| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
сон̣асса баб̣б̣аж̇ж̇аагат̇ааван̣н̣анаа
Soṇassa pabbajjākathāvaṇṇanā
243. суд̇д̇ад̇т̇о бана суд̇д̇аван̣н̣анаад̇оязва г̇ахзд̇аб̣б̣од̇и зд̇т̇ааяам̣ суд̇д̇аван̣н̣анаа. сийд̇аванзд̇и (а. ни. адта. 3.6.55) звам̣наамагз ванз. д̇асмим̣ гира бадибаадияаа бан̃жа жан̇гаманасад̇аани маабид̇аани, д̇зсу т̇зро ад̇д̇ано саббааяам̣ жан̇гаманам̣ г̇ахзд̇ваа саман̣ад̇хаммам̣ гарод̇и. д̇асса аарад̣̇д̇хавийрияасса худ̇ваа жан̇гамад̇о баад̣̇ад̇алаани бхиж̇ж̇им̣су, ж̇аан̣уухи жан̇гамад̇о ж̇аан̣угааниби хад̇т̇ад̇алааниби бхиж̇ж̇им̣су, чид̣̇д̣̇аани ахзсум̣. звам̣ аарад̣̇д̇хавийрияо вихаранд̇о обхаасанимид̇д̇амад̇д̇агамби д̣̇ассзд̇ум̣ наасагки. д̇асса вийриязна гиламид̇агааяасса жан̇гаманагодияам̣ баасаан̣апалагз нисиннасса яо вид̇агго уд̣̇абаад̣̇и, д̇ам̣ д̣̇ассзд̇ум̣ ‘‘ат̇а ко ааяасмад̇о’’д̇иаад̣̇и вуд̇д̇ам̣. д̇ад̇т̇а аарад̣̇д̇хавийрияаад̇и барибун̣н̣абаг̇г̇ахид̇авийрияаа. на анубаад̣̇ааяа аасавзхи жид̇д̇ам̣ вимужжад̇ийд̇и ‘‘сажз ахам̣ уг̇гхадид̇ан̃н̃уу ваа вибан̃жид̇ан̃н̃уу ваа нзяяо ваа, на мз жид̇д̇ам̣ на вимужжзяяа, ад̣̇д̇хаа бана бад̣̇абарамо, язна мз жид̇д̇ам̣ на мужжад̇ий’’д̇и саннидтаанам̣ гад̇ваа ‘‘сам̣виж̇ж̇анд̇и ко банаа’’д̇иаад̣̇ийни жинд̇зси. д̇ад̇т̇а бхог̇аад̇и убаяог̇ад̇т̇з бажжад̇д̇ам̣.
243. Suttattho pana suttavaṇṇanātoyeva gahetabboti etthāyaṃ suttavaṇṇanā. Sītavaneti (a. ni. aṭṭha. 3.6.55) evaṃnāmake vane. Tasmiṃ kira paṭipāṭiyā pañca caṅkamanasatāni māpitāni, tesu thero attano sappāyaṃ caṅkamanaṃ gahetvā samaṇadhammaṃ karoti. Tassa āraddhavīriyassa hutvā caṅkamato pādatalāni bhijjiṃsu, jāṇūhi caṅkamato jāṇukānipi hatthatalānipi bhijjiṃsu, chiddāni ahesuṃ. Evaṃ āraddhavīriyo viharanto obhāsanimittamattakampi dassetuṃ nāsakkhi. Tassa vīriyena kilamitakāyassa caṅkamanakoṭiyaṃ pāsāṇaphalake nisinnassa yo vitakko udapādi, taṃ dassetuṃ ‘‘atha kho āyasmato’’tiādi vuttaṃ. Tattha āraddhavīriyāti paripuṇṇapaggahitavīriyā. Na anupādāya āsavehi cittaṃ vimuccatīti ‘‘sace ahaṃ ugghaṭitaññū vā vipañcitaññū vā neyyo vā, na me cittaṃ na vimucceyya, addhā pana padaparamo, yena me cittaṃ na muccatī’’ti sanniṭṭhānaṃ katvā ‘‘saṃvijjanti kho panā’’tiādīni cintesi. Tattha bhogāti upayogatthe paccattaṃ.
баад̇урахосийд̇и т̇зрасса жид̇д̇аажаарам̣ н̃ад̇ваа ‘‘аяам̣ сон̣о аж̇ж̇а сийд̇аванз бад̇хаанабхуумияам̣ нисинно имам̣ вид̇аггам̣ вид̇аггзд̇и, г̇анд̇ваасса вид̇аггам̣ саход̣дхам̣ г̇ан̣хид̇ваа вийн̣обамагаммадтаанам̣ гат̇зссаамий’’д̇и сийд̇аванз баад̇урахоси. бан̃н̃ад̇д̇з аасанзд̇и бад̇хаанигабхигкуу ад̇д̇ано васанадтаанз овад̣̇ид̇ум̣ ааг̇ад̇асса б̣уд̣̇д̇хасса бхаг̇авад̇о нисийд̣̇анад̇т̇ам̣ яат̇аалаабхзна аасанамби бан̃н̃абзд̇ваава бад̇хаанам̣ гаронд̇и , ан̃н̃ам̣ алабхамаанаа бураан̣абан̣н̣аани сан̇гхарид̇ваа убари сан̇гхаадим̣ бан̃н̃абзнд̇и. т̇зроби аасанам̣ бан̃н̃абзд̇ваава бад̇хаанам̣ агааси, д̇ам̣ санд̇хааяа вуд̇д̇ам̣ ‘‘бан̃н̃ад̇д̇з аасанз’’д̇и.
Pāturahosīti therassa cittācāraṃ ñatvā ‘‘ayaṃ soṇo ajja sītavane padhānabhūmiyaṃ nisinno imaṃ vitakkaṃ vitakketi, gantvāssa vitakkaṃ sahoḍḍhaṃ gaṇhitvā vīṇopamakammaṭṭhānaṃ kathessāmī’’ti sītavane pāturahosi. Paññatte āsaneti padhānikabhikkhū attano vasanaṭṭhāne ovadituṃ āgatassa buddhassa bhagavato nisīdanatthaṃ yathālābhena āsanampi paññapetvāva padhānaṃ karonti , aññaṃ alabhamānā purāṇapaṇṇāni saṅgharitvā upari saṅghāṭiṃ paññapenti. Theropi āsanaṃ paññapetvāva padhānaṃ akāsi, taṃ sandhāya vuttaṃ ‘‘paññatte āsane’’ti.
д̇ам̣ гим̣ ман̃н̃асийд̇и сад̇т̇аа ‘‘имасса бхигкуно авасзсагаммадтаанзна ад̇т̇о над̇т̇и, аяам̣ г̇анд̇хаб̣б̣асиббз чзго жин̣н̣авасий, ад̇д̇ано висаяз гат̇ияамаанз киббамзва саллагкзссад̇ий’’д̇и вийн̣обамам̣ гат̇зд̇ум̣ ‘‘д̇ам̣ гим̣ ман̃н̃асий’’д̇иаад̣̇имааха. вийн̣ааяа д̇анд̇иссарз гусалад̇аа наама вийн̣ааяа ваад̣̇анагусалад̇аа, со жа д̇ад̇т̇а гусало. маад̇аабид̇аро хисса ‘‘амхаагам̣ буд̇д̇о ан̃н̃ам̣ сиббам̣ сигканд̇о гааязна гиламиссад̇и, ид̣̇ам̣ бана аасанз нисиннзнзва саггаа уг̇г̇ан̣хид̇у’’нд̇и г̇анд̇хаб̣б̣асиббамзва уг̇г̇ан̣хаабзсум̣. д̇асса –
Taṃkiṃ maññasīti satthā ‘‘imassa bhikkhuno avasesakammaṭṭhānena attho natthi, ayaṃ gandhabbasippe cheko ciṇṇavasī, attano visaye kathiyamāne khippameva sallakkhessatī’’ti vīṇopamaṃ kathetuṃ ‘‘taṃ kiṃ maññasī’’tiādimāha. Vīṇāya tantissare kusalatā nāma vīṇāya vādanakusalatā, so ca tattha kusalo. Mātāpitaro hissa ‘‘amhākaṃ putto aññaṃ sippaṃ sikkhanto kāyena kilamissati, idaṃ pana āsane nisinneneva sakkā uggaṇhitu’’nti gandhabbasippameva uggaṇhāpesuṃ. Tassa –
‘‘сад̇д̇а сараа д̇аяо г̇аамаа, мужчанаа згавийсад̇и;
‘‘Satta sarā tayo gāmā, mucchanā ekavīsati;
таанаа згуунабан̃н̃ааса, ижжзд̇з сараман̣д̣алаа’’д̇и. –
Ṭhānā ekūnapaññāsa, iccete saramaṇḍalā’’ti. –
аад̣̇игам̣ г̇анд̇хаб̣б̣асиббам̣ саб̣б̣амзва баг̇ун̣ам̣ ахоси. ажжааяад̇аад̇и ад̇иааяад̇аа карамужчанаа. саравад̇ийд̇и сарасамбаннаа. гамман̃н̃аад̇и гаммагкамаа гаммаяог̇г̇аа. ад̇исит̇илаад̇и манд̣̇амужчанаа. самз г̇ун̣з бад̇идтид̇аад̇и маж̇жхимз сарз табзд̇ваа мужчид̇аа.
Ādikaṃ gandhabbasippaṃ sabbameva paguṇaṃ ahosi. Accāyatāti atiāyatā kharamucchanā. Saravatīti sarasampannā. Kammaññāti kammakkhamā kammayoggā. Atisithilāti mandamucchanā. Same guṇe patiṭṭhitāti majjhime sare ṭhapetvā mucchitā.
ажжаарад̣̇д̇ханд̇и ад̇иг̇аал̣хам̣. уд̣̇д̇хажжааяа сам̣вад̇д̇ад̇ийд̇и уд̣̇д̇хад̇абхаавааяа сам̣вад̇д̇ад̇и. ад̇илийнанд̇и ад̇исит̇илам̣. госаж̇ж̇ааяаад̇и гусийд̇абхаавад̇т̇ааяа. вийрияасамат̇ам̣ ад̇хидтаахийд̇и вийрияасамбаяуд̇д̇ам̣ самат̇ам̣ ад̇хидтаахи, вийрияам̣ самат̇зна яож̇зхийд̇и ад̇т̇о. инд̣̇рияаанан̃жа самад̇ам̣ ад̇хидтаахийд̇и сад̣̇д̇хаад̣̇ийнам̣ инд̣̇рияаанам̣ самад̇ам̣ самабхаавам̣ ад̇хидтаахи. д̇ад̇т̇а сад̣̇д̇хам̣ бан̃н̃ааяа, бан̃н̃ан̃жа сад̣̇д̇хааяа, вийрияам̣ самаад̇хинаа, самаад̇хин̃жа вийриязна яож̇аяад̇аа инд̣̇рияаанам̣ самад̇аа ад̇хидтид̇аа наама ход̇и. сад̇и бана саб̣б̣ад̇т̇игаа, саа сад̣̇ааби б̣алавад̇ийязва ваддад̇и. д̇ан̃жа бана нзсам̣ яож̇анаавид̇хаанам̣ висуд̣̇д̇химаг̇г̇з (висуд̣̇д̇хи. 1.60-62) ааг̇ад̇анаязна взд̣̇ид̇аб̣б̣ам̣. д̇ад̇т̇а жа нимид̇д̇ам̣ г̇ан̣хаахийд̇и д̇асмин̃жа самабхаавз сад̇и язна аад̣̇аасз мукаб̣имб̣знзва нимид̇д̇зна уббаж̇ж̇ид̇аб̣б̣ам̣, д̇ам̣ самат̇анимид̇д̇ам̣ вибассанаанимид̇д̇ам̣ маг̇г̇анимид̇д̇ам̣ паланимид̇д̇ан̃жа г̇ан̣ха ниб̣б̣ад̇д̇зхийд̇и звамасса сад̇т̇аа арахад̇д̇з багкибид̇ваа гаммадтаанам̣ гат̇зси.
Accāraddhanti atigāḷhaṃ. Uddhaccāya saṃvattatīti uddhatabhāvāya saṃvattati. Atilīnanti atisithilaṃ. Kosajjāyāti kusītabhāvatthāya. Vīriyasamathaṃ adhiṭṭhāhīti vīriyasampayuttaṃ samathaṃ adhiṭṭhāhi, vīriyaṃ samathena yojehīti attho. Indriyānañca samataṃ adhiṭṭhāhīti saddhādīnaṃ indriyānaṃ samataṃ samabhāvaṃ adhiṭṭhāhi. Tattha saddhaṃ paññāya, paññañca saddhāya, vīriyaṃ samādhinā, samādhiñca vīriyena yojayatā indriyānaṃ samatā adhiṭṭhitā nāma hoti. Sati pana sabbatthikā, sā sadāpi balavatīyeva vaṭṭati. Tañca pana nesaṃ yojanāvidhānaṃ visuddhimagge (visuddhi. 1.60-62) āgatanayena veditabbaṃ. Tattha ca nimittaṃ gaṇhāhīti tasmiñca samabhāve sati yena ādāse mukhabimbeneva nimittena uppajjitabbaṃ, taṃ samathanimittaṃ vipassanānimittaṃ magganimittaṃ phalanimittañca gaṇha nibbattehīti evamassa satthā arahatte pakkhipitvā kammaṭṭhānaṃ kathesi.
д̇ад̇т̇а жа нимид̇д̇ам̣ аг̇г̇ахзсийд̇и самат̇анимид̇д̇ан̃жа вибассанаанимид̇д̇ан̃жа аг̇г̇ахзси. згод̇и асахааяо. вуубагадтод̇и вад̇т̇угаамзхи жа гилзсагаамзхи жа гааязна жзва жид̇д̇зна жа вуубагадто. аббамад̇д̇од̇и гаммадтаанз сад̇им̣ авиж̇аханд̇о. аад̇аабийд̇и гааяигажзд̇асигавийрияаад̇аабзна аад̇аабо. аад̇аббад̇и гилзсзхийд̇и аад̇аабо, вийрияам̣. бахид̇ад̇д̇од̇и гааяз жа ж̇ийвид̇з жа анабзгкад̇ааяа бзсид̇ад̇д̇о виссадтаад̇д̇абхааво, ниб̣б̣аанз ваа бзсид̇ажид̇д̇о. на жирассзваад̇и гаммадтаанаарамбхад̇о на жирзнзва. ан̃н̃ад̇арод̇и зго. арахад̇анд̇и бхаг̇авад̇о саавагаанам̣ араханд̇аанам̣ аб̣бханд̇аро зго махаасааваго ахосийд̇и ад̇т̇о.
Tattha ca nimittaṃ aggahesīti samathanimittañca vipassanānimittañca aggahesi. Ekoti asahāyo. Vūpakaṭṭhoti vatthukāmehi ca kilesakāmehi ca kāyena ceva cittena ca vūpakaṭṭho. Appamattoti kammaṭṭhāne satiṃ avijahanto. Ātāpīti kāyikacetasikavīriyātāpena ātāpo. Ātappati kilesehīti ātāpo, vīriyaṃ. Pahitattoti kāye ca jīvite ca anapekkhatāya pesitatto vissaṭṭhaattabhāvo, nibbāne vā pesitacitto. Na cirassevāti kammaṭṭhānārambhato na cireneva. Aññataroti eko. Arahatanti bhagavato sāvakānaṃ arahantānaṃ abbhantaro eko mahāsāvako ahosīti attho.
244. вусид̇аваад̇и вуд̇т̇аб̣рахмажарияаваасо. гад̇агаран̣ийяод̇и жад̇уухи маг̇г̇зхи гад̇д̇аб̣б̣ам̣ гад̇ваа тид̇о. охид̇абхаарод̇и канд̇хабхаарам̣ гилзсабхаарам̣ абхисан̇каарабхааран̃жа од̇аарзд̇ваа тид̇о. ануббад̇д̇асад̣̇ад̇т̇од̇и сад̣̇ад̇т̇о вужжад̇и арахад̇д̇ам̣, д̇ам̣ бад̇д̇од̇и ад̇т̇о. баригкийн̣абхавасам̣яож̇анод̇и кийн̣абхаваб̣анд̇хано. саммад̣̇ан̃н̃аа вимуд̇д̇од̇и саммаа хзд̇унаа гааран̣зна ж̇аанид̇ваа вимуд̇д̇о. ча таанаанийд̇и ча гааран̣аани. ад̇химуд̇д̇о ход̇ийд̇и бадивиж̇жхид̇ваа бажжагкам̣ гад̇ваа тид̇о ход̇и. нзгкаммаад̇химуд̇д̇од̇иаад̣̇и саб̣б̣ам̣ арахад̇д̇авасзна вуд̇д̇ам̣. арахад̇д̇ан̃хи саб̣б̣агилзсзхи нигканд̇ад̇д̇аа нзгкаммам̣, д̇зхзва бавивид̇д̇ад̇д̇аа бавивзго, б̣яаабаж̇ж̇аабхаавад̇о аб̣яаабаж̇ж̇ам̣, убаад̣̇аанасса каяанд̇з уббаннад̇д̇аа убаад̣̇аанагкаяо, д̇ан̣хааяа каяанд̇з уббаннад̇д̇аа д̇ан̣хагкаяо, саммохаабхаавад̇о асаммоход̇и жа вужжад̇и.
244.Vusitavāti vutthabrahmacariyavāso. Katakaraṇīyoti catūhi maggehi kattabbaṃ katvā ṭhito. Ohitabhāroti khandhabhāraṃ kilesabhāraṃ abhisaṅkhārabhārañca otāretvā ṭhito. Anuppattasadatthoti sadattho vuccati arahattaṃ, taṃ pattoti attho. Parikkhīṇabhavasaṃyojanoti khīṇabhavabandhano. Sammadaññā vimuttoti sammā hetunā kāraṇena jānitvā vimutto. Cha ṭhānānīti cha kāraṇāni. Adhimutto hotīti paṭivijjhitvā paccakkhaṃ katvā ṭhito hoti. Nekkhammādhimuttotiādi sabbaṃ arahattavasena vuttaṃ. Arahattañhi sabbakilesehi nikkhantattā nekkhammaṃ, teheva pavivittattā paviveko, byāpajjābhāvato abyāpajjaṃ, upādānassa khayante uppannattā upādānakkhayo, taṇhāya khayante uppannattā taṇhakkhayo, sammohābhāvato asammohoti ca vuccati.
гзвалам̣ сад̣̇д̇хаамад̇д̇аганд̇и бадивзд̇харахид̇ам̣ гзвалам̣ бадивзд̇хабан̃н̃ааяа асаммиссам̣ сад̣̇д̇хаамад̇д̇агам̣. бадижаяанд̇и бунаббунам̣ гаран̣зна вад̣дхим̣. вийд̇арааг̇ад̇д̇аад̇и маг̇г̇абадивзд̇хзна рааг̇асса вихад̇ад̇д̇ааязва нзгкаммасан̇каад̇ам̣ арахад̇д̇ам̣ бадивиж̇жхид̇ваа сажчигад̇ваа тид̇о ход̇и, паласамаабад̇д̇ивихаарзна вихарад̇и, д̇анниннамаанасоязва ход̇ийд̇и ад̇т̇о. сзсабад̣̇зсуби зсзва наяо.
Kevalaṃ saddhāmattakanti paṭivedharahitaṃ kevalaṃ paṭivedhapaññāya asammissaṃ saddhāmattakaṃ. Paṭicayanti punappunaṃ karaṇena vaḍḍhiṃ. Vītarāgattāti maggapaṭivedhena rāgassa vihatattāyeva nekkhammasaṅkhātaṃ arahattaṃ paṭivijjhitvā sacchikatvā ṭhito hoti, phalasamāpattivihārena viharati, tanninnamānasoyeva hotīti attho. Sesapadesupi eseva nayo.
лаабхасаггаарасилоганд̇и жад̇убажжаяалаабхан̃жа д̇зсам̣язва сугад̇абхааван̃жа ван̣н̣абхан̣анан̃жа. нигаамаяамаанод̇и ижчамаано бад̇т̇аяамаано. бавивзгаад̇химуд̇д̇од̇и ‘‘бавивзгз ад̇химуд̇д̇о аха’’нд̇и звам̣ арахад̇д̇ам̣ б̣яаагарод̇ийд̇и ад̇т̇о.
Lābhasakkārasilokanti catupaccayalābhañca tesaṃyeva sukatabhāvañca vaṇṇabhaṇanañca. Nikāmayamānoti icchamāno patthayamāno. Pavivekādhimuttoti ‘‘paviveke adhimutto aha’’nti evaṃ arahattaṃ byākarotīti attho.
сийлаб̣б̣ад̇абараамаасанд̇и сийлан̃жа вад̇ан̃жа бараамасид̇ваа г̇ахид̇аг̇г̇ахан̣амад̇д̇ам̣. саарад̇о бажжааг̇ажчанд̇од̇и саарабхаавзна ж̇аананд̇о. аб̣яаабаж̇ж̇аад̇химуд̇д̇од̇и аб̣яаабаж̇ж̇ам̣ арахад̇д̇ам̣ б̣яаагарод̇и. иминаава наязна саб̣б̣аваарзсу ад̇т̇о д̣̇адтаб̣б̣о. абижзд̇т̇а ‘‘нзгкаммаад̇химуд̇д̇од̇и имасмим̣язва арахад̇д̇ам̣ гат̇ид̇ам̣, сзсзсу бан̃жасу ниб̣б̣аана’’нд̇и згз вад̣̇анд̇и. абарз ‘‘асаммохаад̇химуд̇д̇од̇и зд̇т̇зва ниб̣б̣аанам̣ гат̇ид̇ам̣, сзсзсу арахад̇д̇а’’нд̇и вад̣̇анд̇и. аяам̣ банзд̇т̇а сааро – ‘‘саб̣б̣зсвзвзд̇зсу арахад̇д̇амби ниб̣б̣аанамби гат̇ид̇амзваад̇и.
Sīlabbataparāmāsanti sīlañca vatañca parāmasitvā gahitaggahaṇamattaṃ. Sārato paccāgacchantoti sārabhāvena jānanto. Abyāpajjādhimuttoti abyāpajjaṃ arahattaṃ byākaroti. Imināva nayena sabbavāresu attho daṭṭhabbo. Apicettha ‘‘nekkhammādhimuttoti imasmiṃyeva arahattaṃ kathitaṃ, sesesu pañcasu nibbāna’’nti eke vadanti. Apare ‘‘asammohādhimuttoti ettheva nibbānaṃ kathitaṃ, sesesu arahatta’’nti vadanti. Ayaṃ panettha sāro – ‘‘sabbesvevetesu arahattampi nibbānampi kathitamevāti.
бхусаад̇и б̣алаванд̇о д̣̇иб̣б̣аруубасад̣̇исаа. нзвасса жид̇д̇ам̣ барияаад̣̇ияанд̇ийд̇и зд̇асса кийн̣аасавасса жид̇д̇ам̣ г̇ахзд̇ваа таад̇ум̣ на саггонд̇и. гилзсаа хи уббаж̇ж̇амаанаа жид̇д̇ам̣ г̇ан̣ханд̇и наама. амиссийгад̇анд̇и амиссагад̇ам̣. гилзсаа хи аарамман̣зна сад̣̇д̇хим̣ жид̇д̇ам̣ миссам̣ гаронд̇и, д̇зсам̣ абхааваа амиссийгад̇ам̣. тид̇анд̇и бад̇идтид̇ам̣. аанзн̃ж̇аббад̇д̇анд̇и ажаланаббад̇д̇ам̣. ваяан̃жассаанубассад̇ийд̇и д̇асса жзса жид̇д̇асса уббаад̣̇амби ваяамби бассад̇и. бхусаа ваад̇авудтийд̇и б̣алаваа ваад̇агканд̇хо. нзва нам̣ сан̇гамбзяяаад̇и згабхааг̇зна жаалзд̇ум̣ на саггун̣зяяа. на самбагамбзяяаад̇и т̇уун̣ам̣ вияа саб̣б̣абхааг̇ад̇о гамбзд̇ум̣ на саггун̣зяяа. на самбавзд̇хзяяаад̇и взд̇хзд̇ваа бавзд̇хзд̇ваа баад̇зд̇ум̣ на саггун̣зяяа.
Bhusāti balavanto dibbarūpasadisā. Nevassa cittaṃ pariyādiyantīti etassa khīṇāsavassa cittaṃ gahetvā ṭhātuṃ na sakkonti. Kilesā hi uppajjamānā cittaṃ gaṇhanti nāma. Amissīkatanti amissakataṃ. Kilesā hi ārammaṇena saddhiṃ cittaṃ missaṃ karonti, tesaṃ abhāvā amissīkataṃ. Ṭhitanti patiṭṭhitaṃ. Āneñjappattanti acalanappattaṃ. Vayañcassānupassatīti tassa cesa cittassa uppādampi vayampi passati. Bhusā vātavuṭṭhīti balavā vātakkhandho. Neva naṃ saṅkampeyyāti ekabhāgena cāletuṃ na sakkuṇeyya. Na sampakampeyyāti thūṇaṃ viya sabbabhāgato kampetuṃ na sakkuṇeyya. Na sampavedheyyāti vedhetvā pavedhetvā pātetuṃ na sakkuṇeyya.
нзгкаммам̣ ад̇химуд̇д̇ассаад̇и арахад̇д̇ам̣ бадивиж̇жхид̇ваа тид̇асса. сзсабад̣̇зсуби арахад̇д̇амзва гат̇ид̇ам̣. убаад̣̇аанагкаяасса жаад̇и убаяог̇ад̇т̇з саамиважанам̣. асаммохан̃жа жзд̇асод̇и жид̇д̇асса жа асаммохам̣ ад̇химуд̇д̇асса. д̣̇исваа ааяад̇ануббаад̣̇анд̇и ааяад̇анаанам̣ уббаад̣̇ан̃жа ваяан̃жа д̣̇исваа. саммаа жид̇д̇ам̣ вимужжад̇ийд̇и саммаа хзд̇унаа наязна имааяа вибассанааяа бадибад̇д̇ияаа паласамаабад̇д̇ивасзна жид̇д̇ам̣ вимужжад̇и, ниб̣б̣аанаарамман̣з ад̇химужжад̇и. ат̇а ваа иминаа кийн̣аасавасса буб̣б̣абхааг̇абадибад̣̇аа гат̇ид̇аа. д̇асса хи ааяад̇ануббаад̣̇ам̣ д̣̇исваа имааяа вибассанааяа ад̇хиг̇ад̇асса арияамаг̇г̇асса аанубхаавзна саб̣б̣агилзсзхи саммаа жид̇д̇ам̣ вимужжад̇и. звам̣ д̇асса саммаа вимуд̇д̇асса…бз… на виж̇ж̇ад̇и. д̇ад̇т̇а санд̇ажид̇д̇ассаад̇и ниб̣б̣уд̇ажид̇д̇асса. сзсамзд̇т̇а уд̇д̇аанад̇т̇амзва.
Nekkhammaṃ adhimuttassāti arahattaṃ paṭivijjhitvā ṭhitassa. Sesapadesupi arahattameva kathitaṃ. Upādānakkhayassa cāti upayogatthe sāmivacanaṃ. Asammohañca cetasoti cittassa ca asammohaṃ adhimuttassa. Disvā āyatanuppādanti āyatanānaṃ uppādañca vayañca disvā. Sammā cittaṃ vimuccatīti sammā hetunā nayena imāya vipassanāya paṭipattiyā phalasamāpattivasena cittaṃ vimuccati, nibbānārammaṇe adhimuccati. Atha vā iminā khīṇāsavassa pubbabhāgapaṭipadā kathitā. Tassa hi āyatanuppādaṃ disvā imāya vipassanāya adhigatassa ariyamaggassa ānubhāvena sabbakilesehi sammā cittaṃ vimuccati. Evaṃ tassa sammā vimuttassa…pe… na vijjati. Tattha santacittassāti nibbutacittassa. Sesamettha uttānatthameva.
сон̣асса баб̣б̣аж̇ж̇аагат̇ааван̣н̣анаа нидтид̇аа.
Soṇassa pabbajjākathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 147. сон̣агол̣ивисавад̇т̇у • 147. Soṇakoḷivisavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / сон̣асса баб̣б̣аж̇ж̇аагат̇аа • Soṇassa pabbajjākathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / сон̣ассабаб̣б̣аж̇ж̇аагат̇ааван̣н̣анаа • Soṇassapabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / сон̣агол̣ивисагат̇аад̣̇иван̣н̣анаа • Soṇakoḷivisakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 147. сон̣агол̣ивисавад̇т̇угат̇аа • 147. Soṇakoḷivisavatthukathā
