| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
২. সোমাসুত্তৰণ্ণনা
2. Somāsuttavaṇṇanā
১৬৩. দুতিযে ঠানন্তি অরহত্তং। দুরভিসম্ভৰন্তি দুপ্পসহং। দ্ৰঙ্গুলপঞ্ঞাযাতি পরিত্তপঞ্ঞায। যস্মা ৰা দ্ৰীহি অঙ্গুলেহি কপ্পাসৰট্টিং গহেত্ৰা সুত্তং কন্তন্তি, তস্মা ইত্থী ‘‘দ্ৰঙ্গুলপঞ্ঞা’’তি ৰুচ্চতি। ঞাণম্হি ৰত্তমানম্হীতি ফলসমাপত্তিঞাণে পৰত্তমানে। ধম্মং ৰিপস্সতোতি চতুসচ্চধম্মং ৰিপস্সন্তস্স, পুব্বভাগে ৰা ৰিপস্সনায আরম্মণভূতং খন্ধপঞ্চকমেৰ। কিঞ্চি ৰা পন অঞ্ঞস্মীতি অঞ্ঞং ৰা কিঞ্চি ‘‘অহং অস্মী’’তি তণ্হামানদিট্ঠিৰসেন যস্স সিযা। দুতিযং।
163. Dutiye ṭhānanti arahattaṃ. Durabhisambhavanti duppasahaṃ. Dvaṅgulapaññāyāti parittapaññāya. Yasmā vā dvīhi aṅgulehi kappāsavaṭṭiṃ gahetvā suttaṃ kantanti, tasmā itthī ‘‘dvaṅgulapaññā’’ti vuccati. Ñāṇamhi vattamānamhīti phalasamāpattiñāṇe pavattamāne. Dhammaṃ vipassatoti catusaccadhammaṃ vipassantassa, pubbabhāge vā vipassanāya ārammaṇabhūtaṃ khandhapañcakameva. Kiñci vā pana aññasmīti aññaṃ vā kiñci ‘‘ahaṃ asmī’’ti taṇhāmānadiṭṭhivasena yassa siyā. Dutiyaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ২. সোমাসুত্তং • 2. Somāsuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ২. সোমাসুত্তৰণ্ণনা • 2. Somāsuttavaṇṇanā
