| Library / Tipiṭaka / তিপিটক • Tipiṭaka / ইতিৰুত্তকপাল়ি • Itivuttakapāḷi |
১০. সোমনস্সসুত্তং
10. Somanassasuttaṃ
৩৭. ৰুত্তঞ্হেতং ভগৰতা, ৰুত্তমরহতাতি মে সুতং –
37. Vuttañhetaṃ bhagavatā, vuttamarahatāti me sutaṃ –
‘‘দ্ৰীহি, ভিক্খৰে, ধম্মেহি সমন্নাগতো ভিক্খু দিট্ঠেৰ ধম্মে সুখসোমনস্সবহুলো ৰিহরতি, যোনি চস্স 1 আরদ্ধা হোতি আসৰানং খযায। কতমেহি দ্ৰীহি? সংৰেজনীযেসু ঠানেসু সংৰেজনেন, সংৰিগ্গস্স চ যোনিসো পধানেন। ইমেহি খো, ভিক্খৰে, দ্ৰীহি ধম্মেহি সমন্নাগতো ভিক্খু দিট্ঠেৰ ধম্মে সুখসোমনস্সবহুলো ৰিহরতি, যোনি চস্স আরদ্ধা হোতি আসৰানং খযাযা’’তি। এতমত্থং ভগৰা অৰোচ। তত্থেতং ইতি ৰুচ্চতি –
‘‘Dvīhi, bhikkhave, dhammehi samannāgato bhikkhu diṭṭheva dhamme sukhasomanassabahulo viharati, yoni cassa 2 āraddhā hoti āsavānaṃ khayāya. Katamehi dvīhi? Saṃvejanīyesu ṭhānesu saṃvejanena, saṃviggassa ca yoniso padhānena. Imehi kho, bhikkhave, dvīhi dhammehi samannāgato bhikkhu diṭṭheva dhamme sukhasomanassabahulo viharati, yoni cassa āraddhā hoti āsavānaṃ khayāyā’’ti. Etamatthaṃ bhagavā avoca. Tatthetaṃ iti vuccati –
আতাপী নিপকো ভিক্খু, পঞ্ঞায সমৰেক্খিয॥
Ātāpī nipako bhikkhu, paññāya samavekkhiya.
‘‘এৰং ৰিহারী আতাপী, সন্তৰুত্তি অনুদ্ধতো।
‘‘Evaṃ vihārī ātāpī, santavutti anuddhato;
চেতোসমথমনুযুত্তো, খযং দুক্খস্স পাপুণে’’তি॥
Cetosamathamanuyutto, khayaṃ dukkhassa pāpuṇe’’ti.
অযম্পি অত্থো ৰুত্তো ভগৰতা, ইতি মে সুতন্তি। দসমং।
Ayampi attho vutto bhagavatā, iti me sutanti. Dasamaṃ.
পঠমো ৰগ্গো নিট্ঠিতো।
Paṭhamo vaggo niṭṭhito.
তস্সুদ্দানং –
Tassuddānaṃ –
দ্ৰে চ ভিক্খূ তপনীযা, তপনীযা পরত্থেহি।
Dve ca bhikkhū tapanīyā, tapanīyā paratthehi;
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / ইতিৰুত্তক-অট্ঠকথা • Itivuttaka-aṭṭhakathā / ১০. সোমনস্সসুত্তৰণ্ণনা • 10. Somanassasuttavaṇṇanā
