| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
5. சம்மக்க²ந்த⁴கவண்ணனா
5. Cammakkhandhakavaṇṇanā
ஸோணகோளிவிஸவத்து²கதா²வண்ணனா
Soṇakoḷivisavatthukathāvaṇṇanā
242. அஸீதியா …பே॰… காரேதீதி ‘‘அஸீதி கா³மிகஸஹஸ்ஸானி ஸன்னிபாதாபெத்வா’’தி இமஸ்ஸ காரணவசனங். தத்த² ‘‘கா³மானங் அஸீதியா ஸஹஸ்ஸேஸூ’’தி வத்தப்³பே³ ‘‘அஸீதியா கா³மஸஹஸ்ஸேஸூ’’தி வுத்தங். கா³மப்பமுகா² கா³மிகா, தேஸங் ஸஹஸ்ஸானி. ‘‘கம்மசித்தீகதானீ’’தி உபசாரேன வுத்தங். கம்மபச்சயஉதுஸமுட்டா²னே ஹி தேஸங் அஞ்ஜனவண்ணபா⁴வோ. ‘‘கேனசிதே³வ கரணீயேனா’’தி வத்தப்³பே³ ‘‘கேனசிதே³வா’’தி வுத்தங். எத்த² ஏவங்-ஸத்³தோ³ ஓபம்மே பவத்ததி. ஏவமுபமானோபதே³ஸபுச்சா²வதா⁴ரணபடிஞ்ஞாதஓபம்மே. புரதோ பெக்க²மானானந்தி அனாத³ரத்தே² ஸாமிவசனங். ததோ பன ப⁴க³வதோ க³ந்த⁴குடியா கவாடங் ஸுப³த்³த⁴ங் பஸ்ஸித்வா இச்சி²தாகாரகுஸலதாய இத்³தி⁴யா க³ந்த்வா குடிங் பவிஸித்வா ஆரோசேஸி. விஹாரபச்சா²யாயந்தி விஹாரஸ்ஸ வட்³ட⁴மானச்சா²யாயங். ‘‘அஹோ நூனாதி அஹோ மஹந்தோ’’தி லிகி²தங். ப⁴க³வதோ ஸம்ப³ஹுலேஹி ஸத்³தி⁴ங் ஆஹிண்ட³னங் ஆயஸ்மதோ ஸோணஸ்ஸ வீரியாரம்ப⁴னித³ஸ்ஸனேன அனாரத்³த⁴வீரியானங் உத்தேஜனத்த²ங், ஏவங் ஸுகு²மாலானங் பாத³ரக்க²ணத்த²ங் உபாஹனா அனுஞ்ஞாதாதி த³ஸ்ஸனத்த²ஞ்ச.
242.Asītiyā…pe… kāretīti ‘‘asīti gāmikasahassāni sannipātāpetvā’’ti imassa kāraṇavacanaṃ. Tattha ‘‘gāmānaṃ asītiyā sahassesū’’ti vattabbe ‘‘asītiyā gāmasahassesū’’ti vuttaṃ. Gāmappamukhā gāmikā, tesaṃ sahassāni. ‘‘Kammacittīkatānī’’ti upacārena vuttaṃ. Kammapaccayautusamuṭṭhāne hi tesaṃ añjanavaṇṇabhāvo. ‘‘Kenacideva karaṇīyenā’’ti vattabbe ‘‘kenacidevā’’ti vuttaṃ. Ettha evaṃ-saddo opamme pavattati. Evamupamānopadesapucchāvadhāraṇapaṭiññātaopamme. Purato pekkhamānānanti anādaratthe sāmivacanaṃ. Tato pana bhagavato gandhakuṭiyā kavāṭaṃ subaddhaṃ passitvā icchitākārakusalatāya iddhiyā gantvā kuṭiṃ pavisitvā ārocesi. Vihārapacchāyāyanti vihārassa vaḍḍhamānacchāyāyaṃ. ‘‘Aho nūnāti aho mahanto’’ti likhitaṃ. Bhagavato sambahulehi saddhiṃ āhiṇḍanaṃ āyasmato soṇassa vīriyārambhanidassanena anāraddhavīriyānaṃ uttejanatthaṃ, evaṃ sukhumālānaṃ pādarakkhaṇatthaṃ upāhanā anuññātāti dassanatthañca.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 147. ஸோணகோளிவிஸவத்து² • 147. Soṇakoḷivisavatthu
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / ஸோணகோளிவிஸவத்து²கதா² • Soṇakoḷivisavatthukathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / ஸோணகோளிவிஸவத்து²கதா²வண்ணனா • Soṇakoḷivisavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / ஸோணகோளிவிஸகதா²தி³வண்ணனா • Soṇakoḷivisakathādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 147. ஸோணகோளிவிஸவத்து²கதா² • 147. Soṇakoḷivisavatthukathā
