| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
13. д̇зрасанибаад̇о
13. Terasanipāto
1. сон̣агол̣ивисад̇т̇зраг̇аат̇ааван̣н̣анаа
1. Soṇakoḷivisattheragāthāvaṇṇanā
д̇зрасанибаад̇з яааху радтзд̇иаад̣̇игаа ааяасмад̇о сон̣асса гол̣ивисасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажини. аяам̣ гира аномад̣̇ассисса бхаг̇авад̇о гаалз махаавибхаво сздти худ̇ваа убаасагзхи сад̣̇д̇хим̣ вихаарам̣ г̇анд̇ваа сад̇т̇у санд̇игз д̇хаммам̣ суд̇ваа басаннамаанасо сад̇т̇у жан̇гаманадтаанз суд̇хааяа баригаммам̣ гаарзд̇ваа наанааван̣н̣зхи бубпзхи сант̇арид̇ваа убари наанаавирааг̇авад̇т̇зхи вид̇аанам̣ б̣анд̇хаабзси, д̇ат̇аа сад̇т̇у бхигкусан̇гхасса жа д̣̇ийгхасаалам̣ гаарзд̇ваа нияяаад̣̇зси. со д̇зна бун̃н̃агаммзна д̣̇звамануссзсу сам̣саранд̇о бад̣̇умуд̇д̇арасса бхаг̇авад̇о гаалз хам̣савад̇ийнаг̇арз сздтигулз ниб̣б̣ад̇д̇и, сиривад̣дход̇исса наамам̣ ахоси. со ваяаббад̇д̇о вихаарам̣ г̇анд̇ваа сад̇т̇у санд̇игз д̇хаммам̣ сун̣анд̇о сад̇т̇аарам̣ згам̣ бхигкум̣ аарад̣̇д̇хавийрияаанам̣ аг̇г̇адтаанз табзнд̇ам̣ д̣̇исваа, саяамби д̇ам̣ таананд̇арам̣ бад̇т̇знд̇о сад̇д̇аахам̣ махаад̣̇аанам̣ бавад̇д̇зд̇ваа бан̣ид̇хаанамагааси. сад̇т̇ааби д̇асса бад̇т̇анааяа самиж̇жханабхаавам̣ д̣̇исваа б̣яаагарид̇ваа баггаами.
Terasanipāte yāhu raṭṭhetiādikā āyasmato soṇassa koḷivisassa gāthā. Kā uppatti? Ayampi purimabuddhesu katādhikāro tattha tattha bhave puññāni upacini. Ayaṃ kira anomadassissa bhagavato kāle mahāvibhavo seṭṭhi hutvā upāsakehi saddhiṃ vihāraṃ gantvā satthu santike dhammaṃ sutvā pasannamānaso satthu caṅkamanaṭṭhāne sudhāya parikammaṃ kāretvā nānāvaṇṇehi pupphehi santharitvā upari nānāvirāgavatthehi vitānaṃ bandhāpesi, tathā satthu bhikkhusaṅghassa ca dīghasālaṃ kāretvā niyyādesi. So tena puññakammena devamanussesu saṃsaranto padumuttarassa bhagavato kāle haṃsavatīnagare seṭṭhikule nibbatti, sirivaḍḍhotissa nāmaṃ ahosi. So vayappatto vihāraṃ gantvā satthu santike dhammaṃ suṇanto satthāraṃ ekaṃ bhikkhuṃ āraddhavīriyānaṃ aggaṭṭhāne ṭhapentaṃ disvā, sayampi taṃ ṭhānantaraṃ patthento sattāhaṃ mahādānaṃ pavattetvā paṇidhānamakāsi. Satthāpi tassa patthanāya samijjhanabhāvaṃ disvā byākaritvā pakkāmi.
соби яааваж̇ийвам̣ гусалам̣ гад̇ваа д̣̇звамануссзсу сам̣саранд̇о бариниб̣б̣уд̇з гассабад̣̇асаб̣алз ануббаннз амхаагам̣ бхаг̇авад̇и б̣аараан̣асияам̣ гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о г̇ан̇г̇аад̇ийрз бан̣н̣асаалам̣ гарид̇ваа згам̣ бажжзгаб̣уд̣̇д̇хам̣ д̇змаасам̣ жад̇уухи бажжаязхи саггажжам̣ убадтахи. бажжзгаб̣уд̣̇д̇хо вудтавассо барибун̣н̣абаригкааро г̇анд̇хамаад̣̇анамзва г̇ад̇о. соби гулабуд̇д̇о яааваж̇ийвам̣ д̇ад̇т̇а бун̃н̃аани гад̇ваа д̇ад̇о жавид̇ваа д̣̇звамануссзсу сам̣саранд̇о амхаагам̣ бхаг̇авад̇о гаалз жамбаанаг̇арз усабхасздтисса г̇зхз бадисанд̇хим̣ г̇ан̣хи. д̇асса бадисанд̇хиг̇г̇ахан̣ад̇о бадтааяа сздтисса махаабхог̇агканд̇хо абхивад̣дхи. д̇асса ж̇аад̇ад̣̇ивасз сагаланаг̇арз махаасаггаарасамбанно ахоси, д̇асса буб̣б̣з бажжзгаб̣уд̣̇д̇хасса сад̇асахассаг̇гханигарад̇д̇агамб̣алабарижжааг̇зна суван̣н̣аван̣н̣о сукумаалад̇аро жа ад̇д̇абхааво ахоси, д̇знасса сон̣од̇и наамам̣ агам̣су. махад̇аа бариваарзна вад̣дхад̇и , д̇асса хад̇т̇абаад̣̇ад̇алаани б̣анд̇хуж̇ийвагабубпаван̣н̣аани ахзсум̣, сад̇авихад̇агаббаасасса вияа сампассо баад̣̇ад̇алзсу ман̣игун̣д̣алааваддаван̣н̣аани ломаани ж̇ааяим̣су. ваяаббад̇д̇асса д̇асса д̇ин̣н̣ам̣ уд̇уунам̣ анужчавигз д̇аяо баасаад̣̇з гаарзд̇ваа наадагаани убадтаабзсум̣. со д̇ад̇т̇а махад̇им̣ самбад̇д̇им̣ анубхаванд̇о д̣̇звагумааро вияа бадивасад̇и.
Sopi yāvajīvaṃ kusalaṃ katvā devamanussesu saṃsaranto parinibbute kassapadasabale anuppanne amhākaṃ bhagavati bārāṇasiyaṃ kulagehe nibbattitvā viññutaṃ patto gaṅgātīre paṇṇasālaṃ karitvā ekaṃ paccekabuddhaṃ temāsaṃ catūhi paccayehi sakkaccaṃ upaṭṭhahi. Paccekabuddho vuṭṭhavasso paripuṇṇaparikkhāro gandhamādanameva gato. Sopi kulaputto yāvajīvaṃ tattha puññāni katvā tato cavitvā devamanussesu saṃsaranto amhākaṃ bhagavato kāle campānagare usabhaseṭṭhissa gehe paṭisandhiṃ gaṇhi. Tassa paṭisandhiggahaṇato paṭṭhāya seṭṭhissa mahābhogakkhandho abhivaḍḍhi. Tassa jātadivase sakalanagare mahāsakkārasampanno ahosi, tassa pubbe paccekabuddhassa satasahassagghanikarattakambalapariccāgena suvaṇṇavaṇṇo sukhumālataro ca attabhāvo ahosi, tenassa soṇoti nāmaṃ akaṃsu. Mahatā parivārena vaḍḍhati , tassa hatthapādatalāni bandhujīvakapupphavaṇṇāni ahesuṃ, satavihatakappāsassa viya samphasso pādatalesu maṇikuṇḍalāvaṭṭavaṇṇāni lomāni jāyiṃsu. Vayappattassa tassa tiṇṇaṃ utūnaṃ anucchavike tayo pāsāde kāretvā nāṭakāni upaṭṭhāpesuṃ. So tattha mahatiṃ sampattiṃ anubhavanto devakumāro viya paṭivasati.
ат̇а амхаагам̣ сад̇т̇ари саб̣б̣ан̃н̃уд̇ам̣ бад̇ваа бавад̇д̇ид̇аварад̇хаммажаггз рааж̇аг̇ахам̣ убаниссааяа вихаранд̇з б̣имб̣исаараран̃н̃аа баггосаабид̇о асийд̇ияаа г̇аамигасахассзхи сад̣̇д̇хим̣ рааж̇аг̇ахам̣ ааг̇ад̇о, сад̇т̇у санд̇игам̣ г̇анд̇ваа д̇хаммам̣ суд̇ваа бадилад̣̇д̇хасад̣̇д̇хо маад̇аабид̇аро ануж̇аанаабзд̇ваа саасанз баб̣б̣аж̇ид̇ваа лад̣̇д̇хуубасамбад̣̇о сад̇т̇у санд̇игз гаммадтаанам̣ г̇ахзд̇ваа, ж̇анасам̣саг̇г̇абарихаран̣ад̇т̇ам̣ сийд̇аванз васанд̇о ‘‘мама сарийрам̣ сукумаалам̣, на жа саггаа сукзнзва сукам̣ ад̇хиг̇анд̇ум̣, гааяам̣ гиламзд̇ваа саман̣ад̇хаммам̣ гаад̇ум̣ ваддад̇ий’’д̇и таанажан̇гамамзва ад̇хидтааяа, бад̇хаанамануяун̃ж̇анд̇о баад̣̇ад̇алзсу подзсу удтахид̇зсуби взд̣̇анам̣ аж̇жхубзгкид̇ваа д̣̇ал̣хам̣ вийрияам̣ гаронд̇о ажжаарад̣̇д̇хавийрияад̇ааяа висзсам̣ ниб̣б̣ад̇д̇зд̇ум̣ асаггонд̇о, ‘‘звам̣ вааяаманд̇оби ахам̣ маг̇г̇ам̣ ваа палам̣ ваа ниб̣б̣ад̇д̇зд̇ум̣ на саггоми, гим̣ мз баб̣б̣аж̇ж̇ааяа, хийнааяаавад̇д̇ид̇ваа бхог̇з жа бхун̃ж̇иссаами, бун̃н̃аани жа гариссаамий’’д̇и жинд̇зси. сад̇т̇аа д̇асса жид̇д̇аажаарам̣ н̃ад̇ваа д̇ад̇т̇а г̇анд̇ваа вийн̣уубамоваад̣̇зна овад̣̇ид̇ваа вийрияасамад̇ааяож̇анавид̇хим̣ д̣̇ассзнд̇о гаммадтаанам̣ сод̇хзд̇ваа г̇иж̇жхагуудам̣ г̇ад̇о. сон̣ад̇т̇зроби сад̇т̇у саммукаа оваад̣̇ам̣ лабхид̇ваа вийрияасамад̇ам̣ яож̇зд̇ваа вибассанам̣ уссуггаабзд̇ваа арахад̇д̇з бад̇идтааси. д̇зна вуд̇д̇ам̣ абад̣̇аанз (аба. т̇зра 1.5.25-53) –
Atha amhākaṃ satthari sabbaññutaṃ patvā pavattitavaradhammacakke rājagahaṃ upanissāya viharante bimbisāraraññā pakkosāpito asītiyā gāmikasahassehi saddhiṃ rājagahaṃ āgato, satthu santikaṃ gantvā dhammaṃ sutvā paṭiladdhasaddho mātāpitaro anujānāpetvā sāsane pabbajitvā laddhūpasampado satthu santike kammaṭṭhānaṃ gahetvā, janasaṃsaggapariharaṇatthaṃ sītavane vasanto ‘‘mama sarīraṃ sukhumālaṃ, na ca sakkā sukheneva sukhaṃ adhigantuṃ, kāyaṃ kilametvā samaṇadhammaṃ kātuṃ vaṭṭatī’’ti ṭhānacaṅkamameva adhiṭṭhāya, padhānamanuyuñjanto pādatalesu phoṭesu uṭṭhahitesupi vedanaṃ ajjhupekkhitvā daḷhaṃ vīriyaṃ karonto accāraddhavīriyatāya visesaṃ nibbattetuṃ asakkonto, ‘‘evaṃ vāyamantopi ahaṃ maggaṃ vā phalaṃ vā nibbattetuṃ na sakkomi, kiṃ me pabbajjāya, hīnāyāvattitvā bhoge ca bhuñjissāmi, puññāni ca karissāmī’’ti cintesi. Satthā tassa cittācāraṃ ñatvā tattha gantvā vīṇūpamovādena ovaditvā vīriyasamatāyojanavidhiṃ dassento kammaṭṭhānaṃ sodhetvā gijjhakūṭaṃ gato. Soṇattheropi satthu sammukhā ovādaṃ labhitvā vīriyasamataṃ yojetvā vipassanaṃ ussukkāpetvā arahatte patiṭṭhāsi. Tena vuttaṃ apadāne (apa. thera 1.5.25-53) –
‘‘аномад̣̇ассисса мунино, логаж̇здтасса д̇аад̣̇ино;
‘‘Anomadassissa munino, lokajeṭṭhassa tādino;
суд̇хааяа лзбанам̣ гад̇ваа, жан̇гамам̣ гаараяим̣ ахам̣.
Sudhāya lepanaṃ katvā, caṅkamaṃ kārayiṃ ahaṃ.
‘‘наанааван̣н̣зхи бубпзхи, жан̇гамам̣ сант̇арим̣ ахам̣;
‘‘Nānāvaṇṇehi pupphehi, caṅkamaṃ santhariṃ ahaṃ;
аагаасз вид̇аанам̣ гад̇ваа, бхож̇аяим̣ б̣уд̣̇д̇хамуд̇д̇амам̣.
Ākāse vitānaṃ katvā, bhojayiṃ buddhamuttamaṃ.
‘‘ан̃ж̇алим̣ баг̇г̇ахзд̇ваана, абхиваад̣̇зд̇ваана суб̣б̣ад̇ам̣;
‘‘Añjaliṃ paggahetvāna, abhivādetvāna subbataṃ;
д̣̇ийгхасаалам̣ бхаг̇авад̇о, нияяаад̣̇зсимахам̣ д̇ад̣̇аа.
Dīghasālaṃ bhagavato, niyyādesimahaṃ tadā.
‘‘мама сан̇габбаман̃н̃ааяа, сад̇т̇аа логз ануд̇д̇аро;
‘‘Mama saṅkappamaññāya, satthā loke anuttaro;
бадиг̇г̇ахзси бхаг̇аваа, анугамбааяа жагкумаа.
Paṭiggahesi bhagavā, anukampāya cakkhumā.
‘‘бадиг̇г̇ахзд̇ваана самб̣уд̣̇д̇хо, д̣̇агкин̣зяяо сад̣̇звагз;
‘‘Paṭiggahetvāna sambuddho, dakkhiṇeyyo sadevake;
бхигкусан̇гхз нисийд̣̇ид̇ваа, имаа г̇аат̇аа абхаасат̇а.
Bhikkhusaṅghe nisīditvā, imā gāthā abhāsatha.
‘‘яо со хадтзна жид̇д̇зна, д̣̇ийгхасаалам̣ ад̣̇ааси мз;
‘‘Yo so haṭṭhena cittena, dīghasālaṃ adāsi me;
д̇амахам̣ гид̇д̇аяиссаами, сун̣аат̇а мама бхаасад̇о.
Tamahaṃ kittayissāmi, suṇātha mama bhāsato.
‘‘имасса мажжугааламхи, бун̃н̃агаммасаман̇г̇ино;
‘‘Imassa maccukālamhi, puññakammasamaṅgino;
сахассаяуд̇д̇ассарат̇о, убадтиссад̇и д̇аавад̣̇з.
Sahassayuttassaratho, upaṭṭhissati tāvade.
‘‘д̇зна яаанзнаяам̣ босо, д̣̇звалогам̣ г̇амиссад̇и;
‘‘Tena yānenayaṃ poso, devalokaṃ gamissati;
анумод̣̇иссарз д̣̇зваа, самбад̇д̇з гуласамбхавз.
Anumodissare devā, sampatte kulasambhave.
‘‘махаарахам̣ б̣яамхам̣ сздтам̣, рад̇анамад̇д̇игалзбанам̣;
‘‘Mahārahaṃ byamhaṃ seṭṭhaṃ, ratanamattikalepanaṃ;
гуудааг̇аараваруубзд̇ам̣, б̣яамхам̣ аж̇жхаавасиссад̇и.
Kūṭāgāravarūpetaṃ, byamhaṃ ajjhāvasissati.
‘‘д̇им̣сагаббасахассаани, д̣̇звалогз рамиссад̇и;
‘‘Tiṃsakappasahassāni, devaloke ramissati;
бан̃жавийсад̇и габбаани, д̣̇зварааж̇аа бхависсад̇и.
Pañcavīsati kappāni, devarājā bhavissati.
‘‘сад̇д̇асад̇д̇ад̇игкад̇д̇ун̃жа, жаггавад̇д̇ий бхависсад̇и;
‘‘Sattasattatikkhattuñca, cakkavattī bhavissati;
яасод̇харасанаамаа д̇з, саб̣б̣зби зганаамагаа.
Yasodharasanāmā te, sabbepi ekanāmakā.
‘‘д̣̇вз самбад̇д̇ий анубход̇ваа, вад̣дхзд̇ваа бун̃н̃асан̃жаяам̣;
‘‘Dve sampattī anubhotvā, vaḍḍhetvā puññasañcayaṃ;
адтавийсад̇игаббамхи, жаггавад̇д̇ий бхависсад̇и.
Aṭṭhavīsatikappamhi, cakkavattī bhavissati.
‘‘д̇ад̇рааби б̣яамхам̣ баварам̣, виссагаммзна маабид̇ам̣;
‘‘Tatrāpi byamhaṃ pavaraṃ, vissakammena māpitaṃ;
д̣̇асасад̣̇д̣̇аавивид̇д̇ам̣ д̇ам̣, бурамаж̇жхаавасиссад̇и.
Dasasaddāvivittaṃ taṃ, puramajjhāvasissati.
‘‘абаримзяяз ид̇о габбз, бхуумибаало махид̣̇д̇хиго;
‘‘Aparimeyye ito kappe, bhūmipālo mahiddhiko;
оггааго наама наамзна, рааж̇аа радтз бхависсад̇и.
Okkāko nāma nāmena, rājā raṭṭhe bhavissati.
‘‘сол̣асид̇т̇исахассаанам̣, саб̣б̣аасам̣ бавараа жа саа;
‘‘Soḷasitthisahassānaṃ, sabbāsaṃ pavarā ca sā;
абхиж̇аад̇аа кад̇д̇ияааний, нава буд̇д̇з ж̇анзссад̇и.
Abhijātā khattiyānī, nava putte janessati.
‘‘нава буд̇д̇з ж̇анзд̇ваана, кад̇д̇ияааний мариссад̇и;
‘‘Nava putte janetvāna, khattiyānī marissati;
д̇арун̣ий жа бияаа ган̃н̃аа, махзсид̇д̇ам̣ гариссад̇и.
Taruṇī ca piyā kaññā, mahesittaṃ karissati.
‘‘оггаагам̣ д̇осаяид̇ваана, варам̣ ган̃н̃аа лабхиссад̇и;
‘‘Okkākaṃ tosayitvāna, varaṃ kaññā labhissati;
варам̣ лад̣̇д̇хаана саа ган̃н̃аа, буд̇д̇з баб̣б̣ааж̇аяиссад̇и.
Varaṃ laddhāna sā kaññā, putte pabbājayissati.
‘‘баб̣б̣ааж̇ид̇аа жа д̇з саб̣б̣з, г̇амиссанд̇и наг̇уд̇д̇амам̣;
‘‘Pabbājitā ca te sabbe, gamissanti naguttamaṃ;
ж̇аад̇ибхзд̣̇абхаяаа саб̣б̣з, бхаг̇инийхи васиссарз.
Jātibhedabhayā sabbe, bhaginīhi vasissare.
‘‘згаа жа ган̃н̃аа б̣яаад̇хийхи, бхависсад̇и баригкад̇аа;
‘‘Ekā ca kaññā byādhīhi, bhavissati parikkhatā;
маа но ж̇аад̇и бабхиж̇ж̇ийд̇и, никан̣иссанд̇и кад̇д̇ияаа.
Mā no jāti pabhijjīti, nikhaṇissanti khattiyā.
‘‘кад̇д̇ияо нийхарид̇ваана, д̇ааяа сад̣̇д̇хим̣ васиссад̇и;
‘‘Khattiyo nīharitvāna, tāya saddhiṃ vasissati;
бхависсад̇и д̇ад̣̇аа бхзд̣̇о, оггаагагуласамбхаво.
Bhavissati tadā bhedo, okkākakulasambhavo.
‘‘д̇зсам̣ баж̇аа бхависсанд̇и, гол̣ияаа наама ж̇аад̇ияаа;
‘‘Tesaṃ pajā bhavissanti, koḷiyā nāma jātiyā;
д̇ад̇т̇а маанусагам̣ бхог̇ам̣, анубхоссад̇инаббагам̣.
Tattha mānusakaṃ bhogaṃ, anubhossatinappakaṃ.
‘‘д̇амхаа гааяаа жавид̇ваана, д̣̇звалогам̣ г̇амиссад̇и;
‘‘Tamhā kāyā cavitvāna, devalokaṃ gamissati;
д̇ад̇рааби баварам̣ б̣яамхам̣, лабхиссад̇и манорамам̣.
Tatrāpi pavaraṃ byamhaṃ, labhissati manoramaṃ.
‘‘д̣̇звалогаа жавид̇ваана, суггамуулзна жод̣̇ид̇о;
‘‘Devalokā cavitvāna, sukkamūlena codito;
ааг̇анд̇ваана мануссад̇д̇ам̣, сон̣о наама бхависсад̇и.
Āgantvāna manussattaṃ, soṇo nāma bhavissati.
‘‘аарад̣̇д̇хавийрияо бахид̇ад̇д̇о, бад̣̇ахам̣ сад̇т̇у саасанз;
‘‘Āraddhavīriyo pahitatto, padahaṃ satthu sāsane;
саб̣б̣аасавз барин̃н̃ааяа, ниб̣б̣ааяиссад̇инаасаво.
Sabbāsave pariññāya, nibbāyissatināsavo.
‘‘ананд̇ад̣̇ассий бхаг̇аваа, г̇од̇амо сагяабун̇г̇аво;
‘‘Anantadassī bhagavā, gotamo sakyapuṅgavo;
висзсан̃н̃уу махаавийро, аг̇г̇адтаанз табзссад̇и.
Visesaññū mahāvīro, aggaṭṭhāne ṭhapessati.
‘‘вудтамхи д̣̇звз жад̇уран̇г̇уламхи, д̇ин̣з анилзрид̇аан̇г̇ан̣амхи;
‘‘Vuṭṭhamhi deve caturaṅgulamhi, tiṇe anileritaaṅgaṇamhi;
тад̇ваана яог̇асса баяуд̇д̇ад̇аад̣̇ино, д̇ад̇од̇д̇арим̣ баарамад̇аа на виж̇ж̇ад̇и.
Ṭhatvāna yogassa payuttatādino, tatottariṃ pāramatā na vijjati.
‘‘уд̇д̇амз д̣̇амат̇з д̣̇анд̇о, жид̇д̇ам̣ мз субан̣ийхид̇ам̣;
‘‘Uttame damathe danto, cittaṃ me supaṇīhitaṃ;
бхааро мз охид̇о саб̣б̣о, ниб̣б̣уд̇омхи анаасаво.
Bhāro me ohito sabbo, nibbutomhi anāsavo.
‘‘ан̇г̇ийрасо махаанааг̇о, абхиж̇аад̇ова гзсарий;
‘‘Aṅgīraso mahānāgo, abhijātova kesarī;
бхигкусан̇гхз нисийд̣̇ид̇ваа, зд̇ад̣̇аг̇г̇з табзси мам̣.
Bhikkhusaṅghe nisīditvā, etadagge ṭhapesi maṃ.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасана’’нд̇и.
‘‘Paṭisambhidā catasso…pe… kataṃ buddhassa sāsana’’nti.
арахад̇д̇ам̣ бана бад̇ваа ад̇д̇ано бадибад̇д̇им̣ бажжавзгкид̇ваа уд̣̇аанавасзна ан̃н̃ааб̣яаагаран̣авасзна жа –
Arahattaṃ pana patvā attano paṭipattiṃ paccavekkhitvā udānavasena aññābyākaraṇavasena ca –
632.
632.
‘‘яааху радтз самуггадто, ран̃н̃о ан̇г̇асса бад̣̇д̇хаг̇уу;
‘‘Yāhu raṭṭhe samukkaṭṭho, rañño aṅgassa paddhagū;
свааж̇ж̇а д̇хаммзсу уггадто, сон̣о д̣̇угкасса баараг̇уу.
Svājja dhammesu ukkaṭṭho, soṇo dukkhassa pāragū.
633.
633.
‘‘бан̃жа чинд̣̇з бан̃жа ж̇ахз, бан̃жа жуд̇д̇ари бхааваяз;
‘‘Pañca chinde pañca jahe, pañca cuttari bhāvaye;
бан̃жасан̇г̇аад̇иг̇о бхигку, огхад̇ин̣н̣од̇и вужжад̇и.
Pañcasaṅgātigo bhikkhu, oghatiṇṇoti vuccati.
634.
634.
‘‘уннал̣асса бамад̇д̇асса, б̣аахираасасса бхигкуно;
‘‘Unnaḷassa pamattassa, bāhirāsassa bhikkhuno;
сийлам̣ самаад̇хи бан̃н̃аа жа, баарибуурим̣ на г̇ажчад̇и.
Sīlaṃ samādhi paññā ca, pāripūriṃ na gacchati.
635.
635.
‘‘яан̃хи гижжам̣ абавид̣̇д̇хам̣, агижжам̣ бана гарийяад̇и;
‘‘Yañhi kiccaṃ apaviddhaṃ, akiccaṃ pana karīyati;
уннал̣аанам̣ бамад̇д̇аанам̣, д̇зсам̣ вад̣дханд̇и аасаваа.
Unnaḷānaṃ pamattānaṃ, tesaṃ vaḍḍhanti āsavā.
636.
636.
‘‘язсан̃жа сусамаарад̣̇д̇хаа, нижжам̣ гааяаг̇ад̇аа сад̇и;
‘‘Yesañca susamāraddhā, niccaṃ kāyagatā sati;
агижжам̣ д̇з на сзванд̇и, гижжз саад̇ажжагаарино;
Akiccaṃ te na sevanti, kicce sātaccakārino;
сад̇аанам̣ самбаж̇аанаанам̣, ад̇т̇ам̣ г̇ажчанд̇и аасаваа.
Satānaṃ sampajānānaṃ, atthaṃ gacchanti āsavā.
637.
637.
‘‘уж̇умаг̇г̇амхи агкаад̇з, г̇ажчат̇а маа нивад̇д̇ат̇а;
‘‘Ujumaggamhi akkhāte, gacchatha mā nivattatha;
ад̇д̇анаа жод̣̇аяад̇д̇аанам̣, ниб̣б̣аанамабхихаараяз.
Attanā codayattānaṃ, nibbānamabhihāraye.
638.
638.
‘‘ажжаарад̣̇д̇хамхи вийрияамхи, сад̇т̇аа логз ануд̇д̇аро;
‘‘Accāraddhamhi vīriyamhi, satthā loke anuttaro;
вийн̣обамам̣ гарид̇ваа мз, д̇хаммам̣ д̣̇зсзд̇и жагкумаа;
Vīṇopamaṃ karitvā me, dhammaṃ deseti cakkhumā;
д̇ассаахам̣ важанам̣ суд̇ваа, вихаасим̣ саасанз рад̇о.
Tassāhaṃ vacanaṃ sutvā, vihāsiṃ sāsane rato.
639.
639.
‘‘самат̇ам̣ бадибаад̣̇зсим̣, уд̇д̇амад̇т̇асса бад̇д̇ияаа;
‘‘Samathaṃ paṭipādesiṃ, uttamatthassa pattiyā;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасанам̣.
Tisso vijjā anuppattā, kataṃ buddhassa sāsanaṃ.
640.
640.
‘‘нзгкаммз ад̇химуд̇д̇асса, бавивзган̃жа жзд̇асо;
‘‘Nekkhamme adhimuttassa, pavivekañca cetaso;
аб̣яааб̣аж̇жхаад̇химуд̇д̇асса, убаад̣̇аанагкаяасса жа.
Abyābajjhādhimuttassa, upādānakkhayassa ca.
641.
641.
‘‘д̇ан̣хагкаяаад̇химуд̇д̇асса, асаммохан̃жа жзд̇асо;
‘‘Taṇhakkhayādhimuttassa, asammohañca cetaso;
д̣̇исваа ааяад̇ануббаад̣̇ам̣, саммаа жид̇д̇ам̣ вимужжад̇и.
Disvā āyatanuppādaṃ, sammā cittaṃ vimuccati.
642.
642.
‘‘д̇асса саммаа вимуд̇д̇асса, санд̇ажид̇д̇асса бхигкуно;
‘‘Tassa sammā vimuttassa, santacittassa bhikkhuno;
гад̇асса бад̇ижаяо над̇т̇и, гаран̣ийяам̣ на виж̇ж̇ад̇и.
Katassa paticayo natthi, karaṇīyaṃ na vijjati.
643.
643.
‘‘сзло яат̇аа згагхано, ваад̇зна на самийрад̇и;
‘‘Selo yathā ekaghano, vātena na samīrati;
звам̣ руубаа расаа сад̣̇д̣̇аа, г̇анд̇хаа пассаа жа гзвалаа.
Evaṃ rūpā rasā saddā, gandhā phassā ca kevalā.
644.
644.
‘‘идтаа д̇хаммаа анидтаа жа, наббавзд̇хзнд̇и д̇аад̣̇ино;
‘‘Iṭṭhā dhammā aniṭṭhā ca, nappavedhenti tādino;
тид̇ам̣ жид̇д̇ам̣ висан̃н̃уд̇д̇ам̣, ваяан̃жассаанубассад̇ий’’д̇и. – имаа г̇аат̇аа абхааси;
Ṭhitaṃ cittaṃ visaññuttaṃ, vayañcassānupassatī’’ti. – imā gāthā abhāsi;
д̇ад̇т̇а яааху радтз самуггадтод̇и яо аху ахоси ан̇г̇арадтз асийд̇ияаа г̇аамигасахассзхи бхог̇асамбад̇д̇ияаа иссарияасамбад̇д̇ияаа жа саммаа ад̇ивияа уггадто сздто. ран̃н̃о ан̇г̇асса бад̣̇д̇хаг̇ууд̇и жад̇уухи сан̇г̇ахавад̇т̇уухи барисааяа ран̃ж̇анадтзна ран̃н̃о ан̇г̇аад̇хибад̇ино б̣имб̣исаарасса бариваарабхууд̇о г̇ахабад̇ивисзсо д̇асса радтз гудумб̣иго ахууд̇и яож̇зд̇аб̣б̣ам̣. свааж̇ж̇а д̇хаммзсу уггадтод̇и со сон̣о аж̇ж̇зд̇арахи логуд̇д̇арад̇хаммзсу уггадто ж̇аад̇о, г̇ихигаалзби гзхижи уггадтоязва худ̇ваа ид̣̇аани баб̣б̣аж̇ид̇агаалзби уггадтоязва ход̇ийд̇и ад̇д̇аанамзва барам̣ вияа д̣̇ассзд̇и. д̣̇угкасса баараг̇ууд̇и сагаласса ваддад̣̇угкасса баарам̣ барияанд̇ам̣ г̇ад̇о, зд̇зна д̇хаммзсу уггадтод̇и ависзсзна вуд̇д̇ам̣ уггадтабхаавам̣ висзсзд̇и арахад̇д̇аад̇хиг̇амад̣̇ийбанад̇о.
Tattha yāhu raṭṭhe samukkaṭṭhoti yo ahu ahosi aṅgaraṭṭhe asītiyā gāmikasahassehi bhogasampattiyā issariyasampattiyā ca sammā ativiya ukkaṭṭho seṭṭho. Rañño aṅgassa paddhagūti catūhi saṅgahavatthūhi parisāya rañjanaṭṭhena rañño aṅgādhipatino bimbisārassa parivārabhūto gahapativiseso tassa raṭṭhe kuṭumbiko ahūti yojetabbaṃ. Svājja dhammesu ukkaṭṭhoti so soṇo ajjetarahi lokuttaradhammesu ukkaṭṭho jāto, gihikālepi kehici ukkaṭṭhoyeva hutvā idāni pabbajitakālepi ukkaṭṭhoyeva hotīti attānameva paraṃ viya dasseti. Dukkhassa pāragūti sakalassa vaṭṭadukkhassa pāraṃ pariyantaṃ gato, etena dhammesu ukkaṭṭhoti avisesena vuttaṃ ukkaṭṭhabhāvaṃ viseseti arahattādhigamadīpanato.
ид̣̇аани яааяа бадибад̇д̇ияаа д̣̇угкабаараг̇уу ж̇аад̇о, ан̃н̃аабад̣̇зсзна д̇ам̣ д̣̇ассзнд̇о ‘‘бан̃жа чинд̣̇з’’д̇и г̇аат̇амааха. д̇ассад̇т̇о – абааяагаамасуг̇ад̇исамбаабагаани бан̃жорамбхааг̇ияаани сам̣яож̇анаани бурисо сад̇т̇зна баад̣̇з б̣ад̣̇д̇хараж̇ж̇угам̣ вияа хздтимзна маг̇г̇ад̇д̇аязна чинд̣̇зяяа, руубааруубабхавасамбаабагаани бан̃жа уд̣̇д̇хамбхааг̇ияаани сам̣яож̇анаани бурисо г̇ийвааяа б̣ад̣̇д̇хараж̇ж̇угам̣ вияа аг̇г̇амаг̇г̇зна ж̇ахзяяа, чинд̣̇зяяа, д̇зсам̣ бана уд̣̇д̇хамбхааг̇ияасам̣яож̇анаанам̣ бахаанааяа бан̃жа сад̣̇д̇хаад̣̇ийни инд̣̇рияаани уд̇д̇ари бхааваяз бхаавзяяа. звам̣бхууд̇о бана бхигку рааг̇асан̇г̇о д̣̇осамохамаанад̣̇идтисан̇г̇од̇и бан̃жаннам̣ сан̇г̇аанам̣ ад̇иггаманзна бан̃жасан̇г̇аад̇иг̇о худ̇ваа, гаамогхо, бхавогхо, д̣̇идтогхо, авиж̇ж̇огход̇и жад̇уннам̣ огхаанам̣ д̇ин̣н̣ад̇д̇аа огхад̇ин̣н̣од̇и вужжад̇и.
Idāni yāya paṭipattiyā dukkhapāragū jāto, aññāpadesena taṃ dassento ‘‘pañca chinde’’ti gāthamāha. Tassattho – apāyakāmasugatisampāpakāni pañcorambhāgiyāni saṃyojanāni puriso satthena pāde baddharajjukaṃ viya heṭṭhimena maggattayena chindeyya, rūpārūpabhavasampāpakāni pañca uddhambhāgiyāni saṃyojanāni puriso gīvāya baddharajjukaṃ viya aggamaggena jaheyya, chindeyya, tesaṃ pana uddhambhāgiyasaṃyojanānaṃ pahānāya pañca saddhādīni indriyāni uttari bhāvaye bhāveyya. Evaṃbhūto pana bhikkhu rāgasaṅgo dosamohamānadiṭṭhisaṅgoti pañcannaṃ saṅgānaṃ atikkamanena pañcasaṅgātigo hutvā, kāmogho, bhavogho, diṭṭhogho, avijjoghoti catunnaṃ oghānaṃ tiṇṇattā oghatiṇṇoti vuccati.
аяан̃жа огхад̇аран̣абадибад̇д̇исийлаад̣̇ийнам̣ баарибуурияаава ход̇и, сийлаад̣̇аяо жа маанаад̣̇иббахаанзна баарибуурим̣ г̇ажчанд̇и, на ан̃н̃ат̇аад̇и д̣̇ассзнд̇о ‘‘уннал̣ассаа’’д̇и г̇аат̇амааха. д̇ад̇т̇а уннал̣ассаад̇и уг̇г̇ад̇ад̇ужчамаанасса. маано хи уннаманаагааравуд̇д̇ияаа д̇ужчабхаавзна нал̣о вияаад̇и ‘‘нал̣о’’д̇и вужжад̇и. бамад̇д̇ассаад̇и сад̇ивоссаг̇г̇зна бамаад̣̇ам̣ аабаннасса. б̣аахираасассаад̇и б̣аахирзсу ааяад̇анзсу аасаавад̇о, гаамзсу авийд̇арааг̇ассаад̇и ад̇т̇о. сийлам̣ самаад̇хи бан̃н̃аа жа, баарибуурим̣ на г̇ажчад̇ийд̇и д̇асса сийлаад̣̇ийнам̣ бадибагкасзвино логияоби д̇аава сийлаад̣̇иг̇ун̣о баарибуурим̣ на г̇ажчад̇и, баг̇зва логуд̇д̇аро.
Ayañca oghataraṇapaṭipattisīlādīnaṃ pāripūriyāva hoti, sīlādayo ca mānādippahānena pāripūriṃ gacchanti, na aññathāti dassento ‘‘unnaḷassā’’ti gāthamāha. Tattha unnaḷassāti uggatatucchamānassa. Māno hi unnamanākāravuttiyā tucchabhāvena naḷo viyāti ‘‘naḷo’’ti vuccati. Pamattassāti sativossaggena pamādaṃ āpannassa. Bāhirāsassāti bāhiresu āyatanesu āsāvato, kāmesu avītarāgassāti attho. Sīlaṃ samādhi paññā ca, pāripūriṃ na gacchatīti tassa sīlādīnaṃ paṭipakkhasevino lokiyopi tāva sīlādiguṇo pāripūriṃ na gacchati, pageva lokuttaro.
д̇ад̇т̇а гааран̣амааха ‘‘яан̃хи гижжа’’нд̇иаад̣̇инаа. бхигкуно хи баб̣б̣аж̇ид̇агаалад̇о бадтааяа абаримаан̣асийлагканд̇хаг̇обанам̣ аран̃н̃аваасо д̇худ̇ан̇г̇абарихаран̣ам̣ бхааванаараамад̇аад̇и звамаад̣̇и гижжам̣ наама. язхи бана ид̣̇ам̣ яат̇аавуд̇д̇ам̣ ад̇д̇ано гижжам̣, д̇ам̣ абавид̣̇д̇хам̣ агаран̣зна чад̣д̣ид̇ам̣. агижжанд̇и бад̇д̇аман̣д̣анам̣ жийварагааяаб̣анд̇ханаам̣саб̣ад̣̇д̇хачад̇д̇убааханад̇аалаван̣дад̇хаммагаран̣аман̣д̣ананд̇и звамаад̣̇и баригкаараман̣д̣анам̣ бажжаяаб̣аахулияанд̇и звамаад̣̇и бхигкуно агижжам̣ наама, д̇ам̣ гаяирад̇и, д̇зсам̣ маананал̣ам̣ угкибид̇ваа жаран̣зна уннал̣аанам̣ сад̇ивоссаг̇г̇зна бамад̇д̇аанам̣ жад̇д̇аароби аасаваа вад̣дханд̇и.
Tattha kāraṇamāha ‘‘yañhi kicca’’ntiādinā. Bhikkhuno hi pabbajitakālato paṭṭhāya aparimāṇasīlakkhandhagopanaṃ araññavāso dhutaṅgapariharaṇaṃ bhāvanārāmatāti evamādi kiccaṃ nāma. Yehi pana idaṃ yathāvuttaṃ attano kiccaṃ, taṃ apaviddhaṃ akaraṇena chaḍḍitaṃ. Akiccanti pattamaṇḍanaṃ cīvarakāyabandhanaaṃsabaddhachattupāhanatālavaṇṭadhammakaraṇamaṇḍananti evamādi parikkhāramaṇḍanaṃ paccayabāhuliyanti evamādi bhikkhuno akiccaṃ nāma, taṃ kayirati, tesaṃ mānanaḷaṃ ukkhipitvā caraṇena unnaḷānaṃ sativossaggena pamattānaṃ cattāropi āsavā vaḍḍhanti.
язсам̣ бана бан̃н̃аад̣̇иг̇ун̣о вад̣дхад̇и, д̇з д̣̇ассзд̇ум̣ ‘‘язса’’нд̇иаад̣̇и вуд̇д̇ам̣. д̇ад̇т̇а сусамаарад̣̇д̇хаад̇и судту баг̇г̇ахид̇аа. гааяаг̇ад̇аа сад̇ийд̇и, гааяаанубассанаабхааванаа. агижжам̣ д̇зд̇и д̇з зд̇ам̣ бад̇д̇аман̣д̣анаад̣̇иагижжам̣. на сзванд̇ийд̇и на гаронд̇и. гижжзд̇и, баб̣б̣аж̇ид̇агаалад̇о бадтааяа гад̇д̇аб̣б̣з абаримаан̣асийлагканд̇хаг̇обанаад̣̇игз. саад̇ажжагааринод̇и сад̇ад̇агаарино д̇зсам̣ сад̇ияаа авиббаваасзна сад̇аанам̣ саад̇т̇агасамбаж̇ан̃н̃ам̣, саббааяасамбаж̇ан̃н̃ам̣, г̇ожарасамбаж̇ан̃н̃ам̣, асаммохасамбаж̇ан̃н̃анд̇и жад̇уухи самбаж̇ан̃н̃зхи самбаж̇аанаанам̣, жад̇д̇аароби аасаваа ад̇т̇ам̣ г̇ажчанд̇и баригкаяам̣ абхаавам̣ г̇ажчанд̇ийд̇и ад̇т̇о.
Yesaṃ pana paññādiguṇo vaḍḍhati, te dassetuṃ ‘‘yesa’’ntiādi vuttaṃ. Tattha susamāraddhāti suṭṭhu paggahitā. Kāyagatā satīti, kāyānupassanābhāvanā. Akiccaṃ teti te etaṃ pattamaṇḍanādiakiccaṃ. Na sevantīti na karonti. Kicceti, pabbajitakālato paṭṭhāya kattabbe aparimāṇasīlakkhandhagopanādike. Sātaccakārinoti satatakārino tesaṃ satiyā avippavāsena satānaṃ sātthakasampajaññaṃ, sappāyasampajaññaṃ, gocarasampajaññaṃ, asammohasampajaññanti catūhi sampajaññehi sampajānānaṃ, cattāropi āsavā atthaṃ gacchanti parikkhayaṃ abhāvaṃ gacchantīti attho.
ид̣̇аани ад̇д̇ано санд̇игз тид̇абхигкуунам̣ оваад̣̇ам̣ д̣̇знд̇о ‘‘уж̇умаг̇г̇амхий’’д̇и г̇аат̇амааха. д̇ад̇т̇а уж̇умаг̇г̇амхи агкаад̇зд̇и анд̇ад̣̇ваяабариваж̇ж̇анзна гааяаван̇гаад̣̇иббахаанзна жа уж̇угз маж̇жхимабадибад̣̇аабхууд̇з арияамаг̇г̇з сад̇т̇аараа бхаасид̇з. г̇ажчат̇аад̇и бадибаж̇ж̇ат̇а. маа нивад̇д̇ат̇аад̇и анд̇араа восаанам̣ маабаж̇ж̇ат̇а. ад̇д̇анаа жод̣̇аяад̇д̇аананд̇и ид̇ха ад̇т̇агаамо гулабуд̇д̇о абааяабхаяабажжавзгкан̣аад̣̇инаа ад̇д̇анаава ад̇д̇аанам̣ жод̣̇знд̇о. ниб̣б̣аанамабхихаараязд̇и, ад̇д̇аанам̣ ниб̣б̣аанам̣ абхихарзяяа убанзяяа, яат̇аа нам̣ сажчигарод̇и, д̇ат̇аа бадибаж̇ж̇зяяаад̇и ад̇т̇о.
Idāni attano santike ṭhitabhikkhūnaṃ ovādaṃ dento ‘‘ujumaggamhī’’ti gāthamāha. Tattha ujumaggamhi akkhāteti antadvayaparivajjanena kāyavaṅkādippahānena ca ujuke majjhimapaṭipadābhūte ariyamagge satthārā bhāsite. Gacchathāti paṭipajjatha. Mā nivattathāti antarā vosānaṃ māpajjatha. Attanā codayattānanti idha atthakāmo kulaputto apāyabhayapaccavekkhaṇādinā attanāva attānaṃ codento. Nibbānamabhihārayeti, attānaṃ nibbānaṃ abhihareyya upaneyya, yathā naṃ sacchikaroti, tathā paṭipajjeyyāti attho.
ид̣̇аани маяааби звамзва бадибаннанд̇и, ад̇д̇ано бадибад̇д̇им̣ д̣̇ассзд̇ум̣ ‘‘ажжаарад̣̇д̇хамхий’’д̇иаад̣̇и вуд̇д̇ам̣. ажжаарад̣̇д̇хамхи вийрияамхийд̇и вибассанам̣ бхаавзнд̇зна маяаа самаад̇хинаа вийрияам̣ самарасам̣ агад̇ваа ад̇ивияа вийрияз баг̇г̇ахид̇з. ажжаарад̣̇д̇хавийрияад̇аа жасса хздтаа вуд̇д̇ааязва. вийн̣обамам̣ гарид̇ваа мзд̇и ааяасмад̇о сон̣асса ‘‘яз ко гзжи бхаг̇авад̇о саавагаа аарад̣̇д̇хавийрияаа вихаранд̇и. ахам̣ д̇зсам̣ ан̃н̃ад̇аро, ат̇а жа бана мз наанубаад̣̇ааяа аасавзхи жид̇д̇ам̣ вимужжад̇и, д̇асмаахам̣ виб̣бхамиссаамий’’д̇и жид̇д̇з уббаннз сад̇т̇аа ид̣̇д̇хияаа д̇асса саммукз ад̇д̇аанам̣ д̣̇ассзд̇ваа ‘‘гасмаа д̇вам̣, сон̣а, ‘виб̣бхамиссаамий’д̇и жид̇д̇ам̣ уббаад̣̇зси, гусало д̇вам̣ буб̣б̣з аг̇аарияабхууд̇о вийн̣ааяа д̇анд̇иссарз’’д̇и бужчид̇ваа д̇зна ‘‘звам̣, бханд̇з’’д̇и вуд̇д̇з ‘‘д̇ам̣ гим̣ ман̃н̃аси, сон̣а? яад̣̇аа д̇з вийн̣ааяа д̇анд̇ияо ажжааяад̇аа хонд̇и, аби ну д̇з вийн̣аа д̇асмим̣ самаяз саравад̇ий ваа ход̇и гамман̃н̃аа ваад̇и? но хзд̇ам̣, бханд̇з! д̇ам̣ гим̣ ман̃н̃аси, сон̣а, яад̣̇аа д̇з вийн̣ааяа д̇анд̇ияо ад̇исит̇илаа хонд̇и, аби ну д̇з вийн̣аа д̇асмим̣ самаяз саравад̇ий ваа ход̇и гамман̃н̃аа ваад̇и? но хзд̇ам̣, бханд̇з. д̇ам̣ гим̣ ман̃н̃аси, сон̣а, яад̣̇аа бана д̇з вийн̣ааяа д̇анд̇ияо нзва ажжааяад̇аа хонд̇и, наад̇исит̇илаа самз г̇ун̣з бад̇идтид̇аа, аби ну д̇з вийн̣аа д̇асмим̣ самаяз саравад̇ий ваа ход̇и гамман̃н̃аа ваад̇и? звам̣, бханд̇з. звамзва ко, сон̣а, ажжаарад̣̇д̇хавийрияам̣ уд̣̇д̇хажжааяа сам̣вад̇д̇ад̇и, ад̇илийнавийрияам̣ госаж̇ж̇ааяа сам̣вад̇д̇ад̇и, д̇асмаад̇иха д̇вам̣, сон̣а, вийрияасамад̇ам̣ ад̇хидтаха, инд̣̇рияаанан̃жа самад̇ам̣ бадивиж̇жхаа’’д̇и звам̣ вийн̣ам̣ убамам̣ гад̇ваа бавад̇д̇ид̇зна вийн̣обамоваад̣̇зна маяхам̣ д̇хаммам̣ д̣̇зсзси. д̇ассаахам̣ важанам̣ суд̇ваад̇и д̇асса бхаг̇авад̇о важанам̣ вийн̣обамоваад̣̇ам̣ суд̇ваа анд̇араа уббаннам̣ виб̣бхамид̇угаамад̇ам̣ бахааяа сад̇т̇у саасанз рад̇о абхирад̇о вихарим̣.
Idāni mayāpi evameva paṭipannanti, attano paṭipattiṃ dassetuṃ ‘‘accāraddhamhī’’tiādi vuttaṃ. Accāraddhamhi vīriyamhīti vipassanaṃ bhāventena mayā samādhinā vīriyaṃ samarasaṃ akatvā ativiya vīriye paggahite. Accāraddhavīriyatā cassa heṭṭhā vuttāyeva. Vīṇopamaṃ karitvā meti āyasmato soṇassa ‘‘ye kho keci bhagavato sāvakā āraddhavīriyā viharanti. Ahaṃ tesaṃ aññataro, atha ca pana me nānupādāya āsavehi cittaṃ vimuccati, tasmāhaṃ vibbhamissāmī’’ti citte uppanne satthā iddhiyā tassa sammukhe attānaṃ dassetvā ‘‘kasmā tvaṃ, soṇa, ‘vibbhamissāmī’ti cittaṃ uppādesi, kusalo tvaṃ pubbe agāriyabhūto vīṇāya tantissare’’ti pucchitvā tena ‘‘evaṃ, bhante’’ti vutte ‘‘taṃ kiṃ maññasi, soṇa? Yadā te vīṇāya tantiyo accāyatā honti, api nu te vīṇā tasmiṃ samaye saravatī vā hoti kammaññā vāti? No hetaṃ, bhante! Taṃ kiṃ maññasi, soṇa, yadā te vīṇāya tantiyo atisithilā honti, api nu te vīṇā tasmiṃ samaye saravatī vā hoti kammaññā vāti? No hetaṃ, bhante. Taṃ kiṃ maññasi, soṇa, yadā pana te vīṇāya tantiyo neva accāyatā honti, nātisithilā same guṇe patiṭṭhitā, api nu te vīṇā tasmiṃ samaye saravatī vā hoti kammaññā vāti? Evaṃ, bhante. Evameva kho, soṇa, accāraddhavīriyaṃ uddhaccāya saṃvattati, atilīnavīriyaṃ kosajjāya saṃvattati, tasmātiha tvaṃ, soṇa, vīriyasamataṃ adhiṭṭhaha, indriyānañca samataṃ paṭivijjhā’’ti evaṃ vīṇaṃ upamaṃ katvā pavattitena vīṇopamovādena mayhaṃ dhammaṃ desesi. Tassāhaṃ vacanaṃ sutvāti tassa bhagavato vacanaṃ vīṇopamovādaṃ sutvā antarā uppannaṃ vibbhamitukāmataṃ pahāya satthu sāsane rato abhirato vihariṃ.
вихаранд̇о жа самат̇ам̣ бадибаад̣̇зсим̣ вийрияасамад̇ам̣ яож̇знд̇о сад̣̇д̇хаабан̃н̃аанам̣ вияа самаад̇хивийрияаанам̣ самарасад̇ам̣ уббаад̣̇знд̇о жхаанаад̇хидтаанам̣ вибассанаасамаад̇хим̣ самбаад̣̇зсим̣ вибассанам̣ уссуггаабзсим̣. д̇ад̇т̇а баяож̇анам̣ ааха ‘‘уд̇д̇амад̇т̇асса бад̇д̇ияаа’’д̇и. уд̇д̇амад̇т̇асса бад̇д̇ияаад̇и арахад̇д̇аад̇хиг̇амааяаад̇и ад̇т̇о.
Viharanto ca samathaṃ paṭipādesiṃ vīriyasamataṃ yojento saddhāpaññānaṃ viya samādhivīriyānaṃ samarasataṃ uppādento jhānādhiṭṭhānaṃ vipassanāsamādhiṃ sampādesiṃ vipassanaṃ ussukkāpesiṃ. Tattha payojanaṃ āha ‘‘uttamatthassa pattiyā’’ti. Uttamatthassa pattiyāti arahattādhigamāyāti attho.
ид̣̇аани яат̇аа бадибаннасса самат̇авибассанаа самбаж̇ж̇им̣су, д̇ам̣ ан̃н̃аабад̣̇зсзна д̣̇ассзнд̇о ‘‘нзгкаммз’’д̇иаад̣̇имааха. д̇ад̇т̇а нзгкаммзд̇и баб̣б̣аж̇ж̇аад̣̇игз гааманиссаран̣з. ад̇химуд̇д̇ассаад̇и д̇ад̇т̇а ниннабон̣абаб̣бхаарабхаавзна яуд̇д̇аббаяуд̇д̇асса, батамам̣ д̇аава баб̣б̣аж̇ж̇аабхимуко худ̇ваа гаамз бахааяа баб̣б̣аж̇ид̇ваа жа сийлависод̇ханам̣ аран̃н̃аваасо д̇худ̇ан̇г̇абарихаран̣ам̣ бхааванаабхияог̇од̇и звамаад̣̇ийсу анаваж̇ж̇ад̇хаммзсу яуд̇д̇аббаяуд̇д̇ассаад̇и ад̇т̇о. бавивзган̃жа жзд̇асод̇и жзд̇асо бавивзган̃жа ад̇химуд̇д̇асса звам̣ нзгкаммаад̇химуд̇д̇асса сад̇о жад̇уггабан̃жагаж̇жхаанаанам̣ ниб̣б̣ад̇д̇анзна вивзгз яуд̇д̇асса баяуд̇д̇асса. аб̣яааб̣аж̇жхаад̇химуд̇д̇ассаад̇и аб̣яааб̣аж̇жхз нид̣̇угкад̇ааяа ад̇химуд̇д̇асса жхаанасамаабад̇д̇ияо ниб̣б̣ад̇д̇зд̇ваа самат̇асукз яуд̇д̇аббаяуд̇д̇асса. убаад̣̇аанагкаяасса жаад̇и жад̇уннамби убаад̣̇аанаанам̣ каяанд̇з арахад̇д̇з ад̇химуд̇д̇асса. бхуммад̇т̇з хи зд̇ам̣ саамиважанам̣. д̇ам̣ яат̇аад̇хиг̇ад̇ам̣ жхаанам̣ баад̣̇агам̣ гад̇ваа арахад̇д̇аад̇хиг̇амааяа вибассанам̣ ануяун̃ж̇анд̇ассаад̇и ад̇т̇о.
Idāni yathā paṭipannassa samathavipassanā sampajjiṃsu, taṃ aññāpadesena dassento ‘‘nekkhamme’’tiādimāha. Tattha nekkhammeti pabbajjādike kāmanissaraṇe. Adhimuttassāti tattha ninnapoṇapabbhārabhāvena yuttappayuttassa, paṭhamaṃ tāva pabbajjābhimukho hutvā kāme pahāya pabbajitvā ca sīlavisodhanaṃ araññavāso dhutaṅgapariharaṇaṃ bhāvanābhiyogoti evamādīsu anavajjadhammesu yuttappayuttassāti attho. Pavivekañca cetasoti cetaso pavivekañca adhimuttassa evaṃ nekkhammādhimuttassa sato catukkapañcakajjhānānaṃ nibbattanena viveke yuttassa payuttassa. Abyābajjhādhimuttassāti abyābajjhe nidukkhatāya adhimuttassa jhānasamāpattiyo nibbattetvā samathasukhe yuttappayuttassa. Upādānakkhayassa cāti catunnampi upādānānaṃ khayante arahatte adhimuttassa. Bhummatthe hi etaṃ sāmivacanaṃ. Taṃ yathādhigataṃ jhānaṃ pādakaṃ katvā arahattādhigamāya vipassanaṃ anuyuñjantassāti attho.
д̇ан̣хагкаяаад̇химуд̇д̇ассаад̇и д̇ан̣хаа кийяад̇и зд̇т̇аад̇и д̇ан̣хагкаяо, ниб̣б̣аанам̣, д̇асмим̣ ад̇химуд̇д̇асса убаад̣̇им̣ бхаяад̇о, анубаад̣̇ин̃жа кзмад̇о д̣̇ассанзна нирод̇хз ниннабон̣абаб̣бхаарасса. асаммохан̃жа жзд̇асод̇и асаммохасамбаж̇ан̃н̃авасзна жид̇д̇асса асаммохабавад̇д̇им̣ саммохасамужчинд̣̇анзна ваа жид̇д̇асса асаммохабхууд̇ам̣ арияамаг̇г̇ам̣ ад̇химуд̇д̇асса. д̣̇исваа ааяад̇ануббаад̣̇анд̇и жагкаад̣̇ийнам̣ ааяад̇анаанам̣ яат̇аасагабажжаязхи кан̣з кан̣з уббаад̣̇ам̣, д̇аббадибагкад̇о нирод̇хан̃жа вибассанаабан̃н̃аасахид̇ааяа маг̇г̇абан̃н̃ааяа д̣̇исваа д̣̇ассанахзд̇у саммаа жид̇д̇ам̣ вимужжад̇ийд̇и саммаа хзд̇унаа н̃ааязна маг̇г̇абадибаадияаа саб̣б̣аасавад̇о жид̇д̇ам̣ вимужжад̇и.
Taṇhakkhayādhimuttassāti taṇhā khīyati etthāti taṇhakkhayo, nibbānaṃ, tasmiṃ adhimuttassa upādiṃ bhayato, anupādiñca khemato dassanena nirodhe ninnapoṇapabbhārassa. Asammohañca cetasoti asammohasampajaññavasena cittassa asammohapavattiṃ sammohasamucchindanena vā cittassa asammohabhūtaṃ ariyamaggaṃ adhimuttassa. Disvā āyatanuppādanti cakkhādīnaṃ āyatanānaṃ yathāsakapaccayehi khaṇe khaṇe uppādaṃ, tappaṭipakkhato nirodhañca vipassanāpaññāsahitāya maggapaññāya disvā dassanahetu sammā cittaṃ vimuccatīti sammā hetunā ñāyena maggapaṭipāṭiyā sabbāsavato cittaṃ vimuccati.
‘‘д̇асса саммаа вимуд̇д̇ассаа’’д̇иаад̣̇ийсу аяам̣ сан̇кзбад̇т̇о – д̇асса вуд̇д̇анаязна саммад̣̇зва саб̣б̣асам̣гилзсад̇о вимуд̇д̇асса, д̇ад̇о зва ажжанд̇убасамзна санд̇ажид̇д̇асса кийн̣аасавабхигкуно гад̇асса гусаласса агусаласса ваа убажаяо над̇т̇и маг̇г̇знзва самуг̇гхаад̇ид̇ад̇д̇аа, барин̃н̃аад̣̇ибхзд̣̇ам̣ гаран̣ийяам̣ на виж̇ж̇ад̇и гад̇агижжад̇д̇аа. звам̣ бхууд̇асса яат̇аа згагхано сзло баб̣б̣ад̇о багад̇иваад̇зна на самийрад̇и на сам̣гамбад̇и, звам̣ идтаа жа анидтаа жа руубаад̣̇аяо аарамман̣ад̇хаммаа д̇аад̣̇ино д̇аад̣̇ибхааваббад̇д̇асса тид̇ам̣ анзж̇ам̣ бахийнасаб̣б̣асогад̇ааяа висам̣яуд̇д̇ам̣ жид̇д̇ам̣ наббавзд̇ханд̇и на жаалзнд̇и. асса жа аарамман̣ад̇хаммасса гаалзна гаалам̣ паласамаабад̇д̇им̣ самаабаж̇ж̇ид̇ваа вибассанд̇о ваяам̣ нирод̇хам̣ кан̣з кан̣з бхиж̇ж̇анасабхаавам̣ анубассад̇ийд̇и ан̃н̃ам̣ б̣яаагааси.
‘‘Tassa sammā vimuttassā’’tiādīsu ayaṃ saṅkhepattho – tassa vuttanayena sammadeva sabbasaṃkilesato vimuttassa, tato eva accantupasamena santacittassa khīṇāsavabhikkhuno katassa kusalassa akusalassa vā upacayo natthi maggeneva samugghātitattā, pariññādibhedaṃ karaṇīyaṃ na vijjati katakiccattā. Evaṃ bhūtassa yathā ekaghano selo pabbato pakativātena na samīrati na saṃkampati, evaṃ iṭṭhā ca aniṭṭhā ca rūpādayo ārammaṇadhammā tādino tādibhāvappattassa ṭhitaṃ anejaṃ pahīnasabbasokatāya visaṃyuttaṃ cittaṃ nappavedhanti na cālenti. Assa ca ārammaṇadhammassa kālena kālaṃ phalasamāpattiṃ samāpajjitvā vipassanto vayaṃ nirodhaṃ khaṇe khaṇe bhijjanasabhāvaṃ anupassatīti aññaṃ byākāsi.
сон̣агол̣ивисад̇т̇зраг̇аат̇ааван̣н̣анаа нидтид̇аа.
Soṇakoḷivisattheragāthāvaṇṇanā niṭṭhitā.
д̇зрасанибаад̇аван̣н̣анаа нидтид̇аа.
Terasanipātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 1. сон̣агол̣ивисад̇т̇зраг̇аат̇аа • 1. Soṇakoḷivisattheragāthā
