| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
2. сон̣агол̣ивисад̇т̇зраабад̣̇аанаван̣н̣анаа
2. Soṇakoḷivisattheraapadānavaṇṇanā
аномад̣̇ассисса мунинод̇иаад̣̇игам̣ ааяасмад̇о гол̣ивисад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о аномад̣̇ассисса бхаг̇авад̇о гаалз згасмим̣ гулаг̇зхз ниб̣б̣ад̇д̇о ваяаббад̇д̇о буд̇д̇ад̣̇аарзхи вад̣дхид̇о вибхавасамбанно бхаг̇авад̇о жан̇гаманад̇т̇ааяа собханам̣ жан̇гамам̣ гаарзд̇ваа суд̇хаабаригаммам̣ гаарзд̇ваа аад̣̇аасад̇аламива самам̣ виж̇ж̇од̇амаанам̣ гад̇ваа д̣̇ийбад̇хуубабубпаад̣̇ийхи саж̇ж̇зд̇ваа бхаг̇авад̇о нияяаад̣̇зд̇ваа б̣уд̣̇д̇хаббамукам̣ бхигкусан̇гхам̣ бан̣ийд̇знаахаарзна бууж̇зси. со звам̣ яааваж̇ийвам̣ бун̃н̃аани гад̇ваа д̇ад̇о жавид̇ваа д̣̇звалогз ниб̣б̣ад̇д̇о. д̇ад̇т̇а баал̣ияаа вуд̇д̇анаязна д̣̇иб̣б̣асамбад̇д̇им̣ анубхавид̇ваа анд̇араа оггаагагулаббасуд̇од̇и д̇ам̣ саб̣б̣ам̣ баал̣ияаа вуд̇д̇аанусаарзна взд̣̇ид̇аб̣б̣ам̣. бажчимабхавз бана голияарааж̇авам̣сз ж̇аад̇о ваяаббад̇д̇о годиаг̇гханагасса ган̣н̣абил̣анд̇ханасса д̇хаарид̇ад̇д̇аа годиган̣н̣од̇и, гудиган̣н̣од̇и жа баагадо ахоси. со бхаг̇авад̇и басанно д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа вибассанам̣ вад̣дхзд̇ваа нажирассзва арахад̇д̇ам̣ баабун̣и.
Anomadassissamuninotiādikaṃ āyasmato koḷivisattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto anomadassissa bhagavato kāle ekasmiṃ kulagehe nibbatto vayappatto puttadārehi vaḍḍhito vibhavasampanno bhagavato caṅkamanatthāya sobhanaṃ caṅkamaṃ kāretvā sudhāparikammaṃ kāretvā ādāsatalamiva samaṃ vijjotamānaṃ katvā dīpadhūpapupphādīhi sajjetvā bhagavato niyyādetvā buddhappamukhaṃ bhikkhusaṅghaṃ paṇītenāhārena pūjesi. So evaṃ yāvajīvaṃ puññāni katvā tato cavitvā devaloke nibbatto. Tattha pāḷiyā vuttanayena dibbasampattiṃ anubhavitvā antarā okkākakulappasutoti taṃ sabbaṃ pāḷiyā vuttānusārena veditabbaṃ. Pacchimabhave pana koliyarājavaṃse jāto vayappatto koṭiagghanakassa kaṇṇapiḷandhanassa dhāritattā koṭikaṇṇoti, kuṭikaṇṇoti ca pākaṭo ahosi. So bhagavati pasanno dhammaṃ sutvā paṭiladdhasaddho pabbajitvā vipassanaṃ vaḍḍhetvā nacirasseva arahattaṃ pāpuṇi.
25. со арахаа худ̇ваа ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о аномад̣̇ассисса мунинод̇иаад̣̇имааха. д̇ад̇т̇а аномад̣̇ассиссаад̇и аномам̣ алаамагам̣ сунд̣̇арам̣ д̣̇ассанам̣ д̣̇вад̇д̇им̣самахаабурисалагкан̣абадиман̣д̣ид̇ад̇д̇аа б̣яаамаббабхааман̣д̣алобасобхид̇ад̇д̇аа аарохабарин̣аахзна саманнааг̇ад̇ад̇д̇аа жа д̣̇ассанийяам̣ сарийрам̣ яасса бхаг̇авад̇о со аномад̣̇ассий, д̇асса аномад̣̇ассисса мунинод̇и ад̇т̇о. д̇аад̣̇инод̇и идтаанидтзсу агамбияасабхаавасса. суд̇хааяа лзбанам̣ гад̇ваад̇и суд̇хааяа авалид̇д̇ам̣ гад̇ваа д̣̇ийбад̇хуубабубпад̇хаж̇абадаагаад̣̇ийхи жа алан̇гад̇ам̣ жан̇гамам̣ гаараяим̣ агаасинд̇и ад̇т̇о. сзсаг̇аат̇аанам̣ ад̇т̇о баал̣ияаа анусаарзна сувин̃н̃зяяова.
25. So arahā hutvā attano pubbakammaṃ saritvā somanassajāto pubbacaritāpadānaṃ pakāsento anomadassissa muninotiādimāha. Tattha anomadassissāti anomaṃ alāmakaṃ sundaraṃ dassanaṃ dvattiṃsamahāpurisalakkhaṇapaṭimaṇḍitattā byāmappabhāmaṇḍalopasobhitattā ārohapariṇāhena samannāgatattā ca dassanīyaṃ sarīraṃ yassa bhagavato so anomadassī, tassa anomadassissa muninoti attho. Tādinoti iṭṭhāniṭṭhesu akampiyasabhāvassa. Sudhāya lepanaṃ katvāti sudhāya avalittaṃ katvā dīpadhūpapupphadhajapaṭākādīhi ca alaṅkataṃ caṅkamaṃ kārayiṃ akāsinti attho. Sesagāthānaṃ attho pāḷiyā anusārena suviññeyyova.
35. бариваарасамбад̇д̇ид̇ханасамбад̇д̇исан̇каад̇ам̣ яасам̣ д̇хаарзд̇ийд̇и яасод̇харо, саб̣б̣з зд̇з сад̇д̇асад̇д̇ад̇ижаггавад̇д̇ирааж̇аано яасод̇харанаамзна зганаамагаад̇и самб̣анд̇хо.
35. Parivārasampattidhanasampattisaṅkhātaṃ yasaṃ dhāretīti yasodharo, sabbe ete sattasattaticakkavattirājāno yasodharanāmena ekanāmakāti sambandho.
52. ан̇г̇ийрасод̇и ан̇г̇ад̇о сарийрад̇о ниг̇г̇ад̇аа расми яасса со ан̇г̇ийрасо, чанд̣̇ад̣̇осамохабхаяааг̇ад̇ийхи ваа баабаажааравасзна ваа жад̇ураабааяам̣ на г̇ажчад̇ийд̇и нааг̇о, маханд̇о бууж̇ид̇о жа со нааг̇о жзд̇и махаанааг̇о. сзсам̣ уд̇д̇аанад̇т̇амзваад̇и.
52.Aṅgīrasoti aṅgato sarīrato niggatā rasmi yassa so aṅgīraso, chandadosamohabhayāgatīhi vā pāpācāravasena vā caturāpāyaṃ na gacchatīti nāgo, mahanto pūjito ca so nāgo ceti mahānāgo. Sesaṃ uttānatthamevāti.
гол̣ивисад̇т̇зраабад̣̇аанаван̣н̣анаа самад̇д̇аа.
Koḷivisattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 2. сон̣агол̣ивисад̇т̇зраабад̣̇аанам̣ • 2. Soṇakoḷivisattheraapadānaṃ
