| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
3. сон̣агааяанасуд̇д̇ам̣
3. Soṇakāyanasuttaṃ
234. ат̇а ко сикаамог̇г̇аллаано б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко сикаамог̇г̇аллаано б̣раахман̣о бхаг̇аванд̇ам̣ зд̇ад̣̇авожа –
234. Atha kho sikhāmoggallāno brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho sikhāmoggallāno brāhmaṇo bhagavantaṃ etadavoca –
‘‘буримаани, бхо г̇од̇ама, д̣̇ивасаани буримад̇араани сон̣агааяано маан̣аво язнаахам̣ д̇знубасан̇гами; убасан̇гамид̇ваа мам̣ зд̇ад̣̇авожа – ‘саман̣о г̇од̇амо саб̣б̣агаммаанам̣ агирияам̣ бан̃н̃абзд̇и, саб̣б̣агаммаанам̣ ко бана агирияам̣ бан̃н̃абзнд̇о ужчзд̣̇ам̣ ааха логасса – гаммасажжааяам̣ 1, бхо, лого гаммасамаарамбхадтааяий’’’д̇и.
‘‘Purimāni, bho gotama, divasāni purimatarāni soṇakāyano māṇavo yenāhaṃ tenupasaṅkami; upasaṅkamitvā maṃ etadavoca – ‘samaṇo gotamo sabbakammānaṃ akiriyaṃ paññapeti, sabbakammānaṃ kho pana akiriyaṃ paññapento ucchedaṃ āha lokassa – kammasaccāyaṃ 2, bho, loko kammasamārambhaṭṭhāyī’’’ti.
‘‘д̣̇ассанамби ко ахам̣, б̣раахман̣а, сон̣агааяанасса маан̣авасса наабхиж̇аанаами; гуд̇о банзваруубо гат̇аасаллаабо! жад̇д̇ааримаани, б̣раахман̣а, гаммаани маяаа саяам̣ абхин̃н̃аа сажчигад̇ваа бавзд̣̇ид̇аани. гад̇амаани жад̇д̇аари? ад̇т̇и, б̣раахман̣а, гаммам̣ ган̣хам̣ ган̣хавибаагам̣; ад̇т̇и, б̣раахман̣а, гаммам̣ суггам̣ суггавибаагам̣; ад̇т̇и, б̣раахман̣а, гаммам̣ ган̣хасуггам̣ ган̣хасуггавибаагам̣; ад̇т̇и , б̣раахман̣а, гаммам̣ аган̣хаасуггам̣ аган̣хаасуггавибаагам̣ гаммагкаяааяа сам̣вад̇д̇ад̇и.
‘‘Dassanampi kho ahaṃ, brāhmaṇa, soṇakāyanassa māṇavassa nābhijānāmi; kuto panevarūpo kathāsallāpo! Cattārimāni, brāhmaṇa, kammāni mayā sayaṃ abhiññā sacchikatvā paveditāni. Katamāni cattāri? Atthi, brāhmaṇa, kammaṃ kaṇhaṃ kaṇhavipākaṃ; atthi, brāhmaṇa, kammaṃ sukkaṃ sukkavipākaṃ; atthi, brāhmaṇa, kammaṃ kaṇhasukkaṃ kaṇhasukkavipākaṃ; atthi , brāhmaṇa, kammaṃ akaṇhaasukkaṃ akaṇhaasukkavipākaṃ kammakkhayāya saṃvattati.
‘‘гад̇аман̃жа, б̣раахман̣а, гаммам̣ ган̣хам̣ ган̣хавибаагам̣? ид̇ха, б̣раахман̣а, згажжо саб̣яааб̣аж̇жхам̣ гааяасан̇каарам̣ абхисан̇карод̇и, саб̣яааб̣аж̇жхам̣ важийсан̇каарам̣ абхисан̇карод̇и, саб̣яааб̣аж̇жхам̣ маносан̇каарам̣ абхисан̇карод̇и. со саб̣яааб̣аж̇жхам̣ гааяасан̇каарам̣ абхисан̇карид̇ваа, саб̣яааб̣аж̇жхам̣ важийсан̇каарам̣ абхисан̇карид̇ваа, саб̣яааб̣аж̇жхам̣ маносан̇каарам̣ абхисан̇карид̇ваа саб̣яааб̣аж̇жхам̣ логам̣ убабаж̇ж̇ад̇и. д̇амзнам̣ саб̣яааб̣аж̇жхам̣ логам̣ убабаннам̣ самаанам̣ саб̣яааб̣аж̇жхаа пассаа пусанд̇и. со саб̣яааб̣аж̇жхзхи пассзхи пудто самаано саб̣яааб̣аж̇жхам̣ взд̣̇анам̣ взд̣̇ияад̇и зганд̇ад̣̇угкам̣, сзяяат̇ааби сад̇д̇аа нзраяигаа. ид̣̇ам̣ вужжад̇и, б̣раахман̣а, гаммам̣ ган̣хам̣ ган̣хавибаагам̣.
‘‘Katamañca, brāhmaṇa, kammaṃ kaṇhaṃ kaṇhavipākaṃ? Idha, brāhmaṇa, ekacco sabyābajjhaṃ kāyasaṅkhāraṃ abhisaṅkharoti, sabyābajjhaṃ vacīsaṅkhāraṃ abhisaṅkharoti, sabyābajjhaṃ manosaṅkhāraṃ abhisaṅkharoti. So sabyābajjhaṃ kāyasaṅkhāraṃ abhisaṅkharitvā, sabyābajjhaṃ vacīsaṅkhāraṃ abhisaṅkharitvā, sabyābajjhaṃ manosaṅkhāraṃ abhisaṅkharitvā sabyābajjhaṃ lokaṃ upapajjati. Tamenaṃ sabyābajjhaṃ lokaṃ upapannaṃ samānaṃ sabyābajjhā phassā phusanti. So sabyābajjhehi phassehi phuṭṭho samāno sabyābajjhaṃ vedanaṃ vediyati ekantadukkhaṃ, seyyathāpi sattā nerayikā. Idaṃ vuccati, brāhmaṇa, kammaṃ kaṇhaṃ kaṇhavipākaṃ.
‘‘гад̇аман̃жа , б̣раахман̣а, гаммам̣ суггам̣ суггавибаагам̣? ид̇ха, б̣раахман̣а, згажжо аб̣яааб̣аж̇жхам̣ гааяасан̇каарам̣ абхисан̇карод̇и, аб̣яааб̣аж̇жхам̣ важийсан̇каарам̣ абхисан̇карод̇и, аб̣яааб̣аж̇жхам̣ маносан̇каарам̣ абхисан̇карод̇и. со аб̣яааб̣аж̇жхам̣ гааяасан̇каарам̣ абхисан̇карид̇ваа, аб̣яааб̣аж̇жхам̣ важийсан̇каарам̣ абхисан̇карид̇ваа , аб̣яааб̣аж̇жхам̣ маносан̇каарам̣ абхисан̇карид̇ваа аб̣яааб̣аж̇жхам̣ логам̣ убабаж̇ж̇ад̇и. д̇амзнам̣ аб̣яааб̣аж̇жхам̣ логам̣ убабаннам̣ самаанам̣ аб̣яааб̣аж̇жхаа пассаа пусанд̇и. со аб̣яааб̣аж̇жхзхи пассзхи пудто самаано аб̣яааб̣аж̇жхам̣ взд̣̇анам̣ взд̣̇ияад̇и зганд̇асукам̣, сзяяат̇ааби д̣̇зваа субхагин̣хаа. ид̣̇ам̣ вужжад̇и, б̣раахман̣а, гаммам̣ суггам̣ суггавибаагам̣.
‘‘Katamañca , brāhmaṇa, kammaṃ sukkaṃ sukkavipākaṃ? Idha, brāhmaṇa, ekacco abyābajjhaṃ kāyasaṅkhāraṃ abhisaṅkharoti, abyābajjhaṃ vacīsaṅkhāraṃ abhisaṅkharoti, abyābajjhaṃ manosaṅkhāraṃ abhisaṅkharoti. So abyābajjhaṃ kāyasaṅkhāraṃ abhisaṅkharitvā, abyābajjhaṃ vacīsaṅkhāraṃ abhisaṅkharitvā , abyābajjhaṃ manosaṅkhāraṃ abhisaṅkharitvā abyābajjhaṃ lokaṃ upapajjati. Tamenaṃ abyābajjhaṃ lokaṃ upapannaṃ samānaṃ abyābajjhā phassā phusanti. So abyābajjhehi phassehi phuṭṭho samāno abyābajjhaṃ vedanaṃ vediyati ekantasukhaṃ, seyyathāpi devā subhakiṇhā. Idaṃ vuccati, brāhmaṇa, kammaṃ sukkaṃ sukkavipākaṃ.
‘‘гад̇аман̃жа, б̣раахман̣а, гаммам̣ ган̣хасуггам̣ ган̣хасуггавибаагам̣? ид̇ха, б̣раахман̣а, згажжо саб̣яааб̣аж̇жхамби аб̣яааб̣аж̇жхамби гааяасан̇каарам̣ абхисан̇карод̇и, саб̣яааб̣аж̇жхамби аб̣яааб̣аж̇жхамби важийсан̇каарам̣ абхисан̇карод̇и, саб̣яааб̣аж̇жхамби аб̣яааб̣аж̇жхамби маносан̇каарам̣ абхисан̇карод̇и. со саб̣яааб̣аж̇жхамби аб̣яааб̣аж̇жхамби гааяасан̇каарам̣ абхисан̇карид̇ваа, саб̣яааб̣аж̇жхамби аб̣яааб̣аж̇жхамби важийсан̇каарам̣ абхисан̇карид̇ваа, саб̣яааб̣аж̇жхамби аб̣яааб̣аж̇жхамби маносан̇каарам̣ абхисан̇карид̇ваа саб̣яааб̣аж̇жхамби аб̣яааб̣аж̇жхамби логам̣ убабаж̇ж̇ад̇и. д̇амзнам̣ саб̣яааб̣аж̇жхамби аб̣яааб̣аж̇жхамби логам̣ убабаннам̣ самаанам̣ саб̣яааб̣аж̇жхааби аб̣яааб̣аж̇жхааби пассаа пусанд̇и. со саб̣яааб̣аж̇жхзхиби аб̣яааб̣аж̇жхзхиби пассзхи пудто самаано саб̣яааб̣аж̇жхамби аб̣яааб̣аж̇жхамби взд̣̇анам̣ взд̣̇ияад̇и вогин̣н̣асукад̣̇угкам̣, сзяяат̇ааби мануссаа згажжз жа д̣̇зваа згажжз жа винибаад̇игаа. ид̣̇ам̣ вужжад̇и, б̣раахман̣а, гаммам̣ ган̣хасуггам̣ ган̣хасуггавибаагам̣.
‘‘Katamañca, brāhmaṇa, kammaṃ kaṇhasukkaṃ kaṇhasukkavipākaṃ? Idha, brāhmaṇa, ekacco sabyābajjhampi abyābajjhampi kāyasaṅkhāraṃ abhisaṅkharoti, sabyābajjhampi abyābajjhampi vacīsaṅkhāraṃ abhisaṅkharoti, sabyābajjhampi abyābajjhampi manosaṅkhāraṃ abhisaṅkharoti. So sabyābajjhampi abyābajjhampi kāyasaṅkhāraṃ abhisaṅkharitvā, sabyābajjhampi abyābajjhampi vacīsaṅkhāraṃ abhisaṅkharitvā, sabyābajjhampi abyābajjhampi manosaṅkhāraṃ abhisaṅkharitvā sabyābajjhampi abyābajjhampi lokaṃ upapajjati. Tamenaṃ sabyābajjhampi abyābajjhampi lokaṃ upapannaṃ samānaṃ sabyābajjhāpi abyābajjhāpi phassā phusanti. So sabyābajjhehipi abyābajjhehipi phassehi phuṭṭho samāno sabyābajjhampi abyābajjhampi vedanaṃ vediyati vokiṇṇasukhadukkhaṃ, seyyathāpi manussā ekacce ca devā ekacce ca vinipātikā. Idaṃ vuccati, brāhmaṇa, kammaṃ kaṇhasukkaṃ kaṇhasukkavipākaṃ.
‘‘гад̇аман̃жа, б̣раахман̣а, гаммам̣ аган̣хаасуггам̣ аган̣хаасуггавибаагам̣ гаммагкаяааяа сам̣вад̇д̇ад̇и? д̇ад̇ра, б̣раахман̣а, яамид̣̇ам̣ гаммам̣ ган̣хам̣ ган̣хавибаагам̣ д̇асса бахаанааяа яаа жзд̇анаа, яамид̣̇ам̣ гаммам̣ суггам̣ суггавибаагам̣ д̇асса бахаанааяа яаа жзд̇анаа, яамид̣̇ам̣ гаммам̣ ган̣хасуггам̣ ган̣хасуггавибаагам̣ д̇асса бахаанааяа яаа жзд̇анаа – ид̣̇ам̣ вужжад̇и, б̣раахман̣а, гаммам̣ аган̣хаасуггам̣ аган̣хаасуггавибаагам̣ гаммагкаяааяа сам̣вад̇д̇ад̇и. имаани ко, б̣раахман̣а, жад̇д̇аари гаммаани маяаа саяам̣ абхин̃н̃аа сажчигад̇ваа бавзд̣̇ид̇ааний’’д̇и. д̇ад̇ияам̣.
‘‘Katamañca, brāhmaṇa, kammaṃ akaṇhaasukkaṃ akaṇhaasukkavipākaṃ kammakkhayāya saṃvattati? Tatra, brāhmaṇa, yamidaṃ kammaṃ kaṇhaṃ kaṇhavipākaṃ tassa pahānāya yā cetanā, yamidaṃ kammaṃ sukkaṃ sukkavipākaṃ tassa pahānāya yā cetanā, yamidaṃ kammaṃ kaṇhasukkaṃ kaṇhasukkavipākaṃ tassa pahānāya yā cetanā – idaṃ vuccati, brāhmaṇa, kammaṃ akaṇhaasukkaṃ akaṇhaasukkavipākaṃ kammakkhayāya saṃvattati. Imāni kho, brāhmaṇa, cattāri kammāni mayā sayaṃ abhiññā sacchikatvā paveditānī’’ti. Tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. сон̣агааяанасуд̇д̇аван̣н̣анаа • 3. Soṇakāyanasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3-9. сон̣агааяанасуд̇д̇аад̣̇иван̣н̣анаа • 3-9. Soṇakāyanasuttādivaṇṇanā
