| Library / Tipiṭaka / д̇ибидага • Tipiṭaka / д̣̇ийгханигааяа (дийгаа) • Dīghanikāya (ṭīkā) |
4. сон̣ад̣̇ан̣д̣асуд̇д̇аван̣н̣анаа
4. Soṇadaṇḍasuttavaṇṇanā
300. сунд̣̇арабхаавзна саад̇исаяаани ан̇г̇аани зд̇зсам̣ ад̇т̇ийд̇и ан̇г̇аа, рааж̇агумаараад̇и ааха ‘‘ан̇г̇аа наама ан̇г̇абаасаад̣̇игад̇ааяаа’’д̇иаад̣̇и. ид̇хааби ад̇хиббзд̇аа, на амб̣адтасуд̇д̇з зва. ааг̇анд̇ум̣ на д̣̇ассанд̇ийд̇и ааг̇аманз аад̣̇ийнавам̣ д̣̇ассзд̇ваа бадигкибанавасзна ааг̇анд̇ум̣ на д̣̇ассанд̇и, наануж̇ааниссанд̇ийд̇и ад̇хиббааяо. нийлаасогаган̣игаараговил̣аарагунд̣̇арааж̇аругкзхи саммиссад̇ааяа д̇ам̣ жамбагаванам̣ ‘‘нийлаад̣̇ибан̃жаван̣н̣агусумабадиман̣д̣ид̇а’’нд̇и д̣̇адтаб̣б̣ам̣. на жамбагаругкаанам̣язва нийлаад̣̇ибан̃жагусумад̇ааяаад̇и вад̣̇анд̇и. ‘‘бхаг̇аваа гусумаг̇анд̇хасуг̇анд̇хз жамбагаванз вихарад̇ий’’д̇и иминаа на маабанагаалз зва д̇асмим̣ наг̇арз жамбагаругкаа уссаннаа, ат̇а ко абарабхааг̇з бийд̇и д̣̇ассзд̇и. маабанагаалз хи жамбагаанам̣ уссаннад̇ааяа саа наг̇арий ‘‘жамбаа’’д̇и наамам̣ лабхи. иссарад̇д̇аад̇и ад̇хибад̇ибхаавад̇о. сзнаа зд̇асса ад̇т̇ийд̇и сзниго, сзниго зва сзнияо, ад̇т̇ид̇аа жзд̇т̇а б̣ахубхаавависидтаад̇и вуд̇д̇ам̣ ‘‘махад̇ияаа сзнааяа саманнааг̇ад̇ад̇д̇аа’’д̇и.
300. Sundarabhāvena sātisayāni aṅgāni etesaṃ atthīti aṅgā, rājakumārāti āha ‘‘aṅgā nāma aṅgapāsādikatāyā’’tiādi. Idhāpi adhippetā, na ambaṭṭhasutte eva. Āgantuṃ na dassantīti āgamane ādīnavaṃ dassetvā paṭikkhipanavasena āgantuṃ na dassanti, nānujānissantīti adhippāyo. Nīlāsokakaṇikārakoviḷārakundarājarukkhehi sammissatāya taṃ campakavanaṃ ‘‘nīlādipañcavaṇṇakusumapaṭimaṇḍita’’nti daṭṭhabbaṃ. Na campakarukkhānaṃyeva nīlādipañcakusumatāyāti vadanti. ‘‘Bhagavā kusumagandhasugandhe campakavane viharatī’’ti iminā na māpanakāle eva tasmiṃ nagare campakarukkhā ussannā, atha kho aparabhāge pīti dasseti. Māpanakāle hi campakānaṃ ussannatāya sā nagarī ‘‘campā’’ti nāmaṃ labhi. Issarattāti adhipatibhāvato. Senā etassa atthīti seniko, seniko eva seniyo, atthitā cettha bahubhāvavisiṭṭhāti vuttaṃ ‘‘mahatiyā senāya samannāgatattā’’ti.
301-2. сам̣хад̇аад̇и саннибад̇ид̇аа, ‘‘сан̇гхино’’д̇и вад̇д̇аб̣б̣з ‘‘сан̇гхий’’д̇и бут̇уд̇т̇з згаважанам̣ б̣раахман̣аг̇ахабад̇игаанам̣ ад̇хиббзд̇ад̇д̇аа, д̇знааха ‘‘зд̇зса’’нд̇и. рааж̇арааж̇ан̃н̃аад̣̇ийнам̣ бхан̣д̣ад̇хараа бурисаа кад̇аа, нзсам̣ д̇ааяанад̇о кад̇д̇аа. со хи язхи яад̇т̇а бзсид̇о, д̇ад̇т̇а д̇зсам̣ д̣̇осам̣ барихаранд̇о яуд̇д̇абад̇д̇авасзна бужчид̇амад̇т̇ам̣ гат̇зд̇и, д̇знааха ‘‘бужчид̇абан̃хз б̣яаагаран̣асамад̇т̇о’’д̇и. гулаабад̣̇зсаад̣̇инаа махад̇ий мад̇д̇аа зд̇ассаад̇и махаамад̇д̇о.
301-2.Saṃhatāti sannipatitā, ‘‘saṅghino’’ti vattabbe ‘‘saṅghī’’ti puthutthe ekavacanaṃ brāhmaṇagahapatikānaṃ adhippetattā, tenāha ‘‘etesa’’nti. Rājarājaññādīnaṃ bhaṇḍadharā purisā khatā, nesaṃ tāyanato khattā. So hi yehi yattha pesito, tattha tesaṃ dosaṃ pariharanto yuttapattavasena pucchitamatthaṃ katheti, tenāha ‘‘pucchitapañhe byākaraṇasamattho’’ti. Kulāpadesādinā mahatī mattā etassāti mahāmatto.
сон̣ад̣̇ан̣д̣аг̇ун̣агат̇ааван̣н̣анаа
Soṇadaṇḍaguṇakathāvaṇṇanā
303. висидтам̣ раж̇ж̇ам̣ вираж̇ж̇ам̣, вираж̇ж̇амзва взраж̇ж̇ам̣ яат̇аа ‘‘взгад̇ам̣ взсаяа’’нд̇и, наанаавид̇хам̣ взраж̇ж̇ам̣ наанаавзраж̇ж̇ам̣, д̇ад̇т̇а ж̇аад̇аад̇иаад̣̇инаа саб̣б̣ам̣ вуд̇д̇анаязнзва взд̣̇ид̇аб̣б̣ам̣. уд̇д̇амаб̣раахман̣од̇и абхиж̇анасамбад̇д̇ияаа вид̇д̇асамбад̇д̇ияаа виж̇ж̇аасамбад̇д̇ияаа уг̇г̇ад̇ад̇аро, ул̣ааро ваа б̣раахман̣о. асаннибаад̇од̇и лаабхамажчарзна ниббийл̣ид̇ад̇ааяа асаннибаад̇о вияа бхависсад̇и.
303. Visiṭṭhaṃ rajjaṃ virajjaṃ, virajjameva verajjaṃ yathā ‘‘vekataṃ vesaya’’nti, nānāvidhaṃ verajjaṃ nānāverajjaṃ, tattha jātātiādinā sabbaṃ vuttanayeneva veditabbaṃ. Uttamabrāhmaṇoti abhijanasampattiyā vittasampattiyā vijjāsampattiyā uggatataro, uḷāro vā brāhmaṇo. Asannipātoti lābhamaccharena nippīḷitatāya asannipāto viya bhavissati.
‘‘ан̇г̇зд̇и г̇амзд̇и н̃аабзд̇ийд̇и ан̇г̇ам̣, хзд̇ууд̇и ааха ‘‘иминааби гааран̣знаа’’д̇и. ‘‘убхад̇о суж̇аад̇о’’д̇и зд̇д̇агз вуд̇д̇з язхи гзхижи д̣̇вийхи бхааг̇зхи суж̇аад̇ад̇аа вин̃н̃ааязяяа. суж̇аад̇а-сад̣̇д̣̇о жа ‘‘суж̇аад̇о жааруд̣̇ассано’’д̇иаад̣̇ийсу (т̇зраг̇аа. 818) аарохасамбад̇д̇ибарияааяод̇и ж̇аад̇ивасзнзва суж̇аад̇ад̇ам̣ вибхаавзд̇ум̣ ‘‘маад̇ид̇о жа бид̇ид̇о жаа’’д̇и вуд̇д̇ам̣. анорасабуд̇д̇авасзнааби логз маад̇убид̇усаман̃н̃аа д̣̇иссад̇и, ид̇ха банасса орасабуд̇д̇авасзнзва ижчид̇аад̇и д̣̇ассзд̇ум̣ ‘‘сам̣суд̣̇д̇хаг̇ахан̣иго’’д̇и вуд̇д̇ам̣. г̇аб̣бхам̣ г̇ан̣хаад̇и д̇хаарзд̇ийд̇и г̇ахан̣ий, г̇аб̣бхаасаяасан̃н̃ид̇о маад̇угужчиббад̣̇зсо. яат̇аабхуд̇д̇асса аахаарасса вибаажанавасзна г̇ан̣ханад̇о ачад̣д̣анад̇о г̇ахан̣ий, гаммаж̇ад̇зж̇од̇хаад̇у.
‘‘Aṅgeti gameti ñāpetīti aṅgaṃ, hetūti āha ‘‘imināpi kāraṇenā’’ti. ‘‘Ubhato sujāto’’ti ettake vutte yehi kehici dvīhi bhāgehi sujātatā viññāyeyya. Sujāta-saddo ca ‘‘sujāto cārudassano’’tiādīsu (theragā. 818) ārohasampattipariyāyoti jātivaseneva sujātataṃ vibhāvetuṃ ‘‘mātito ca pitito cā’’ti vuttaṃ. Anorasaputtavasenāpi loke mātupitusamaññā dissati, idha panassa orasaputtavaseneva icchitāti dassetuṃ ‘‘saṃsuddhagahaṇiko’’ti vuttaṃ. Gabbhaṃ gaṇhāti dhāretīti gahaṇī, gabbhāsayasaññito mātukucchippadeso. Yathābhuttassa āhārassa vipācanavasena gaṇhanato achaḍḍanato gahaṇī, kammajatejodhātu.
бид̇аа жа маад̇аа жа бид̇аро, бид̇уунам̣ бид̇аро бид̇аамахаа, д̇зсам̣ яуг̇о д̣̇ванд̣̇о бид̇аамахаяуг̇о, д̇асмаа, яаава сад̇д̇амаа бид̇аамахаяуг̇аа бид̇аамахад̣̇ванд̣̇аад̇и звамзд̇т̇а ад̇т̇о д̣̇адтаб̣б̣о. зван̃хи бид̇аамахаг̇г̇ахан̣знзва маад̇аамахоби г̇ахид̇од̇и. со адтагат̇ааяам̣ висум̣ на уд̣̇д̇хадо. яуг̇а-сад̣̇д̣̇о жзд̇т̇а згасзсанаязна д̣̇адтаб̣б̣о ‘‘яуг̇о жа яуг̇о жа яуг̇аа’’д̇и. зван̃хи д̇ад̇т̇а д̇ад̇т̇а д̣̇ванд̣̇ам̣ г̇ахид̇амзва ход̇и, д̇знааха ‘‘д̇ад̇о уд̣̇д̇хам̣ саб̣б̣зби буб̣б̣абурисаа бид̇аамахаг̇г̇ахан̣знзва г̇ахид̇аа’’д̇и. бурисаг̇г̇ахан̣ан̃жзд̇т̇а уггадтанид̣̇д̣̇зсавасзна гад̇анд̇и д̣̇адтаб̣б̣ам̣. зван̃хи ‘‘маад̇ид̇о’’д̇и баал̣иважанам̣ самад̇т̇ид̇ам̣ ход̇и. агкид̇д̇од̇и аббад̇д̇акзбо. анавагкид̇д̇од̇и сад̣̇д̇хат̇аалибаагаад̣̇ийсу на авагкид̇д̇о на чад̣д̣ид̇о. ж̇аад̇иваад̣̇знаад̇и хзд̇умхи гаран̣аважананд̇и д̣̇ассзд̇ум̣ ‘‘гзна гааран̣знаа’’д̇иаад̣̇и вуд̇д̇ам̣. зд̇т̇а жа ‘‘убхад̇о…бз… бид̇аамахаяуг̇аа’’д̇и зд̇зна б̣раахман̣асса яонид̣̇осаабхааво д̣̇ассид̇о сам̣суд̣̇д̇хаг̇ахан̣игабхаавагид̇д̇анад̇о, ‘‘агкид̇д̇о’’д̇и иминаа гирияаабараад̇хаабхааво. гирияаабараад̇хзна хи сад̇д̇аа кзбам̣ баабун̣анд̇и. ‘‘анубаггудто’’д̇и иминаа аяуд̇д̇асам̣саг̇г̇аабхааво. аяуд̇д̇асам̣саг̇г̇амби хи бадижжа сад̇д̇аа аггосам̣ лабханд̇и.
Pitā ca mātā ca pitaro, pitūnaṃ pitaro pitāmahā, tesaṃ yugo dvando pitāmahayugo, tasmā, yāva sattamā pitāmahayugā pitāmahadvandāti evamettha attho daṭṭhabbo. Evañhi pitāmahaggahaṇeneva mātāmahopi gahitoti. So aṭṭhakathāyaṃ visuṃ na uddhaṭo. Yuga-saddo cettha ekasesanayena daṭṭhabbo ‘‘yugo ca yugo ca yugā’’ti. Evañhi tattha tattha dvandaṃ gahitameva hoti, tenāha ‘‘tato uddhaṃ sabbepi pubbapurisā pitāmahaggahaṇeneva gahitā’’ti. Purisaggahaṇañcettha ukkaṭṭhaniddesavasena katanti daṭṭhabbaṃ. Evañhi ‘‘mātito’’ti pāḷivacanaṃ samatthitaṃ hoti. Akkhittoti appattakhepo. Anavakkhittoti saddhathālipākādīsu na avakkhitto na chaḍḍito. Jātivādenāti hetumhi karaṇavacananti dassetuṃ ‘‘kena kāraṇenā’’tiādi vuttaṃ. Ettha ca ‘‘ubhato…pe… pitāmahayugā’’ti etena brāhmaṇassa yonidosābhāvo dassito saṃsuddhagahaṇikabhāvakittanato, ‘‘akkhitto’’ti iminā kiriyāparādhābhāvo. Kiriyāparādhena hi sattā khepaṃ pāpuṇanti. ‘‘Anupakkuṭṭho’’ti iminā ayuttasaṃsaggābhāvo. Ayuttasaṃsaggampi hi paṭicca sattā akkosaṃ labhanti.
иссарод̇и аад̇хибад̇зяяасам̣вад̇д̇анияагаммаб̣алзна ийсанасийло, саа банасса иссарад̇аа вибхавасамбад̇д̇ибажжаяаа баагадаа ж̇аад̇аад̇и ад̣дхад̇аабарияааяабхаавзнзва вад̣̇анд̇о ‘‘ад̣дход̇и иссаро’’д̇и ааха. маханд̇ам̣ д̇ханам̣ асса бхуумиг̇ад̇ан̃жзва взхаасадтан̃жаад̇и махад̣̇д̇хано. д̇ассаад̇и д̇асса д̇асса . вад̣̇анд̇и ‘‘анваяад̇о, б̣яад̇ирзгад̇о жа анубасан̇гаманагааран̣ам̣ гид̇д̇змаа’’д̇и.
Issaroti ādhipateyyasaṃvattaniyakammabalena īsanasīlo, sā panassa issaratā vibhavasampattipaccayā pākaṭā jātāti aḍḍhatāpariyāyabhāveneva vadanto ‘‘aḍḍhoti issaro’’ti āha. Mahantaṃ dhanaṃ assa bhūmigatañceva vehāsaṭṭhañcāti mahaddhano. Tassāti tassa tassa . Vadanti ‘‘anvayato, byatirekato ca anupasaṅkamanakāraṇaṃ kittemā’’ti.
ад̇хигаруубод̇и висидтаруубо уд̇д̇амасарийро. д̣̇ассанам̣ арахад̇ийд̇и д̣̇ассанийяо, д̇знааха ‘‘д̣̇ассанаяог̇г̇о’’д̇и. басаад̣̇ам̣ аавахад̇ийд̇и баасаад̣̇иго, д̇знааха ‘‘жид̇д̇аббасаад̣̇аж̇ананад̇о’’д̇и. ван̣н̣ассаад̇и ван̣н̣ад̇хаад̇уяаа. сарийранд̇и саннивзсависидтам̣ гаражаран̣аг̇ийваасийсаад̣̇иаваяавасамуд̣̇ааяам̣, со жа сан̣таанамукзна г̇аяхад̇ийд̇и ‘‘барамааяа ван̣н̣абогкарад̇ааяаад̇и…бз… самбад̇д̇ияаа жаа’’д̇и вуд̇д̇ам̣. саб̣б̣аван̣н̣зсу суван̣н̣аван̣н̣ова уд̇д̇амод̇и вуд̇д̇ам̣ ‘‘сздтзна суван̣н̣аван̣н̣зна саманнааг̇ад̇о’’д̇и. д̇ат̇аа хи б̣уд̣̇д̇хаа, жаггавад̇д̇ино жа суван̣н̣аван̣н̣аава хонд̇и. б̣рахмаважчасийд̇и уд̇д̇амасарийраабхо, суван̣н̣аабхо ижжзва ад̇т̇о. имамзва хи ад̇т̇ам̣ санд̇хааяа ‘‘махааб̣рахмуно сарийрасад̣̇исзнзва сарийрзна саманнааг̇ад̇о’’д̇и вуд̇д̇ам̣, на б̣рахмуж̇уг̇ад̇д̇ад̇ам̣. акуд̣̇д̣̇аавагаасо д̣̇ассанааяаад̇и аарохабарин̣аахасамбад̇д̇ияаа, аваяавабаарибуурияаа жа д̣̇ассанааяа огаасо на куд̣̇д̣̇аго, д̇знааха ‘‘саб̣б̣аанзваа’’д̇иаад̣̇и.
Adhikarūpoti visiṭṭharūpo uttamasarīro. Dassanaṃ arahatīti dassanīyo, tenāha ‘‘dassanayoggo’’ti. Pasādaṃ āvahatīti pāsādiko, tenāha ‘‘cittappasādajananato’’ti. Vaṇṇassāti vaṇṇadhātuyā. Sarīranti sannivesavisiṭṭhaṃ karacaraṇagīvāsīsādiavayavasamudāyaṃ, so ca saṇṭhānamukhena gayhatīti ‘‘paramāya vaṇṇapokkharatāyāti…pe… sampattiyā cā’’ti vuttaṃ. Sabbavaṇṇesu suvaṇṇavaṇṇova uttamoti vuttaṃ ‘‘seṭṭhena suvaṇṇavaṇṇena samannāgato’’ti. Tathā hi buddhā, cakkavattino ca suvaṇṇavaṇṇāva honti. Brahmavacchasīti uttamasarīrābho, suvaṇṇābho icceva attho. Imameva hi atthaṃ sandhāya ‘‘mahābrahmuno sarīrasadiseneva sarīrena samannāgato’’ti vuttaṃ, na brahmujugattataṃ. Akhuddāvakāso dassanāyāti ārohapariṇāhasampattiyā, avayavapāripūriyā ca dassanāya okāso na khuddako, tenāha ‘‘sabbānevā’’tiādi.
яаманияамалагкан̣ам̣ сийламасса ад̇т̇ийд̇и сийлаваа. д̇ам̣ банасса рад̇д̇ан̃н̃уд̇ааяа вуд̣̇д̇хам̣ вад̣дхид̇ам̣ ад̇т̇ийд̇и вуд̣̇д̇хасийлий. д̇зна жа саб̣б̣ад̣̇аа саммааяог̇ад̇о вуд̣̇д̇хасийлзна саманнааг̇ад̇о. саб̣б̣амзд̇ам̣ бан̃жасийламад̇д̇амзва санд̇хааяа вад̣̇анд̇и д̇ад̇о барам̣ сийласса д̇ад̇т̇а абхаавад̇о, д̇зсан̃жа аж̇аананад̇о.
Yamaniyamalakkhaṇaṃ sīlamassa atthīti sīlavā. Taṃ panassa rattaññutāya vuddhaṃ vaḍḍhitaṃ atthīti vuddhasīlī. Tena ca sabbadā sammāyogato vuddhasīlena samannāgato. Sabbametaṃ pañcasīlamattameva sandhāya vadanti tato paraṃ sīlassa tattha abhāvato, tesañca ajānanato.
таанагаран̣асамбад̇д̇ияаа, сигкаасамбад̇д̇ияаа жа гад̇т̇ажиби ануунад̇ааяа бариман̣д̣алабад̣̇аани б̣яан̃ж̇анаани агкараани зд̇иссаад̇и бариман̣д̣алабад̣̇аб̣яан̃ж̇анаа. ат̇а ваа баж̇ж̇ад̇и ад̇т̇о зд̇знаад̇и бад̣̇ам̣, наамаад̣̇и. яат̇аад̇хиббзд̇амад̇т̇ам̣ б̣яан̃ж̇зд̇ийд̇и б̣яан̃ж̇анам̣, ваагяам̣. д̇зсам̣ барибун̣н̣ад̇ааяа бариман̣д̣алабад̣̇аб̣яан̃ж̇анаа. ад̇т̇ан̃аабанз саад̇ханад̇ааяа ваажаава гаран̣анд̇и вааггаран̣ам̣, уд̣̇аахаарагхосо. г̇ун̣абарибун̣н̣абхаавзна д̇асса б̣раахман̣асса, д̇зна ваа бхаасид̇аб̣б̣аад̇т̇асса. буурз бун̣н̣абхаавз. буурзд̇и жа буримасмим̣ ад̇т̇з аад̇хаарз бхуммам̣, д̣̇уд̇ияасмим̣ висаяз. ‘‘сукумаалад̇д̇анзнаа’’д̇и иминаа д̇ассаа ваажааяа муд̣̇усан̣хабхаавамааха. абалиб̣уд̣̇д̇хааяа бид̇д̇асзмхаад̣̇ийхи. санд̣̇идтам̣ саб̣б̣ам̣ д̣̇ассзд̇ваа вияа згад̣̇зсам̣ гат̇анам̣. виламб̣ид̇ам̣ сан̣игам̣ жирааяид̇ваа гат̇анам̣. ‘‘санд̣̇ид̣̇д̇хавиламб̣ид̇аад̣̇ий’’д̇и ваа баато. д̇ад̇т̇а санд̣̇ид̣̇д̇хам̣ санд̣̇зхаж̇анагам̣. аад̣̇и-сад̣̇д̣̇зна д̣̇угкалид̇аанугад̣дхид̇аад̣̇им̣ сан̇г̇ан̣хаад̇и. ‘‘аад̣̇имаж̇жхабарияосаанам̣ баагадам̣ гад̇ваа’’д̇и иминаа д̇ассаа ваажааяа ад̇т̇абаарибуурим̣ вад̣̇анд̇и.
Ṭhānakaraṇasampattiyā, sikkhāsampattiyā ca katthacipi anūnatāya parimaṇḍalapadāni byañjanāni akkharāni etissāti parimaṇḍalapadabyañjanā. Atha vā pajjati attho etenāti padaṃ, nāmādi. Yathādhippetamatthaṃ byañjetīti byañjanaṃ, vākyaṃ. Tesaṃ paripuṇṇatāya parimaṇḍalapadabyañjanā. Atthañāpane sādhanatāya vācāva karaṇanti vākkaraṇaṃ, udāhāraghoso. Guṇaparipuṇṇabhāvena tassa brāhmaṇassa, tena vā bhāsitabbaatthassa. Pūre puṇṇabhāve. Pūreti ca purimasmiṃ atthe ādhāre bhummaṃ, dutiyasmiṃ visaye. ‘‘Sukhumālattanenā’’ti iminā tassā vācāya mudusaṇhabhāvamāha. Apalibuddhāya pittasemhādīhi. Sandiṭṭhaṃ sabbaṃ dassetvā viya ekadesaṃ kathanaṃ. Vilambitaṃ saṇikaṃ cirāyitvā kathanaṃ. ‘‘Sandiddhavilambitādī’’ti vā pāṭho. Tattha sandiddhaṃ sandehajanakaṃ. Ādi-saddena dukkhalitānukaḍḍhitādiṃ saṅgaṇhāti. ‘‘Ādimajjhapariyosānaṃ pākaṭaṃ katvā’’ti iminā tassā vācāya atthapāripūriṃ vadanti.
‘‘ж̇ин̣н̣о’’д̇иаад̣̇ийни бад̣̇аани сувин̃н̃зяяаани, хздтаа вуд̇д̇ад̇т̇аани жа. д̣̇уд̇ияанаяз бана ж̇ин̣н̣од̇и нааяам̣ ж̇ин̣н̣ад̇аа ваяомад̇д̇зна, ат̇а ко гулабариваддзна бураан̣ад̇аад̇и ааха ‘‘ж̇ин̣н̣од̇и бораан̣о’’д̇иаад̣̇и, д̇зна д̇асса б̣раахман̣асса гулавасзна уд̣̇ид̇од̣̇ид̇абхаавамааха. ж̇аад̇ивуд̣̇д̇хияаа ‘‘ваяоануббад̇д̇о’’д̇и вагкамаанад̇д̇аа, г̇ун̣авуд̣̇д̇хияаа д̇ад̇о саад̇исаяад̇д̇аа жа ‘‘вуд̣̇д̇ход̇и сийлаажаараад̣̇иг̇ун̣авуд̣̇д̇хияаа яуд̇д̇о’’д̇и ааха. д̇ат̇аа ж̇аад̇имахаллагад̇ааяа вагкамаанад̇д̇аа ‘‘махаллаго’’д̇и бад̣̇зна вибхавамахад̇д̇ад̇аа яож̇ид̇аа. маг̇г̇абадибаннод̇и б̣раахман̣аанам̣ бадибад̇д̇ивийт̇им̣ убаг̇ад̇о д̇ам̣ авоггамма жаран̣ад̇о. анд̇имаваяанд̇и бажчимаваяам̣.
‘‘Jiṇṇo’’tiādīni padāni suviññeyyāni, heṭṭhā vuttatthāni ca. Dutiyanaye pana jiṇṇoti nāyaṃ jiṇṇatā vayomattena, atha kho kulaparivaṭṭena purāṇatāti āha ‘‘jiṇṇoti porāṇo’’tiādi, tena tassa brāhmaṇassa kulavasena uditoditabhāvamāha. Jātivuddhiyā ‘‘vayoanuppatto’’ti vakkhamānattā, guṇavuddhiyā tato sātisayattā ca ‘‘vuddhoti sīlācārādiguṇavuddhiyā yutto’’ti āha. Tathā jātimahallakatāya vakkhamānattā ‘‘mahallako’’ti padena vibhavamahattatā yojitā. Maggapaṭipannoti brāhmaṇānaṃ paṭipattivīthiṃ upagato taṃ avokkamma caraṇato. Antimavayanti pacchimavayaṃ.
б̣уд̣̇д̇хаг̇ун̣агат̇ааван̣н̣анаа
Buddhaguṇakathāvaṇṇanā
304. д̇аад̣̇исзхи махаанубхаавзхи сад̣̇д̇хим̣ яуг̇аг̇г̇аахавасзнаби д̣̇аханам̣ на маад̣̇исаанам̣ анужчавигам̣, гуд̇о бана уггам̣сананд̇и ид̣̇ам̣ б̣раахман̣асса на яуд̇д̇аруубанд̇и д̣̇ассзнд̇о ааха ‘‘на ко бана мзд̇ам̣ яуд̇д̇а’’нд̇иаад̣̇и. сад̣̇исаад̇и згад̣̇зсзна сад̣̇исаа. на хи б̣уд̣̇д̇хаанам̣ г̇ун̣зхи саб̣б̣ат̇аа сад̣̇исаа гзжиби г̇ун̣аа ан̃н̃зсу лаб̣бханд̇и. ид̇арзд̇и ад̇д̇ано г̇ун̣зхи асад̣̇исаг̇ун̣з. ид̣̇анд̇и ид̣̇ам̣ ад̇т̇аж̇аад̇ам̣. г̇обад̣̇аганд̇и г̇аавияаа бад̣̇з тид̇ауд̣̇агам̣.
304. Tādisehi mahānubhāvehi saddhiṃ yugaggāhavasenapi dahanaṃ na mādisānaṃ anucchavikaṃ, kuto pana ukkaṃsananti idaṃ brāhmaṇassa na yuttarūpanti dassento āha ‘‘na kho pana metaṃ yutta’’ntiādi. Sadisāti ekadesena sadisā. Na hi buddhānaṃ guṇehi sabbathā sadisā kecipi guṇā aññesu labbhanti. Itareti attano guṇehi asadisaguṇe. Idanti idaṃ atthajātaṃ. Gopadakanti gāviyā pade ṭhitaudakaṃ.
садтигуласад̇асахассанд̇и садтисахассаад̇хигам̣ гуласад̇асахассам̣ гулабарияааязнаад̇и суд̣̇д̇ход̣̇анамахаарааж̇асса гулаануггамзна ааг̇ад̇ам̣. д̇зсубийд̇и д̇зсуби жад̇уусу нид̇хийсу. г̇ахид̇аг̇ахид̇анд̇и г̇ахид̇ам̣ г̇ахид̇ам̣ таанам̣ буурад̇иязва д̇ханзна бадибаагад̇игамзва ход̇и. абаримаан̣оязваад̇и ‘‘зд̇д̇аго зсо’’д̇и гзнажи барижчинд̣̇ид̇ум̣ асаггун̣зяяад̇ааяа абарижчинно зва.
Saṭṭhikulasatasahassanti saṭṭhisahassādhikaṃ kulasatasahassaṃ kulapariyāyenāti suddhodanamahārājassa kulānukkamena āgataṃ. Tesupīti tesupi catūsu nidhīsu. Gahitagahitanti gahitaṃ gahitaṃ ṭhānaṃ pūratiyeva dhanena paṭipākatikameva hoti. Aparimāṇoyevāti ‘‘ettako eso’’ti kenaci paricchindituṃ asakkuṇeyyatāya aparicchinno eva.
д̇ад̇т̇аад̇и ман̃жагз. сийхасзяяам̣ габбзсийд̇и яат̇аа рааху асуринд̣̇о ааяаамад̇о, вид̇т̇аарад̇о уб̣б̣зд̇хад̇о жа бхаг̇авад̇о руубагааяасса барижчзд̣̇ам̣ г̇ахзд̇ум̣ на саггод̇и, д̇ат̇аа руубам̣ ид̣̇д̇хаабхисан̇каарам̣ абхисан̇каронд̇о сийхасзяяам̣ габбзси.
Tatthāti mañcake. Sīhaseyyaṃ kappesīti yathā rāhu asurindo āyāmato, vitthārato ubbedhato ca bhagavato rūpakāyassa paricchedaṃ gahetuṃ na sakkoti, tathā rūpaṃ iddhābhisaṅkhāraṃ abhisaṅkharonto sīhaseyyaṃ kappesi.
гилзсзхи аарагад̇д̇аа барисуд̣̇д̇хадтзна арияанд̇и ааха ‘‘арияам̣ уд̇д̇амам̣ барисуд̣̇д̇ха’’нд̇и. анаваж̇ж̇адтзна гусалам̣, на сукавибаагадтзна. гад̇т̇ажи жад̇ураасийд̇ибаан̣асахассаани, гад̇т̇ажи абаримаан̣ааби д̣̇звамануссаа яасмаа жад̇увийсад̇ияаа таанзсу асан̇кязяяаа абаримзяяаа д̣̇звамануссаа маг̇г̇апалаамад̇ам̣ бивим̣су, годисад̇асахассаад̣̇ибаримаан̣знаби б̣ахуу зва, д̇асмаа ануд̇д̇араажаарасигкаабанавасзна бхаг̇аваа б̣ахуунам̣ аажарияо. д̇зд̇и гаамарааг̇ад̇о ан̃н̃з бхаг̇авад̇о бахийнагилзсз. гзл̣анаад̇и гзл̣ааяанаа д̇ханааяанаа.
Kilesehi ārakattā parisuddhaṭṭhena ariyanti āha ‘‘ariyaṃ uttamaṃ parisuddha’’nti. Anavajjaṭṭhena kusalaṃ, na sukhavipākaṭṭhena. Katthaci caturāsītipāṇasahassāni, katthaci aparimāṇāpi devamanussā yasmā catuvīsatiyā ṭhānesu asaṅkhyeyyā aparimeyyā devamanussā maggaphalāmataṃ piviṃsu, koṭisatasahassādiparimāṇenapi bahū eva, tasmā anuttarācārasikkhāpanavasena bhagavā bahūnaṃ ācariyo. Teti kāmarāgato aññe bhagavato pahīnakilese. Keḷanāti keḷāyanā dhanāyanā.
абаабабурзгкаарод̇и абаабз бурз гарод̇и, на ваа баабам̣ бурад̇о гарод̇ийд̇иби абаабабурзгкаарод̇и имамад̇т̇ам̣ д̣̇ассзд̇ум̣ ‘‘абаабз навалогуд̇д̇арад̇хаммз’’д̇иаад̣̇и вуд̇д̇ам̣. д̇ад̇т̇а абаабзд̇и баабабадибагкз, баабарахид̇з жа. б̣рахмани сздтз б̣уд̣̇д̇хз бхаг̇авад̇и бхаваа д̇асса д̇хаммад̣̇зсанаавасзна арияааяа ж̇аад̇ияаа ж̇аад̇ад̇д̇аа, б̣рахмуно ваа бхаг̇авад̇о хид̇аа г̇аругаран̣аад̣̇инаа, яат̇аанусидтабадибад̇д̇ияаа жа, б̣рахмам̣ ваа сздтам̣ арияамаг̇г̇ам̣ ж̇аанаад̇ийд̇и б̣рахман̃н̃аа, арияасаавагасан̇каад̇аа баж̇аа, д̇знааха ‘‘саарибуд̇д̇аа’’д̇иаад̣̇и. багад̇иб̣раахман̣аж̇аад̇ивасзнааби ‘‘б̣рахман̃н̃ааяа баж̇ааяаа’’д̇и бад̣̇асса ад̇т̇о взд̣̇ид̇аб̣б̣од̇и д̣̇ассзд̇ум̣ ‘‘абижаа’’д̇иаад̣̇и вуд̇д̇ам̣.
Apāpapurekkhāroti apāpe pure karoti, na vā pāpaṃ purato karotītipi apāpapurekkhāroti imamatthaṃ dassetuṃ ‘‘apāpe navalokuttaradhamme’’tiādi vuttaṃ. Tattha apāpeti pāpapaṭipakkhe, pāparahite ca. Brahmani seṭṭhe buddhe bhagavati bhavā tassa dhammadesanāvasena ariyāya jātiyā jātattā, brahmuno vā bhagavato hitā garukaraṇādinā, yathānusiṭṭhapaṭipattiyā ca, brahmaṃ vā seṭṭhaṃ ariyamaggaṃ jānātīti brahmaññā, ariyasāvakasaṅkhātā pajā, tenāha ‘‘sāriputtā’’tiādi. Pakatibrāhmaṇajātivasenāpi ‘‘brahmaññāya pajāyā’’ti padassa attho veditabboti dassetuṃ ‘‘apicā’’tiādi vuttaṃ.
д̇ирорадтаа д̇ирож̇анабад̣̇аад̇и зд̇т̇а раж̇ж̇ам̣ радтам̣, рааж̇анд̇и рааж̇аано зд̇знаад̇и, д̇ад̣̇згад̣̇зсабхууд̇аа бад̣̇зсаа бана ж̇анабад̣̇о,ж̇анаа баж̇ж̇анд̇и зд̇т̇а сукаж̇ийвигам̣ баабун̣анд̇ийд̇и. бужчааяа ваа д̣̇осам̣ саллагкзд̇ваад̇и самб̣анд̇хо. асамад̇т̇ад̇анд̇и ад̇д̇ано асамад̇т̇ад̇ам̣. бхаг̇аваа виссаж̇ж̇зд̇и д̇зсам̣ убаниссаяасамбад̇д̇им̣, н̃аан̣абарибаагам̣, жид̇д̇аажааран̃жа н̃ад̇ваад̇и ад̇хиббааяо.
Tiroraṭṭhā tirojanapadāti ettha rajjaṃ raṭṭhaṃ, rājanti rājāno etenāti, tadekadesabhūtā padesā pana janapado,janā pajjanti ettha sukhajīvikaṃ pāpuṇantīti. Pucchāya vā dosaṃ sallakkhetvāti sambandho. Asamatthatanti attano asamatthataṃ. Bhagavā vissajjeti tesaṃ upanissayasampattiṃ, ñāṇaparipākaṃ, cittācārañca ñatvāti adhippāyo.
‘‘зхи свааг̇ад̇аваад̣̇ий’’д̇и иминаа сукасамбхаасабуб̣б̣агам̣ бияаваад̣̇ид̇ам̣ д̣̇ассзд̇и, ‘‘сакило’’д̇и иминаа сан̣хаваажад̇ам̣, ‘‘саммод̣̇аго’’д̇и иминаа бадисанд̇хаарагусалад̇ам̣, ‘‘абхаагудиго’’д̇и иминаа саб̣б̣ад̇т̇зва виббасаннамукад̇ам̣, ‘‘уд̇д̇аанамуко’’д̇и иминаа сукаалаабад̇ам̣, ‘‘буб̣б̣абхаасий’’д̇и иминаа д̇хаммаануг̇г̇ахасса огаасагаран̣ад̇о хид̇аж̇жхаасаяад̇ам̣ бхаг̇авад̇о вибхаавзд̇и.
‘‘Ehisvāgatavādī’’ti iminā sukhasambhāsapubbakaṃ piyavāditaṃ dasseti, ‘‘sakhilo’’ti iminā saṇhavācataṃ, ‘‘sammodako’’ti iminā paṭisandhārakusalataṃ, ‘‘abhākuṭiko’’ti iminā sabbattheva vippasannamukhataṃ, ‘‘uttānamukho’’ti iminā sukhālāpataṃ, ‘‘pubbabhāsī’’ti iminā dhammānuggahassa okāsakaraṇato hitajjhāsayataṃ bhagavato vibhāveti.
яад̇т̇а гираад̇и гира-сад̣̇д̣̇о аружисуужанад̇т̇о, д̇зна бхаг̇авад̇аа ад̇хивуд̇т̇абад̣̇зсз на д̣̇звад̇аанубхаавзна мануссаанам̣ анубад̣̇д̣̇авад̇аа, ат̇а ко б̣уд̣̇д̇хаанубхаавзнаад̇и д̣̇ассзд̇и. д̇знааха ‘‘абижаа’’д̇иаад̣̇и.
Yattha kirāti kira-saddo arucisūcanattho, tena bhagavatā adhivutthapadese na devatānubhāvena manussānaṃ anupaddavatā, atha kho buddhānubhāvenāti dasseti. Tenāha ‘‘apicā’’tiādi.
анусаасид̇аб̣б̣од̇и винзяяаж̇анасамуухо г̇аяхад̇ийд̇и ниб̣б̣ад̇д̇ид̇ам̣ арияасан̇гхамзва д̣̇ассзд̇ум̣ ‘‘саяам̣ ваа’’д̇иаад̣̇и вуд̇д̇ам̣, ананд̇арасса вид̇хи бадисзд̇хо ваад̇и гад̇ваа. ‘‘д̇аад̣̇исоваа’’д̇и иминаа ‘‘саяам̣ ваа’’д̇иаад̣̇инаа вуд̇д̇авигаббо зва бажжаамадтод̇и. ‘‘буримабад̣̇ассзва ваа’’д̇и вигаббанд̇араг̇г̇ахан̣ам̣. б̣ахуунам̣ д̇ид̇т̇агараананд̇и бууран̣аад̣̇ийнам̣ анзгзсам̣ д̇ид̇т̇агараанам̣, нид̣̇д̇хааран̣з жзд̇ам̣ саамиважанам̣. гааран̣знаад̇и аббижчасанд̇удтад̇аад̣̇исамааробаналагкан̣зна гааран̣зна. ааг̇анд̇угаа навагаад̇и абхинаваа ааг̇анд̇угаа аб̣бхааг̇ад̇аа. барияаабун̣аамийд̇и барижчинд̣̇ид̇ум̣ ж̇аанаами саггоми, д̇знааха ‘‘ж̇аанаамий’’д̇и. ‘‘габбамби жз ан̃н̃амабхаасамаано’’д̇и абхууд̇абаригаббанаважанамзд̇ам̣ д̇ат̇аа бхаасамаанасса абхаавад̇о.
Anusāsitabboti vineyyajanasamūho gayhatīti nibbattitaṃ ariyasaṅghameva dassetuṃ ‘‘sayaṃ vā’’tiādi vuttaṃ, anantarassa vidhi paṭisedho vāti katvā. ‘‘Tādisovā’’ti iminā ‘‘sayaṃ vā’’tiādinā vuttavikappo eva paccāmaṭṭhoti. ‘‘Purimapadasseva vā’’ti vikappantaraggahaṇaṃ. Bahūnaṃ titthakarānanti pūraṇādīnaṃ anekesaṃ titthakarānaṃ, niddhāraṇe cetaṃ sāmivacanaṃ. Kāraṇenāti appicchasantuṭṭhatādisamāropanalakkhaṇena kāraṇena. Āgantukā navakāti abhinavā āgantukā abbhāgatā. Pariyāpuṇāmīti paricchindituṃ jānāmi sakkomi, tenāha ‘‘jānāmī’’ti. ‘‘Kappampi ce aññamabhāsamāno’’ti abhūtaparikappanavacanametaṃ tathā bhāsamānassa abhāvato.
305. алам̣-сад̣̇д̣̇о арахад̇д̇оби ход̇и ‘‘аламзва ниб̣б̣инд̣̇ид̇у’’нд̇иаад̣̇ийсу (сам̣. ни. 1.124) вияаад̇и ааха ‘‘аламзваад̇и яуд̇д̇амзваа’’д̇и. будзна нзд̇ваа асид̇аб̣б̣ад̇о барибхун̃ж̇ид̇аб̣б̣ад̇о будосам̣ вужжад̇и баат̇зяяам̣. будам̣сзна бурисзна.
305. Alaṃ-saddo arahattopi hoti ‘‘alameva nibbinditu’’ntiādīsu (saṃ. ni. 1.124) viyāti āha ‘‘alamevāti yuttamevā’’ti. Puṭena netvā asitabbato paribhuñjitabbato puṭosaṃ vuccati pātheyyaṃ. Puṭaṃsena purisena.
сон̣ад̣̇ан̣д̣абаривид̇аггаван̣н̣анаа
Soṇadaṇḍaparivitakkavaṇṇanā
307. убхад̇обагкигаад̇и мижчаад̣̇идтисаммаад̣̇идтийнам̣ васзна убхаяабагкигаа. гзраадигаад̇и сатаа.
307.Ubhatopakkhikāti micchādiṭṭhisammādiṭṭhīnaṃ vasena ubhayapakkhikā. Kerāṭikāti saṭhā.
б̣раахман̣абан̃н̃ад̇д̇иван̣н̣анаа
Brāhmaṇapaññattivaṇṇanā
309. вигхаад̇анд̇и жид̇д̇ад̣̇угкам̣.
309.Vighātanti cittadukkhaṃ.
311-3. суж̇анд̇и хомад̣̇аб̣б̣им̣ баг̇г̇ан̣ханд̇зсууд̇и ж̇уханад̇т̇ам̣ г̇ан̣ханагзсу, ируб̣б̣иж̇ж̇зсууд̇и ад̇т̇о. батамо ваад̇и д̇ад̇т̇а саннибад̇ид̇зсу яаж̇анагирияааяам̣ саб̣б̣абад̇хаано ваа. д̣̇уд̇ияо ваад̇и д̇ад̣̇ананд̇аро ваа. ‘‘суж̇а’’нд̇и гаран̣з зд̇ам̣ убаяог̇аважананд̇и ааха ‘‘суж̇ааяаа’’д̇и. аг̇г̇ихуд̇д̇абамукад̇ааяа яан̃н̃асса яан̃н̃з д̣̇ияяамаанам̣ суж̇аамукзна д̣̇ийяад̇ийд̇и ааха ‘‘суж̇ааяа д̣̇ияяамаана’’нд̇и. бораан̣аад̇и адтагат̇аажарияаа. висзсад̇од̇и виж̇ж̇аажаран̣ависзсад̇о, на б̣раахман̣зхи ижчид̇авиж̇ж̇аажаран̣амад̇д̇ад̇о. уд̇д̇амаб̣раахман̣ассаад̇и ануд̇д̇арад̣̇агкин̣зяяад̇ааяа уггадтаб̣раахман̣асса. б̣раахман̣асамаяанд̇и б̣раахман̣асид̣̇д̇ханд̇ам̣. маа бхинд̣̇и маа винаасзси.
311-3.Sujanti homadabbiṃ paggaṇhantesūti juhanatthaṃ gaṇhanakesu, irubbijjesūti attho. Paṭhamo vāti tattha sannipatitesu yajanakiriyāyaṃ sabbapadhāno vā. Dutiyo vāti tadanantaro vā. ‘‘Suja’’nti karaṇe etaṃ upayogavacananti āha ‘‘sujāyā’’ti. Aggihuttapamukhatāya yaññassa yaññe diyyamānaṃ sujāmukhena dīyatīti āha ‘‘sujāya diyyamāna’’nti. Porāṇāti aṭṭhakathācariyā. Visesatoti vijjācaraṇavisesato, na brāhmaṇehi icchitavijjācaraṇamattato. Uttamabrāhmaṇassāti anuttaradakkhiṇeyyatāya ukkaṭṭhabrāhmaṇassa. Brāhmaṇasamayanti brāhmaṇasiddhantaṃ. Mā bhindi mā vināsesi.
316. самасамод̇и самоязва худ̇ваа само. хийнобамавасзнаби самад̇аа вужжад̇ийд̇и д̇ам̣ нивад̇д̇знд̇о ‘‘табзд̇ваа згад̣̇зсасамад̇д̇а’’нд̇иаад̣̇имааха. гулагодибарид̣̇ийбананд̇и гулааад̣̇ибарид̣̇ийбанам̣ ат̇ааби сияаад̇и ат̇ааби д̇умхаагам̣ звам̣ баривид̇агго сияаа. б̣раахман̣абхаавам̣ саад̇хзд̇и ван̣н̣о. манд̇аж̇аад̇ийсуби зсзва наяо. сийламзва саад̇хзссад̇и б̣раахман̣абхаавам̣. гасмаад̇и жз? ааха ‘‘д̇асмин̃хиссаа’’д̇иаад̣̇и. саммохамад̇д̇ам̣ ван̣н̣аад̣̇аяод̇и ван̣н̣аманд̇аж̇аад̇ияо хи б̣раахман̣абхаавасса ан̇г̇анд̇и саммохамад̇д̇амзд̇ам̣ асамавзгкид̇аабхимаанабхаавад̇о.
316.Samasamoti samoyeva hutvā samo. Hīnopamavasenapi samatā vuccatīti taṃ nivattento ‘‘ṭhapetvā ekadesasamatta’’ntiādimāha. Kulakoṭiparidīpananti kulaādiparidīpanaṃ athāpisiyāti athāpi tumhākaṃ evaṃ parivitakko siyā. Brāhmaṇabhāvaṃ sādheti vaṇṇo. Mantajātīsupi eseva nayo. Sīlameva sādhessati brāhmaṇabhāvaṃ. Kasmāti ce? Āha ‘‘tasmiñhissā’’tiādi. Sammohamattaṃ vaṇṇādayoti vaṇṇamantajātiyo hi brāhmaṇabhāvassa aṅganti sammohamattametaṃ asamavekkhitābhimānabhāvato.
сийлабан̃н̃аагат̇ааван̣н̣анаа
Sīlapaññākathāvaṇṇanā
317. гат̇ид̇о б̣раахман̣зна бан̃ход̇и ‘‘сийлаваа жа ход̇ий’’д̇иаад̣̇инаа д̣̇виннамзва ан̇г̇аанам̣ васзна яат̇аабужчид̇о бан̃хо яаат̇аавад̇о виссаж̇ж̇ид̇о зд̇т̇аад̇и зд̇асмим̣ яат̇аависсаж̇ж̇ид̇з ад̇т̇з. д̇ассаад̇и сон̣ад̣̇ан̣д̣асса. сийлабарисуд̣̇д̇хаад̇и сийласамбад̇д̇ияаа саб̣б̣асо суд̣̇д̇хаа анубаггилидтаа. гуд̇о д̣̇уссийлз бан̃н̃аа асамаахид̇ад̇д̇аа д̇асса. ж̇ал̣з зл̣амууг̇з гуд̇о сийланд̇и ж̇ал̣з зл̣амууг̇з д̣̇уббан̃н̃з гуд̇о сийлам̣ сийлавибхааг̇асса, сийлабарисод̇хануубааяасса жа аж̇аананад̇о. багадтам̣ уггадтам̣ н̃аан̣ам̣ бан̃н̃аан̣анд̇и, баагад̇игам̣ н̃аан̣ам̣ нивад̇д̇зд̇ум̣ ‘‘бан̃н̃аан̣а’’нд̇и вуд̇д̇анд̇и д̇аяид̣̇ам̣ багаарзхи ж̇аананад̇о бан̃н̃ааваад̇и ааха ‘‘бан̃н̃аан̣анд̇и бан̃н̃аа язваа’’д̇и.
317.Kathito brāhmaṇena pañhoti ‘‘sīlavā ca hotī’’tiādinā dvinnameva aṅgānaṃ vasena yathāpucchito pañho yāthāvato vissajjito etthāti etasmiṃ yathāvissajjite atthe. Tassāti soṇadaṇḍassa. Sīlaparisuddhāti sīlasampattiyā sabbaso suddhā anupakkiliṭṭhā. Kuto dussīle paññā asamāhitattā tassa. Jaḷe eḷamūge kuto sīlanti jaḷe eḷamūge duppaññe kuto sīlaṃ sīlavibhāgassa, sīlaparisodhanūpāyassa ca ajānanato. Pakaṭṭhaṃ ukkaṭṭhaṃ ñāṇaṃ paññāṇanti, pākatikaṃ ñāṇaṃ nivattetuṃ ‘‘paññāṇa’’nti vuttanti tayidaṃ pakārehi jānanato paññāvāti āha ‘‘paññāṇanti paññā yevā’’ti.
сийлзнад̇ход̇аад̇и самаад̇хибад̣̇адтаанзна сийлзна сагаласам̣гилзсамалависуд̣̇д̇хияаа д̇ход̇аа висуд̣̇д̇хаа, д̇знааха ‘‘гат̇ам̣ банаа’’д̇иаад̣̇и. д̇ад̇т̇а д̇ховад̇ийд̇и суж̇жхад̇и. махаасадтивассад̇т̇зро вияаад̇и садтивассамахаат̇зро вияа. взд̣̇анаабариг̇г̇ахамад̇д̇амбийд̇и зд̇т̇а взд̣̇анаабариг̇г̇ахо наама яат̇аауббаннам̣ взд̣̇анам̣ сабхааварасад̇о убад̇хаарзд̇ваа ‘‘аяам̣ взд̣̇анаа пассам̣ бадижжа, со пассо анижжо д̣̇угко вибарин̣аамад̇хаммо’’д̇и лагкан̣ад̇д̇аяам̣ ааробзд̇ваа бавад̇д̇ид̇авибассанаа. звам̣ вибассанд̇зна ‘‘сукзна саггаа саа взд̣̇анаа ад̇хиваасзд̇ум̣ ‘‘взд̣̇анаа зва взд̣̇ияад̇ий’’д̇и. взд̣̇анам̣ вигкамбхзд̇ваад̇и яат̇аауббаннам̣ д̣̇угкам̣ взд̣̇анам̣ ананувад̇д̇ид̇ваа вибассанам̣ аарабхид̇ваа вийт̇им̣ бадибаннааяа вибассанааяа д̇ам̣ винод̣̇зд̇ваа. сам̣сумаарабад̇ид̇знаад̇и гумбхийлзна вияа бхуумияам̣ урзна нибаж̇ж̇анзна. бан̃н̃ааяа сийлам̣ д̇ховид̇ваад̇и акан̣д̣аад̣̇ибхааваабаад̣̇анзна сийлам̣ аад̣̇имаж̇жхабарияосаанзсу бан̃н̃ааяа сувисод̇хид̇ам̣ гад̇ваа.
Sīlenadhotāti samādhipadaṭṭhānena sīlena sakalasaṃkilesamalavisuddhiyā dhotā visuddhā, tenāha ‘‘kathaṃ panā’’tiādi. Tattha dhovatīti sujjhati. Mahāsaṭṭhivassatthero viyāti saṭṭhivassamahāthero viya. Vedanāpariggahamattampīti ettha vedanāpariggaho nāma yathāuppannaṃ vedanaṃ sabhāvarasato upadhāretvā ‘‘ayaṃ vedanā phassaṃ paṭicca, so phasso anicco dukkho vipariṇāmadhammo’’ti lakkhaṇattayaṃ āropetvā pavattitavipassanā. Evaṃ vipassantena ‘‘sukhena sakkā sā vedanā adhivāsetuṃ ‘‘vedanā eva vediyatī’’ti. Vedanaṃ vikkhambhetvāti yathāuppannaṃ dukkhaṃ vedanaṃ ananuvattitvā vipassanaṃ ārabhitvā vīthiṃ paṭipannāya vipassanāya taṃ vinodetvā. Saṃsumārapatitenāti kumbhīlena viya bhūmiyaṃ urena nipajjanena. Paññāya sīlaṃ dhovitvāti akhaṇḍādibhāvāpādanena sīlaṃ ādimajjhapariyosānesu paññāya suvisodhitaṃ katvā.
318. ‘‘гасмаа аахаа’’д̇и убарид̣̇зсанааяа гааран̣ам̣ бужчад̇и. лаж̇ж̇аа наама ‘‘сийласса ж̇аад̇ияаа жа г̇ун̣ад̣̇осабагаасанзна саман̣зна г̇од̇амзна бужчид̇абан̃хам̣ виссаж̇ж̇зсий’’д̇и барисааяа бан̃н̃аад̇ад̇аа. зд̇д̇агабарамаад̇и зд̇д̇агауггам̣сагодигаа бан̃жа сийлаани, взд̣̇ад̇д̇аяавибхааванам̣ бан̃н̃ан̃жа лагкан̣аад̣̇ид̇о нид̣̇д̇хаарзд̇ваа ж̇аананам̣ над̇т̇и, гзвалам̣ д̇ад̇т̇а важийбарамаа маяанд̇и д̣̇ассзд̇ийд̇и ааха ‘‘сийлабан̃н̃аан̣анд̇и важанамзва барамам̣ амхаага’’нд̇и. ‘‘аяам̣ бана висзсо’’д̇и ид̣̇ам̣ нияяаад̇анаабзгкам̣ сийланид̣̇д̣̇зсз, д̇знааха ‘‘сийламижжзва нияяаад̇ид̇а’’нд̇и. сааман̃н̃апалз бана ‘‘сааман̃н̃апала’’ мижжзва нияяаад̇ид̇ам̣, бан̃н̃аанид̣̇д̣̇зсз бана жхаанабан̃н̃ам̣ ад̇хидтаанам̣ гад̇ваа вибассанаабан̃н̃аавасзнзва бан̃н̃аанияяаад̇анам̣ гад̇ам̣, д̇знааха ‘‘батамаж̇жхаанаад̣̇ийний’’д̇и.
318.‘‘Kasmā āhā’’ti uparidesanāya kāraṇaṃ pucchati. Lajjā nāma ‘‘sīlassa jātiyā ca guṇadosapakāsanena samaṇena gotamena pucchitapañhaṃ vissajjesī’’ti parisāya paññātatā. Ettakaparamāti ettakaukkaṃsakoṭikā pañca sīlāni, vedattayavibhāvanaṃ paññañca lakkhaṇādito niddhāretvā jānanaṃ natthi, kevalaṃ tattha vacīparamā mayanti dassetīti āha ‘‘sīlapaññāṇanti vacanameva paramaṃ amhāka’’nti. ‘‘Ayaṃ pana viseso’’ti idaṃ niyyātanāpekkhaṃ sīlaniddese, tenāha ‘‘sīlamicceva niyyātita’’nti. Sāmaññaphale pana ‘‘sāmaññaphala’’ micceva niyyātitaṃ, paññāniddese pana jhānapaññaṃ adhiṭṭhānaṃ katvā vipassanāpaññāvaseneva paññāniyyātanaṃ kataṃ, tenāha ‘‘paṭhamajjhānādīnī’’ti.
сон̣ад̣̇ан̣д̣аубаасагад̇д̇абадивзд̣̇анаагат̇ааван̣н̣анаа
Soṇadaṇḍaupāsakattapaṭivedanākathāvaṇṇanā
321-2. над̇д̇аад̇и буд̇д̇абуд̇д̇о. аг̇ааравам̣ наама над̇т̇и, на жааяам̣ бхаг̇авад̇и аг̇ааравзна ‘‘ахан̃жзва ко банаа’’д̇иаад̣̇имааха, ат̇а ко ад̇д̇алаабхабарихаанибхаязна. аяан̃хи яат̇аа д̇ат̇аа ад̇д̇ано махааж̇анасса самбхааванам̣ уббаад̣̇зд̇ваа гохан̃н̃зна барз вимхаабзд̇ваа лаабхуббаад̣̇ам̣ ниж̇иг̇исанд̇о вижарад̇и, д̇асмаа д̇ат̇аа авожа, д̇знааха ‘‘иминаа гираа’’д̇иаад̣̇и.
321-2.Nattāti puttaputto. Agāravaṃ nāma natthi, na cāyaṃ bhagavati agāravena ‘‘ahañceva kho panā’’tiādimāha, atha kho attalābhaparihānibhayena. Ayañhi yathā tathā attano mahājanassa sambhāvanaṃ uppādetvā kohaññena pare vimhāpetvā lābhuppādaṃ nijigisanto vicarati, tasmā tathā avoca, tenāha ‘‘iminā kirā’’tiādi.
д̇ан̇кан̣аануруубааяаад̇и яаад̣̇исий д̇ад̣̇аа д̇асса аж̇жхаасаяаббавад̇д̇и, д̇ад̣̇ануруубааяаад̇и ад̇т̇о. д̇асса д̇ад̣̇аа д̇аад̣̇исасса виваддасанниссид̇асса н̃аан̣асса барибаагасса абхаавад̇о гзвалам̣ аб̣бхуд̣̇аяаниссид̇о зва ад̇т̇о д̣̇ассид̇од̇и ааха ‘‘д̣̇идтад̇хаммигасамбарааяигамад̇т̇ам̣ санд̣̇ассзд̇ваа’’д̇и, бажжагкад̇о вибхаавзд̇ваад̇и ад̇т̇о. гусалз д̇хаммзд̇и д̇збхуумагз гусалз д̇хаммз, ‘‘жад̇убхуумагз’’д̇иби вад̇д̇ум̣ ваддад̇иязва, д̇знзвааха ‘‘ааяад̇им̣ ниб̣б̣аанад̇т̇ааяа ваасанаабхааг̇ияаа ваа’’д̇и. д̇ад̇т̇аад̇и гусалад̇хаммз яат̇аа самаад̣̇абид̇з. нанд̇и б̣раахман̣ам̣ самуд̇д̇зж̇зд̇ваад̇и саммад̣̇зва убаруубари нисаанзд̇ваа бун̃н̃агирияааяа д̇игкависад̣̇абхаавам̣ аабаад̣̇зд̇ваа. д̇ам̣ бана ад̇т̇ад̇о д̇ад̇т̇а уссаахаж̇ананам̣ ход̇ийд̇и ааха ‘‘сауссаахам̣ гад̇ваа’’д̇и . звам̣ бун̃н̃агирияааяа сауссаахад̇аа, зваруубам̣ г̇ун̣асаман̇г̇ид̇аа жа нияамад̇о д̣̇идтад̇хаммигаа ад̇т̇асамбаад̣̇анийд̇и звам̣ сауссаахад̇ааяа, ан̃н̃зхи жа д̇асмим̣ виж̇ж̇амаанаг̇ун̣зхи самбахам̣сзд̇ваа саммад̣̇зва хадтад̇удтабхаавам̣ аабаад̣̇зд̇ваа.
Taṅkhaṇānurūpāyāti yādisī tadā tassa ajjhāsayappavatti, tadanurūpāyāti attho. Tassa tadā tādisassa vivaṭṭasannissitassa ñāṇassa paripākassa abhāvato kevalaṃ abbhudayanissito eva attho dassitoti āha ‘‘diṭṭhadhammikasamparāyikamatthaṃ sandassetvā’’ti, paccakkhato vibhāvetvāti attho. Kusale dhammeti tebhūmake kusale dhamme, ‘‘catubhūmake’’tipi vattuṃ vaṭṭatiyeva, tenevāha ‘‘āyatiṃ nibbānatthāya vāsanābhāgiyā vā’’ti. Tatthāti kusaladhamme yathā samādapite. Nanti brāhmaṇaṃ samuttejetvāti sammadeva uparūpari nisānetvā puññakiriyāya tikkhavisadabhāvaṃ āpādetvā. Taṃ pana atthato tattha ussāhajananaṃ hotīti āha ‘‘saussāhaṃ katvā’’ti . Evaṃ puññakiriyāya saussāhatā, evarūpaṃ guṇasamaṅgitā ca niyamato diṭṭhadhammikā atthasampādanīti evaṃ saussāhatāya, aññehi ca tasmiṃ vijjamānaguṇehi sampahaṃsetvā sammadeva haṭṭhatuṭṭhabhāvaṃ āpādetvā.
яад̣̇и бхаг̇аваа д̇хаммарад̇анавассам̣ васси, ат̇а гасмаа со висзсам̣ наад̇хиг̇ажчад̇ийд̇и ааха ‘‘б̣раахман̣о банаа’’д̇иаад̣̇и. яад̣̇и звам̣ гасмаа бхаг̇аваа д̇асса д̇ат̇аа д̇хаммарад̇анавассам̣ вассийд̇и ааха ‘‘гзваламассаа’’д̇иаад̣̇и. на хи бхаг̇авад̇о нирад̇т̇агаа д̣̇зсанаа ход̇ийд̇и.
Yadi bhagavā dhammaratanavassaṃ vassi, atha kasmā so visesaṃ nādhigacchatīti āha ‘‘brāhmaṇo panā’’tiādi. Yadi evaṃ kasmā bhagavā tassa tathā dhammaratanavassaṃ vassīti āha ‘‘kevalamassā’’tiādi. Na hi bhagavato niratthakā desanā hotīti.
сон̣ад̣̇ан̣д̣асуд̇д̇аван̣н̣анааяа лийнад̇т̇аббагаасанаа.
Soṇadaṇḍasuttavaṇṇanāya līnatthappakāsanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 4. сон̣ад̣̇ан̣д̣асуд̇д̇ам̣ • 4. Soṇadaṇḍasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 4. сон̣ад̣̇ан̣д̣асуд̇д̇аван̣н̣анаа • 4. Soṇadaṇḍasuttavaṇṇanā
