| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. сомаасуд̇д̇ам̣
2. Somāsuttaṃ
163. саавад̇т̇инид̣̇аанам̣ . ат̇а ко сомаа бхигкуний буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа саавад̇т̇им̣ бин̣д̣ааяа баависи. саавад̇т̇ияам̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇аа язна анд̇хаванам̣ д̇знубасан̇гами д̣̇иваавихаарааяа. анд̇хаванам̣ аж̇жхог̇аахзд̇ваа ан̃н̃ад̇арасмим̣ ругкамуулз д̣̇иваавихаарам̣ нисийд̣̇и. ат̇а ко мааро баабимаа сомааяа бхигкунияаа бхаяам̣ чамбхид̇ад̇д̇ам̣ ломахам̣сам̣ уббаад̣̇зд̇угаамо самаад̇химхаа жаавзд̇угаамо язна сомаа бхигкуний д̇знубасан̇гами; убасан̇гамид̇ваа сомам̣ бхигкуним̣ г̇аат̇ааяа аж̇жхабхааси –
163. Sāvatthinidānaṃ . Atha kho somā bhikkhunī pubbaṇhasamayaṃ nivāsetvā pattacīvaramādāya sāvatthiṃ piṇḍāya pāvisi. Sāvatthiyaṃ piṇḍāya caritvā pacchābhattaṃ piṇḍapātapaṭikkantā yena andhavanaṃ tenupasaṅkami divāvihārāya. Andhavanaṃ ajjhogāhetvā aññatarasmiṃ rukkhamūle divāvihāraṃ nisīdi. Atha kho māro pāpimā somāya bhikkhuniyā bhayaṃ chambhitattaṃ lomahaṃsaṃ uppādetukāmo samādhimhā cāvetukāmo yena somā bhikkhunī tenupasaṅkami; upasaṅkamitvā somaṃ bhikkhuniṃ gāthāya ajjhabhāsi –
‘‘яам̣ д̇ам̣ исийхи бад̇д̇аб̣б̣ам̣, таанам̣ д̣̇урабхисамбхавам̣;
‘‘Yaṃ taṃ isīhi pattabbaṃ, ṭhānaṃ durabhisambhavaṃ;
на д̇ам̣ д̣̇ван̇г̇улабан̃н̃ааяа, саггаа баббод̇умид̇т̇ияаа’’д̇и.
Na taṃ dvaṅgulapaññāya, sakkā pappotumitthiyā’’ti.
ат̇а ко сомааяа бхигкунияаа зд̇ад̣̇ахоси – ‘‘го ну квааяам̣ мануссо ваа амануссо ваа г̇аат̇ам̣ бхаасад̇ий’’д̇и? ат̇а ко сомааяа бхигкунияаа зд̇ад̣̇ахоси – ‘‘мааро ко аяам̣ баабимаа мама бхаяам̣ чамбхид̇ад̇д̇ам̣ ломахам̣сам̣ уббаад̣̇зд̇угаамо самаад̇химхаа жаавзд̇угаамо г̇аат̇ам̣ бхаасад̇ий’’д̇и. ат̇а ко сомаа бхигкуний ‘‘мааро аяам̣ баабимаа’’ ид̇и вид̣̇ид̇ваа маарам̣ баабиманд̇ам̣ г̇аат̇аахи бажжабхааси –
Atha kho somāya bhikkhuniyā etadahosi – ‘‘ko nu khvāyaṃ manusso vā amanusso vā gāthaṃ bhāsatī’’ti? Atha kho somāya bhikkhuniyā etadahosi – ‘‘māro kho ayaṃ pāpimā mama bhayaṃ chambhitattaṃ lomahaṃsaṃ uppādetukāmo samādhimhā cāvetukāmo gāthaṃ bhāsatī’’ti. Atha kho somā bhikkhunī ‘‘māro ayaṃ pāpimā’’ iti viditvā māraṃ pāpimantaṃ gāthāhi paccabhāsi –
‘‘ид̇т̇ибхааво гим̣ гаяираа, жид̇д̇амхи сусамаахид̇з;
‘‘Itthibhāvo kiṃ kayirā, cittamhi susamāhite;
н̃аан̣амхи вад̇д̇амаанамхи, саммаа д̇хаммам̣ вибассад̇о.
Ñāṇamhi vattamānamhi, sammā dhammaṃ vipassato.
‘‘яасса нууна сияаа звам̣, ид̇т̇аахам̣ бурисод̇и ваа;
‘‘Yassa nūna siyā evaṃ, itthāhaṃ purisoti vā;
гин̃жи ваа бана ан̃н̃асми 1, д̇ам̣ мааро вад̇д̇умарахад̇ий’’д̇и.
Kiñci vā pana aññasmi 2, taṃ māro vattumarahatī’’ti.
ат̇а ко мааро баабимаа ‘‘ж̇аанаад̇и мам̣ сомаа бхигкуний’’д̇и д̣̇угкий д̣̇уммано д̇ад̇т̇званд̇арад̇хааяийд̇и.
Atha kho māro pāpimā ‘‘jānāti maṃ somā bhikkhunī’’ti dukkhī dummano tatthevantaradhāyīti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. сомаасуд̇д̇аван̣н̣анаа • 2. Somāsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. сомаасуд̇д̇аван̣н̣анаа • 2. Somāsuttavaṇṇanā
