| Library / Tipiṭaka / तिपिटक • Tipiṭaka / विमानवत्थु-अट्ठकथा • Vimānavatthu-aṭṭhakathā |
६. सोणदिन्नाविमानवण्णना
6. Soṇadinnāvimānavaṇṇanā
अभिक्कन्तेन वण्णेनाति सोणदिन्नाविमानं। तस्स का उप्पत्ति? भगवा सावत्थियं विहरति जेतवने। तेन च समयेन नाळन्दायं सोणदिन्ना नाम एका उपासिका सद्धा पसन्ना भिक्खूनं चतूहि पच्चयेहि सक्कच्चं उपट्ठहन्ती सुविसुद्धनिच्चसीला अट्ठङ्गसमन्नागतं उपोसथम्पि उपवसति। सा धम्मसवनसप्पायं पटिलभित्वा उपनिस्सयसम्पन्नताय चतुसच्चकम्मट्ठानं परिब्रूहन्ती सोतापन्ना अहोसि। अथ अञ्ञतरेन रोगेन फुट्ठा कालं कत्वा तावतिंसेसु उप्पज्जि। तं आयस्मा महामोग्गल्लानो –
Abhikkantenavaṇṇenāti soṇadinnāvimānaṃ. Tassa kā uppatti? Bhagavā sāvatthiyaṃ viharati jetavane. Tena ca samayena nāḷandāyaṃ soṇadinnā nāma ekā upāsikā saddhā pasannā bhikkhūnaṃ catūhi paccayehi sakkaccaṃ upaṭṭhahantī suvisuddhaniccasīlā aṭṭhaṅgasamannāgataṃ uposathampi upavasati. Sā dhammasavanasappāyaṃ paṭilabhitvā upanissayasampannatāya catusaccakammaṭṭhānaṃ paribrūhantī sotāpannā ahosi. Atha aññatarena rogena phuṭṭhā kālaṃ katvā tāvatiṃsesu uppajji. Taṃ āyasmā mahāmoggallāno –
२१७.
217.
‘‘अभिक्कन्तेन वण्णेन, या त्वं तिट्ठसि देवते।
‘‘Abhikkantena vaṇṇena, yā tvaṃ tiṭṭhasi devate;
ओभासेन्ती दिसा सब्बा, ओसधी विय तारका॥
Obhāsentī disā sabbā, osadhī viya tārakā.
२१८.
218.
‘‘केन तेतादिसो वण्णो, केन ते इध मिज्झति।
‘‘Kena tetādiso vaṇṇo, kena te idha mijjhati;
उप्पज्जन्ति च ते भोगा, ये केचि मनसो पिया॥
Uppajjanti ca te bhogā, ye keci manaso piyā.
२१९.
219.
‘‘पुच्छामि तं देवि महानुभावे, मनुस्सभूता किमकासि पुञ्ञं।
‘‘Pucchāmi taṃ devi mahānubhāve, manussabhūtā kimakāsi puññaṃ;
केनासि एवं जलितानुभावा, वण्णो च ते सब्बदिसा पभासती’’ति॥ –
Kenāsi evaṃ jalitānubhāvā, vaṇṇo ca te sabbadisā pabhāsatī’’ti. –
इमाहि तीहि गाथाहि पटिपुच्छि।
Imāhi tīhi gāthāhi paṭipucchi.
२२०.
220.
‘‘सा देवता अत्तमना, मोग्गल्लानेन पुच्छिता।
‘‘Sā devatā attamanā, moggallānena pucchitā;
पञ्हं पुट्ठा वियाकासि, यस्स कम्मस्सिदं फलं’’॥
Pañhaṃ puṭṭhā viyākāsi, yassa kammassidaṃ phalaṃ’’.
२२१-२२६.
221-226.
‘‘सोणदिन्नाति मं अञ्ञंसु…पे॰… गोतमस्स यसस्सिनो॥
‘‘Soṇadinnāti maṃ aññaṃsu…pe… gotamassa yasassino.
२२७.
227.
‘‘तेन मेतादिसो वण्णो…पे॰… वण्णो च मे सब्बदिसा पभासती’’ति॥ –
‘‘Tena metādiso vaṇṇo…pe… vaṇṇo ca me sabbadisā pabhāsatī’’ti. –
देवता ब्याकासि। तं सब्बं हेट्ठा वुत्तनयमेव।
Devatā byākāsi. Taṃ sabbaṃ heṭṭhā vuttanayameva.
सोणदिन्नाविमानवण्णना निट्ठिता।
Soṇadinnāvimānavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / खुद्दकनिकाय • Khuddakanikāya / विमानवत्थुपाळि • Vimānavatthupāḷi / ६. सोणदिन्नाविमानवत्थु • 6. Soṇadinnāvimānavatthu
