| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੨. ਸੋਣਕੋਲ਼ਿવਿਸਤ੍ਥੇਰਅਪਦਾਨવਣ੍ਣਨਾ
2. Soṇakoḷivisattheraapadānavaṇṇanā
ਅਨੋਮਦਸ੍ਸਿਸ੍ਸ ਮੁਨਿਨੋਤਿਆਦਿਕਂ ਆਯਸ੍ਮਤੋ ਕੋਲ਼ਿવਿਸਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਅਨੋਮਦਸ੍ਸਿਸ੍ਸ ਭਗવਤੋ ਕਾਲੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વਯਪ੍ਪਤ੍ਤੋ ਪੁਤ੍ਤਦਾਰੇਹਿ વਡ੍ਢਿਤੋ વਿਭવਸਮ੍ਪਨ੍ਨੋ ਭਗવਤੋ ਚਙ੍ਕਮਨਤ੍ਥਾਯ ਸੋਭਨਂ ਚਙ੍ਕਮਂ ਕਾਰੇਤ੍વਾ ਸੁਧਾਪਰਿਕਮ੍ਮਂ ਕਾਰੇਤ੍વਾ ਆਦਾਸਤਲਮਿવ ਸਮਂ વਿਜ੍ਜੋਤਮਾਨਂ ਕਤ੍વਾ ਦੀਪਧੂਪਪੁਪ੍ਫਾਦੀਹਿ ਸਜ੍ਜੇਤ੍વਾ ਭਗવਤੋ ਨਿਯ੍ਯਾਦੇਤ੍વਾ ਬੁਦ੍ਧਪ੍ਪਮੁਖਂ ਭਿਕ੍ਖੁਸਙ੍ਘਂ ਪਣੀਤੇਨਾਹਾਰੇਨ ਪੂਜੇਸਿ। ਸੋ ਏવਂ ਯਾવਜੀવਂ ਪੁਞ੍ਞਾਨਿ ਕਤ੍વਾ ਤਤੋ ਚવਿਤ੍વਾ ਦੇવਲੋਕੇ ਨਿਬ੍ਬਤ੍ਤੋ। ਤਤ੍ਥ ਪਾਲ਼ਿਯਾ વੁਤ੍ਤਨਯੇਨ ਦਿਬ੍ਬਸਮ੍ਪਤ੍ਤਿਂ ਅਨੁਭવਿਤ੍વਾ ਅਨ੍ਤਰਾ ਓਕ੍ਕਾਕਕੁਲਪ੍ਪਸੁਤੋਤਿ ਤਂ ਸਬ੍ਬਂ ਪਾਲ਼ਿਯਾ વੁਤ੍ਤਾਨੁਸਾਰੇਨ વੇਦਿਤਬ੍ਬਂ। ਪਚ੍ਛਿਮਭવੇ ਪਨ ਕੋਲਿਯਰਾਜવਂਸੇ ਜਾਤੋ વਯਪ੍ਪਤ੍ਤੋ ਕੋਟਿਅਗ੍ਘਨਕਸ੍ਸ ਕਣ੍ਣਪਿਲ਼ਨ੍ਧਨਸ੍ਸ ਧਾਰਿਤਤ੍ਤਾ ਕੋਟਿਕਣ੍ਣੋਤਿ, ਕੁਟਿਕਣ੍ਣੋਤਿ ਚ ਪਾਕਟੋ ਅਹੋਸਿ। ਸੋ ਭਗવਤਿ ਪਸਨ੍ਨੋ ਧਮ੍ਮਂ ਸੁਤ੍વਾ ਪਟਿਲਦ੍ਧਸਦ੍ਧੋ ਪਬ੍ਬਜਿਤ੍વਾ વਿਪਸ੍ਸਨਂ વਡ੍ਢੇਤ੍વਾ ਨਚਿਰਸ੍ਸੇવ ਅਰਹਤ੍ਤਂ ਪਾਪੁਣਿ।
Anomadassissamuninotiādikaṃ āyasmato koḷivisattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto anomadassissa bhagavato kāle ekasmiṃ kulagehe nibbatto vayappatto puttadārehi vaḍḍhito vibhavasampanno bhagavato caṅkamanatthāya sobhanaṃ caṅkamaṃ kāretvā sudhāparikammaṃ kāretvā ādāsatalamiva samaṃ vijjotamānaṃ katvā dīpadhūpapupphādīhi sajjetvā bhagavato niyyādetvā buddhappamukhaṃ bhikkhusaṅghaṃ paṇītenāhārena pūjesi. So evaṃ yāvajīvaṃ puññāni katvā tato cavitvā devaloke nibbatto. Tattha pāḷiyā vuttanayena dibbasampattiṃ anubhavitvā antarā okkākakulappasutoti taṃ sabbaṃ pāḷiyā vuttānusārena veditabbaṃ. Pacchimabhave pana koliyarājavaṃse jāto vayappatto koṭiagghanakassa kaṇṇapiḷandhanassa dhāritattā koṭikaṇṇoti, kuṭikaṇṇoti ca pākaṭo ahosi. So bhagavati pasanno dhammaṃ sutvā paṭiladdhasaddho pabbajitvā vipassanaṃ vaḍḍhetvā nacirasseva arahattaṃ pāpuṇi.
੨੫. ਸੋ ਅਰਹਾ ਹੁਤ੍વਾ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਅਨੋਮਦਸ੍ਸਿਸ੍ਸ ਮੁਨਿਨੋਤਿਆਦਿਮਾਹ। ਤਤ੍ਥ ਅਨੋਮਦਸ੍ਸਿਸ੍ਸਾਤਿ ਅਨੋਮਂ ਅਲਾਮਕਂ ਸੁਨ੍ਦਰਂ ਦਸ੍ਸਨਂ ਦ੍વਤ੍ਤਿਂਸਮਹਾਪੁਰਿਸਲਕ੍ਖਣਪਟਿਮਣ੍ਡਿਤਤ੍ਤਾ ਬ੍ਯਾਮਪ੍ਪਭਾਮਣ੍ਡਲੋਪਸੋਭਿਤਤ੍ਤਾ ਆਰੋਹਪਰਿਣਾਹੇਨ ਸਮਨ੍ਨਾਗਤਤ੍ਤਾ ਚ ਦਸ੍ਸਨੀਯਂ ਸਰੀਰਂ ਯਸ੍ਸ ਭਗવਤੋ ਸੋ ਅਨੋਮਦਸ੍ਸੀ, ਤਸ੍ਸ ਅਨੋਮਦਸ੍ਸਿਸ੍ਸ ਮੁਨਿਨੋਤਿ ਅਤ੍ਥੋ। ਤਾਦਿਨੋਤਿ ਇਟ੍ਠਾਨਿਟ੍ਠੇਸੁ ਅਕਮ੍ਪਿਯਸਭਾવਸ੍ਸ। ਸੁਧਾਯ ਲੇਪਨਂ ਕਤ੍વਾਤਿ ਸੁਧਾਯ ਅવਲਿਤ੍ਤਂ ਕਤ੍વਾ ਦੀਪਧੂਪਪੁਪ੍ਫਧਜਪਟਾਕਾਦੀਹਿ ਚ ਅਲਙ੍ਕਤਂ ਚਙ੍ਕਮਂ ਕਾਰਯਿਂ ਅਕਾਸਿਨ੍ਤਿ ਅਤ੍ਥੋ। ਸੇਸਗਾਥਾਨਂ ਅਤ੍ਥੋ ਪਾਲ਼ਿਯਾ ਅਨੁਸਾਰੇਨ ਸੁવਿਞ੍ਞੇਯ੍ਯੋવ।
25. So arahā hutvā attano pubbakammaṃ saritvā somanassajāto pubbacaritāpadānaṃ pakāsento anomadassissa muninotiādimāha. Tattha anomadassissāti anomaṃ alāmakaṃ sundaraṃ dassanaṃ dvattiṃsamahāpurisalakkhaṇapaṭimaṇḍitattā byāmappabhāmaṇḍalopasobhitattā ārohapariṇāhena samannāgatattā ca dassanīyaṃ sarīraṃ yassa bhagavato so anomadassī, tassa anomadassissa muninoti attho. Tādinoti iṭṭhāniṭṭhesu akampiyasabhāvassa. Sudhāya lepanaṃ katvāti sudhāya avalittaṃ katvā dīpadhūpapupphadhajapaṭākādīhi ca alaṅkataṃ caṅkamaṃ kārayiṃ akāsinti attho. Sesagāthānaṃ attho pāḷiyā anusārena suviññeyyova.
੩੫. ਪਰਿવਾਰਸਮ੍ਪਤ੍ਤਿਧਨਸਮ੍ਪਤ੍ਤਿਸਙ੍ਖਾਤਂ ਯਸਂ ਧਾਰੇਤੀਤਿ ਯਸੋਧਰੋ, ਸਬ੍ਬੇ ਏਤੇ ਸਤ੍ਤਸਤ੍ਤਤਿਚਕ੍ਕવਤ੍ਤਿਰਾਜਾਨੋ ਯਸੋਧਰਨਾਮੇਨ ਏਕਨਾਮਕਾਤਿ ਸਮ੍ਬਨ੍ਧੋ।
35. Parivārasampattidhanasampattisaṅkhātaṃ yasaṃ dhāretīti yasodharo, sabbe ete sattasattaticakkavattirājāno yasodharanāmena ekanāmakāti sambandho.
੫੨. ਅਙ੍ਗੀਰਸੋਤਿ ਅਙ੍ਗਤੋ ਸਰੀਰਤੋ ਨਿਗ੍ਗਤਾ ਰਸ੍ਮਿ ਯਸ੍ਸ ਸੋ ਅਙ੍ਗੀਰਸੋ, ਛਨ੍ਦਦੋਸਮੋਹਭਯਾਗਤੀਹਿ વਾ ਪਾਪਾਚਾਰવਸੇਨ વਾ ਚਤੁਰਾਪਾਯਂ ਨ ਗਚ੍ਛਤੀਤਿ ਨਾਗੋ, ਮਹਨ੍ਤੋ ਪੂਜਿਤੋ ਚ ਸੋ ਨਾਗੋ ਚੇਤਿ ਮਹਾਨਾਗੋ। ਸੇਸਂ ਉਤ੍ਤਾਨਤ੍ਥਮੇવਾਤਿ।
52.Aṅgīrasoti aṅgato sarīrato niggatā rasmi yassa so aṅgīraso, chandadosamohabhayāgatīhi vā pāpācāravasena vā caturāpāyaṃ na gacchatīti nāgo, mahanto pūjito ca so nāgo ceti mahānāgo. Sesaṃ uttānatthamevāti.
ਕੋਲ਼ਿવਿਸਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Koḷivisattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੨. ਸੋਣਕੋਲ਼ਿવਿਸਤ੍ਥੇਰਅਪਦਾਨਂ • 2. Soṇakoḷivisattheraapadānaṃ
