| Library / Tipiṭaka / д̇ибидага • Tipiṭaka / вимаанавад̇т̇убаал̣и • Vimānavatthupāḷi |
6. сон̣ад̣̇иннаавимаанавад̇т̇у
6. Soṇadinnāvimānavatthu
217.
217.
‘‘абхигганд̇зна ван̣н̣зна, яаа д̇вам̣ д̇идтаси д̣̇звад̇з;
‘‘Abhikkantena vaṇṇena, yā tvaṃ tiṭṭhasi devate;
обхаасзнд̇ий д̣̇исаа саб̣б̣аа, осад̇хий вияа д̇аарагаа.
Obhāsentī disā sabbā, osadhī viya tārakā.
218.
218.
‘‘гзна д̇зд̇аад̣̇исо ван̣н̣о, гзна д̇з ид̇ха миж̇жхад̇и;
‘‘Kena tetādiso vaṇṇo, kena te idha mijjhati;
уббаж̇ж̇анд̇и жа д̇з бхог̇аа, яз гзжи манасо бияаа.
Uppajjanti ca te bhogā, ye keci manaso piyā.
219.
219.
‘‘бужчаами д̇ам̣ д̣̇зви махаанубхаавз, мануссабхууд̇аа гимагааси бун̃н̃ам̣;
‘‘Pucchāmi taṃ devi mahānubhāve, manussabhūtā kimakāsi puññaṃ;
гзнааси звам̣ ж̇алид̇аанубхааваа, ван̣н̣о жа д̇з саб̣б̣ад̣̇исаа бабхаасад̇ий’’д̇и.
Kenāsi evaṃ jalitānubhāvā, vaṇṇo ca te sabbadisā pabhāsatī’’ti.
220.
220.
саа д̣̇звад̇аа ад̇д̇аманаа, мог̇г̇аллаанзна бужчид̇аа;
Sā devatā attamanā, moggallānena pucchitā;
бан̃хам̣ будтаа вияаагааси, яасса гаммассид̣̇ам̣ палам̣.
Pañhaṃ puṭṭhā viyākāsi, yassa kammassidaṃ phalaṃ.
221.
221.
‘‘сон̣ад̣̇иннаад̇и мам̣ ан̃н̃ам̣су, наал̣анд̣̇ааяам̣ убаасигаа;
‘‘Soṇadinnāti maṃ aññaṃsu, nāḷandāyaṃ upāsikā;
сад̣̇д̇хаа сийлзна самбаннаа, сам̣вибхааг̇арад̇аа сад̣̇аа.
Saddhā sīlena sampannā, saṃvibhāgaratā sadā.
222.
222.
‘‘ажчаад̣̇анан̃жа бхад̇д̇ан̃жа, сзнаасанам̣ бад̣̇ийбияам̣;
‘‘Acchādanañca bhattañca, senāsanaṃ padīpiyaṃ;
ад̣̇аасим̣ уж̇убхууд̇зсу, виббасаннзна жзд̇асаа.
Adāsiṃ ujubhūtesu, vippasannena cetasā.
223.
223.
‘‘жаад̇уд̣̇д̣̇асим̣ бан̃жад̣̇асим̣, яаа жа багкасса адтамий;
‘‘Cātuddasiṃ pañcadasiṃ, yā ca pakkhassa aṭṭhamī;
баадихаарияабагкан̃жа, адтан̇г̇асусамааг̇ад̇ам̣.
Pāṭihāriyapakkhañca, aṭṭhaṅgasusamāgataṃ.
224.
224.
‘‘убосат̇ам̣ убавасиссам̣, сад̣̇аа сийлзсу сам̣вуд̇аа;
‘‘Uposathaṃ upavasissaṃ, sadā sīlesu saṃvutā;
сан̃н̃амаа сам̣вибхааг̇аа жа, вимаанам̣ аавасаамахам̣.
Saññamā saṃvibhāgā ca, vimānaṃ āvasāmahaṃ.
225.
225.
‘‘баан̣аад̇ибаад̇аа вирад̇аа, мусааваад̣̇аа жа сан̃н̃ад̇аа;
‘‘Pāṇātipātā viratā, musāvādā ca saññatā;
т̇зяяаа жа ад̇ижаараа жа, маж̇ж̇абаанаа жа аарагаа.
Theyyā ca aticārā ca, majjapānā ca ārakā.
226.
226.
‘‘бан̃жасигкаабад̣̇з рад̇аа, арияасажжаана говид̣̇аа;
‘‘Pañcasikkhāpade ratā, ariyasaccāna kovidā;
убаасигаа жагкумад̇о, г̇од̇амасса яасассино.
Upāsikā cakkhumato, gotamassa yasassino.
227.
227.
‘‘д̇зна мзд̇аад̣̇исо ван̣н̣о…бз…
‘‘Tena metādiso vaṇṇo…pe…
ван̣н̣о жа мз саб̣б̣ад̣̇исаа бабхаасад̇ий’’д̇и.
Vaṇṇo ca me sabbadisā pabhāsatī’’ti.
сон̣ад̣̇иннаавимаанам̣ чадтам̣.
Soṇadinnāvimānaṃ chaṭṭhaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / вимаанавад̇т̇у-адтагат̇аа • Vimānavatthu-aṭṭhakathā / 6. сон̣ад̣̇иннаавимаанаван̣н̣анаа • 6. Soṇadinnāvimānavaṇṇanā
