| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
5. жаммагканд̇хаго
5. Cammakkhandhako
147. сон̣агол̣ивисавад̇т̇у
147. Soṇakoḷivisavatthu
242. д̇зна самаязна б̣уд̣̇д̇хо бхаг̇аваа рааж̇аг̇ахз вихарад̇и г̇иж̇жхагуудз баб̣б̣ад̇з. д̇зна ко бана самаязна рааж̇аа мааг̇ад̇хо сзнияо б̣имб̣исааро асийд̇ияаа г̇аамасахассзсу иссарияаад̇хибажжам̣ раж̇ж̇ам̣ гаарзд̇и. д̇зна ко бана самаязна жамбааяам̣ сон̣о наама гол̣ивисо 1 сздтибуд̇д̇о сукумаало ход̇и. д̇асса баад̣̇ад̇алзсу ломаани ж̇аад̇аани хонд̇и. ат̇а ко рааж̇аа мааг̇ад̇хо сзнияо б̣имб̣исааро д̇аани асийд̇и г̇аамигасахассаани саннибаад̇аабзд̇ваа гзнажид̣̇зва гаран̣ийязна сон̣асса гол̣ивисасса санд̇игз д̣̇ууд̇ам̣ баахзси – ааг̇ажчад̇у сон̣о, ижчаами сон̣асса ааг̇ад̇анд̇и. ат̇а ко сон̣асса гол̣ивисасса маад̇аабид̇аро сон̣ам̣ гол̣ивисам̣ зд̇ад̣̇авожум̣ – ‘‘рааж̇аа д̇з, д̇аад̇а сон̣а, баад̣̇з д̣̇агкид̇угаамо. маа ко д̇вам̣, д̇аад̇а сон̣а, язна рааж̇аа д̇зна баад̣̇з абхиббасаарзяяааси. ран̃н̃о бурад̇о баллан̇гзна нисийд̣̇а. нисиннасса д̇з рааж̇аа баад̣̇з д̣̇агкиссад̇ий’’д̇и. ат̇а ко сон̣ам̣ гол̣ивисам̣ сивигааяа аанзсум̣. ат̇а ко сон̣о гол̣ивисо язна рааж̇аа мааг̇ад̇хо сзнияо б̣имб̣исааро д̇знубасан̇гами, убасан̇гамид̇ваа рааж̇аанам̣ мааг̇ад̇хам̣ сзнияам̣ б̣имб̣исаарам̣ абхиваад̣̇зд̇ваа ран̃н̃о бурад̇о баллан̇гзна нисийд̣̇и. ад̣̇д̣̇асаа ко рааж̇аа мааг̇ад̇хо сзнияо б̣имб̣исааро сон̣асса гол̣ивисасса баад̣̇ад̇алзсу ломаани ж̇аад̇аани. ат̇а ко рааж̇аа мааг̇ад̇хо сзнияо б̣имб̣исааро д̇аани асийд̇и г̇аамигасахассаани д̣̇идтад̇хаммигз ад̇т̇з анусаасид̇ваа уяяож̇зси – ‘‘д̇умхз квад̇т̇а, бхан̣з, маяаа д̣̇идтад̇хаммигз ад̇т̇з анусаасид̇аа; г̇ажчат̇а, д̇ам̣ бхаг̇аванд̇ам̣ баяирубаасат̇а; со но бхаг̇аваа самбарааяигз ад̇т̇з анусаасиссад̇ий’’д̇и.
242. Tena samayena buddho bhagavā rājagahe viharati gijjhakūṭe pabbate. Tena kho pana samayena rājā māgadho seniyo bimbisāro asītiyā gāmasahassesu issariyādhipaccaṃ rajjaṃ kāreti. Tena kho pana samayena campāyaṃ soṇo nāma koḷiviso 2 seṭṭhiputto sukhumālo hoti. Tassa pādatalesu lomāni jātāni honti. Atha kho rājā māgadho seniyo bimbisāro tāni asīti gāmikasahassāni sannipātāpetvā kenacideva karaṇīyena soṇassa koḷivisassa santike dūtaṃ pāhesi – āgacchatu soṇo, icchāmi soṇassa āgatanti. Atha kho soṇassa koḷivisassa mātāpitaro soṇaṃ koḷivisaṃ etadavocuṃ – ‘‘rājā te, tāta soṇa, pāde dakkhitukāmo. Mā kho tvaṃ, tāta soṇa, yena rājā tena pāde abhippasāreyyāsi. Rañño purato pallaṅkena nisīda. Nisinnassa te rājā pāde dakkhissatī’’ti. Atha kho soṇaṃ koḷivisaṃ sivikāya ānesuṃ. Atha kho soṇo koḷiviso yena rājā māgadho seniyo bimbisāro tenupasaṅkami, upasaṅkamitvā rājānaṃ māgadhaṃ seniyaṃ bimbisāraṃ abhivādetvā rañño purato pallaṅkena nisīdi. Addasā kho rājā māgadho seniyo bimbisāro soṇassa koḷivisassa pādatalesu lomāni jātāni. Atha kho rājā māgadho seniyo bimbisāro tāni asīti gāmikasahassāni diṭṭhadhammike atthe anusāsitvā uyyojesi – ‘‘tumhe khvattha, bhaṇe, mayā diṭṭhadhammike atthe anusāsitā; gacchatha, taṃ bhagavantaṃ payirupāsatha; so no bhagavā samparāyike atthe anusāsissatī’’ti.
ат̇а ко д̇аани асийд̇и г̇аамигасахассаани язна г̇иж̇жхагуудо баб̣б̣ад̇о д̇знубасан̇гамим̣су. д̇зна ко бана самаязна ааяасмаа сааг̇ад̇о бхаг̇авад̇о убадтааго ход̇и. ат̇а ко д̇аани асийд̇и г̇аамигасахассаани язнааяасмаа сааг̇ад̇о д̇знубасан̇гамим̣су, убасан̇гамид̇ваа ааяасманд̇ам̣ сааг̇ад̇ам̣ зд̇ад̣̇авожум̣ – ‘‘имаани, бханд̇з, асийд̇и г̇аамигасахассаани ид̇хуубасан̇ганд̇аани бхаг̇аванд̇ам̣ д̣̇ассанааяа; саад̇ху маяам̣, бханд̇з, лабхзяяаама бхаг̇аванд̇ам̣ д̣̇ассанааяаа’’д̇и. ‘‘д̇зна хи д̇умхз ааяасманд̇о мухуд̇д̇ам̣ ид̇хзва д̇аава хот̇а, яааваахам̣ бхаг̇аванд̇ам̣ бадивзд̣̇змий’’д̇и. ат̇а ко ааяасмаа сааг̇ад̇о д̇зсам̣ асийд̇ияаа г̇аамигасахассаанам̣ бурад̇о бзгкамаанаанам̣ баадигааяа нимуж̇ж̇ид̇ваа бхаг̇авад̇о бурад̇о уммуж̇ж̇ид̇ваа бхаг̇аванд̇ам̣ зд̇ад̣̇авожа – ‘‘имаани, бханд̇з, асийд̇и г̇аамигасахассаани ид̇хуубасан̇ганд̇аани бхаг̇аванд̇ам̣ д̣̇ассанааяа; яасса д̣̇аани, бханд̇з, бхаг̇аваа гаалам̣ ман̃н̃ад̇ий’’д̇и. ‘‘д̇зна хи д̇вам̣, сааг̇ад̇а, вихаарабажчааяааяам̣ аасанам̣ бан̃н̃абзхий’’д̇и. ‘‘звам̣, бханд̇з’’д̇и ко ааяасмаа сааг̇ад̇о бхаг̇авад̇о бадиссун̣ид̇ваа бийтам̣ г̇ахзд̇ваа бхаг̇авад̇о бурад̇о нимуж̇ж̇ид̇ваа д̇зсам̣ асийд̇ияаа г̇аамигасахассаанам̣ бурад̇о бзгкамаанаанам̣ баадигааяа уммуж̇ж̇ид̇ваа вихаарабажчааяааяам̣ аасанам̣ бан̃н̃абзд̇и. ат̇а ко бхаг̇аваа вихаараа нигкамид̇ваа вихаарабажчааяааяам̣ бан̃н̃ад̇д̇з аасанз нисийд̣̇и. ат̇а ко д̇аани асийд̇и г̇аамигасахассаани язна бхаг̇аваа д̇знубасан̇гамим̣су, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. ат̇а ко д̇аани асийд̇и г̇аамигасахассаани ааяасманд̇ам̣язва сааг̇ад̇ам̣ саманнаахаранд̇и, но д̇ат̇аа бхаг̇аванд̇ам̣. ат̇а ко бхаг̇аваа д̇зсам̣ асийд̇ияаа г̇аамигасахассаанам̣ жзд̇асаа жзд̇обаривид̇аггаман̃н̃ааяа ааяасманд̇ам̣ сааг̇ад̇ам̣ ааманд̇зси – ‘‘д̇зна хи д̇вам̣, сааг̇ад̇а, бхияяосомад̇д̇ааяа уд̇д̇аримануссад̇хаммам̣ ид̣̇д̇хибаадихаарияам̣ д̣̇ассзхий’’д̇и. ‘‘звам̣, бханд̇з’’д̇и ко ааяасмаа сааг̇ад̇о бхаг̇авад̇о бадиссун̣ид̇ваа взхаасам̣ аб̣бхуг̇г̇анд̇ваа аагаасз анд̇алигкз жан̇гамад̇иби, д̇идтад̇иби, нисийд̣̇ад̇иби, сзяяамби габбзд̇и, д̇хуумааяад̇иби 3 баж̇ж̇алад̇иби, анд̇арад̇хааяад̇иби. ат̇а ко ааяасмаа сааг̇ад̇о аагаасз анд̇алигкз анзгавихид̇ам̣ уд̇д̇аримануссад̇хаммам̣ ид̣̇д̇хибаадихаарияам̣ д̣̇ассзд̇ваа бхаг̇авад̇о баад̣̇зсу сирасаа нибад̇ид̇ваа бхаг̇аванд̇ам̣ зд̇ад̣̇авожа – ‘‘сад̇т̇аа мз, бханд̇з, бхаг̇аваа; саавагохамасми. сад̇т̇аа мз, бханд̇з, бхаг̇аваа; саавагохамасмий’’д̇и. ат̇а ко д̇аани асийд̇и г̇аамигасахассаани ‘‘ажчарияам̣ вад̇а бхо! аб̣бхуд̇ам̣ вад̇а бхо! саавагоби наама звам̣ махид̣̇д̇хиго бхависсад̇и, звам̣ махаанубхааво, ахо нууна сад̇т̇аа’’д̇и бхаг̇аванд̇ам̣язва саманнаахаранд̇и, но д̇ат̇аа ааяасманд̇ам̣ сааг̇ад̇ам̣.
Atha kho tāni asīti gāmikasahassāni yena gijjhakūṭo pabbato tenupasaṅkamiṃsu. Tena kho pana samayena āyasmā sāgato bhagavato upaṭṭhāko hoti. Atha kho tāni asīti gāmikasahassāni yenāyasmā sāgato tenupasaṅkamiṃsu, upasaṅkamitvā āyasmantaṃ sāgataṃ etadavocuṃ – ‘‘imāni, bhante, asīti gāmikasahassāni idhūpasaṅkantāni bhagavantaṃ dassanāya; sādhu mayaṃ, bhante, labheyyāma bhagavantaṃ dassanāyā’’ti. ‘‘Tena hi tumhe āyasmanto muhuttaṃ idheva tāva hotha, yāvāhaṃ bhagavantaṃ paṭivedemī’’ti. Atha kho āyasmā sāgato tesaṃ asītiyā gāmikasahassānaṃ purato pekkhamānānaṃ pāṭikāya nimujjitvā bhagavato purato ummujjitvā bhagavantaṃ etadavoca – ‘‘imāni, bhante, asīti gāmikasahassāni idhūpasaṅkantāni bhagavantaṃ dassanāya; yassa dāni, bhante, bhagavā kālaṃ maññatī’’ti. ‘‘Tena hi tvaṃ, sāgata, vihārapacchāyāyaṃ āsanaṃ paññapehī’’ti. ‘‘Evaṃ, bhante’’ti kho āyasmā sāgato bhagavato paṭissuṇitvā pīṭhaṃ gahetvā bhagavato purato nimujjitvā tesaṃ asītiyā gāmikasahassānaṃ purato pekkhamānānaṃ pāṭikāya ummujjitvā vihārapacchāyāyaṃ āsanaṃ paññapeti. Atha kho bhagavā vihārā nikkhamitvā vihārapacchāyāyaṃ paññatte āsane nisīdi. Atha kho tāni asīti gāmikasahassāni yena bhagavā tenupasaṅkamiṃsu, upasaṅkamitvā bhagavantaṃ abhivādetvā ekamantaṃ nisīdiṃsu. Atha kho tāni asīti gāmikasahassāni āyasmantaṃyeva sāgataṃ samannāharanti, no tathā bhagavantaṃ. Atha kho bhagavā tesaṃ asītiyā gāmikasahassānaṃ cetasā cetoparivitakkamaññāya āyasmantaṃ sāgataṃ āmantesi – ‘‘tena hi tvaṃ, sāgata, bhiyyosomattāya uttarimanussadhammaṃ iddhipāṭihāriyaṃ dassehī’’ti. ‘‘Evaṃ, bhante’’ti kho āyasmā sāgato bhagavato paṭissuṇitvā vehāsaṃ abbhuggantvā ākāse antalikkhe caṅkamatipi, tiṭṭhatipi, nisīdatipi, seyyampi kappeti, dhūmāyatipi 4 pajjalatipi, antaradhāyatipi. Atha kho āyasmā sāgato ākāse antalikkhe anekavihitaṃ uttarimanussadhammaṃ iddhipāṭihāriyaṃ dassetvā bhagavato pādesu sirasā nipatitvā bhagavantaṃ etadavoca – ‘‘satthā me, bhante, bhagavā; sāvakohamasmi. Satthā me, bhante, bhagavā; sāvakohamasmī’’ti. Atha kho tāni asīti gāmikasahassāni ‘‘acchariyaṃ vata bho! Abbhutaṃ vata bho! Sāvakopi nāma evaṃ mahiddhiko bhavissati, evaṃ mahānubhāvo, aho nūna satthā’’ti bhagavantaṃyeva samannāharanti, no tathā āyasmantaṃ sāgataṃ.
ат̇а ко бхаг̇аваа д̇зсам̣ асийд̇ияаа г̇аамигасахассаанам̣ жзд̇асаа жзд̇обаривид̇аггаман̃н̃ааяа анубуб̣б̣им̣ гат̇ам̣ гат̇зси, сзяяат̇ид̣̇ам̣ – д̣̇аанагат̇ам̣ сийлагат̇ам̣ саг̇г̇агат̇ам̣ , гаамаанам̣ аад̣̇ийнавам̣ огаарам̣ сам̣гилзсам̣, нзгкаммз аанисам̣сам̣ багаасзси. яад̣̇аа д̇з бхаг̇аваа ан̃н̃ааси галлажид̇д̇з, муд̣̇ужид̇д̇з, винийваран̣ажид̇д̇з, уд̣̇аг̇г̇ажид̇д̇з, басаннажид̇д̇з, ат̇а яаа б̣уд̣̇д̇хаанам̣ саамуггам̣сигаа д̇хаммад̣̇зсанаа, д̇ам̣ багаасзси – д̣̇угкам̣, самуд̣̇аяам̣, нирод̇хам̣, маг̇г̇ам̣. сзяяат̇ааби наама суд̣̇д̇хам̣ вад̇т̇ам̣ абаг̇ад̇агаал̣агам̣ саммад̣̇зва раж̇анам̣ бадиг̇г̇ан̣хзяяа, звамзвам̣ д̇зсам̣ асийд̇ияаа г̇аамигасахассаанам̣ д̇асмим̣язва аасанз вираж̇ам̣ вийд̇амалам̣ д̇хаммажагкум̣ уд̣̇абаад̣̇и – ‘‘яам̣гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамма’’нд̇и. д̇з д̣̇идтад̇хаммаа бад̇д̇ад̇хаммаа вид̣̇ид̇ад̇хаммаа барияог̇аал̣хад̇хаммаа д̇ин̣н̣авижигижчаа виг̇ад̇агат̇ам̣гат̇аа взсаараж̇ж̇аббад̇д̇аа абараббажжаяаа сад̇т̇усаасанз бхаг̇аванд̇ам̣ зд̇ад̣̇авожум̣ – ‘‘абхигганд̇ам̣, бханд̇з, абхигганд̇ам̣, бханд̇з. сзяяат̇ааби, бханд̇з, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа – ‘‘жагкуманд̇о руубаани д̣̇агканд̇ий’’д̇и, звамзвам̣ бхаг̇авад̇аа анзгабарияааязна д̇хаммо багаасид̇о. зд̇з маяам̣, бханд̇з, бхаг̇аванд̇ам̣ саран̣ам̣ г̇ажчаама. д̇хамман̃жа, бхигкусан̇гхан̃жа. убаасагз но бхаг̇аваа д̇хаарзд̇у аж̇ж̇ад̇аг̇г̇з баан̣убзд̇з саран̣ам̣ г̇ад̇з’’д̇и.
Atha kho bhagavā tesaṃ asītiyā gāmikasahassānaṃ cetasā cetoparivitakkamaññāya anupubbiṃ kathaṃ kathesi, seyyathidaṃ – dānakathaṃ sīlakathaṃ saggakathaṃ , kāmānaṃ ādīnavaṃ okāraṃ saṃkilesaṃ, nekkhamme ānisaṃsaṃ pakāsesi. Yadā te bhagavā aññāsi kallacitte, muducitte, vinīvaraṇacitte, udaggacitte, pasannacitte, atha yā buddhānaṃ sāmukkaṃsikā dhammadesanā, taṃ pakāsesi – dukkhaṃ, samudayaṃ, nirodhaṃ, maggaṃ. Seyyathāpi nāma suddhaṃ vatthaṃ apagatakāḷakaṃ sammadeva rajanaṃ paṭiggaṇheyya, evamevaṃ tesaṃ asītiyā gāmikasahassānaṃ tasmiṃyeva āsane virajaṃ vītamalaṃ dhammacakkhuṃ udapādi – ‘‘yaṃkiñci samudayadhammaṃ, sabbaṃ taṃ nirodhadhamma’’nti. Te diṭṭhadhammā pattadhammā viditadhammā pariyogāḷhadhammā tiṇṇavicikicchā vigatakathaṃkathā vesārajjappattā aparappaccayā satthusāsane bhagavantaṃ etadavocuṃ – ‘‘abhikkantaṃ, bhante, abhikkantaṃ, bhante. Seyyathāpi, bhante, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya – ‘‘cakkhumanto rūpāni dakkhantī’’ti, evamevaṃ bhagavatā anekapariyāyena dhammo pakāsito. Ete mayaṃ, bhante, bhagavantaṃ saraṇaṃ gacchāma. Dhammañca, bhikkhusaṅghañca. Upāsake no bhagavā dhāretu ajjatagge pāṇupete saraṇaṃ gate’’ti.
сон̣асса баб̣б̣аж̇ж̇аа
Soṇassa pabbajjā
243. ат̇а ко сон̣асса гол̣ивисасса зд̇ад̣̇ахоси ‘‘яат̇аа яат̇аа ко ахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами, наяид̣̇ам̣ сугарам̣ аг̇аарам̣ аж̇жхаавасад̇аа зганд̇абарибун̣н̣ам̣ зганд̇абарисуд̣̇д̇хам̣ сан̇каликид̇ам̣ б̣рахмажарияам̣ жарид̇ум̣; яам̣нуунаахам̣ гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇зяяа’’нд̇и. ат̇а ко д̇аани асийд̇и г̇аамигасахассаани бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггамисум̣. ат̇а ко сон̣о гол̣ивисо ажирабагганд̇зсу д̇зсу асийд̇ияаа г̇аамигасахассзсу язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко сон̣о гол̣ивисо бхаг̇аванд̇ам̣ зд̇ад̣̇авожа – ‘‘яат̇аа яат̇аахам̣, бханд̇з, бхаг̇авад̇аа д̇хаммам̣ д̣̇зсид̇ам̣ ааж̇аанаами, наяид̣̇ам̣ сугарам̣ аг̇аарам̣ аж̇жхаавасад̇аа зганд̇абарибун̣н̣ам̣ зганд̇абарисуд̣̇д̇хам̣ сан̇каликид̇ам̣ б̣рахмажарияам̣ жарид̇ум̣. ижчаамахам̣, бханд̇з, гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ид̇ум̣. баб̣б̣ааж̇зд̇у мам̣, бханд̇з, бхаг̇аваа’’д̇и. алад̇т̇а ко сон̣о гол̣ивисо бхаг̇авад̇о санд̇игз баб̣б̣аж̇ж̇ам̣, алад̇т̇а убасамбад̣̇ам̣. ажирубасамбанно жа банааяасмаа сон̣о сийд̇аванз вихарад̇и. д̇асса ажжаарад̣̇д̇хавийрияасса жан̇гамад̇о баад̣̇аа бхиж̇ж̇им̣су. жан̇гамо лохид̇зна пудо ход̇и, сзяяат̇ааби г̇аваагхаад̇анам̣. 5 ат̇а ко ааяасмад̇о сон̣асса рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘‘яз ко гзжи бхаг̇авад̇о саавагаа аарад̣̇д̇хавийрияаа вихаранд̇и, ахам̣ д̇зсам̣ ан̃н̃ад̇аро. ат̇а жа бана мз наанубаад̣̇ааяа аасавзхи жид̇д̇ам̣ вимужжад̇и. сам̣виж̇ж̇анд̇и ко бана мз гулз бхог̇аа; саггаа бхог̇з жа бхун̃ж̇ид̇ум̣, бун̃н̃аани жа гаад̇ум̣. яам̣нуунаахам̣ хийнааяаавад̇д̇ид̇ваа бхог̇з жа бхун̃ж̇зяяам̣, бун̃н̃аани жа гарзяяа’’нд̇и. ат̇а ко бхаг̇аваа ааяасмад̇о сон̣асса жзд̇асаа жзд̇обаривид̇аггаман̃н̃ааяа – сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа звамзва – г̇иж̇жхагуудз баб̣б̣ад̇з анд̇арахид̇о сийд̇аванз баад̇урахоси. ат̇а ко бхаг̇аваа самб̣ахулзхи бхигкуухи сад̣̇д̇хим̣ сзнаасанажааригам̣ аахин̣д̣анд̇о язнааяасмад̇о сон̣асса жан̇гамо д̇знубасан̇гами. ад̣̇д̣̇асаа ко бхаг̇аваа ааяасмад̇о сон̣асса жан̇гамам̣ лохид̇зна пудам̣, д̣̇исваана бхигкуу ааманд̇зси – ‘‘гасса нвааяам̣, бхигкавз, жан̇гамо лохид̇зна пудо, сзяяат̇ааби г̇аваагхаад̇ана’’нд̇и? ‘‘ааяасмад̇о, бханд̇з, сон̣асса ажжаарад̣̇д̇хавийрияасса жан̇гамад̇о баад̣̇аа бхиж̇ж̇им̣су. д̇ассааяам̣ жан̇гамо лохид̇зна пудо, сзяяат̇ааби г̇аваагхаад̇ана’’нд̇и.
243. Atha kho soṇassa koḷivisassa etadahosi ‘‘yathā yathā kho ahaṃ bhagavatā dhammaṃ desitaṃ ājānāmi, nayidaṃ sukaraṃ agāraṃ ajjhāvasatā ekantaparipuṇṇaṃ ekantaparisuddhaṃ saṅkhalikhitaṃ brahmacariyaṃ carituṃ; yaṃnūnāhaṃ kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajeyya’’nti. Atha kho tāni asīti gāmikasahassāni bhagavato bhāsitaṃ abhinanditvā anumoditvā uṭṭhāyāsanā bhagavantaṃ abhivādetvā padakkhiṇaṃ katvā pakkamisuṃ. Atha kho soṇo koḷiviso acirapakkantesu tesu asītiyā gāmikasahassesu yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho soṇo koḷiviso bhagavantaṃ etadavoca – ‘‘yathā yathāhaṃ, bhante, bhagavatā dhammaṃ desitaṃ ājānāmi, nayidaṃ sukaraṃ agāraṃ ajjhāvasatā ekantaparipuṇṇaṃ ekantaparisuddhaṃ saṅkhalikhitaṃ brahmacariyaṃ carituṃ. Icchāmahaṃ, bhante, kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajituṃ. Pabbājetu maṃ, bhante, bhagavā’’ti. Alattha kho soṇo koḷiviso bhagavato santike pabbajjaṃ, alattha upasampadaṃ. Acirupasampanno ca panāyasmā soṇo sītavane viharati. Tassa accāraddhavīriyassa caṅkamato pādā bhijjiṃsu. Caṅkamo lohitena phuṭo hoti, seyyathāpi gavāghātanaṃ. 6 Atha kho āyasmato soṇassa rahogatassa paṭisallīnassa evaṃ cetaso parivitakko udapādi – ‘‘ye kho keci bhagavato sāvakā āraddhavīriyā viharanti, ahaṃ tesaṃ aññataro. Atha ca pana me nānupādāya āsavehi cittaṃ vimuccati. Saṃvijjanti kho pana me kule bhogā; sakkā bhoge ca bhuñjituṃ, puññāni ca kātuṃ. Yaṃnūnāhaṃ hīnāyāvattitvā bhoge ca bhuñjeyyaṃ, puññāni ca kareyya’’nti. Atha kho bhagavā āyasmato soṇassa cetasā cetoparivitakkamaññāya – seyyathāpi nāma balavā puriso samiñjitaṃ vā bāhaṃ pasāreyya, pasāritaṃ vā bāhaṃ samiñjeyya evameva – gijjhakūṭe pabbate antarahito sītavane pāturahosi. Atha kho bhagavā sambahulehi bhikkhūhi saddhiṃ senāsanacārikaṃ āhiṇḍanto yenāyasmato soṇassa caṅkamo tenupasaṅkami. Addasā kho bhagavā āyasmato soṇassa caṅkamaṃ lohitena phuṭaṃ, disvāna bhikkhū āmantesi – ‘‘kassa nvāyaṃ, bhikkhave, caṅkamo lohitena phuṭo, seyyathāpi gavāghātana’’nti? ‘‘Āyasmato, bhante, soṇassa accāraddhavīriyassa caṅkamato pādā bhijjiṃsu. Tassāyaṃ caṅkamo lohitena phuṭo, seyyathāpi gavāghātana’’nti.
ат̇а ко бхаг̇аваа язнааяасмад̇о сон̣асса вихааро д̇знубасан̇гами, убасан̇гамид̇ваа бан̃н̃ад̇д̇з аасанз нисийд̣̇и. ааяасмааби ко сон̣о бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ сон̣ам̣ бхаг̇аваа зд̇ад̣̇авожа – ‘‘нану д̇з, сон̣а, рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘яз ко гзжи бхаг̇авад̇о саавагаа аарад̣̇д̇хавийрияаа вихаранд̇и, ахам̣ д̇зсам̣ ан̃н̃ад̇аро. ат̇а жа бана мз наанубаад̣̇ааяа аасавзхи жид̇д̇ам̣ вимужжад̇и. сам̣виж̇ж̇анд̇и ко бана мз гулз бхог̇аа; саггаа бхог̇з жа бхун̃ж̇ид̇ум̣, бун̃н̃аани жа гаад̇ум̣. яам̣нуунаахам̣ хийнааяаавад̇д̇ид̇ваа бхог̇з жа бхун̃ж̇зяяам̣, бун̃н̃аани жа гарзяяа’’’нд̇и? ‘‘звам̣, бханд̇з’’д̇и . ‘‘д̇ам̣ гим̣ ман̃н̃аси, сон̣а, гусало д̇вам̣ буб̣б̣з аг̇ааригабхууд̇о вийн̣ааяа д̇анд̇иссарз’’д̇и? ‘‘звам̣, бханд̇з’’д̇и. ‘‘д̇ам̣ гим̣ ман̃н̃аси, сон̣а, яад̣̇аа д̇з вийн̣ааяа д̇анд̇ияо ажжааяад̇аа хонд̇и, аби ну д̇з вийн̣аа д̇асмим̣ самаяз саравад̇ий ваа ход̇и, гамман̃н̃аа ваа’’д̇и? ‘‘но хзд̇ам̣, бханд̇з’’д̇и. ‘‘д̇ам̣ гим̣ ман̃н̃аси, сон̣а, яад̣̇аа д̇з вийн̣ааяа д̇анд̇ияо ад̇исит̇илаа хонд̇и, аби ну д̇з вийн̣аа д̇асмим̣ самаяз саравад̇ий ваа ход̇и, гамман̃н̃аа ваа’’д̇и? ‘‘но хзд̇ам̣, бханд̇з’’д̇и. ‘‘д̇ам̣ гим̣ ман̃н̃аси, сон̣а, яад̣̇аа д̇з вийн̣ааяа д̇анд̇ияо нзва ажжааяад̇аа хонд̇и наад̇исит̇илаа, самз г̇ун̣з бад̇идтид̇аа, аби ну д̇з вийн̣аа д̇асмим̣ самаяз саравад̇ий ваа ход̇и, гамман̃н̃аа ваа’’д̇и? ‘‘звам̣, бханд̇з’’д̇и. ‘‘звамзва ко, сон̣а, ажжаарад̣̇д̇хавийрияам̣ уд̣̇д̇хажжааяа сам̣вад̇д̇ад̇и , ад̇илийнавийрияам̣ госаж̇ж̇ааяа сам̣вад̇д̇ад̇и. д̇асмаад̇иха д̇вам̣, сон̣а, вийрияасамад̇ам̣ ад̇хидтаха, инд̣̇рияаанан̃жа самад̇ам̣ бадивиж̇жха, д̇ад̇т̇а жа нимид̇д̇ам̣ г̇ан̣хаахий’’д̇и. ‘‘звам̣, бханд̇з’’д̇и ко ааяасмаа сон̣о бхаг̇авад̇о бажжассоси. ат̇а ко бхаг̇аваа ааяасманд̇ам̣ сон̣ам̣ иминаа оваад̣̇зна овад̣̇ид̇ваа – сзяяат̇ааби наама б̣алаваа бурисо саммин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа звамзва – сийд̇аванз ааяасмад̇о сон̣асса саммукз анд̇арахид̇о г̇иж̇жхагуудз баб̣б̣ад̇з баад̇урахоси. ат̇а ко ааяасмаа сон̣о абарзна самаязна вийрияасамад̇ам̣ ад̇хидтааси, инд̣̇рияаанан̃жа самад̇ам̣ бадивиж̇жхи, д̇ад̇т̇а жа нимид̇д̇ам̣ аг̇г̇ахзси. ат̇а ко ааяасмаа сон̣о, зго вуубагадто аббамад̇д̇о аад̇аабий бахид̇ад̇д̇о вихаранд̇о, на жирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и – д̇ад̣̇ануд̇д̇арам̣ б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихааси. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и абхин̃н̃ааси. ан̃н̃ад̇аро жа банааяасмаа сон̣о арахад̇ам̣ ахоси.
Atha kho bhagavā yenāyasmato soṇassa vihāro tenupasaṅkami, upasaṅkamitvā paññatte āsane nisīdi. Āyasmāpi kho soṇo bhagavantaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ soṇaṃ bhagavā etadavoca – ‘‘nanu te, soṇa, rahogatassa paṭisallīnassa evaṃ cetaso parivitakko udapādi – ‘ye kho keci bhagavato sāvakā āraddhavīriyā viharanti, ahaṃ tesaṃ aññataro. Atha ca pana me nānupādāya āsavehi cittaṃ vimuccati. Saṃvijjanti kho pana me kule bhogā; sakkā bhoge ca bhuñjituṃ, puññāni ca kātuṃ. Yaṃnūnāhaṃ hīnāyāvattitvā bhoge ca bhuñjeyyaṃ, puññāni ca kareyya’’’nti? ‘‘Evaṃ, bhante’’ti . ‘‘Taṃ kiṃ maññasi, soṇa, kusalo tvaṃ pubbe agārikabhūto vīṇāya tantissare’’ti? ‘‘Evaṃ, bhante’’ti. ‘‘Taṃ kiṃ maññasi, soṇa, yadā te vīṇāya tantiyo accāyatā honti, api nu te vīṇā tasmiṃ samaye saravatī vā hoti, kammaññā vā’’ti? ‘‘No hetaṃ, bhante’’ti. ‘‘Taṃ kiṃ maññasi, soṇa, yadā te vīṇāya tantiyo atisithilā honti, api nu te vīṇā tasmiṃ samaye saravatī vā hoti, kammaññā vā’’ti? ‘‘No hetaṃ, bhante’’ti. ‘‘Taṃ kiṃ maññasi, soṇa, yadā te vīṇāya tantiyo neva accāyatā honti nātisithilā, same guṇe patiṭṭhitā, api nu te vīṇā tasmiṃ samaye saravatī vā hoti, kammaññā vā’’ti? ‘‘Evaṃ, bhante’’ti. ‘‘Evameva kho, soṇa, accāraddhavīriyaṃ uddhaccāya saṃvattati , atilīnavīriyaṃ kosajjāya saṃvattati. Tasmātiha tvaṃ, soṇa, vīriyasamataṃ adhiṭṭhaha, indriyānañca samataṃ paṭivijjha, tattha ca nimittaṃ gaṇhāhī’’ti. ‘‘Evaṃ, bhante’’ti kho āyasmā soṇo bhagavato paccassosi. Atha kho bhagavā āyasmantaṃ soṇaṃ iminā ovādena ovaditvā – seyyathāpi nāma balavā puriso sammiñjitaṃ vā bāhaṃ pasāreyya, pasāritaṃ vā bāhaṃ samiñjeyya evameva – sītavane āyasmato soṇassa sammukhe antarahito gijjhakūṭe pabbate pāturahosi. Atha kho āyasmā soṇo aparena samayena vīriyasamataṃ adhiṭṭhāsi, indriyānañca samataṃ paṭivijjhi, tattha ca nimittaṃ aggahesi. Atha kho āyasmā soṇo, eko vūpakaṭṭho appamatto ātāpī pahitatto viharanto, na cirasseva – yassatthāya kulaputtā sammadeva agārasmā anagāriyaṃ pabbajanti – tadanuttaraṃ brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihāsi. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti abhiññāsi. Aññataro ca panāyasmā soṇo arahataṃ ahosi.
244. ат̇а ко ааяасмад̇о сон̣асса арахад̇д̇аббад̇д̇асса зд̇ад̣̇ахоси – ‘‘яам̣нуунаахам̣ бхаг̇авад̇о санд̇игз ан̃н̃ам̣ б̣яаагарзяяа’’нд̇и. ат̇а ко ааяасмаа сон̣о язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа сон̣о бхаг̇аванд̇ам̣ зд̇ад̣̇авожа – яо со, бханд̇з, бхигку арахам̣ кийн̣аасаво вусид̇аваа гад̇агаран̣ийяо охид̇абхааро ануббад̇д̇асад̣̇ад̇т̇о баригкийн̣абхавасан̃н̃ож̇ано саммад̣̇ан̃н̃аа вимуд̇д̇о, со чадтаанаани ад̇химуд̇д̇о ход̇и – нзгкаммаад̇химуд̇д̇о ход̇и, бавивзгаад̇химуд̇д̇о ход̇и, аб̣яаабаж̇ж̇аад̇химуд̇д̇о ход̇и, убаад̣̇аанагкаяаад̇химуд̇д̇о ход̇и, д̇ан̣хагкаяаад̇химуд̇д̇о ход̇и , асаммохаад̇химуд̇д̇о ход̇и.
244. Atha kho āyasmato soṇassa arahattappattassa etadahosi – ‘‘yaṃnūnāhaṃ bhagavato santike aññaṃ byākareyya’’nti. Atha kho āyasmā soṇo yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā soṇo bhagavantaṃ etadavoca – yo so, bhante, bhikkhu arahaṃ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaññojano sammadaññā vimutto, so chaṭṭhānāni adhimutto hoti – nekkhammādhimutto hoti, pavivekādhimutto hoti, abyāpajjādhimutto hoti, upādānakkhayādhimutto hoti, taṇhakkhayādhimutto hoti , asammohādhimutto hoti.
‘‘сияаа ко бана, бханд̇з, ид̇хзгажжасса ааяасмад̇о звамасса – ‘гзвалам̣ сад̣̇д̇хаамад̇д̇агам̣ нууна аяамааяасмаа ниссааяа нзгкаммаад̇химуд̇д̇о’д̇и, на ко банзд̇ам̣, бханд̇з, звам̣ д̣̇адтаб̣б̣ам̣. кийн̣аасаво, бханд̇з, бхигку, вусид̇аваа, гад̇агаран̣ийяо, гаран̣ийяамад̇д̇аанам̣ асаманубассанд̇о гад̇асса ваа бадижаяам̣ каяаа рааг̇асса вийд̇арааг̇ад̇д̇аа нзгкаммаад̇химуд̇д̇о ход̇и, каяаа д̣̇осасса вийд̇ад̣̇осад̇д̇аа нзгкаммаад̇химуд̇д̇о ход̇и, каяаа мохасса вийд̇амохад̇д̇аа нзгкаммаад̇химуд̇д̇о ход̇и.
‘‘Siyā kho pana, bhante, idhekaccassa āyasmato evamassa – ‘kevalaṃ saddhāmattakaṃ nūna ayamāyasmā nissāya nekkhammādhimutto’ti, na kho panetaṃ, bhante, evaṃ daṭṭhabbaṃ. Khīṇāsavo, bhante, bhikkhu, vusitavā, katakaraṇīyo, karaṇīyamattānaṃ asamanupassanto katassa vā paṭicayaṃ khayā rāgassa vītarāgattā nekkhammādhimutto hoti, khayā dosassa vītadosattā nekkhammādhimutto hoti, khayā mohassa vītamohattā nekkhammādhimutto hoti.
‘‘сияаа ко бана, бханд̇з, ид̇хзгажжасса ааяасмад̇о звамасса – ‘лаабхасаггаарасилогам̣ нууна аяамааяасмаа нигаамаяамаано бавивзгаад̇химуд̇д̇о’д̇и. на ко банзд̇ам̣, бханд̇з, звам̣ д̣̇адтаб̣б̣ам̣. кийн̣аасаво, бханд̇з, бхигку, вусид̇аваа, гад̇агаран̣ийяо, гаран̣ийяамад̇д̇аанам̣ 7 асаманубассанд̇о гад̇асса ваа бадижаяам̣, каяаа рааг̇асса вийд̇арааг̇ад̇д̇аа бавивзгаад̇химуд̇д̇о ход̇и, каяаа д̣̇осасса вийд̇ад̣̇осад̇д̇аа бавивзгаад̇химуд̇д̇о ход̇и, каяаа мохасса вийд̇амохад̇д̇аа бавивзгаад̇химуд̇д̇о ход̇и.
‘‘Siyā kho pana, bhante, idhekaccassa āyasmato evamassa – ‘lābhasakkārasilokaṃ nūna ayamāyasmā nikāmayamāno pavivekādhimutto’ti. Na kho panetaṃ, bhante, evaṃ daṭṭhabbaṃ. Khīṇāsavo, bhante, bhikkhu, vusitavā, katakaraṇīyo, karaṇīyamattānaṃ 8 asamanupassanto katassa vā paṭicayaṃ, khayā rāgassa vītarāgattā pavivekādhimutto hoti, khayā dosassa vītadosattā pavivekādhimutto hoti, khayā mohassa vītamohattā pavivekādhimutto hoti.
‘‘сияаа ко бана, бханд̇з, ид̇хзгажжасса ааяасмад̇о звамасса – ‘сийлаб̣б̣ад̇абараамаасам̣ нууна аяамааяасмаа саарад̇о бажжааг̇ажчанд̇о аб̣яаабаж̇ж̇аад̇химуд̇д̇о’д̇и. на ко банзд̇ам̣, бханд̇з, звам̣ д̣̇адтаб̣б̣ам̣. кийн̣аасаво, бханд̇з, бхигку, вусид̇аваа, гад̇агаран̣ийяо, гаран̣ийяамад̇д̇аанам̣ асаманубассанд̇о гад̇асса ваа бадижаяам̣, каяаа рааг̇асса вийд̇арааг̇ад̇д̇аа аб̣яаабаж̇ж̇аад̇химуд̇д̇о ход̇и, каяаа д̣̇осасса вийд̇ад̣̇осад̇д̇аа аб̣яаабаж̇ж̇аад̇химуд̇д̇о ход̇и, каяаа мохасса вийд̇амохад̇д̇аа аб̣яаабаж̇ж̇аад̇химуд̇д̇о ход̇и.
‘‘Siyā kho pana, bhante, idhekaccassa āyasmato evamassa – ‘sīlabbataparāmāsaṃ nūna ayamāyasmā sārato paccāgacchanto abyāpajjādhimutto’ti. Na kho panetaṃ, bhante, evaṃ daṭṭhabbaṃ. Khīṇāsavo, bhante, bhikkhu, vusitavā, katakaraṇīyo, karaṇīyamattānaṃ asamanupassanto katassa vā paṭicayaṃ, khayā rāgassa vītarāgattā abyāpajjādhimutto hoti, khayā dosassa vītadosattā abyāpajjādhimutto hoti, khayā mohassa vītamohattā abyāpajjādhimutto hoti.
‘‘каяаа рааг̇асса вийд̇арааг̇ад̇д̇аа убаад̣̇аанагкаяаад̇химуд̇д̇о ход̇и, каяаа д̣̇осасса вийд̇ад̣̇осад̇д̇аа убаад̣̇аанагкаяаад̇химуд̇д̇о ход̇и, каяаа мохасса вийд̇амохад̇д̇аа убаад̣̇аанагкаяаад̇химуд̇д̇о ход̇и.
‘‘Khayā rāgassa vītarāgattā upādānakkhayādhimutto hoti, khayā dosassa vītadosattā upādānakkhayādhimutto hoti, khayā mohassa vītamohattā upādānakkhayādhimutto hoti.
‘‘каяаа рааг̇асса вийд̇арааг̇ад̇д̇аа д̇ан̣хагкаяаад̇химуд̇д̇о ход̇и, каяаа д̣̇осасса вийд̇ад̣̇осад̇д̇аа д̇ан̣хагкаяаад̇химуд̇д̇о ход̇и, каяаа мохасса вийд̇амохад̇д̇аа д̇ан̣хагкаяаад̇химуд̇д̇о ход̇и.
‘‘Khayā rāgassa vītarāgattā taṇhakkhayādhimutto hoti, khayā dosassa vītadosattā taṇhakkhayādhimutto hoti, khayā mohassa vītamohattā taṇhakkhayādhimutto hoti.
‘‘каяаа рааг̇асса вийд̇арааг̇ад̇д̇аа асаммохаад̇химуд̇д̇о ход̇и, каяаа д̣̇осасса вийд̇ад̣̇осад̇д̇аа асаммохаад̇химуд̇д̇о ход̇и, каяаа мохасса вийд̇амохад̇д̇аа асаммохаад̇химуд̇д̇о ход̇и.
‘‘Khayā rāgassa vītarāgattā asammohādhimutto hoti, khayā dosassa vītadosattā asammohādhimutto hoti, khayā mohassa vītamohattā asammohādhimutto hoti.
‘‘звам̣ саммаа вимуд̇д̇ажид̇д̇асса, бханд̇з, бхигкуно бхусаа жзби жагкувин̃н̃зяяаа руубаа жагкусса аабаат̇ам̣ ааг̇ажчанд̇и, нзвасса жид̇д̇ам̣ барияаад̣̇ияанд̇и. амиссийгад̇амзвасса жид̇д̇ам̣ ход̇и, тид̇ам̣, аанзн̃ж̇аббад̇д̇ам̣, ваяан̃жассаанубассад̇и. бхусаа жзби сод̇авин̃н̃зяяаа сад̣̇д̣̇аа…бз… гхаанавин̃н̃зяяаа г̇анд̇хаа… ж̇ивхаавин̃н̃зяяаа расаа… гааяавин̃н̃зяяаа подтаб̣б̣аа… мановин̃н̃зяяаа д̇хаммаа манасса аабаат̇ам̣ ааг̇ажчанд̇и, нзвасса жид̇д̇ам̣ барияаад̣̇ияанд̇и; амиссийгад̇амзвасса жид̇д̇ам̣ ход̇и, тид̇ам̣, аанзн̃ж̇аббад̇д̇ам̣, ваяан̃жассаанубассад̇и. сзяяат̇ааби, бханд̇з, сзло баб̣б̣ад̇о ажчид̣̇д̣̇о асусиро згаг̇гхано, бурад̇т̇имааяа жзби д̣̇исааяа ааг̇ажчзяяа бхусаа ваад̇авудти, нзва нам̣ сан̇гамбзяяа на самбагамбзяяа на самбавзд̇хзяяа; бажчимааяа жзби д̣̇исааяа ааг̇ажчзяяа бхусаа ваад̇авудти…бз… уд̇д̇арааяа жзби д̣̇исааяа…бз… д̣̇агкин̣ааяа жзби д̣̇исааяа ааг̇ажчзяяа бхусаа ваад̇авудти, нзва нам̣ сан̇гамбзяяа на самбагамбзяяа на самбавзд̇хзяяа, звамзва ко, бханд̇з, звам̣ саммаа вимуд̇д̇ажид̇д̇асса бхигкуно бхусаа жзби жагкувин̃н̃зяяаа руубаа жагкусса аабаат̇ам̣ ааг̇ажчанд̇и, нзвасса жид̇д̇ам̣ барияаад̣̇ияанд̇и; амиссийгад̇амзвасса жид̇д̇ам̣ ход̇и, тид̇ам̣, аанзн̃ж̇аббад̇д̇ам̣, ваяан̃жассаанубассад̇и. бхусаа жзби сод̇авин̃н̃зяяаа сад̣̇д̣̇аа…бз… гхаанавин̃н̃зяяаа г̇анд̇хаа… ж̇ивхаавин̃н̃зяяаа расаа… гааяавин̃н̃зяяаа подтаб̣б̣аа… мановин̃н̃зяяаа д̇хаммаа манасса аабаат̇ам̣ ааг̇ажчанд̇и, нзвасса жид̇д̇ам̣ барияаад̣̇ияанд̇и; амиссийгад̇амзвасса жид̇д̇ам̣ ход̇и, тид̇ам̣, аанзн̃ж̇аббад̇д̇ам̣, ваяан̃жассаанубассад̇ий’’д̇и.
‘‘Evaṃ sammā vimuttacittassa, bhante, bhikkhuno bhusā cepi cakkhuviññeyyā rūpā cakkhussa āpāthaṃ āgacchanti, nevassa cittaṃ pariyādiyanti. Amissīkatamevassa cittaṃ hoti, ṭhitaṃ, āneñjappattaṃ, vayañcassānupassati. Bhusā cepi sotaviññeyyā saddā…pe… ghānaviññeyyā gandhā… jivhāviññeyyā rasā… kāyaviññeyyā phoṭṭhabbā… manoviññeyyā dhammā manassa āpāthaṃ āgacchanti, nevassa cittaṃ pariyādiyanti; amissīkatamevassa cittaṃ hoti, ṭhitaṃ, āneñjappattaṃ, vayañcassānupassati. Seyyathāpi, bhante, selo pabbato acchiddo asusiro ekagghano, puratthimāya cepi disāya āgaccheyya bhusā vātavuṭṭhi, neva naṃ saṅkampeyya na sampakampeyya na sampavedheyya; pacchimāya cepi disāya āgaccheyya bhusā vātavuṭṭhi…pe… uttarāya cepi disāya…pe… dakkhiṇāya cepi disāya āgaccheyya bhusā vātavuṭṭhi, neva naṃ saṅkampeyya na sampakampeyya na sampavedheyya, evameva kho, bhante, evaṃ sammā vimuttacittassa bhikkhuno bhusā cepi cakkhuviññeyyā rūpā cakkhussa āpāthaṃ āgacchanti, nevassa cittaṃ pariyādiyanti; amissīkatamevassa cittaṃ hoti, ṭhitaṃ, āneñjappattaṃ, vayañcassānupassati. Bhusā cepi sotaviññeyyā saddā…pe… ghānaviññeyyā gandhā… jivhāviññeyyā rasā… kāyaviññeyyā phoṭṭhabbā… manoviññeyyā dhammā manassa āpāthaṃ āgacchanti, nevassa cittaṃ pariyādiyanti; amissīkatamevassa cittaṃ hoti, ṭhitaṃ, āneñjappattaṃ, vayañcassānupassatī’’ti.
нзгкаммам̣ ад̇химуд̇д̇асса, бавивзган̃жа жзд̇асо;
Nekkhammaṃ adhimuttassa, pavivekañca cetaso;
аб̣яаабаж̇ж̇аад̇химуд̇д̇асса, убаад̣̇аанагкаяасса жа.
Abyāpajjādhimuttassa, upādānakkhayassa ca.
д̇ан̣хагкаяаад̇химуд̇д̇асса , асаммохан̃жа жзд̇асо;
Taṇhakkhayādhimuttassa , asammohañca cetaso;
д̣̇исваа ааяад̇ануббаад̣̇ам̣, саммаа жид̇д̇ам̣ вимужжад̇и.
Disvā āyatanuppādaṃ, sammā cittaṃ vimuccati.
д̇асса саммаавимуд̇д̇асса, санд̇ажид̇д̇асса бхигкуно;
Tassa sammāvimuttassa, santacittassa bhikkhuno;
гад̇асса бадижаяо над̇т̇и, гаран̣ийяам̣ на виж̇ж̇ад̇и.
Katassa paṭicayo natthi, karaṇīyaṃ na vijjati.
сзло яат̇аа згаг̇гхано, ваад̇зна на самийрад̇и;
Selo yathā ekagghano, vātena na samīrati;
звам̣ руубаа расаа сад̣̇д̣̇аа, г̇анд̇хаа пассаа жа гзвалаа.
Evaṃ rūpā rasā saddā, gandhā phassā ca kevalā.
идтаа д̇хаммаа анидтаа жа, на бавзд̇хзнд̇и д̇аад̣̇ино;
Iṭṭhā dhammā aniṭṭhā ca, na pavedhenti tādino;
тид̇ам̣ жид̇д̇ам̣ виббамуд̇д̇ам̣, ваяан̃жассаанубассад̇ийд̇и.
Ṭhitaṃ cittaṃ vippamuttaṃ, vayañcassānupassatīti.
сон̣агол̣ивисавад̇т̇у нидтид̇ам̣.
Soṇakoḷivisavatthu niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā
сон̣агол̣ивисавад̇т̇угат̇аа • Soṇakoḷivisavatthukathā
сон̣асса баб̣б̣аж̇ж̇аагат̇аа • Soṇassa pabbajjākathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
сон̣агол̣ивисавад̇т̇угат̇ааван̣н̣анаа • Soṇakoḷivisavatthukathāvaṇṇanā
сон̣асса баб̣б̣аж̇ж̇аагат̇ааван̣н̣анаа • Soṇassa pabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
сон̣агол̣ивисавад̇т̇угат̇ааван̣н̣анаа • Soṇakoḷivisavatthukathāvaṇṇanā
сон̣ассабаб̣б̣аж̇ж̇аагат̇ааван̣н̣анаа • Soṇassapabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / сон̣агол̣ивисагат̇аад̣̇иван̣н̣анаа • Soṇakoḷivisakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 147. сон̣агол̣ивисавад̇т̇угат̇аа • 147. Soṇakoḷivisavatthukathā
