| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
7. сон̣абодирияабуд̇д̇ад̇т̇зраг̇аат̇ааван̣н̣анаа
7. Soṇapoṭiriyaputtattheragāthāvaṇṇanā
на д̇аава субид̇ум̣ ход̇ийд̇и ааяасмад̇о сон̣асса бодирияабуд̇д̇асса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро сикисса бхаг̇авад̇о гаалз ванажаро худ̇ваа ж̇ийванд̇о згад̣̇ивасам̣ сад̇т̇аарам̣ д̣̇исваа басаннажид̇д̇о гуран̃ж̇ияапалам̣ сад̇т̇уно ад̣̇ааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з габилавад̇т̇усмим̣ бодирияасса наама г̇аамабхож̇агасса буд̇д̇о худ̇ваа ниб̣б̣ад̇д̇и, сон̣од̇исса наамам̣ ахоси. со ваяаббад̇д̇о бхад̣̇д̣̇ияасса саагияаран̃н̃о сзнаабад̇и ахоси. ат̇а бхад̣̇д̣̇ияарааж̇з хздтаа вуд̇д̇анаязна баб̣б̣аж̇ид̇з, сзнаабад̇и ‘‘рааж̇ааби наама баб̣б̣аж̇и, гим̣ маяхам̣ гхарааваасзнаа’’д̇и баб̣б̣аж̇и? баб̣б̣аж̇ид̇ваа бана нид̣̇д̣̇аараамо вихарад̇и, на бхааванамануяун̃ж̇ад̇и. д̇ам̣ бхаг̇аваа анубияааяам̣ амб̣аванз вихаранд̇о ад̇д̇ано обхаасам̣ параабзд̇ваа д̇знасса сад̇им̣ ж̇анзд̇ваа имааяа г̇аат̇ааяа д̇ам̣ овад̣̇анд̇о –
Na tāva supituṃ hotīti āyasmato soṇassa poṭiriyaputtassa gāthā. Kā uppatti? Ayampi purimabuddhesu katādhikāro sikhissa bhagavato kāle vanacaro hutvā jīvanto ekadivasaṃ satthāraṃ disvā pasannacitto kurañjiyaphalaṃ satthuno adāsi. So tena puññakammena devamanussesu saṃsaranto imasmiṃ buddhuppāde kapilavatthusmiṃ poṭiriyassa nāma gāmabhojakassa putto hutvā nibbatti, soṇotissa nāmaṃ ahosi. So vayappatto bhaddiyassa sākiyarañño senāpati ahosi. Atha bhaddiyarāje heṭṭhā vuttanayena pabbajite, senāpati ‘‘rājāpi nāma pabbaji, kiṃ mayhaṃ gharāvāsenā’’ti pabbaji? Pabbajitvā pana niddārāmo viharati, na bhāvanamanuyuñjati. Taṃ bhagavā anupiyāyaṃ ambavane viharanto attano obhāsaṃ pharāpetvā tenassa satiṃ janetvā imāya gāthāya taṃ ovadanto –
193.
193.
‘‘на д̇аава субид̇ум̣ ход̇и, рад̇д̇и нагкад̇д̇амаалиний;
‘‘Na tāva supituṃ hoti, ratti nakkhattamālinī;
бадиж̇аг̇г̇ид̇умзвзсаа, рад̇д̇и ход̇и виж̇аанад̇аа.
Paṭijaggitumevesā, ratti hoti vijānatā.
194.
194.
‘‘хад̇т̇игканд̇хаавабад̇ид̇ам̣ , гун̃ж̇аро жз ануггамз;
‘‘Hatthikkhandhāvapatitaṃ , kuñjaro ce anukkame;
сан̇г̇аамз мз мад̇ам̣ сзяяо, яан̃жз ж̇ийвз барааж̇ид̇о’’д̇и. – г̇аат̇аад̣̇ваяам̣ абхааси;
Saṅgāme me mataṃ seyyo, yañce jīve parājito’’ti. – gāthādvayaṃ abhāsi;
д̇ад̇т̇а на д̇аава субид̇ум̣ ход̇и, рад̇д̇и нагкад̇д̇амаалинийд̇и адтахи агкан̣зхи важ̇ж̇ид̇ам̣ навамам̣ кан̣ам̣ лабхид̇ваа тид̇асса вин̃н̃уж̇аад̇игасса яаава на арахад̇д̇ам̣ хад̇т̇аг̇ад̇ам̣ ход̇и, д̇аава аяам̣ нагкад̇д̇амаалиний рад̇д̇и субид̇ум̣ нид̣̇д̣̇ааяид̇ум̣ на ход̇и, субанасса гаало на ход̇и. абижа ко бадиж̇аг̇г̇ид̇умзвзсаа, рад̇д̇и ход̇и виж̇аанад̇аад̇и зсаа рад̇д̇и наама мануссаанам̣ миг̇абагкийнан̃жа нид̣̇д̣̇уубаг̇аманзна висзсад̇о ниссад̣̇д̣̇авзлаабхууд̇аа бадибад̇д̇им̣ ад̇д̇ани сан̃ж̇аг̇г̇ид̇ум̣ ж̇ааг̇арияаануяог̇амануяун̃ж̇ид̇умзва виж̇аанад̇аа вин̃н̃унаа ижчид̇аа ход̇ийд̇и.
Tattha na tāva supituṃ hoti, ratti nakkhattamālinīti aṭṭhahi akkhaṇehi vajjitaṃ navamaṃ khaṇaṃ labhitvā ṭhitassa viññujātikassa yāva na arahattaṃ hatthagataṃ hoti, tāva ayaṃ nakkhattamālinī ratti supituṃ niddāyituṃ na hoti, supanassa kālo na hoti. Apica kho paṭijaggitumevesā, ratti hoti vijānatāti esā ratti nāma manussānaṃ migapakkhīnañca niddūpagamanena visesato nissaddavelābhūtā paṭipattiṃ attani sañjaggituṃ jāgariyānuyogamanuyuñjitumeva vijānatā viññunā icchitā hotīti.
д̇ам̣ суд̇ваа сон̣о сам̣виг̇г̇ад̇арамаанасо хирод̇д̇аббам̣ бажжубадтабзд̇ваа аб̣бхогаасиган̇г̇ам̣ ад̇хидтааяа вибассанааяа гаммам̣ гаронд̇о ‘‘хад̇т̇игканд̇хова бад̇ид̇а’’нд̇и д̣̇уд̇ияам̣ г̇аат̇амааха. д̇ад̇т̇а авабад̇ид̇анд̇и авамукам̣ бад̇ид̇ам̣ уд̣̇д̇хам̣баад̣̇ам̣ ад̇хомукам̣ бад̇ид̇ам̣. гун̃ж̇аро жз ануггамзд̇и гун̃ж̇аро ануггамзяяа жз. ид̣̇ам̣ вуд̇д̇ам̣ ход̇и – яад̣̇аахам̣ хад̇т̇имаарухид̇ваа сан̇г̇аамам̣ бавидто хад̇т̇игканд̇хад̇о бад̇ид̇о, д̇ад̣̇аахам̣ сан̇г̇аамз д̇зна хад̇т̇инаа мад̣̇д̣̇ид̇о мад̇о ахосим̣ жз, д̇ам̣ мз маран̣ам̣ сзяяо, яан̃жз ид̣̇аани гилзсзхи барааж̇ид̇о ж̇ийвзяяам̣, д̇ам̣ на сзяяод̇и. имам̣ г̇аат̇ам̣ вад̣̇анд̇оязва вибассанам̣ уссуггаабзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.52.1-6) –
Taṃ sutvā soṇo saṃviggataramānaso hirottappaṃ paccupaṭṭhapetvā abbhokāsikaṅgaṃ adhiṭṭhāya vipassanāya kammaṃ karonto ‘‘hatthikkhandhova patita’’nti dutiyaṃ gāthamāha. Tattha avapatitanti avamukhaṃ patitaṃ uddhaṃpādaṃ adhomukhaṃ patitaṃ. Kuñjaro ce anukkameti kuñjaro anukkameyya ce. Idaṃ vuttaṃ hoti – yadāhaṃ hatthimāruhitvā saṅgāmaṃ paviṭṭho hatthikkhandhato patito, tadāhaṃ saṅgāme tena hatthinā maddito mato ahosiṃ ce, taṃ me maraṇaṃ seyyo, yañce idāni kilesehi parājito jīveyyaṃ, taṃ na seyyoti. Imaṃ gāthaṃ vadantoyeva vipassanaṃ ussukkāpetvā arahattaṃ pāpuṇi. Tena vuttaṃ apadāne (apa. thera 2.52.1-6) –
‘‘миг̇алуд̣̇д̣̇о бурз аасим̣, вибинз вижарам̣ ахам̣;
‘‘Migaluddo pure āsiṃ, vipine vicaraṃ ahaṃ;
ад̣̇д̣̇асам̣ вираж̇ам̣ б̣уд̣̇д̇хам̣, саб̣б̣ад̇хаммаана баараг̇ум̣.
Addasaṃ virajaṃ buddhaṃ, sabbadhammāna pāraguṃ.
‘‘гуран̃ж̇ияапалам̣ г̇аяха, б̣уд̣̇д̇хасздтассад̣̇аасахам̣;
‘‘Kurañjiyaphalaṃ gayha, buddhaseṭṭhassadāsahaṃ;
бун̃н̃агкзд̇д̇асса д̇аад̣̇ино, басанно сзхи баан̣ибхи.
Puññakkhettassa tādino, pasanno sehi pāṇibhi.
‘‘згад̇им̣сз ид̇о габбз, яам̣ палам̣ ад̣̇ад̣̇им̣ д̇ад̣̇аа;
‘‘Ekatiṃse ito kappe, yaṃ phalaṃ adadiṃ tadā;
д̣̇уг̇г̇ад̇им̣ наабхиж̇аанаами, палад̣̇аанассид̣̇ам̣ палам̣.
Duggatiṃ nābhijānāmi, phaladānassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ‘‘сад̇т̇аараа вуд̇д̇ам̣, ад̇д̇анаа вуд̇д̇а’’нд̇и убхаяан̃хи г̇аат̇ам̣ ‘‘хад̇т̇игканд̇хаавабад̇ид̇а’’нд̇иаад̣̇инаа бажжуд̣̇аахааси. д̇зна ид̣̇амзва ан̃н̃ааб̣яаагаран̣ам̣ ахосийд̇и.
Arahattaṃ pana patvā ‘‘satthārā vuttaṃ, attanā vutta’’nti ubhayañhi gāthaṃ ‘‘hatthikkhandhāvapatita’’ntiādinā paccudāhāsi. Tena idameva aññābyākaraṇaṃ ahosīti.
сон̣абодирияабуд̇д̇ад̇т̇зраг̇аат̇ааван̣н̣анаа нидтид̇аа.
Soṇapoṭiriyaputtattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 7. сон̣абодирияад̇т̇зраг̇аат̇аа • 7. Soṇapoṭiriyattheragāthā
