| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
5. жаммагканд̇хаго
5. Cammakkhandhako
сон̣агол̣ивисагат̇аад̣̇иван̣н̣анаа
Soṇakoḷivisakathādivaṇṇanā
242. жаммагканд̇хагз ун̣н̣абаавааран̣анд̇и убхад̇о ломаани удтаабзд̇ваа гад̇ам̣ ун̣н̣амаяам̣ баавааран̣ам̣, убхад̇о габбаасабижум̣ удтаабзд̇ваа вийд̇абааваароби ад̇т̇и, д̇ад̇о нивад̇д̇анад̇т̇ам̣ ‘‘ун̣н̣абаавааран̣а’’нд̇и вуд̇д̇ам̣.
242. Cammakkhandhake uṇṇapāvāraṇanti ubhato lomāni uṭṭhāpetvā kataṃ uṇṇamayaṃ pāvāraṇaṃ, ubhato kappāsapicuṃ uṭṭhāpetvā vītapāvāropi atthi, tato nivattanatthaṃ ‘‘uṇṇapāvāraṇa’’nti vuttaṃ.
ад̣дхажанд̣̇абаасаан̣зд̇и собаанамуулз убад̣дхам̣ анд̇о бавзсзд̇ваа табид̇з ад̣дхабаасаан̣з. баал̣ияам̣ вихаарабажчааяааяанд̇и вихаарабажжанд̇з чааяааяа, вихаарасса вад̣дхамаанажчааяааяанд̇иби вад̣̇анд̇и.
Aḍḍhacandapāsāṇeti sopānamūle upaḍḍhaṃ anto pavesetvā ṭhapite aḍḍhapāsāṇe. Pāḷiyaṃ vihārapacchāyāyanti vihārapaccante chāyāya, vihārassa vaḍḍhamānacchāyāyantipi vadanti.
243. бхог̇аад̇и убаяог̇ад̇т̇з бажжад̇д̇аважанам̣. ажжааяад̇аад̇и ад̇иааяад̇аа карамужчанаа. саравад̇ийд̇и мад̇хурасарасам̣яуд̇д̇аа. ад̇исит̇илаа манд̣̇амужчанаа. вийрияасамат̇анд̇и вийрияасамбаяуд̇д̇асамат̇ам̣. д̇ад̇т̇а жа нимид̇д̇ам̣ г̇ан̣хаахийд̇и д̇асмин̃жа самабхаавз сад̇и яам̣ аад̣̇аасз муканимид̇д̇ам̣ вияа нимид̇д̇ам̣ уббаж̇ж̇ад̇и, д̇ам̣ самат̇анимид̇д̇ам̣, вибассанаанимид̇д̇ам̣, маг̇г̇анимид̇д̇ам̣, паланимид̇д̇ан̃жа г̇ан̣хаахи ниб̣б̣ад̇д̇зхийд̇и, звамасса арахад̇д̇абарияосаанам̣ гаммадтаанам̣ гат̇ид̇ам̣.
243.Bhogāti upayogatthe paccattavacanaṃ. Accāyatāti atiāyatā kharamucchanā. Saravatīti madhurasarasaṃyuttā. Atisithilā mandamucchanā. Vīriyasamathanti vīriyasampayuttasamathaṃ. Tattha ca nimittaṃ gaṇhāhīti tasmiñca samabhāve sati yaṃ ādāse mukhanimittaṃ viya nimittaṃ uppajjati, taṃ samathanimittaṃ, vipassanānimittaṃ, magganimittaṃ, phalanimittañca gaṇhāhi nibbattehīti, evamassa arahattapariyosānaṃ kammaṭṭhānaṃ kathitaṃ.
244. чатаанаанийд̇и ча гааран̣аани. ад̇химуд̇д̇од̇и бадивиж̇жхид̇ваа тид̇о. нзгкаммаад̇химуд̇д̇од̇иаад̣̇и саб̣б̣ам̣ арахад̇д̇авасзна вуд̇д̇ам̣. арахад̇д̇ан̃хи саб̣б̣агилзсзхи нигканд̇ад̇д̇аа нзгкаммам̣, д̇зхзва жа бавивид̇д̇ад̇д̇аа бавивзго, б̣яаабаж̇ж̇аабхаавад̇о аб̣яаабаж̇ж̇ам̣, убаад̣̇аанасса каяанд̇з уббаннад̇д̇аа убаад̣̇аанагкаяо, д̇ан̣хагкаяанд̇з уббаннад̇д̇аа д̇ан̣хагкаяо, саммохаабхаавад̇о асаммоход̇и жа вужжад̇и.
244.Chaṭhānānīti cha kāraṇāni. Adhimuttoti paṭivijjhitvā ṭhito. Nekkhammādhimuttotiādi sabbaṃ arahattavasena vuttaṃ. Arahattañhi sabbakilesehi nikkhantattā nekkhammaṃ, teheva ca pavivittattā paviveko, byāpajjābhāvato abyāpajjaṃ, upādānassa khayante uppannattā upādānakkhayo, taṇhakkhayante uppannattā taṇhakkhayo, sammohābhāvato asammohoti ca vuccati.
гзвалам̣ сад̣̇д̇хаамад̇д̇аганд̇и гзвалам̣ бадивзд̇хабан̃н̃ааяа асаммиссам̣ сад̣̇д̇хаамад̇д̇агам̣. бадижаяанд̇и бунаббунам̣ гаран̣зна вад̣дхим̣. вийд̇арааг̇ад̇д̇аад̇и маг̇г̇абадивзд̇хзна рааг̇асса виг̇ад̇ад̇д̇аа зва нзгкаммасан̇каад̇ам̣ арахад̇д̇ам̣ бадивиж̇жхид̇ваа сажчигад̇ваа тид̇о ход̇и. сзсабад̣̇зсуби зсзва наяо. бавивзгаад̇химуд̇д̇од̇и ‘‘бавивзгз ад̇химуд̇д̇о аха’’нд̇и звам̣ арахад̇д̇ам̣ б̣яаагарод̇ийд̇и ад̇т̇о.
Kevalaṃ saddhāmattakanti kevalaṃ paṭivedhapaññāya asammissaṃ saddhāmattakaṃ. Paṭicayanti punappunaṃ karaṇena vaḍḍhiṃ. Vītarāgattāti maggapaṭivedhena rāgassa vigatattā eva nekkhammasaṅkhātaṃ arahattaṃ paṭivijjhitvā sacchikatvā ṭhito hoti. Sesapadesupi eseva nayo. Pavivekādhimuttoti ‘‘paviveke adhimutto aha’’nti evaṃ arahattaṃ byākarotīti attho.
сийлаб̣б̣ад̇абараамаасанд̇и сийлан̃жа вад̇ан̃жа бараамасид̇ваа г̇ахид̇аг̇г̇ахан̣амад̇д̇ам̣. саарад̇о бажжааг̇ажчанд̇од̇и саарабхаавзна ж̇аананд̇о. аб̣яаабаж̇ж̇аад̇химуд̇д̇од̇и аб̣яаабаж̇ж̇ам̣ арахад̇д̇ам̣ б̣яаагарод̇и.
Sīlabbataparāmāsanti sīlañca vatañca parāmasitvā gahitaggahaṇamattaṃ. Sārato paccāgacchantoti sārabhāvena jānanto. Abyāpajjādhimuttoti abyāpajjaṃ arahattaṃ byākaroti.
амиссийгад̇анд̇и амиссагад̇ам̣. гилзсаа хи аарамман̣зна сад̣̇д̇хим̣ жид̇д̇ам̣ миссам̣ гаронд̇и, д̇зсам̣ абхааваа амиссийгад̇ам̣. бхусаа ваад̇авудтийд̇и б̣алававаад̇агканд̇хо.
Amissīkatanti amissakataṃ. Kilesā hi ārammaṇena saddhiṃ cittaṃ missaṃ karonti, tesaṃ abhāvā amissīkataṃ. Bhusā vātavuṭṭhīti balavavātakkhandho.
убаад̣̇аанагкаяасса жаад̇и убаяог̇ад̇т̇з саамиважанам̣. д̣̇исваа ааяад̇ануббаад̣̇анд̇и жагкаад̣̇иааяад̇анаанам̣ уббаад̣̇ан̃жа ваяан̃жа д̣̇исваа. жид̇д̇ам̣ вимужжад̇ийд̇и имааяа вибассанаабадибад̇д̇ияаа паласамаабад̇д̇ивасзна жид̇д̇ам̣ вимужжад̇и.
Upādānakkhayassa cāti upayogatthe sāmivacanaṃ. Disvā āyatanuppādanti cakkhādiāyatanānaṃ uppādañca vayañca disvā. Cittaṃ vimuccatīti imāya vipassanāpaṭipattiyā phalasamāpattivasena cittaṃ vimuccati.
сон̣агол̣ивисагат̇аад̣̇иван̣н̣анаа нидтид̇аа.
Soṇakoḷivisakathādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 147. сон̣агол̣ивисавад̇т̇у • 147. Soṇakoḷivisavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā
сон̣агол̣ивисавад̇т̇угат̇аа • Soṇakoḷivisavatthukathā
сон̣асса баб̣б̣аж̇ж̇аагат̇аа • Soṇassa pabbajjākathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
сон̣агол̣ивисавад̇т̇угат̇ааван̣н̣анаа • Soṇakoḷivisavatthukathāvaṇṇanā
сон̣асса баб̣б̣аж̇ж̇аагат̇ааван̣н̣анаа • Soṇassa pabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
сон̣агол̣ивисавад̇т̇угат̇ааван̣н̣анаа • Soṇakoḷivisavatthukathāvaṇṇanā
сон̣ассабаб̣б̣аж̇ж̇аагат̇ааван̣н̣анаа • Soṇassapabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 147. сон̣агол̣ивисавад̇т̇угат̇аа • 147. Soṇakoḷivisavatthukathā
