| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
сон̣ассабаб̣б̣аж̇ж̇аагат̇ааван̣н̣анаа
Soṇassapabbajjākathāvaṇṇanā
243. д̇ад̇т̇а жа нимид̇д̇ам̣ г̇ан̣хаахийд̇и д̇зсам̣ инд̣̇рияаанам̣ аагаарам̣ убалагкзхи.
243.Tattha ca nimittaṃ gaṇhāhīti tesaṃ indriyānaṃ ākāraṃ upalakkhehi.
244. ад̇химуд̇д̇о ход̇ийд̇и бадивиж̇жхид̇ваа бажжагкам̣ гад̇ваа тид̇о ход̇и. нзгкаммаад̇химуд̇д̇од̇иаад̣̇ийхи ниб̣б̣аанам̣, арахад̇д̇ан̃жа вуд̇д̇ам̣. ‘‘д̇ан̃хи саб̣б̣агилзсзхи нигканд̇ад̇д̇аа ‘нзгкамма’нд̇и жа г̇зхад̇о бавивид̇д̇ад̇д̇аа ‘бавивзго’д̇и жа б̣яаабаж̇ж̇аабхаавад̇о ‘аб̣яаабаж̇ж̇а’нд̇и жа арахад̇д̇ам̣ убаад̣̇аанасса каяанд̇з уббаннад̇д̇аа ‘убаад̣̇аанагкаяо’д̇и жа д̇ан̣хааяа каяанд̇з уббаннад̇д̇аа ‘д̇ан̣хагкаяо’д̇и жа саммохаабхаавад̇о ‘асаммохо’д̇и жа вужжад̇ий’’д̇и вуд̇д̇ам̣. саб̣б̣зхи арахад̇д̇ам̣ вуд̇д̇анд̇и гзжи. сияаа ко звамассаад̇и гад̣̇аажи звамасса, асса ваа ааяасмад̇о звам̣ сияаа. бажжааг̇ажчанд̇о ж̇аананд̇о. гаран̣ийяамад̇д̇аананд̇и ад̇д̇ано. со зва ваа баато. нзгкаммаад̇химуд̇д̇од̇и имасмим̣язва арахад̇д̇ам̣ гат̇ид̇ам̣. сзсзсу ниб̣б̣аананд̇и гзжи. асаммохаад̇химуд̇д̇од̇и зд̇т̇зва ниб̣б̣аанам̣. сзсзсу арахад̇д̇анд̇и гзжи. ‘‘саб̣б̣зсвзвзд̇зсу убхаяамбий’’д̇и вад̣̇анд̇и. бавивзган̃жа жзд̇асо, ад̇химуд̇д̇асса, убаад̣̇аанагкаяасса жаад̇и убаяог̇ад̇т̇з саамиважанам̣. ааяад̇анаанам̣ уббаад̣̇ан̃жа ваяан̃жа д̣̇исваа.
244.Adhimutto hotīti paṭivijjhitvā paccakkhaṃ katvā ṭhito hoti. Nekkhammādhimuttotiādīhi nibbānaṃ, arahattañca vuttaṃ. ‘‘Tañhi sabbakilesehi nikkhantattā ‘nekkhamma’nti ca gehato pavivittattā ‘paviveko’ti ca byāpajjābhāvato ‘abyāpajja’nti ca arahattaṃ upādānassa khayante uppannattā ‘upādānakkhayo’ti ca taṇhāya khayante uppannattā ‘taṇhakkhayo’ti ca sammohābhāvato ‘asammoho’ti ca vuccatī’’ti vuttaṃ. Sabbehi arahattaṃ vuttanti keci. Siyā kho evamassāti kadāci evamassa, assa vā āyasmato evaṃ siyā. Paccāgacchanto jānanto. Karaṇīyamattānanti attano. So eva vā pāṭho. Nekkhammādhimuttoti imasmiṃyeva arahattaṃ kathitaṃ. Sesesu nibbānanti keci. Asammohādhimuttoti ettheva nibbānaṃ. Sesesu arahattanti keci. ‘‘Sabbesvevetesu ubhayampī’’ti vadanti. Pavivekañca cetaso, adhimuttassa, upādānakkhayassa cāti upayogatthe sāmivacanaṃ. Āyatanānaṃ uppādañca vayañca disvā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 147. сон̣агол̣ивисавад̇т̇у • 147. Soṇakoḷivisavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / сон̣асса баб̣б̣аж̇ж̇аагат̇аа • Soṇassa pabbajjākathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сон̣асса баб̣б̣аж̇ж̇аагат̇ааван̣н̣анаа • Soṇassa pabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / сон̣агол̣ивисагат̇аад̣̇иван̣н̣анаа • Soṇakoḷivisakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 147. сон̣агол̣ивисавад̇т̇угат̇аа • 147. Soṇakoḷivisavatthukathā
