| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. сомаасуд̇д̇аван̣н̣анаа
2. Somāsuttavaṇṇanā
163. таананд̇и иссарияадтаанам̣ висаяаж̇жхад̇д̇ам̣. д̣̇уббасахам̣ агамбияабхаавад̇д̇аа. д̣̇ван̇г̇улабан̃н̃ааяаад̇и зд̇т̇а ид̇т̇ияо хи д̣̇ахарагумааригаагаалад̇о бадтааяа од̣̇анабажанавид̇хим̣ ануд̇идтанд̇ияо угкалияам̣ уд̣̇агам̣ д̇аабзд̇ваа д̇ан̣д̣улз багкибид̇ваа ад̇д̇ано б̣уд̣̇д̇хияаа д̇зсам̣ баагагаалаббамаан̣ам̣ барижчинд̣̇ид̇ум̣ д̇аани д̣̇аб̣б̣ияаа уд̣̇д̇харид̇вааби ван̣н̣асан̣таанаг̇г̇ахан̣амад̇д̇зна баггаабаггабхаавам̣ ж̇аанид̇ум̣ на саггонд̇и, гзвалам̣ бана д̣̇вийхи ан̇г̇улийхи уббийл̣ид̇агаалз зва ж̇аананд̇и, д̇асмаа д̣̇вийхан̇г̇улигзхи д̣̇уб̣б̣алабан̃н̃ад̇д̇аа ‘‘д̣̇ван̇г̇улабан̃н̃аа’’д̇и вужжанд̇и. паласамаабад̇д̇ин̃аан̣аббавад̇д̇игид̇д̇анзна жад̇уусу сажжзсу асаммохавихааро д̣̇ийбид̇о ход̇ийд̇и ааха ‘‘н̃аан̣амхи вад̇д̇амаанамхийд̇и паласамаабад̇д̇ин̃аан̣з бавад̇д̇амаанз’’д̇и. вибассанд̇ассаад̇и асаммохабадивзд̇хад̇о висзсзна бассанд̇асса канд̇хабан̃жагамзва сажжаабхисамаяад̇о буб̣б̣абхааг̇з вибассанд̇асса. ан̃н̃ам̣ ваад̇и ид̇т̇ибурисад̇о ан̃н̃ам̣ ваа гин̃жи вад̇т̇ум̣. ‘‘ахам̣ асмий’’д̇и маанад̣̇идтиг̇аахад̇ан̣хааг̇аахавасзна г̇ахид̇авад̇т̇усмим̣ язваад̇и ааха ‘‘ахам̣ асмийд̇и д̇ан̣хаамаанад̣̇идтивасзнаа’’д̇и.
163.Ṭhānanti issariyaṭṭhānaṃ visayajjhattaṃ. Duppasahaṃ akampiyabhāvattā. Dvaṅgulapaññāyāti ettha itthiyo hi daharakumārikākālato paṭṭhāya odanapacanavidhiṃ anutiṭṭhantiyo ukkhaliyaṃ udakaṃ tāpetvā taṇḍule pakkhipitvā attano buddhiyā tesaṃ pākakālappamāṇaṃ paricchindituṃ tāni dabbiyā uddharitvāpi vaṇṇasaṇṭhānaggahaṇamattena pakkāpakkabhāvaṃ jānituṃ na sakkonti, kevalaṃ pana dvīhi aṅgulīhi uppīḷitakāle eva jānanti, tasmā dvīhaṅgulikehi dubbalapaññattā ‘‘dvaṅgulapaññā’’ti vuccanti. Phalasamāpattiñāṇappavattikittanena catūsu saccesu asammohavihāro dīpito hotīti āha ‘‘ñāṇamhi vattamānamhīti phalasamāpattiñāṇe pavattamāne’’ti. Vipassantassāti asammohapaṭivedhato visesena passantassa khandhapañcakameva saccābhisamayato pubbabhāge vipassantassa. Aññaṃ vāti itthipurisato aññaṃ vā kiñci vatthuṃ. ‘‘Ahaṃ asmī’’ti mānadiṭṭhigāhataṇhāgāhavasena gahitavatthusmiṃ yevāti āha ‘‘ahaṃ asmīti taṇhāmānadiṭṭhivasenā’’ti.
сомаасуд̇д̇аван̣н̣анаа нидтид̇аа.
Somāsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. сомаасуд̇д̇ам̣ • 2. Somāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. сомаасуд̇д̇аван̣н̣анаа • 2. Somāsuttavaṇṇanā
