| Library / Tipiṭaka / තිපිටක • Tipiṭaka / චරියාපිටකපාළි • Cariyāpiṭakapāḷi |
5. සොණපණ්‌ඩිතචරියා
5. Soṇapaṇḍitacariyā
42.
42.
‘‘පුනාපරං යදා හොමි, නගරෙ බ්‍රහ්‌මවඩ්‌ඪනෙ;
‘‘Punāparaṃ yadā homi, nagare brahmavaḍḍhane;
තත්‌ථ කුලවරෙ සෙට්‌ඨෙ, මහාසාලෙ අජායහං.
Tattha kulavare seṭṭhe, mahāsāle ajāyahaṃ.
43.
43.
‘‘තදාපි ලොකං දිස්‌වාන, අන්‌ධීභූතං තමොත්‌ථටං;
‘‘Tadāpi lokaṃ disvāna, andhībhūtaṃ tamotthaṭaṃ;
චිත්‌තං භවතො පතිකුටති, තුත්‌තවෙගහතං විය.
Cittaṃ bhavato patikuṭati, tuttavegahataṃ viya.
44.
44.
‘‘දිස්‌වාන විවිධං පාපං, එවං චින්‌තෙසහං තදා;
‘‘Disvāna vividhaṃ pāpaṃ, evaṃ cintesahaṃ tadā;
‘කදාහං ගෙහා නික්‌ඛම්‌ම, පවිසිස්‌සාමි කානනං’.
‘Kadāhaṃ gehā nikkhamma, pavisissāmi kānanaṃ’.
45.
45.
‘‘තදාපි මං නිමන්‌තෙසුං, කාමභොගෙහි ඤාතයො;
‘‘Tadāpi maṃ nimantesuṃ, kāmabhogehi ñātayo;
තෙසම්‌පි ඡන්‌දමාචික්‌ඛිං, ‘මා නිමන්‌තෙථ තෙහි මං’.
Tesampi chandamācikkhiṃ, ‘mā nimantetha tehi maṃ’.
46.
46.
‘‘යො මෙ කනිට්‌ඨකො භාතා, නන්‌දො නාමාසි පණ්‌ඩිතො;
‘‘Yo me kaniṭṭhako bhātā, nando nāmāsi paṇḍito;
සොපි මං අනුසික්‌ඛන්‌තො, පබ්‌බජ්‌ජං සමරොචයි.
Sopi maṃ anusikkhanto, pabbajjaṃ samarocayi.
47.
47.
‘‘අහං සොණො ච නන්‌දො ච, උභො මාතාපිතා මම;
‘‘Ahaṃ soṇo ca nando ca, ubho mātāpitā mama;
තදාපි භොගෙ ඡඩ්‌ඩෙත්‌වා, පාවිසිම්‌හා මහාවන’’න්‌ති.
Tadāpi bhoge chaḍḍetvā, pāvisimhā mahāvana’’nti.
සොණපණ්‌ඩිතචරියං පඤ්‌චමං.
Soṇapaṇḍitacariyaṃ pañcamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / චරියාපිටක-අට්‌ඨකථා • Cariyāpiṭaka-aṭṭhakathā / 5. සොණපණ්‌ඩිතචරියාවණ්‌ණනා • 5. Soṇapaṇḍitacariyāvaṇṇanā
