| Library / Tipiṭaka / д̇ибидага • Tipiṭaka / жарияаабидага-адтагат̇аа • Cariyāpiṭaka-aṭṭhakathā |
5. сон̣абан̣д̣ид̇ажарияааван̣н̣анаа
5. Soṇapaṇḍitacariyāvaṇṇanā
42. бан̃жамз наг̇арз б̣рахмавад̣дханзд̇и б̣рахмавад̣дхананаамагз наг̇арз. гулаварзд̇и аг̇г̇агулз. сздтзд̇и баасам̣сад̇амз. махаасаалзд̇и махаасаарз. аж̇ааяаханд̇и аж̇ааяим̣ ахам̣. ид̣̇ам̣ вуд̇д̇ам̣ ход̇и – д̇асмим̣ гаалз ‘‘б̣рахмавад̣дхана’’нд̇и лад̣̇д̇ханаамз б̣аараан̣асинаг̇арз яад̣̇аа хоми бхаваами бадивасаами, д̇ад̣̇аа абхиж̇аад̇асамбад̇д̇ияаа уд̣̇ид̇од̣̇ид̇абхаавзна аг̇г̇з виж̇ж̇аавад̇асамбад̇д̇ияаа сздтз асийд̇игодивибхавад̇ааяа махаасаалз б̣раахман̣агулз ахам̣ уббаж̇ж̇инд̇и.
42. Pañcame nagare brahmavaḍḍhaneti brahmavaḍḍhananāmake nagare. Kulavareti aggakule. Seṭṭheti pāsaṃsatame. Mahāsāleti mahāsāre. Ajāyahanti ajāyiṃ ahaṃ. Idaṃ vuttaṃ hoti – tasmiṃ kāle ‘‘brahmavaḍḍhana’’nti laddhanāme bārāṇasinagare yadā homi bhavāmi paṭivasāmi, tadā abhijātasampattiyā uditoditabhāvena agge vijjāvatasampattiyā seṭṭhe asītikoṭivibhavatāya mahāsāle brāhmaṇakule ahaṃ uppajjinti.
д̇ад̣̇аа хи махаасад̇д̇о б̣рахмалогад̇о жавид̇ваа б̣рахмавад̣дхананаг̇арз асийд̇игодивибхавасса ан̃н̃ад̇арасса б̣раахман̣амахаасааласса буд̇д̇о худ̇ваа ниб̣б̣ад̇д̇и. д̇асса наамаг̇г̇ахан̣ад̣̇ивасз ‘‘сон̣агумааро’’д̇и наамам̣ гарим̣су. д̇асса бад̣̇асаа г̇аманагаалз ан̃н̃оби сад̇д̇о б̣рахмалогаа жавид̇ваа б̣од̇хисад̇д̇асса маад̇уяаа гужчимхи бадисанд̇хим̣ г̇ан̣хи. д̇асса ж̇аад̇асса ‘‘нанд̣̇агумааро’’д̇и наамам̣ гарим̣су. д̇зсам̣ уг̇г̇ахид̇авзд̣̇аанам̣ саб̣б̣асиббанибпад̇д̇иббад̇д̇аанам̣ ваяаббад̇д̇аанам̣ руубасамбад̣̇ам̣ д̣̇исваа д̇удтахадтаа маад̇аабид̇аро ‘‘гхараб̣анд̇ханзна б̣анд̇хиссаамаа’’д̇и батамам̣ сон̣агумаарам̣ аахам̣су – ‘‘д̇аад̇а, д̇з бад̇ируубагулад̇о д̣̇ааригам̣ аанзссаама, д̇вам̣ гудумб̣ам̣ бадибаж̇ж̇аахий’’д̇и.
Tadā hi mahāsatto brahmalokato cavitvā brahmavaḍḍhananagare asītikoṭivibhavassa aññatarassa brāhmaṇamahāsālassa putto hutvā nibbatti. Tassa nāmaggahaṇadivase ‘‘soṇakumāro’’ti nāmaṃ kariṃsu. Tassa padasā gamanakāle aññopi satto brahmalokā cavitvā bodhisattassa mātuyā kucchimhi paṭisandhiṃ gaṇhi. Tassa jātassa ‘‘nandakumāro’’ti nāmaṃ kariṃsu. Tesaṃ uggahitavedānaṃ sabbasippanipphattippattānaṃ vayappattānaṃ rūpasampadaṃ disvā tuṭṭhahaṭṭhā mātāpitaro ‘‘gharabandhanena bandhissāmā’’ti paṭhamaṃ soṇakumāraṃ āhaṃsu – ‘‘tāta, te patirūpakulato dārikaṃ ānessāma, tvaṃ kuṭumbaṃ paṭipajjāhī’’ti.
махаасад̇д̇о ‘‘алам̣ маяхам̣ гхарааваасзна, ахам̣ яааваж̇ийвам̣ д̇умхз бадиж̇аг̇г̇ид̇ваа д̇умхаагам̣ ажжаязна баб̣б̣аж̇иссаамий’’д̇и ааха. махаасад̇д̇асса хи д̇ад̣̇аа д̇аяоби бхаваа аад̣̇ид̇д̇ам̣ аг̇аарам̣ вияа ан̇г̇аарагаасу вияа жа убадтахим̣су. висзсад̇о банзса нзгкаммаж̇жхаасаяо нзгкаммаад̇химуд̇д̇о ахоси. д̇асса ад̇хиббааяам̣ аж̇аананд̇аа д̇з бунаббунам̣ гат̇знд̇ааби д̇асса жид̇д̇ам̣ алабхид̇ваа нанд̣̇агумаарам̣ ааманд̇зд̇ваа ‘‘д̇аад̇а, д̇зна хи д̇вам̣ гудумб̣ам̣ бадибаж̇ж̇аахий’’д̇и вад̇ваа д̇знааби ‘‘наахам̣ мама бхаад̇араа чад̣д̣ид̇акзл̣ам̣ сийсзна угкибаами, ахамби д̇умхаагам̣ ажжаязна бхаад̇араа сад̣̇д̇хим̣ баб̣б̣аж̇иссаамий’’д̇и вуд̇д̇з ‘‘имз звам̣ д̇арун̣аа гаамз ж̇аханд̇и, гиман̇г̇ам̣ бана маяанд̇и саб̣б̣зва баб̣б̣аж̇иссаамаа’’д̇и жинд̇зд̇ваа ‘‘д̇аад̇а, гим̣ во амхаагам̣ ажжаязна баб̣б̣аж̇ж̇ааяа, саб̣б̣з сахзва баб̣б̣аж̇аамаа’’д̇и вад̇ваа н̃аад̇ийнам̣ д̣̇аад̇аб̣б̣аяуд̇д̇агам̣ д̣̇ад̇ваа д̣̇аасаж̇анам̣ бхуж̇иссам̣ гад̇ваа ран̃н̃о аарожзд̇ваа саб̣б̣ам̣ д̇ханам̣ виссаж̇ж̇зд̇ваа махаад̣̇аанам̣ бавад̇д̇зд̇ваа жад̇д̇аароби ж̇анаа б̣рахмавад̣дхананаг̇араа нигкамид̇ваа химаванд̇аббад̣̇зсз бад̣̇умабун̣д̣арийгаман̣д̣ид̇ам̣ махаасарам̣ ниссааяа раман̣ийяз ванасан̣д̣з ассамам̣ маабзд̇ваа баб̣б̣аж̇ид̇ваа д̇ад̇т̇а васим̣су. д̇зна вуд̇д̇ам̣ –
Mahāsatto ‘‘alaṃ mayhaṃ gharāvāsena, ahaṃ yāvajīvaṃ tumhe paṭijaggitvā tumhākaṃ accayena pabbajissāmī’’ti āha. Mahāsattassa hi tadā tayopi bhavā ādittaṃ agāraṃ viya aṅgārakāsu viya ca upaṭṭhahiṃsu. Visesato panesa nekkhammajjhāsayo nekkhammādhimutto ahosi. Tassa adhippāyaṃ ajānantā te punappunaṃ kathentāpi tassa cittaṃ alabhitvā nandakumāraṃ āmantetvā ‘‘tāta, tena hi tvaṃ kuṭumbaṃ paṭipajjāhī’’ti vatvā tenāpi ‘‘nāhaṃ mama bhātarā chaḍḍitakheḷaṃ sīsena ukkhipāmi, ahampi tumhākaṃ accayena bhātarā saddhiṃ pabbajissāmī’’ti vutte ‘‘ime evaṃ taruṇā kāme jahanti, kimaṅgaṃ pana mayanti sabbeva pabbajissāmā’’ti cintetvā ‘‘tāta, kiṃ vo amhākaṃ accayena pabbajjāya, sabbe saheva pabbajāmā’’ti vatvā ñātīnaṃ dātabbayuttakaṃ datvā dāsajanaṃ bhujissaṃ katvā rañño ārocetvā sabbaṃ dhanaṃ vissajjetvā mahādānaṃ pavattetvā cattāropi janā brahmavaḍḍhananagarā nikkhamitvā himavantappadese padumapuṇḍarīkamaṇḍitaṃ mahāsaraṃ nissāya ramaṇīye vanasaṇḍe assamaṃ māpetvā pabbajitvā tattha vasiṃsu. Tena vuttaṃ –
43.
43.
‘‘д̇ад̣̇ааби логам̣ д̣̇исваана, анд̇хийбхууд̇ам̣ д̇амод̇т̇адам̣;
‘‘Tadāpi lokaṃ disvāna, andhībhūtaṃ tamotthaṭaṃ;
жид̇д̇ам̣ бхавад̇о бад̇игудад̇и, д̇уд̇д̇авзг̇ахад̇ам̣ вияа.
Cittaṃ bhavato patikuṭati, tuttavegahataṃ viya.
44.
44.
‘‘д̣̇исваана вивид̇хам̣ баабам̣, звам̣ жинд̇зсахам̣ д̇ад̣̇аа;
‘‘Disvāna vividhaṃ pāpaṃ, evaṃ cintesahaṃ tadā;
гад̣̇аахам̣ г̇зхаа нигкамма, бависиссаами гаананам̣.
Kadāhaṃ gehā nikkhamma, pavisissāmi kānanaṃ.
45.
45.
‘‘д̇ад̣̇ааби мам̣ ниманд̇им̣су, гаамабхог̇зхи н̃аад̇аяо;
‘‘Tadāpi maṃ nimantiṃsu, kāmabhogehi ñātayo;
д̇зсамби чанд̣̇амаажигким̣, маа ниманд̇зт̇а д̇зхи мам̣.
Tesampi chandamācikkhiṃ, mā nimantetha tehi maṃ.
46.
46.
‘‘яо мз ганидтаго бхаад̇аа, нанд̣̇о наамааси бан̣д̣ид̇о;
‘‘Yo me kaniṭṭhako bhātā, nando nāmāsi paṇḍito;
соби мам̣ анусигканд̇о, баб̣б̣аж̇ж̇ам̣ самарожаяи.
Sopi maṃ anusikkhanto, pabbajjaṃ samarocayi.
47.
47.
‘‘ахам̣ сон̣о жа нанд̣̇о жа, убхо маад̇аабид̇аа мама;
‘‘Ahaṃ soṇo ca nando ca, ubho mātāpitā mama;
д̇ад̣̇ааби бхог̇з чад̣д̣зд̇ваа, баависимхаа махаавана’’нд̇и.
Tadāpi bhoge chaḍḍetvā, pāvisimhā mahāvana’’nti.
д̇ад̇т̇а д̇ад̣̇аабийд̇и яад̣̇аа ахам̣ б̣рахмавад̣дхананаг̇арз сон̣о наама б̣раахман̣агумааро ахосим̣, д̇ад̣̇ааби. логам̣ д̣̇исваанаад̇и сагаламби сад̇д̇алогам̣ бан̃н̃аажагкунаа бассид̇ваа. анд̇хийбхууд̇анд̇и бан̃н̃аажагкувирахзна анд̇хаж̇аад̇ам̣ анд̇хабхаавам̣ бад̇д̇ам̣. д̇амод̇т̇аданд̇и авиж̇ж̇анд̇хагаарзна абхибхууд̇ам̣. жид̇д̇ам̣ бхавад̇о бад̇игудад̇ийд̇и ж̇аад̇иаад̣̇исам̣взг̇авад̇т̇убажжавзгкан̣зна гаамаад̣̇ибхавад̇о мама жид̇д̇ам̣ сан̇гудад̇и саннилийяад̇и на висарад̇и. д̇уд̇д̇авзг̇ахад̇ам̣ вияаад̇и д̇уд̇д̇ам̣ вужжад̇и аяоган̣дагасийсо д̣̇ийгхад̣̇ан̣д̣о, яо бад̇од̣̇од̇и вужжад̇и. д̇зна взг̇асаа абхихад̇о яат̇аа хад̇т̇ааж̇аанийяо сам̣взг̇аббад̇д̇о ход̇и, звам̣ мама жид̇д̇ам̣ д̇ад̣̇аа гаамаад̣̇ийнавабажжавзгкан̣зна сам̣взг̇аббад̇д̇анд̇и д̣̇ассзд̇и.
Tattha tadāpīti yadā ahaṃ brahmavaḍḍhananagare soṇo nāma brāhmaṇakumāro ahosiṃ, tadāpi. Lokaṃ disvānāti sakalampi sattalokaṃ paññācakkhunā passitvā. Andhībhūtanti paññācakkhuvirahena andhajātaṃ andhabhāvaṃ pattaṃ. Tamotthaṭanti avijjandhakārena abhibhūtaṃ. Cittaṃ bhavato patikuṭatīti jātiādisaṃvegavatthupaccavekkhaṇena kāmādibhavato mama cittaṃ saṅkuṭati sannilīyati na visarati. Tuttavegahataṃ viyāti tuttaṃ vuccati ayokaṇṭakasīso dīghadaṇḍo, yo patodoti vuccati. Tena vegasā abhihato yathā hatthājānīyo saṃvegappatto hoti, evaṃ mama cittaṃ tadā kāmādīnavapaccavekkhaṇena saṃvegappattanti dasseti.
д̣̇исваана вивид̇хам̣ баабанд̇и г̇зхам̣ аавасанд̇зхи гхарааваасанимид̇д̇ам̣ чанд̣̇ад̣̇осаад̣̇ивасзна гарийяамаанам̣ наанаавид̇хам̣ баан̣аад̇ибаад̇аад̣̇ибаабагамман̃жзва д̇аннимид̇д̇ан̃жа нзсам̣ лаамагабхаавам̣ бассид̇ваа. звам̣ жинд̇зсахам̣ д̇ад̣̇аад̇и ‘‘гад̣̇аа ну ко ахам̣ махаахад̇т̇ий вияа аяаб̣анд̇ханам̣ гхараб̣анд̇ханам̣ чинд̣̇ид̇ваа г̇зхад̇о нигкаманавасзна ванам̣ бависиссаамий’’д̇и звам̣ д̇ад̣̇аа сон̣агумаарагаалз жинд̇зсим̣ ахам̣. д̇ад̣̇ааби мам̣ ниманд̇им̣сууд̇и на гзвалам̣ аяогхарабан̣д̣ид̇аад̣̇игаалзязва, ат̇а ко д̇ад̣̇ааби д̇асмим̣ сон̣агумаарагаалзби мам̣ маад̇аабид̇уаад̣̇аяо н̃аад̇аяо гаамабхог̇ино гаамаж̇жхаасаяаа ‘‘зхи, д̇аад̇а, имам̣ асийд̇игодид̇ханам̣ вибхавам̣ бадибаж̇ж̇а, гулавам̣сам̣ бад̇идтаабзхий’’д̇и ул̣аарзхи бхог̇зхи ниманд̇аяим̣су. д̇зсамби чанд̣̇амаажигкинд̇и д̇зсамби мама н̃аад̇ийнам̣ д̇зхи гаамабхог̇зхи маа мам̣ ниманд̇аяид̇т̇аад̇и ад̇д̇ано чанд̣̇амби аажигким̣, баб̣б̣аж̇ж̇ааяа ниннаж̇жхаасаяамби гат̇зсим̣, яат̇ааж̇жхаасаяам̣ бадибаж̇ж̇ат̇аад̇и ад̇хиббааяо.
Disvāna vividhaṃ pāpanti gehaṃ āvasantehi gharāvāsanimittaṃ chandadosādivasena karīyamānaṃ nānāvidhaṃ pāṇātipātādipāpakammañceva tannimittañca nesaṃ lāmakabhāvaṃ passitvā. Evaṃ cintesahaṃ tadāti ‘‘kadā nu kho ahaṃ mahāhatthī viya ayabandhanaṃ gharabandhanaṃ chinditvā gehato nikkhamanavasena vanaṃ pavisissāmī’’ti evaṃ tadā soṇakumārakāle cintesiṃ ahaṃ. Tadāpi maṃ nimantiṃsūti na kevalaṃ ayogharapaṇḍitādikāleyeva, atha kho tadāpi tasmiṃ soṇakumārakālepi maṃ mātāpituādayo ñātayo kāmabhogino kāmajjhāsayā ‘‘ehi, tāta, imaṃ asītikoṭidhanaṃ vibhavaṃ paṭipajja, kulavaṃsaṃ patiṭṭhāpehī’’ti uḷārehi bhogehi nimantayiṃsu. Tesampi chandamācikkhinti tesampi mama ñātīnaṃ tehi kāmabhogehi mā maṃ nimantayitthāti attano chandampi ācikkhiṃ, pabbajjāya ninnajjhāsayampi kathesiṃ, yathājjhāsayaṃ paṭipajjathāti adhippāyo.
соби мам̣ ану сигканд̇од̇и ‘‘имз гаамаа наама аббассаад̣̇аа б̣ахуд̣̇угкаа б̣ахуубааяаасаа’’д̇иаад̣̇инаа (ма. ни. 1.234; 2.43-45; баажи.417) наязна наанаббагаарам̣ гаамзсу аад̣̇ийнавам̣ бажжавзгкид̇ваа яат̇аахам̣ сийлаад̣̇ийни сигканд̇о баб̣б̣аж̇ж̇ам̣ рожзсим̣. соби нанд̣̇абан̣д̣ид̇о д̇ат̇зва д̇асса нзгкаммзна мам̣ анусигканд̇о баб̣б̣аж̇ж̇ам̣ самарожаяийд̇и. ахам̣ сон̣о жа нанд̣̇о жаад̇и д̇асмим̣ гаалз сон̣анаамаго ахам̣ маяхам̣ ганидтабхаад̇аа нанд̣̇о жаад̇и. убхо маад̇аабид̇аа мамаад̇и ‘‘имз наама буд̇д̇агаа звам̣ д̇арун̣агаалзби гаамз ж̇аханд̇и, гиман̇г̇ам̣ бана маяа’’нд̇и уббаннасам̣взг̇аа маад̇аабид̇аро жа. бхог̇з чад̣д̣зд̇ваад̇и асийд̇игодивибхавасамид̣̇д̇хз махаа бхог̇з анабзгкажид̇д̇аа кзл̣абин̣д̣ам̣ вияа барижжаж̇ид̇ваа маяам̣ жад̇д̇аароби ж̇анаа химаванд̇аббад̣̇зсз махааванам̣ нзгкаммаж̇жхаасаязна бависимхаад̇и ад̇т̇о.
Sopi maṃ anu sikkhantoti ‘‘ime kāmā nāma appassādā bahudukkhā bahūpāyāsā’’tiādinā (ma. ni. 1.234; 2.43-45; pāci.417) nayena nānappakāraṃ kāmesu ādīnavaṃ paccavekkhitvā yathāhaṃ sīlādīni sikkhanto pabbajjaṃ rocesiṃ. Sopi nandapaṇḍito tatheva tassa nekkhammena maṃ anusikkhanto pabbajjaṃ samarocayīti. Ahaṃ soṇo ca nando cāti tasmiṃ kāle soṇanāmako ahaṃ mayhaṃ kaniṭṭhabhātā nando cāti. Ubho mātāpitāmamāti ‘‘ime nāma puttakā evaṃ taruṇakālepi kāme jahanti, kimaṅgaṃ pana maya’’nti uppannasaṃvegā mātāpitaro ca. Bhoge chaḍḍetvāti asītikoṭivibhavasamiddhe mahā bhoge anapekkhacittā kheḷapiṇḍaṃ viya pariccajitvā mayaṃ cattāropi janā himavantappadese mahāvanaṃ nekkhammajjhāsayena pavisimhāti attho.
бависид̇ваа жа д̇з д̇ад̇т̇а раман̣ийяз бхуумибхааг̇з ассамам̣ маабзд̇ваа д̇аабасабаб̣б̣аж̇ж̇ааяа баб̣б̣аж̇ид̇ваа д̇ад̇т̇а васим̣су. д̇з убхоби бхаад̇аро маад̇аабид̇аро бадиж̇аг̇г̇им̣су. д̇зсу нанд̣̇абан̣д̣ид̇о ‘‘маяаа аабхад̇апалаапалаанзва маад̇аабид̇аро каад̣̇аабзссаамий’’д̇и хияяо жа буримаг̇ожараг̇ахид̇адтаанад̇о жа яаани д̇аани авасзсаани палаапалаани баад̇ова аанзд̇ваа маад̇аабид̇аро каад̣̇аабзд̇и. д̇з д̇аани каад̣̇ид̇ваа мукам̣ вигкаалзд̇ваа убосат̇игаа хонд̇и. сон̣абан̣д̣ид̇о бана д̣̇уурам̣ г̇анд̇ваа мад̇хурамад̇хураани субаггаани аахарид̇ваа убанаамзд̇и. ат̇а нам̣ д̇з ‘‘д̇аад̇а, ганидтзна аабхад̇аани маяам̣ каад̣̇ид̇ваа убосат̇игаа ж̇аад̇аа, ид̣̇аани но ад̇т̇о над̇т̇ий’’д̇и вад̣̇анд̇и. ид̇и д̇асса палаапалаани барибхог̇ам̣ на лабханд̇и винассанд̇и, бунад̣̇ивасаад̣̇ийсуби д̇ат̇зваад̇и, звам̣ со бан̃жаабхин̃н̃ад̇ааяа д̣̇уурамби г̇анд̇ваа аахарад̇и, д̇з бана на каад̣̇анд̇и.
Pavisitvā ca te tattha ramaṇīye bhūmibhāge assamaṃ māpetvā tāpasapabbajjāya pabbajitvā tattha vasiṃsu. Te ubhopi bhātaro mātāpitaro paṭijaggiṃsu. Tesu nandapaṇḍito ‘‘mayā ābhataphalāphalāneva mātāpitaro khādāpessāmī’’ti hiyyo ca purimagocaragahitaṭṭhānato ca yāni tāni avasesāni phalāphalāni pātova ānetvā mātāpitaro khādāpeti. Te tāni khāditvā mukhaṃ vikkhāletvā uposathikā honti. Soṇapaṇḍito pana dūraṃ gantvā madhuramadhurāni supakkāni āharitvā upanāmeti. Atha naṃ te ‘‘tāta, kaniṭṭhena ābhatāni mayaṃ khāditvā uposathikā jātā, idāni no attho natthī’’ti vadanti. Iti tassa phalāphalāni paribhogaṃ na labhanti vinassanti, punadivasādīsupi tathevāti, evaṃ so pañcābhiññatāya dūrampi gantvā āharati, te pana na khādanti.
ат̇а махаасад̇д̇о жинд̇зси – ‘‘маад̇аабид̇аро сукумаалаа, нанд̣̇о жа яаани д̇аани абаггаани д̣̇уббаггаани палаапалаани аахарид̇ваа каад̣̇аабзд̇и, звам̣ санд̇з имз на жирам̣ бавад̇д̇иссанд̇и, ваарзссаами на’’нд̇и. ат̇а нам̣ ааманд̇зд̇ваа ‘‘нанд̣̇а, ид̇о бадтааяа палаапалам̣ аахарид̇ваа мамааг̇аманам̣ бад̇имаанзхи, убхо згад̇ова каад̣̇аабзссаамаа’’д̇и ааха. звам̣ вуд̇д̇зби ад̇д̇ано бун̃н̃ам̣ бажжаасийсанд̇о на д̇асса важанамагааси. махаасад̇д̇о д̇ам̣ убадтаанам̣ ааг̇ад̇ам̣ ‘‘на д̇вам̣ бан̣д̣ид̇аанам̣ важанам̣ гароси, ахам̣ ж̇здто, маад̇аабид̇аро жа мамзва бхааро, ахамзва нз бадиж̇аг̇г̇иссаами, д̇вам̣ ид̇о ан̃н̃ад̇т̇а яаахий’’д̇и д̇асса ажчарам̣ бахари.
Atha mahāsatto cintesi – ‘‘mātāpitaro sukhumālā, nando ca yāni tāni apakkāni duppakkāni phalāphalāni āharitvā khādāpeti, evaṃ sante ime na ciraṃ pavattissanti, vāressāmi na’’nti. Atha naṃ āmantetvā ‘‘nanda, ito paṭṭhāya phalāphalaṃ āharitvā mamāgamanaṃ patimānehi, ubho ekatova khādāpessāmā’’ti āha. Evaṃ vuttepi attano puññaṃ paccāsīsanto na tassa vacanamakāsi. Mahāsatto taṃ upaṭṭhānaṃ āgataṃ ‘‘na tvaṃ paṇḍitānaṃ vacanaṃ karosi, ahaṃ jeṭṭho, mātāpitaro ca mameva bhāro, ahameva ne paṭijaggissāmi, tvaṃ ito aññattha yāhī’’ti tassa accharaṃ pahari.
со д̇зна бан̣аамид̇о д̇ад̇т̇а таад̇ум̣ асаггонд̇о д̇ам̣ ванд̣̇ид̇ваа маад̇аабид̇уунам̣ д̇амад̇т̇ам̣ аарожзд̇ваа ад̇д̇ано бан̣н̣асаалам̣ бависид̇ваа гасин̣ам̣ ологзд̇ваа д̇ам̣д̣̇ивасамзва адта жа самаабад̇д̇ияо бан̃жа жа абхин̃н̃ааяо ниб̣б̣ад̇д̇зд̇ваа жинд̇зси – ‘‘гим̣ ну ко ахам̣ синзрубаад̣̇ад̇о рад̇анаваалугам̣ аахарид̇ваа мама бхаад̇у бан̣н̣асаалаабаривзн̣ам̣ аагирид̇ваа камаабзссаами, уд̣̇ааху анод̇ад̇д̇ад̇о уд̣̇агам̣ аахарид̇ваа камаабзссаами? ат̇а ваа мз бхаад̇аа д̣̇звад̇аавасзна камзяяа, жад̇д̇ааро махаарааж̇аано сагган̃жа д̣̇зварааж̇аанам̣ аанзд̇ваа камаабзссаами, звам̣ бана на собхиссад̇и, аяам̣ ко манож̇о б̣рахмавад̣дханарааж̇аа сагалаж̇амб̣уд̣̇ийбз аг̇г̇арааж̇аа, д̇ам̣ аад̣̇им̣ гад̇ваа саб̣б̣з рааж̇аано аанзд̇ваа камаабзссаами, звам̣ санд̇з мама бхаад̇у г̇ун̣о сагалаж̇амб̣уд̣̇ийбам̣ авад̇т̇арид̇ваа г̇амиссад̇и, жанд̣̇о вияа суурияо вияа жа бан̃н̃ааяиссад̇ий’’д̇и.
So tena paṇāmito tattha ṭhātuṃ asakkonto taṃ vanditvā mātāpitūnaṃ tamatthaṃ ārocetvā attano paṇṇasālaṃ pavisitvā kasiṇaṃ oloketvā taṃdivasameva aṭṭha ca samāpattiyo pañca ca abhiññāyo nibbattetvā cintesi – ‘‘kiṃ nu kho ahaṃ sinerupādato ratanavālukaṃ āharitvā mama bhātu paṇṇasālāpariveṇaṃ ākiritvā khamāpessāmi, udāhu anotattato udakaṃ āharitvā khamāpessāmi? Atha vā me bhātā devatāvasena khameyya, cattāro mahārājāno sakkañca devarājānaṃ ānetvā khamāpessāmi, evaṃ pana na sobhissati, ayaṃ kho manojo brahmavaḍḍhanarājā sakalajambudīpe aggarājā, taṃ ādiṃ katvā sabbe rājāno ānetvā khamāpessāmi, evaṃ sante mama bhātu guṇo sakalajambudīpaṃ avattharitvā gamissati, cando viya sūriyo viya ca paññāyissatī’’ti.
со д̇аавад̣̇зва ид̣̇д̇хияаа г̇анд̇ваа б̣рахмавад̣дхананаг̇арз д̇асса ран̃н̃о нивзсанад̣̇ваарз од̇арид̇ваа ‘‘зго д̇аабасо д̇умхз д̣̇адтугаамо’’д̇и ран̃н̃о аарожаабзд̇ваа д̇зна гад̇огаасо д̇асса санд̇игам̣ г̇анд̇ваа ‘‘ахам̣ ад̇д̇ано б̣алзна сагалаж̇амб̣уд̣̇ийбз раж̇ж̇ам̣ г̇ахзд̇ваа д̇ава д̣̇ассаамий’’д̇и. ‘‘гат̇ам̣ бана д̇умхз, бханд̇з, сагалаж̇амб̣уд̣̇ийбз раж̇ж̇ам̣ г̇ахзд̇ваа д̣̇ассат̇аа’’д̇и? ‘‘махаарааж̇а, гассажи вад̇хажчзд̣̇ам̣ агад̇ваа ад̇д̇ано ид̣̇д̇хияаава г̇ахзд̇ваа д̣̇ассаамий’’д̇и махад̇ияаа сзнааяа сад̣̇д̇хим̣ д̇ам̣ аад̣̇ааяа госаларадтам̣ г̇анд̇ваа наг̇арасса авид̣̇уурз канд̇хааваарам̣ нивзсзд̇ваа ‘‘яуд̣̇д̇хам̣ ваа но д̣̇зд̇у, васз ваа вад̇д̇ад̇уу’’д̇и госаларан̃н̃о д̣̇ууд̇ам̣ баахзси. д̇зна гуж̇жхид̇ваа яуд̣̇д̇хасаж̇ж̇зна худ̇ваа нигканд̇зна сад̣̇д̇хим̣ яуд̣̇д̇хз аарад̣̇д̇хз ад̇д̇ано ид̣̇д̇хаанубхаавзна яат̇аа д̣̇виннам̣ сзнаанам̣ бийл̣анам̣ на ход̇и, звам̣ гад̇ваа яат̇аа жа госаларааж̇аа д̇асса васз вад̇д̇ад̇и, звам̣ важанабадиважанахаран̣зхи сам̣вид̣̇ахи. зд̇знубааязна сагалаж̇амб̣уд̣̇ийбз рааж̇аано д̇асса васз вад̇д̇аабзси.
So tāvadeva iddhiyā gantvā brahmavaḍḍhananagare tassa rañño nivesanadvāre otaritvā ‘‘eko tāpaso tumhe daṭṭhukāmo’’ti rañño ārocāpetvā tena katokāso tassa santikaṃ gantvā ‘‘ahaṃ attano balena sakalajambudīpe rajjaṃ gahetvā tava dassāmī’’ti. ‘‘Kathaṃ pana tumhe, bhante, sakalajambudīpe rajjaṃ gahetvā dassathā’’ti? ‘‘Mahārāja, kassaci vadhacchedaṃ akatvā attano iddhiyāva gahetvā dassāmī’’ti mahatiyā senāya saddhiṃ taṃ ādāya kosalaraṭṭhaṃ gantvā nagarassa avidūre khandhāvāraṃ nivesetvā ‘‘yuddhaṃ vā no detu, vase vā vattatū’’ti kosalarañño dūtaṃ pāhesi. Tena kujjhitvā yuddhasajjena hutvā nikkhantena saddhiṃ yuddhe āraddhe attano iddhānubhāvena yathā dvinnaṃ senānaṃ pīḷanaṃ na hoti, evaṃ katvā yathā ca kosalarājā tassa vase vattati, evaṃ vacanapaṭivacanaharaṇehi saṃvidahi. Etenupāyena sakalajambudīpe rājāno tassa vase vattāpesi.
со д̇зна барид̇удто нанд̣̇абан̣д̣ид̇ам̣ ааха – ‘‘бханд̇з, д̇умхзхи яат̇аа маяхам̣ бадин̃н̃аад̇ам̣, д̇ат̇аа гад̇ам̣, б̣ахуубагаараа мз д̇умхз, гимахам̣ д̇умхаагам̣ гариссаами, ахан̃хи д̇з сагалаж̇амб̣уд̣̇ийбз убад̣дхараж̇ж̇амби д̣̇аад̇ум̣ ижчаами, гиман̇г̇ам̣ бана хад̇т̇иассарат̇аман̣имуд̇д̇аабаваал̣араж̇ад̇асуван̣н̣ад̣̇аасид̣̇аасабариж̇анабарижчзд̣̇а’’нд̇и? д̇ам̣ суд̇ваа нанд̣̇абан̣д̣ид̇о ‘‘на мз д̇з, махаарааж̇а, раж̇ж̇зна ад̇т̇о, нааби хад̇т̇ияаанаад̣̇ийхи, аби жа ко д̇з радтз асугасмим̣ наама ассамз мама маад̇аабид̇аро баб̣б̣аж̇ид̇ваа васанд̇и. д̇яаахам̣ убадтаханд̇о згасмим̣ абараад̇хз мама ж̇здтабхаад̇игзна сон̣абан̣д̣ид̇зна наама махзсинаа бан̣аамид̇о, сваахам̣ д̇ам̣ аад̣̇ааяа д̇асса санд̇игам̣ г̇анд̇ваа камаабзссаами, д̇асса мз д̇вам̣ камаабанз сахааяо хохий’’д̇и. рааж̇аа ‘‘саад̇хуу’’д̇и самбадижчид̇ваа жад̇увийсад̇иагкобханий баримаан̣ааяа сзнааяа баривуд̇о згасад̇арааж̇уухи сад̣̇д̇хим̣ нанд̣̇абан̣д̣ид̇ам̣ бурагкад̇ваа д̇ам̣ ассамабад̣̇ам̣ бад̇ваа жад̇уран̇г̇улаббад̣̇зсам̣ мун̃жид̇ваа аагаасз тид̇зна гааж̇зна анод̇ад̇д̇ад̇о уд̣̇агам̣ аахарид̇ваа баанийяам̣ бадисаамзд̇ваа баривзн̣ам̣ саммаж̇ж̇ид̇ваа маад̇аабид̇уунам̣ аасаннаббад̣̇зсз нисиннам̣ жхаанарад̇исамаббид̇ам̣ махаасад̇д̇ам̣ убасан̇гамид̇ваа нанд̣̇абан̣д̣ид̇о нам̣ камаабзси. махаасад̇д̇о нанд̣̇абан̣д̣ид̇ам̣ маад̇арам̣ бадижчаабзд̇ваа ад̇д̇анаа яааваж̇ийвам̣ бид̇арам̣ бадиж̇аг̇г̇и. д̇зсам̣ бана рааж̇уунам̣ –
So tena parituṭṭho nandapaṇḍitaṃ āha – ‘‘bhante, tumhehi yathā mayhaṃ paṭiññātaṃ, tathā kataṃ, bahūpakārā me tumhe, kimahaṃ tumhākaṃ karissāmi, ahañhi te sakalajambudīpe upaḍḍharajjampi dātuṃ icchāmi, kimaṅgaṃ pana hatthiassarathamaṇimuttāpavāḷarajatasuvaṇṇadāsidāsaparijanapariccheda’’nti? Taṃ sutvā nandapaṇḍito ‘‘na me te, mahārāja, rajjena attho, nāpi hatthiyānādīhi, api ca kho te raṭṭhe asukasmiṃ nāma assame mama mātāpitaro pabbajitvā vasanti. Tyāhaṃ upaṭṭhahanto ekasmiṃ aparādhe mama jeṭṭhabhātikena soṇapaṇḍitena nāma mahesinā paṇāmito, svāhaṃ taṃ ādāya tassa santikaṃ gantvā khamāpessāmi, tassa me tvaṃ khamāpane sahāyo hohī’’ti. Rājā ‘‘sādhū’’ti sampaṭicchitvā catuvīsatiakkhobhanī parimāṇāya senāya parivuto ekasatarājūhi saddhiṃ nandapaṇḍitaṃ purakkhatvā taṃ assamapadaṃ patvā caturaṅgulappadesaṃ muñcitvā ākāse ṭhitena kājena anotattato udakaṃ āharitvā pānīyaṃ paṭisāmetvā pariveṇaṃ sammajjitvā mātāpitūnaṃ āsannappadese nisinnaṃ jhānaratisamappitaṃ mahāsattaṃ upasaṅkamitvā nandapaṇḍito naṃ khamāpesi. Mahāsatto nandapaṇḍitaṃ mātaraṃ paṭicchāpetvā attanā yāvajīvaṃ pitaraṃ paṭijaggi. Tesaṃ pana rājūnaṃ –
‘‘аананд̣̇о жа бамод̣̇о жа, сад̣̇аа хасид̇агийл̣ид̇ам̣;
‘‘Ānando ca pamodo ca, sadā hasitakīḷitaṃ;
маад̇арам̣ барижарид̇ваана, лаб̣бхамзд̇ам̣ виж̇аанад̇аа.
Mātaraṃ paricaritvāna, labbhametaṃ vijānatā.
‘‘аананд̣̇о жа бамод̣̇о жа, сад̣̇аа хасид̇агийл̣ид̇ам̣;
‘‘Ānando ca pamodo ca, sadā hasitakīḷitaṃ;
бид̇арам̣ барижарид̇ваана, лаб̣бхамзд̇ам̣ виж̇аанад̇о.
Pitaraṃ paricaritvāna, labbhametaṃ vijānato.
‘‘д̣̇аанан̃жа бзяяаваж̇ж̇ан̃жа, ад̇т̇ажарияаа жа яаа ид̇ха;
‘‘Dānañca peyyavajjañca, atthacariyā ca yā idha;
самаанад̇д̇ад̇аа жа д̇хаммзсу, д̇ад̇т̇а д̇ад̇т̇а яат̇аарахам̣;
Samānattatā ca dhammesu, tattha tattha yathārahaṃ;
зд̇з ко сан̇г̇ахаа логз, рат̇ассаан̣ийва яааяад̇о.
Ete kho saṅgahā loke, rathassāṇīva yāyato.
‘‘зд̇з жа сан̇г̇ахаа наассу, на маад̇аа буд̇д̇агааран̣аа;
‘‘Ete ca saṅgahā nāssu, na mātā puttakāraṇā;
лабхзт̇а маанам̣ бууж̇ам̣ ваа, бид̇аа ваа буд̇д̇агааран̣аа.
Labhetha mānaṃ pūjaṃ vā, pitā vā puttakāraṇā.
‘‘яасмаа жа сан̇г̇ахаа зд̇з, саммабзгканд̇и бан̣д̣ид̇аа;
‘‘Yasmā ca saṅgahā ete, sammapekkhanti paṇḍitā;
д̇асмаа махад̇д̇ам̣ баббонд̇и, баасам̣саа жа бхаванд̇и д̇з.
Tasmā mahattaṃ papponti, pāsaṃsā ca bhavanti te.
‘‘б̣рахмаад̇и маад̇аабид̇аро, буб̣б̣аажарияаад̇и вужжарз;
‘‘Brahmāti mātāpitaro, pubbācariyāti vuccare;
аахунзяяаа жа буд̇д̇аанам̣, баж̇ааяа анугамбагаа.
Āhuneyyā ca puttānaṃ, pajāya anukampakā.
‘‘д̇асмаа хи нз намассзяяа, саггарзяяа жа бан̣д̣ид̇о;
‘‘Tasmā hi ne namasseyya, sakkareyya ca paṇḍito;
аннзна ат̇а баанзна, вад̇т̇зна саяанзна жа;
Annena atha pānena, vatthena sayanena ca;
ужчаад̣̇анзна нхаабанзна, баад̣̇аанам̣ д̇хованзна жа.
Ucchādanena nhāpanena, pādānaṃ dhovanena ca.
‘‘д̇ааяа нам̣ баарижарияааяа, маад̇аабид̇уусу бан̣д̣ид̇аа;
‘‘Tāya naṃ pāricariyāya, mātāpitūsu paṇḍitā;
ид̇хзва нам̣ басам̣санд̇и, бзжжа саг̇г̇з бамод̣̇ад̇ий’’д̇и. (ж̇аа. 2.20.176-183) –
Idheva naṃ pasaṃsanti, pecca sagge pamodatī’’ti. (jā. 2.20.176-183) –
б̣уд̣̇д̇халийл̣ааяа д̇хаммам̣ д̣̇зсзси, д̇ам̣ суд̇ваа саб̣б̣зби д̇з рааж̇аано саб̣алагааяаа басийд̣̇им̣су. ат̇а нз бан̃жасу сийлзсу бад̇идтаабзд̇ваа ‘‘д̣̇аанаад̣̇ийсу аббамад̇д̇аа хот̇аа’’д̇и овад̣̇ид̇ваа виссаж̇ж̇зси. д̇з саб̣б̣зби д̇хаммзна раж̇ж̇ам̣ гаарзд̇ваа ааяубарияосаанз д̣̇званаг̇арам̣ буураяим̣су. б̣од̇хисад̇д̇о ‘‘ид̇о бадтааяа маад̇арам̣ бадиж̇аг̇г̇аахий’’д̇и маад̇арам̣ нанд̣̇абан̣д̣ид̇ам̣ бадижчаабзд̇ваа ад̇д̇анаа яааваж̇ийвам̣ бид̇арам̣ бадиж̇аг̇г̇и. д̇з убхоби ааяубарияосаанз б̣рахмалогабарааяанаа ахзсум̣.
Buddhalīḷāya dhammaṃ desesi, taṃ sutvā sabbepi te rājāno sabalakāyā pasīdiṃsu. Atha ne pañcasu sīlesu patiṭṭhāpetvā ‘‘dānādīsu appamattā hothā’’ti ovaditvā vissajjesi. Te sabbepi dhammena rajjaṃ kāretvā āyupariyosāne devanagaraṃ pūrayiṃsu. Bodhisatto ‘‘ito paṭṭhāya mātaraṃ paṭijaggāhī’’ti mātaraṃ nandapaṇḍitaṃ paṭicchāpetvā attanā yāvajīvaṃ pitaraṃ paṭijaggi. Te ubhopi āyupariyosāne brahmalokaparāyanā ahesuṃ.
д̇ад̣̇аа маад̇аабид̇аро махаарааж̇агулаани, нанд̣̇абан̣д̣ид̇о аананд̣̇ад̇т̇зро, манож̇о рааж̇аа саарибуд̇д̇ад̇т̇зро, згасад̇арааж̇аано асийд̇имахаат̇зраа жзва ан̃н̃ад̇арат̇зраа жа, жад̇увийсад̇иагкобханийбарисаа б̣уд̣̇д̇хабарисаа, сон̣абан̣д̣ид̇о логанаат̇о.
Tadā mātāpitaro mahārājakulāni, nandapaṇḍito ānandatthero, manojo rājā sāriputtatthero, ekasatarājāno asītimahātherā ceva aññataratherā ca, catuvīsatiakkhobhanīparisā buddhaparisā, soṇapaṇḍito lokanātho.
д̇асса гин̃жааби саад̇исаяаа нзгкаммабаарамий, д̇ат̇ааби хздтаа вуд̇д̇анаязнзва сзсабаарамияо жа нид̣̇д̇хаарзд̇аб̣б̣аа. д̇ат̇аа ажжанд̇амзва гаамзсу анабзгкад̇аа, маад̇аабид̇уусу д̇иб̣б̣о саг̇ааравасаббад̇иссабхааво , маад̇аабид̇уубадтаанзна ад̇ид̇д̇и, сад̇иби нзсам̣ убадтаанз саб̣б̣агаалам̣ самаабад̇д̇ивихаарзхи вийд̇инаамананд̇и звамаад̣̇аяо махаасад̇д̇асса г̇ун̣аанубхааваа вибхаавзд̇аб̣б̣аад̇и.
Tassa kiñcāpi sātisayā nekkhammapāramī, tathāpi heṭṭhā vuttanayeneva sesapāramiyo ca niddhāretabbā. Tathā accantameva kāmesu anapekkhatā, mātāpitūsu tibbo sagāravasappatissabhāvo , mātāpituupaṭṭhānena atitti, satipi nesaṃ upaṭṭhāne sabbakālaṃ samāpattivihārehi vītināmananti evamādayo mahāsattassa guṇānubhāvā vibhāvetabbāti.
сон̣абан̣д̣ид̇ажарияааван̣н̣анаа нидтид̇аа.
Soṇapaṇḍitacariyāvaṇṇanā niṭṭhitā.
нзгкаммабаарамий нидтид̇аа.
Nekkhammapāramī niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жарияаабидагабаал̣и • Cariyāpiṭakapāḷi / 5. сон̣абан̣д̣ид̇ажарияаа • 5. Soṇapaṇḍitacariyā
