| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
19. садтинибаад̇о
19. Saṭṭhinipāto
[529] 1. сон̣агаж̇аад̇агаван̣н̣анаа
[529] 1. Soṇakajātakavaṇṇanā
гасса суд̇ваа сад̇ам̣ д̣̇аммийд̇и ид̣̇ам̣ сад̇т̇аа ж̇зд̇аванз вихаранд̇о нзгкаммабаарамим̣ аараб̣бха гат̇зси. д̇ад̣̇аа хи бхаг̇аваа д̇хаммасабхааяам̣ нзгкаммабаарамим̣ ван̣н̣аяанд̇аанам̣ бхигкуунам̣ маж̇жхз нисийд̣̇ид̇ваа ‘‘на, бхигкавз, ид̣̇аанзва, буб̣б̣зби д̇ат̇ааг̇ад̇о махаабхинигкаманам̣ нигканд̇оязваа’’д̇и вад̇ваа ад̇ийд̇ам̣ аахари.
Kassasutvā sataṃ dammīti idaṃ satthā jetavane viharanto nekkhammapāramiṃ ārabbha kathesi. Tadā hi bhagavā dhammasabhāyaṃ nekkhammapāramiṃ vaṇṇayantānaṃ bhikkhūnaṃ majjhe nisīditvā ‘‘na, bhikkhave, idāneva, pubbepi tathāgato mahābhinikkhamanaṃ nikkhantoyevā’’ti vatvā atītaṃ āhari.
ад̇ийд̇з рааж̇аг̇ахз маг̇ад̇харааж̇аа наама раж̇ж̇ам̣ гаарзси. б̣од̇хисад̇д̇о д̇асса аг̇г̇амахзсияаа гужчисмим̣ ниб̣б̣ад̇д̇и, наамаг̇г̇ахан̣ад̣̇ивасз жасса ‘‘аринд̣̇амагумааро’’д̇и наамам̣ гарим̣су. д̇асса ж̇аад̇ад̣̇ивасзязва бурохид̇ассаби буд̇д̇о ж̇ааяи, ‘‘сон̣агагумааро’’д̇исса наамам̣ гарим̣су. д̇з убхоби згад̇ова вад̣дхид̇ваа ваяаббад̇д̇аа уд̇д̇амаруубад̇хараа руубзна ниб̣б̣исзсаа худ̇ваа д̇аггасилам̣ г̇анд̇ваа уг̇г̇ахид̇асиббаа д̇ад̇о нигкамид̇ваа ‘‘саб̣б̣асамаяасиббан̃жа д̣̇зсажаарид̇д̇ан̃жа ж̇ааниссаамаа’’д̇и анубуб̣б̣зна жааригам̣ жаранд̇аа б̣аараан̣асим̣ бад̇ваа рааж̇уяяаанз васид̇ваа бунад̣̇ивасз наг̇арам̣ бависим̣су. д̇ам̣ д̣̇ивасан̃жа згажжз мануссаа ‘‘б̣раахман̣аваажанагам̣ гариссаамаа’’д̇и бааяаасам̣ бадияаад̣̇зд̇ваа аасанаани бан̃н̃аабзд̇ваа ааг̇ажчанд̇з д̇з гумаарз д̣̇исваа гхарам̣ бавзсзд̇ваа бан̃н̃ад̇д̇аасанз нисийд̣̇аабзсум̣. д̇ад̇т̇а б̣од̇хисад̇д̇асса бан̃н̃ад̇д̇аасанз суд̣̇д̇хавад̇т̇ам̣ ад̇т̇ад̇ам̣ ахоси, сон̣агасса рад̇д̇агамб̣алам̣. со д̇ам̣ нимид̇д̇ам̣ д̣̇исваава ‘‘аж̇ж̇а мз бияасахааяо аринд̣̇амагумааро б̣аараан̣асирааж̇аа бхависсад̇и, маяхам̣ бана сзнаабад̇идтаанам̣ д̣̇ассад̇ий’’д̇и ан̃н̃ааси. д̇з убхоби гад̇абхад̇д̇агижжаа уяяаанамзва аг̇амам̣су.
Atīte rājagahe magadharājā nāma rajjaṃ kāresi. Bodhisatto tassa aggamahesiyā kucchismiṃ nibbatti, nāmaggahaṇadivase cassa ‘‘arindamakumāro’’ti nāmaṃ kariṃsu. Tassa jātadivaseyeva purohitassapi putto jāyi, ‘‘soṇakakumāro’’tissa nāmaṃ kariṃsu. Te ubhopi ekatova vaḍḍhitvā vayappattā uttamarūpadharā rūpena nibbisesā hutvā takkasilaṃ gantvā uggahitasippā tato nikkhamitvā ‘‘sabbasamayasippañca desacārittañca jānissāmā’’ti anupubbena cārikaṃ carantā bārāṇasiṃ patvā rājuyyāne vasitvā punadivase nagaraṃ pavisiṃsu. Taṃ divasañca ekacce manussā ‘‘brāhmaṇavācanakaṃ karissāmā’’ti pāyāsaṃ paṭiyādetvā āsanāni paññāpetvā āgacchante te kumāre disvā gharaṃ pavesetvā paññattāsane nisīdāpesuṃ. Tattha bodhisattassa paññattāsane suddhavatthaṃ atthataṃ ahosi, soṇakassa rattakambalaṃ. So taṃ nimittaṃ disvāva ‘‘ajja me piyasahāyo arindamakumāro bārāṇasirājā bhavissati, mayhaṃ pana senāpatiṭṭhānaṃ dassatī’’ti aññāsi. Te ubhopi katabhattakiccā uyyānameva agamaṃsu.
д̇ад̣̇аа б̣аараан̣асиран̃н̃о гаалагад̇асса сад̇д̇амо д̣̇ивасо ход̇и, абуд̇д̇агам̣ рааж̇агулам̣. амажжаад̣̇аяо баад̇ова сасийсам̣ нхаад̇аа саннибад̇ид̇ваа ‘‘раж̇ж̇аарахасса санд̇игам̣ г̇амиссад̇ий’’д̇и пуссарат̇ам̣ яож̇зд̇ваа виссаж̇ж̇зсум̣. со наг̇араа нигкамид̇ваа анубуб̣б̣зна рааж̇уяяаанам̣ г̇анд̇ваа уяяаанад̣̇ваарз нивад̇д̇ид̇ваа аарохан̣асаж̇ж̇о худ̇ваа адтааси. б̣од̇хисад̇д̇о ман̇г̇аласилаабаддзсасийсам̣ баарубид̇ваа нибаж̇ж̇и, сон̣агагумааро д̇асса санд̇игз нисийд̣̇и. со д̇уурияасад̣̇д̣̇ам̣ суд̇ваа ‘‘аринд̣̇амасса пуссарат̇о ааг̇ажчад̇и, аж̇ж̇зса рааж̇аа худ̇ваа мама сзнаабад̇идтаанам̣ д̣̇ассад̇и, на ко бана маяхам̣ иссариязнад̇т̇о, зд̇асмим̣ г̇ад̇з нигкамид̇ваа баб̣б̣аж̇иссаамий’’д̇и жинд̇зд̇ваа згаманд̇з бадижчаннз адтааси. бурохид̇о уяяаанам̣ бависид̇ваа махаасад̇д̇ам̣ нибаннагам̣ д̣̇исваа д̇уурияаани баг̇г̇ан̣хаабзси. махаасад̇д̇о баб̣уж̇жхид̇ваа баривад̇д̇ид̇ваа т̇огам̣ нибаж̇ж̇ид̇ваа удтааяа силаабаддз баллан̇гзна нисийд̣̇и. ат̇а нам̣ бурохид̇о ан̃ж̇алим̣ баг̇г̇ан̣хид̇ваа ааха – ‘‘раж̇ж̇ам̣ д̇з, д̣̇зва, баабун̣аад̇ий’’д̇и. ‘‘гим̣ абуд̇д̇агам̣ рааж̇агула’’нд̇и? ‘‘звам̣, д̣̇зваа’’д̇и. ‘‘д̇зна хи саад̇хуу’’д̇и. ат̇а нам̣ д̇з д̇ад̇т̇зва абхисин̃жид̇ваа рат̇ам̣ ааробзд̇ваа маханд̇зна бариваарзна наг̇арам̣ бавзсзсум̣. со наг̇арам̣ бад̣̇агкин̣ам̣ гад̇ваа баасаад̣̇ам̣ абхируухи. со яасамаханд̇ад̇ааяа сон̣агагумаарам̣ на сари.
Tadā bārāṇasirañño kālakatassa sattamo divaso hoti, aputtakaṃ rājakulaṃ. Amaccādayo pātova sasīsaṃ nhātā sannipatitvā ‘‘rajjārahassa santikaṃ gamissatī’’ti phussarathaṃ yojetvā vissajjesuṃ. So nagarā nikkhamitvā anupubbena rājuyyānaṃ gantvā uyyānadvāre nivattitvā ārohaṇasajjo hutvā aṭṭhāsi. Bodhisatto maṅgalasilāpaṭṭesasīsaṃ pārupitvā nipajji, soṇakakumāro tassa santike nisīdi. So tūriyasaddaṃ sutvā ‘‘arindamassa phussaratho āgacchati, ajjesa rājā hutvā mama senāpatiṭṭhānaṃ dassati, na kho pana mayhaṃ issariyenattho, etasmiṃ gate nikkhamitvā pabbajissāmī’’ti cintetvā ekamante paṭicchanne aṭṭhāsi. Purohito uyyānaṃ pavisitvā mahāsattaṃ nipannakaṃ disvā tūriyāni paggaṇhāpesi. Mahāsatto pabujjhitvā parivattitvā thokaṃ nipajjitvā uṭṭhāya silāpaṭṭe pallaṅkena nisīdi. Atha naṃ purohito añjaliṃ paggaṇhitvā āha – ‘‘rajjaṃ te, deva, pāpuṇātī’’ti. ‘‘Kiṃ aputtakaṃ rājakula’’nti? ‘‘Evaṃ, devā’’ti. ‘‘Tena hi sādhū’’ti. Atha naṃ te tattheva abhisiñcitvā rathaṃ āropetvā mahantena parivārena nagaraṃ pavesesuṃ. So nagaraṃ padakkhiṇaṃ katvā pāsādaṃ abhirūhi. So yasamahantatāya soṇakakumāraṃ na sari.
соби д̇асмим̣ наг̇арам̣ бавидтз бажчаа ааг̇анд̇ваа силаабаддз нисийд̣̇и. ат̇асса бурад̇о б̣анд̇ханаа бавуд̇д̇ам̣ сааларугкад̇о бан̣д̣убалаасам̣ бад̇и. со д̇ам̣ д̣̇исваава ‘‘яат̇звзд̇ам̣, д̇ат̇аа мамаби сарийрам̣ ж̇арам̣ бад̇ваа бад̇иссад̇ий’’д̇и анижжаад̣̇ивасзна вибассанам̣ бадтабзд̇ваа бажжзгаб̣од̇хим̣ баабун̣и. д̇ам̣кан̣ан̃н̃звасса г̇ихилин̇г̇ам̣ анд̇арад̇хааяи, баб̣б̣аж̇ид̇алин̇г̇ам̣ баад̇урахоси. со ‘‘над̇т̇и д̣̇аани бунаб̣бхаво’’д̇и уд̣̇аанам̣ уд̣̇аанзнд̇о нанд̣̇амуулагабаб̣бхаарам̣ аг̇амааси. махаасад̇д̇оби жад̇д̇аалийсамад̇д̇аанам̣ сам̣важчараанам̣ ажжаязна сарид̇ваа ‘‘гахам̣ ну ко мз сахааяо сон̣аго’’д̇и сон̣агам̣ бунаббунам̣ саранд̇оби ‘‘маяаа суд̇о ваа д̣̇идто ваа’’д̇и вад̇д̇аарам̣ алабхид̇ваа алан̇гад̇амахаад̇алз рааж̇абаллан̇гз нисинно г̇анд̇хаб̣б̣анаадаганажжаг̇ийд̇аад̣̇ийхи баривуд̇о самбад̇д̇иманубхаванд̇о ‘‘яо мз гассажи санд̇игз суд̇ваа ‘асугадтаанз наама сон̣аго васад̇ий’д̇и аажигкиссад̇и, д̇асса сад̇ам̣ д̣̇ассаами, яо мз саамам̣ д̣̇исваа аарожзссад̇и, д̇асса сахасса’’нд̇и згам̣ уд̣̇аанам̣ абхисан̇карид̇ваа г̇ийд̇авасзна уд̣̇аанзнд̇о батамам̣ г̇аат̇амааха –
Sopi tasmiṃ nagaraṃ paviṭṭhe pacchā āgantvā silāpaṭṭe nisīdi. Athassa purato bandhanā pavuttaṃ sālarukkhato paṇḍupalāsaṃ pati. So taṃ disvāva ‘‘yathevetaṃ, tathā mamapi sarīraṃ jaraṃ patvā patissatī’’ti aniccādivasena vipassanaṃ paṭṭhapetvā paccekabodhiṃ pāpuṇi. Taṃkhaṇaññevassa gihiliṅgaṃ antaradhāyi, pabbajitaliṅgaṃ pāturahosi. So ‘‘natthi dāni punabbhavo’’ti udānaṃ udānento nandamūlakapabbhāraṃ agamāsi. Mahāsattopi cattālīsamattānaṃ saṃvaccharānaṃ accayena saritvā ‘‘kahaṃ nu kho me sahāyo soṇako’’ti soṇakaṃ punappunaṃ sarantopi ‘‘mayā suto vā diṭṭho vā’’ti vattāraṃ alabhitvā alaṅkatamahātale rājapallaṅke nisinno gandhabbanāṭakanaccagītādīhi parivuto sampattimanubhavanto ‘‘yo me kassaci santike sutvā ‘asukaṭṭhāne nāma soṇako vasatī’ti ācikkhissati, tassa sataṃ dassāmi, yo me sāmaṃ disvā ārocessati, tassa sahassa’’nti ekaṃ udānaṃ abhisaṅkharitvā gītavasena udānento paṭhamaṃ gāthamāha –
‘‘гасса суд̇ваа сад̇ам̣ д̣̇амми, сахассам̣ д̣̇идта сон̣агам̣;
‘‘Kassa sutvā sataṃ dammi, sahassaṃ diṭṭha soṇakaṃ;
го мз сон̣агамагкаад̇и, сахааяам̣ бам̣сугийл̣ид̇а’’нд̇и.
Ko me soṇakamakkhāti, sahāyaṃ paṃsukīḷita’’nti.
ат̇асса мукад̇о лун̃жанд̇ий вияа г̇ахзд̇ваа згаа наадагийд̇т̇ий д̇ам̣ г̇ааяи. ат̇ан̃н̃аа ат̇ан̃н̃аад̇и ‘‘амхаагам̣ ран̃н̃о бияаг̇ийд̇а’’нд̇и саб̣б̣аа ород̇хаа г̇ааяим̣су. ануггамзна наг̇араваасиноби ж̇аанабад̣̇ааби д̇амзва г̇ийд̇ам̣ г̇ааяим̣су. рааж̇ааби бунаббунам̣ д̇амзва г̇ийд̇ам̣ г̇ааяад̇и. бан̣н̣аасамад̇д̇аанам̣ сам̣важчараанам̣ ажжаязна банасса б̣ахуу буд̇д̇ад̇хийд̇аро ахзсум̣, ж̇здтабуд̇д̇о д̣̇ийгхаавугумааро наама ахоси. д̇ад̣̇аа сон̣агабажжзгаб̣уд̣̇д̇хо ‘‘аринд̣̇амарааж̇аа мам̣ д̣̇адтугаамо, ахам̣ д̇ад̇т̇а г̇анд̇ваа гаамзсу аад̣̇ийнавам̣ нзгкаммз жаанисам̣сам̣ гат̇зд̇ваа баб̣б̣аж̇ж̇анаагаарам̣ гаромий’’д̇и жинд̇зд̇ваа ид̣̇д̇хияаа аагаасзнааг̇анд̇ваа уяяаанз нисийд̣̇и. д̇ад̣̇аа зго сад̇д̇авассиго бан̃жажуул̣агагумаараго маад̇араа бахид̇о г̇анд̇ваа уяяаанаванз д̣̇аарууни уд̣̇д̇харанд̇о бунаббунам̣ д̇амзва г̇ийд̇ам̣ г̇ааяи. ат̇а нам̣ со баггосид̇ваа ‘‘гумаарага, д̇вам̣ ан̃н̃ам̣ аг̇ааяид̇ваа згамзва г̇ийд̇ам̣ г̇ааяаси, гим̣ ан̃н̃ам̣ на ж̇аанаасий’’д̇и бужчи. ‘‘ж̇аанаами, бханд̇з, амхаагам̣ бана ран̃н̃о ид̣̇амзва бияам̣, д̇зна нам̣ буннаббунам̣ г̇ааяаамий’’д̇и. ‘‘зд̇асса бана д̇з г̇ийд̇асса бадиг̇ийд̇ам̣ г̇ааяанд̇о гожи д̣̇идтабуб̣б̣о’’д̇и. ‘‘на д̣̇идтабуб̣б̣о, бханд̇з’’д̇и. ‘‘ахам̣ д̇ам̣ сигкаабзссаами, сагкиссаси ран̃н̃о санд̇игам̣ г̇анд̇ваа бадиг̇ийд̇ам̣ г̇ааяид̇у’’нд̇и. ‘‘аама, бханд̇з’’д̇и. ат̇асса со бадиг̇ийд̇ам̣ аажигканд̇о ‘‘маяхам̣ суд̇ваа’’д̇иаад̣̇имааха. уг̇г̇ан̣хаабзд̇ваа жа бана д̇ам̣ уяяож̇зси – ‘‘г̇ажча, гумаарага, имам̣ бадиг̇ийд̇ам̣ ран̃н̃аа сад̣̇д̇хим̣ г̇ааяаахи, рааж̇аа д̇з маханд̇ам̣ иссарияам̣ д̣̇ассад̇и, гим̣ д̇з д̣̇ааруухи, взг̇зна яаахий’’д̇и.
Athassa mukhato luñcantī viya gahetvā ekā nāṭakītthī taṃ gāyi. Athaññā athaññāti ‘‘amhākaṃ rañño piyagīta’’nti sabbā orodhā gāyiṃsu. Anukkamena nagaravāsinopi jānapadāpi tameva gītaṃ gāyiṃsu. Rājāpi punappunaṃ tameva gītaṃ gāyati. Paṇṇāsamattānaṃ saṃvaccharānaṃ accayena panassa bahū puttadhītaro ahesuṃ, jeṭṭhaputto dīghāvukumāro nāma ahosi. Tadā soṇakapaccekabuddho ‘‘arindamarājā maṃ daṭṭhukāmo, ahaṃ tattha gantvā kāmesu ādīnavaṃ nekkhamme cānisaṃsaṃ kathetvā pabbajjanākāraṃ karomī’’ti cintetvā iddhiyā ākāsenāgantvā uyyāne nisīdi. Tadā eko sattavassiko pañcacūḷakakumārako mātarā pahito gantvā uyyānavane dārūni uddharanto punappunaṃ tameva gītaṃ gāyi. Atha naṃ so pakkositvā ‘‘kumāraka, tvaṃ aññaṃ agāyitvā ekameva gītaṃ gāyasi, kiṃ aññaṃ na jānāsī’’ti pucchi. ‘‘Jānāmi, bhante, amhākaṃ pana rañño idameva piyaṃ, tena naṃ punnappunaṃ gāyāmī’’ti. ‘‘Etassa pana te gītassa paṭigītaṃ gāyanto koci diṭṭhapubbo’’ti. ‘‘Na diṭṭhapubbo, bhante’’ti. ‘‘Ahaṃ taṃ sikkhāpessāmi, sakkhissasi rañño santikaṃ gantvā paṭigītaṃ gāyitu’’nti. ‘‘Āma, bhante’’ti. Athassa so paṭigītaṃ ācikkhanto ‘‘mayhaṃ sutvā’’tiādimāha. Uggaṇhāpetvā ca pana taṃ uyyojesi – ‘‘gaccha, kumāraka, imaṃ paṭigītaṃ raññā saddhiṃ gāyāhi, rājā te mahantaṃ issariyaṃ dassati, kiṃ te dārūhi, vegena yāhī’’ti.
со ‘‘саад̇хуу’’д̇и д̇ам̣ бадиг̇ийд̇ам̣ уг̇г̇ан̣хид̇ваа ванд̣̇ид̇ваа, ‘‘бханд̇з, яааваахам̣ рааж̇аанам̣ аанзми, д̇аава ид̇хзва хот̇аа’’д̇и вад̇ваа взг̇зна маад̇у санд̇игам̣ г̇анд̇ваа, ‘‘амма, киббам̣ мам̣ нхаабзд̇ваа алан̇гарот̇а, аж̇ж̇а д̇ам̣ д̣̇алид̣̇д̣̇абхаавад̇о можзссаамий’’д̇и вад̇ваа нхаад̇аман̣д̣ид̇о рааж̇ад̣̇ваарам̣ г̇анд̇ваа ‘‘аяяа д̣̇оваарига, ‘зго д̣̇аараго д̇умхзхи сад̣̇д̇хим̣ бадиг̇ийд̇ам̣ г̇ааяиссаамийд̇и ааг̇анд̇ваа д̣̇ваарз тид̇о’д̇и ран̃н̃о арожзхий’’д̇и ааха. со взг̇зна г̇анд̇ваа ран̃н̃о аарожзси. рааж̇аа ‘‘ааг̇ажчад̇уу’’д̇и баггосаабзд̇ваа, ‘‘д̇аад̇а, д̇вам̣ маяаа сад̣̇д̇хим̣ бадиг̇ийд̇ам̣ г̇ааяиссасий’’д̇и ааха. ‘‘аама, д̣̇зваа’’д̇и. ‘‘д̇зна хи г̇ааяассуу’’д̇и. ‘‘д̣̇зва, имасмим̣ таанз на г̇ааяаами, наг̇арз бана бхзрим̣ жараабзд̇ваа махааж̇анам̣ саннибаад̇аабзт̇а, махааж̇анамаж̇жхз г̇ааяиссаамий’’д̇и. рааж̇аа д̇ат̇аа гаарзд̇ваа алан̇гад̇аман̣д̣абз баллан̇гамаж̇жхз нисийд̣̇ид̇ваа д̇ассаануруубам̣ аасанам̣ д̣̇аабзд̇ваа ‘‘ид̣̇аани д̇ава г̇ийд̇ам̣ г̇ааяассуу’’д̇и ааха. ‘‘д̣̇зва, д̇умхз д̇аава г̇ааяат̇а, ат̇аахам̣ бадиг̇ийд̇ам̣ г̇ааяиссаамий’’д̇и. д̇ад̇о рааж̇аа батамам̣ г̇ааяанд̇о г̇аат̇амааха –
So ‘‘sādhū’’ti taṃ paṭigītaṃ uggaṇhitvā vanditvā, ‘‘bhante, yāvāhaṃ rājānaṃ ānemi, tāva idheva hothā’’ti vatvā vegena mātu santikaṃ gantvā, ‘‘amma, khippaṃ maṃ nhāpetvā alaṅkarotha, ajja taṃ daliddabhāvato mocessāmī’’ti vatvā nhātamaṇḍito rājadvāraṃ gantvā ‘‘ayya dovārika, ‘eko dārako tumhehi saddhiṃ paṭigītaṃ gāyissāmīti āgantvā dvāre ṭhito’ti rañño arocehī’’ti āha. So vegena gantvā rañño ārocesi. Rājā ‘‘āgacchatū’’ti pakkosāpetvā, ‘‘tāta, tvaṃ mayā saddhiṃ paṭigītaṃ gāyissasī’’ti āha. ‘‘Āma, devā’’ti. ‘‘Tena hi gāyassū’’ti. ‘‘Deva, imasmiṃ ṭhāne na gāyāmi, nagare pana bheriṃ carāpetvā mahājanaṃ sannipātāpetha, mahājanamajjhe gāyissāmī’’ti. Rājā tathā kāretvā alaṅkatamaṇḍape pallaṅkamajjhe nisīditvā tassānurūpaṃ āsanaṃ dāpetvā ‘‘idāni tava gītaṃ gāyassū’’ti āha. ‘‘Deva, tumhe tāva gāyatha, athāhaṃ paṭigītaṃ gāyissāmī’’ti. Tato rājā paṭhamaṃ gāyanto gāthamāha –
1.
1.
‘‘гасса суд̇ваа сад̇ам̣ д̣̇амми, сахассам̣ д̣̇идта сон̣агам̣;
‘‘Kassa sutvā sataṃ dammi, sahassaṃ diṭṭha soṇakaṃ;
со мз сон̣агамагкаад̇и, сахааяам̣ бам̣сугийл̣ид̇а’’нд̇и.
So me soṇakamakkhāti, sahāyaṃ paṃsukīḷita’’nti.
д̇ад̇т̇а суд̇ваад̇и ‘‘асугадтаанз наама д̇з бияасахааяо сон̣аго васад̇ий’’д̇и д̇асса васанадтаанам̣ суд̇ваа аарожзнд̇асса гасса сад̇ам̣ д̣̇амми. д̣̇идтаад̇и ‘‘асугадтаанз наама маяаа д̣̇идто’’д̇и д̣̇исваа аарожзнд̇асса гасса сахассам̣ д̣̇аммийд̇и.
Tattha sutvāti ‘‘asukaṭṭhāne nāma te piyasahāyo soṇako vasatī’’ti tassa vasanaṭṭhānaṃ sutvā ārocentassa kassa sataṃ dammi. Diṭṭhāti ‘‘asukaṭṭhāne nāma mayā diṭṭho’’ti disvā ārocentassa kassa sahassaṃ dammīti.
звам̣ ран̃н̃аа батамам̣ уд̣̇аанаг̇аат̇ааяа г̇ийд̇ааяа бан̃жажуул̣агад̣̇аарагзна бадиг̇ийд̇абхаавам̣ багаасзнд̇о сад̇т̇аа абхисамб̣уд̣̇д̇хо худ̇ваа д̣̇ийяад̣дхаг̇аат̇аа абхааси –
Evaṃ raññā paṭhamaṃ udānagāthāya gītāya pañcacūḷakadārakena paṭigītabhāvaṃ pakāsento satthā abhisambuddho hutvā dīyaḍḍhagāthā abhāsi –
2.
2.
‘‘ат̇аб̣равий маан̣аваго, д̣̇ахаро бан̃жажуул̣аго;
‘‘Athabravī māṇavako, daharo pañcacūḷako;
маяхам̣ суд̇ваа сад̇ам̣ д̣̇зхи, сахассам̣ д̣̇идта сон̣агам̣;
Mayhaṃ sutvā sataṃ dehi, sahassaṃ diṭṭha soṇakaṃ;
ахам̣ д̇з сон̣агагкиссам̣, сахааяам̣ бам̣сугийл̣ид̇а’’нд̇и.
Ahaṃ te soṇakakkhissaṃ, sahāyaṃ paṃsukīḷita’’nti.
д̇зна вуд̇д̇аг̇аат̇ааяа бана аяамад̇т̇о – махаарааж̇а, яам̣ д̇вам̣ ‘‘суд̇ваа аарожзнд̇асса сад̇ам̣ д̣̇аммий’’д̇и вад̣̇аси, д̇амби мамзва д̣̇зхи, яам̣ ‘‘д̣̇исваа аарожзнд̇асса сахассам̣ д̣̇аммий’’д̇и вад̣̇аси, д̇амби маяхамзва д̣̇зхи, ахам̣ д̇з бияасахааяам̣ ид̣̇аанзва бажжагкад̇ова ‘‘аяам̣ сон̣аго’’д̇и аажигкиссанд̇и.
Tena vuttagāthāya pana ayamattho – mahārāja, yaṃ tvaṃ ‘‘sutvā ārocentassa sataṃ dammī’’ti vadasi, tampi mameva dehi, yaṃ ‘‘disvā ārocentassa sahassaṃ dammī’’ti vadasi, tampi mayhameva dehi, ahaṃ te piyasahāyaṃ idāneva paccakkhatova ‘‘ayaṃ soṇako’’ti ācikkhissanti.
ид̇о барам̣ сувин̃н̃зяяаа самб̣уд̣̇д̇хаг̇аат̇аа баал̣инаязнзва взд̣̇ид̇аб̣б̣аа –
Ito paraṃ suviññeyyā sambuddhagāthā pāḷinayeneva veditabbā –
3.
3.
‘‘гад̇амасмим̣ со ж̇анабад̣̇з, радтзсу ниг̇амзсу жа;
‘‘Katamasmiṃ so janapade, raṭṭhesu nigamesu ca;
гад̇т̇а сон̣агамад̣̇д̣̇агки, д̇ам̣ мз агкаахи бужчид̇о.
Kattha soṇakamaddakkhi, taṃ me akkhāhi pucchito.
4.
4.
‘‘д̇авзва д̣̇зва виж̇ид̇з, д̇авзвуяяаанабхуумияам̣;
‘‘Taveva deva vijite, tavevuyyānabhūmiyaṃ;
уж̇увам̣саа махаасаалаа, нийлобхаасаа манорамаа.
Ujuvaṃsā mahāsālā, nīlobhāsā manoramā.
5.
5.
‘‘д̇идтанд̇и мзгхасамаанаа, раммаа ан̃н̃он̃н̃аниссид̇аа;
‘‘Tiṭṭhanti meghasamānā, rammā aññoññanissitā;
д̇зсам̣ мууламхи сон̣аго, жхааяад̇ий анубаад̣̇ано;
Tesaṃ mūlamhi soṇako, jhāyatī anupādano;
убаад̣̇аанзсу логзсу, д̣аяхамаанзсу ниб̣б̣уд̇о.
Upādānesu lokesu, ḍayhamānesu nibbuto.
6.
6.
‘‘д̇ад̇о жа рааж̇аа бааяааси, сзнааяа жад̇уран̇г̇ияаа;
‘‘Tato ca rājā pāyāsi, senāya caturaṅgiyā;
гаараабзд̇ваа самам̣ маг̇г̇ам̣, аг̇амаа язна сон̣аго.
Kārāpetvā samaṃ maggaṃ, agamā yena soṇako.
7.
7.
‘‘уяяаанабхуумим̣ г̇анд̇ваана, вижаранд̇о б̣рахааванз;
‘‘Uyyānabhūmiṃ gantvāna, vicaranto brahāvane;
аасийнам̣ сон̣агам̣ д̣̇агки, д̣аяхамаанзсу ниб̣б̣уд̇а’’нд̇и.
Āsīnaṃ soṇakaṃ dakkhi, ḍayhamānesu nibbuta’’nti.
д̇ад̇т̇а уж̇увам̣саад̇и уж̇угканд̇хаа. махаасаалаад̇и махааругкаа. мзгхасамаанаад̇и нийламзгхасад̣̇исаа. раммаад̇и раман̣ийяаа. ан̃н̃он̃н̃аниссид̇аад̇и саакаахи саакам̣, муулзна муулам̣ сам̣сиб̣б̣ид̇ваа тид̇аа. д̇зсанд̇и д̇зсам̣ зваруубаанам̣ д̇ава уяяаанаванз саалаанам̣ хздтаа. жхааяад̇ийд̇и лагкан̣уубаниж̇жхаанааарамман̣уубаниж̇жхаанасан̇каад̇зхи жхаанзхи жхааяад̇и. анубаад̣̇анод̇и гаамубаад̣̇аанаад̣̇ивирахид̇о. д̣аяхамаанзсууд̇и згаад̣̇асахи аг̇г̇ийхи д̣аяхамаанзсу сад̇д̇зсу. ниб̣б̣уд̇од̇и д̇з аг̇г̇ий ниб̣б̣аабзд̇ваа сийд̇алзна хад̣̇аязна жхааяамаано д̇ава уяяаанз ман̇г̇аласааларугкамуулз силаабаддз нисинно зса д̇з сахааяо ган̃жанабадимаа вияа собхамаано бадимаанзд̇ийд̇и. д̇ад̇о жаад̇и, бхигкавз, д̇ад̇о со аринд̣̇амо рааж̇аа д̇асса важанам̣ суд̇ваава ‘‘сон̣агабажжзгаб̣уд̣̇д̇хам̣ бассиссаамий’’д̇и жад̇уран̇г̇инияаа сзнааяа бааяааси нигками. вижаранд̇од̇и уж̇угамзва аг̇анд̇ваа д̇асмим̣ маханд̇з ванасан̣д̣з вижаранд̇о д̇асса санд̇игам̣ г̇анд̇ваа д̇ам̣ аасийнам̣ ад̣̇д̣̇агки.
Tattha ujuvaṃsāti ujukkhandhā. Mahāsālāti mahārukkhā. Meghasamānāti nīlameghasadisā. Rammāti ramaṇīyā. Aññoññanissitāti sākhāhi sākhaṃ, mūlena mūlaṃ saṃsibbitvā ṭhitā. Tesanti tesaṃ evarūpānaṃ tava uyyānavane sālānaṃ heṭṭhā. Jhāyatīti lakkhaṇūpanijjhānaārammaṇūpanijjhānasaṅkhātehi jhānehi jhāyati. Anupādanoti kāmupādānādivirahito. Ḍayhamānesūti ekādasahi aggīhi ḍayhamānesu sattesu. Nibbutoti te aggī nibbāpetvā sītalena hadayena jhāyamāno tava uyyāne maṅgalasālarukkhamūle silāpaṭṭe nisinno esa te sahāyo kañcanapaṭimā viya sobhamāno paṭimānetīti. Tato cāti, bhikkhave, tato so arindamo rājā tassa vacanaṃ sutvāva ‘‘soṇakapaccekabuddhaṃ passissāmī’’ti caturaṅginiyā senāya pāyāsi nikkhami. Vicarantoti ujukameva agantvā tasmiṃ mahante vanasaṇḍe vicaranto tassa santikaṃ gantvā taṃ āsīnaṃ addakkhi.
со д̇ам̣ аванд̣̇ид̇ваа згаманд̇ам̣ нисийд̣̇ид̇ваа ад̇д̇ано гилзсаабхирад̇ад̇д̇аа д̇ам̣ ‘‘габан̣о’’д̇и ман̃н̃амаано имам̣ г̇аат̇амааха –
So taṃ avanditvā ekamantaṃ nisīditvā attano kilesābhiratattā taṃ ‘‘kapaṇo’’ti maññamāno imaṃ gāthamāha –
8.
8.
‘‘габан̣о вад̇аяам̣ бхигку, мун̣д̣о сан̇гхаадибааруд̇о;
‘‘Kapaṇo vatayaṃ bhikkhu, muṇḍo saṅghāṭipāruto;
амаад̇иго абид̇иго, ругкамууласми жхааяад̇ий’’д̇и.
Amātiko apitiko, rukkhamūlasmi jhāyatī’’ti.
д̇ад̇т̇а жхааяад̇ийд̇и ниммаад̇иго ниббид̇иго гаарун̃н̃аббад̇д̇о жхааяад̇и.
Tattha jhāyatīti nimmātiko nippitiko kāruññappatto jhāyati.
9.
9.
‘‘имам̣ ваагяам̣ нисаамзд̇ваа, сон̣аго зд̇ад̣̇аб̣рави;
‘‘Imaṃ vākyaṃ nisāmetvā, soṇako etadabravi;
на рааж̇а габан̣о ход̇и, д̇хаммам̣ гааязна пассаяам̣.
Na rāja kapaṇo hoti, dhammaṃ kāyena phassayaṃ.
10.
10.
‘‘яо жа д̇хаммам̣ нирам̣гад̇ваа, ад̇хаммаманувад̇д̇ад̇и;
‘‘Yo ca dhammaṃ niraṃkatvā, adhammamanuvattati;
са рааж̇а габан̣о ход̇и, баабо баабабарааяан̣о’’д̇и.
Sa rāja kapaṇo hoti, pāpo pāpaparāyaṇo’’ti.
д̇ад̇т̇а иманд̇и д̇асса гилзсаабхирад̇асса баб̣б̣аж̇ж̇ам̣ арожзнд̇асса имам̣ баб̣б̣аж̇ж̇ааг̇арахаважанам̣ суд̇ваа. зд̇ад̣̇аб̣равийд̇и баб̣б̣аж̇ж̇ааяа г̇ун̣ам̣ багаасзнд̇о зд̇ам̣ аб̣рави. пассаяанд̇и пассаяанд̇о язна арияамаг̇г̇ад̇хаммо наамагааязна пассид̇о, со габан̣о наама на ход̇ийд̇и д̣̇ассзнд̇о звамааха. нирам̣гад̇ваад̇и ад̇д̇абхаавад̇о нийхарид̇ваа. баабо баабабарааяан̣од̇и саяам̣ баабаанам̣ гаран̣зна баабо, ан̃н̃зсамби гаронд̇аанам̣ бад̇идтаабхаавзна баабабарааяан̣од̇и.
Tattha imanti tassa kilesābhiratassa pabbajjaṃ arocentassa imaṃ pabbajjāgarahavacanaṃ sutvā. Etadabravīti pabbajjāya guṇaṃ pakāsento etaṃ abravi. Phassayanti phassayanto yena ariyamaggadhammo nāmakāyena phassito, so kapaṇo nāma na hotīti dassento evamāha. Niraṃkatvāti attabhāvato nīharitvā. Pāpo pāpaparāyaṇoti sayaṃ pāpānaṃ karaṇena pāpo, aññesampi karontānaṃ patiṭṭhābhāvena pāpaparāyaṇoti.
звам̣ со б̣од̇хисад̇д̇ам̣ г̇арахи. со ад̇д̇ано г̇арахид̇абхаавам̣ аж̇аананд̇о вияа худ̇ваа наамаг̇од̇д̇ам̣ гат̇зд̇ваа д̇зна сад̣̇д̇хим̣ бадисант̇аарам̣ гаронд̇о г̇аат̇амааха –
Evaṃ so bodhisattaṃ garahi. So attano garahitabhāvaṃ ajānanto viya hutvā nāmagottaṃ kathetvā tena saddhiṃ paṭisanthāraṃ karonto gāthamāha –
11.
11.
‘‘аринд̣̇амод̇и мз наамам̣, гаасирааж̇аад̇и мам̣ вид̣̇уу;
‘‘Arindamoti me nāmaṃ, kāsirājāti maṃ vidū;
гажжи бход̇о сукассзяяаа, ид̇ха бад̇д̇асса сон̣агаа’’д̇и.
Kacci bhoto sukhasseyyā, idha pattassa soṇakā’’ti.
д̇ад̇т̇а гажжийд̇и амхаагам̣ д̇аава на гин̃жи апаасугам̣, бход̇о бана гажжи ид̇ха бад̇д̇асса имасмим̣ уяяаанз васад̇о сукавихаарод̇и бужчад̇и.
Tattha kaccīti amhākaṃ tāva na kiñci aphāsukaṃ, bhoto pana kacci idha pattassa imasmiṃ uyyāne vasato sukhavihāroti pucchati.
ат̇а нам̣ бажжзгаб̣уд̣̇д̇хо, ‘‘махаарааж̇а, на гзвалам̣ ид̇ха, ан̃н̃ад̇рааби васанд̇асса мз асукам̣ наама над̇т̇ий’’д̇и вад̇ваа д̇асса саман̣абхад̣̇раг̇аат̇ааяо наама аарабхи –
Atha naṃ paccekabuddho, ‘‘mahārāja, na kevalaṃ idha, aññatrāpi vasantassa me asukhaṃ nāma natthī’’ti vatvā tassa samaṇabhadragāthāyo nāma ārabhi –
12.
12.
‘‘сад̣̇ааби бхад̣̇рамад̇ханасса, анааг̇аарасса бхигкуно;
‘‘Sadāpi bhadramadhanassa, anāgārassa bhikkhuno;
на д̇зсам̣ годтз обзнд̇и, на гумбхим̣ на гал̣обияам̣;
Na tesaṃ koṭṭhe openti, na kumbhiṃ na kaḷopiyaṃ;
баранидтид̇амзсаанаа, д̇зна яаабзнд̇и суб̣б̣ад̇аа.
Paraniṭṭhitamesānā, tena yāpenti subbatā.
13.
13.
‘‘д̣̇уд̇ияамби бхад̣̇рамад̇ханасса, анааг̇аарасса бхигкуно;
‘‘Dutiyampi bhadramadhanassa, anāgārassa bhikkhuno;
анаваж̇ж̇абин̣д̣о бход̇д̇аб̣б̣о, на жа гожуубарод̇хад̇и.
Anavajjapiṇḍo bhottabbo, na ca kocūparodhati.
14.
14.
‘‘д̇ад̇ияамби бхад̣̇рамад̇ханасса, анааг̇аарасса бхигкуно;
‘‘Tatiyampi bhadramadhanassa, anāgārassa bhikkhuno;
ниб̣б̣уд̇о бин̣д̣о бход̇д̇аб̣б̣о, на жа гожуубарод̇хад̇и.
Nibbuto piṇḍo bhottabbo, na ca kocūparodhati.
15.
15.
‘‘жад̇уд̇т̇амби бхад̣̇рамад̇ханасса, анааг̇аарасса бхигкуно;
‘‘Catutthampi bhadramadhanassa, anāgārassa bhikkhuno;
муд̇д̇асса радтз жарад̇о, сан̇г̇о яасса на виж̇ж̇ад̇и.
Muttassa raṭṭhe carato, saṅgo yassa na vijjati.
16.
16.
‘‘бан̃жамамби бхад̣̇рамад̇ханасса, анааг̇аарасса бхигкуно;
‘‘Pañcamampi bhadramadhanassa, anāgārassa bhikkhuno;
наг̇арамхи д̣аяхамаанамхи, наасса гин̃жи ад̣аяхат̇а.
Nagaramhi ḍayhamānamhi, nāssa kiñci aḍayhatha.
17.
17.
‘‘чадтамби бхад̣̇рамад̇ханасса, анааг̇аарасса бхигкуно;
‘‘Chaṭṭhampi bhadramadhanassa, anāgārassa bhikkhuno;
радтз вилумбамаанамхи, наасса гин̃жи ахийрат̇а.
Raṭṭhe vilumpamānamhi, nāssa kiñci ahīratha.
18.
18.
‘‘сад̇д̇амамби бхад̣̇рамад̇ханасса, анааг̇аарасса бхигкуно;
‘‘Sattamampi bhadramadhanassa, anāgārassa bhikkhuno;
жорзхи рагкид̇ам̣ маг̇г̇ам̣, яз жан̃н̃з барибант̇игаа;
Corehi rakkhitaṃ maggaṃ, ye caññe paripanthikā;
бад̇д̇ажийварамаад̣̇ааяа, сод̇т̇им̣ г̇ажчад̇и суб̣б̣ад̇о.
Pattacīvaramādāya, sotthiṃ gacchati subbato.
19.
19.
‘‘адтамамби бхад̣̇рамад̇ханасса, анааг̇аарасса бхигкуно;
‘‘Aṭṭhamampi bhadramadhanassa, anāgārassa bhikkhuno;
яам̣ яам̣ д̣̇исам̣ баггамад̇и, анабзгкова г̇ажчад̇ий’’д̇и.
Yaṃ yaṃ disaṃ pakkamati, anapekkhova gacchatī’’ti.
д̇ад̇т̇а анааг̇аарассаад̇и, махаарааж̇а, гхарааваасам̣ бахааяа анааг̇аарияабхаавам̣ бад̇д̇асса ад̇ханасса агин̃жанасса бхигкуно саб̣б̣агаалам̣ бхад̣̇рамзва. на д̇зсанд̇и, махаарааж̇а, д̇зсам̣ ад̇ханаанам̣ бхигкуунам̣ на годтааг̇аарз д̇ханад̇хан̃н̃аани обзнд̇и, на гумбхияам̣, на бажчияам̣, д̇з бана суб̣б̣ад̇аа баранидтид̇ам̣ барзсам̣ гхарз баггам̣ аахаарам̣ сан̇гхаадим̣ баарубид̇ваа габааламаад̣̇ааяа гхарабадибаадияаа зсаанаа бариязсанд̇аа д̇зна д̇ад̇о лад̣̇д̇хзна бин̣д̣зна д̇ам̣ аахаарам̣ наваннам̣ баадигуляаанам̣ васзна бажжавзгкид̇ваа барибхун̃ж̇ид̇ваа ж̇ийвид̇авуд̇д̇им̣ яаабзнд̇и.
Tattha anāgārassāti, mahārāja, gharāvāsaṃ pahāya anāgāriyabhāvaṃ pattassa adhanassa akiñcanassa bhikkhuno sabbakālaṃ bhadrameva. Na tesanti, mahārāja, tesaṃ adhanānaṃ bhikkhūnaṃ na koṭṭhāgāre dhanadhaññāni openti, na kumbhiyaṃ, na pacchiyaṃ, te pana subbatā paraniṭṭhitaṃ paresaṃ ghare pakkaṃ āhāraṃ saṅghāṭiṃ pārupitvā kapālamādāya gharapaṭipāṭiyā esānā pariyesantā tena tato laddhena piṇḍena taṃ āhāraṃ navannaṃ pāṭikulyānaṃ vasena paccavekkhitvā paribhuñjitvā jīvitavuttiṃ yāpenti.
анаваж̇ж̇абин̣д̣о бход̇д̇аб̣б̣од̇и взж̇ж̇агаммаад̣̇игааяа анзсанааяа ваа гуханаа лабанаа нзмид̇д̇игад̇аа ниббзсигад̇аа лаабхзна лаабхам̣ ниж̇иг̇ийсанад̇аад̇и зваруубзна мижчааж̇ийвзна ваа уббаад̣̇ид̇аа жад̇д̇ааро бажжаяаа, д̇хаммзна уббаад̣̇ид̇ааби абажжавзгкид̇ваа барибхуд̇д̇аа сааваж̇ж̇абин̣д̣о наама. анзсанам̣ бана бахааяа мижчааж̇ийвам̣ важ̇ж̇зд̇ваа д̇хаммзна самзна уббаад̣̇ид̇аа ‘‘бадисан̇каа яонисо жийварам̣ бадисзваамий’’д̇и вуд̇д̇анаязнзва бажжавзгкид̇ваа барибхуд̇д̇аа анаваж̇ж̇абин̣д̣о наама. язна зваруубо анаваж̇ж̇абин̣д̣о бход̇д̇аб̣б̣о барибхун̃ж̇ид̇аб̣б̣о, яан̃жа зваруубам̣ анаваж̇ж̇ам̣ бин̣д̣ам̣ бхун̃ж̇амаанаанам̣ бажжаяз ниссааяа гожи аббамад̇д̇агоби гилзсо на убарод̇хад̇и на бийл̣зд̇и, д̇асса д̣̇уд̇ияамби бхад̣̇рам̣ ад̇ханасса анааг̇аарасса бхигкуно.
Anavajjapiṇḍo bhottabboti vejjakammādikāya anesanāya vā kuhanā lapanā nemittikatā nippesikatā lābhena lābhaṃ nijigīsanatāti evarūpena micchājīvena vā uppāditā cattāro paccayā, dhammena uppāditāpi apaccavekkhitvā paribhuttā sāvajjapiṇḍo nāma. Anesanaṃ pana pahāya micchājīvaṃ vajjetvā dhammena samena uppāditā ‘‘paṭisaṅkhā yoniso cīvaraṃ paṭisevāmī’’ti vuttanayeneva paccavekkhitvā paribhuttā anavajjapiṇḍo nāma. Yena evarūpo anavajjapiṇḍo bhottabbo paribhuñjitabbo, yañca evarūpaṃ anavajjaṃ piṇḍaṃ bhuñjamānānaṃ paccaye nissāya koci appamattakopi kileso na uparodhati na pīḷeti, tassa dutiyampi bhadraṃ adhanassa anāgārassa bhikkhuno.
ниб̣б̣уд̇од̇и бут̇уж̇ж̇анабхигкуно д̇хаммзна уббаннабин̣д̣оби бажжавзгкид̇ваа барибхун̃ж̇ияамаано ниб̣б̣уд̇абин̣д̣о наама, зганд̇ад̇о бана кийн̣аасавасса бин̣д̣ова ниб̣б̣уд̇абин̣д̣о наама. гим̣гааран̣аа? со хи т̇зяяабарибхог̇о, ин̣абарибхог̇о , д̣̇ааяаж̇ж̇абарибхог̇о, саамибарибхог̇од̇и имзсу жад̇уусу барибхог̇зсу саамибарибхог̇авасзна д̇ам̣ бхун̃ж̇ад̇и, д̇ан̣хаад̣̇аасаб̣яам̣ ад̇ийд̇о саамий худ̇ваа барибхун̃ж̇ад̇и, на д̇ам̣ д̇аббажжаяаа гожи аббамад̇д̇агоби гилзсо убарод̇хад̇и.
Nibbutoti puthujjanabhikkhuno dhammena uppannapiṇḍopi paccavekkhitvā paribhuñjiyamāno nibbutapiṇḍo nāma, ekantato pana khīṇāsavassa piṇḍova nibbutapiṇḍo nāma. Kiṃkāraṇā? So hi theyyaparibhogo, iṇaparibhogo , dāyajjaparibhogo, sāmiparibhogoti imesu catūsu paribhogesu sāmiparibhogavasena taṃ bhuñjati, taṇhādāsabyaṃ atīto sāmī hutvā paribhuñjati, na taṃ tappaccayā koci appamattakopi kileso uparodhati.
муд̇д̇асса радтз жарад̇од̇и убадтаагагулаад̣̇ийсу алаг̇г̇амаанасасса чиннавалаахагасса вияа раахумукаа бамуд̇д̇асса вималажанд̣̇аман̣д̣аласса вияа жа яасса г̇ааманиг̇амаад̣̇ийсу жаранд̇асса рааг̇асан̇г̇аад̣̇ийсу згоби сан̇г̇о над̇т̇и. згажжо хи гулзхи сам̣садто вихарад̇и сахасогий сахананд̣̇ий, згажжо маад̇аабид̇уусуби алаг̇г̇амаанасо вижарад̇и горунаг̇араг̇аамаваасий д̣̇ахаро вияа, зваруубасса бут̇уж̇ж̇анассаби бхад̣̇рамзва .
Muttassa raṭṭhe caratoti upaṭṭhākakulādīsu alaggamānasassa chinnavalāhakassa viya rāhumukhā pamuttassa vimalacandamaṇḍalassa viya ca yassa gāmanigamādīsu carantassa rāgasaṅgādīsu ekopi saṅgo natthi. Ekacco hi kulehi saṃsaṭṭho viharati sahasokī sahanandī, ekacco mātāpitūsupi alaggamānaso vicarati korunagaragāmavāsī daharo viya, evarūpassa puthujjanassapi bhadrameva .
наасса гин̃жийд̇и яо хи б̣ахубаригкааро ход̇и, со ‘‘маа мз жораа баригкаарз харим̣суу’’д̇и ад̇ирзгаани жа жийвараад̣̇ийни анд̇онаг̇арз убадтаагагулз нигкибад̇и, ат̇а наг̇арамхи д̣аяхамаанз ‘‘асугагулз наама аг̇г̇и удтид̇о’’д̇и суд̇ваа сожад̇и гиламад̇и, зваруубасса бхад̣̇рам̣ наама над̇т̇и. яо бана, махаарааж̇а, сагун̣авад̇д̇ам̣ буурзд̇и, гааяабадиб̣ад̣̇д̇хабаригкаарова ход̇и, д̇асса д̇аад̣̇исасса на гин̃жи ад̣аяхат̇а, д̇знасса бан̃жамамби бхад̣̇рамзва.
Nāssa kiñcīti yo hi bahuparikkhāro hoti, so ‘‘mā me corā parikkhāre hariṃsū’’ti atirekāni ca cīvarādīni antonagare upaṭṭhākakule nikkhipati, atha nagaramhi ḍayhamāne ‘‘asukakule nāma aggi uṭṭhito’’ti sutvā socati kilamati, evarūpassa bhadraṃ nāma natthi. Yo pana, mahārāja, sakuṇavattaṃ pūreti, kāyapaṭibaddhaparikkhārova hoti, tassa tādisassa na kiñci aḍayhatha, tenassa pañcamampi bhadrameva.
вилумбамаанамхийд̇и вилуббамаанамхи, аяамзва ваа баато. ахийрат̇аад̇и яат̇аа баб̣б̣ад̇аг̇аханаад̣̇ийхи нигкамид̇ваа радтам̣ вилумбамаанзсу жорзсу б̣ахубаригкаарасса анд̇ог̇аамз табид̇ам̣ вилумбад̇и харад̇и, д̇ат̇аа яасса ад̇ханасса гааяабадиб̣ад̣̇д̇хабаригкаарасса на гин̃жи ахийрат̇а д̇асса чадтамби бхад̣̇рамзва.
Vilumpamānamhīti viluppamānamhi, ayameva vā pāṭho. Ahīrathāti yathā pabbatagahanādīhi nikkhamitvā raṭṭhaṃ vilumpamānesu coresu bahuparikkhārassa antogāme ṭhapitaṃ vilumpati harati, tathā yassa adhanassa kāyapaṭibaddhaparikkhārassa na kiñci ahīratha tassa chaṭṭhampi bhadrameva.
яз жан̃н̃з барибант̇игаад̇и яз жа ан̃н̃зби д̇зсу д̇зсу таанзсу сун̇гаг̇ахан̣ад̇т̇ааяа табид̇аа барибант̇игаа, д̇зхи жа рагкид̇ам̣. бад̇д̇ажийваранд̇и жораанам̣ анубагаарам̣ сун̇гигаанам̣ асун̇гаарахам̣ мад̇д̇игаабад̇д̇ан̃жзва гад̇ад̣̇ал̣хийгаммабарибхан̣д̣ам̣ бам̣сугуулажийваран̃жа аббаг̇гхаани гааяаб̣анд̇ханабариссааванасууживаасибад̇д̇ад̇т̇авигаани жаад̇и саб̣б̣зби адта баригкаарз гааяабадиб̣ад̣̇д̇хз гад̇ваа маг̇г̇аббадибанно гзнажи авихзтияамаано сод̇т̇им̣ г̇ажчад̇и. суб̣б̣ад̇од̇и лобханийяаани хи жийвараад̣̇ийни д̣̇исваа жораа харанд̇и, сун̇гигааби ‘‘гим̣ ну ко зд̇асса хад̇т̇з’’д̇и бад̇д̇ад̇т̇авигаад̣̇ийни сод̇хзнд̇и, суб̣б̣ад̇о бана саллахугавуд̇д̇и д̇зсам̣ бассанд̇аанан̃н̃зва сод̇т̇им̣ г̇ажчад̇и, д̇знасса сад̇д̇амамби бхад̣̇рамзва.
Ye caññe paripanthikāti ye ca aññepi tesu tesu ṭhānesu suṅkagahaṇatthāya ṭhapitā paripanthikā, tehi ca rakkhitaṃ. Pattacīvaranti corānaṃ anupakāraṃ suṅkikānaṃ asuṅkārahaṃ mattikāpattañceva katadaḷhīkammaparibhaṇḍaṃ paṃsukūlacīvarañca appagghāni kāyabandhanaparissāvanasūcivāsipattatthavikāni cāti sabbepi aṭṭha parikkhāre kāyapaṭibaddhe katvā maggappaṭipanno kenaci aviheṭhiyamāno sotthiṃ gacchati. Subbatoti lobhanīyāni hi cīvarādīni disvā corā haranti, suṅkikāpi ‘‘kiṃ nu kho etassa hatthe’’ti pattatthavikādīni sodhenti, subbato pana sallahukavutti tesaṃ passantānaññeva sotthiṃ gacchati, tenassa sattamampi bhadrameva.
анабзгкова г̇ажчад̇ийд̇и гааяабадиб̣ад̣̇д̇хад̇о ад̇ирзгасса вихаарз бадисаамид̇асса гассажи баригкаарасса абхааваа васанадтаанам̣ нивад̇д̇ид̇вааби на ологзд̇и. яам̣ яам̣ д̣̇исам̣ г̇анд̇угаамо ход̇и, д̇ам̣ д̇ам̣ г̇ажчанд̇д̇о анабзгкова г̇ажчад̇и анураад̇хабураа нигкамид̇ваа т̇уубаараамз баб̣б̣аж̇ид̇аанам̣ д̣̇виннам̣ гулабуд̇д̇аанам̣ вуд̣дхад̇аро вияа.
Anapekkhova gacchatīti kāyapaṭibaddhato atirekassa vihāre paṭisāmitassa kassaci parikkhārassa abhāvā vasanaṭṭhānaṃ nivattitvāpi na oloketi. Yaṃ yaṃ disaṃ gantukāmo hoti, taṃ taṃ gacchantto anapekkhova gacchati anurādhapurā nikkhamitvā thūpārāme pabbajitānaṃ dvinnaṃ kulaputtānaṃ vuḍḍhataro viya.
ид̇и сон̣агабажжзгаб̣уд̣̇д̇хо адта саман̣абхад̣̇рагаани гат̇зси. д̇ад̇о уд̇д̇арим̣ бана сад̇амби сахассамби абаримаан̣аани саман̣абхад̣̇рагаани зса гат̇зд̇ум̣ самад̇т̇оязва. рааж̇аа бана гаамаабхирад̇ад̇д̇аа д̇асса гат̇ам̣ бажчинд̣̇ид̇ваа ‘‘маяхам̣ саман̣абхад̣̇рагзхи ад̇т̇о над̇т̇ий’’д̇и ад̇д̇ано гаамаад̇химуд̇д̇ад̇ам̣ багаасзнд̇о ааха –
Iti soṇakapaccekabuddho aṭṭha samaṇabhadrakāni kathesi. Tato uttariṃ pana satampi sahassampi aparimāṇāni samaṇabhadrakāni esa kathetuṃ samatthoyeva. Rājā pana kāmābhiratattā tassa kathaṃ pacchinditvā ‘‘mayhaṃ samaṇabhadrakehi attho natthī’’ti attano kāmādhimuttataṃ pakāsento āha –
20.
20.
‘‘б̣ахууни саман̣абхад̣̇раани, яз д̇вам̣ бхигку басам̣саси;
‘‘Bahūni samaṇabhadrāni, ye tvaṃ bhikkhu pasaṃsasi;
ахан̃жа г̇ид̣̇д̇хо гаамзсу, гат̇ам̣ гаахаами сон̣ага.
Ahañca giddho kāmesu, kathaṃ kāhāmi soṇaka.
21.
21.
‘‘бияаа мз маанусаа гаамаа, ат̇о д̣̇иб̣яааби мз бияаа;
‘‘Piyā me mānusā kāmā, atho dibyāpi me piyā;
ат̇а гзна ну ван̣н̣зна, убхо логз лабхаамасз’’д̇и.
Atha kena nu vaṇṇena, ubho loke labhāmase’’ti.
д̇ад̇т̇а ван̣н̣знаад̇и гааран̣зна.
Tattha vaṇṇenāti kāraṇena.
ат̇а нам̣ бажжзгаб̣уд̣̇д̇хо ааха –
Atha naṃ paccekabuddho āha –
22.
22.
‘‘гаамз г̇ид̣̇д̇хаа гаамарад̇аа, гаамзсу ад̇химужжид̇аа;
‘‘Kāme giddhā kāmaratā, kāmesu adhimuccitā;
нараа баабаани гад̇ваана, убабаж̇ж̇анд̇и д̣̇уг̇г̇ад̇им̣.
Narā pāpāni katvāna, upapajjanti duggatiṃ.
23.
23.
‘‘яз жа гаамз баханд̇ваана, нигканд̇аа агуд̇обхаяаа;
‘‘Ye ca kāme pahantvāna, nikkhantā akutobhayā;
згод̣̇ибхааваад̇хиг̇ад̇аа, на д̇з г̇ажчанд̇и д̣̇уг̇г̇ад̇им̣.
Ekodibhāvādhigatā, na te gacchanti duggatiṃ.
24.
24.
‘‘убамам̣ д̇з гариссаами, д̇ам̣ сун̣охи аринд̣̇ама;
‘‘Upamaṃ te karissāmi, taṃ suṇohi arindama;
убамааяа мид̇хзгажжз, ад̇т̇ам̣ ж̇аананд̇и бан̣д̣ид̇аа.
Upamāya midhekacce, atthaṃ jānanti paṇḍitā.
25.
25.
‘‘г̇ан̇г̇ааяа гун̣абам̣ д̣̇исваа, вуяхамаанам̣ махан̣н̣авз;
‘‘Gaṅgāya kuṇapaṃ disvā, vuyhamānaṃ mahaṇṇave;
вааяасо самажинд̇зси, аббабан̃н̃о ажзд̇асо.
Vāyaso samacintesi, appapañño acetaso.
26.
26.
‘‘яаанан̃жа вад̇ид̣̇ам̣ лад̣̇д̇хам̣, бхагко жааяам̣ анаббаго;
‘‘Yānañca vatidaṃ laddhaṃ, bhakkho cāyaṃ anappako;
д̇ад̇т̇а рад̇д̇им̣ д̇ад̇т̇а д̣̇иваа, д̇ад̇т̇зва нирад̇о мано.
Tattha rattiṃ tattha divā, tattheva nirato mano.
27.
27.
‘‘каад̣̇ам̣ нааг̇асса мам̣саани, бивам̣ бхааг̇ийрат̇од̣̇агам̣;
‘‘Khādaṃ nāgassa maṃsāni, pivaṃ bhāgīrathodakaṃ;
самбассам̣ ванажзд̇яаани, на балзд̇т̇а вихан̇г̇амо.
Sampassaṃ vanacetyāni, na palettha vihaṅgamo.
28.
28.
‘‘д̇ан̃жа од̇аран̣ий г̇ан̇г̇аа, бамад̇д̇ам̣ гун̣абз рад̇ам̣;
‘‘Tañca otaraṇī gaṅgā, pamattaṃ kuṇape rataṃ;
самуд̣̇д̣̇ам̣ аж̇жхаг̇аахааси, аг̇ад̇ий яад̇т̇а багкинам̣.
Samuddaṃ ajjhagāhāsi, agatī yattha pakkhinaṃ.
29.
29.
‘‘со жа бхагкабаригкийн̣о, уд̣̇абад̇ваа вихан̇г̇амо;
‘‘So ca bhakkhaparikkhīṇo, udapatvā vihaṅgamo;
на бажчад̇о на бурад̇о, нуд̇д̇арам̣ ноби д̣̇агкин̣ам̣.
Na pacchato na purato, nuttaraṃ nopi dakkhiṇaṃ.
30.
30.
‘‘д̣̇ийбам̣ со наж̇жхаг̇ааг̇ан̃чи, аг̇ад̇ий яад̇т̇а багкинам̣;
‘‘Dīpaṃ so najjhagāgañchi, agatī yattha pakkhinaṃ;
со жа д̇ад̇т̇зва баабад̇т̇а, яат̇аа д̣̇уб̣б̣алаго д̇ат̇аа.
So ca tattheva pāpattha, yathā dubbalako tathā.
31.
31.
‘‘д̇ан̃жа саамуд̣̇д̣̇игаа мажчаа, гумбхийлаа магараа сусуу;
‘‘Tañca sāmuddikā macchā, kumbhīlā makarā susū;
басаяхагаараа каад̣̇им̣су, панд̣̇амаанам̣ вибагкагам̣.
Pasayhakārā khādiṃsu, phandamānaṃ vipakkhakaṃ.
32.
32.
‘‘звамзва д̇увам̣ рааж̇а, яз жан̃н̃з гаамабхог̇ино;
‘‘Evameva tuvaṃ rāja, ye caññe kāmabhogino;
г̇ид̣̇д̇хаа жз на вамиссанд̇и, гаагабан̃н̃аава д̇з вид̣̇уу.
Giddhā ce na vamissanti, kākapaññāva te vidū.
33.
33.
‘‘зсаа д̇з убамаа рааж̇а, ад̇т̇асанд̣̇ассаний гад̇аа;
‘‘Esā te upamā rāja, atthasandassanī katā;
д̇ван̃жа бан̃н̃ааяасз д̇зна, яад̣̇и гаахаси ваа на ваа’’д̇и.
Tvañca paññāyase tena, yadi kāhasi vā na vā’’ti.
д̇ад̇т̇а баабаанийд̇и, махаарааж̇а, д̇вам̣ гаамаг̇ид̣̇д̇хо, нараа жа гаамз ниссааяа гааяад̣̇ужжарид̇аад̣̇ийни баабаани гад̇ваа яад̇т̇а субинанд̇зби д̣̇иб̣б̣аа жа маанусигаа жа гаамаа на лаб̣бханд̇и, д̇ам̣ д̣̇уг̇г̇ад̇им̣ убабаж̇ж̇анд̇ийд̇и ад̇т̇о. баханд̇ваанаад̇и кзл̣абин̣д̣ам̣ вияа бахааяа. агуд̇обхаяаад̇и рааг̇аад̣̇ийсу гуд̇ожи анааг̇ад̇абхаяаа. згод̣̇ибхааваад̇хиг̇ад̇аад̇и згод̣̇ибхаавам̣ згавихааригад̇ам̣ ад̇хиг̇ад̇аа. на д̇зд̇и д̇з зваруубаа баб̣б̣аж̇ид̇аа д̣̇уг̇г̇ад̇им̣ на г̇ажчанд̇и.
Tattha pāpānīti, mahārāja, tvaṃ kāmagiddho, narā ca kāme nissāya kāyaduccaritādīni pāpāni katvā yattha supinantepi dibbā ca mānusikā ca kāmā na labbhanti, taṃ duggatiṃ upapajjantīti attho. Pahantvānāti kheḷapiṇḍaṃ viya pahāya. Akutobhayāti rāgādīsu kutoci anāgatabhayā. Ekodibhāvādhigatāti ekodibhāvaṃ ekavihārikataṃ adhigatā. Na teti te evarūpā pabbajitā duggatiṃ na gacchanti.
убамам̣ д̇зд̇и, махаарааж̇а, д̣̇иб̣б̣амаанусагз гаамз бад̇т̇знд̇асса хад̇т̇игун̣абз бадиб̣ад̣̇д̇хагаагасад̣̇исасса д̇ава згам̣ убамам̣ гариссаами, д̇ам̣ сун̣охийд̇и ад̇т̇о. гун̣абанд̇и хад̇т̇игал̣зварам̣. махан̣н̣авзд̇и г̇амбхийрабут̇улз уд̣̇агз . зго гира махаавааран̣о г̇ан̇г̇аад̇ийрз жаранд̇о г̇ан̇г̇ааяам̣ бад̇ид̇ваа уд̇д̇арид̇ум̣ асаггзнд̇о д̇ад̇т̇зва мад̇о г̇ан̇г̇ааяа вуяхи, д̇ам̣ санд̇хааязд̇ам̣ вуд̇д̇ам̣. вааяасод̇и аагаасзна г̇ажчанд̇о зго гааго. яаанан̃жа вад̇ид̣̇анд̇и со звам̣ жинд̇зд̇ваа д̇ад̇т̇а нилийяид̇ваа ‘‘ид̣̇ам̣ маяаа хад̇т̇ияаанам̣ лад̣̇д̇хам̣, зд̇т̇а нилийно сукам̣ жариссаами, аяамзва жа мз анаббаго бхагко бхависсад̇и, ид̣̇аани маяаа ан̃н̃ад̇т̇а г̇анд̇ум̣ на ваддад̇ий’’д̇и саннидтаанамагааси. д̇ад̇т̇а рад̇д̇инд̇и д̇ад̇т̇а рад̇д̇ин̃жа д̣̇иваа жа д̇ад̇т̇зва мано абхирад̇о ахоси. на балзд̇т̇аад̇и на уббад̇ид̇ваа баггаами.
Upamaṃ teti, mahārāja, dibbamānusake kāme patthentassa hatthikuṇape paṭibaddhakākasadisassa tava ekaṃ upamaṃ karissāmi, taṃ suṇohīti attho. Kuṇapanti hatthikaḷevaraṃ. Mahaṇṇaveti gambhīraputhule udake . Eko kira mahāvāraṇo gaṅgātīre caranto gaṅgāyaṃ patitvā uttarituṃ asakkento tattheva mato gaṅgāya vuyhi, taṃ sandhāyetaṃ vuttaṃ. Vāyasoti ākāsena gacchanto eko kāko. Yānañca vatidanti so evaṃ cintetvā tattha nilīyitvā ‘‘idaṃ mayā hatthiyānaṃ laddhaṃ, ettha nilīno sukhaṃ carissāmi, ayameva ca me anappako bhakkho bhavissati, idāni mayā aññattha gantuṃ na vaṭṭatī’’ti sanniṭṭhānamakāsi. Tattha rattinti tattha rattiñca divā ca tattheva mano abhirato ahosi. Na paletthāti na uppatitvā pakkāmi.
од̇аран̣ийд̇и самуд̣̇д̣̇аабхимукий од̇арамаанаа. ‘‘охаарин̣ий’’д̇иби баато, саа самуд̣̇д̣̇аабхимукий авахаарин̣ийд̇и ад̇т̇о. аг̇ад̇ий яад̇т̇аад̇и самуд̣̇д̣̇амаж̇жхам̣ санд̇хааяааха. бхагкабаригкийн̣од̇и баригкийн̣абхагко. уд̣̇абад̇ваад̇и кийн̣з жаммз жа мам̣сз жа адтисан̇гхаад̇о уумивзг̇зна бхинно уд̣̇агз нимуж̇ж̇и. ат̇а со гааго уд̣̇агз бад̇идтаад̇ум̣ асаггонд̇о уббад̇и, звам̣ уббад̇ид̇ваад̇и ад̇т̇о. аг̇ад̇ий яад̇т̇а багкинанд̇и яасмим̣ самуд̣̇д̣̇амаж̇жхз багкийнам̣ аг̇ад̇и, д̇ад̇т̇а со звам̣ уббад̇ид̇о бажчимам̣ д̣̇исам̣ г̇анд̇ваа д̇ад̇т̇а бад̇идтам̣ алабхид̇ваа бурад̇т̇имам̣, д̇ад̇о уд̇д̇арам̣, д̇ад̇о д̣̇агкин̣анд̇и жад̇ассоби д̣̇исаа г̇анд̇ваа ад̇д̇ано бад̇идтаанам̣ на аж̇жхаг̇аа нааг̇ан̃чийд̇и ад̇т̇о. ат̇а ваа вааяасо звам̣ уббад̇ид̇ваа бажчимаад̣̇ийсу згзгам̣ д̣̇исам̣ ааг̇ан̃чи, д̣̇ийбам̣ бана наж̇жхааг̇амаад̇и звамзд̇т̇а ад̇т̇о д̣̇адтаб̣б̣о. баабад̇т̇аад̇и бабад̇ид̇о. яат̇аа д̣̇уб̣б̣алагод̇и яат̇аа д̣̇уб̣б̣алаго бад̇зяяа, д̇ат̇зва бад̇ид̇о. сусууд̇и сусунаамагаа жан̣д̣амажчаа. басаяхагаараад̇и анижчамаанагам̣язва б̣алаггаарзна. вибагкаганд̇и вид̣̇д̇хасд̇абагкагам̣.
Otaraṇīti samuddābhimukhī otaramānā. ‘‘Ohāriṇī’’tipi pāṭho, sā samuddābhimukhī avahāriṇīti attho. Agatī yatthāti samuddamajjhaṃ sandhāyāha. Bhakkhaparikkhīṇoti parikkhīṇabhakkho. Udapatvāti khīṇe camme ca maṃse ca aṭṭhisaṅghāto ūmivegena bhinno udake nimujji. Atha so kāko udake patiṭṭhātuṃ asakkonto uppati, evaṃ uppatitvāti attho. Agatī yattha pakkhinanti yasmiṃ samuddamajjhe pakkhīnaṃ agati, tattha so evaṃ uppatito pacchimaṃ disaṃ gantvā tattha patiṭṭhaṃ alabhitvā puratthimaṃ, tato uttaraṃ, tato dakkhiṇanti catassopi disā gantvā attano patiṭṭhānaṃ na ajjhagā nāgañchīti attho. Atha vā vāyaso evaṃ uppatitvā pacchimādīsu ekekaṃ disaṃ āgañchi, dīpaṃ pana najjhāgamāti evamettha attho daṭṭhabbo. Pāpatthāti papatito. Yathā dubbalakoti yathā dubbalako pateyya, tatheva patito. Susūti susunāmakā caṇḍamacchā. Pasayhakārāti anicchamānakaṃyeva balakkārena. Vipakkhakanti viddhastapakkhakaṃ.
г̇ид̣̇д̇хаа жз на вамиссанд̇ийд̇и яад̣̇и г̇ид̣̇д̇хаа худ̇ваа гаамз на вамиссанд̇и, на чад̣д̣зссанд̇и. гаагабан̃н̃аава д̇зд̇и гаагасса самаанабан̃н̃аа ид̇и д̇з б̣уд̣̇д̇хаад̣̇аяо бан̣д̣ид̇аа вид̣̇уу вид̣̇анд̇и, ж̇аананд̇ийд̇и ад̇т̇о. ад̇т̇асанд̣̇ассанийд̇и ад̇т̇аббагаасигаа. д̇ван̃жа бан̃н̃ааяасзд̇и д̇ван̃жа бан̃н̃ааяиссаси. ид̣̇ам̣ вуд̇д̇ам̣ ход̇и – махаарааж̇а, маяаа хид̇агаамзна д̇ава оваад̣̇о д̣̇инно, д̇ам̣ бана д̇вам̣ яад̣̇и гаахаси, д̣̇звалогз ниб̣б̣ад̇д̇иссаси, яад̣̇и на гаахаси, гаамабан̇гз нимуг̇г̇о ж̇ийвид̇абарияосаанз нираяз ниб̣б̣ад̇д̇иссасийд̇и звам̣ д̇вамзва д̇зна гааран̣зна ваа агааран̣зна ваа саг̇г̇з ваа нираяз ваа бан̃н̃ааяиссаси. ахам̣ бана саб̣б̣абхавзхи муд̇д̇о аббадисанд̇хигод̇и.
Giddhā ce na vamissantīti yadi giddhā hutvā kāme na vamissanti, na chaḍḍessanti. Kākapaññāva teti kākassa samānapaññā iti te buddhādayo paṇḍitā vidū vidanti, jānantīti attho. Atthasandassanīti atthappakāsikā. Tvañca paññāyaseti tvañca paññāyissasi. Idaṃ vuttaṃ hoti – mahārāja, mayā hitakāmena tava ovādo dinno, taṃ pana tvaṃ yadi kāhasi, devaloke nibbattissasi, yadi na kāhasi, kāmapaṅke nimuggo jīvitapariyosāne niraye nibbattissasīti evaṃ tvameva tena kāraṇena vā akāraṇena vā sagge vā niraye vā paññāyissasi. Ahaṃ pana sabbabhavehi mutto appaṭisandhikoti.
имам̣ бана оваад̣̇ам̣ д̣̇знд̇зна бажжзгаб̣уд̣̇д̇хзна над̣̇ий д̣̇ассид̇аа, д̇ааяа вуяхамаанам̣ хад̇т̇игун̣абам̣ д̣̇ассид̇ам̣, гун̣абакаад̣̇аго гааго д̣̇ассид̇о, д̇асса гун̣абам̣ каад̣̇ид̇ваа баанийяабиванагаало д̣̇ассид̇о, раман̣ийяаванасан̣д̣ад̣̇ассанагаало д̣̇ассид̇о, гун̣абасса над̣̇ияаа вуяхамаанасса самуд̣̇д̣̇абавзсо д̣̇ассид̇о, самуд̣̇д̣̇амаж̇жхз гаагасса хад̇т̇игун̣абз бад̇идтам̣ алабхид̇ваа винаасам̣ бад̇д̇агаало д̣̇ассид̇о. д̇ад̇т̇а над̣̇ий вияа анамад̇аг̇г̇о сам̣сааро д̣̇адтаб̣б̣о, над̣̇ияаа вуяхамаанам̣ хад̇т̇игун̣абам̣ вияа сам̣саарз бан̃жа гаамаг̇ун̣аа, гааго вияа б̣аалабут̇уж̇ж̇ано, гаагасса гун̣абам̣ каад̣̇ид̇ваа баанийяабиванагаало вияа бут̇уж̇ж̇анасса гаамаг̇ун̣з барибхун̃ж̇ид̇ваа соманассигагаало, гаагасса гун̣абз лаг̇г̇ассзва раман̣ийяаванасан̣д̣ад̣̇ассанам̣ вияа бут̇уж̇ж̇анасса гаамаг̇ун̣зсу лаг̇г̇ассзва саванавасзна адтад̇им̣саарамман̣ад̣̇ассанам̣, гун̣абз самуд̣̇д̣̇ам̣ бавидтз гаагасса бад̇идтам̣ лабхид̇ум̣ асаггонд̇асса винаасам̣ бад̇д̇агаало вияа б̣аалабут̇уж̇ж̇анасса гаамаг̇ун̣аг̇ид̣̇д̇хасса баабабарааяан̣асса гусалад̇хаммз бад̇идтам̣ лабхид̇ум̣ асаггонд̇асса махаанираяз махаавинаасабад̇д̇и д̣̇адтаб̣б̣аад̇и.
Imaṃ pana ovādaṃ dentena paccekabuddhena nadī dassitā, tāya vuyhamānaṃ hatthikuṇapaṃ dassitaṃ, kuṇapakhādako kāko dassito, tassa kuṇapaṃ khāditvā pānīyapivanakālo dassito, ramaṇīyavanasaṇḍadassanakālo dassito, kuṇapassa nadiyā vuyhamānassa samuddapaveso dassito, samuddamajjhe kākassa hatthikuṇape patiṭṭhaṃ alabhitvā vināsaṃ pattakālo dassito. Tattha nadī viya anamataggo saṃsāro daṭṭhabbo, nadiyā vuyhamānaṃ hatthikuṇapaṃ viya saṃsāre pañca kāmaguṇā, kāko viya bālaputhujjano, kākassa kuṇapaṃ khāditvā pānīyapivanakālo viya puthujjanassa kāmaguṇe paribhuñjitvā somanassikakālo, kākassa kuṇape laggasseva ramaṇīyavanasaṇḍadassanaṃ viya puthujjanassa kāmaguṇesu laggasseva savanavasena aṭṭhatiṃsārammaṇadassanaṃ, kuṇape samuddaṃ paviṭṭhe kākassa patiṭṭhaṃ labhituṃ asakkontassa vināsaṃ pattakālo viya bālaputhujjanassa kāmaguṇagiddhassa pāpaparāyaṇassa kusaladhamme patiṭṭhaṃ labhituṃ asakkontassa mahāniraye mahāvināsapatti daṭṭhabbāti.
звамасса со имааяа убамааяа оваад̣̇ам̣ д̣̇ад̇ваа ид̣̇аани д̇амзва оваад̣̇ам̣ т̇ирам̣ гад̇ваа бад̇идтабзд̇ум̣ г̇аат̇амааха –
Evamassa so imāya upamāya ovādaṃ datvā idāni tameva ovādaṃ thiraṃ katvā patiṭṭhapetuṃ gāthamāha –
34.
34.
‘‘згаваажамби д̣̇виваажам̣, бхан̣зяяа анугамбаго;
‘‘Ekavācampi dvivācaṃ, bhaṇeyya anukampako;
д̇ад̇уд̇д̇арим̣ на бхаасзяяа, д̣̇аасоваяяасса санд̇игз’’д̇и.
Tatuttariṃ na bhāseyya, dāsovayyassa santike’’ti.
д̇ад̇т̇а на бхаасзяяаад̇и важанам̣ аг̇г̇ан̣ханд̇асса хи д̇ад̇о уд̇д̇арим̣ бхаасамаано саамигасса санд̇игз д̣̇аасо вияа ход̇и. д̣̇аасо хи саамигз гат̇ам̣ г̇ан̣ханд̇зби аг̇г̇ан̣ханд̇зби гат̇зд̇иязва. д̇зна вуд̇д̇ам̣ ‘‘д̇ад̇уд̇д̇арим̣ на бхаасзяяаа’’д̇и.
Tattha na bhāseyyāti vacanaṃ aggaṇhantassa hi tato uttariṃ bhāsamāno sāmikassa santike dāso viya hoti. Dāso hi sāmike kathaṃ gaṇhantepi aggaṇhantepi kathetiyeva. Tena vuttaṃ ‘‘tatuttariṃ na bhāseyyā’’ti.
35.
35.
‘‘ид̣̇ам̣ вад̇ваана баггаами, сон̣аго амид̇аб̣уд̣̇д̇химаа;
‘‘Idaṃ vatvāna pakkāmi, soṇako amitabuddhimā;
взхаасз анд̇алигкасмим̣, анусаасид̇ваана кад̇д̇ияа’’нд̇и. –
Vehāse antalikkhasmiṃ, anusāsitvāna khattiya’’nti. –
аяам̣ абхисамб̣уд̣̇д̇хаг̇аат̇аа.
Ayaṃ abhisambuddhagāthā.
д̇ад̇т̇а ид̣̇ам̣ вад̇ваанаад̇и, бхигкавз, со бажжзгаб̣уд̣̇д̇хо амид̇ааяа логуд̇д̇араб̣уд̣̇д̇хияаа амид̇аб̣уд̣̇д̇химаа ид̣̇ам̣ вад̇ваа ид̣̇д̇хияаа уббад̇ид̇ваа ‘‘сажз баб̣б̣аж̇иссаси, д̇авзва, но жз баб̣б̣аж̇иссаси, д̇авзва, д̣̇инно д̇з маяаа оваад̣̇о, аббамад̇д̇о хохий’’д̇и звам̣ анусаасид̇ваана кад̇д̇ияам̣ баггаами.
Tattha idaṃ vatvānāti, bhikkhave, so paccekabuddho amitāya lokuttarabuddhiyā amitabuddhimā idaṃ vatvā iddhiyā uppatitvā ‘‘sace pabbajissasi, taveva, no ce pabbajissasi, taveva, dinno te mayā ovādo, appamatto hohī’’ti evaṃ anusāsitvāna khattiyaṃ pakkāmi.
б̣од̇хисад̇д̇оби д̇ам̣ аагаасзна г̇ажчанд̇ам̣ яаава д̣̇ассанабат̇аа ологзнд̇о тад̇ваа д̇асмим̣ жагкубат̇з ад̇игганд̇з сам̣взг̇ам̣ бадилабхид̇ваа жинд̇зси – ‘‘аяам̣ б̣раахман̣о хийнаж̇ажжо самаано асамбхиннз кад̇д̇ияавам̣сз ж̇аад̇асса мама мад̇т̇агз ад̇д̇ано баад̣̇араж̇ам̣ огиранд̇о аагаасам̣ уббад̇ид̇ваа г̇ад̇о, маяааби аж̇ж̇зва нигкамид̇ваа баб̣б̣аж̇ид̇ум̣ ваддад̇ий’’д̇и. со раж̇ж̇ам̣ нияяаад̣̇зд̇ваа баб̣б̣аж̇ид̇угаамо г̇аат̇аад̣̇ваяамааха –
Bodhisattopi taṃ ākāsena gacchantaṃ yāva dassanapathā olokento ṭhatvā tasmiṃ cakkhupathe atikkante saṃvegaṃ paṭilabhitvā cintesi – ‘‘ayaṃ brāhmaṇo hīnajacco samāno asambhinne khattiyavaṃse jātassa mama matthake attano pādarajaṃ okiranto ākāsaṃ uppatitvā gato, mayāpi ajjeva nikkhamitvā pabbajituṃ vaṭṭatī’’ti. So rajjaṃ niyyādetvā pabbajitukāmo gāthādvayamāha –
36.
36.
‘‘го нумз рааж̇агад̇д̇ааро, суд̣̇д̣̇аа взяяад̇д̇амааг̇ад̇аа;
‘‘Ko nume rājakattāro, suddā veyyattamāgatā;
раж̇ж̇ам̣ нияяаад̣̇аяиссаами, наахам̣ раж̇ж̇зна мад̇т̇иго.
Rajjaṃ niyyādayissāmi, nāhaṃ rajjena matthiko.
37.
37.
‘‘аж̇ж̇зва баб̣б̣аж̇иссаами, го ж̇ан̃н̃аа маран̣ам̣ сувз;
‘‘Ajjeva pabbajissāmi, ko jaññā maraṇaṃ suve;
маахам̣ гаагова д̣̇уммзд̇хо, гаамаанам̣ васаманваг̇а’’нд̇и.
Māhaṃ kākova dummedho, kāmānaṃ vasamanvaga’’nti.
д̇ад̇т̇а го нумзд̇и гухим̣ ну имз. рааж̇агад̇д̇аарод̇и яз рааж̇аарахам̣ абхисин̃жид̇ваа рааж̇аанам̣ гаронд̇и. суд̣̇д̣̇аа взяяад̇д̇амааг̇ад̇аад̇и суд̣̇д̣̇аа жа яз жа ан̃н̃з б̣яад̇д̇абхаавам̣ ааг̇ад̇аа мукаман̇г̇алигаа. раж̇ж̇зна мад̇т̇игод̇и раж̇ж̇зна ад̇т̇иго. го ж̇ан̃н̃аа маран̣ам̣ сувзд̇и маран̣ам̣ аж̇ж̇а ваа сувз ваад̇и ид̣̇ам̣ го ж̇аанид̇ум̣ самад̇т̇о.
Tattha ko numeti kuhiṃ nu ime. Rājakattāroti ye rājārahaṃ abhisiñcitvā rājānaṃ karonti. Suddā veyyattamāgatāti suddā ca ye ca aññe byattabhāvaṃ āgatā mukhamaṅgalikā. Rajjena matthikoti rajjena atthiko. Ko jaññā maraṇaṃ suveti maraṇaṃ ajja vā suve vāti idaṃ ko jānituṃ samattho.
звам̣ раж̇ж̇ам̣ нияяаад̣̇знд̇асса суд̇ваа амажжаа аахам̣су –
Evaṃ rajjaṃ niyyādentassa sutvā amaccā āhaṃsu –
38.
38.
‘‘ад̇т̇и д̇з д̣̇ахаро буд̇д̇о, д̣̇ийгхааву радтавад̣дхано;
‘‘Atthi te daharo putto, dīghāvu raṭṭhavaḍḍhano;
д̇ам̣ раж̇ж̇з абхисин̃жассу, со но рааж̇аа бхависсад̇ий’’д̇и.
Taṃ rajje abhisiñcassu, so no rājā bhavissatī’’ti.
д̇ад̇о барам̣ ран̃н̃аа вуд̇д̇аг̇аат̇амаад̣̇им̣ гад̇ваа уд̣̇аанасамб̣анд̇хаг̇аат̇аа баал̣инаязнзва взд̣̇ид̇аб̣б̣аа –
Tato paraṃ raññā vuttagāthamādiṃ katvā udānasambandhagāthā pāḷinayeneva veditabbā –
39.
39.
‘‘киббам̣ гумаарамаанзт̇а, д̣̇ийгхаавум̣ радтавад̣дханам̣;
‘‘Khippaṃ kumāramānetha, dīghāvuṃ raṭṭhavaḍḍhanaṃ;
д̇ам̣ раж̇ж̇з абхисин̃жиссам̣, со во рааж̇аа бхависсад̇и.
Taṃ rajje abhisiñcissaṃ, so vo rājā bhavissati.
40.
40.
‘‘д̇ад̇о гумаарамаанзсум̣, д̣̇ийгхаавум̣ радтавад̣дханам̣;
‘‘Tato kumāramānesuṃ, dīghāvuṃ raṭṭhavaḍḍhanaṃ;
д̇ам̣ д̣̇исваа аалабий рааж̇аа, згабуд̇д̇ам̣ манорамам̣.
Taṃ disvā ālapī rājā, ekaputtaṃ manoramaṃ.
41.
41.
‘‘садти г̇аамасахассаани, барибун̣н̣аани саб̣б̣асо;
‘‘Saṭṭhi gāmasahassāni, paripuṇṇāni sabbaso;
д̇з буд̇д̇а бадибаж̇ж̇асу, раж̇ж̇ам̣ нияяаад̣̇аяаами д̇з.
Te putta paṭipajjasu, rajjaṃ niyyādayāmi te.
42.
42.
‘‘аж̇ж̇зва баб̣б̣аж̇иссаами, го ж̇ан̃н̃аа маран̣ам̣ сувз;
‘‘Ajjeva pabbajissāmi, ko jaññā maraṇaṃ suve;
маахам̣ гааго ва д̣̇уммзд̇хо, гаамаанам̣ васаманваг̇ам̣.
Māhaṃ kāko va dummedho, kāmānaṃ vasamanvagaṃ.
43.
43.
‘‘садти нааг̇асахассаани, саб̣б̣аалан̇гаарабхуусид̇аа;
‘‘Saṭṭhi nāgasahassāni, sabbālaṅkārabhūsitā;
суван̣н̣агажчаа маад̇ан̇г̇аа, хзмагаббанаваасасаа.
Suvaṇṇakacchā mātaṅgā, hemakappanavāsasā.
44.
44.
‘‘ааруул̣хаа г̇ааман̣ийязбхи, д̇омаран̇гусабаан̣ибхи;
‘‘Ārūḷhā gāmaṇīyebhi, tomaraṅkusapāṇibhi;
д̇з буд̇д̇а бадибаж̇ж̇ассу, раж̇ж̇ам̣ нияяаад̣̇аяаами д̇з.
Te putta paṭipajjassu, rajjaṃ niyyādayāmi te.
45.
45.
‘‘аж̇ж̇зва баб̣б̣аж̇иссаами, го ж̇ан̃н̃аа маран̣ам̣ сувз;
‘‘Ajjeva pabbajissāmi, ko jaññā maraṇaṃ suve;
маахам̣ гаагова д̣̇уммзд̇хо, гаамаанам̣ васаманваг̇ам̣.
Māhaṃ kākova dummedho, kāmānaṃ vasamanvagaṃ.
46.
46.
‘‘садти ассасахассаани, саб̣б̣аалан̇гаарабхуусид̇аа;
‘‘Saṭṭhi assasahassāni, sabbālaṅkārabhūsitā;
ааж̇аанийяаава ж̇аад̇ияаа, синд̇хаваа сийгхаваахино.
Ājānīyāva jātiyā, sindhavā sīghavāhino.
47.
47.
‘‘ааруул̣хаа г̇ааман̣ийязбхи, иллияаажаабад̇хаарибхи;
‘‘Ārūḷhā gāmaṇīyebhi, illiyācāpadhāribhi;
д̇з буд̇д̇а бадибаж̇ж̇ассу, раж̇ж̇ам̣ нияяаад̣̇аяаами д̇з.
Te putta paṭipajjassu, rajjaṃ niyyādayāmi te.
48.
48.
‘‘аж̇ж̇зва баб̣б̣аж̇иссаами, го ж̇ан̃н̃аа маран̣ам̣ сувз;
‘‘Ajjeva pabbajissāmi, ko jaññā maraṇaṃ suve;
маахам̣ гаагова д̣̇уммзд̇хо, гаамаанам̣ васаманваг̇ам̣.
Māhaṃ kākova dummedho, kāmānaṃ vasamanvagaṃ.
49.
49.
‘‘садти рат̇асахассаани, саннад̣̇д̇хаа уссид̇ад̣̇д̇хаж̇аа;
‘‘Saṭṭhi rathasahassāni, sannaddhā ussitaddhajā;
д̣̇ийбаа ат̇оби взяяаг̇гхаа, саб̣б̣аалан̇гаарабхуусид̇аа.
Dīpā athopi veyyagghā, sabbālaṅkārabhūsitā.
50.
50.
‘‘ааруул̣хаа г̇ааман̣ийязбхи, жаабахад̇т̇зхи ваммибхи;
‘‘Ārūḷhā gāmaṇīyebhi, cāpahatthehi vammibhi;
д̇з буд̇д̇а бадибаж̇ж̇ассу, раж̇ж̇ам̣ нияяаад̣̇аяаами д̇з.
Te putta paṭipajjassu, rajjaṃ niyyādayāmi te.
51.
51.
‘‘аж̇ж̇зва баб̣б̣аж̇иссаами, го ж̇ан̃н̃аа маран̣ам̣ сувз;
‘‘Ajjeva pabbajissāmi, ko jaññā maraṇaṃ suve;
маахам̣ гаагова д̣̇уммзд̇хо, гаамаанам̣ васаманваг̇ам̣.
Māhaṃ kākova dummedho, kāmānaṃ vasamanvagaṃ.
52.
52.
‘‘садти д̇хзнусахассаани, рохан̃н̃аа бун̇г̇авуусабхаа;
‘‘Saṭṭhi dhenusahassāni, rohaññā puṅgavūsabhā;
д̇аа буд̇д̇а бадибаж̇ж̇ассу, раж̇ж̇ам̣ нияяаад̣̇аяаами д̇з.
Tā putta paṭipajjassu, rajjaṃ niyyādayāmi te.
53.
53.
‘‘аж̇ж̇зва баб̣б̣аж̇иссаами, го ж̇ан̃н̃аа маран̣ам̣ сувз;
‘‘Ajjeva pabbajissāmi, ko jaññā maraṇaṃ suve;
маахам̣ гаагова д̣̇уммзд̇хо, гаамаанам̣ васаманваг̇ам̣.
Māhaṃ kākova dummedho, kāmānaṃ vasamanvagaṃ.
54.
54.
‘‘сол̣асид̇т̇исахассаани, саб̣б̣аалан̇гаарабхуусид̇аа;
‘‘Soḷasitthisahassāni, sabbālaṅkārabhūsitā;
вижид̇равад̇т̇аабхаран̣аа, аамуд̇д̇аман̣игун̣д̣алаа;
Vicitravatthābharaṇā, āmuttamaṇikuṇḍalā;
д̇аа буд̇д̇а бадибаж̇ж̇ассу, раж̇ж̇ам̣ нияяаад̣̇аяаами д̇з.
Tā putta paṭipajjassu, rajjaṃ niyyādayāmi te.
55.
55.
‘‘аж̇ж̇зва баб̣б̣аж̇иссаами, го ж̇ан̃н̃аа маран̣ам̣ сувз;
‘‘Ajjeva pabbajissāmi, ko jaññā maraṇaṃ suve;
маахам̣ гаагова д̣̇уммзд̇хо, гаамаанам̣ васаманваг̇ам̣.
Māhaṃ kākova dummedho, kāmānaṃ vasamanvagaṃ.
56.
56.
‘‘д̣̇ахарассзва мз д̇аад̇а, маад̇аа мад̇аад̇и мз суд̇ам̣;
‘‘Daharasseva me tāta, mātā matāti me sutaṃ;
д̇аяаа винаа ахам̣ д̇аад̇а, ж̇ийвид̇умби на уссахз.
Tayā vinā ahaṃ tāta, jīvitumpi na ussahe.
57.
57.
‘‘яат̇аа ааран̃н̃агам̣ нааг̇ам̣, бод̇о анвзд̇и бажчад̇о;
‘‘Yathā āraññakaṃ nāgaṃ, poto anveti pacchato;
ж̇зссанд̇ам̣ г̇ирид̣̇уг̇г̇зсу, самзсу висамзсу жа.
Jessantaṃ giriduggesu, samesu visamesu ca.
58.
58.
‘‘звам̣ д̇ам̣ ануг̇ажчаами, бад̇д̇амаад̣̇ааяа бажчад̇о;
‘‘Evaṃ taṃ anugacchāmi, pattamādāya pacchato;
субхаро д̇з бхависсаами, на д̇з хзссаами д̣̇уб̣бхаро.
Subharo te bhavissāmi, na te hessāmi dubbharo.
59.
59.
‘‘яат̇аа саамуд̣̇д̣̇игам̣ наавам̣, ваан̣иж̇аанам̣ д̇ханзсинам̣;
‘‘Yathā sāmuddikaṃ nāvaṃ, vāṇijānaṃ dhanesinaṃ;
вохааро д̇ад̇т̇а г̇ан̣хзяяа, ваан̣иж̇аа б̣яасаний сияаа.
Vohāro tattha gaṇheyya, vāṇijā byasanī siyā.
60.
60.
‘‘звамзвааяам̣ буд̇д̇агали, анд̇арааяагаро мама;
‘‘Evamevāyaṃ puttakali, antarāyakaro mama;
имам̣ гумаарам̣ баабзт̇а, баасаад̣̇ам̣ рад̇ивад̣дханам̣.
Imaṃ kumāraṃ pāpetha, pāsādaṃ rativaḍḍhanaṃ.
61.
61.
‘‘д̇ад̇т̇а гамб̣усахад̇т̇ааяо, яат̇аа саггам̣ва ажчараа;
‘‘Tattha kambusahatthāyo, yathā sakkaṃva accharā;
д̇аа нам̣ д̇ад̇т̇а рамзссанд̇и, д̇аахи жзсо рамиссад̇и.
Tā naṃ tattha ramessanti, tāhi ceso ramissati.
62.
62.
‘‘д̇ад̇о гумаарам̣ баабзсум̣, баасаад̣̇ам̣ рад̇ивад̣дханам̣;
‘‘Tato kumāraṃ pāpesuṃ, pāsādaṃ rativaḍḍhanaṃ;
д̇ам̣ д̣̇исваа аважум̣ ган̃н̃аа, д̣̇ийгхаавум̣ радтавад̣дханам̣.
Taṃ disvā avacuṃ kaññā, dīghāvuṃ raṭṭhavaḍḍhanaṃ.
63.
63.
‘‘д̣̇звад̇аануси г̇анд̇хаб̣б̣о, ад̣̇у сагго буринд̣̇ад̣̇о;
‘‘Devatānusi gandhabbo, adu sakko purindado;
го ваа д̇вам̣ гасса ваа буд̇д̇о, гат̇ам̣ ж̇аанзму д̇ам̣ маяам̣.
Ko vā tvaṃ kassa vā putto, kathaṃ jānemu taṃ mayaṃ.
64.
64.
‘‘намхи д̣̇зво на г̇анд̇хаб̣б̣о, нааби сагго буринд̣̇ад̣̇о;
‘‘Namhi devo na gandhabbo, nāpi sakko purindado;
гаасиран̃н̃о ахам̣ буд̇д̇о, д̣̇ийгхааву радтавад̣дхано;
Kāsirañño ahaṃ putto, dīghāvu raṭṭhavaḍḍhano;
мамам̣ бхарат̇а бхад̣̇д̣̇ам̣ во, ахам̣ бхад̇д̇аа бхаваами во.
Mamaṃ bharatha bhaddaṃ vo, ahaṃ bhattā bhavāmi vo.
65.
65.
‘‘д̇ам̣ д̇ад̇т̇а аважум̣ ган̃н̃аа, д̣̇ийгхаавум̣ радтавад̣дханам̣;
‘‘Taṃ tattha avacuṃ kaññā, dīghāvuṃ raṭṭhavaḍḍhanaṃ;
гухим̣ рааж̇аа ануббад̇д̇о, ид̇о рааж̇аа гухим̣ г̇ад̇о.
Kuhiṃ rājā anuppatto, ito rājā kuhiṃ gato.
66.
66.
‘‘бан̇гам̣ рааж̇аа ад̇игганд̇о, т̇алз рааж̇аа бад̇идтид̇о;
‘‘Paṅkaṃ rājā atikkanto, thale rājā patiṭṭhito;
аган̣д̣агам̣ аг̇аханам̣, бадибанно махаабат̇ам̣.
Akaṇḍakaṃ agahanaṃ, paṭipanno mahāpathaṃ.
67.
67.
‘‘ахан̃жа бадибанносми, маг̇г̇ам̣ д̣̇уг̇г̇ад̇иг̇ааминам̣;
‘‘Ahañca paṭipannosmi, maggaṃ duggatigāminaṃ;
саган̣дагам̣ саг̇аханам̣, язна г̇ажчанд̇и д̣̇уг̇г̇ад̇им̣.
Sakaṇṭakaṃ sagahanaṃ, yena gacchanti duggatiṃ.
68.
68.
‘‘д̇асса д̇з свааг̇ад̇ам̣ рааж̇а, сийхассзва г̇ириб̣б̣аж̇ам̣;
‘‘Tassa te svāgataṃ rāja, sīhasseva giribbajaṃ;
анусааса махаарааж̇а, д̇вам̣ но саб̣б̣аасамиссаро’’д̇и.
Anusāsa mahārāja, tvaṃ no sabbāsamissaro’’ti.
д̇ад̇т̇а киббанд̇и д̇зна хи нам̣ сийгхам̣ аанзт̇а. аалабийд̇и ‘‘садти г̇аамасахассааний’’д̇иаад̣̇ийни вад̣̇анд̇о аалаби. саб̣б̣аалан̇гаарабхуусид̇аад̇и д̇з нааг̇аа саб̣б̣зхи сийсуубаг̇аад̣̇ийхи алан̇гаарзхи бхуусид̇аа. хзмагаббанаваасасаад̇и суван̣н̣акажид̇зна габбанзна бадижчаннасарийраа. г̇ааман̣ийязбхийд̇и хад̇т̇аажариязхи. ааж̇аанийяааваад̇и гааран̣аагааран̣авиж̇аананагаа ва. ж̇аад̇ияаад̇и синд̇хаваж̇аад̇ияаа синд̇хурадтз синд̇хунад̣̇ийд̇ийрз ж̇аад̇аа. г̇ааман̣ийязбхийд̇и ассаажариязхи. иллияаа жаабад̇хаарибхийд̇и иллияаавуд̇хан̃жа жаабаавуд̇хан̃жа д̇хаарзнд̇зхи. д̣̇ийбаа ат̇оби взяяаг̇гхаад̇и д̣̇ийбижаммаб̣яаг̇гхажаммабариваараа. г̇ааман̣ийязбхийд̇и рат̇игзхи. ваммибхийд̇и саннад̣̇д̇хаваммзхи. рохан̃н̃аад̇и рад̇д̇аван̣н̣аа. бун̇г̇авуусабхаад̇и усабхасан̇каад̇зна ж̇здтагабун̇г̇авзна саманнааг̇ад̇аа.
Tattha khippanti tena hi naṃ sīghaṃ ānetha. Ālapīti ‘‘saṭṭhi gāmasahassānī’’tiādīni vadanto ālapi. Sabbālaṅkārabhūsitāti te nāgā sabbehi sīsūpagādīhi alaṅkārehi bhūsitā. Hemakappanavāsasāti suvaṇṇakhacitena kappanena paṭicchannasarīrā. Gāmaṇīyebhīti hatthācariyehi. Ājānīyāvāti kāraṇākāraṇavijānanakā va. Jātiyāti sindhavajātiyā sindhuraṭṭhe sindhunadītīre jātā. Gāmaṇīyebhīti assācariyehi. Illiyā cāpadhāribhīti illiyāvudhañca cāpāvudhañca dhārentehi. Dīpā athopi veyyagghāti dīpicammabyagghacammaparivārā. Gāmaṇīyebhīti rathikehi. Vammibhīti sannaddhavammehi. Rohaññāti rattavaṇṇā. Puṅgavūsabhāti usabhasaṅkhātena jeṭṭhakapuṅgavena samannāgatā.
д̣̇ахарассзва мз, д̇аад̇аад̇и ат̇а нам̣ гумааро, д̇аад̇а, мама д̣̇ахарассзва сад̇о маад̇аа мад̇аа ид̇и маяаа суд̇ам̣, сохам̣ д̇аяаа винаа ж̇ийвид̇ум̣ на сагкиссаамийд̇и ааха. бод̇од̇и д̇арун̣абод̇аго. ж̇зссанд̇анд̇и вижаранд̇ам̣. саамуд̣̇д̣̇иганд̇и самуд̣̇д̣̇з вижаранд̇ам̣. д̇ханзсинанд̇и д̇ханам̣ бариязсанд̇аанам̣. вохаарод̇и вижид̇равохааро хздтаагад̣дханаго ваал̣амажчо ваа уд̣̇агарагкасо ваа ааваддо ваа. д̇ад̇т̇аад̇и д̇асмим̣ самуд̣̇д̣̇з. ваан̣иж̇аа б̣яасаний сияаад̇и ат̇а д̇з ваан̣иж̇аа б̣яасанаббад̇д̇аа бхавзяяум̣. ‘‘сияяунд̇и’’би баато . буд̇д̇агалийд̇и буд̇д̇алаамаго буд̇д̇агаал̣аган̣н̣ий. гумааро буна гин̃жи вад̇д̇ум̣ на висахи. ат̇а рааж̇аа амажжз аан̣аабзнд̇о ‘‘има’’нд̇иаад̣̇имааха. д̇ад̇т̇а гамб̣усахад̇т̇ааяод̇и гамб̣усам̣ вужжад̇и суван̣н̣ам̣, суван̣н̣аабхаран̣абхуусид̇ахад̇т̇ааяод̇и ад̇т̇о. яат̇аад̇и яат̇аа ижчанд̇и, д̇ат̇аа гаронд̇и.
Daharasseva me, tātāti atha naṃ kumāro, tāta, mama daharasseva sato mātā matā iti mayā sutaṃ, sohaṃ tayā vinā jīvituṃ na sakkhissāmīti āha. Pototi taruṇapotako. Jessantanti vicarantaṃ. Sāmuddikanti samudde vicarantaṃ. Dhanesinanti dhanaṃ pariyesantānaṃ. Vohāroti vicitravohāro heṭṭhākaḍḍhanako vāḷamaccho vā udakarakkhaso vā āvaṭṭo vā. Tatthāti tasmiṃ samudde. Vāṇijā byasanī siyāti atha te vāṇijā byasanappattā bhaveyyuṃ. ‘‘Siyyunti’’pi pāṭho . Puttakalīti puttalāmako puttakāḷakaṇṇī. Kumāro puna kiñci vattuṃ na visahi. Atha rājā amacce āṇāpento ‘‘ima’’ntiādimāha. Tattha kambusahatthāyoti kambusaṃ vuccati suvaṇṇaṃ, suvaṇṇābharaṇabhūsitahatthāyoti attho. Yathāti yathā icchanti, tathā karonti.
звам̣ вад̇ваа махаасад̇д̇о д̇ад̇т̇зва д̇ам̣ абхисин̃жаабзд̇ваа наг̇арам̣ баахзси. саяам̣ бана згагова уяяаанаа нигкамид̇ваа химаванд̇ам̣ бависид̇ваа раман̣ийяз бхуумибхааг̇з бан̣н̣асаалам̣ маабзд̇ваа исибаб̣б̣аж̇ж̇ам̣ баб̣б̣аж̇ид̇ваа ванамуулапалаахааро яаабзси. махааж̇аноби гумаарам̣ б̣аараан̣асим̣ бавзсзси. со наг̇арам̣ бад̣̇агкин̣ам̣ гад̇ваа баасаад̣̇ам̣ абхирухи. д̇амад̇т̇ам̣ багаасзнд̇о сад̇т̇аа ‘‘д̇ад̇о’’д̇иаад̣̇имааха. д̇ам̣ д̣̇исваа аважум̣ ган̃н̃аад̇и д̇ам̣ маханд̇зна бариваарзна сирисобхаг̇г̇зна ааг̇ад̇ам̣ д̣̇исваа ‘‘асуго наамзсо’’д̇и аж̇аананд̇ияова д̇аа наадагид̇т̇ияо г̇анд̇ваа авожум̣. мамам̣ бхарат̇аад̇и мамам̣ ижчат̇а. бан̇ганд̇и рааг̇аад̣̇игилзсабан̇гам̣. т̇алзд̇и баб̣б̣аж̇ж̇ааяа. аган̣даганд̇и рааг̇аган̣дагаад̣̇ивирахид̇ам̣. д̇зхзва г̇аханзхи аг̇аханам̣. махаабат̇анд̇и саг̇г̇амогкаг̇ааминам̣ махаамаг̇г̇ам̣ бадибанно. язнаад̇и язна мижчаамаг̇г̇зна д̣̇уг̇г̇ад̇им̣ г̇ажчанд̇и, д̇ам̣ ахам̣ бадибаннод̇и вад̣̇ад̇и. д̇ад̇о д̇аа жинд̇зсум̣ – ‘‘рааж̇аа д̇аава амхз бахааяа баб̣б̣аж̇ид̇о, аяамби гаамзсу вирад̇д̇ажид̇д̇аруубо, сажз нам̣ наабхирамзссаама, нигкамид̇ваа баб̣б̣аж̇зяяа, абхираманаагаарамасса гариссаамаа’’д̇и. ат̇а нам̣ абхинанд̣̇анд̇ияо осаанаг̇аат̇амаахам̣су. д̇ад̇т̇а г̇ириб̣б̣аж̇анд̇и сийхабод̇агаанам̣ васанадтаанам̣ ган̃жанаг̇ухам̣ гзсарасийхасса ааг̇ад̇ам̣ вияа д̇асса д̇ава ааг̇ад̇ам̣ суааг̇ад̇ам̣. д̇вам̣ нод̇и д̇вам̣ саб̣б̣аасамби амхаагам̣ иссаро, саамийд̇и.
Evaṃ vatvā mahāsatto tattheva taṃ abhisiñcāpetvā nagaraṃ pāhesi. Sayaṃ pana ekakova uyyānā nikkhamitvā himavantaṃ pavisitvā ramaṇīye bhūmibhāge paṇṇasālaṃ māpetvā isipabbajjaṃ pabbajitvā vanamūlaphalāhāro yāpesi. Mahājanopi kumāraṃ bārāṇasiṃ pavesesi. So nagaraṃ padakkhiṇaṃ katvā pāsādaṃ abhiruhi. Tamatthaṃ pakāsento satthā ‘‘tato’’tiādimāha. Taṃ disvā avacuṃ kaññāti taṃ mahantena parivārena sirisobhaggena āgataṃ disvā ‘‘asuko nāmeso’’ti ajānantiyova tā nāṭakitthiyo gantvā avocuṃ. Mamaṃ bharathāti mamaṃ icchatha. Paṅkanti rāgādikilesapaṅkaṃ. Thaleti pabbajjāya. Akaṇṭakanti rāgakaṇṭakādivirahitaṃ. Teheva gahanehi agahanaṃ. Mahāpathanti saggamokkhagāminaṃ mahāmaggaṃ paṭipanno. Yenāti yena micchāmaggena duggatiṃ gacchanti, taṃ ahaṃ paṭipannoti vadati. Tato tā cintesuṃ – ‘‘rājā tāva amhe pahāya pabbajito, ayampi kāmesu virattacittarūpo, sace naṃ nābhiramessāma, nikkhamitvā pabbajeyya, abhiramanākāramassa karissāmā’’ti. Atha naṃ abhinandantiyo osānagāthamāhaṃsu. Tattha giribbajanti sīhapotakānaṃ vasanaṭṭhānaṃ kañcanaguhaṃ kesarasīhassa āgataṃ viya tassa tava āgataṃ suāgataṃ. Tvaṃ noti tvaṃ sabbāsampi amhākaṃ issaro, sāmīti.
зван̃жа бана вад̇ваа саб̣б̣аа д̇уурияаани баг̇г̇ан̣хим̣су, наанаббагаараани нажжаг̇ийд̇аани бавад̇д̇им̣су . яасо махаа ахоси, со яасамад̣̇амад̇д̇о бид̇арам̣ на сари, д̇хаммзна раж̇ж̇ам̣ гаарзд̇ваа яат̇аагаммам̣ г̇ад̇о. б̣од̇хисад̇д̇оби жхаанаабхин̃н̃аа ниб̣б̣ад̇д̇зд̇ваа ааяубарияосаанз б̣рахмалогуубаг̇о ахоси.
Evañca pana vatvā sabbā tūriyāni paggaṇhiṃsu, nānappakārāni naccagītāni pavattiṃsu . Yaso mahā ahosi, so yasamadamatto pitaraṃ na sari, dhammena rajjaṃ kāretvā yathākammaṃ gato. Bodhisattopi jhānābhiññā nibbattetvā āyupariyosāne brahmalokūpago ahosi.
сад̇т̇аа имам̣ д̇хаммад̣̇зсанам̣ аахарид̇ваа ‘‘на, бхигкавз, ид̣̇аанзва, буб̣б̣зби д̇ат̇ааг̇ад̇о махаабхинигкаманам̣ нигканд̇оязваа’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа бажжзгаб̣уд̣̇д̇хо бариниб̣б̣ааяи, буд̇д̇о раахулагумааро ахоси , сзсабарисаа б̣уд̣̇д̇хабарисаа, аринд̣̇амарааж̇аа бана ахамзва ахоси’’нд̇и.
Satthā imaṃ dhammadesanaṃ āharitvā ‘‘na, bhikkhave, idāneva, pubbepi tathāgato mahābhinikkhamanaṃ nikkhantoyevā’’ti vatvā jātakaṃ samodhānesi – ‘‘tadā paccekabuddho parinibbāyi, putto rāhulakumāro ahosi , sesaparisā buddhaparisā, arindamarājā pana ahameva ahosi’’nti.
сон̣агаж̇аад̇агаван̣н̣анаа батамаа.
Soṇakajātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 529. сон̣агаж̇аад̇агам̣ • 529. Soṇakajātakaṃ
