| Library / Tipiṭaka / तिपिटक • Tipiṭaka / इतिवुत्तकपाळि • Itivuttakapāḷi |
१०. सोमनस्ससुत्तं
10. Somanassasuttaṃ
३७. वुत्तञ्हेतं भगवता, वुत्तमरहताति मे सुतं –
37. Vuttañhetaṃ bhagavatā, vuttamarahatāti me sutaṃ –
‘‘द्वीहि, भिक्खवे, धम्मेहि समन्नागतो भिक्खु दिट्ठेव धम्मे सुखसोमनस्सबहुलो विहरति, योनि चस्स 1 आरद्धा होति आसवानं खयाय। कतमेहि द्वीहि? संवेजनीयेसु ठानेसु संवेजनेन, संविग्गस्स च योनिसो पधानेन। इमेहि खो, भिक्खवे, द्वीहि धम्मेहि समन्नागतो भिक्खु दिट्ठेव धम्मे सुखसोमनस्सबहुलो विहरति, योनि चस्स आरद्धा होति आसवानं खयाया’’ति। एतमत्थं भगवा अवोच। तत्थेतं इति वुच्चति –
‘‘Dvīhi, bhikkhave, dhammehi samannāgato bhikkhu diṭṭheva dhamme sukhasomanassabahulo viharati, yoni cassa 2 āraddhā hoti āsavānaṃ khayāya. Katamehi dvīhi? Saṃvejanīyesu ṭhānesu saṃvejanena, saṃviggassa ca yoniso padhānena. Imehi kho, bhikkhave, dvīhi dhammehi samannāgato bhikkhu diṭṭheva dhamme sukhasomanassabahulo viharati, yoni cassa āraddhā hoti āsavānaṃ khayāyā’’ti. Etamatthaṃ bhagavā avoca. Tatthetaṃ iti vuccati –
आतापी निपको भिक्खु, पञ्ञाय समवेक्खिय॥
Ātāpī nipako bhikkhu, paññāya samavekkhiya.
‘‘एवं विहारी आतापी, सन्तवुत्ति अनुद्धतो।
‘‘Evaṃ vihārī ātāpī, santavutti anuddhato;
चेतोसमथमनुयुत्तो, खयं दुक्खस्स पापुणे’’ति॥
Cetosamathamanuyutto, khayaṃ dukkhassa pāpuṇe’’ti.
अयम्पि अत्थो वुत्तो भगवता, इति मे सुतन्ति। दसमं।
Ayampi attho vutto bhagavatā, iti me sutanti. Dasamaṃ.
पठमो वग्गो निट्ठितो।
Paṭhamo vaggo niṭṭhito.
तस्सुद्दानं –
Tassuddānaṃ –
द्वे च भिक्खू तपनीया, तपनीया परत्थेहि।
Dve ca bhikkhū tapanīyā, tapanīyā paratthehi;
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / इतिवुत्तक-अट्ठकथा • Itivuttaka-aṭṭhakathā / १०. सोमनस्ससुत्तवण्णना • 10. Somanassasuttavaṇṇanā
