| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
8. сомаат̇зрийг̇аат̇ааван̣н̣анаа
8. Somātherīgāthāvaṇṇanā
яам̣ д̇ам̣ исийхи бад̇д̇аб̣б̣анд̇иаад̣̇игаа сомааяа т̇зрияаа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇ий сикисса бхаг̇авад̇о гаалз кад̇д̇ияамахаасаалагулз ниб̣б̣ад̇д̇ид̇ваа вин̃н̃уд̇ам̣ бад̇ваа арун̣аран̃н̃о аг̇г̇амахзсий ахосийд̇и саб̣б̣ам̣ ад̇ийд̇авад̇т̇у абхаяад̇т̇зрияаа вад̇т̇усад̣̇исам̣. бажжуббаннавад̇т̇у бана аяам̣ т̇зрий д̇ад̇т̇а д̇ад̇т̇а д̣̇звамануссзсу сам̣саранд̇ий имасмим̣ б̣уд̣̇д̇хуббаад̣̇з рааж̇аг̇ахз б̣имб̣исаарасса ран̃н̃о бурохид̇асса д̇хийд̇аа худ̇ваа ниб̣б̣ад̇д̇и. д̇ассаа сомаад̇и наамам̣ ахоси. саа вин̃н̃уд̇ам̣ бад̇д̇аа сад̇т̇у рааж̇аг̇ахабавзсанз бадилад̣̇д̇хасад̣̇д̇хаа убаасигаа худ̇ваа абарабхааг̇з сан̃ж̇аад̇асам̣взг̇аа бхигкунийсу баб̣б̣аж̇ид̇ваа гад̇абуб̣б̣агижжаа вибассанааяа гаммам̣ гаронд̇ий на жирассзва саха бадисамбхид̣̇аахи арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зрий 2.1.71, 80-90) –
Yaṃtaṃ isīhi pattabbantiādikā somāya theriyā gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinantī sikhissa bhagavato kāle khattiyamahāsālakule nibbattitvā viññutaṃ patvā aruṇarañño aggamahesī ahosīti sabbaṃ atītavatthu abhayattheriyā vatthusadisaṃ. Paccuppannavatthu pana ayaṃ therī tattha tattha devamanussesu saṃsarantī imasmiṃ buddhuppāde rājagahe bimbisārassa rañño purohitassa dhītā hutvā nibbatti. Tassā somāti nāmaṃ ahosi. Sā viññutaṃ pattā satthu rājagahapavesane paṭiladdhasaddhā upāsikā hutvā aparabhāge sañjātasaṃvegā bhikkhunīsu pabbajitvā katapubbakiccā vipassanāya kammaṃ karontī na cirasseva saha paṭisambhidāhi arahattaṃ pāpuṇi. Tena vuttaṃ apadāne (apa. therī 2.1.71, 80-90) –
‘‘наг̇арз арун̣авад̇ияаа, арун̣о наама кад̇д̇ияо;
‘‘Nagare aruṇavatiyā, aruṇo nāma khattiyo;
д̇асса ран̃н̃о ахум̣ бхарияаа, ваарид̇ам̣ ваараяаамахам̣.
Tassa rañño ahuṃ bhariyā, vāritaṃ vārayāmahaṃ.
‘‘яаавад̇аа…бз… гад̇ам̣ б̣уд̣̇д̇хасса саасана’’нд̇и. –
‘‘Yāvatā…pe… kataṃ buddhassa sāsana’’nti. –
саб̣б̣ам̣ абхаяад̇т̇зрияаа абад̣̇аанасад̣̇исам̣.
Sabbaṃ abhayattheriyā apadānasadisaṃ.
арахад̇д̇ам̣ бана бад̇ваа вимуд̇д̇исукзна саавад̇т̇ияам̣ вихаранд̇ий згад̣̇ивасам̣ д̣̇иваавихаарад̇т̇ааяа анд̇хаванам̣ бависид̇ваа ан̃н̃ад̇арасмим̣ ругкамуулз нисийд̣̇и. ат̇а нам̣ мааро вивзгад̇о вижчзд̣̇зд̇угаамо ад̣̇иссамаануруубо убаг̇анд̇ваа аагаасз тад̇ваа –
Arahattaṃ pana patvā vimuttisukhena sāvatthiyaṃ viharantī ekadivasaṃ divāvihāratthāya andhavanaṃ pavisitvā aññatarasmiṃ rukkhamūle nisīdi. Atha naṃ māro vivekato vicchedetukāmo adissamānurūpo upagantvā ākāse ṭhatvā –
60.
60.
‘‘яам̣ д̇ам̣ исийхи бад̇д̇аб̣б̣ам̣, таанам̣ д̣̇урабхисамбхавам̣;
‘‘Yaṃ taṃ isīhi pattabbaṃ, ṭhānaṃ durabhisambhavaṃ;
на д̇ам̣ д̣̇ван̇г̇улабан̃н̃ааяа, саггаа баббод̇умид̇т̇ияаа’’д̇и. – имам̣ г̇аат̇амааха;
Na taṃ dvaṅgulapaññāya, sakkā pappotumitthiyā’’ti. – imaṃ gāthamāha;
д̇ассад̇т̇о – сийлагканд̇хаад̣̇ийнам̣ зсанадтзна ‘‘исий’’д̇и лад̣̇д̇ханаамзхи б̣уд̣̇д̇хаад̣̇ийхи махаабан̃н̃зхи бад̇д̇аб̣б̣ам̣, д̇ам̣ ан̃н̃зхи бана д̣̇урабхисамбхавам̣ д̣̇уннибпаад̣̇анийяам̣. яам̣ д̇ам̣ арахад̇д̇асан̇каад̇ам̣ барамассаасадтаанам̣, на д̇ам̣ д̣̇ван̇г̇улабан̃н̃ааяа нихийнабан̃н̃ааяа ид̇т̇ияаа баабун̣ид̇ум̣ саггаа. ид̇т̇ияо хи сад̇д̇адтавассагаалад̇о бадтааяа саб̣б̣агаалам̣ од̣̇анам̣ бажанд̇ияо баггут̇ид̇з уд̣̇агз д̇ан̣д̣улз багкибид̇ваа ‘‘зд̇д̇аавад̇аа од̣̇анам̣ багга’’нд̇и на ж̇аананд̇и, баггут̇ияамаанз бана д̇ан̣д̣улз д̣̇аб̣б̣ияаа уд̣̇д̇харид̇ваа д̣̇вийхи ан̇г̇улийхи бийл̣зд̇ваа ж̇аананд̇и, д̇асмаа д̣̇ван̇г̇улибан̃н̃ааяаад̇и вуд̇д̇аа.
Tassattho – sīlakkhandhādīnaṃ esanaṭṭhena ‘‘isī’’ti laddhanāmehi buddhādīhi mahāpaññehi pattabbaṃ, taṃ aññehi pana durabhisambhavaṃ dunnipphādanīyaṃ. Yaṃ taṃ arahattasaṅkhātaṃ paramassāsaṭṭhānaṃ, na taṃ dvaṅgulapaññāya nihīnapaññāya itthiyā pāpuṇituṃ sakkā. Itthiyo hi sattaṭṭhavassakālato paṭṭhāya sabbakālaṃ odanaṃ pacantiyo pakkuthite udake taṇḍule pakkhipitvā ‘‘ettāvatā odanaṃ pakka’’nti na jānanti, pakkuthiyamāne pana taṇḍule dabbiyā uddharitvā dvīhi aṅgulīhi pīḷetvā jānanti, tasmā dvaṅgulipaññāyāti vuttā.
д̇ам̣ суд̇ваа т̇зрий маарам̣ абасаад̣̇знд̇ий –
Taṃ sutvā therī māraṃ apasādentī –
61.
61.
‘‘ид̇т̇ибхааво но гим̣ гаяираа, жид̇д̇амхи сусамаахид̇з;
‘‘Itthibhāvo no kiṃ kayirā, cittamhi susamāhite;
н̃аан̣амхи вад̇д̇амаанамхи, саммаа д̇хаммам̣ вибассад̇о.
Ñāṇamhi vattamānamhi, sammā dhammaṃ vipassato.
62.
62.
‘‘саб̣б̣ад̇т̇а вихад̇аа нанд̣̇ий, д̇амогканд̇хо бад̣̇аалид̇о;
‘‘Sabbattha vihatā nandī, tamokkhandho padālito;
звам̣ ж̇аанаахи баабима, нихад̇о д̇вамаси анд̇агаа’’д̇и. –
Evaṃ jānāhi pāpima, nihato tvamasi antakā’’ti. –
ид̇араа д̣̇вз г̇аат̇аа абхааси.
Itarā dve gāthā abhāsi.
д̇ад̇т̇а ид̇т̇ибхааво но гим̣ гаяираад̇и маад̇уг̇аамабхааво амхаагам̣ гим̣ гарзяяа, арахад̇д̇аббад̇д̇ияаа гийд̣̇исам̣ виб̣анд̇хам̣ уббаад̣̇зяяа. жид̇д̇амхи сусамаахид̇зд̇и жид̇д̇з аг̇г̇амаг̇г̇асамаад̇хинаа судту самаахид̇з. н̃аан̣амхи вад̇д̇амаанамхийд̇и д̇ад̇о арахад̇д̇амаг̇г̇ан̃аан̣з бавад̇д̇амаанз. саммаа д̇хаммам̣ вибассад̇од̇и жад̇усажжад̇хаммам̣ барин̃н̃аад̣̇ивид̇хинаа саммад̣̇зва бассад̇о. аяан̃хзд̇т̇а сан̇кзбо – баабима, ид̇т̇ий ваа ход̇у бурисо ваа, аг̇г̇амаг̇г̇з ад̇хиг̇ад̇з арахад̇д̇ам̣ хад̇т̇аг̇ад̇амзваад̇и.
Tattha itthibhāvo no kiṃ kayirāti mātugāmabhāvo amhākaṃ kiṃ kareyya, arahattappattiyā kīdisaṃ vibandhaṃ uppādeyya. Cittamhi susamāhiteti citte aggamaggasamādhinā suṭṭhu samāhite. Ñāṇamhi vattamānamhīti tato arahattamaggañāṇe pavattamāne. Sammā dhammaṃ vipassatoti catusaccadhammaṃ pariññādividhinā sammadeva passato. Ayañhettha saṅkhepo – pāpima, itthī vā hotu puriso vā, aggamagge adhigate arahattaṃ hatthagatamevāti.
ид̣̇аани д̇асса ад̇д̇анаа ад̇хиг̇ад̇абхаавам̣ уж̇угамзва д̣̇ассзнд̇ий ‘‘саб̣б̣ад̇т̇а вихад̇аа нанд̣̇ий’’д̇и г̇аат̇амааха. саа вуд̇д̇ад̇т̇ааязва.
Idāni tassa attanā adhigatabhāvaṃ ujukameva dassentī ‘‘sabbattha vihatā nandī’’ti gāthamāha. Sā vuttatthāyeva.
сомаат̇зрийг̇аат̇ааван̣н̣анаа нидтид̇аа.
Somātherīgāthāvaṇṇanā niṭṭhitā.
д̇иганибаад̇аван̣н̣анаа нидтид̇аа.
Tikanipātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 8. сомаат̇зрийг̇аат̇аа • 8. Somātherīgāthā
