| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
39. авадапалаваг̇г̇о
39. Avaṭaphalavaggo
9. сон̣агодивийсад̇т̇зраабад̣̇аанаван̣н̣анаа
9. Soṇakoṭivīsattheraapadānavaṇṇanā
навамаабад̣̇аанз бана вибассино бааважанзд̇иаад̣̇игам̣ ааяасмад̇о сон̣асса годивийсад̇т̇зрасса абад̣̇аанам̣. аяамби т̇зро буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о вибассисса бхаг̇авад̇о гаалз махаавибхавз сздтигулз ниб̣б̣ад̇д̇о вуд̣̇д̇хиббад̇д̇о сздти худ̇ваа убаасагзхи сад̣̇д̇хим̣ вихаарам̣ г̇анд̇ваа сад̇т̇у д̇хаммад̣̇зсанам̣ суд̇ваа басаннамаанасо бхаг̇авад̇о жан̇гаманадтаанз суд̇хааяа баригаммам̣ гаарзд̇ваа зган̃жа лзн̣ам̣ гаарзд̇ваа наанаавирааг̇авад̇т̇зхи лзн̣абхуумияаа сант̇арид̇ваа убари вид̇аанан̃жа гад̇ваа жаад̇уд̣̇д̣̇исасса сан̇гхасса нияяаад̣̇зд̇ваа сад̇д̇аахам̣ махаад̣̇аанам̣ д̣̇ад̇ваа бан̣ид̇хаанам̣ агааси. сад̇т̇аа анумод̣̇анам̣ агааси. со д̇зна гусалагаммзна д̣̇звамануссзсу сам̣саранд̇о убхаяасамбад̇д̇ияо анубхавид̇ваа имасмим̣ габбз бариниб̣б̣уд̇з гассабад̣̇асаб̣алз ануббаннз амхаагам̣ бхаг̇авад̇и б̣аараан̣асияам̣ гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о г̇ан̇г̇аад̇ийрз бан̣н̣асаалам̣ гарид̇ваа васанд̇ам̣ згам̣ бажжзгаб̣уд̣̇д̇хам̣ д̇змаасам̣ жад̇уухи бажжаязхи саггажжам̣ убадтахи. бажжзгаб̣уд̣̇д̇хо вудтавассо барибун̣н̣абаригкааро г̇анд̇хамаад̣̇анамзва аг̇амааси. соби гулабуд̇д̇о яааваж̇ийвам̣ д̇ад̇т̇а бун̃н̃аани гад̇ваа д̇ад̇о жавид̇ваа д̣̇звамануссзсу сам̣саранд̇о амхаагам̣ бхаг̇авад̇о гаалз жамбаанаг̇арз аг̇г̇асздтисса г̇зхз бадисанд̇хим̣ г̇ан̣хи. д̇асса бадисанд̇хиг̇г̇ахан̣агаалад̇о бадтааяа сздтисса махаабхог̇агканд̇хо абхивад̣дхи. д̇асса маад̇угужчид̇о нигкаманад̣̇ивасз сагаланаг̇арз махаалаабхасаггаарасаммаано ахоси, д̇асса буб̣б̣з бажжзгаб̣уд̣̇д̇хасса сад̇асахассаг̇гханигарад̇д̇агамб̣алабарижжааг̇зна суван̣н̣аван̣н̣о сукумаалад̇аро жа ад̇д̇абхааво ахоси, д̇знасса сон̣од̇и наамам̣ агам̣су. со махад̇аа бариваарзна абхивад̣дхи. д̇асса хад̇т̇абаад̣̇ад̇алаани б̣анд̇хуж̇ийвагабубпаван̣н̣аани ахзсум̣, д̇зсам̣ сад̇аваарам̣ вихад̇агаббаасам̣ вияа муд̣̇усампассо ахоси. баад̣̇ад̇алзсу ман̣игун̣д̣алааваддаван̣н̣аломаани ж̇ааяим̣су. ваяаббад̇д̇асса д̇асса д̇ин̣н̣ам̣ уд̇уунам̣ анужчавигз д̇аяо баасаад̣̇з гаараабзд̇ваа наадагид̇т̇ияо убадтаабзсум̣. со д̇ад̇т̇а махад̇им̣ самбад̇д̇им̣ анубхаванд̇о д̣̇звагумааро вияа бадивасад̇и.
Navamāpadāne pana vipassino pāvacanetiādikaṃ āyasmato soṇassa koṭivīsattherassa apadānaṃ. Ayampi thero purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle mahāvibhave seṭṭhikule nibbatto vuddhippatto seṭṭhi hutvā upāsakehi saddhiṃ vihāraṃ gantvā satthu dhammadesanaṃ sutvā pasannamānaso bhagavato caṅkamanaṭṭhāne sudhāya parikammaṃ kāretvā ekañca leṇaṃ kāretvā nānāvirāgavatthehi leṇabhūmiyā santharitvā upari vitānañca katvā cātuddisassa saṅghassa niyyādetvā sattāhaṃ mahādānaṃ datvā paṇidhānaṃ akāsi. Satthā anumodanaṃ akāsi. So tena kusalakammena devamanussesu saṃsaranto ubhayasampattiyo anubhavitvā imasmiṃ kappe parinibbute kassapadasabale anuppanne amhākaṃ bhagavati bārāṇasiyaṃ kulagehe nibbattitvā viññutaṃ patto gaṅgātīre paṇṇasālaṃ karitvā vasantaṃ ekaṃ paccekabuddhaṃ temāsaṃ catūhi paccayehi sakkaccaṃ upaṭṭhahi. Paccekabuddho vuṭṭhavasso paripuṇṇaparikkhāro gandhamādanameva agamāsi. Sopi kulaputto yāvajīvaṃ tattha puññāni katvā tato cavitvā devamanussesu saṃsaranto amhākaṃ bhagavato kāle campānagare aggaseṭṭhissa gehe paṭisandhiṃ gaṇhi. Tassa paṭisandhiggahaṇakālato paṭṭhāya seṭṭhissa mahābhogakkhandho abhivaḍḍhi. Tassa mātukucchito nikkhamanadivase sakalanagare mahālābhasakkārasammāno ahosi, tassa pubbe paccekabuddhassa satasahassagghanikarattakambalapariccāgena suvaṇṇavaṇṇo sukhumālataro ca attabhāvo ahosi, tenassa soṇoti nāmaṃ akaṃsu. So mahatā parivārena abhivaḍḍhi. Tassa hatthapādatalāni bandhujīvakapupphavaṇṇāni ahesuṃ, tesaṃ satavāraṃ vihatakappāsaṃ viya mudusamphasso ahosi. Pādatalesu maṇikuṇḍalāvaṭṭavaṇṇalomāni jāyiṃsu. Vayappattassa tassa tiṇṇaṃ utūnaṃ anucchavike tayo pāsāde kārāpetvā nāṭakitthiyo upaṭṭhāpesuṃ. So tattha mahatiṃ sampattiṃ anubhavanto devakumāro viya paṭivasati.
ат̇а амхаагам̣ бхаг̇авад̇и саб̣б̣ан̃н̃уд̇ам̣ бад̇ваа бавад̇д̇ид̇аварад̇хаммажаггз рааж̇аг̇ахам̣ убаниссааяа вихаранд̇з б̣имб̣исаараран̃н̃аа баггосаабид̇о д̇зхи асийд̇ияаа г̇аамигасахассзхи сад̣̇д̇хим̣ рааж̇аг̇ахам̣ ааг̇ад̇о сад̇т̇у санд̇игам̣ г̇анд̇ваа д̇хаммам̣ суд̇ваа бадилад̣̇д̇хасад̣̇д̇хо маад̇аабид̇аро ануж̇аанаабзд̇ваа бхаг̇авад̇о санд̇игз баб̣б̣аж̇ид̇ваа лад̣̇д̇хуубасамбад̣̇о сад̇т̇у санд̇игз гаммадтаанам̣ г̇ахзд̇ваа ж̇анасам̣саг̇г̇абарихаран̣ад̇т̇ам̣ сийд̇аванз вихааси. со д̇ад̇т̇а васанд̇о ‘‘мама сарийрам̣ сукумаалам̣, на жа саггаа сукзнзва сукам̣ ад̇хиг̇анд̇ум̣, гааяам̣ гиламзд̇вааби саман̣ад̇хаммам̣ гаад̇ум̣ ваддад̇ий’’д̇и жинд̇зд̇ваа таанажан̇гамамзва ад̇хидтааяа бад̇хаанамануяун̃ж̇анд̇о баад̣̇ад̇алзсу подзсу удтид̇зсуби взд̣̇анам̣ аж̇жхубзгкид̇ваа д̣̇ал̣хам̣ вийрияам̣ гаронд̇о ажжаарад̣̇д̇хавийрияад̇ааяа висзсам̣ ниб̣б̣ад̇д̇зд̇ум̣ асаггонд̇о ‘‘звам̣ ахам̣ вааяаманд̇оби маг̇г̇апалаани ниб̣б̣ад̇д̇зд̇ум̣ на саггоми, гим̣ мз баб̣б̣аж̇ж̇ааяа, хийнааяаавад̇д̇ид̇ваа бхог̇з жа бхун̃ж̇аами, бун̃н̃аани жа гариссаамий’’д̇и жинд̇зси. ат̇а сад̇т̇аа д̇асса жид̇д̇аажаарам̣ н̃ад̇ваа д̇ад̇т̇а г̇анд̇ваа вийн̣обамоваад̣̇зна (махаава. 243) овад̣̇ид̇ваа вийрияасамад̇ааяож̇анавид̇хим̣ д̣̇ассзнд̇о гаммадтаанам̣ сод̇хзд̇ваа г̇иж̇жхагуудам̣ г̇ад̇о. сон̣оби ко сад̇т̇у санд̇игаа оваад̣̇ам̣ лабхид̇ваа вийрияасамад̇ам̣ яож̇зд̇ваа вибассанам̣ уссуггаабзд̇ваа арахад̇д̇з бад̇идтааси.
Atha amhākaṃ bhagavati sabbaññutaṃ patvā pavattitavaradhammacakke rājagahaṃ upanissāya viharante bimbisāraraññā pakkosāpito tehi asītiyā gāmikasahassehi saddhiṃ rājagahaṃ āgato satthu santikaṃ gantvā dhammaṃ sutvā paṭiladdhasaddho mātāpitaro anujānāpetvā bhagavato santike pabbajitvā laddhūpasampado satthu santike kammaṭṭhānaṃ gahetvā janasaṃsaggapariharaṇatthaṃ sītavane vihāsi. So tattha vasanto ‘‘mama sarīraṃ sukhumālaṃ, na ca sakkā sukheneva sukhaṃ adhigantuṃ, kāyaṃ kilametvāpi samaṇadhammaṃ kātuṃ vaṭṭatī’’ti cintetvā ṭhānacaṅkamameva adhiṭṭhāya padhānamanuyuñjanto pādatalesu phoṭesu uṭṭhitesupi vedanaṃ ajjhupekkhitvā daḷhaṃ vīriyaṃ karonto accāraddhavīriyatāya visesaṃ nibbattetuṃ asakkonto ‘‘evaṃ ahaṃ vāyamantopi maggaphalāni nibbattetuṃ na sakkomi, kiṃ me pabbajjāya, hīnāyāvattitvā bhoge ca bhuñjāmi, puññāni ca karissāmī’’ti cintesi. Atha satthā tassa cittācāraṃ ñatvā tattha gantvā vīṇopamovādena (mahāva. 243) ovaditvā vīriyasamatāyojanavidhiṃ dassento kammaṭṭhānaṃ sodhetvā gijjhakūṭaṃ gato. Soṇopi kho satthu santikā ovādaṃ labhitvā vīriyasamataṃ yojetvā vipassanaṃ ussukkāpetvā arahatte patiṭṭhāsi.
49. со арахаа худ̇ваа ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о вибассино бааважанзд̇иаад̣̇имааха. д̇ад̇т̇а вибассийд̇и висзсзна, вивид̇хам̣ ваа бассад̇ийд̇и вибассий. бааважанзд̇и багаарзна вужжад̇ийд̇и бааважанам̣, бидагад̇д̇аяам̣. д̇асса вибассино д̇асмим̣ бааважанзд̇и ад̇т̇о. лзн̣анд̇и линанд̇з нилийяанд̇з зд̇т̇аад̇и лзн̣ам̣ вихаарам̣. б̣анд̇хумаарааж̇ад̇хаанияаад̇и б̣анд̇ханд̇и гулабарамбарааяа васзна ан̃н̃аман̃н̃ам̣ самб̣аж̇жханд̇ийд̇и б̣анд̇хуу, н̃аад̇агаа. д̇з зд̇т̇а бадивасанд̇ийд̇и б̣анд̇хумаа, б̣анд̇ху асса ад̇т̇ийд̇и ваа б̣анд̇хумаа. рааж̇уунам̣ васанадтаананд̇и рааж̇ад̇хааний, б̣анд̇хумаа жа саа рааж̇ад̇хааний жзд̇и б̣анд̇хумаарааж̇ад̇хааний, д̇ассаа б̣анд̇хумаарааж̇ад̇хаанияаа, лзн̣ам̣ маяаа гад̇анд̇и самб̣анд̇хо. сзсамзд̇т̇а уд̇д̇аанад̇т̇амзваад̇и.
49. So arahā hutvā attano pubbakammaṃ saritvā somanassajāto pubbacaritāpadānaṃ pakāsento vipassino pāvacanetiādimāha. Tattha vipassīti visesena, vividhaṃ vā passatīti vipassī. Pāvacaneti pakārena vuccatīti pāvacanaṃ, piṭakattayaṃ. Tassa vipassino tasmiṃ pāvacaneti attho. Leṇanti linante nilīyante etthāti leṇaṃ vihāraṃ. Bandhumārājadhāniyāti bandhanti kulaparamparāya vasena aññamaññaṃ sambajjhantīti bandhū, ñātakā. Te ettha paṭivasantīti bandhumā, bandhu assa atthīti vā bandhumā. Rājūnaṃ vasanaṭṭhānanti rājadhānī, bandhumā ca sā rājadhānī ceti bandhumārājadhānī, tassā bandhumārājadhāniyā, leṇaṃ mayā katanti sambandho. Sesamettha uttānatthamevāti.
сон̣агодивийсад̇т̇зраабад̣̇аанаван̣н̣анаа самад̇д̇аа.
Soṇakoṭivīsattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 9. сон̣агодивийсад̇т̇зраабад̣̇аанам̣ • 9. Soṇakoṭivīsattheraapadānaṃ
