| Library / Tipiṭaka / д̇ибидага • Tipiṭaka / д̣̇ийгханигааяа • Dīghanikāya |
4. сон̣ад̣̇ан̣д̣асуд̇д̇ам̣
4. Soṇadaṇḍasuttaṃ
жамбзяяагаб̣раахман̣аг̇ахабад̇игаа
Campeyyakabrāhmaṇagahapatikā
300. звам̣ мз суд̇ам̣ – згам̣ самаяам̣ бхаг̇аваа ан̇г̇зсу жааригам̣ жарамаано махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи язна жамбаа д̇ад̣̇авасари. д̇ад̇ра суд̣̇ам̣ бхаг̇аваа жамбааяам̣ вихарад̇и г̇аг̇г̇арааяа богкаран̣ияаа д̇ийрз. д̇зна ко бана самаязна сон̣ад̣̇ан̣д̣о б̣раахман̣о жамбам̣ аж̇жхаавасад̇и сад̇д̇уссад̣̇ам̣ сад̇ин̣агадтод̣̇агам̣ сад̇хан̃н̃ам̣ рааж̇абхог̇г̇ам̣ ран̃н̃аа мааг̇ад̇хзна сзниязна б̣имб̣исаарзна д̣̇иннам̣ рааж̇ад̣̇ааяам̣ б̣рахмад̣̇зяяам̣.
300. Evaṃ me sutaṃ – ekaṃ samayaṃ bhagavā aṅgesu cārikaṃ caramāno mahatā bhikkhusaṅghena saddhiṃ pañcamattehi bhikkhusatehi yena campā tadavasari. Tatra sudaṃ bhagavā campāyaṃ viharati gaggarāya pokkharaṇiyā tīre. Tena kho pana samayena soṇadaṇḍo brāhmaṇo campaṃ ajjhāvasati sattussadaṃ satiṇakaṭṭhodakaṃ sadhaññaṃ rājabhoggaṃ raññā māgadhena seniyena bimbisārena dinnaṃ rājadāyaṃ brahmadeyyaṃ.
301. ассосум̣ ко жамбзяяагаа б̣раахман̣аг̇ахабад̇игаа – ‘‘саман̣о калу бхо г̇од̇амо сагяабуд̇д̇о сагяагулаа баб̣б̣аж̇ид̇о ан̇г̇зсу жааригам̣ жарамаано махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи жамбам̣ ануббад̇д̇о жамбааяам̣ вихарад̇и г̇аг̇г̇арааяа богкаран̣ияаа д̇ийрз. д̇ам̣ ко бана бхаванд̇ам̣ г̇од̇амам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и. со имам̣ логам̣ сад̣̇звагам̣ самаарагам̣ саб̣рахмагам̣ сассаман̣аб̣раахман̣им̣ баж̇ам̣ сад̣̇звамануссам̣ саяам̣ абхин̃н̃аа сажчигад̇ваа бавзд̣̇зд̇и. со д̇хаммам̣ д̣̇зсзд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзд̇и. саад̇ху ко бана д̇ат̇ааруубаанам̣ арахад̇ам̣ д̣̇ассанам̣ ход̇ий’’д̇и. ат̇а ко жамбзяяагаа б̣раахман̣аг̇ахабад̇игаа жамбааяа нигкамид̇ваа сан̇гхасан̇гхий 1 г̇ан̣ийбхууд̇аа язна г̇аг̇г̇араа богкаран̣ий д̇знубасан̇гаманд̇и.
301. Assosuṃ kho campeyyakā brāhmaṇagahapatikā – ‘‘samaṇo khalu bho gotamo sakyaputto sakyakulā pabbajito aṅgesu cārikaṃ caramāno mahatā bhikkhusaṅghena saddhiṃ pañcamattehi bhikkhusatehi campaṃ anuppatto campāyaṃ viharati gaggarāya pokkharaṇiyā tīre. Taṃ kho pana bhavantaṃ gotamaṃ evaṃ kalyāṇo kittisaddo abbhuggato – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ti. So imaṃ lokaṃ sadevakaṃ samārakaṃ sabrahmakaṃ sassamaṇabrāhmaṇiṃ pajaṃ sadevamanussaṃ sayaṃ abhiññā sacchikatvā pavedeti. So dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ pakāseti. Sādhu kho pana tathārūpānaṃ arahataṃ dassanaṃ hotī’’ti. Atha kho campeyyakā brāhmaṇagahapatikā campāya nikkhamitvā saṅghasaṅghī 2 gaṇībhūtā yena gaggarā pokkharaṇī tenupasaṅkamanti.
302. д̇зна ко бана самаязна сон̣ад̣̇ан̣д̣о б̣раахман̣о убарибаасаад̣̇з д̣̇иваасзяяам̣ убаг̇ад̇о ход̇и. ад̣̇д̣̇асаа ко сон̣ад̣̇ан̣д̣о б̣раахман̣о жамбзяяагз б̣раахман̣аг̇ахабад̇игз жамбааяа нигкамид̇ваа сан̇гхасан̇гхий 3 г̇ан̣ийбхууд̇з язна г̇аг̇г̇араа богкаран̣ий д̇знубасан̇гаманд̇з. д̣̇исваа кад̇д̇ам̣ ааманд̇зси – ‘‘гим̣ ну ко, бхо кад̇д̇з, жамбзяяагаа б̣раахман̣аг̇ахабад̇игаа жамбааяа нигкамид̇ваа сан̇гхасан̇гхий г̇ан̣ийбхууд̇аа язна г̇аг̇г̇араа богкаран̣ий д̇знубасан̇гаманд̇ий’’д̇и? ‘‘ад̇т̇и ко, бхо, саман̣о г̇од̇амо сагяабуд̇д̇о сагяагулаа баб̣б̣аж̇ид̇о ан̇г̇зсу жааригам̣ жарамаано махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи жамбам̣ ануббад̇д̇о жамбааяам̣ вихарад̇и г̇аг̇г̇арааяа богкаран̣ияаа д̇ийрз. д̇ам̣ ко бана бхаванд̇ам̣ г̇од̇амам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и. д̇амзд̇з бхаванд̇ам̣ г̇од̇амам̣ д̣̇ассанааяа убасан̇гаманд̇ий’’д̇и. ‘‘д̇зна хи, бхо кад̇д̇з, язна жамбзяяагаа б̣раахман̣аг̇ахабад̇игаа д̇знубасан̇гама, убасан̇гамид̇ваа жамбзяяагз б̣раахман̣аг̇ахабад̇игз звам̣ вад̣̇зхи – ‘сон̣ад̣̇ан̣д̣о, бхо, б̣раахман̣о звамааха – ааг̇амзнд̇у гира бхаванд̇о, сон̣ад̣̇ан̣д̣оби б̣раахман̣о саман̣ам̣ г̇од̇амам̣ д̣̇ассанааяа убасан̇гамиссад̇ий’’’д̇и. ‘‘звам̣, бхо’’д̇и ко со кад̇д̇аа сон̣ад̣̇ан̣д̣асса б̣раахман̣асса бадиссуд̇ваа язна жамбзяяагаа б̣раахман̣аг̇ахабад̇игаа д̇знубасан̇гами; убасан̇гамид̇ваа жамбзяяагз б̣раахман̣аг̇ахабад̇игз зд̇ад̣̇авожа – ‘‘сон̣ад̣̇ан̣д̣о бхо б̣раахман̣о звамааха – ‘ааг̇амзнд̇у гира бхаванд̇о, сон̣ад̣̇ан̣д̣оби б̣раахман̣о саман̣ам̣ г̇од̇амам̣ д̣̇ассанааяа убасан̇гамиссад̇ий’’’д̇и.
302. Tena kho pana samayena soṇadaṇḍo brāhmaṇo uparipāsāde divāseyyaṃ upagato hoti. Addasā kho soṇadaṇḍo brāhmaṇo campeyyake brāhmaṇagahapatike campāya nikkhamitvā saṅghasaṅghī 4 gaṇībhūte yena gaggarā pokkharaṇī tenupasaṅkamante. Disvā khattaṃ āmantesi – ‘‘kiṃ nu kho, bho khatte, campeyyakā brāhmaṇagahapatikā campāya nikkhamitvā saṅghasaṅghī gaṇībhūtā yena gaggarā pokkharaṇī tenupasaṅkamantī’’ti? ‘‘Atthi kho, bho, samaṇo gotamo sakyaputto sakyakulā pabbajito aṅgesu cārikaṃ caramāno mahatā bhikkhusaṅghena saddhiṃ pañcamattehi bhikkhusatehi campaṃ anuppatto campāyaṃ viharati gaggarāya pokkharaṇiyā tīre. Taṃ kho pana bhavantaṃ gotamaṃ evaṃ kalyāṇo kittisaddo abbhuggato – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ti. Tamete bhavantaṃ gotamaṃ dassanāya upasaṅkamantī’’ti. ‘‘Tena hi, bho khatte, yena campeyyakā brāhmaṇagahapatikā tenupasaṅkama, upasaṅkamitvā campeyyake brāhmaṇagahapatike evaṃ vadehi – ‘soṇadaṇḍo, bho, brāhmaṇo evamāha – āgamentu kira bhavanto, soṇadaṇḍopi brāhmaṇo samaṇaṃ gotamaṃ dassanāya upasaṅkamissatī’’’ti. ‘‘Evaṃ, bho’’ti kho so khattā soṇadaṇḍassa brāhmaṇassa paṭissutvā yena campeyyakā brāhmaṇagahapatikā tenupasaṅkami; upasaṅkamitvā campeyyake brāhmaṇagahapatike etadavoca – ‘‘soṇadaṇḍo bho brāhmaṇo evamāha – ‘āgamentu kira bhavanto, soṇadaṇḍopi brāhmaṇo samaṇaṃ gotamaṃ dassanāya upasaṅkamissatī’’’ti.
сон̣ад̣̇ан̣д̣аг̇ун̣агат̇аа
Soṇadaṇḍaguṇakathā
303. д̇зна ко бана самаязна наанаавзраж̇ж̇агаанам̣ б̣раахман̣аанам̣ бан̃жамад̇д̇аани б̣раахман̣асад̇аани жамбааяам̣ бадивасанд̇и гзнажид̣̇зва гаран̣ийязна. ассосум̣ ко д̇з б̣раахман̣аа – ‘‘сон̣ад̣̇ан̣д̣о гира б̣раахман̣о саман̣ам̣ г̇од̇амам̣ д̣̇ассанааяа убасан̇гамиссад̇ий’’д̇и. ат̇а ко д̇з б̣раахман̣аа язна сон̣ад̣̇ан̣д̣о б̣раахман̣о д̇знубасан̇гамим̣су; убасан̇гамид̇ваа сон̣ад̣̇ан̣д̣ам̣ б̣раахман̣ам̣ зд̇ад̣̇авожум̣ – ‘‘сажжам̣ гира бхавам̣ сон̣ад̣̇ан̣д̣о саман̣ам̣ г̇од̇амам̣ д̣̇ассанааяа убасан̇гамиссад̇ий’’д̇и? ‘‘звам̣ ко мз, бхо, ход̇и – ‘ахамби саман̣ам̣ г̇од̇амам̣ д̣̇ассанааяа убасан̇гамиссаамий’’’д̇и.
303. Tena kho pana samayena nānāverajjakānaṃ brāhmaṇānaṃ pañcamattāni brāhmaṇasatāni campāyaṃ paṭivasanti kenacideva karaṇīyena. Assosuṃ kho te brāhmaṇā – ‘‘soṇadaṇḍo kira brāhmaṇo samaṇaṃ gotamaṃ dassanāya upasaṅkamissatī’’ti. Atha kho te brāhmaṇā yena soṇadaṇḍo brāhmaṇo tenupasaṅkamiṃsu; upasaṅkamitvā soṇadaṇḍaṃ brāhmaṇaṃ etadavocuṃ – ‘‘saccaṃ kira bhavaṃ soṇadaṇḍo samaṇaṃ gotamaṃ dassanāya upasaṅkamissatī’’ti? ‘‘Evaṃ kho me, bho, hoti – ‘ahampi samaṇaṃ gotamaṃ dassanāya upasaṅkamissāmī’’’ti.
‘‘маа бхавам̣ сон̣ад̣̇ан̣д̣о саман̣ам̣ г̇од̇амам̣ д̣̇ассанааяа убасан̇гами. на арахад̇и бхавам̣ сон̣ад̣̇ан̣д̣о саман̣ам̣ г̇од̇амам̣ д̣̇ассанааяа убасан̇гамид̇ум̣. сажз бхавам̣ сон̣ад̣̇ан̣д̣о саман̣ам̣ г̇од̇амам̣ д̣̇ассанааяа убасан̇гамиссад̇и, бход̇о сон̣ад̣̇ан̣д̣асса яасо хааяиссад̇и, саман̣асса г̇од̇амасса яасо абхивад̣дхиссад̇и. яамби бход̇о сон̣ад̣̇ан̣д̣асса яасо хааяиссад̇и, саман̣асса г̇од̇амасса яасо абхивад̣дхиссад̇и , иминаабан̇г̇зна на арахад̇и бхавам̣ сон̣ад̣̇ан̣д̣о саман̣ам̣ г̇од̇амам̣ д̣̇ассанааяа убасан̇гамид̇ум̣; саман̣од̇взва г̇од̇амо арахад̇и бхаванд̇ам̣ сон̣ад̣̇ан̣д̣ам̣ д̣̇ассанааяа убасан̇гамид̇ум̣.
‘‘Mā bhavaṃ soṇadaṇḍo samaṇaṃ gotamaṃ dassanāya upasaṅkami. Na arahati bhavaṃ soṇadaṇḍo samaṇaṃ gotamaṃ dassanāya upasaṅkamituṃ. Sace bhavaṃ soṇadaṇḍo samaṇaṃ gotamaṃ dassanāya upasaṅkamissati, bhoto soṇadaṇḍassa yaso hāyissati, samaṇassa gotamassa yaso abhivaḍḍhissati. Yampi bhoto soṇadaṇḍassa yaso hāyissati, samaṇassa gotamassa yaso abhivaḍḍhissati , imināpaṅgena na arahati bhavaṃ soṇadaṇḍo samaṇaṃ gotamaṃ dassanāya upasaṅkamituṃ; samaṇotveva gotamo arahati bhavantaṃ soṇadaṇḍaṃ dassanāya upasaṅkamituṃ.
‘‘бхаван̃хи сон̣ад̣̇ан̣д̣о убхад̇о суж̇аад̇о маад̇ид̇о жа бид̇ид̇о жа, сам̣суд̣̇д̇хаг̇ахан̣иго яаава сад̇д̇амаа бид̇аамахаяуг̇аа агкид̇д̇о анубаггудто ж̇аад̇иваад̣̇зна. яамби бхавам̣ сон̣ад̣̇ан̣д̣о убхад̇о суж̇аад̇о маад̇ид̇о жа бид̇ид̇о жа, сам̣суд̣̇д̇хаг̇ахан̣иго яаава сад̇д̇амаа бид̇аамахаяуг̇аа агкид̇д̇о анубаггудто ж̇аад̇иваад̣̇зна, иминаабан̇г̇зна на арахад̇и бхавам̣ сон̣ад̣̇ан̣д̣о саман̣ам̣ г̇од̇амам̣ д̣̇ассанааяа убасан̇гамид̇ум̣; саман̣од̇взва г̇од̇амо арахад̇и бхаванд̇ам̣ сон̣ад̣̇ан̣д̣ам̣ д̣̇ассанааяа убасан̇гамид̇ум̣.
‘‘Bhavañhi soṇadaṇḍo ubhato sujāto mātito ca pitito ca, saṃsuddhagahaṇiko yāva sattamā pitāmahayugā akkhitto anupakkuṭṭho jātivādena. Yampi bhavaṃ soṇadaṇḍo ubhato sujāto mātito ca pitito ca, saṃsuddhagahaṇiko yāva sattamā pitāmahayugā akkhitto anupakkuṭṭho jātivādena, imināpaṅgena na arahati bhavaṃ soṇadaṇḍo samaṇaṃ gotamaṃ dassanāya upasaṅkamituṃ; samaṇotveva gotamo arahati bhavantaṃ soṇadaṇḍaṃ dassanāya upasaṅkamituṃ.
‘‘бхаван̃хи сон̣ад̣̇ан̣д̣о ад̣дхо махад̣̇д̇хано махаабхог̇о…бз…
‘‘Bhavañhi soṇadaṇḍo aḍḍho mahaddhano mahābhogo…pe…
‘‘бхаван̃хи сон̣ад̣̇ан̣д̣о аж̇жхааяаго , манд̇ад̇харо, д̇ин̣н̣ам̣ взд̣̇аанам̣ баараг̇уу санигхан̣д̣угздубхаанам̣ саагкараббабхзд̣̇аанам̣ ид̇ихаасабан̃жамаанам̣ бад̣̇аго взяяаагаран̣о, логааяад̇амахаабурисалагкан̣зсу анаваяо…бз…
‘‘Bhavañhi soṇadaṇḍo ajjhāyako , mantadharo, tiṇṇaṃ vedānaṃ pāragū sanighaṇḍukeṭubhānaṃ sākkharappabhedānaṃ itihāsapañcamānaṃ padako veyyākaraṇo, lokāyatamahāpurisalakkhaṇesu anavayo…pe…
‘‘бхаван̃хи сон̣ад̣̇ан̣д̣о абхируубо д̣̇ассанийяо баасаад̣̇иго барамааяа ван̣н̣абогкарад̇ааяа саманнааг̇ад̇о б̣рахмаван̣н̣ий б̣рахмаважчасий 5 акуд̣̇д̣̇аавагаасо д̣̇ассанааяа…бз…
‘‘Bhavañhi soṇadaṇḍo abhirūpo dassanīyo pāsādiko paramāya vaṇṇapokkharatāya samannāgato brahmavaṇṇī brahmavacchasī 6 akhuddāvakāso dassanāya…pe…
‘‘бхаван̃хи сон̣ад̣̇ан̣д̣о сийлаваа вуд̣̇д̇хасийлий вуд̣̇д̇хасийлзна саманнааг̇ад̇о…бз…
‘‘Bhavañhi soṇadaṇḍo sīlavā vuddhasīlī vuddhasīlena samannāgato…pe…
‘‘бхаван̃хи сон̣ад̣̇ан̣д̣о галяаан̣аваажо галяаан̣авааггаран̣о борияаа ваажааяа саманнааг̇ад̇о виссадтааяа анзлаг̇алааяа 7 ад̇т̇асса вин̃н̃аабанияаа…бз…
‘‘Bhavañhi soṇadaṇḍo kalyāṇavāco kalyāṇavākkaraṇo poriyā vācāya samannāgato vissaṭṭhāya anelagalāya 8 atthassa viññāpaniyā…pe…
‘‘бхаван̃хи сон̣ад̣̇ан̣д̣о б̣ахуунам̣ аажарияабаажарияо д̇ийн̣и маан̣авагасад̇аани манд̇з ваажзд̇и. б̣ахуу ко бана наанаад̣̇исаа наанааж̇анабад̣̇аа маан̣авагаа ааг̇ажчанд̇и бход̇о сон̣ад̣̇ан̣д̣асса санд̇игз манд̇ад̇т̇игаа манд̇з ад̇хияид̇угаамаа …бз…
‘‘Bhavañhi soṇadaṇḍo bahūnaṃ ācariyapācariyo tīṇi māṇavakasatāni mante vāceti. Bahū kho pana nānādisā nānājanapadā māṇavakā āgacchanti bhoto soṇadaṇḍassa santike mantatthikā mante adhiyitukāmā …pe…
‘‘бхаван̃хи сон̣ад̣̇ан̣д̣о ж̇ин̣н̣о вуд̣̇д̇хо махаллаго ад̣̇д̇хаг̇ад̇о ваяоануббад̇д̇о; саман̣о г̇од̇амо д̇арун̣о жзва д̇арун̣абаб̣б̣аж̇ид̇о жа…бз…
‘‘Bhavañhi soṇadaṇḍo jiṇṇo vuddho mahallako addhagato vayoanuppatto; samaṇo gotamo taruṇo ceva taruṇapabbajito ca…pe…
‘‘бхаван̃хи сон̣ад̣̇ан̣д̣о ран̃н̃о мааг̇ад̇хасса сзнияасса б̣имб̣исаарасса саггад̇о г̇аругад̇о маанид̇о бууж̇ид̇о абажид̇о…бз…
‘‘Bhavañhi soṇadaṇḍo rañño māgadhassa seniyassa bimbisārassa sakkato garukato mānito pūjito apacito…pe…
‘‘бхаван̃хи сон̣ад̣̇ан̣д̣о б̣раахман̣асса богкарасаад̇исса саггад̇о г̇аругад̇о маанид̇о бууж̇ид̇о абажид̇о…бз…
‘‘Bhavañhi soṇadaṇḍo brāhmaṇassa pokkharasātissa sakkato garukato mānito pūjito apacito…pe…
‘‘бхаван̃хи сон̣ад̣̇ан̣д̣о жамбам̣ аж̇жхаавасад̇и сад̇д̇уссад̣̇ам̣ сад̇ин̣агадтод̣̇агам̣ сад̇хан̃н̃ам̣ рааж̇абхог̇г̇ам̣, ран̃н̃аа мааг̇ад̇хзна сзниязна б̣имб̣исаарзна д̣̇иннам̣, рааж̇ад̣̇ааяам̣ б̣рахмад̣̇зяяам̣. яамби бхавам̣ сон̣ад̣̇ан̣д̣о жамбам̣ аж̇жхаавасад̇и сад̇д̇уссад̣̇ам̣ сад̇ин̣агадтод̣̇агам̣ сад̇хан̃н̃ам̣ рааж̇абхог̇г̇ам̣, ран̃н̃аа мааг̇ад̇хзна сзниязна б̣имб̣исаарзна д̣̇иннам̣, рааж̇ад̣̇ааяам̣ б̣рахмад̣̇зяяам̣. иминаабан̇г̇зна на арахад̇и бхавам̣ сон̣ад̣̇ан̣д̣о саман̣ам̣ г̇од̇амам̣ д̣̇ассанааяа убасан̇гамид̇ум̣; саман̣од̇взва г̇од̇амо арахад̇и бхаванд̇ам̣ сон̣ад̣̇ан̣д̣ам̣ д̣̇ассанааяа убасан̇гамид̇у’’нд̇и.
‘‘Bhavañhi soṇadaṇḍo campaṃ ajjhāvasati sattussadaṃ satiṇakaṭṭhodakaṃ sadhaññaṃ rājabhoggaṃ, raññā māgadhena seniyena bimbisārena dinnaṃ, rājadāyaṃ brahmadeyyaṃ. Yampi bhavaṃ soṇadaṇḍo campaṃ ajjhāvasati sattussadaṃ satiṇakaṭṭhodakaṃ sadhaññaṃ rājabhoggaṃ, raññā māgadhena seniyena bimbisārena dinnaṃ, rājadāyaṃ brahmadeyyaṃ. Imināpaṅgena na arahati bhavaṃ soṇadaṇḍo samaṇaṃ gotamaṃ dassanāya upasaṅkamituṃ; samaṇotveva gotamo arahati bhavantaṃ soṇadaṇḍaṃ dassanāya upasaṅkamitu’’nti.
б̣уд̣̇д̇хаг̇ун̣агат̇аа
Buddhaguṇakathā
304. звам̣ вуд̇д̇з, сон̣ад̣̇ан̣д̣о б̣раахман̣о д̇з б̣раахман̣з зд̇ад̣̇авожа –
304. Evaṃ vutte, soṇadaṇḍo brāhmaṇo te brāhmaṇe etadavoca –
‘‘д̇зна хи, бхо, мамаби сун̣аат̇а, яат̇аа маяамзва арахаама д̇ам̣ бхаванд̇ам̣ г̇од̇амам̣ д̣̇ассанааяа убасан̇гамид̇ум̣; над̇взва арахад̇и со бхавам̣ г̇од̇амо амхаагам̣ д̣̇ассанааяа убасан̇гамид̇ум̣. саман̣о калу, бхо, г̇од̇амо убхад̇о суж̇аад̇о маад̇ид̇о жа бид̇ид̇о жа, сам̣суд̣̇д̇хаг̇ахан̣иго яаава сад̇д̇амаа бид̇аамахаяуг̇аа, агкид̇д̇о анубаггудто ж̇аад̇иваад̣̇зна. яамби бхо саман̣о г̇од̇амо убхад̇о суж̇аад̇о маад̇ид̇о жа бид̇ид̇о жа сам̣суд̣̇д̇хаг̇ахан̣иго яаава сад̇д̇амаа бид̇аамахаяуг̇аа, агкид̇д̇о анубаггудто ж̇аад̇иваад̣̇зна, иминаабан̇г̇зна на арахад̇и со бхавам̣ г̇од̇амо амхаагам̣ д̣̇ассанааяа убасан̇гамид̇ум̣ ; ат̇а ко маяамзва арахаама д̇ам̣ бхаванд̇ам̣ г̇од̇амам̣ д̣̇ассанааяа убасан̇гамид̇ум̣.
‘‘Tena hi, bho, mamapi suṇātha, yathā mayameva arahāma taṃ bhavantaṃ gotamaṃ dassanāya upasaṅkamituṃ; natveva arahati so bhavaṃ gotamo amhākaṃ dassanāya upasaṅkamituṃ. Samaṇo khalu, bho, gotamo ubhato sujāto mātito ca pitito ca, saṃsuddhagahaṇiko yāva sattamā pitāmahayugā, akkhitto anupakkuṭṭho jātivādena. Yampi bho samaṇo gotamo ubhato sujāto mātito ca pitito ca saṃsuddhagahaṇiko yāva sattamā pitāmahayugā, akkhitto anupakkuṭṭho jātivādena, imināpaṅgena na arahati so bhavaṃ gotamo amhākaṃ dassanāya upasaṅkamituṃ ; atha kho mayameva arahāma taṃ bhavantaṃ gotamaṃ dassanāya upasaṅkamituṃ.
‘‘саман̣о калу, бхо, г̇од̇амо маханд̇ам̣ н̃аад̇исан̇гхам̣ охааяа баб̣б̣аж̇ид̇о…бз…
‘‘Samaṇo khalu, bho, gotamo mahantaṃ ñātisaṅghaṃ ohāya pabbajito…pe…
‘‘саман̣о калу, бхо, г̇од̇амо бахууд̇ам̣ хиран̃н̃асуван̣н̣ам̣ охааяа баб̣б̣аж̇ид̇о бхуумиг̇ад̇ан̃жа взхаасадтам̣ жа…бз…
‘‘Samaṇo khalu, bho, gotamo pahūtaṃ hiraññasuvaṇṇaṃ ohāya pabbajito bhūmigatañca vehāsaṭṭhaṃ ca…pe…
‘‘саман̣о калу, бхо, г̇од̇амо д̣̇ахарова самаано яуваа сусугаал̣агзсо бхад̣̇рзна яоб̣б̣анзна саманнааг̇ад̇о батамзна ваяасаа аг̇аарасмаа анаг̇аарияам̣ баб̣б̣аж̇ид̇о…бз…
‘‘Samaṇo khalu, bho, gotamo daharova samāno yuvā susukāḷakeso bhadrena yobbanena samannāgato paṭhamena vayasā agārasmā anagāriyaṃ pabbajito…pe…
‘‘саман̣о калу, бхо, г̇од̇амо агаамагаанам̣ маад̇аабид̇уунам̣ ассумукаанам̣ руд̣̇анд̇аанам̣ гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ид̇о…бз…
‘‘Samaṇo khalu, bho, gotamo akāmakānaṃ mātāpitūnaṃ assumukhānaṃ rudantānaṃ kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajito…pe…
‘‘саман̣о калу, бхо, г̇од̇амо абхируубо д̣̇ассанийяо баасаад̣̇иго барамааяа ван̣н̣абогкарад̇ааяа саманнааг̇ад̇о, б̣рахмаван̣н̣ий, б̣рахмаважчасий, акуд̣̇д̣̇аавагаасо д̣̇ассанааяа…бз…
‘‘Samaṇo khalu, bho, gotamo abhirūpo dassanīyo pāsādiko paramāya vaṇṇapokkharatāya samannāgato, brahmavaṇṇī, brahmavacchasī, akhuddāvakāso dassanāya…pe…
‘‘саман̣о калу, бхо, г̇од̇амо сийлаваа арияасийлий гусаласийлий гусаласийлзна саманнааг̇ад̇о…бз…
‘‘Samaṇo khalu, bho, gotamo sīlavā ariyasīlī kusalasīlī kusalasīlena samannāgato…pe…
‘‘саман̣о калу, бхо, г̇од̇амо галяаан̣аваажо галяаан̣авааггаран̣о борияаа ваажааяа саманнааг̇ад̇о виссадтааяа анзлаг̇алааяа ад̇т̇асса вин̃н̃аабанияаа…бз…
‘‘Samaṇo khalu, bho, gotamo kalyāṇavāco kalyāṇavākkaraṇo poriyā vācāya samannāgato vissaṭṭhāya anelagalāya atthassa viññāpaniyā…pe…
‘‘саман̣о калу, бхо, г̇од̇амо б̣ахуунам̣ аажарияабаажарияо…бз…
‘‘Samaṇo khalu, bho, gotamo bahūnaṃ ācariyapācariyo…pe…
‘‘саман̣о калу, бхо, г̇од̇амо кийн̣агаамарааг̇о виг̇ад̇ажаабалло…бз…
‘‘Samaṇo khalu, bho, gotamo khīṇakāmarāgo vigatacāpallo…pe…
‘‘саман̣о калу, бхо, г̇од̇амо гаммаваад̣̇ий гирияаваад̣̇ий абаабабурзгкааро б̣рахман̃н̃ааяа баж̇ааяа…бз…
‘‘Samaṇo khalu, bho, gotamo kammavādī kiriyavādī apāpapurekkhāro brahmaññāya pajāya…pe…
‘‘саман̣о калу, бхо, г̇од̇амо ужжаа гулаа баб̣б̣аж̇ид̇о асамбхиннакад̇д̇ияагулаа…бз…
‘‘Samaṇo khalu, bho, gotamo uccā kulā pabbajito asambhinnakhattiyakulā…pe…
‘‘саман̣о калу, бхо, г̇од̇амо ад̣дхаа гулаа баб̣б̣аж̇ид̇о махад̣̇д̇ханаа махаабхог̇аа…бз…
‘‘Samaṇo khalu, bho, gotamo aḍḍhā kulā pabbajito mahaddhanā mahābhogā…pe…
‘‘саман̣ам̣ калу, бхо, г̇од̇амам̣ д̇ирорадтаа д̇ирож̇анабад̣̇аа бан̃хам̣ бужчид̇ум̣ ааг̇ажчанд̇и…бз…
‘‘Samaṇaṃ khalu, bho, gotamaṃ tiroraṭṭhā tirojanapadā pañhaṃ pucchituṃ āgacchanti…pe…
‘‘саман̣ам̣ калу, бхо, г̇од̇амам̣ анзгаани д̣̇звад̇аасахассаани баан̣зхи саран̣ам̣ г̇ад̇аани…бз…
‘‘Samaṇaṃ khalu, bho, gotamaṃ anekāni devatāsahassāni pāṇehi saraṇaṃ gatāni…pe…
‘‘саман̣ам̣ калу, бхо, г̇од̇амам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’ д̇и…бз…
‘‘Samaṇaṃ khalu, bho, gotamaṃ evaṃ kalyāṇo kittisaddo abbhuggato – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ ti…pe…
‘‘саман̣о калу, бхо, г̇од̇амо д̣̇вад̇д̇им̣самахаабурисалагкан̣зхи саманнааг̇ад̇о…бз…
‘‘Samaṇo khalu, bho, gotamo dvattiṃsamahāpurisalakkhaṇehi samannāgato…pe…
‘‘саман̣о калу, бхо, г̇од̇амо зхисвааг̇ад̇аваад̣̇ий сакило саммод̣̇аго аб̣бхаагудиго уд̇д̇аанамуко буб̣б̣абхаасий…бз…
‘‘Samaṇo khalu, bho, gotamo ehisvāgatavādī sakhilo sammodako abbhākuṭiko uttānamukho pubbabhāsī…pe…
‘‘саман̣о калу, бхо, г̇од̇амо жад̇уннам̣ барисаанам̣ саггад̇о г̇аругад̇о маанид̇о бууж̇ид̇о абажид̇о…бз…
‘‘Samaṇo khalu, bho, gotamo catunnaṃ parisānaṃ sakkato garukato mānito pūjito apacito…pe…
‘‘саман̣з калу, бхо, г̇од̇амз б̣ахуу д̣̇зваа жа мануссаа жа абхиббасаннаа…бз…
‘‘Samaṇe khalu, bho, gotame bahū devā ca manussā ca abhippasannā…pe…
‘‘саман̣о калу, бхо, г̇од̇амо яасмим̣ г̇аамз ваа ниг̇амз ваа бадивасад̇и, на д̇асмим̣ г̇аамз ваа ниг̇амз ваа амануссаа мануссз вихзтзнд̇и…бз…
‘‘Samaṇo khalu, bho, gotamo yasmiṃ gāme vā nigame vā paṭivasati, na tasmiṃ gāme vā nigame vā amanussā manusse viheṭhenti…pe…
‘‘саман̣о калу, бхо, г̇од̇амо сан̇гхий г̇ан̣ий г̇ан̣аажарияо бут̇уд̇ид̇т̇агараанам̣ аг̇г̇амагкааяад̇и. яат̇аа ко бана, бхо, зд̇зсам̣ саман̣аб̣раахман̣аанам̣ яат̇аа ваа д̇ат̇аа ваа яасо самуд̣̇ааг̇ажчад̇и, на хзвам̣ саман̣асса г̇од̇амасса яасо самуд̣̇ааг̇ад̇о. ат̇а ко ануд̇д̇арааяа виж̇ж̇аажаран̣асамбад̣̇ааяа саман̣асса г̇од̇амасса яасо самуд̣̇ааг̇ад̇о…бз…
‘‘Samaṇo khalu, bho, gotamo saṅghī gaṇī gaṇācariyo puthutitthakarānaṃ aggamakkhāyati. Yathā kho pana, bho, etesaṃ samaṇabrāhmaṇānaṃ yathā vā tathā vā yaso samudāgacchati, na hevaṃ samaṇassa gotamassa yaso samudāgato. Atha kho anuttarāya vijjācaraṇasampadāya samaṇassa gotamassa yaso samudāgato…pe…
‘‘саман̣ам̣ калу, бхо, г̇од̇амам̣ рааж̇аа мааг̇ад̇хо сзнияо б̣имб̣исааро сабуд̇д̇о сабхарияо сабарисо саамажжо баан̣зхи саран̣ам̣ г̇ад̇о…бз…
‘‘Samaṇaṃ khalu, bho, gotamaṃ rājā māgadho seniyo bimbisāro saputto sabhariyo sapariso sāmacco pāṇehi saraṇaṃ gato…pe…
‘‘саман̣ам̣ калу, бхо, г̇од̇амам̣ рааж̇аа басзнад̣̇и госало сабуд̇д̇о сабхарияо сабарисо саамажжо баан̣зхи саран̣ам̣ г̇ад̇о…бз…
‘‘Samaṇaṃ khalu, bho, gotamaṃ rājā pasenadi kosalo saputto sabhariyo sapariso sāmacco pāṇehi saraṇaṃ gato…pe…
‘‘саман̣ам̣ калу, бхо, г̇од̇амам̣ б̣раахман̣о богкарасаад̇и сабуд̇д̇о сабхарияо сабарисо саамажжо баан̣зхи саран̣ам̣ г̇ад̇о…бз…
‘‘Samaṇaṃ khalu, bho, gotamaṃ brāhmaṇo pokkharasāti saputto sabhariyo sapariso sāmacco pāṇehi saraṇaṃ gato…pe…
‘‘саман̣о калу, бхо, г̇од̇амо ран̃н̃о мааг̇ад̇хасса сзнияасса б̣имб̣исаарасса саггад̇о г̇аругад̇о маанид̇о бууж̇ид̇о абажид̇о…бз…
‘‘Samaṇo khalu, bho, gotamo rañño māgadhassa seniyassa bimbisārassa sakkato garukato mānito pūjito apacito…pe…
‘‘саман̣о калу, бхо, г̇од̇амо ран̃н̃о басзнад̣̇исса госаласса саггад̇о г̇аругад̇о маанид̇о бууж̇ид̇о абажид̇о…бз…
‘‘Samaṇo khalu, bho, gotamo rañño pasenadissa kosalassa sakkato garukato mānito pūjito apacito…pe…
‘‘саман̣о калу, бхо, г̇од̇амо б̣раахман̣асса богкарасаад̇исса саггад̇о г̇аругад̇о маанид̇о бууж̇ид̇о абажид̇о…бз…
‘‘Samaṇo khalu, bho, gotamo brāhmaṇassa pokkharasātissa sakkato garukato mānito pūjito apacito…pe…
‘‘саман̣о калу, бхо, г̇од̇амо жамбам̣ ануббад̇д̇о, жамбааяам̣ вихарад̇и г̇аг̇г̇арааяа богкаран̣ияаа д̇ийрз. яз ко бана, бхо, гзжи саман̣аа ваа б̣раахман̣аа ваа амхаагам̣ г̇аамакзд̇д̇ам̣ ааг̇ажчанд̇и ад̇ит̇ий но д̇з хонд̇и. ад̇ит̇ий ко банамхзхи саггаад̇аб̣б̣аа г̇аругаад̇аб̣б̣аа маанзд̇аб̣б̣аа бууж̇зд̇аб̣б̣аа абажзд̇аб̣б̣аа. яамби, бхо, саман̣о г̇од̇амо жамбам̣ ануббад̇д̇о жамбааяам̣ вихарад̇и г̇аг̇г̇арааяа богкаран̣ияаа д̇ийрз, ад̇ит̇имхаагам̣ саман̣о г̇од̇амо; ад̇ит̇и ко банамхзхи саггаад̇аб̣б̣о г̇аругаад̇аб̣б̣о маанзд̇аб̣б̣о бууж̇зд̇аб̣б̣о абажзд̇аб̣б̣о. иминаабан̇г̇зна на арахад̇и со бхавам̣ г̇од̇амо амхаагам̣ д̣̇ассанааяа убасан̇гамид̇ум̣. ат̇а ко маяамзва арахаама д̇ам̣ бхаванд̇ам̣ г̇од̇амам̣ д̣̇ассанааяа убасан̇гамид̇ум̣. зд̇д̇агз ко ахам̣, бхо, д̇асса бход̇о г̇од̇амасса ван̣н̣з барияаабун̣аами, но жа ко со бхавам̣ г̇од̇амо зд̇д̇агаван̣н̣о. абаримаан̣аван̣н̣о хи со бхавам̣ г̇од̇амо’’д̇и.
‘‘Samaṇo khalu, bho, gotamo campaṃ anuppatto, campāyaṃ viharati gaggarāya pokkharaṇiyā tīre. Ye kho pana, bho, keci samaṇā vā brāhmaṇā vā amhākaṃ gāmakhettaṃ āgacchanti atithī no te honti. Atithī kho panamhehi sakkātabbā garukātabbā mānetabbā pūjetabbā apacetabbā. Yampi, bho, samaṇo gotamo campaṃ anuppatto campāyaṃ viharati gaggarāya pokkharaṇiyā tīre, atithimhākaṃ samaṇo gotamo; atithi kho panamhehi sakkātabbo garukātabbo mānetabbo pūjetabbo apacetabbo. Imināpaṅgena na arahati so bhavaṃ gotamo amhākaṃ dassanāya upasaṅkamituṃ. Atha kho mayameva arahāma taṃ bhavantaṃ gotamaṃ dassanāya upasaṅkamituṃ. Ettake kho ahaṃ, bho, tassa bhoto gotamassa vaṇṇe pariyāpuṇāmi, no ca kho so bhavaṃ gotamo ettakavaṇṇo. Aparimāṇavaṇṇo hi so bhavaṃ gotamo’’ti.
305. звам̣ вуд̇д̇з, д̇з б̣раахман̣аа сон̣ад̣̇ан̣д̣ам̣ б̣раахман̣ам̣ зд̇ад̣̇авожум̣ – ‘‘яат̇аа ко бхавам̣ сон̣ад̣̇ан̣д̣о саман̣асса г̇од̇амасса ван̣н̣з бхаасад̇и ид̇о жзби со бхавам̣ г̇од̇амо яож̇анасад̇з вихарад̇и, аламзва сад̣̇д̇хзна гулабуд̇д̇зна д̣̇ассанааяа убасан̇гамид̇ум̣ аби будосзнаа’’д̇и. ‘‘д̇зна хи, бхо, саб̣б̣зва маяам̣ саман̣ам̣ г̇од̇амам̣ д̣̇ассанааяа убасан̇гамиссаамаа’’д̇и.
305. Evaṃ vutte, te brāhmaṇā soṇadaṇḍaṃ brāhmaṇaṃ etadavocuṃ – ‘‘yathā kho bhavaṃ soṇadaṇḍo samaṇassa gotamassa vaṇṇe bhāsati ito cepi so bhavaṃ gotamo yojanasate viharati, alameva saddhena kulaputtena dassanāya upasaṅkamituṃ api puṭosenā’’ti. ‘‘Tena hi, bho, sabbeva mayaṃ samaṇaṃ gotamaṃ dassanāya upasaṅkamissāmā’’ti.
сон̣ад̣̇ан̣д̣абаривид̇агго
Soṇadaṇḍaparivitakko
306. ат̇а ко сон̣ад̣̇ан̣д̣о б̣раахман̣о махад̇аа б̣раахман̣аг̇ан̣зна сад̣̇д̇хим̣ язна г̇аг̇г̇араа богкаран̣ий д̇знубасан̇гами. ат̇а ко сон̣ад̣̇ан̣д̣асса б̣раахман̣асса д̇ированасан̣д̣аг̇ад̇асса звам̣ жзд̇асо баривид̇агго уд̣̇абаад̣̇и – ‘‘ахан̃жзва ко бана саман̣ам̣ г̇од̇амам̣ бан̃хам̣ бужчзяяам̣; д̇ад̇ра жз мам̣ саман̣о г̇од̇амо звам̣ вад̣̇зяяа – ‘на ко зса, б̣раахман̣а, бан̃хо звам̣ бужчид̇аб̣б̣о, звам̣ наамзса, б̣раахман̣а , бан̃хо бужчид̇аб̣б̣о’д̇и, д̇зна мам̣ аяам̣ барисаа барибхавзяяа – ‘б̣аало сон̣ад̣̇ан̣д̣о б̣раахман̣о аб̣яад̇д̇о, наасагки саман̣ам̣ г̇од̇амам̣ яонисо бан̃хам̣ бужчид̇у’нд̇и. яам̣ ко банааяам̣ барисаа барибхавзяяа, яасоби д̇асса хааязт̇а. яасса ко бана яасо хааязт̇а, бхог̇ааби д̇асса хааязяяум̣. яасолад̣̇д̇хаа ко банамхаагам̣ бхог̇аа. маман̃жзва ко бана саман̣о г̇од̇амо бан̃хам̣ бужчзяяа, д̇асса жаахам̣ бан̃хасса взяяаагаран̣зна жид̇д̇ам̣ на аараад̇хзяяам̣; д̇ад̇ра жз мам̣ саман̣о г̇од̇амо звам̣ вад̣̇зяяа – ‘на ко зса, б̣раахман̣а, бан̃хо звам̣ б̣яаагаад̇аб̣б̣о, звам̣ наамзса, б̣раахман̣а, бан̃хо б̣яаагаад̇аб̣б̣о’д̇и, д̇зна мам̣ аяам̣ барисаа барибхавзяяа – ‘б̣аало сон̣ад̣̇ан̣д̣о б̣раахман̣о аб̣яад̇д̇о, наасагки саман̣асса г̇од̇амасса бан̃хасса взяяаагаран̣зна жид̇д̇ам̣ аараад̇хзд̇у’нд̇и. яам̣ ко банааяам̣ барисаа барибхавзяяа, яасоби д̇асса хааязт̇а. яасса ко бана яасо хааязт̇а, бхог̇ааби д̇асса хааязяяум̣. яасолад̣̇д̇хаа ко банамхаагам̣ бхог̇аа. ахан̃жзва ко бана звам̣ самийбаг̇ад̇о самаано ад̣̇исваава саман̣ам̣ г̇од̇амам̣ нивад̇д̇зяяам̣, д̇зна мам̣ аяам̣ барисаа барибхавзяяа – ‘б̣аало сон̣ад̣̇ан̣д̣о б̣раахман̣о аб̣яад̇д̇о маанат̇ад̣̇д̇хо бхийд̇о жа, но висахад̇и саман̣ам̣ г̇од̇амам̣ д̣̇ассанааяа убасан̇гамид̇ум̣, гат̇ан̃хи наама звам̣ самийбаг̇ад̇о самаано ад̣̇исваа саман̣ам̣ г̇од̇амам̣ нивад̇д̇иссад̇ий’д̇и. яам̣ ко банааяам̣ барисаа барибхавзяяа, яасоби д̇асса хааязт̇а. яасса ко бана яасо хааязт̇а, бхог̇ааби д̇асса хааязяяум̣, яасолад̣̇д̇хаа ко банамхаагам̣ бхог̇аа’’д̇и.
306. Atha kho soṇadaṇḍo brāhmaṇo mahatā brāhmaṇagaṇena saddhiṃ yena gaggarā pokkharaṇī tenupasaṅkami. Atha kho soṇadaṇḍassa brāhmaṇassa tirovanasaṇḍagatassa evaṃ cetaso parivitakko udapādi – ‘‘ahañceva kho pana samaṇaṃ gotamaṃ pañhaṃ puccheyyaṃ; tatra ce maṃ samaṇo gotamo evaṃ vadeyya – ‘na kho esa, brāhmaṇa, pañho evaṃ pucchitabbo, evaṃ nāmesa, brāhmaṇa , pañho pucchitabbo’ti, tena maṃ ayaṃ parisā paribhaveyya – ‘bālo soṇadaṇḍo brāhmaṇo abyatto, nāsakkhi samaṇaṃ gotamaṃ yoniso pañhaṃ pucchitu’nti. Yaṃ kho panāyaṃ parisā paribhaveyya, yasopi tassa hāyetha. Yassa kho pana yaso hāyetha, bhogāpi tassa hāyeyyuṃ. Yasoladdhā kho panamhākaṃ bhogā. Mamañceva kho pana samaṇo gotamo pañhaṃ puccheyya, tassa cāhaṃ pañhassa veyyākaraṇena cittaṃ na ārādheyyaṃ; tatra ce maṃ samaṇo gotamo evaṃ vadeyya – ‘na kho esa, brāhmaṇa, pañho evaṃ byākātabbo, evaṃ nāmesa, brāhmaṇa, pañho byākātabbo’ti, tena maṃ ayaṃ parisā paribhaveyya – ‘bālo soṇadaṇḍo brāhmaṇo abyatto, nāsakkhi samaṇassa gotamassa pañhassa veyyākaraṇena cittaṃ ārādhetu’nti. Yaṃ kho panāyaṃ parisā paribhaveyya, yasopi tassa hāyetha. Yassa kho pana yaso hāyetha, bhogāpi tassa hāyeyyuṃ. Yasoladdhā kho panamhākaṃ bhogā. Ahañceva kho pana evaṃ samīpagato samāno adisvāva samaṇaṃ gotamaṃ nivatteyyaṃ, tena maṃ ayaṃ parisā paribhaveyya – ‘bālo soṇadaṇḍo brāhmaṇo abyatto mānathaddho bhīto ca, no visahati samaṇaṃ gotamaṃ dassanāya upasaṅkamituṃ, kathañhi nāma evaṃ samīpagato samāno adisvā samaṇaṃ gotamaṃ nivattissatī’ti. Yaṃ kho panāyaṃ parisā paribhaveyya, yasopi tassa hāyetha. Yassa kho pana yaso hāyetha, bhogāpi tassa hāyeyyuṃ, yasoladdhā kho panamhākaṃ bhogā’’ti.
307. ат̇а ко сон̣ад̣̇ан̣д̣о б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. жамбзяяагааби ко б̣раахман̣аг̇ахабад̇игаа аббзгажжз бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су; аббзгажжз бхаг̇авад̇аа сад̣̇д̇хим̣ саммод̣̇им̣су; саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су; аббзгажжз язна бхаг̇аваа д̇знан̃ж̇алим̣ бан̣аамзд̇ваа згаманд̇ам̣ нисийд̣̇им̣су; аббзгажжз наамаг̇од̇д̇ам̣ саавзд̇ваа згаманд̇ам̣ нисийд̣̇им̣су; аббзгажжз д̇ун̣хийбхууд̇аа згаманд̇ам̣ нисийд̣̇им̣су.
307. Atha kho soṇadaṇḍo brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Campeyyakāpi kho brāhmaṇagahapatikā appekacce bhagavantaṃ abhivādetvā ekamantaṃ nisīdiṃsu; appekacce bhagavatā saddhiṃ sammodiṃsu; sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu; appekacce yena bhagavā tenañjaliṃ paṇāmetvā ekamantaṃ nisīdiṃsu; appekacce nāmagottaṃ sāvetvā ekamantaṃ nisīdiṃsu; appekacce tuṇhībhūtā ekamantaṃ nisīdiṃsu.
308. д̇ад̇раби суд̣̇ам̣ сон̣ад̣̇ан̣д̣о б̣раахман̣о зд̇ад̣̇зва б̣ахуламанувид̇аггзнд̇о нисинно ход̇и – ‘‘ахан̃жзва ко бана саман̣ам̣ г̇од̇амам̣ бан̃хам̣ бужчзяяам̣; д̇ад̇ра жз мам̣ саман̣о г̇од̇амо звам̣ вад̣̇зяяа – ‘на ко зса, б̣раахман̣а, бан̃хо звам̣ бужчид̇аб̣б̣о, звам̣ наамзса, б̣раахман̣а, бан̃хо бужчид̇аб̣б̣о’д̇и, д̇зна мам̣ аяам̣ барисаа барибхавзяяа – ‘б̣аало сон̣ад̣̇ан̣д̣о б̣раахман̣о аб̣яад̇д̇о, наасагки саман̣ам̣ г̇од̇амам̣ яонисо бан̃хам̣ бужчид̇у’нд̇и. яам̣ ко банааяам̣ барисаа барибхавзяяа, яасоби д̇асса хааязт̇а. яасса ко бана яасо хааязт̇а, бхог̇ааби д̇асса хааязяяум̣. яасолад̣̇д̇хаа ко банамхаагам̣ бхог̇аа. маман̃жзва ко бана саман̣о г̇од̇амо бан̃хам̣ бужчзяяа, д̇асса жаахам̣ бан̃хасса взяяаагаран̣зна жид̇д̇ам̣ на аараад̇хзяяам̣; д̇ад̇ра жз мам̣ саман̣о г̇од̇амо звам̣ вад̣̇зяяа – ‘на ко зса, б̣раахман̣а, бан̃хо звам̣ б̣яаагаад̇аб̣б̣о, звам̣ наамзса, б̣раахман̣а, бан̃хо б̣яаагаад̇аб̣б̣о’д̇и, д̇зна мам̣ аяам̣ барисаа барибхавзяяа – ‘б̣аало сон̣ад̣̇ан̣д̣о б̣раахман̣о аб̣яад̇д̇о, наасагки саман̣асса г̇од̇амасса бан̃хасса взяяаагаран̣зна жид̇д̇ам̣ аараад̇хзд̇у’нд̇и. яам̣ ко банааяам̣ барисаа барибхавзяяа, яасоби д̇асса хааязт̇а. яасса ко бана яасо хааязт̇а, бхог̇ааби д̇асса хааязяяум̣. яасолад̣̇д̇хаа ко банамхаагам̣ бхог̇аа. ахо вад̇а мам̣ саман̣о г̇од̇амо сагз аажарияагз д̇звиж̇ж̇агз бан̃хам̣ бужчзяяа, ад̣̇д̇хаа вад̇ассаахам̣ жид̇д̇ам̣ аараад̇хзяяам̣ бан̃хасса взяяаагаран̣знаа’’д̇и.
308. Tatrapi sudaṃ soṇadaṇḍo brāhmaṇo etadeva bahulamanuvitakkento nisinno hoti – ‘‘ahañceva kho pana samaṇaṃ gotamaṃ pañhaṃ puccheyyaṃ; tatra ce maṃ samaṇo gotamo evaṃ vadeyya – ‘na kho esa, brāhmaṇa, pañho evaṃ pucchitabbo, evaṃ nāmesa, brāhmaṇa, pañho pucchitabbo’ti, tena maṃ ayaṃ parisā paribhaveyya – ‘bālo soṇadaṇḍo brāhmaṇo abyatto, nāsakkhi samaṇaṃ gotamaṃ yoniso pañhaṃ pucchitu’nti. Yaṃ kho panāyaṃ parisā paribhaveyya, yasopi tassa hāyetha. Yassa kho pana yaso hāyetha, bhogāpi tassa hāyeyyuṃ. Yasoladdhā kho panamhākaṃ bhogā. Mamañceva kho pana samaṇo gotamo pañhaṃ puccheyya, tassa cāhaṃ pañhassa veyyākaraṇena cittaṃ na ārādheyyaṃ; tatra ce maṃ samaṇo gotamo evaṃ vadeyya – ‘na kho esa, brāhmaṇa, pañho evaṃ byākātabbo, evaṃ nāmesa, brāhmaṇa, pañho byākātabbo’ti, tena maṃ ayaṃ parisā paribhaveyya – ‘bālo soṇadaṇḍo brāhmaṇo abyatto, nāsakkhi samaṇassa gotamassa pañhassa veyyākaraṇena cittaṃ ārādhetu’nti. Yaṃ kho panāyaṃ parisā paribhaveyya, yasopi tassa hāyetha. Yassa kho pana yaso hāyetha, bhogāpi tassa hāyeyyuṃ. Yasoladdhā kho panamhākaṃ bhogā. Aho vata maṃ samaṇo gotamo sake ācariyake tevijjake pañhaṃ puccheyya, addhā vatassāhaṃ cittaṃ ārādheyyaṃ pañhassa veyyākaraṇenā’’ti.
б̣раахман̣абан̃н̃ад̇д̇и
Brāhmaṇapaññatti
309. ат̇а ко бхаг̇авад̇о сон̣ад̣̇ан̣д̣асса б̣раахман̣асса жзд̇асаа жзд̇обаривид̇аггаман̃н̃ааяа зд̇ад̣̇ахоси – ‘‘вихан̃н̃ад̇и ко аяам̣ сон̣ад̣̇ан̣д̣о б̣раахман̣о сагзна жид̇д̇зна. яам̣нуунаахам̣ сон̣ад̣̇ан̣д̣ам̣ б̣раахман̣ам̣ сагз аажарияагз д̇звиж̇ж̇агз бан̃хам̣ бужчзяяа’’нд̇и. ат̇а ко бхаг̇аваа сон̣ад̣̇ан̣д̣ам̣ б̣раахман̣ам̣ зд̇ад̣̇авожа – ‘‘гад̇ихи бана, б̣раахман̣а, ан̇г̇зхи саманнааг̇ад̇ам̣ б̣раахман̣аа б̣раахман̣ам̣ бан̃н̃абзнд̇и; ‘б̣раахман̣осмий’д̇и жа вад̣̇амаано саммаа вад̣̇зяяа, на жа бана мусааваад̣̇ам̣ аабаж̇ж̇зяяаа’’д̇и?
309. Atha kho bhagavato soṇadaṇḍassa brāhmaṇassa cetasā cetoparivitakkamaññāya etadahosi – ‘‘vihaññati kho ayaṃ soṇadaṇḍo brāhmaṇo sakena cittena. Yaṃnūnāhaṃ soṇadaṇḍaṃ brāhmaṇaṃ sake ācariyake tevijjake pañhaṃ puccheyya’’nti. Atha kho bhagavā soṇadaṇḍaṃ brāhmaṇaṃ etadavoca – ‘‘katihi pana, brāhmaṇa, aṅgehi samannāgataṃ brāhmaṇā brāhmaṇaṃ paññapenti; ‘brāhmaṇosmī’ti ca vadamāno sammā vadeyya, na ca pana musāvādaṃ āpajjeyyā’’ti?
310. ат̇а ко сон̣ад̣̇ан̣д̣асса б̣раахман̣асса зд̇ад̣̇ахоси – ‘‘яам̣ вад̇а но ахоси ижчид̇ам̣, яам̣ ааган̇кид̇ам̣, яам̣ ад̇хиббзд̇ам̣, яам̣ абхибад̇т̇ид̇ам̣ – ‘ахо вад̇а мам̣ саман̣о г̇од̇амо сагз аажарияагз д̇звиж̇ж̇агз бан̃хам̣ бужчзяяа, ад̣̇д̇хаа вад̇ассаахам̣ жид̇д̇ам̣ аараад̇хзяяам̣ бан̃хасса взяяаагаран̣знаа’д̇и, д̇ад̇ра мам̣ саман̣о г̇од̇амо сагз аажарияагз д̇звиж̇ж̇агз бан̃хам̣ бужчад̇и. ад̣̇д̇хаа вад̇ассаахам̣ жид̇д̇ам̣ аараад̇хзссаами бан̃хасса взяяаагаран̣знаа’’д̇и.
310. Atha kho soṇadaṇḍassa brāhmaṇassa etadahosi – ‘‘yaṃ vata no ahosi icchitaṃ, yaṃ ākaṅkhitaṃ, yaṃ adhippetaṃ, yaṃ abhipatthitaṃ – ‘aho vata maṃ samaṇo gotamo sake ācariyake tevijjake pañhaṃ puccheyya, addhā vatassāhaṃ cittaṃ ārādheyyaṃ pañhassa veyyākaraṇenā’ti, tatra maṃ samaṇo gotamo sake ācariyake tevijjake pañhaṃ pucchati. Addhā vatassāhaṃ cittaṃ ārādhessāmi pañhassa veyyākaraṇenā’’ti.
311. ат̇а ко сон̣ад̣̇ан̣д̣о б̣раахман̣о аб̣бхуннаамзд̇ваа гааяам̣ анувилогзд̇ваа барисам̣ бхаг̇аванд̇ам̣ зд̇ад̣̇авожа – ‘‘бан̃жахи, бхо г̇од̇ама, ан̇г̇зхи саманнааг̇ад̇ам̣ б̣раахман̣аа б̣раахман̣ам̣ бан̃н̃абзнд̇и; ‘б̣раахман̣осмий’д̇и жа вад̣̇амаано саммаа вад̣̇зяяа, на жа бана мусааваад̣̇ам̣ аабаж̇ж̇зяяа. гад̇амзхи бан̃жахи? ид̇ха, бхо г̇од̇ама, б̣раахман̣о убхад̇о суж̇аад̇о ход̇и маад̇ид̇о жа бид̇ид̇о жа, сам̣суд̣̇д̇хаг̇ахан̣иго яаава сад̇д̇амаа бид̇аамахаяуг̇аа агкид̇д̇о анубаггудто ж̇аад̇иваад̣̇зна; аж̇жхааяаго ход̇и манд̇ад̇харо д̇ин̣н̣ам̣ взд̣̇аанам̣ баараг̇уу санигхан̣д̣угздубхаанам̣ саагкараббабхзд̣̇аанам̣ ид̇ихаасабан̃жамаанам̣ бад̣̇аго взяяаагаран̣о логааяад̇амахаабурисалагкан̣зсу анаваяо; абхируубо ход̇и д̣̇ассанийяо баасаад̣̇иго барамааяа ван̣н̣абогкарад̇ааяа саманнааг̇ад̇о б̣рахмаван̣н̣ий б̣рахмаважчасий акуд̣̇д̣̇аавагаасо д̣̇ассанааяа; сийлаваа ход̇и вуд̣̇д̇хасийлий вуд̣̇д̇хасийлзна саманнааг̇ад̇о; бан̣д̣ид̇о жа ход̇и мзд̇хаавий батамо ваа д̣̇уд̇ияо ваа суж̇ам̣ баг̇г̇ан̣ханд̇аанам̣. имзхи ко, бхо г̇од̇ама, бан̃жахи ан̇г̇зхи саманнааг̇ад̇ам̣ б̣раахман̣аа б̣раахман̣ам̣ бан̃н̃абзнд̇и; ‘б̣раахман̣осмий’д̇и жа вад̣̇амаано саммаа вад̣̇зяяа, на жа бана мусааваад̣̇ам̣ аабаж̇ж̇зяяаа’’д̇и.
311. Atha kho soṇadaṇḍo brāhmaṇo abbhunnāmetvā kāyaṃ anuviloketvā parisaṃ bhagavantaṃ etadavoca – ‘‘pañcahi, bho gotama, aṅgehi samannāgataṃ brāhmaṇā brāhmaṇaṃ paññapenti; ‘brāhmaṇosmī’ti ca vadamāno sammā vadeyya, na ca pana musāvādaṃ āpajjeyya. Katamehi pañcahi? Idha, bho gotama, brāhmaṇo ubhato sujāto hoti mātito ca pitito ca, saṃsuddhagahaṇiko yāva sattamā pitāmahayugā akkhitto anupakkuṭṭho jātivādena; ajjhāyako hoti mantadharo tiṇṇaṃ vedānaṃ pāragū sanighaṇḍukeṭubhānaṃ sākkharappabhedānaṃ itihāsapañcamānaṃ padako veyyākaraṇo lokāyatamahāpurisalakkhaṇesu anavayo; abhirūpo hoti dassanīyo pāsādiko paramāya vaṇṇapokkharatāya samannāgato brahmavaṇṇī brahmavacchasī akhuddāvakāso dassanāya; sīlavā hoti vuddhasīlī vuddhasīlena samannāgato; paṇḍito ca hoti medhāvī paṭhamo vā dutiyo vā sujaṃ paggaṇhantānaṃ. Imehi kho, bho gotama, pañcahi aṅgehi samannāgataṃ brāhmaṇā brāhmaṇaṃ paññapenti; ‘brāhmaṇosmī’ti ca vadamāno sammā vadeyya, na ca pana musāvādaṃ āpajjeyyā’’ti.
‘‘имзсам̣ бана, б̣раахман̣а, бан̃жаннам̣ ан̇г̇аанам̣ саггаа згам̣ ан̇г̇ам̣ табаяид̇ваа жад̇уухан̇г̇зхи саманнааг̇ад̇ам̣ б̣раахман̣аа б̣раахман̣ам̣ бан̃н̃абзд̇ум̣; ‘б̣раахман̣осмий’д̇и жа вад̣̇амаано саммаа вад̣̇зяяа, на жа бана мусааваад̣̇ам̣ аабаж̇ж̇зяяаа’’д̇и? ‘‘саггаа , бхо г̇од̇ама. имзсан̃хи, бхо г̇од̇ама, бан̃жаннам̣ ан̇г̇аанам̣ ван̣н̣ам̣ табаяаама. гин̃хи ван̣н̣о гариссад̇и? яад̇о ко, бхо г̇од̇ама, б̣раахман̣о убхад̇о суж̇аад̇о ход̇и маад̇ид̇о жа бид̇ид̇о жа сам̣суд̣̇д̇хаг̇ахан̣иго яаава сад̇д̇амаа бид̇аамахаяуг̇аа агкид̇д̇о анубаггудто ж̇аад̇иваад̣̇зна; аж̇жхааяаго жа ход̇и манд̇ад̇харо жа д̇ин̣н̣ам̣ взд̣̇аанам̣ баараг̇уу санигхан̣д̣угздубхаанам̣ саагкараббабхзд̣̇аанам̣ ид̇ихаасабан̃жамаанам̣ бад̣̇аго взяяаагаран̣о логааяад̇амахаабурисалагкан̣зсу анаваяо; сийлаваа жа ход̇и вуд̣̇д̇хасийлий вуд̣̇д̇хасийлзна саманнааг̇ад̇о; бан̣д̣ид̇о жа ход̇и мзд̇хаавий батамо ваа д̣̇уд̇ияо ваа суж̇ам̣ баг̇г̇ан̣ханд̇аанам̣. имзхи ко бхо г̇од̇ама жад̇уухан̇г̇зхи саманнааг̇ад̇ам̣ б̣раахман̣аа б̣раахман̣ам̣ бан̃н̃абзнд̇и; ‘б̣раахман̣осмий’д̇и жа вад̣̇амаано саммаа вад̣̇зяяа, на жа бана мусааваад̣̇ам̣ аабаж̇ж̇зяяаа’’д̇и.
‘‘Imesaṃ pana, brāhmaṇa, pañcannaṃ aṅgānaṃ sakkā ekaṃ aṅgaṃ ṭhapayitvā catūhaṅgehi samannāgataṃ brāhmaṇā brāhmaṇaṃ paññapetuṃ; ‘brāhmaṇosmī’ti ca vadamāno sammā vadeyya, na ca pana musāvādaṃ āpajjeyyā’’ti? ‘‘Sakkā , bho gotama. Imesañhi, bho gotama, pañcannaṃ aṅgānaṃ vaṇṇaṃ ṭhapayāma. Kiñhi vaṇṇo karissati? Yato kho, bho gotama, brāhmaṇo ubhato sujāto hoti mātito ca pitito ca saṃsuddhagahaṇiko yāva sattamā pitāmahayugā akkhitto anupakkuṭṭho jātivādena; ajjhāyako ca hoti mantadharo ca tiṇṇaṃ vedānaṃ pāragū sanighaṇḍukeṭubhānaṃ sākkharappabhedānaṃ itihāsapañcamānaṃ padako veyyākaraṇo lokāyatamahāpurisalakkhaṇesu anavayo; sīlavā ca hoti vuddhasīlī vuddhasīlena samannāgato; paṇḍito ca hoti medhāvī paṭhamo vā dutiyo vā sujaṃ paggaṇhantānaṃ. Imehi kho bho gotama catūhaṅgehi samannāgataṃ brāhmaṇā brāhmaṇaṃ paññapenti; ‘brāhmaṇosmī’ti ca vadamāno sammā vadeyya, na ca pana musāvādaṃ āpajjeyyā’’ti.
312. ‘‘имзсам̣ бана, б̣раахман̣а, жад̇уннам̣ ан̇г̇аанам̣ саггаа згам̣ ан̇г̇ам̣ табаяид̇ваа д̇ийхан̇г̇зхи саманнааг̇ад̇ам̣ б̣раахман̣аа б̣раахман̣ам̣ бан̃н̃абзд̇ум̣; ‘б̣раахман̣осмий’д̇и жа вад̣̇амаано саммаа вад̣̇зяяа, на жа бана мусааваад̣̇ам̣ аабаж̇ж̇зяяаа’’д̇и? ‘‘саггаа, бхо г̇од̇ама. имзсан̃хи, бхо г̇од̇ама, жад̇уннам̣ ан̇г̇аанам̣ манд̇з табаяаама. гин̃хи манд̇аа гариссанд̇и? яад̇о ко, бхо г̇од̇ама, б̣раахман̣о убхад̇о суж̇аад̇о ход̇и маад̇ид̇о жа бид̇ид̇о жа сам̣суд̣̇д̇хаг̇ахан̣иго яаава сад̇д̇амаа бид̇аамахаяуг̇аа агкид̇д̇о анубаггудто ж̇аад̇иваад̣̇зна; сийлаваа жа ход̇и вуд̣̇д̇хасийлий вуд̣̇д̇хасийлзна саманнааг̇ад̇о; бан̣д̣ид̇о жа ход̇и мзд̇хаавий батамо ваа д̣̇уд̇ияо ваа суж̇ам̣ баг̇г̇ан̣ханд̇аанам̣. имзхи ко, бхо г̇од̇ама, д̇ийхан̇г̇зхи саманнааг̇ад̇ам̣ б̣раахман̣аа б̣раахман̣ам̣ бан̃н̃абзнд̇и; ‘б̣раахман̣осмий’д̇и жа вад̣̇амаано саммаа вад̣̇зяяа, на жа бана мусааваад̣̇ам̣ аабаж̇ж̇зяяаа’’д̇и.
312. ‘‘Imesaṃ pana, brāhmaṇa, catunnaṃ aṅgānaṃ sakkā ekaṃ aṅgaṃ ṭhapayitvā tīhaṅgehi samannāgataṃ brāhmaṇā brāhmaṇaṃ paññapetuṃ; ‘brāhmaṇosmī’ti ca vadamāno sammā vadeyya, na ca pana musāvādaṃ āpajjeyyā’’ti? ‘‘Sakkā, bho gotama. Imesañhi, bho gotama, catunnaṃ aṅgānaṃ mante ṭhapayāma. Kiñhi mantā karissanti? Yato kho, bho gotama, brāhmaṇo ubhato sujāto hoti mātito ca pitito ca saṃsuddhagahaṇiko yāva sattamā pitāmahayugā akkhitto anupakkuṭṭho jātivādena; sīlavā ca hoti vuddhasīlī vuddhasīlena samannāgato; paṇḍito ca hoti medhāvī paṭhamo vā dutiyo vā sujaṃ paggaṇhantānaṃ. Imehi kho, bho gotama, tīhaṅgehi samannāgataṃ brāhmaṇā brāhmaṇaṃ paññapenti; ‘brāhmaṇosmī’ti ca vadamāno sammā vadeyya, na ca pana musāvādaṃ āpajjeyyā’’ti.
‘‘имзсам̣ бана, б̣раахман̣а, д̇ин̣н̣ам̣ ан̇г̇аанам̣ саггаа згам̣ ан̇г̇ам̣ табаяид̇ваа д̣̇вийхан̇г̇зхи саманнааг̇ад̇ам̣ б̣раахман̣аа б̣раахман̣ам̣ бан̃н̃абзд̇ум̣; ‘б̣раахман̣осмий’д̇и жа вад̣̇амаано саммаа вад̣̇зяяа, на жа бана мусааваад̣̇ам̣ аабаж̇ж̇зяяаа’’д̇и? ‘‘саггаа, бхо г̇од̇ама. имзсан̃хи, бхо г̇од̇ама, д̇ин̣н̣ам̣ ан̇г̇аанам̣ ж̇аад̇им̣ табаяаама. гин̃хи ж̇аад̇и гариссад̇и? яад̇о ко, бхо г̇од̇ама, б̣раахман̣о сийлаваа ход̇и вуд̣̇д̇хасийлий вуд̣̇д̇хасийлзна саманнааг̇ад̇о; бан̣д̣ид̇о жа ход̇и мзд̇хаавий батамо ваа д̣̇уд̇ияо ваа суж̇ам̣ баг̇г̇ан̣ханд̇аанам̣. имзхи ко, бхо г̇од̇ама, д̣̇вийхан̇г̇зхи саманнааг̇ад̇ам̣ б̣раахман̣аа б̣раахман̣ам̣ бан̃н̃абзнд̇и; ‘б̣раахман̣осмий’д̇и жа вад̣̇амаано саммаа вад̣̇зяяа, на жа бана мусааваад̣̇ам̣ аабаж̇ж̇зяяаа’’д̇и.
‘‘Imesaṃ pana, brāhmaṇa, tiṇṇaṃ aṅgānaṃ sakkā ekaṃ aṅgaṃ ṭhapayitvā dvīhaṅgehi samannāgataṃ brāhmaṇā brāhmaṇaṃ paññapetuṃ; ‘brāhmaṇosmī’ti ca vadamāno sammā vadeyya, na ca pana musāvādaṃ āpajjeyyā’’ti? ‘‘Sakkā, bho gotama. Imesañhi, bho gotama, tiṇṇaṃ aṅgānaṃ jātiṃ ṭhapayāma. Kiñhi jāti karissati? Yato kho, bho gotama, brāhmaṇo sīlavā hoti vuddhasīlī vuddhasīlena samannāgato; paṇḍito ca hoti medhāvī paṭhamo vā dutiyo vā sujaṃ paggaṇhantānaṃ. Imehi kho, bho gotama, dvīhaṅgehi samannāgataṃ brāhmaṇā brāhmaṇaṃ paññapenti; ‘brāhmaṇosmī’ti ca vadamāno sammā vadeyya, na ca pana musāvādaṃ āpajjeyyā’’ti.
313. звам̣ вуд̇д̇з, д̇з б̣раахман̣аа сон̣ад̣̇ан̣д̣ам̣ б̣раахман̣ам̣ зд̇ад̣̇авожум̣ – ‘‘маа бхавам̣ сон̣ад̣̇ан̣д̣о звам̣ аважа, маа бхавам̣ сон̣ад̣̇ан̣д̣о звам̣ аважа. абавад̣̇ад̇зва бхавам̣ сон̣ад̣̇ан̣д̣о ван̣н̣ам̣, абавад̣̇ад̇и манд̇з, абавад̣̇ад̇и ж̇аад̇им̣ згам̣сзна. бхавам̣ сон̣ад̣̇ан̣д̣о саман̣ассзва г̇од̇амасса ваад̣̇ам̣ анубагканд̣̇ад̇ий’’д̇и.
313. Evaṃ vutte, te brāhmaṇā soṇadaṇḍaṃ brāhmaṇaṃ etadavocuṃ – ‘‘mā bhavaṃ soṇadaṇḍo evaṃ avaca, mā bhavaṃ soṇadaṇḍo evaṃ avaca. Apavadateva bhavaṃ soṇadaṇḍo vaṇṇaṃ, apavadati mante, apavadati jātiṃ ekaṃsena. Bhavaṃ soṇadaṇḍo samaṇasseva gotamassa vādaṃ anupakkhandatī’’ti.
314. ат̇а ко бхаг̇аваа д̇з б̣раахман̣з зд̇ад̣̇авожа – ‘‘сажз ко д̇умхаагам̣ б̣раахман̣аанам̣ звам̣ ход̇и – ‘аббассуд̇о жа сон̣ад̣̇ан̣д̣о б̣раахман̣о, агаляаан̣авааггаран̣о жа сон̣ад̣̇ан̣д̣о б̣раахман̣о, д̣̇уббан̃н̃о жа сон̣ад̣̇ан̣д̣о б̣раахман̣о, на жа баход̇и сон̣ад̣̇ан̣д̣о б̣раахман̣о саман̣зна г̇од̇амзна сад̣̇д̇хим̣ асмим̣ важанз бадиманд̇зд̇у’нд̇и, д̇идтад̇у сон̣ад̣̇ан̣д̣о б̣раахман̣о, д̇умхз маяаа сад̣̇д̇хим̣ манд̇авхо асмим̣ важанз. сажз бана д̇умхаагам̣ б̣раахман̣аанам̣ звам̣ ход̇и – ‘б̣ахуссуд̇о жа сон̣ад̣̇ан̣д̣о б̣раахман̣о, галяаан̣авааггаран̣о жа сон̣ад̣̇ан̣д̣о б̣раахман̣о, бан̣д̣ид̇о жа сон̣ад̣̇ан̣д̣о б̣раахман̣о, баход̇и жа сон̣ад̣̇ан̣д̣о б̣раахман̣о саман̣зна г̇од̇амзна сад̣̇д̇хим̣ асмим̣ важанз бадиманд̇зд̇у’нд̇и, д̇идтат̇а д̇умхз, сон̣ад̣̇ан̣д̣о б̣раахман̣о маяаа сад̣̇д̇хим̣ бадиманд̇зд̇уу’’д̇и.
314. Atha kho bhagavā te brāhmaṇe etadavoca – ‘‘sace kho tumhākaṃ brāhmaṇānaṃ evaṃ hoti – ‘appassuto ca soṇadaṇḍo brāhmaṇo, akalyāṇavākkaraṇo ca soṇadaṇḍo brāhmaṇo, duppañño ca soṇadaṇḍo brāhmaṇo, na ca pahoti soṇadaṇḍo brāhmaṇo samaṇena gotamena saddhiṃ asmiṃ vacane paṭimantetu’nti, tiṭṭhatu soṇadaṇḍo brāhmaṇo, tumhe mayā saddhiṃ mantavho asmiṃ vacane. Sace pana tumhākaṃ brāhmaṇānaṃ evaṃ hoti – ‘bahussuto ca soṇadaṇḍo brāhmaṇo, kalyāṇavākkaraṇo ca soṇadaṇḍo brāhmaṇo, paṇḍito ca soṇadaṇḍo brāhmaṇo, pahoti ca soṇadaṇḍo brāhmaṇo samaṇena gotamena saddhiṃ asmiṃ vacane paṭimantetu’nti, tiṭṭhatha tumhe, soṇadaṇḍo brāhmaṇo mayā saddhiṃ paṭimantetū’’ti.
315. звам̣ вуд̇д̇з, сон̣ад̣̇ан̣д̣о б̣раахман̣о бхаг̇аванд̇ам̣ зд̇ад̣̇авожа – ‘‘д̇идтад̇у бхавам̣ г̇од̇амо, д̇ун̣хий бхавам̣ г̇од̇амо ход̇у, ахамзва д̇зсам̣ сахад̇хаммзна бадиважанам̣ гариссаамий’’д̇и. ат̇а ко сон̣ад̣̇ан̣д̣о б̣раахман̣о д̇з б̣раахман̣з зд̇ад̣̇авожа – ‘‘маа бхаванд̇о звам̣ аважуд̇т̇а, маа бхаванд̇о звам̣ аважуд̇т̇а – ‘абавад̣̇ад̇зва бхавам̣ сон̣ад̣̇ан̣д̣о ван̣н̣ам̣, абавад̣̇ад̇и манд̇з, абавад̣̇ад̇и ж̇аад̇им̣ згам̣сзна. бхавам̣ сон̣ад̣̇ан̣д̣о саман̣ассзва г̇од̇амасса ваад̣̇ам̣ анубагканд̣̇ад̇ий’д̇и. наахам̣, бхо, абавад̣̇аами ван̣н̣ам̣ ваа манд̇з ваа ж̇аад̇им̣ ваа’’д̇и.
315. Evaṃ vutte, soṇadaṇḍo brāhmaṇo bhagavantaṃ etadavoca – ‘‘tiṭṭhatu bhavaṃ gotamo, tuṇhī bhavaṃ gotamo hotu, ahameva tesaṃ sahadhammena paṭivacanaṃ karissāmī’’ti. Atha kho soṇadaṇḍo brāhmaṇo te brāhmaṇe etadavoca – ‘‘mā bhavanto evaṃ avacuttha, mā bhavanto evaṃ avacuttha – ‘apavadateva bhavaṃ soṇadaṇḍo vaṇṇaṃ, apavadati mante, apavadati jātiṃ ekaṃsena. Bhavaṃ soṇadaṇḍo samaṇasseva gotamassa vādaṃ anupakkhandatī’ti. Nāhaṃ, bho, apavadāmi vaṇṇaṃ vā mante vā jātiṃ vā’’ti.
316. д̇зна ко бана самаязна сон̣ад̣̇ан̣д̣асса б̣раахман̣асса бхааг̇инзяяо ан̇г̇аго наама маан̣аваго д̇ассам̣ барисааяам̣ нисинно ход̇и. ат̇а ко сон̣ад̣̇ан̣д̣о б̣раахман̣о д̇з б̣раахман̣з зд̇ад̣̇авожа – ‘‘бассанд̇и но бхонд̇о имам̣ ан̇г̇агам̣ маан̣авагам̣ амхаагам̣ бхааг̇инзяяа’’нд̇и? ‘‘звам̣, бхо’’. ‘‘ан̇г̇аго ко, бхо, маан̣аваго абхируубо д̣̇ассанийяо баасаад̣̇иго барамааяа ван̣н̣абогкарад̇ааяа саманнааг̇ад̇о б̣рахмаван̣н̣ий б̣рахмаважчасий акуд̣̇д̣̇аавагаасо д̣̇ассанааяа, наасса имиссам̣ барисааяам̣ самасамо ад̇т̇и ван̣н̣зна табзд̇ваа саман̣ам̣ г̇од̇амам̣. ан̇г̇аго ко маан̣аваго аж̇жхааяаго манд̇ад̇харо, д̇ин̣н̣ам̣ взд̣̇аанам̣ баараг̇уу санигхан̣д̣угздубхаанам̣ саагкараббабхзд̣̇аанам̣ ид̇ихаасабан̃жамаанам̣ бад̣̇аго взяяаагаран̣о логааяад̇амахаабурисалагкан̣зсу анаваяо. ахамасса манд̇з ваажзд̇аа. ан̇г̇аго ко маан̣аваго убхад̇о суж̇аад̇о маад̇ид̇о жа бид̇ид̇о жа сам̣суд̣̇д̇хаг̇ахан̣иго яаава сад̇д̇амаа бид̇аамахаяуг̇аа агкид̇д̇о анубаггудто ж̇аад̇иваад̣̇зна. ахамасса маад̇аабид̇аро ж̇аанаами. ан̇г̇аго ко маан̣аваго баан̣амби ханзяяа, ад̣̇иннамби аад̣̇иязяяа , барад̣̇аарамби г̇ажчзяяа, мусааваад̣̇амби бхан̣зяяа, маж̇ж̇амби бивзяяа, зд̇т̇а д̣̇аани, бхо, гим̣ ван̣н̣о гариссад̇и, гим̣ манд̇аа, гим̣ ж̇аад̇и? яад̇о ко, бхо, б̣раахман̣о сийлаваа жа ход̇и вуд̣̇д̇хасийлий вуд̣̇д̇хасийлзна саманнааг̇ад̇о, бан̣д̣ид̇о жа ход̇и мзд̇хаавий батамо ваа д̣̇уд̇ияо ваа суж̇ам̣ баг̇г̇ан̣ханд̇аанам̣. имзхи ко, бхо, д̣̇вийхан̇г̇зхи саманнааг̇ад̇ам̣ б̣раахман̣аа б̣раахман̣ам̣ бан̃н̃абзнд̇и; ‘б̣раахман̣осмий’д̇и жа вад̣̇амаано саммаа вад̣̇зяяа, на жа бана мусааваад̣̇ам̣ аабаж̇ж̇зяяаа’’д̇и.
316. Tena kho pana samayena soṇadaṇḍassa brāhmaṇassa bhāgineyyo aṅgako nāma māṇavako tassaṃ parisāyaṃ nisinno hoti. Atha kho soṇadaṇḍo brāhmaṇo te brāhmaṇe etadavoca – ‘‘passanti no bhonto imaṃ aṅgakaṃ māṇavakaṃ amhākaṃ bhāgineyya’’nti? ‘‘Evaṃ, bho’’. ‘‘Aṅgako kho, bho, māṇavako abhirūpo dassanīyo pāsādiko paramāya vaṇṇapokkharatāya samannāgato brahmavaṇṇī brahmavacchasī akhuddāvakāso dassanāya, nāssa imissaṃ parisāyaṃ samasamo atthi vaṇṇena ṭhapetvā samaṇaṃ gotamaṃ. Aṅgako kho māṇavako ajjhāyako mantadharo, tiṇṇaṃ vedānaṃ pāragū sanighaṇḍukeṭubhānaṃ sākkharappabhedānaṃ itihāsapañcamānaṃ padako veyyākaraṇo lokāyatamahāpurisalakkhaṇesu anavayo. Ahamassa mante vācetā. Aṅgako kho māṇavako ubhato sujāto mātito ca pitito ca saṃsuddhagahaṇiko yāva sattamā pitāmahayugā akkhitto anupakkuṭṭho jātivādena. Ahamassa mātāpitaro jānāmi. Aṅgako kho māṇavako pāṇampi haneyya, adinnampi ādiyeyya , paradārampi gaccheyya, musāvādampi bhaṇeyya, majjampi piveyya, ettha dāni, bho, kiṃ vaṇṇo karissati, kiṃ mantā, kiṃ jāti? Yato kho, bho, brāhmaṇo sīlavā ca hoti vuddhasīlī vuddhasīlena samannāgato, paṇḍito ca hoti medhāvī paṭhamo vā dutiyo vā sujaṃ paggaṇhantānaṃ. Imehi kho, bho, dvīhaṅgehi samannāgataṃ brāhmaṇā brāhmaṇaṃ paññapenti; ‘brāhmaṇosmī’ti ca vadamāno sammā vadeyya, na ca pana musāvādaṃ āpajjeyyā’’ti.
сийлабан̃н̃аагат̇аа
Sīlapaññākathā
317. ‘‘имзсам̣ бана, б̣раахман̣а, д̣̇виннам̣ ан̇г̇аанам̣ саггаа згам̣ ан̇г̇ам̣ табаяид̇ваа згзна ан̇г̇зна саманнааг̇ад̇ам̣ б̣раахман̣аа б̣раахман̣ам̣ бан̃н̃абзд̇ум̣; ‘б̣раахман̣осмий’д̇и жа вад̣̇амаано саммаа вад̣̇зяяа, на жа бана мусааваад̣̇ам̣ аабаж̇ж̇зяяаа’’д̇и? ‘‘но хид̣̇ам̣, бхо г̇од̇ама. сийлабарид̇ход̇аа хи, бхо г̇од̇ама, бан̃н̃аа; бан̃н̃аабарид̇ход̇ам̣ сийлам̣. яад̇т̇а сийлам̣ д̇ад̇т̇а бан̃н̃аа, яад̇т̇а бан̃н̃аа д̇ад̇т̇а сийлам̣. сийлавад̇о бан̃н̃аа, бан̃н̃авад̇о сийлам̣. сийлабан̃н̃аан̣ан̃жа бана логасмим̣ аг̇г̇амагкааяад̇и. сзяяат̇ааби, бхо г̇од̇ама, хад̇т̇зна ваа хад̇т̇ам̣ д̇ховзяяа, баад̣̇зна ваа баад̣̇ам̣ д̇ховзяяа; звамзва ко, бхо г̇од̇ама, сийлабарид̇ход̇аа бан̃н̃аа, бан̃н̃аабарид̇ход̇ам̣ сийлам̣. яад̇т̇а сийлам̣ д̇ад̇т̇а бан̃н̃аа, яад̇т̇а бан̃н̃аа д̇ад̇т̇а сийлам̣. сийлавад̇о бан̃н̃аа, бан̃н̃авад̇о сийлам̣. сийлабан̃н̃аан̣ан̃жа бана логасмим̣ аг̇г̇амагкааяад̇ий’’д̇и. ‘‘звамзд̇ам̣, б̣раахман̣а, звамзд̇ам̣, б̣раахман̣а, сийлабарид̇ход̇аа хи, б̣раахман̣а, бан̃н̃аа, бан̃н̃аабарид̇ход̇ам̣ сийлам̣. яад̇т̇а сийлам̣ д̇ад̇т̇а бан̃н̃аа, яад̇т̇а бан̃н̃аа д̇ад̇т̇а сийлам̣. сийлавад̇о бан̃н̃аа, бан̃н̃авад̇о сийлам̣. сийлабан̃н̃аан̣ан̃жа бана логасмим̣ аг̇г̇амагкааяад̇и. сзяяат̇ааби, б̣раахман̣а, хад̇т̇зна ваа хад̇т̇ам̣ д̇ховзяяа, баад̣̇зна ваа баад̣̇ам̣ д̇ховзяяа; звамзва ко, б̣раахман̣а, сийлабарид̇ход̇аа бан̃н̃аа, бан̃н̃аабарид̇ход̇ам̣ сийлам̣. яад̇т̇а сийлам̣ д̇ад̇т̇а бан̃н̃аа, яад̇т̇а бан̃н̃аа д̇ад̇т̇а сийлам̣. сийлавад̇о бан̃н̃аа, бан̃н̃авад̇о сийлам̣. сийлабан̃н̃аан̣ан̃жа бана логасмим̣ аг̇г̇амагкааяад̇и .
317. ‘‘Imesaṃ pana, brāhmaṇa, dvinnaṃ aṅgānaṃ sakkā ekaṃ aṅgaṃ ṭhapayitvā ekena aṅgena samannāgataṃ brāhmaṇā brāhmaṇaṃ paññapetuṃ; ‘brāhmaṇosmī’ti ca vadamāno sammā vadeyya, na ca pana musāvādaṃ āpajjeyyā’’ti? ‘‘No hidaṃ, bho gotama. Sīlaparidhotā hi, bho gotama, paññā; paññāparidhotaṃ sīlaṃ. Yattha sīlaṃ tattha paññā, yattha paññā tattha sīlaṃ. Sīlavato paññā, paññavato sīlaṃ. Sīlapaññāṇañca pana lokasmiṃ aggamakkhāyati. Seyyathāpi, bho gotama, hatthena vā hatthaṃ dhoveyya, pādena vā pādaṃ dhoveyya; evameva kho, bho gotama, sīlaparidhotā paññā, paññāparidhotaṃ sīlaṃ. Yattha sīlaṃ tattha paññā, yattha paññā tattha sīlaṃ. Sīlavato paññā, paññavato sīlaṃ. Sīlapaññāṇañca pana lokasmiṃ aggamakkhāyatī’’ti. ‘‘Evametaṃ, brāhmaṇa, evametaṃ, brāhmaṇa, sīlaparidhotā hi, brāhmaṇa, paññā, paññāparidhotaṃ sīlaṃ. Yattha sīlaṃ tattha paññā, yattha paññā tattha sīlaṃ. Sīlavato paññā, paññavato sīlaṃ. Sīlapaññāṇañca pana lokasmiṃ aggamakkhāyati. Seyyathāpi, brāhmaṇa, hatthena vā hatthaṃ dhoveyya, pādena vā pādaṃ dhoveyya; evameva kho, brāhmaṇa, sīlaparidhotā paññā, paññāparidhotaṃ sīlaṃ. Yattha sīlaṃ tattha paññā, yattha paññā tattha sīlaṃ. Sīlavato paññā, paññavato sīlaṃ. Sīlapaññāṇañca pana lokasmiṃ aggamakkhāyati .
318. ‘‘гад̇амам̣ бана д̇ам̣, б̣раахман̣а, сийлам̣? гад̇амаа саа бан̃н̃аа’’д̇и? ‘‘зд̇д̇агабарамаава маяам̣, бхо г̇од̇ама, зд̇асмим̣ ад̇т̇з. саад̇ху вад̇а бхаванд̇ам̣язва г̇од̇амам̣ бадибхаад̇у зд̇асса бхаасид̇асса ад̇т̇о’’д̇и. ‘‘д̇зна хи, б̣раахман̣а, сун̣охи; саад̇хугам̣ манасигарохи; бхаасиссаамий’’д̇и. ‘‘звам̣, бхо’’д̇и ко сон̣ад̣̇ан̣д̣о б̣раахман̣о бхаг̇авад̇о бажжассоси. бхаг̇аваа зд̇ад̣̇авожа – ‘‘ид̇ха, б̣раахман̣а, д̇ат̇ааг̇ад̇о логз уббаж̇ж̇ад̇и арахам̣ саммаасамб̣уд̣̇д̇хо…бз… (яат̇аа 190-212 анужчзд̣̇зсу д̇ат̇аа вид̇т̇аарзд̇аб̣б̣ам̣). звам̣ ко, б̣раахман̣а, бхигку сийласамбанно ход̇и. ид̣̇ам̣ ко д̇ам̣, б̣раахман̣а, сийлам̣…бз… батамам̣ жхаанам̣ убасамбаж̇ж̇а вихарад̇и…бз… д̣̇уд̇ияам̣ жхаанам̣…бз… д̇ад̇ияам̣ жхаанам̣…бз… жад̇уд̇т̇ам̣ жхаанам̣ убасамбаж̇ж̇а вихарад̇и…бз… н̃аан̣ад̣̇ассанааяа жид̇д̇ам̣ абхинийхарад̇и, абхининнаамзд̇и. ид̣̇амбисса ход̇и бан̃н̃ааяа…бз… наабарам̣ ид̇т̇ад̇д̇ааяаад̇и баж̇аанаад̇и, ид̣̇амбисса ход̇и бан̃н̃ааяа аяам̣ ко саа, б̣раахман̣а, бан̃н̃аа’’д̇и.
318. ‘‘Katamaṃ pana taṃ, brāhmaṇa, sīlaṃ? Katamā sā paññā’’ti? ‘‘Ettakaparamāva mayaṃ, bho gotama, etasmiṃ atthe. Sādhu vata bhavantaṃyeva gotamaṃ paṭibhātu etassa bhāsitassa attho’’ti. ‘‘Tena hi, brāhmaṇa, suṇohi; sādhukaṃ manasikarohi; bhāsissāmī’’ti. ‘‘Evaṃ, bho’’ti kho soṇadaṇḍo brāhmaṇo bhagavato paccassosi. Bhagavā etadavoca – ‘‘idha, brāhmaṇa, tathāgato loke uppajjati arahaṃ sammāsambuddho…pe… (yathā 190-212 anucchedesu tathā vitthāretabbaṃ). Evaṃ kho, brāhmaṇa, bhikkhu sīlasampanno hoti. Idaṃ kho taṃ, brāhmaṇa, sīlaṃ…pe… paṭhamaṃ jhānaṃ upasampajja viharati…pe… dutiyaṃ jhānaṃ…pe… tatiyaṃ jhānaṃ…pe… catutthaṃ jhānaṃ upasampajja viharati…pe… ñāṇadassanāya cittaṃ abhinīharati, abhininnāmeti. Idampissa hoti paññāya…pe… nāparaṃ itthattāyāti pajānāti, idampissa hoti paññāya ayaṃ kho sā, brāhmaṇa, paññā’’ti.
сон̣ад̣̇ан̣д̣аубаасагад̇д̇абадивзд̣̇анаа
Soṇadaṇḍaupāsakattapaṭivedanā
319. звам̣ вуд̇д̇з, сон̣ад̣̇ан̣д̣о б̣раахман̣о бхаг̇аванд̇ам̣ зд̇ад̣̇авожа – ‘‘абхигганд̇ам̣ , бхо г̇од̇ама, абхигганд̇ам̣, бхо г̇од̇ама . сзяяат̇ааби, бхо г̇од̇ама, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа, ‘жагкуманд̇о руубаани д̣̇агканд̇ий’д̇и; звамзвам̣ бход̇аа г̇од̇амзна анзгабарияааязна д̇хаммо багаасид̇о. зсаахам̣ бхаванд̇ам̣ г̇од̇амам̣ саран̣ам̣ г̇ажчаами, д̇хамман̃жа, бхигкусан̇гхан̃жа. убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇ам̣ . ад̇хиваасзд̇у жа мз бхавам̣ г̇од̇амо сваад̇анааяа бхад̇д̇ам̣ сад̣̇д̇хим̣ бхигкусан̇гхзнаа’’д̇и. ад̇хиваасзси бхаг̇аваа д̇ун̣хийбхаавзна.
319. Evaṃ vutte, soṇadaṇḍo brāhmaṇo bhagavantaṃ etadavoca – ‘‘abhikkantaṃ , bho gotama, abhikkantaṃ, bho gotama . Seyyathāpi, bho gotama, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya, ‘cakkhumanto rūpāni dakkhantī’ti; evamevaṃ bhotā gotamena anekapariyāyena dhammo pakāsito. Esāhaṃ bhavantaṃ gotamaṃ saraṇaṃ gacchāmi, dhammañca, bhikkhusaṅghañca. Upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gataṃ . Adhivāsetu ca me bhavaṃ gotamo svātanāya bhattaṃ saddhiṃ bhikkhusaṅghenā’’ti. Adhivāsesi bhagavā tuṇhībhāvena.
320. ат̇а ко сон̣ад̣̇ан̣д̣о б̣раахман̣о бхаг̇авад̇о ад̇хиваасанам̣ вид̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами. ат̇а ко сон̣ад̣̇ан̣д̣о б̣раахман̣о д̇ассаа рад̇д̇ияаа ажжаязна сагз нивзсанз бан̣ийд̇ам̣ каад̣̇анийяам̣ бхож̇анийяам̣ бадияаад̣̇аабзд̇ваа бхаг̇авад̇о гаалам̣ аарожаабзси – ‘‘гаало, бхо г̇од̇ама, нидтид̇ам̣ бхад̇д̇а’’нд̇и. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа сад̣̇д̇хим̣ бхигкусан̇гхзна язна сон̣ад̣̇ан̣д̣асса б̣раахман̣асса нивзсанам̣ д̇знубасан̇гами ; убасан̇гамид̇ваа бан̃н̃ад̇д̇з аасанз нисийд̣̇и. ат̇а ко сон̣ад̣̇ан̣д̣о б̣раахман̣о б̣уд̣̇д̇хаббамукам̣ бхигкусан̇гхам̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзси самбаваарзси.
320. Atha kho soṇadaṇḍo brāhmaṇo bhagavato adhivāsanaṃ viditvā uṭṭhāyāsanā bhagavantaṃ abhivādetvā padakkhiṇaṃ katvā pakkāmi. Atha kho soṇadaṇḍo brāhmaṇo tassā rattiyā accayena sake nivesane paṇītaṃ khādanīyaṃ bhojanīyaṃ paṭiyādāpetvā bhagavato kālaṃ ārocāpesi – ‘‘kālo, bho gotama, niṭṭhitaṃ bhatta’’nti. Atha kho bhagavā pubbaṇhasamayaṃ nivāsetvā pattacīvaramādāya saddhiṃ bhikkhusaṅghena yena soṇadaṇḍassa brāhmaṇassa nivesanaṃ tenupasaṅkami ; upasaṅkamitvā paññatte āsane nisīdi. Atha kho soṇadaṇḍo brāhmaṇo buddhappamukhaṃ bhikkhusaṅghaṃ paṇītena khādanīyena bhojanīyena sahatthā santappesi sampavāresi.
321. ат̇а ко сон̣ад̣̇ан̣д̣о б̣раахман̣о бхаг̇аванд̇ам̣ бхуд̇д̇аавим̣ онийд̇абад̇д̇абаан̣им̣ ан̃н̃ад̇арам̣ нийжам̣ аасанам̣ г̇ахзд̇ваа згаманд̇ам̣ нисийд̣̇и. згаманд̇ам̣ нисинно ко сон̣ад̣̇ан̣д̣о б̣раахман̣о бхаг̇аванд̇ам̣ зд̇ад̣̇авожа – ‘‘ахан̃жзва ко бана, бхо г̇од̇ама, барисаг̇ад̇о самаано аасанаа вудтахид̇ваа бхаванд̇ам̣ г̇од̇амам̣ абхиваад̣̇зяяам̣, д̇зна мам̣ саа барисаа барибхавзяяа. яам̣ ко бана саа барисаа барибхавзяяа, яасоби д̇асса хааязт̇а. яасса ко бана яасо хааязт̇а, бхог̇ааби д̇асса хааязяяум̣. яасолад̣̇д̇хаа ко банамхаагам̣ бхог̇аа. ахан̃жзва ко бана, бхо г̇од̇ама, барисаг̇ад̇о самаано ан̃ж̇алим̣ баг̇г̇ан̣хзяяам̣, аасанаа мз д̇ам̣ бхавам̣ г̇од̇амо бажжудтаанам̣ д̇хаарзд̇у. ахан̃жзва ко бана, бхо г̇од̇ама, барисаг̇ад̇о самаано взтанам̣ омун̃жзяяам̣, сирасаа мз д̇ам̣ бхавам̣ г̇од̇амо абхиваад̣̇анам̣ д̇хаарзд̇у. ахан̃жзва ко бана, бхо г̇од̇ама, яаанаг̇ад̇о самаано яаанаа бажжорохид̇ваа бхаванд̇ам̣ г̇од̇амам̣ абхиваад̣̇зяяам̣, д̇зна мам̣ саа барисаа барибхавзяяа. яам̣ ко бана саа барисаа барибхавзяяа, яасоби д̇асса хааязт̇а, яасса ко бана яасо хааязт̇а, бхог̇ааби д̇асса хааязяяум̣. яасолад̣̇д̇хаа ко банамхаагам̣ бхог̇аа. ахан̃жзва ко бана, бхо г̇од̇ама, яаанаг̇ад̇о самаано бад̇од̣̇аладтим̣ аб̣бхуннаамзяяам̣, яаанаа мз д̇ам̣ бхавам̣ г̇од̇амо бажжороханам̣ д̇хаарзд̇у. ахан̃жзва ко бана, бхо г̇од̇ама, яаанаг̇ад̇о самаано чад̇д̇ам̣ абанаамзяяам̣, сирасаа мз д̇ам̣ бхавам̣ г̇од̇амо абхиваад̣̇анам̣ д̇хаарзд̇уу’’д̇и.
321. Atha kho soṇadaṇḍo brāhmaṇo bhagavantaṃ bhuttāviṃ onītapattapāṇiṃ aññataraṃ nīcaṃ āsanaṃ gahetvā ekamantaṃ nisīdi. Ekamantaṃ nisinno kho soṇadaṇḍo brāhmaṇo bhagavantaṃ etadavoca – ‘‘ahañceva kho pana, bho gotama, parisagato samāno āsanā vuṭṭhahitvā bhavantaṃ gotamaṃ abhivādeyyaṃ, tena maṃ sā parisā paribhaveyya. Yaṃ kho pana sā parisā paribhaveyya, yasopi tassa hāyetha. Yassa kho pana yaso hāyetha, bhogāpi tassa hāyeyyuṃ. Yasoladdhā kho panamhākaṃ bhogā. Ahañceva kho pana, bho gotama, parisagato samāno añjaliṃ paggaṇheyyaṃ, āsanā me taṃ bhavaṃ gotamo paccuṭṭhānaṃ dhāretu. Ahañceva kho pana, bho gotama, parisagato samāno veṭhanaṃ omuñceyyaṃ, sirasā me taṃ bhavaṃ gotamo abhivādanaṃ dhāretu. Ahañceva kho pana, bho gotama, yānagato samāno yānā paccorohitvā bhavantaṃ gotamaṃ abhivādeyyaṃ, tena maṃ sā parisā paribhaveyya. Yaṃ kho pana sā parisā paribhaveyya, yasopi tassa hāyetha, yassa kho pana yaso hāyetha, bhogāpi tassa hāyeyyuṃ. Yasoladdhā kho panamhākaṃ bhogā. Ahañceva kho pana, bho gotama, yānagato samāno patodalaṭṭhiṃ abbhunnāmeyyaṃ, yānā me taṃ bhavaṃ gotamo paccorohanaṃ dhāretu. Ahañceva kho pana, bho gotama, yānagato samāno chattaṃ apanāmeyyaṃ, sirasā me taṃ bhavaṃ gotamo abhivādanaṃ dhāretū’’ti.
322. ат̇а ко бхаг̇аваа сон̣ад̣̇ан̣д̣ам̣ б̣раахман̣ам̣ д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇д̇зж̇зд̇ваа самбахам̣сзд̇ваа удтааяаасанаа баггаамийд̇и.
322. Atha kho bhagavā soṇadaṇḍaṃ brāhmaṇaṃ dhammiyā kathāya sandassetvā samādapetvā samuttejetvā sampahaṃsetvā uṭṭhāyāsanā pakkāmīti.
сон̣ад̣̇ан̣д̣асуд̇д̇ам̣ нидтид̇ам̣ жад̇уд̇т̇ам̣.
Soṇadaṇḍasuttaṃ niṭṭhitaṃ catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 4. сон̣ад̣̇ан̣д̣асуд̇д̇аван̣н̣анаа • 4. Soṇadaṇḍasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 4. сон̣ад̣̇ан̣д̣асуд̇д̇аван̣н̣анаа • 4. Soṇadaṇḍasuttavaṇṇanā
