Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi

    157. сон̣агудиган̣н̣авад̇т̇у

    157. Soṇakuṭikaṇṇavatthu

    257. 1 д̇зна ко бана самаязна ааяасмаа махаагажжаано аванд̇ийсу вихарад̇и гурарагхарз 2 бабад̇агз 3 баб̣б̣ад̇з. д̇зна ко бана самаязна сон̣о убаасаго гудиган̣н̣о ааяасмад̇о махаагажжаанасса убадтааго ход̇и. ат̇а ко сон̣о убаасаго гудиган̣н̣о язнааяасмаа махаагажжаано д̇знубасан̇гами, убасан̇гамид̇ваа ааяасманд̇ам̣ махаагажжаанам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко сон̣о убаасаго гудиган̣н̣о ааяасманд̇ам̣ махаагажжаанам̣ зд̇ад̣̇авожа – ‘‘яат̇аа яат̇аахам̣, бханд̇з, аяязна махаагажжаанзна д̇хаммам̣ д̣̇зсид̇ам̣ ааж̇аанаами, наяид̣̇ам̣ сугарам̣ аг̇аарам̣ аж̇жхаавасад̇аа зганд̇абарибун̣н̣ам̣ зганд̇абарисуд̣̇д̇хам̣ сан̇каликид̇ам̣ б̣рахмажарияам̣ жарид̇ум̣. ижчаамахам̣, бханд̇з, гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ид̇ум̣ . баб̣б̣ааж̇зд̇у мам̣, бханд̇з, аяяо махаагажжаано’’д̇и. ( ) 4 ‘‘д̣̇уггарам̣ ко, сон̣а, яааваж̇ийвам̣ згасзяяам̣ згабхад̇д̇ам̣ б̣рахмажарияам̣ жарид̇ум̣. ин̇гха, д̇вам̣, сон̣а , д̇ад̇т̇зва аг̇ааригабхууд̇о б̣уд̣̇д̇хаанам̣ саасанам̣ ануяун̃ж̇а, гаалаяуд̇д̇ам̣ згасзяяам̣ згабхад̇д̇ам̣ б̣рахмажарияа’’нд̇и. ат̇а ко сон̣асса убаасагасса гудиган̣н̣асса яо ахоси баб̣б̣аж̇ж̇аабхисан̇кааро со бадиббассамбхи. д̣̇уд̇ияамби ко сон̣о убаасаго гудиган̣н̣о …бз… д̇ад̇ияамби ко сон̣о убаасаго гудиган̣н̣о язнааяасмаа махаагажжаано д̇знубасан̇гами, убасан̇гамид̇ваа ааяасманд̇ам̣ махаагажжаанам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко сон̣о убаасаго гудиган̣н̣о ааяасманд̇ам̣ махаагажжаанам̣ зд̇ад̣̇авожа – ‘‘яат̇аа яат̇аахам̣, бханд̇з, аяязна махаагажжаанзна д̇хаммам̣ д̣̇зсид̇ам̣ ааж̇аанаами, наяид̣̇ам̣ сугарам̣ аг̇аарам̣ аж̇жхаавасад̇аа зганд̇абарибун̣н̣ам̣ зганд̇абарисуд̣̇д̇хам̣ сан̇каликид̇ам̣ б̣рахмажарияам̣ жарид̇ум̣. ижчаамахам̣, бханд̇з, гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ид̇ум̣. баб̣б̣ааж̇зд̇у мам̣, бханд̇з, аяяо махаагажжаано’’д̇и. ат̇а ко ааяасмаа махаагажжаано сон̣ам̣ убаасагам̣ гудиган̣н̣ам̣ баб̣б̣ааж̇зси. д̇зна ко бана самаязна аванд̇ид̣̇агкин̣аабат̇о аббабхигкуго ход̇и. ат̇а ко ааяасмаа махаагажжаано д̇ин̣н̣ам̣ вассаанам̣ ажжаязна гижчзна гасирзна д̇ад̇о д̇ад̇о д̣̇асаваг̇г̇ам̣ бхигкусан̇гхам̣ саннибаад̇аабзд̇ваа ааяасманд̇ам̣ сон̣ам̣ убасамбаад̣̇зси.

    257.5 Tena kho pana samayena āyasmā mahākaccāno avantīsu viharati kuraraghare 6 papatake 7 pabbate. Tena kho pana samayena soṇo upāsako kuṭikaṇṇo āyasmato mahākaccānassa upaṭṭhāko hoti. Atha kho soṇo upāsako kuṭikaṇṇo yenāyasmā mahākaccāno tenupasaṅkami, upasaṅkamitvā āyasmantaṃ mahākaccānaṃ abhivādetvā ekamantaṃ nisīdi. Ekamantaṃ nisinno kho soṇo upāsako kuṭikaṇṇo āyasmantaṃ mahākaccānaṃ etadavoca – ‘‘yathā yathāhaṃ, bhante, ayyena mahākaccānena dhammaṃ desitaṃ ājānāmi, nayidaṃ sukaraṃ agāraṃ ajjhāvasatā ekantaparipuṇṇaṃ ekantaparisuddhaṃ saṅkhalikhitaṃ brahmacariyaṃ carituṃ. Icchāmahaṃ, bhante, kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajituṃ . Pabbājetu maṃ, bhante, ayyo mahākaccāno’’ti. ( ) 8 ‘‘Dukkaraṃ kho, soṇa, yāvajīvaṃ ekaseyyaṃ ekabhattaṃ brahmacariyaṃ carituṃ. Iṅgha, tvaṃ, soṇa , tattheva agārikabhūto buddhānaṃ sāsanaṃ anuyuñja, kālayuttaṃ ekaseyyaṃ ekabhattaṃ brahmacariya’’nti. Atha kho soṇassa upāsakassa kuṭikaṇṇassa yo ahosi pabbajjābhisaṅkhāro so paṭippassambhi. Dutiyampi kho soṇo upāsako kuṭikaṇṇo …pe… tatiyampi kho soṇo upāsako kuṭikaṇṇo yenāyasmā mahākaccāno tenupasaṅkami, upasaṅkamitvā āyasmantaṃ mahākaccānaṃ abhivādetvā ekamantaṃ nisīdi. Ekamantaṃ nisinno kho soṇo upāsako kuṭikaṇṇo āyasmantaṃ mahākaccānaṃ etadavoca – ‘‘yathā yathāhaṃ, bhante, ayyena mahākaccānena dhammaṃ desitaṃ ājānāmi, nayidaṃ sukaraṃ agāraṃ ajjhāvasatā ekantaparipuṇṇaṃ ekantaparisuddhaṃ saṅkhalikhitaṃ brahmacariyaṃ carituṃ. Icchāmahaṃ, bhante, kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajituṃ. Pabbājetu maṃ, bhante, ayyo mahākaccāno’’ti. Atha kho āyasmā mahākaccāno soṇaṃ upāsakaṃ kuṭikaṇṇaṃ pabbājesi. Tena kho pana samayena avantidakkhiṇāpatho appabhikkhuko hoti. Atha kho āyasmā mahākaccāno tiṇṇaṃ vassānaṃ accayena kicchena kasirena tato tato dasavaggaṃ bhikkhusaṅghaṃ sannipātāpetvā āyasmantaṃ soṇaṃ upasampādesi.

    сон̣агудиган̣н̣авад̇т̇у нидтид̇ам̣.

    Soṇakuṭikaṇṇavatthu niṭṭhitaṃ.




    Next: 158. махаагажжаанасса бан̃жаварабарид̣̇ассанаа • 158. Mahākaccānassa pañcavaraparidassanā




    Footnotes:
    1. уд̣̇аа. 46 согасуд̇д̇зна сам̣санд̣̇ид̇ваа бассид̇аб̣б̣ам̣
    2. гурурагхарз (га.)
    3. бабаад̇з (сий. сяаа.) бавад̇т̇з (уд̣̇аа. 46)
    4. (звам̣ вуд̇д̇з ааяасмаа махаагажжааяано сон̣ам̣ убаасагам̣ гудиган̣н̣ам̣ зд̇ад̣̇авожа) (сяаа. уд̣̇аа. 46)
    5. udā. 46 sokasuttena saṃsanditvā passitabbaṃ
    6. kururaghare (ka.)
    7. papāte (sī. syā.) pavatthe (udā. 46)
    8. (evaṃ vutte āyasmā mahākaccāyano soṇaṃ upāsakaṃ kuṭikaṇṇaṃ etadavoca) (syā. udā. 46)



    Related texts:



    адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / саб̣б̣ажаммабадигкзбаад̣̇игат̇аа • Sabbacammapaṭikkhepādikathā

    дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сон̣агудиган̣н̣авад̇т̇угат̇ааван̣н̣анаа • Soṇakuṭikaṇṇavatthukathāvaṇṇanā

    дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / г̇ихивигад̇аанун̃н̃аад̇аад̣̇игат̇ааван̣н̣анаа • Gihivikatānuññātādikathāvaṇṇanā

    дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 157. сон̣агудиган̣н̣авад̇т̇угат̇аа • 157. Soṇakuṭikaṇṇavatthukathā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact