| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੧੫੭. ਸੋਣਕੁਟਿਕਣ੍ਣવਤ੍ਥੁਕਥਾ
157. Soṇakuṭikaṇṇavatthukathā
੨੫੭. ਏਤੇਨਾਤਿ ‘‘ਕੁਰਰਘਰੇ’’ਤਿ ਪਾਠੇਨ। ਅਸ੍ਸਾਤਿ ਮਹਾਕਚ੍ਚਾਨਸ੍ਸ। ਪਪਾਤਨਾਮਕੇਤਿ ਯਸ੍ਮਾ ਮਹਾਤਟੋ ਏਤ੍ਥ ਅਤ੍ਥਿ, ਤਸ੍ਮਾ ਪਪਾਤਨਾਮਕੋ ਹੋਤਿ। ਏਤੇਨਾਤਿ ‘‘ਪਪਾਤਕੇ ਪਬ੍ਬਤੇ’’ਤਿ ਪਾਠੇਨ। ਅਸ੍ਸਾਤਿ ਮਹਾਕਚ੍ਚਾਨਸ੍ਸ। ਕੋਟਿਅਗ੍ਘਨਕਂ ਪਿਲ਼ਨ੍ਧਨਂ ਕਣ੍ਣੇ ਏਤਸ੍ਸਤ੍ਥੀਤਿ ਕੁਟਿਕਣ੍ਣੋਤਿ વਚਨਤ੍ਥਂ ਦਸ੍ਸੇਨ੍ਤੋ ਆਹ ‘‘ਕੋਟਿਅਗ੍ਘਨਕਂ ਪਨਾ’’ਤਿਆਦਿ। ਪਿਲ਼ਨ੍ਧਤਿ ਅਨੇਨਾਤਿ ਪਿਲ਼ਨ੍ਧਨਂ, ਅਲਙ੍ਕਾਰੋ । ਦਨ੍ਤਜੋ ਚਤੁਤ੍ਥਕ੍ਖਰੋ। ‘‘ਪਸਾਦਜਨਕ’’ਨ੍ਤਿ ਇਮਿਨਾ ਪਸਾਦਂ ਜਨੇਤੀਤਿ ਪਾਸਾਦਿਕੋਤਿ વਚਨਤ੍ਥਂ ਦਸ੍ਸੇਤਿ। ਪਸਾਦਨੀਯਨ੍ਤਿ ਪਸਾਦਿਤਬ੍ਬਂ, ਪਸਾਦਿਤੁਂ ਅਰਹਨ੍ਤਿ ਅਤ੍ਥੋ। ਅਤ੍ਥવਚਨਨ੍ਤਿ ਅਤ੍ਥੋ વੁਚ੍ਚਤਿ ਅਨੇਨਾਤਿ ਅਤ੍ਥવਚਨਂ। ਪਾਲ਼ਿਯਂ ਇਦਾਨਿ ਪੋਤ੍ਥਕੇਸੁ ‘‘ਪਸਾਦਨੀਯ’’ਨ੍ਤਿ ਪਾਠੋ ਨਤ੍ਥਿ। ‘‘ਪਾਸਾਦਿਕ’’ਨ੍ਤਿਪਦਸ੍ਸ ਪੁਬ੍ਬੇ ‘‘ਦਸ੍ਸਨੀਯ’’ਨ੍ਤਿ ਪਾਠੋਯੇવ ਅਤ੍ਥਿ। ਉਤ੍ਤਮਦਮਥਸਮਥਨ੍ਤਿਏਤ੍ਥ ਦਮਥਸਦ੍ਦਸ੍ਸ ਞਾਣਤ੍ਥਞ੍ਚ ਇਨ੍ਦ੍ਰਿਯਸਂવਰਤ੍ਥਞ੍ਚ ਸਮਥਸਦ੍ਦਸ੍ਸ ਸਮਾਧਤ੍ਥਞ੍ਚ ਚਿਤ੍ਤੂਪਸਮਤ੍ਥਞ੍ਚ ਦਸ੍ਸੇਨ੍ਤੋ ਆਹ ‘‘ਉਤ੍ਤਮਂ ਦਮਥਞ੍ਚਾ’’ਤਿਆਦਿ। ਚਸਦ੍ਦੇਨ ਦ੍વਨ੍ਦવਾਕ੍ਯਂ ਦਸ੍ਸੇਤਿ। વਿਸੂਕਾਯਿਕવਿਪ੍ਫਨ੍ਦਿਤਾਨਨ੍ਤਿ વਿਸੂਕਾਯ ਪਟਿਪਕ੍ਖਾਯ ਪવਤ੍ਤਾਨਂ ਦਿਟ੍ਠਿਚਿਤ੍ਤਸਙ੍ਖਾਤਾਨਂ વਿવਿਧਚਲਨਾਨਂ। ‘‘વੀਰਿਯਿਨ੍ਦ੍ਰਿਯ’’ਨ੍ਤਿ ਇਮਿਨਾ ਯਤਿਨ੍ਦ੍ਰਿਯਨ੍ਤਿ ਏਤ੍ਥ ਯਤਸਦ੍ਦੋ વੀਰਿਯવਾਚਕੋਤਿ ਦਸ੍ਸੇਤਿ। ਨਾਗਨ੍ਤਿ ਏਤ੍ਥ ਨਤ੍ਥਿ ਆਗੁ ਪਾਪਮੇਤਸ੍ਸਾਤਿ ਨਾਗੋਤਿ વਚਨਤ੍ਥਂ ਦਸ੍ਸੇਨ੍ਤੋ ਆਹ ‘‘ਆਗੁવਿਰਹਿਤ’’ਨ੍ਤਿ ਕਿਂ ਦਿવਸਤੋ ਪਟ੍ਠਾਯਾਤਿ ਆਹ ‘‘ਮਮ ਪਬ੍ਬਜ੍ਜਾਦਿવਸਤੋ ਪਟ੍ਠਾਯਾ’’ਤਿ। ਕਣ੍ਹਾ ਮਤ੍ਤਿਕਾ ਉਤ੍ਤਰਿ ਏਤ੍ਥਾਤਿ ਕਣ੍ਹੁਤ੍ਤਰਾਤਿ ਅਤ੍ਥਂ ਦਸ੍ਸੇਨ੍ਤੋ ਆਹ ‘‘ਕਣ੍ਹਮਤ੍ਤਿਕੁਤ੍ਤਰਾ’’ਤਿ। ‘‘ਉਪਰੀ’’ਤਿ ਇਮਿਨਾ ਉਤ੍ਤਰਸਦ੍ਦਸ੍ਸ ਅਤ੍ਥਂ ਦਸ੍ਸੇਤਿ। ‘‘ਗੁਨ੍ਨਂ ਖੁਰੇਹੀ’’ਤਿ ਇਮਿਨਾ ਗੁਨ੍ਨਂ ਖੁਰਕਣ੍ਟਕਸਦਿਸਤ੍ਤਾ ਗੋਕਣ੍ਟਕਾ ਨਾਮਾਤਿ ਦਸ੍ਸੇਤਿ। ਤੇ ਗੋਕਣ੍ਟਕੇ ਰਕ੍ਖਿਤੁਨ੍ਤਿ ਸਮ੍ਬਨ੍ਧੋ। ਏવਂ ਖਰਾ ਭੂਮਿ ਹੋਤੀਤਿ ਯੋਜਨਾ। ਏਤੇਹੀਤਿ ਏਰਗੂਆਦੀਹਿ ਚਤੂਹਿ ਤਿਣੇਹਿ। ਤਨ੍ਤਿ ਏਰਗੂਤਿਣਂ। ਤੇਨਾਤਿ ਮੋਰਗੂਤਿਣੇਨ। ਜਨ੍ਤੁਸ੍ਸ વਣ੍ਣੋਤਿ ਸਮ੍ਬਨ੍ਧੋ। ਸੇਨਾਸਨਂ ਪਞ੍ਞਪੇਸੀਤਿ ਏਤ੍ਥ ਕਿਂ ਨਾਮ ਸੇਨਾਸਨਂ ਪਞ੍ਞਪੇਸੀਤਿ ਆਹ ‘‘ਭਿਸਿਂ વਾ ਕਟਸਾਰਕਂ વਾ ਪਞ੍ਞਪੇਸੀ’’ਤਿ। ਪਞ੍ਞਪੇਤ੍વਾ ਚ ਪਨ ਸੋਣਸ੍ਸ ਆਰੋਚੇਸਿ। ਕਿਂ ਆਰੋਚੇਸੀਤਿ ਆਹ ‘‘ਆવੁਸੋ’’ਤਿਆਦਿ। ਸਤ੍ਥਾ વਸਿਤੁਕਾਮੋਤਿ ਸਮ੍ਬਨ੍ਧੋ।
257.Etenāti ‘‘kuraraghare’’ti pāṭhena. Assāti mahākaccānassa. Papātanāmaketi yasmā mahātaṭo ettha atthi, tasmā papātanāmako hoti. Etenāti ‘‘papātake pabbate’’ti pāṭhena. Assāti mahākaccānassa. Koṭiagghanakaṃ piḷandhanaṃ kaṇṇe etassatthīti kuṭikaṇṇoti vacanatthaṃ dassento āha ‘‘koṭiagghanakaṃ panā’’tiādi. Piḷandhati anenāti piḷandhanaṃ, alaṅkāro . Dantajo catutthakkharo. ‘‘Pasādajanaka’’nti iminā pasādaṃ janetīti pāsādikoti vacanatthaṃ dasseti. Pasādanīyanti pasāditabbaṃ, pasādituṃ arahanti attho. Atthavacananti attho vuccati anenāti atthavacanaṃ. Pāḷiyaṃ idāni potthakesu ‘‘pasādanīya’’nti pāṭho natthi. ‘‘Pāsādika’’ntipadassa pubbe ‘‘dassanīya’’nti pāṭhoyeva atthi. Uttamadamathasamathantiettha damathasaddassa ñāṇatthañca indriyasaṃvaratthañca samathasaddassa samādhatthañca cittūpasamatthañca dassento āha ‘‘uttamaṃ damathañcā’’tiādi. Casaddena dvandavākyaṃ dasseti. Visūkāyikavipphanditānanti visūkāya paṭipakkhāya pavattānaṃ diṭṭhicittasaṅkhātānaṃ vividhacalanānaṃ. ‘‘Vīriyindriya’’nti iminā yatindriyanti ettha yatasaddo vīriyavācakoti dasseti. Nāganti ettha natthi āgu pāpametassāti nāgoti vacanatthaṃ dassento āha ‘‘āguvirahita’’nti kiṃ divasato paṭṭhāyāti āha ‘‘mama pabbajjādivasato paṭṭhāyā’’ti. Kaṇhā mattikā uttari etthāti kaṇhuttarāti atthaṃ dassento āha ‘‘kaṇhamattikuttarā’’ti. ‘‘Uparī’’ti iminā uttarasaddassa atthaṃ dasseti. ‘‘Gunnaṃ khurehī’’ti iminā gunnaṃ khurakaṇṭakasadisattā gokaṇṭakā nāmāti dasseti. Te gokaṇṭake rakkhitunti sambandho. Evaṃ kharā bhūmi hotīti yojanā. Etehīti eragūādīhi catūhi tiṇehi. Tanti eragūtiṇaṃ. Tenāti moragūtiṇena. Jantussa vaṇṇoti sambandho. Senāsanaṃ paññapesīti ettha kiṃ nāma senāsanaṃ paññapesīti āha ‘‘bhisiṃ vā kaṭasārakaṃ vā paññapesī’’ti. Paññapetvā ca pana soṇassa ārocesi. Kiṃ ārocesīti āha ‘‘āvuso’’tiādi. Satthā vasitukāmoti sambandho.
੨੫੮. ‘‘ਤਸ੍ਸ ਸੋਣਸ੍ਸਾ’’ਤਿ ਇਮਿਨਾ ਪਟਿਭਾਤੁ ਤਨ੍ਤਿ ਏਤ੍ਥ ‘‘ਤ’’ਨ੍ਤਿਪਦਂ ਸਾਮ੍ਯਤ੍ਥੇ ਉਪਯੋਗવਚਨਨ੍ਤਿ ਦਸ੍ਸੇਤਿ। ਤਨ੍ਤਿ ਤવ। ਅਟ੍ਠਕવਗ੍ਗਿਕਾਨੀਤਿ ਅਟ੍ਠਪਮਾਣੋ, ਅਟ੍ਠਸਮੂਹੋ વਾ વਗ੍ਗੋ ਏਤੇਸਨ੍ਤਿ ਅਟ੍ਠਕવਗ੍ਗਿਕਾਨਿ। ਕਾਮਸੁਤ੍ਤਾਦੀਨਿ (ਸੁ॰ ਨਿ॰ ੭੭੨ ਆਦਯੋ) ਸੋਲ਼ਸ ਸੁਤ੍ਤਾਨਿ। ਯੋਤਿ ਪੁਗ੍ਗਲੋ, ਸਮਨ੍ਨਾਗਤੋਤਿ ਸਮ੍ਬਨ੍ਧੋ। ਅਰਿਯੋਪੀਤਿ ਪਿਸਦ੍ਦੋ ਨ ਕੇવਲਂ ਸੁਚਿਸਮਨ੍ਨਾਗਤੋਯੇવ ਪਾਪੇ ਨ ਰਮਤਿ, ਅਥ ਖੋ ਅਰਿਯੋਪੀਤਿ ਦਸ੍ਸੇਤਿ। ‘‘ਪਟਿਭਾਤੁ ਤ’’ਨ੍ਤਿ ਪਾਠਤੋ ਯਾવ ‘‘ਸੁਚੀਤਿ વੁਤ੍ਤ’’ਨ੍ਤਿ ਪਾਠਾ ਕੇਸੁਚਿਯੇવ ਅਟ੍ਠਕਥਾਪੋਤ੍ਥਕੇਸੁ ਅਤ੍ਥਿ। ਅਯਂ ਖ੍વਸ੍ਸਾਤਿ ਏਤ੍ਥ ਅਸ੍ਸਸਦ੍ਦੋ ਆਖ੍ਯਾਤੋਤਿ ਆਹ ‘‘ਭવੇਯ੍ਯਾ’’ਤਿ। ਪਰਿਦਸ੍ਸੇਸੀਤਿ ਪਞ੍ਚ વਰਾਨਿ ਪਰਿਚ੍ਛਿਨ੍ਦਿਤ੍વਾ ਦਸ੍ਸੇਸਿ। ਯਂ વਚਨਂ ਮੇ ਉਪਜ੍ਝਾਯੋ ਜਾਨਾਪੇਤਿ, ਤਸ੍ਸ વਚਨਸ੍ਸ ਅਯਂ ਕਾਲੋ ਭવੇਯ੍ਯਾਤਿ ਯੋਜਨਾ।
258. ‘‘Tassa soṇassā’’ti iminā paṭibhātu tanti ettha ‘‘ta’’ntipadaṃ sāmyatthe upayogavacananti dasseti. Tanti tava. Aṭṭhakavaggikānīti aṭṭhapamāṇo, aṭṭhasamūho vā vaggo etesanti aṭṭhakavaggikāni. Kāmasuttādīni (su. ni. 772 ādayo) soḷasa suttāni. Yoti puggalo, samannāgatoti sambandho. Ariyopīti pisaddo na kevalaṃ sucisamannāgatoyeva pāpe na ramati, atha kho ariyopīti dasseti. ‘‘Paṭibhātu ta’’nti pāṭhato yāva ‘‘sucīti vutta’’nti pāṭhā kesuciyeva aṭṭhakathāpotthakesu atthi. Ayaṃ khvassāti ettha assasaddo ākhyātoti āha ‘‘bhaveyyā’’ti. Paridassesīti pañca varāni paricchinditvā dassesi. Yaṃ vacanaṃ me upajjhāyo jānāpeti, tassa vacanassa ayaṃ kālo bhaveyyāti yojanā.
੨੫੯. વਿਨਯਧਰਪਞ੍ਚਮੇਨਾਤਿ ਏਤ੍ਥ ਉਪਜ੍ਝਾਯਪਞ੍ਚਮੇਨਾਤਿ ਅਤ੍ਥਂ ਪਟਿਕ੍ਖਿਪਨ੍ਤੋ ਆਹ ‘‘ਅਨੁਸ੍ਸਾવਨਾਚਰਿਯਪਞ੍ਚਮੇਨਾ’’ਤਿ। ਉਪਾਹਨਕੋਸਕੋਤਿ ਉਪਾਹਨਾਯ ਪਕ੍ਖਿਪਨੋਕਾਸੋ ਕੋਸਕੋ। ਏਲ਼ਕਚਮ੍ਮਅਜਚਮ੍ਮੇਸੁ ਅਕਪ੍ਪਿਯਂ ਨਾਮ ਨਤ੍ਥਿ। ਮਿਗਚਮ੍ਮੇ ਪਨ ਕਿਞ੍ਚਿ વਟ੍ਟਤਿ, ਨ ਕਿਞ੍ਚਿ વਟ੍ਟਤਿ । ਤਂ વਿਭਜਿਤ੍વਾ ਦਸ੍ਸੇਨ੍ਤੋ ਆਹ ‘‘ਮਿਗਚਮ੍ਮੇ’’ਤਿਆਦਿ। ਏਤੇਸਂਯੇવਾਤਿ ਏਣਿਮਿਗਾਦੀਨਂ ਛਨ੍ਨਮੇવ। ਅਞ੍ਞੇਸਂ ਪਨਾਤਿ ਛਹਿ ਮਿਗੇਹਿ ਅવਸੇਸਾਨਂ ਪਨ। ਤੇਸਂ ਚਮ੍ਮਂ ਨ વਟ੍ਟਤੀਤਿ ਸਮ੍ਬਨ੍ਧੋ।
259.Vinayadharapañcamenāti ettha upajjhāyapañcamenāti atthaṃ paṭikkhipanto āha ‘‘anussāvanācariyapañcamenā’’ti. Upāhanakosakoti upāhanāya pakkhipanokāso kosako. Eḷakacammaajacammesu akappiyaṃ nāma natthi. Migacamme pana kiñci vaṭṭati, na kiñci vaṭṭati . Taṃ vibhajitvā dassento āha ‘‘migacamme’’tiādi. Etesaṃyevāti eṇimigādīnaṃ channameva. Aññesaṃ panāti chahi migehi avasesānaṃ pana. Tesaṃ cammaṃ na vaṭṭatīti sambandho.
ਗਾਥਾਯਂ ਮਕ੍ਕਟੋ ਚ ਕਾਲ਼ਸੀਹੋ ਚ ਸਰਭੋ ਚ ਕਦਲਿਮਿਗੋ ਚ ਕੇਚਿ ਯੇ વਾਲ਼ਮਿਗਾ ਅਤ੍ਥਿ, ਤੇ ਚਾਤਿ ਯੋਜਨਾ। ਤੇਸਨ੍ਤਿ ਮਕ੍ਕਟਾਦੀਨਂ।
Gāthāyaṃ makkaṭo ca kāḷasīho ca sarabho ca kadalimigo ca keci ye vāḷamigā atthi, te cāti yojanā. Tesanti makkaṭādīnaṃ.
ਤਤ੍ਥਾਤਿ ਗਾਥਾਯ, ਮਕ੍ਕਟਾਦੀਸੁ વਾ। ‘‘ਸੀਹਬ੍ਯਗ੍ਘਅਚ੍ਛਤਰਚ੍ਛਾ’’ਤਿ ਇਮਿਨਾ વਾਲ਼ਮਿਗਾਨਂ ਸਰੂਪਂ ਦਸ੍ਸੇਤਿ। ਏਤ੍ਤਕਾਯੇવ વਾਲ਼ਮਿਗਾਤਿ ਆਹ ‘‘ਨ ਕੇવਲ’’ਨ੍ਤਿਆਦਿ। ਏਤੇਸਂਯੇવਾਤਿ ਸੀਹਬ੍ਯਗ੍ਘਅਚ੍ਛਤਰਚ੍ਛਾਨਮੇવ। ਨ ਚਮ੍ਮਂ ਨ વਟ੍ਟਤੀਤਿ ਸਮ੍ਬਨ੍ਧੋ। ਯੇਸਨ੍ਤਿ ਛਨ੍ਨਂ ਏਣਿਮਿਗਾਦੀਨਂ। ਤੇਤਿ ਛ ਏਣਿਮਿਗਾਦਿਕੇ। ਹਿ ਸਚ੍ਚਂ ਸਬ੍ਬੇਸਂ ਏਤੇਸਂ વਾਲ਼ਮਿਗਾਨਂ ਚਮ੍ਮਂ ਨ વਟ੍ਟਤੀਤਿ ਯੋਜਨਾ। ਆਹਰਿਤ੍વਾ વਾ ਨ ਦਿਨ੍ਨਨ੍ਤਿ ਆਹਰਿਤ੍વਾ વਾ ਹਤ੍ਥੇ વਾ ਪਾਦਮੂਲੇ વਾ ਠਪੇਤ੍વਾ ਨ ਦਿਨ੍ਨਂ। ‘‘ਗਣਨਂ ਨ ਉਪੇਤੀ’’ਤਿ ਇਮਿਨਾ ਗਣਨਂ ਉਪਗਚ੍ਛਤੀਤਿ ਗਣਨੂਪਗਨ੍ਤਿ ਅਤ੍ਥਂ ਦਸ੍ਸੇਤਿ। ਅਧਿਟ੍ਠਿਤਞ੍ਚਾਤਿ ਅਧਿਟ੍ਠਿਤਂ ਪਨ। ਯਦਾਤਿ ਯਸ੍ਮਿਂ ਕਾਲੇ। ਤਤੋਤਿ ਕਾਲਤੋ।
Tatthāti gāthāya, makkaṭādīsu vā. ‘‘Sīhabyagghaacchataracchā’’ti iminā vāḷamigānaṃ sarūpaṃ dasseti. Ettakāyeva vāḷamigāti āha ‘‘na kevala’’ntiādi. Etesaṃyevāti sīhabyagghaacchataracchānameva. Na cammaṃ na vaṭṭatīti sambandho. Yesanti channaṃ eṇimigādīnaṃ. Teti cha eṇimigādike. Hi saccaṃ sabbesaṃ etesaṃ vāḷamigānaṃ cammaṃ na vaṭṭatīti yojanā. Āharitvā vā na dinnanti āharitvā vā hatthe vā pādamūle vā ṭhapetvā na dinnaṃ. ‘‘Gaṇanaṃ na upetī’’ti iminā gaṇanaṃ upagacchatīti gaṇanūpaganti atthaṃ dasseti. Adhiṭṭhitañcāti adhiṭṭhitaṃ pana. Yadāti yasmiṃ kāle. Tatoti kālato.
ਇਤਿ ਚਮ੍ਮਕ੍ਖਨ੍ਧਕવਣ੍ਣਨਾਯ ਯੋਜਨਾ ਸਮਤ੍ਤਾ।
Iti cammakkhandhakavaṇṇanāya yojanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi
੧੫੭. ਸੋਣਕੁਟਿਕਣ੍ਣવਤ੍ਥੁ • 157. Soṇakuṭikaṇṇavatthu
੧੫੮. ਮਹਾਕਚ੍ਚਾਨਸ੍ਸ ਪਞ੍ਚવਰਪਰਿਦਸ੍ਸਨਾ • 158. Mahākaccānassa pañcavaraparidassanā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਸਬ੍ਬਚਮ੍ਮਪਟਿਕ੍ਖੇਪਾਦਿਕਥਾ • Sabbacammapaṭikkhepādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਸੋਣਕੁਟਿਕਣ੍ਣવਤ੍ਥੁਕਥਾવਣ੍ਣਨਾ • Soṇakuṭikaṇṇavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਸਬ੍ਬਚਮ੍ਮਪਟਿਕ੍ਖੇਪਾਦਿਕਥਾવਣ੍ਣਨਾ • Sabbacammapaṭikkhepādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਗਿਹਿવਿਕਤਾਨੁਞ੍ਞਾਤਾਦਿਕਥਾવਣ੍ਣਨਾ • Gihivikatānuññātādikathāvaṇṇanā
