| Library / Tipiṭaka / တိပိဋက • Tipiṭaka / ဝဇိရဗုဒ္ဓိ-ဋီကာ • Vajirabuddhi-ṭīkā |
၅. စမ္မက္ခန္ဓကဝဏ္ဏနာ
5. Cammakkhandhakavaṇṇanā
သောဏကောဠိဝိသဝတ္ထုကထာဝဏ္ဏနာ
Soṇakoḷivisavatthukathāvaṇṇanā
၂၄၂. အသီတိယာ ။ပေ.။ ကာရေတီတိ ‘‘အသီတိ ဂာမိကသဟသ္သာနိ သန္နိပာတာပေတ္ဝာ’’တိ ဣမသ္သ ကာရဏဝစနံ။ တတ္ထ ‘‘ဂာမာနံ အသီတိယာ သဟသ္သေသူ’’တိ ဝတ္တဗ္ဗေ ‘‘အသီတိယာ ဂာမသဟသ္သေသူ’’တိ ဝုတ္တံ။ ဂာမပ္ပမုခာ ဂာမိကာ, တေသံ သဟသ္သာနိ။ ‘‘ကမ္မစိတ္တီကတာနီ’’တိ ဥပစာရေန ဝုတ္တံ။ ကမ္မပစ္စယဥတုသမုဋ္ဌာနေ ဟိ တေသံ အဉ္ဇနဝဏ္ဏဘာဝော။ ‘‘ကေနစိဒေဝ ကရဏီယေနာ’’တိ ဝတ္တဗ္ဗေ ‘‘ကေနစိဒေဝာ’’တိ ဝုတ္တံ။ ဧတ္ထ ဧဝံ-သဒ္ဒော ဩပမ္မေ ပဝတ္တတိ။ ဧဝမုပမာနောပဒေသပုစ္ဆာဝဓာရဏပဋိညာတဩပမ္မေ။ ပုရတော ပေက္ခမာနာနန္တိ အနာဒရတ္ထေ သာမိဝစနံ။ တတော ပန ဘဂဝတော ဂန္ဓကုဋိယာ ကဝာဋံ သုဗဒ္ဓံ ပသ္သိတ္ဝာ ဣစ္ဆိတာကာရကုသလတာယ ဣဒ္ဓိယာ ဂန္တ္ဝာ ကုဋိံ ပဝိသိတ္ဝာ အာရောစေသိ။ ဝိဟာရပစ္ဆာယာယန္တိ ဝိဟာရသ္သ ဝဍ္ဎမာနစ္ဆာယာယံ။ ‘‘အဟော နူနာတိ အဟော မဟန္တော’’တိ လိခိတံ။ ဘဂဝတော သမ္ဗဟုလေဟိ သဒ္ဓိံ အာဟိဏ္ဍနံ အာယသ္မတော သောဏသ္သ ဝီရိယာရမ္ဘနိဒသ္သနေန အနာရဒ္ဓဝီရိယာနံ ဥတ္တေဇနတ္ထံ, ဧဝံ သုခုမာလာနံ ပာဒရက္ခဏတ္ထံ ဥပာဟနာ အနုညာတာတိ ဒသ္သနတ္ထဉ္စ။
242.Asītiyā…pe… kāretīti ‘‘asīti gāmikasahassāni sannipātāpetvā’’ti imassa kāraṇavacanaṃ. Tattha ‘‘gāmānaṃ asītiyā sahassesū’’ti vattabbe ‘‘asītiyā gāmasahassesū’’ti vuttaṃ. Gāmappamukhā gāmikā, tesaṃ sahassāni. ‘‘Kammacittīkatānī’’ti upacārena vuttaṃ. Kammapaccayautusamuṭṭhāne hi tesaṃ añjanavaṇṇabhāvo. ‘‘Kenacideva karaṇīyenā’’ti vattabbe ‘‘kenacidevā’’ti vuttaṃ. Ettha evaṃ-saddo opamme pavattati. Evamupamānopadesapucchāvadhāraṇapaṭiññātaopamme. Purato pekkhamānānanti anādaratthe sāmivacanaṃ. Tato pana bhagavato gandhakuṭiyā kavāṭaṃ subaddhaṃ passitvā icchitākārakusalatāya iddhiyā gantvā kuṭiṃ pavisitvā ārocesi. Vihārapacchāyāyanti vihārassa vaḍḍhamānacchāyāyaṃ. ‘‘Aho nūnāti aho mahanto’’ti likhitaṃ. Bhagavato sambahulehi saddhiṃ āhiṇḍanaṃ āyasmato soṇassa vīriyārambhanidassanena anāraddhavīriyānaṃ uttejanatthaṃ, evaṃ sukhumālānaṃ pādarakkhaṇatthaṃ upāhanā anuññātāti dassanatthañca.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၁၄၇. သောဏကောဠိဝိသဝတ္ထု • 147. Soṇakoḷivisavatthu
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / သောဏကောဠိဝိသဝတ္ထုကထာ • Soṇakoḷivisavatthukathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / သောဏကောဠိဝိသဝတ္ထုကထာဝဏ္ဏနာ • Soṇakoḷivisavatthukathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / သောဏကောဠိဝိသကထာဒိဝဏ္ဏနာ • Soṇakoḷivisakathādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၁၄၇. သောဏကောဠိဝိသဝတ္ထုကထာ • 147. Soṇakoḷivisavatthukathā
