| Library / Tipiṭaka / திபிடக • Tipiṭaka / மஹாவக்³க³-அட்ட²கதா² • Mahāvagga-aṭṭhakathā |
5. சம்மக்க²ந்த⁴கங்
5. Cammakkhandhakaṃ
ஸோணகோளிவிஸவத்து²கதா²
Soṇakoḷivisavatthukathā
242. சம்மக்க²ந்த⁴கே – இஸ்ஸரியாதி⁴பச்சந்தி இஸ்ஸரபா⁴வேன ச அதி⁴பதிபா⁴வேன ச ஸமன்னாக³தங். ரஜ்ஜந்தி ராஜபா⁴வங், ரஞ்ஞா கத்தப்³ப³கிச்சங் வா. ஸோணோ நாம கோளிவிஸோதி எத்த² ஸோணோதி தஸ்ஸ நாமங்; கோளிவிஸோதி கொ³த்தங். பாத³தலேஸு லோமானீதி ரத்தேஸு பாத³தலேஸு ஸுகு²மானி அஞ்ஜனவண்ணானி கம்மசித்தீகதானி லோமானி ஜாதானி ஹொந்தி. ஸோ கிர புப்³பே³ அஸீதிஸஹஸ்ஸானங் புரிஸானங் ஜெட்ட²புரிஸோ ஹுத்வா தேஹி ஸத்³தி⁴ங் பச்சேகபு³த்³த⁴ஸ்ஸ வஸனட்டா²னே பண்ணஸாலங் கத்வா அத்தனோ ஸஸ்ஸிரிகங் உண்ணபாவாரகங் பச்சேகபு³த்³த⁴ஸ்ஸ பாதே³ஹி அக்கமனட்டா²னே பாத³புஞ்ச²னிகங் கத்வா ட²பேஸி. தேமாஸங் பன ஸப்³பே³வ பச்சேகபு³த்³த⁴ங் உபட்ட²ஹிங்ஸு. அயங் தஸ்ஸ ச தேஸஞ்ச அஸீதியா கா³மிகஸஹஸ்ஸானங் புப்³ப³யோகோ³.
242. Cammakkhandhake – issariyādhipaccanti issarabhāvena ca adhipatibhāvena ca samannāgataṃ. Rajjanti rājabhāvaṃ, raññā kattabbakiccaṃ vā. Soṇo nāma koḷivisoti ettha soṇoti tassa nāmaṃ; koḷivisoti gottaṃ. Pādatalesu lomānīti rattesu pādatalesu sukhumāni añjanavaṇṇāni kammacittīkatāni lomāni jātāni honti. So kira pubbe asītisahassānaṃ purisānaṃ jeṭṭhapuriso hutvā tehi saddhiṃ paccekabuddhassa vasanaṭṭhāne paṇṇasālaṃ katvā attano sassirikaṃ uṇṇapāvārakaṃ paccekabuddhassa pādehi akkamanaṭṭhāne pādapuñchanikaṃ katvā ṭhapesi. Temāsaṃ pana sabbeva paccekabuddhaṃ upaṭṭhahiṃsu. Ayaṃ tassa ca tesañca asītiyā gāmikasahassānaṃ pubbayogo.
அஸீதிகா³மிகஸஹஸ்ஸானீதி தேஸு கா³மேஸு வஸந்தானங் குலபுத்தானங் அஸீதிஸஹஸ்ஸானி. கேனசிதே³வ கரணீயேனாதி கேனசி கரணீயேன விய; ந பனஸ்ஸ கிஞ்சி கரணீயங் அத்தி² அஞ்ஞத்ர தஸ்ஸ த³ஸ்ஸனா. ராஜா கிர தானிபி அஸீதிகுலபுத்தஸஹஸ்ஸானி ஸன்னிபாதாபெந்தோ ‘‘ஏவங் அபரிஸங்கந்தோ ஸோணோ ஆக³மிஸ்ஸதீ’’தி ஸன்னிபாதாபேஸி. தி³ட்ட²த⁴ம்மிகே அத்தே²தி ‘‘கஸிவணிஜ்ஜாதீ³னி த⁴ம்மேன கத்தப்³பா³னி, மாதாபிதரோ த⁴ம்மேன போஸிதப்³பா³’’தி ஏவமாதி³னா நயேன இத⁴லோகஹிதே அத்தே² அனுஸாஸித்வா. ஸோ நோ ப⁴க³வாதி ஸோ அம்ஹாகங் ப⁴க³வா தும்ஹே ஸம்பராயிகே அத்தே² அனுஸாஸிஸ்ஸதீதி அத்தோ².
Asītigāmikasahassānīti tesu gāmesu vasantānaṃ kulaputtānaṃ asītisahassāni. Kenacideva karaṇīyenāti kenaci karaṇīyena viya; na panassa kiñci karaṇīyaṃ atthi aññatra tassa dassanā. Rājā kira tānipi asītikulaputtasahassāni sannipātāpento ‘‘evaṃ aparisaṅkanto soṇo āgamissatī’’ti sannipātāpesi. Diṭṭhadhammike attheti ‘‘kasivaṇijjādīni dhammena kattabbāni, mātāpitaro dhammena positabbā’’ti evamādinā nayena idhalokahite atthe anusāsitvā. So no bhagavāti so amhākaṃ bhagavā tumhe samparāyike atthe anusāsissatīti attho.
ப⁴க³வந்தங் படிவேதே³மீதி ப⁴க³வந்தங் ஜானாபேமி. பாடிகாய நிமுஜ்ஜித்வாதி ஸோபானஸ்ஸ ஹெட்டா² அட்³ட⁴சந்த³பாஸாணே நிமுஜ்ஜித்வா. யஸ்ஸ தா³னி ப⁴ந்தே ப⁴க³வா காலங் மஞ்ஞதீதி யஸ்ஸ தேஸங் ஹிதகிரியத்த²ஸ்ஸ ப⁴க³வா காலங் ஜானாதி. விஹாரபச்சா²யாயந்தி விஹாரபச்சந்தே சா²யாயங். ஸமன்னாஹரந்தீதி பஸாத³வஸேன புனப்புனங் மனஸி கரொந்தி. பி⁴ய்யோஸோமத்தாயாதி பி⁴ய்யோஸோமத்தாய புன விஸிட்ட²தரங் த³ஸ்ஸேஹீதி அத்தோ². அந்தரதா⁴யதீதி அத³ஸ்ஸனங் ஹோதி.
Bhagavantaṃ paṭivedemīti bhagavantaṃ jānāpemi. Pāṭikāya nimujjitvāti sopānassa heṭṭhā aḍḍhacandapāsāṇe nimujjitvā. Yassa dāni bhante bhagavā kālaṃ maññatīti yassa tesaṃ hitakiriyatthassa bhagavā kālaṃ jānāti. Vihārapacchāyāyanti vihārapaccante chāyāyaṃ. Samannāharantīti pasādavasena punappunaṃ manasi karonti. Bhiyyosomattāyāti bhiyyosomattāya puna visiṭṭhataraṃ dassehīti attho. Antaradhāyatīti adassanaṃ hoti.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 147. ஸோணகோளிவிஸவத்து² • 147. Soṇakoḷivisavatthu
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / ஸோணகோளிவிஸவத்து²கதா²வண்ணனா • Soṇakoḷivisavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / ஸோணகோளிவிஸவத்து²கதா²வண்ணனா • Soṇakoḷivisavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / ஸோணகோளிவிஸகதா²தி³வண்ணனா • Soṇakoḷivisakathādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 147. ஸோணகோளிவிஸவத்து²கதா² • 147. Soṇakoḷivisavatthukathā
