| Library / Tipiṭaka / তিপিটক • Tipiṭaka / ৰজিরবুদ্ধি-টীকা • Vajirabuddhi-ṭīkā |
৫. চম্মক্খন্ধকৰণ্ণনা
5. Cammakkhandhakavaṇṇanā
সোণকোল়িৰিসৰত্থুকথাৰণ্ণনা
Soṇakoḷivisavatthukathāvaṇṇanā
২৪২. অসীতিযা …পে॰… কারেতীতি ‘‘অসীতি গামিকসহস্সানি সন্নিপাতাপেত্ৰা’’তি ইমস্স কারণৰচনং। তত্থ ‘‘গামানং অসীতিযা সহস্সেসূ’’তি ৰত্তব্বে ‘‘অসীতিযা গামসহস্সেসূ’’তি ৰুত্তং। গামপ্পমুখা গামিকা, তেসং সহস্সানি। ‘‘কম্মচিত্তীকতানী’’তি উপচারেন ৰুত্তং। কম্মপচ্চযউতুসমুট্ঠানে হি তেসং অঞ্জনৰণ্ণভাৰো। ‘‘কেনচিদেৰ করণীযেনা’’তি ৰত্তব্বে ‘‘কেনচিদেৰা’’তি ৰুত্তং। এত্থ এৰং-সদ্দো ওপম্মে পৰত্ততি। এৰমুপমানোপদেসপুচ্ছাৰধারণপটিঞ্ঞাতওপম্মে। পুরতো পেক্খমানানন্তি অনাদরত্থে সামিৰচনং। ততো পন ভগৰতো গন্ধকুটিযা কৰাটং সুবদ্ধং পস্সিত্ৰা ইচ্ছিতাকারকুসলতায ইদ্ধিযা গন্ত্ৰা কুটিং পৰিসিত্ৰা আরোচেসি। ৰিহারপচ্ছাযাযন্তি ৰিহারস্স ৰড্ঢমানচ্ছাযাযং। ‘‘অহো নূনাতি অহো মহন্তো’’তি লিখিতং। ভগৰতো সম্বহুলেহি সদ্ধিং আহিণ্ডনং আযস্মতো সোণস্স ৰীরিযারম্ভনিদস্সনেন অনারদ্ধৰীরিযানং উত্তেজনত্থং, এৰং সুখুমালানং পাদরক্খণত্থং উপাহনা অনুঞ্ঞাতাতি দস্সনত্থঞ্চ।
242.Asītiyā…pe… kāretīti ‘‘asīti gāmikasahassāni sannipātāpetvā’’ti imassa kāraṇavacanaṃ. Tattha ‘‘gāmānaṃ asītiyā sahassesū’’ti vattabbe ‘‘asītiyā gāmasahassesū’’ti vuttaṃ. Gāmappamukhā gāmikā, tesaṃ sahassāni. ‘‘Kammacittīkatānī’’ti upacārena vuttaṃ. Kammapaccayautusamuṭṭhāne hi tesaṃ añjanavaṇṇabhāvo. ‘‘Kenacideva karaṇīyenā’’ti vattabbe ‘‘kenacidevā’’ti vuttaṃ. Ettha evaṃ-saddo opamme pavattati. Evamupamānopadesapucchāvadhāraṇapaṭiññātaopamme. Purato pekkhamānānanti anādaratthe sāmivacanaṃ. Tato pana bhagavato gandhakuṭiyā kavāṭaṃ subaddhaṃ passitvā icchitākārakusalatāya iddhiyā gantvā kuṭiṃ pavisitvā ārocesi. Vihārapacchāyāyanti vihārassa vaḍḍhamānacchāyāyaṃ. ‘‘Aho nūnāti aho mahanto’’ti likhitaṃ. Bhagavato sambahulehi saddhiṃ āhiṇḍanaṃ āyasmato soṇassa vīriyārambhanidassanena anāraddhavīriyānaṃ uttejanatthaṃ, evaṃ sukhumālānaṃ pādarakkhaṇatthaṃ upāhanā anuññātāti dassanatthañca.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi / ১৪৭. সোণকোল়িৰিসৰত্থু • 147. Soṇakoḷivisavatthu
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / সোণকোল়িৰিসৰত্থুকথা • Soṇakoḷivisavatthukathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / সোণকোল়িৰিসৰত্থুকথাৰণ্ণনা • Soṇakoḷivisavatthukathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / সোণকোল়িৰিসকথাদিৰণ্ণনা • Soṇakoḷivisakathādivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ১৪৭. সোণকোল়িৰিসৰত্থুকথা • 147. Soṇakoḷivisavatthukathā
