| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੨. ਸੋਮਾਸੁਤ੍ਤવਣ੍ਣਨਾ
2. Somāsuttavaṇṇanā
੧੬੩. ਠਾਨਨ੍ਤਿ ਇਸ੍ਸਰਿਯਟ੍ਠਾਨਂ વਿਸਯਜ੍ਝਤ੍ਤਂ। ਦੁਪ੍ਪਸਹਂ ਅਕਮ੍ਪਿਯਭਾવਤ੍ਤਾ। ਦ੍વਙ੍ਗੁਲਪਞ੍ਞਾਯਾਤਿ ਏਤ੍ਥ ਇਤ੍ਥਿਯੋ ਹਿ ਦਹਰਕੁਮਾਰਿਕਾਕਾਲਤੋ ਪਟ੍ਠਾਯ ਓਦਨਪਚਨવਿਧਿਂ ਅਨੁਤਿਟ੍ਠਨ੍ਤਿਯੋ ਉਕ੍ਖਲਿਯਂ ਉਦਕਂ ਤਾਪੇਤ੍વਾ ਤਣ੍ਡੁਲੇ ਪਕ੍ਖਿਪਿਤ੍વਾ ਅਤ੍ਤਨੋ ਬੁਦ੍ਧਿਯਾ ਤੇਸਂ ਪਾਕਕਾਲਪ੍ਪਮਾਣਂ ਪਰਿਚ੍ਛਿਨ੍ਦਿਤੁਂ ਤਾਨਿ ਦਬ੍ਬਿਯਾ ਉਦ੍ਧਰਿਤ੍વਾਪਿ વਣ੍ਣਸਣ੍ਠਾਨਗ੍ਗਹਣਮਤ੍ਤੇਨ ਪਕ੍ਕਾਪਕ੍ਕਭਾવਂ ਜਾਨਿਤੁਂ ਨ ਸਕ੍ਕੋਨ੍ਤਿ, ਕੇવਲਂ ਪਨ ਦ੍વੀਹਿ ਅਙ੍ਗੁਲੀਹਿ ਉਪ੍ਪੀਲ਼ਿਤਕਾਲੇ ਏવ ਜਾਨਨ੍ਤਿ, ਤਸ੍ਮਾ ਦ੍વੀਹਙ੍ਗੁਲਿਕੇਹਿ ਦੁਬ੍ਬਲਪਞ੍ਞਤ੍ਤਾ ‘‘ਦ੍વਙ੍ਗੁਲਪਞ੍ਞਾ’’ਤਿ વੁਚ੍ਚਨ੍ਤਿ। ਫਲਸਮਾਪਤ੍ਤਿਞਾਣਪ੍ਪવਤ੍ਤਿਕਿਤ੍ਤਨੇਨ ਚਤੂਸੁ ਸਚ੍ਚੇਸੁ ਅਸਮ੍ਮੋਹવਿਹਾਰੋ ਦੀਪਿਤੋ ਹੋਤੀਤਿ ਆਹ ‘‘ਞਾਣਮ੍ਹਿ વਤ੍ਤਮਾਨਮ੍ਹੀਤਿ ਫਲਸਮਾਪਤ੍ਤਿਞਾਣੇ ਪવਤ੍ਤਮਾਨੇ’’ਤਿ। વਿਪਸ੍ਸਨ੍ਤਸ੍ਸਾਤਿ ਅਸਮ੍ਮੋਹਪਟਿવੇਧਤੋ વਿਸੇਸੇਨ ਪਸ੍ਸਨ੍ਤਸ੍ਸ ਖਨ੍ਧਪਞ੍ਚਕਮੇવ ਸਚ੍ਚਾਭਿਸਮਯਤੋ ਪੁਬ੍ਬਭਾਗੇ વਿਪਸ੍ਸਨ੍ਤਸ੍ਸ। ਅਞ੍ਞਂ વਾਤਿ ਇਤ੍ਥਿਪੁਰਿਸਤੋ ਅਞ੍ਞਂ વਾ ਕਿਞ੍ਚਿ વਤ੍ਥੁਂ। ‘‘ਅਹਂ ਅਸ੍ਮੀ’’ਤਿ ਮਾਨਦਿਟ੍ਠਿਗਾਹਤਣ੍ਹਾਗਾਹવਸੇਨ ਗਹਿਤવਤ੍ਥੁਸ੍ਮਿਂ ਯੇવਾਤਿ ਆਹ ‘‘ਅਹਂ ਅਸ੍ਮੀਤਿ ਤਣ੍ਹਾਮਾਨਦਿਟ੍ਠਿવਸੇਨਾ’’ਤਿ।
163.Ṭhānanti issariyaṭṭhānaṃ visayajjhattaṃ. Duppasahaṃ akampiyabhāvattā. Dvaṅgulapaññāyāti ettha itthiyo hi daharakumārikākālato paṭṭhāya odanapacanavidhiṃ anutiṭṭhantiyo ukkhaliyaṃ udakaṃ tāpetvā taṇḍule pakkhipitvā attano buddhiyā tesaṃ pākakālappamāṇaṃ paricchindituṃ tāni dabbiyā uddharitvāpi vaṇṇasaṇṭhānaggahaṇamattena pakkāpakkabhāvaṃ jānituṃ na sakkonti, kevalaṃ pana dvīhi aṅgulīhi uppīḷitakāle eva jānanti, tasmā dvīhaṅgulikehi dubbalapaññattā ‘‘dvaṅgulapaññā’’ti vuccanti. Phalasamāpattiñāṇappavattikittanena catūsu saccesu asammohavihāro dīpito hotīti āha ‘‘ñāṇamhi vattamānamhīti phalasamāpattiñāṇe pavattamāne’’ti. Vipassantassāti asammohapaṭivedhato visesena passantassa khandhapañcakameva saccābhisamayato pubbabhāge vipassantassa. Aññaṃ vāti itthipurisato aññaṃ vā kiñci vatthuṃ. ‘‘Ahaṃ asmī’’ti mānadiṭṭhigāhataṇhāgāhavasena gahitavatthusmiṃ yevāti āha ‘‘ahaṃ asmīti taṇhāmānadiṭṭhivasenā’’ti.
ਸੋਮਾਸੁਤ੍ਤવਣ੍ਣਨਾ ਨਿਟ੍ਠਿਤਾ।
Somāsuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਸੋਮਾਸੁਤ੍ਤਂ • 2. Somāsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨. ਸੋਮਾਸੁਤ੍ਤવਣ੍ਣਨਾ • 2. Somāsuttavaṇṇanā
