| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
੫. ਚਮ੍ਮਕ੍ਖਨ੍ਧਕਂ
5. Cammakkhandhakaṃ
ਸੋਣਕੋਲ਼ਿવਿਸવਤ੍ਥੁਕਥਾ
Soṇakoḷivisavatthukathā
੨੪੨. ਚਮ੍ਮਕ੍ਖਨ੍ਧਕੇ – ਇਸ੍ਸਰਿਯਾਧਿਪਚ੍ਚਨ੍ਤਿ ਇਸ੍ਸਰਭਾવੇਨ ਚ ਅਧਿਪਤਿਭਾવੇਨ ਚ ਸਮਨ੍ਨਾਗਤਂ। ਰਜ੍ਜਨ੍ਤਿ ਰਾਜਭਾવਂ, ਰਞ੍ਞਾ ਕਤ੍ਤਬ੍ਬਕਿਚ੍ਚਂ વਾ। ਸੋਣੋ ਨਾਮ ਕੋਲ਼ਿવਿਸੋਤਿ ਏਤ੍ਥ ਸੋਣੋਤਿ ਤਸ੍ਸ ਨਾਮਂ; ਕੋਲ਼ਿવਿਸੋਤਿ ਗੋਤ੍ਤਂ। ਪਾਦਤਲੇਸੁ ਲੋਮਾਨੀਤਿ ਰਤ੍ਤੇਸੁ ਪਾਦਤਲੇਸੁ ਸੁਖੁਮਾਨਿ ਅਞ੍ਜਨવਣ੍ਣਾਨਿ ਕਮ੍ਮਚਿਤ੍ਤੀਕਤਾਨਿ ਲੋਮਾਨਿ ਜਾਤਾਨਿ ਹੋਨ੍ਤਿ। ਸੋ ਕਿਰ ਪੁਬ੍ਬੇ ਅਸੀਤਿਸਹਸ੍ਸਾਨਂ ਪੁਰਿਸਾਨਂ ਜੇਟ੍ਠਪੁਰਿਸੋ ਹੁਤ੍વਾ ਤੇਹਿ ਸਦ੍ਧਿਂ ਪਚ੍ਚੇਕਬੁਦ੍ਧਸ੍ਸ વਸਨਟ੍ਠਾਨੇ ਪਣ੍ਣਸਾਲਂ ਕਤ੍વਾ ਅਤ੍ਤਨੋ ਸਸ੍ਸਿਰਿਕਂ ਉਣ੍ਣਪਾવਾਰਕਂ ਪਚ੍ਚੇਕਬੁਦ੍ਧਸ੍ਸ ਪਾਦੇਹਿ ਅਕ੍ਕਮਨਟ੍ਠਾਨੇ ਪਾਦਪੁਞ੍ਛਨਿਕਂ ਕਤ੍વਾ ਠਪੇਸਿ। ਤੇਮਾਸਂ ਪਨ ਸਬ੍ਬੇવ ਪਚ੍ਚੇਕਬੁਦ੍ਧਂ ਉਪਟ੍ਠਹਿਂਸੁ। ਅਯਂ ਤਸ੍ਸ ਚ ਤੇਸਞ੍ਚ ਅਸੀਤਿਯਾ ਗਾਮਿਕਸਹਸ੍ਸਾਨਂ ਪੁਬ੍ਬਯੋਗੋ।
242. Cammakkhandhake – issariyādhipaccanti issarabhāvena ca adhipatibhāvena ca samannāgataṃ. Rajjanti rājabhāvaṃ, raññā kattabbakiccaṃ vā. Soṇo nāma koḷivisoti ettha soṇoti tassa nāmaṃ; koḷivisoti gottaṃ. Pādatalesu lomānīti rattesu pādatalesu sukhumāni añjanavaṇṇāni kammacittīkatāni lomāni jātāni honti. So kira pubbe asītisahassānaṃ purisānaṃ jeṭṭhapuriso hutvā tehi saddhiṃ paccekabuddhassa vasanaṭṭhāne paṇṇasālaṃ katvā attano sassirikaṃ uṇṇapāvārakaṃ paccekabuddhassa pādehi akkamanaṭṭhāne pādapuñchanikaṃ katvā ṭhapesi. Temāsaṃ pana sabbeva paccekabuddhaṃ upaṭṭhahiṃsu. Ayaṃ tassa ca tesañca asītiyā gāmikasahassānaṃ pubbayogo.
ਅਸੀਤਿਗਾਮਿਕਸਹਸ੍ਸਾਨੀਤਿ ਤੇਸੁ ਗਾਮੇਸੁ વਸਨ੍ਤਾਨਂ ਕੁਲਪੁਤ੍ਤਾਨਂ ਅਸੀਤਿਸਹਸ੍ਸਾਨਿ। ਕੇਨਚਿਦੇવ ਕਰਣੀਯੇਨਾਤਿ ਕੇਨਚਿ ਕਰਣੀਯੇਨ વਿਯ; ਨ ਪਨਸ੍ਸ ਕਿਞ੍ਚਿ ਕਰਣੀਯਂ ਅਤ੍ਥਿ ਅਞ੍ਞਤ੍ਰ ਤਸ੍ਸ ਦਸ੍ਸਨਾ। ਰਾਜਾ ਕਿਰ ਤਾਨਿਪਿ ਅਸੀਤਿਕੁਲਪੁਤ੍ਤਸਹਸ੍ਸਾਨਿ ਸਨ੍ਨਿਪਾਤਾਪੇਨ੍ਤੋ ‘‘ਏવਂ ਅਪਰਿਸਙ੍ਕਨ੍ਤੋ ਸੋਣੋ ਆਗਮਿਸ੍ਸਤੀ’’ਤਿ ਸਨ੍ਨਿਪਾਤਾਪੇਸਿ। ਦਿਟ੍ਠਧਮ੍ਮਿਕੇ ਅਤ੍ਥੇਤਿ ‘‘ਕਸਿવਣਿਜ੍ਜਾਦੀਨਿ ਧਮ੍ਮੇਨ ਕਤ੍ਤਬ੍ਬਾਨਿ, ਮਾਤਾਪਿਤਰੋ ਧਮ੍ਮੇਨ ਪੋਸਿਤਬ੍ਬਾ’’ਤਿ ਏવਮਾਦਿਨਾ ਨਯੇਨ ਇਧਲੋਕਹਿਤੇ ਅਤ੍ਥੇ ਅਨੁਸਾਸਿਤ੍વਾ। ਸੋ ਨੋ ਭਗવਾਤਿ ਸੋ ਅਮ੍ਹਾਕਂ ਭਗવਾ ਤੁਮ੍ਹੇ ਸਮ੍ਪਰਾਯਿਕੇ ਅਤ੍ਥੇ ਅਨੁਸਾਸਿਸ੍ਸਤੀਤਿ ਅਤ੍ਥੋ।
Asītigāmikasahassānīti tesu gāmesu vasantānaṃ kulaputtānaṃ asītisahassāni. Kenacideva karaṇīyenāti kenaci karaṇīyena viya; na panassa kiñci karaṇīyaṃ atthi aññatra tassa dassanā. Rājā kira tānipi asītikulaputtasahassāni sannipātāpento ‘‘evaṃ aparisaṅkanto soṇo āgamissatī’’ti sannipātāpesi. Diṭṭhadhammike attheti ‘‘kasivaṇijjādīni dhammena kattabbāni, mātāpitaro dhammena positabbā’’ti evamādinā nayena idhalokahite atthe anusāsitvā. So no bhagavāti so amhākaṃ bhagavā tumhe samparāyike atthe anusāsissatīti attho.
ਭਗવਨ੍ਤਂ ਪਟਿવੇਦੇਮੀਤਿ ਭਗવਨ੍ਤਂ ਜਾਨਾਪੇਮਿ। ਪਾਟਿਕਾਯ ਨਿਮੁਜ੍ਜਿਤ੍વਾਤਿ ਸੋਪਾਨਸ੍ਸ ਹੇਟ੍ਠਾ ਅਡ੍ਢਚਨ੍ਦਪਾਸਾਣੇ ਨਿਮੁਜ੍ਜਿਤ੍વਾ। ਯਸ੍ਸ ਦਾਨਿ ਭਨ੍ਤੇ ਭਗવਾ ਕਾਲਂ ਮਞ੍ਞਤੀਤਿ ਯਸ੍ਸ ਤੇਸਂ ਹਿਤਕਿਰਿਯਤ੍ਥਸ੍ਸ ਭਗવਾ ਕਾਲਂ ਜਾਨਾਤਿ। વਿਹਾਰਪਚ੍ਛਾਯਾਯਨ੍ਤਿ વਿਹਾਰਪਚ੍ਚਨ੍ਤੇ ਛਾਯਾਯਂ। ਸਮਨ੍ਨਾਹਰਨ੍ਤੀਤਿ ਪਸਾਦવਸੇਨ ਪੁਨਪ੍ਪੁਨਂ ਮਨਸਿ ਕਰੋਨ੍ਤਿ। ਭਿਯ੍ਯੋਸੋਮਤ੍ਤਾਯਾਤਿ ਭਿਯ੍ਯੋਸੋਮਤ੍ਤਾਯ ਪੁਨ વਿਸਿਟ੍ਠਤਰਂ ਦਸ੍ਸੇਹੀਤਿ ਅਤ੍ਥੋ। ਅਨ੍ਤਰਧਾਯਤੀਤਿ ਅਦਸ੍ਸਨਂ ਹੋਤਿ।
Bhagavantaṃ paṭivedemīti bhagavantaṃ jānāpemi. Pāṭikāya nimujjitvāti sopānassa heṭṭhā aḍḍhacandapāsāṇe nimujjitvā. Yassa dāni bhante bhagavā kālaṃ maññatīti yassa tesaṃ hitakiriyatthassa bhagavā kālaṃ jānāti. Vihārapacchāyāyanti vihārapaccante chāyāyaṃ. Samannāharantīti pasādavasena punappunaṃ manasi karonti. Bhiyyosomattāyāti bhiyyosomattāya puna visiṭṭhataraṃ dassehīti attho. Antaradhāyatīti adassanaṃ hoti.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੪੭. ਸੋਣਕੋਲ਼ਿવਿਸવਤ੍ਥੁ • 147. Soṇakoḷivisavatthu
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਸੋਣਕੋਲ਼ਿવਿਸવਤ੍ਥੁਕਥਾવਣ੍ਣਨਾ • Soṇakoḷivisavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਸੋਣਕੋਲ਼ਿવਿਸવਤ੍ਥੁਕਥਾવਣ੍ਣਨਾ • Soṇakoḷivisavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਸੋਣਕੋਲ਼ਿવਿਸਕਥਾਦਿવਣ੍ਣਨਾ • Soṇakoḷivisakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੪੭. ਸੋਣਕੋਲ਼ਿવਿਸવਤ੍ਥੁਕਥਾ • 147. Soṇakoḷivisavatthukathā
