| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༢. སོམཱསུཏྟཝཎྞནཱ
2. Somāsuttavaṇṇanā
༡༦༣. དུཏིཡེ ཋཱནནྟི ཨརཧཏྟཾ། དུརབྷིསམྦྷཝནྟི དུཔྤསཧཾ། དྭངྒུལཔཉྙཱཡཱཏི པརིཏྟཔཉྙཱཡ། ཡསྨཱ ཝཱ དྭཱིཧི ཨངྒུལེཧི ཀཔྤཱསཝཊྚིཾ གཧེཏྭཱ སུཏྟཾ ཀནྟནྟི, ཏསྨཱ ཨིཏྠཱི ‘‘དྭངྒུལཔཉྙཱ’’ཏི ཝུཙྩཏི། ཉཱཎམྷི ཝཏྟམཱནམྷཱིཏི ཕལསམཱཔཏྟིཉཱཎེ པཝཏྟམཱནེ། དྷམྨཾ ཝིཔསྶཏོཏི ཙཏུསཙྩདྷམྨཾ ཝིཔསྶནྟསྶ, པུབྦབྷཱགེ ཝཱ ཝིཔསྶནཱཡ ཨཱརམྨཎབྷཱུཏཾ ཁནྡྷཔཉྩཀམེཝ། ཀིཉྩི ཝཱ པན ཨཉྙསྨཱིཏི ཨཉྙཾ ཝཱ ཀིཉྩི ‘‘ཨཧཾ ཨསྨཱི’’ཏི ཏཎྷཱམཱནདིཊྛིཝསེན ཡསྶ སིཡཱ། དུཏིཡཾ།
163. Dutiye ṭhānanti arahattaṃ. Durabhisambhavanti duppasahaṃ. Dvaṅgulapaññāyāti parittapaññāya. Yasmā vā dvīhi aṅgulehi kappāsavaṭṭiṃ gahetvā suttaṃ kantanti, tasmā itthī ‘‘dvaṅgulapaññā’’ti vuccati. Ñāṇamhi vattamānamhīti phalasamāpattiñāṇe pavattamāne. Dhammaṃ vipassatoti catusaccadhammaṃ vipassantassa, pubbabhāge vā vipassanāya ārammaṇabhūtaṃ khandhapañcakameva. Kiñci vā pana aññasmīti aññaṃ vā kiñci ‘‘ahaṃ asmī’’ti taṇhāmānadiṭṭhivasena yassa siyā. Dutiyaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༢. སོམཱསུཏྟཾ • 2. Somāsuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༢. སོམཱསུཏྟཝཎྞནཱ • 2. Somāsuttavaṇṇanā
