| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
10. соманассасуд̇д̇аван̣н̣анаа
10. Somanassasuttavaṇṇanā
37. д̣̇асамз сукасоманассаб̣ахулод̇и зд̇т̇а суканд̇и гааяигам̣ сукам̣, соманассанд̇и жзд̇асигам̣. д̇асмаа яасса гааяигам̣ жзд̇асиган̃жа сукам̣ абхин̣хам̣ бавад̇д̇ад̇и, со сукасоманассаб̣ахулод̇и вуд̇д̇о. яонийд̇и ‘‘жад̇ассо ко имаа, саарибуд̇д̇а, яонияо’’д̇иаад̣̇ийсу (ма. ни. 1.152) канд̇хагодтаасо яонийд̇и ааг̇ад̇о. ‘‘яони хзсаа, бхуумиж̇а, паласса ад̇хиг̇амааяаа’’д̇иаад̣̇ийсу (ма. ни. 3.226) гааран̣ам̣.
37. Dasame sukhasomanassabahuloti ettha sukhanti kāyikaṃ sukhaṃ, somanassanti cetasikaṃ. Tasmā yassa kāyikaṃ cetasikañca sukhaṃ abhiṇhaṃ pavattati, so sukhasomanassabahuloti vutto. Yonīti ‘‘catasso kho imā, sāriputta, yoniyo’’tiādīsu (ma. ni. 1.152) khandhakoṭṭhāso yonīti āgato. ‘‘Yoni hesā, bhūmija, phalassa adhigamāyā’’tiādīsu (ma. ni. 3.226) kāraṇaṃ.
‘‘на жаахам̣ б̣раахман̣ам̣ б̣рууми, яониж̇ам̣ мад̇д̇исамбхава’’нд̇и жа. (ма. ни. 2.457; д̇ха. ба. 396; су. ни. 625);
‘‘Na cāhaṃ brāhmaṇaṃ brūmi, yonijaṃ mattisambhava’’nti ca. (ma. ni. 2.457; dha. pa. 396; su. ni. 625);
‘‘д̇амзнам̣ гаммаж̇аа ваад̇аа ниб̣б̣ад̇д̇ид̇ваа уд̣̇д̇хам̣баад̣̇ам̣ ад̇хосирам̣ самбаривад̇д̇зд̇ваа маад̇у яонимукз самбадибаад̣̇знд̇ий’’д̇и жа аад̣̇ийсу бассаавамаг̇г̇о. ид̇ха бана гааран̣ам̣ ад̇хиббзд̇ам̣. ассаад̇и анзна. аарад̣̇д̇хаад̇и бадтабид̇аа баг̇г̇ахид̇аа барибун̣н̣аа самбаад̣̇ид̇аа ваа.
‘‘Tamenaṃ kammajā vātā nibbattitvā uddhaṃpādaṃ adhosiraṃ samparivattetvā mātu yonimukhe sampaṭipādentī’’ti ca ādīsu passāvamaggo. Idha pana kāraṇaṃ adhippetaṃ. Assāti anena. Āraddhāti paṭṭhapitā paggahitā paripuṇṇā sampāditā vā.
аасаваанам̣ каяааяаад̇и зд̇т̇а аасаванд̇ийд̇и аасаваа, жагкуд̇оби…бз… манад̇оби саванд̇и бавад̇д̇анд̇ийд̇и вуд̇д̇ам̣ ход̇и. д̇хаммад̇о яаава г̇од̇рабхуу, огаасад̇о яаава бхаваг̇г̇аа саванд̇ийд̇и ваа аасаваа. зд̇з д̇хаммз зд̇ан̃жа огаасам̣ анд̇о гарид̇ваа бавад̇д̇анд̇ийд̇и ад̇т̇о. анд̇огаран̣ад̇т̇о хи аяам̣ аагааро. жирабаариваасияадтзна мад̣̇ираад̣̇аяо аасаваа вияаад̇иби аасаваа. логз хи жирабаариваасигаа мад̣̇ираад̣̇аяо аасаваад̇и вужжанд̇и. яад̣̇и жа жирабаариваасияадтзна аасаваа, зд̇з зва бхавид̇ум̣ араханд̇и. вуд̇д̇ам̣ хзд̇ам̣ – ‘‘буримаа, бхигкавз, годи на бан̃н̃ааяад̇и авиж̇ж̇ааяа, ид̇о буб̣б̣з авиж̇ж̇аа наахосий’’д̇иаад̣̇и (а. ни. 10.61). ааяад̇ам̣ сам̣саарад̣̇угкам̣ саванд̇и басаванд̇ийд̇иби аасаваа. буримаани жзд̇т̇а ниб̣б̣ажанаани яад̇т̇а гилзсаа аасаваад̇и ааг̇ад̇аа, д̇ад̇т̇а яуж̇ж̇анд̇и; бажчимам̣ гаммзби. на гзвалан̃жа гаммагилзсаа зва аасаваа, абижа ко наанаббагаараа убад̣̇д̣̇авааби. абхид̇хаммз хи ‘‘жад̇д̇ааро аасаваа – гаамаасаво, бхаваасаво, д̣̇идтаасаво, авиж̇ж̇аасаво’’д̇и (д̇ха. са. 1102) гаамарааг̇аад̣̇аяо гилзсаа аасаваад̇и ааг̇ад̇аа. суд̇д̇зби ‘‘наахам̣, жунд̣̇а, д̣̇идтад̇хаммигаанам̣язва аасаваанам̣ сам̣варааяа д̇хаммам̣ д̣̇зсзмий’’д̇и (д̣̇ий. ни. 3.182) зд̇т̇а виваад̣̇амуулабхууд̇аа гилзсаа аасаваад̇и ааг̇ад̇аа.
Āsavānaṃkhayāyāti ettha āsavantīti āsavā, cakkhutopi…pe… manatopi savanti pavattantīti vuttaṃ hoti. Dhammato yāva gotrabhū, okāsato yāva bhavaggā savantīti vā āsavā. Ete dhamme etañca okāsaṃ anto karitvā pavattantīti attho. Antokaraṇattho hi ayaṃ ākāro. Cirapārivāsiyaṭṭhena madirādayo āsavā viyātipi āsavā. Loke hi cirapārivāsikā madirādayo āsavāti vuccanti. Yadi ca cirapārivāsiyaṭṭhena āsavā, ete eva bhavituṃ arahanti. Vuttaṃ hetaṃ – ‘‘purimā, bhikkhave, koṭi na paññāyati avijjāya, ito pubbe avijjā nāhosī’’tiādi (a. ni. 10.61). Āyataṃ saṃsāradukkhaṃ savanti pasavantītipi āsavā. Purimāni cettha nibbacanāni yattha kilesā āsavāti āgatā, tattha yujjanti; pacchimaṃ kammepi. Na kevalañca kammakilesā eva āsavā, apica kho nānappakārā upaddavāpi. Abhidhamme hi ‘‘cattāro āsavā – kāmāsavo, bhavāsavo, diṭṭhāsavo, avijjāsavo’’ti (dha. sa. 1102) kāmarāgādayo kilesā āsavāti āgatā. Suttepi ‘‘nāhaṃ, cunda, diṭṭhadhammikānaṃyeva āsavānaṃ saṃvarāya dhammaṃ desemī’’ti (dī. ni. 3.182) ettha vivādamūlabhūtā kilesā āsavāti āgatā.
‘‘язна д̣̇звуубабад̇яасса, г̇анд̇хаб̣б̣о ваа вихан̇г̇амо;
‘‘Yena devūpapatyassa, gandhabbo vā vihaṅgamo;
яагкад̇д̇ам̣ язна г̇ажчзяяа, мануссад̇д̇ан̃жа аб̣б̣аж̇з;
Yakkhattaṃ yena gaccheyya, manussattañca abbaje;
д̇з маяхам̣, аасаваа кийн̣аа, вид̣̇д̇хасд̇аа винал̣ийгад̇аа’’д̇и. (а. ни. 4.36) –
Te mayhaṃ, āsavā khīṇā, viddhastā vinaḷīkatā’’ti. (a. ni. 4.36) –
зд̇т̇а д̇збхуумагам̣ гаммам̣ авасзсаа жа агусалаа д̇хаммаа. ‘‘д̣̇идтад̇хаммигаанам̣ аасаваанам̣ сам̣варааяа самбарааяигаанам̣ аасаваанам̣ бадигхаад̇ааяаа’’д̇и (баараа. 39) зд̇т̇а баруубагхаад̇авиббадисааравад̇хаб̣анд̇хаад̣̇аяо жзва абааяад̣̇угкабхууд̇аа наанаббагаараа убад̣̇д̣̇аваа жа.
Ettha tebhūmakaṃ kammaṃ avasesā ca akusalā dhammā. ‘‘Diṭṭhadhammikānaṃ āsavānaṃ saṃvarāya samparāyikānaṃ āsavānaṃ paṭighātāyā’’ti (pārā. 39) ettha parūpaghātavippaṭisāravadhabandhādayo ceva apāyadukkhabhūtā nānappakārā upaddavā ca.
д̇з банзд̇з аасаваа винаяз ‘‘д̣̇идтад̇хаммигаанам̣ аасаваанам̣ сам̣варааяа, самбарааяигаанам̣ аасаваанам̣ бадигхаад̇ааяаа’’д̇и д̣̇взд̇хаа ааг̇ад̇аа. сал̣ааяад̇анз ‘‘д̇аяомз, аавусо, аасаваа – гаамаасаво, бхаваасаво, авиж̇ж̇аасаво’’д̇и (сам̣. ни. 4.321) д̇ид̇хаа ааг̇ад̇аа. д̇ат̇аа ан̃н̃зсу суд̇д̇анд̇зсу. абхид̇хаммз д̇зязва д̣̇идтаасавзна сад̣̇д̇хим̣ жад̇уд̇хаа ааг̇ад̇аа. ниб̣б̣зд̇хигабарияааяз бана ‘‘ад̇т̇и, бхигкавз, аасаваа нираяаг̇аманийяаа, ад̇т̇и аасаваа д̇иражчаанаяониг̇аманийяаа, ад̇т̇и аасаваа бзд̇д̇ивисаяаг̇аманийяаа, ад̇т̇и аасаваа мануссалогаг̇аманийяаа, ад̇т̇и аасаваа д̣̇звалогаг̇аманийяаа’’д̇и (а. ни. 6.63) бан̃жад̇хаа ааг̇ад̇аа. гаммамзва жзд̇т̇а аасаваад̇и ад̇хиббзд̇ам̣. чагганибаад̇з ‘‘ад̇т̇и, бхигкавз, аасаваа сам̣вараа бахаад̇аб̣б̣аа’’д̇иаад̣̇инаа (а. ни. 6.58) наязна чад̇хаа ааг̇ад̇аа. саб̣б̣аасавабарияааяз д̇зязва д̣̇ассанабахаад̇аб̣б̣зхи д̇хаммзхи сад̣̇д̇хим̣ сад̇д̇ад̇хаа ааг̇ад̇аа. ид̇ха бана абхид̇хаммабарияааязна жад̇д̇ааро аасаваа ад̇хиббзд̇аад̇и взд̣̇ид̇аб̣б̣аа.
Te panete āsavā vinaye ‘‘diṭṭhadhammikānaṃ āsavānaṃ saṃvarāya, samparāyikānaṃ āsavānaṃ paṭighātāyā’’ti dvedhā āgatā. Saḷāyatane ‘‘tayome, āvuso, āsavā – kāmāsavo, bhavāsavo, avijjāsavo’’ti (saṃ. ni. 4.321) tidhā āgatā. Tathā aññesu suttantesu. Abhidhamme teyeva diṭṭhāsavena saddhiṃ catudhā āgatā. Nibbedhikapariyāye pana ‘‘atthi, bhikkhave, āsavā nirayagamanīyā, atthi āsavā tiracchānayonigamanīyā, atthi āsavā pettivisayagamanīyā, atthi āsavā manussalokagamanīyā, atthi āsavā devalokagamanīyā’’ti (a. ni. 6.63) pañcadhā āgatā. Kammameva cettha āsavāti adhippetaṃ. Chakkanipāte ‘‘atthi, bhikkhave, āsavā saṃvarā pahātabbā’’tiādinā (a. ni. 6.58) nayena chadhā āgatā. Sabbāsavapariyāye teyeva dassanapahātabbehi dhammehi saddhiṃ sattadhā āgatā. Idha pana abhidhammapariyāyena cattāro āsavā adhippetāti veditabbā.
каяааяаад̇и зд̇т̇а бана ‘‘яо аасаваанам̣ каяо ваяо бхзд̣̇о барибхзд̣̇о анижжад̇аа анд̇арад̇хаана’’нд̇и аасаваанам̣ сарасабхзд̣̇о аасаваанам̣ каяод̇и вуд̇д̇о. ‘‘ж̇аанад̇о ахам̣, бхигкавз, бассад̇о аасаваанам̣ каяам̣ вад̣̇аамий’’д̇и (ма. ни. 1.15) зд̇т̇а аасаваанам̣ кийн̣аагааро над̇т̇ибхааво ажжанд̇ам̣ асамуббаад̣̇о аасавагкаяод̇и вуд̇д̇о.
Khayāyāti ettha pana ‘‘yo āsavānaṃ khayo vayo bhedo paribhedo aniccatā antaradhāna’’nti āsavānaṃ sarasabhedo āsavānaṃ khayoti vutto. ‘‘Jānato ahaṃ, bhikkhave, passato āsavānaṃ khayaṃ vadāmī’’ti (ma. ni. 1.15) ettha āsavānaṃ khīṇākāro natthibhāvo accantaṃ asamuppādo āsavakkhayoti vutto.
‘‘сзкасса сигкамаанасса, уж̇умаг̇г̇аанусаарино;
‘‘Sekhassa sikkhamānassa, ujumaggānusārino;
каяасмим̣ батамам̣ н̃аан̣ам̣, д̇ад̇о ан̃н̃аа ананд̇араа’’д̇и. (ид̇иву. 62) –
Khayasmiṃ paṭhamaṃ ñāṇaṃ, tato aññā anantarā’’ti. (itivu. 62) –
зд̇т̇а арияамаг̇г̇о аасавагкаяод̇и вуд̇д̇о. ‘‘аасаваанам̣ каяаа саман̣о ход̇ий’’д̇и (ма. ни. 1.438) зд̇т̇а палам̣.
Ettha ariyamaggo āsavakkhayoti vutto. ‘‘Āsavānaṃ khayā samaṇo hotī’’ti (ma. ni. 1.438) ettha phalaṃ.
‘‘бараваж̇ж̇аанубассисса, нижжам̣ уж̇жхаанасан̃н̃ино;
‘‘Paravajjānupassissa, niccaṃ ujjhānasaññino;
аасаваа д̇асса вад̣дханд̇и, аараа со аасавагкаяаа’’д̇и. (д̇ха. ба. 253) –
Āsavā tassa vaḍḍhanti, ārā so āsavakkhayā’’ti. (dha. pa. 253) –
зд̇т̇а ниб̣б̣аанам̣. ид̇ха бана палам̣ санд̇хааяа ‘‘аасаваанам̣ каяааяаа’’д̇и вуд̇д̇ам̣, арахад̇д̇апалад̇т̇ааяаад̇и ад̇т̇о.
Ettha nibbānaṃ. Idha pana phalaṃ sandhāya ‘‘āsavānaṃ khayāyā’’ti vuttaṃ, arahattaphalatthāyāti attho.
сам̣взж̇анийязсу таанзсууд̇и сам̣взг̇аж̇анагзсу ж̇аад̇иаад̣̇ийсу сам̣взг̇авад̇т̇уусу. ж̇аад̇и, ж̇араа, б̣яаад̇хи, маран̣ам̣, абааяад̣̇угкам̣, ад̇ийд̇з ваддамуулагам̣ д̣̇угкам̣, анааг̇ад̇з ваддамуулагам̣ д̣̇угкам̣ , бажжуббаннз аахаарабарияздтимуулагам̣ д̣̇угканд̇и имаани хи сам̣взг̇авад̇т̇ууни сам̣взж̇анийяадтаанаани наама. абижа ‘‘аад̣̇ид̇д̇о логасанниваасо уяяуд̇д̇о баяаад̇о гуммаг̇г̇аббадибанно, убанийяад̇и лого ад̣̇д̇хуво, ад̇аан̣о лого анабхиссаро, ассаго лого, саб̣б̣ам̣ бахааяа г̇аманийяам̣, ууно лого ад̇ид̇д̇о д̇ан̣хаад̣̇аасо’’д̇извамаад̣̇ийни (бади. ма. 1.117) жзд̇т̇а сам̣взж̇анийяадтаанаанийд̇и взд̣̇ид̇аб̣б̣аани. сам̣взж̇анзнаад̇и ж̇аад̇иаад̣̇исам̣взг̇авад̇т̇ууни бадижжа уббаннабхаяасан̇каад̇зна сам̣взж̇анзна. ад̇т̇ад̇о бана саход̇д̇аббан̃аан̣ам̣ сам̣взг̇о наама.
Saṃvejanīyesu ṭhānesūti saṃvegajanakesu jātiādīsu saṃvegavatthūsu. Jāti, jarā, byādhi, maraṇaṃ, apāyadukkhaṃ, atīte vaṭṭamūlakaṃ dukkhaṃ, anāgate vaṭṭamūlakaṃ dukkhaṃ , paccuppanne āhārapariyeṭṭhimūlakaṃ dukkhanti imāni hi saṃvegavatthūni saṃvejanīyaṭṭhānāni nāma. Apica ‘‘āditto lokasannivāso uyyutto payāto kummaggappaṭipanno, upanīyati loko addhuvo, atāṇo loko anabhissaro, assako loko, sabbaṃ pahāya gamanīyaṃ, ūno loko atitto taṇhādāso’’tievamādīni (paṭi. ma. 1.117) cettha saṃvejanīyaṭṭhānānīti veditabbāni. Saṃvejanenāti jātiādisaṃvegavatthūni paṭicca uppannabhayasaṅkhātena saṃvejanena. Atthato pana sahottappañāṇaṃ saṃvego nāma.
сам̣виг̇г̇ассаад̇и г̇аб̣бхогганд̇игаад̣̇ивасзна анзгавид̇хзхи ж̇аад̇иаад̣̇ид̣̇угкзхи сам̣взг̇аж̇аад̇асса. ‘‘сам̣взж̇ид̇ваа’’д̇и жа батанд̇и. яонисо бад̇хаанзнаад̇и убааяабад̇хаанзна, саммаавааяаамзнаад̇и ад̇т̇о. со хи яат̇аа агусалаа д̇хаммаа бахийяанд̇и, гусалаа д̇хаммаа бхааванаабаарибуурим̣ г̇ажчанд̇и, звам̣ бад̣̇аханад̇о уд̇д̇амабхаавасаад̇ханад̇о жа ‘‘бад̇хаана’’нд̇и вужжад̇и. д̇ад̇т̇а сам̣взг̇зна бхаваад̣̇ийсу гин̃жи д̇аан̣ам̣ лзн̣ам̣ бадисаран̣ам̣ абассанд̇о д̇ад̇т̇а анолийяанд̇о алаг̇г̇амаанасо д̇аббадибагкзна жа винивад̇д̇ид̇ависан̃н̃ид̇о ан̃н̃ад̣̇ад̇т̇у ниб̣б̣аананинно ход̇и ниб̣б̣аанабон̣о ниб̣б̣аанабаб̣бхааро. со галяаан̣амид̇д̇асанниссаязна яонисоманасигаараб̣ахуло висуд̣̇д̇хаасаяаббаяог̇о самат̇авибассанаасу яуд̇д̇аббаяуд̇д̇о саб̣б̣асмимби сан̇каараг̇ад̇з ниб̣б̣инд̣̇ад̇и вираж̇ж̇ад̇и, вибассанам̣ уссуггаабзд̇и. д̇ад̇т̇а яад̣̇ид̣̇ам̣ яонисоманасигаараб̣ахуло висуд̣̇д̇хаасаяаббаяог̇о самат̇авибассанаасу яуд̇д̇аббаяуд̇д̇о, д̇знасса д̣̇идтзва д̇хаммз сукасоманассаб̣ахулад̇аа взд̣̇ид̇аб̣б̣аа. яам̣ банааяам̣ самат̇з бад̇идтид̇о вибассанааяа яуд̇д̇аббаяуд̇д̇о саб̣б̣асмимби сан̇каараг̇ад̇з ниб̣б̣инд̣̇ад̇и вираж̇ж̇ад̇и, вибассанам̣ уссуггаабзд̇и, д̇знасса яони аарад̣̇д̇хаа аасаваанам̣ каяааяаад̇и взд̣̇ид̇аб̣б̣ам̣.
Saṃviggassāti gabbhokkantikādivasena anekavidhehi jātiādidukkhehi saṃvegajātassa. ‘‘Saṃvejitvā’’ti ca paṭhanti. Yoniso padhānenāti upāyapadhānena, sammāvāyāmenāti attho. So hi yathā akusalā dhammā pahīyanti, kusalā dhammā bhāvanāpāripūriṃ gacchanti, evaṃ padahanato uttamabhāvasādhanato ca ‘‘padhāna’’nti vuccati. Tattha saṃvegena bhavādīsu kiñci tāṇaṃ leṇaṃ paṭisaraṇaṃ apassanto tattha anolīyanto alaggamānaso tappaṭipakkhena ca vinivattitavisaññito aññadatthu nibbānaninno hoti nibbānapoṇo nibbānapabbhāro. So kalyāṇamittasannissayena yonisomanasikārabahulo visuddhāsayappayogo samathavipassanāsu yuttappayutto sabbasmimpi saṅkhāragate nibbindati virajjati, vipassanaṃ ussukkāpeti. Tattha yadidaṃ yonisomanasikārabahulo visuddhāsayappayogo samathavipassanāsu yuttappayutto, tenassa diṭṭheva dhamme sukhasomanassabahulatā veditabbā. Yaṃ panāyaṃ samathe patiṭṭhito vipassanāya yuttappayutto sabbasmimpi saṅkhāragate nibbindati virajjati, vipassanaṃ ussukkāpeti, tenassa yoni āraddhā āsavānaṃ khayāyāti veditabbaṃ.
г̇аат̇аасу сам̣виж̇ж̇зт̇зваад̇и сам̣виж̇ж̇зяяа зва сам̣взг̇ам̣ гарзяяа зва. ‘‘сам̣виж̇ж̇ид̇ваанаа’’д̇и жа батанд̇и. вуд̇д̇анаязна сам̣виг̇г̇о худ̇ваад̇и ад̇т̇о. бан̣д̣ид̇од̇и саббан̃н̃о, д̇ихзд̇угабадисанд̇хийд̇и вуд̇д̇ам̣ ход̇и. бан̃н̃ааяа самавзгкияаад̇и сам̣взг̇авад̇т̇ууни сам̣виж̇ж̇анавасзна бан̃н̃ааяа саммаа авзгкияа. ат̇а ваа бан̃н̃ааяа саммаа авзгкид̇ваад̇и. сзсам̣ саб̣б̣ад̇т̇а уд̇д̇аанад̇т̇амзва.
Gāthāsu saṃvijjethevāti saṃvijjeyya eva saṃvegaṃ kareyya eva. ‘‘Saṃvijjitvānā’’ti ca paṭhanti. Vuttanayena saṃviggo hutvāti attho. Paṇḍitoti sappañño, tihetukapaṭisandhīti vuttaṃ hoti. Paññāya samavekkhiyāti saṃvegavatthūni saṃvijjanavasena paññāya sammā avekkhiya. Atha vā paññāya sammā avekkhitvāti. Sesaṃ sabbattha uttānatthameva.
д̣̇асамасуд̇д̇аван̣н̣анаа нидтид̇аа.
Dasamasuttavaṇṇanā niṭṭhitā.
ид̇и барамад̇т̇ад̣̇ийбанияаа ид̇ивуд̇д̇ага-адтагат̇ааяа
Iti paramatthadīpaniyā itivuttaka-aṭṭhakathāya
д̣̇уганибаад̇з батамаваг̇г̇аван̣н̣анаа нидтид̇аа.
Dukanipāte paṭhamavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 10. соманассасуд̇д̇ам̣ • 10. Somanassasuttaṃ
