан̣аабзси.
17.Kumāro yathā nāsiyoti yathā kumāro nāsiyo nāsetabbo ghātāpetabbo, tathā so pāpo tassa rañño ācikkhi. Āṇāpesīti mayhaṃ sāmike imasmiṃ dibbacakkhutāpase sati kiṃ mama na nipphajjati, tasmā puttena me attho natthi, tatopi ayameva seyyoti cintetvā āṇāpesi.
18. гинд̇и ? сийсам̣ д̇ад̇т̇зва чинд̣̇ид̇ваад̇и яасмим̣ таанз д̇ам̣ гумаарам̣ бассат̇а, д̇ад̇т̇зва д̇асса сийсам̣ чинд̣̇ид̇ваа сарийран̃жасса гад̇ваана жад̇укан̣д̣игам̣ жад̇уро кан̣д̣з гад̇ваа рат̇ияаа рат̇ияам̣ нийяанд̇аа вийт̇ид̇о вийт̇им̣ вигкибанд̇аа д̣̇ассзт̇а. гасмаа? саа г̇ад̇и ж̇адилахийл̣ид̇аад̇и язхи аяам̣ ж̇адило хийл̣ид̇о, д̇зсам̣ ж̇адилахийл̣ид̇аанам̣ саа г̇ад̇и саа нибпад̇д̇и со вибаагод̇и. ж̇адилахийл̣ид̇аад̇и ваа ж̇адилахийл̣анахзд̇у саа д̇асса нибпад̇д̇ийд̇и зван̃жзд̇т̇а ад̇т̇о д̣̇адтаб̣б̣о.
18. Kinti ? Sīsaṃ tattheva chinditvāti yasmiṃ ṭhāne taṃ kumāraṃ passatha, tattheva tassa sīsaṃ chinditvā sarīrañcassa katvāna catukhaṇḍikaṃ caturo khaṇḍe katvā rathiyā rathiyaṃ nīyantā vīthito vīthiṃ vikkhipantā dassetha. Kasmā? Sā gati jaṭilahīḷitāti yehi ayaṃ jaṭilo hīḷito, tesaṃ jaṭilahīḷitānaṃ sā gati sā nipphatti so vipākoti. Jaṭilahīḷitāti vā jaṭilahīḷanahetu sā tassa nipphattīti evañcettha attho daṭṭhabbo.
19. д̇ад̇т̇аад̇и д̇асса ран̃н̃о аан̣ааяам̣, д̇асмим̣ ваа д̇аабасасса барибхавз. гааран̣игаад̇и гхаад̇агаа, жорагхаад̇агаад̇и ад̇т̇о. жан̣д̣аад̇и гуруураа. луд̣̇д̣̇аад̇и суд̣̇аарун̣аа. агаарун̣аад̇и д̇ассзва взважанам̣ гад̇ам̣. ‘‘агарун̣аа’’д̇иби баал̣и, ниггарун̣аад̇и ад̇т̇о. маад̇у ан̇гз нисиннассаад̇и мама маад̇у суд̇хаммааяа д̣̇звияаа ужчан̇г̇з нисиннасса. ‘‘нисиннассаа’’д̇и анаад̣̇арз саамиважанам̣. аагад̣дхид̇ваа наяанд̇и манд̇и маад̇араа алан̇гарид̇ваа ад̇д̇ано ан̇гз нисийд̣̇аабид̇ам̣ мам̣ рааж̇аан̣ааяа д̇з жорагхаад̇агаа г̇он̣ам̣ вияа раж̇ж̇уяаа аагад̣дхид̇ваа аагхаад̇анам̣ наяанд̇и. гумаарз бана нийяамаанз д̣̇аасиг̇ан̣абаривуд̇аа сад̣̇д̇хим̣ ород̇хзхи суд̇хаммаа д̣̇звий нааг̇арааби ‘‘маяам̣ нирабараад̇хам̣ гумаарам̣ маарзд̇ум̣ на д̣̇ассаамаа’’д̇и д̇зна сад̣̇д̇хим̣язва аг̇амам̣су.
19.Tatthāti tassa rañño āṇāyaṃ, tasmiṃ vā tāpasassa paribhave. Kāraṇikāti ghātakā, coraghātakāti attho. Caṇḍāti kurūrā. Luddāti sudāruṇā. Akāruṇāti tasseva vevacanaṃ kataṃ. ‘‘Akaruṇā’’tipi pāḷi, nikkaruṇāti attho. Mātu aṅke nisinnassāti mama mātu sudhammāya deviyā ucchaṅge nisinnassa. ‘‘Nisinnassā’’ti anādare sāmivacanaṃ. Ākaḍḍhitvā nayanti manti mātarā alaṅkaritvā attano aṅke nisīdāpitaṃ maṃ rājāṇāya te coraghātakā goṇaṃ viya rajjuyā ākaḍḍhitvā āghātanaṃ nayanti. Kumāre pana nīyamāne dāsigaṇaparivutā saddhiṃ orodhehi sudhammā devī nāgarāpi ‘‘mayaṃ niraparādhaṃ kumāraṃ māretuṃ na dassāmā’’ti tena saddhiṃyeva agamaṃsu.
20. б̣анд̇хад̇ам̣ г̇аал̣хаб̣анд̇хананд̇и г̇аал̣хаб̣анд̇ханам̣ б̣анд̇ханд̇аанам̣ д̇зсам̣ гааран̣игабурисаанам̣. рааж̇агирияаани ад̇т̇и мзд̇и маяаа ран̃н̃о вад̇д̇аб̣б̣аани рааж̇агижжаани ад̇т̇и. д̇асмаа ран̃н̃о д̣̇ассзт̇а мам̣ киббанд̇и д̇зсам̣ ахам̣ звам̣ важанам̣ аважам̣.
20.Bandhataṃ gāḷhabandhananti gāḷhabandhanaṃ bandhantānaṃ tesaṃ kāraṇikapurisānaṃ. Rājakiriyāni atthi meti mayā rañño vattabbāni rājakiccāni atthi. Tasmā rañño dassetha maṃ khippanti tesaṃ ahaṃ evaṃ vacanaṃ avacaṃ.
21. ран̃н̃о д̣̇ассаяим̣су, баабасса баабасзвинод̇и ад̇д̇анаа баабасийласса лаамагаажаарасса гуудад̇аабасасса сзванад̇о баабасзвино ран̃н̃о мам̣ д̣̇ассаяим̣су. д̣̇исваана д̇ам̣ сан̃н̃аабзсинд̇и д̇ам̣ мама бид̇арам̣ гурурааж̇аанам̣ бассид̇ваа ‘‘гасмаа мам̣, д̣̇зва, маараабзсий’’д̇и вад̇ваа д̇зна ‘‘гасмаа жа бана д̇вам̣ маяхам̣ саамигам̣ д̣̇иб̣б̣ажагкуд̇аабасам̣ г̇ахабад̇иваад̣̇зна самуд̣̇аажари. ид̣̇ан̃жид̣̇ан̃жа виббагаарам̣ гарий’’д̇и вуд̇д̇з ‘‘д̣̇зва, г̇ахабад̇ин̃н̃зва ‘г̇ахабад̇ий’д̇и вад̣̇анд̇асса го маяхам̣ д̣̇осо’’д̇и вад̇ваа д̇асса наанаавид̇хаани маалааважчаани робзд̇ваа бубпабан̣н̣апалаапалаад̣̇ийнам̣ виггин̣анам̣ хад̇т̇ад̇о жасса д̇аани д̣̇звасигам̣ виггин̣анд̇зхи маалаагаарабан̣н̣игзхи сад̣̇д̣̇ахаабзд̇ваа ‘‘маалаавад̇т̇убан̣н̣авад̇т̇ууни убад̇хаарзт̇аа’’д̇и вад̇ваа бан̣н̣асаалан̃жасса бависид̇ваа бубпаад̣̇ивиггияалад̣̇д̇хам̣ гахаабан̣агабхан̣д̣игам̣ ад̇д̇ано бурисзхи нийхараабзд̇ваа рааж̇аанам̣ сан̃н̃аабзсим̣ д̇асса гуудад̇аабасабхаавам̣ ж̇аанаабзсим̣. маман̃жа васамаанаяинд̇и д̇зна сан̃н̃аабанзна ‘‘сажжам̣ ко бана гумааро вад̣̇ад̇и, аяам̣ гуудад̇аабасо буб̣б̣з аббижчо вияа худ̇ваа ид̣̇аани махаабариг̇г̇ахо ж̇аад̇о’’д̇и яат̇аа д̇асмим̣ ниб̣б̣инно мама васз вад̇д̇ад̇и, звам̣ рааж̇аанам̣ мама васамаанзсим̣.
21.Rañño dassayiṃsu, pāpassa pāpasevinoti attanā pāpasīlassa lāmakācārassa kūṭatāpasassa sevanato pāpasevino rañño maṃ dassayiṃsu. Disvāna taṃ saññāpesinti taṃ mama pitaraṃ kururājānaṃ passitvā ‘‘kasmā maṃ, deva, mārāpesī’’ti vatvā tena ‘‘kasmā ca pana tvaṃ mayhaṃ sāmikaṃ dibbacakkhutāpasaṃ gahapativādena samudācari. Idañcidañca vippakāraṃ karī’’ti vutte ‘‘deva, gahapatiññeva ‘gahapatī’ti vadantassa ko mayhaṃ doso’’ti vatvā tassa nānāvidhāni mālāvacchāni ropetvā pupphapaṇṇaphalāphalādīnaṃ vikkiṇanaṃ hatthato cassa tāni devasikaṃ vikkiṇantehi mālākārapaṇṇikehi saddahāpetvā ‘‘mālāvatthupaṇṇavatthūni upadhārethā’’ti vatvā paṇṇasālañcassa pavisitvā pupphādivikkiyaladdhaṃ kahāpaṇakabhaṇḍikaṃ attano purisehi nīharāpetvā rājānaṃ saññāpesiṃ tassa kūṭatāpasabhāvaṃ jānāpesiṃ. Mamañca vasamānayinti tena saññāpanena ‘‘saccaṃ kho pana kumāro vadati, ayaṃ kūṭatāpaso pubbe appiccho viya hutvā idāni mahāpariggaho jāto’’ti yathā tasmiṃ nibbinno mama vase vattati, evaṃ rājānaṃ mama vasamānesiṃ.
д̇ад̇о махаасад̇д̇о ‘‘зваруубасса б̣ааласса ран̃н̃о санд̇игз васанад̇о химаванд̇ам̣ бависид̇ваа баб̣б̣аж̇ид̇ум̣ яуд̇д̇а’’нд̇и жинд̇зд̇ваа рааж̇аанам̣ аабужчи – ‘‘на мз, махаарааж̇а, ид̇ха ваасзна ад̇т̇о, ануж̇аанаат̇а мам̣ баб̣б̣аж̇иссаамий’’д̇и. рааж̇аа ‘‘д̇аад̇а, маяаа анубад̇хаарзд̇ваава д̇з вад̇хо аан̣ад̇д̇о, кама маяхам̣ абараад̇ха’’нд̇и махаасад̇д̇ам̣ камаабзд̇ваа ‘‘аж̇ж̇зва имам̣ раж̇ж̇ам̣ бадибаж̇ж̇аахий’’д̇и ааха. гумааро ‘‘д̣̇зва, гимад̇т̇и маанусагзсу бхог̇зсу, ахам̣ буб̣б̣з д̣̇ийгхарад̇д̇ам̣ д̣̇иб̣б̣абхог̇асамбад̇д̇ияо анубхавим̣, на д̇ад̇т̇ааби мз сан̇г̇о, баб̣б̣аж̇иссаамзваахам̣, на д̇аад̣̇исасса б̣ааласса баранзяяаб̣уд̣̇д̇хино санд̇игз васаамий’’д̇и вад̇ваа д̇ам̣ овад̣̇анд̇о –
Tato mahāsatto ‘‘evarūpassa bālassa rañño santike vasanato himavantaṃ pavisitvā pabbajituṃ yutta’’nti cintetvā rājānaṃ āpucchi – ‘‘na me, mahārāja, idha vāsena attho, anujānātha maṃ pabbajissāmī’’ti. Rājā ‘‘tāta, mayā anupadhāretvāva te vadho āṇatto, khama mayhaṃ aparādha’’nti mahāsattaṃ khamāpetvā ‘‘ajjeva imaṃ rajjaṃ paṭipajjāhī’’ti āha. Kumāro ‘‘deva, kimatthi mānusakesu bhogesu, ahaṃ pubbe dīgharattaṃ dibbabhogasampattiyo anubhaviṃ, na tatthāpi me saṅgo, pabbajissāmevāhaṃ, na tādisassa bālassa paraneyyabuddhino santike vasāmī’’ti vatvā taṃ ovadanto –
‘‘анисамма гад̇ам̣ гаммам̣, анавад̇т̇ааяа жинд̇ид̇ам̣;
‘‘Anisamma kataṃ kammaṃ, anavatthāya cintitaṃ;
бхзсаж̇ж̇ассзва взбхан̇г̇о, вибааго ход̇и баабаго.
Bhesajjasseva vebhaṅgo, vipāko hoti pāpako.
‘‘нисамма жа гад̇ам̣ гаммам̣, саммаавад̇т̇ааяа жинд̇ид̇ам̣;
‘‘Nisamma ca kataṃ kammaṃ, sammāvatthāya cintitaṃ;
бхзсаж̇ж̇ассзва самбад̇д̇и, вибааго ход̇и бхад̣̇раго.
Bhesajjasseva sampatti, vipāko hoti bhadrako.
‘‘аласо г̇ихий гаамабхог̇ий на саад̇ху, асан̃н̃ад̇о баб̣б̣аж̇ид̇о на саад̇ху;
‘‘Alaso gihī kāmabhogī na sādhu, asaññato pabbajito na sādhu;
рааж̇аа на саад̇ху анисаммагаарий, яо бан̣д̣ид̇о год̇хано д̇ам̣ на саад̇ху.
Rājā na sādhu anisammakārī, yo paṇḍito kodhano taṃ na sādhu.
‘‘нисамма кад̇д̇ияо гаяираа, наанисамма д̣̇исамбад̇и;
‘‘Nisamma khattiyo kayirā, nānisamma disampati;
нисаммагаарино рааж̇а, яасо гид̇д̇и жа вад̣дхад̇и.
Nisammakārino rāja, yaso kitti ca vaḍḍhati.
‘‘нисамма д̣̇ан̣д̣ам̣ бан̣аязяяа иссаро, взг̇аа гад̇ам̣ д̇аббад̇и бхуумибаала;
‘‘Nisamma daṇḍaṃ paṇayeyya issaro, vegā kataṃ tappati bhūmipāla;
саммаабан̣ийд̇хий жа нарасса ад̇т̇аа, анаануд̇аббаа д̇з бхаванд̇и бажчаа.
Sammāpaṇīdhī ca narassa atthā, anānutappā te bhavanti pacchā.
‘‘анаануд̇аббаани хи яз гаронд̇и, вибхаж̇ж̇а гаммааяад̇анаани логз;
‘‘Anānutappāni hi ye karonti, vibhajja kammāyatanāni loke;
вин̃н̃уббасад̇т̇аани сукуд̣̇раяаани, бхаванд̇и б̣уд̣̇д̇хаанумад̇аани д̇аани.
Viññuppasatthāni sukhudrayāni, bhavanti buddhānumatāni tāni.
‘‘ааг̇ажчум̣ д̣̇овааригаа каг̇г̇аб̣анд̇хаа, гаасаавияаа ханд̇у мамам̣ ж̇анинд̣̇а;
‘‘Āgacchuṃ dovārikā khaggabandhā, kāsāviyā hantu mamaṃ janinda;
маад̇ун̃жа ан̇гасмимахам̣ нисинно, аагад̣дхид̇о сахасаа д̇зхи д̣̇зва.
Mātuñca aṅkasmimahaṃ nisinno, ākaḍḍhito sahasā tehi deva.
‘‘гадуган̃хи самб̣аад̇хам̣ сугижчам̣ бад̇д̇о, мад̇хурамбияам̣ ж̇ийвид̇ам̣ лад̣̇д̇ха рааж̇а;
‘‘Kaṭukañhi sambādhaṃ sukicchaṃ patto, madhurampiyaṃ jīvitaṃ laddha rāja;
гижчзнахам̣ аж̇ж̇а вад̇хаа бамуд̇д̇о, баб̣б̣аж̇ж̇амзваабхиманохамасмий’’д̇и. (ж̇аа. 1.15.227-234) –
Kicchenahaṃ ajja vadhā pamutto, pabbajjamevābhimanohamasmī’’ti. (jā. 1.15.227-234) –
имаахи г̇аат̇аахи д̇хаммам̣ д̣̇зсзси.
Imāhi gāthāhi dhammaṃ desesi.
д̇ад̇т̇а анисаммаад̇и анубад̇хаарзд̇ваа. анавад̇т̇ааяаад̇и ававад̇т̇абзд̇ваа. взбхан̇г̇од̇и вибад̇д̇и. вибаагод̇и нибпад̇д̇и. асан̃н̃ад̇од̇и асам̣вуд̇о д̣̇уссийло. бан̣аязяяаад̇и бадтабзяяа. взг̇аад̇и взг̇зна сахасаа. саммаабан̣ийд̇хий жаад̇и саммаабан̣ид̇хинаа, яонисо табид̇зна жид̇д̇зна гад̇аа нарасса ад̇т̇аа бажчаа анаануд̇аббаа бхаванд̇ийд̇и ад̇т̇о. вибхаж̇ж̇аад̇и имаани гаад̇ум̣ яуд̇д̇аани, имаани аяуд̇д̇аанийд̇и звам̣ бан̃н̃ааяа вибхаж̇ид̇ваа. гаммааяад̇анаанийд̇и гаммаани. б̣уд̣̇д̇хаанумад̇аанийд̇и бан̣д̣ид̇зхи анумад̇аани анаваж̇ж̇аани хонд̇и. гадуганд̇и д̣̇угкам̣ асаад̇ам̣, самб̣аад̇хам̣ сугижчам̣ маран̣абхаяам̣ бад̇д̇омхи. лад̣̇д̇хаад̇и ад̇д̇ано н̃аан̣аб̣алзна ж̇ийвид̇ам̣ лабхид̇ваа. баб̣б̣аж̇ж̇амзваабхиманод̇и баб̣б̣аж̇ж̇аабхимукажид̇д̇о зваахамасми.
Tattha anisammāti anupadhāretvā. Anavatthāyāti avavatthapetvā. Vebhaṅgoti vipatti. Vipākoti nipphatti. Asaññatoti asaṃvuto dussīlo. Paṇayeyyāti paṭṭhapeyya. Vegāti vegena sahasā. Sammāpaṇīdhī cāti sammāpaṇidhinā, yoniso ṭhapitena cittena katā narassa atthā pacchā anānutappā bhavantīti attho. Vibhajjāti imāni kātuṃ yuttāni, imāni ayuttānīti evaṃ paññāya vibhajitvā. Kammāyatanānīti kammāni. Buddhānumatānīti paṇḍitehi anumatāni anavajjāni honti. Kaṭukanti dukkhaṃ asātaṃ, sambādhaṃ sukicchaṃ maraṇabhayaṃ pattomhi. Laddhāti attano ñāṇabalena jīvitaṃ labhitvā. Pabbajjamevābhimanoti pabbajjābhimukhacitto evāhamasmi.
звам̣ махаасад̇д̇зна д̇хаммз д̣̇зсид̇з рааж̇аа д̣̇звим̣ ааманд̇зси – ‘‘д̣̇зви, д̇вам̣ буд̇д̇ам̣ нивад̇д̇зхий’’д̇и. д̣̇звийби гумаарасса баб̣б̣аж̇ж̇амзва рожзси. махаасад̇д̇о маад̇аабид̇аро ванд̣̇ид̇ваа ‘‘сажз маяхам̣ д̣̇осо ад̇т̇и, д̇ам̣ камат̇аа’’д̇и камаабзд̇ваа махааж̇анам̣ аабужчид̇ваа химаванд̇аабхимуко аг̇амааси. г̇ад̇з жа бана махаасад̇д̇з махааж̇ано гуудаж̇адилам̣ бот̇зд̇ваа ж̇ийвид̇агкаяам̣ баабзси. б̣од̇хисад̇д̇оби санааг̇арзхи амажжабаарисаж̇ж̇аад̣̇ийхи рааж̇абурисзхи ассумукзхи ануб̣анд̇хияамаано д̇з нивад̇д̇зси. мануссзсу нивад̇д̇зсу мануссаван̣н̣знааг̇анд̇ваа д̣̇звад̇аахи нийд̇о сад̇д̇а баб̣б̣ад̇арааж̇ияо ад̇иггамид̇ваа химаванд̇з виссагаммунаа ниммид̇ааяа бан̣н̣асаалааяа исибаб̣б̣аж̇ж̇ам̣ баб̣б̣аж̇и. д̇зна вуд̇д̇ам̣ –
Evaṃ mahāsattena dhamme desite rājā deviṃ āmantesi – ‘‘devi, tvaṃ puttaṃ nivattehī’’ti. Devīpi kumārassa pabbajjameva rocesi. Mahāsatto mātāpitaro vanditvā ‘‘sace mayhaṃ doso atthi, taṃ khamathā’’ti khamāpetvā mahājanaṃ āpucchitvā himavantābhimukho agamāsi. Gate ca pana mahāsatte mahājano kūṭajaṭilaṃ pothetvā jīvitakkhayaṃ pāpesi. Bodhisattopi sanāgarehi amaccapārisajjādīhi rājapurisehi assumukhehi anubandhiyamāno te nivattesi. Manussesu nivattesu manussavaṇṇenāgantvā devatāhi nīto satta pabbatarājiyo atikkamitvā himavante vissakammunā nimmitāya paṇṇasālāya isipabbajjaṃ pabbaji. Tena vuttaṃ –
22.
22.
‘‘со мам̣ д̇ад̇т̇а камаабзси, махаараж̇ж̇ам̣ ад̣̇ааси мз;
‘‘So maṃ tattha khamāpesi, mahārajjaṃ adāsi me;
сохам̣ д̇амам̣ д̣̇аалаяид̇ваа, баб̣б̣аж̇им̣ анаг̇аарияа’’нд̇и.
Sohaṃ tamaṃ dālayitvā, pabbajiṃ anagāriya’’nti.
д̇ад̇т̇а д̇амам̣ д̣̇аалаяид̇ваад̇и гаамаад̣̇ийнавад̣̇ассанасса бадибагкабхууд̇ам̣ саммохад̇амам̣ вид̇хамид̇ваа. баб̣б̣аж̇инд̇и убааг̇ажчим̣. анаг̇аарияанд̇и баб̣б̣аж̇ж̇ам̣.
Tattha tamaṃ dālayitvāti kāmādīnavadassanassa paṭipakkhabhūtaṃ sammohatamaṃ vidhamitvā. Pabbajinti upāgacchiṃ. Anagāriyanti pabbajjaṃ.
23. ид̣̇аани яад̣̇ад̇т̇ам̣ д̇ад̣̇аа д̇ам̣ рааж̇иссарияам̣ барижжад̇д̇ам̣, д̇ам̣ д̣̇ассзд̇ум̣ ‘‘на мз д̣̇зсса’’нд̇и осаанаг̇аат̇амааха. д̇ассад̇т̇о вуд̇д̇анаяова.
23. Idāni yadatthaṃ tadā taṃ rājissariyaṃ pariccattaṃ, taṃ dassetuṃ ‘‘na me dessa’’nti osānagāthamāha. Tassattho vuttanayova.
звам̣ бана махаасад̇д̇з баб̣б̣аж̇ид̇з яаава сол̣асавассагаалаа рааж̇агулз барижааригавзсзна д̣̇звад̇ааязва нам̣ убадтахим̣су. со д̇ад̇т̇а жхаанаабхин̃н̃ааяо ниб̣б̣ад̇д̇зд̇ваа б̣рахмалогуубаг̇о ахоси.
Evaṃ pana mahāsatte pabbajite yāva soḷasavassakālā rājakule paricārikavesena devatāyeva naṃ upaṭṭhahiṃsu. So tattha jhānābhiññāyo nibbattetvā brahmalokūpago ahosi.
д̇ад̣̇аа гухаго д̣̇звад̣̇ад̇д̇о ахоси, маад̇аа махаамааяаа, махаарагкид̇ад̇аабасо саарибуд̇д̇ад̇т̇зро, соманассагумааро логанаат̇о.
Tadā kuhako devadatto ahosi, mātā mahāmāyā, mahārakkhitatāpaso sāriputtatthero, somanassakumāro lokanātho.
д̇асса яуд̇хан̃ж̇аяажарияааяам̣ (жарияаа. 3.1 аад̣̇аяо) вуд̇д̇анаязнзва д̣̇аса баарамияо нид̣̇д̇хаарзд̇аб̣б̣аа. ид̇хааби нзгкаммабаарамий ад̇исаяавад̇ийд̇и саа зва д̣̇зсанам̣ аарул̣хаа. д̇ат̇аа сад̇д̇авассигагаалз зва рааж̇агижжзсу самад̇т̇ад̇аа, д̇асса д̇аабасасса гуудаж̇адилабхаавабариг̇г̇ан̣ханам̣, д̇зна баяуд̇д̇зна ран̃н̃аа вад̇хз аан̣ад̇д̇з санд̇аасаабхааво, ран̃н̃о санд̇игам̣ г̇анд̇ваа наанаанаязхи д̇асса сад̣̇осад̇ам̣ ад̇д̇ано жа нирабараад̇хад̇ам̣ махааж̇анасса маж̇жхз багаасзд̇ваа ран̃н̃о жа баранзяяаб̣уд̣̇д̇хид̇ам̣ б̣аалабхааван̃жа бадтабзд̇ваа д̇зна камаабид̇зби д̇асса санд̇игз ваасад̇о раж̇ж̇иссарияад̇о жа сам̣взг̇амаабаж̇ж̇ид̇ваа наанаббагаарам̣ яаажияамаанзнаби хад̇т̇аг̇ад̇ам̣ раж̇ж̇асирим̣ кзл̣абин̣д̣ам̣ вияа чад̣д̣зд̇ваа гад̇т̇ажи алаг̇г̇ажид̇д̇зна худ̇ваа баб̣б̣аж̇анам̣, баб̣б̣аж̇ид̇ваа бавивзгаараамзна худ̇ваа нажирассзва аббагасирзна жхаанаабхин̃н̃ааниб̣б̣ад̇д̇ананд̇и звамаад̣̇аяо махаасад̇д̇асса г̇ун̣аанубхааваа вибхаавзд̇аб̣б̣аад̇и.
Tassa yudhañjayacariyāyaṃ (cariyā. 3.1 ādayo) vuttanayeneva dasa pāramiyo niddhāretabbā. Idhāpi nekkhammapāramī atisayavatīti sā eva desanaṃ āruḷhā. Tathā sattavassikakāle eva rājakiccesu samatthatā, tassa tāpasassa kūṭajaṭilabhāvapariggaṇhanaṃ, tena payuttena raññā vadhe āṇatte santāsābhāvo, rañño santikaṃ gantvā nānānayehi tassa sadosataṃ attano ca niraparādhataṃ mahājanassa majjhe pakāsetvā rañño ca paraneyyabuddhitaṃ bālabhāvañca paṭṭhapetvā tena khamāpitepi tassa santike vāsato rajjissariyato ca saṃvegamāpajjitvā nānappakāraṃ yāciyamānenapi hatthagataṃ rajjasiriṃ kheḷapiṇḍaṃ viya chaḍḍetvā katthaci alaggacittena hutvā pabbajanaṃ, pabbajitvā pavivekārāmena hutvā nacirasseva appakasirena jhānābhiññānibbattananti evamādayo mahāsattassa guṇānubhāvā vibhāvetabbāti.
соманассажарияааван̣н̣анаа нидтид̇аа.
Somanassacariyāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жарияаабидагабаал̣и • Cariyāpiṭakapāḷi / 2. соманассажарияаа • 2. Somanassacariyā
