| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
(20) 5. б̣раахман̣аваг̇г̇о
(20) 5. Brāhmaṇavaggo
1. сон̣асуд̇д̇ам̣
1. Soṇasuttaṃ
191. ‘‘бан̃жимз , бхигкавз, бораан̣аа б̣раахман̣ад̇хаммаа зд̇арахи сунакзсу санд̣̇иссанд̇и, но б̣раахман̣зсу. гад̇амз бан̃жа? буб̣б̣з суд̣̇ам̣ 1, бхигкавз, б̣раахман̣аа б̣раахман̣им̣язва г̇ажчанд̇и, но аб̣раахман̣им̣. зд̇арахи, бхигкавз, б̣раахман̣аа б̣раахман̣имби г̇ажчанд̇и, аб̣раахман̣имби г̇ажчанд̇и. зд̇арахи, бхигкавз, сунакаа сунаким̣язва г̇ажчанд̇и, но асунаким̣. аяам̣, бхигкавз, батамо бораан̣о б̣раахман̣ад̇хаммо зд̇арахи сунакзсу санд̣̇иссад̇и, но б̣раахман̣зсу.
191. ‘‘Pañcime , bhikkhave, porāṇā brāhmaṇadhammā etarahi sunakhesu sandissanti, no brāhmaṇesu. Katame pañca? Pubbe sudaṃ 2, bhikkhave, brāhmaṇā brāhmaṇiṃyeva gacchanti, no abrāhmaṇiṃ. Etarahi, bhikkhave, brāhmaṇā brāhmaṇimpi gacchanti, abrāhmaṇimpi gacchanti. Etarahi, bhikkhave, sunakhā sunakhiṃyeva gacchanti, no asunakhiṃ. Ayaṃ, bhikkhave, paṭhamo porāṇo brāhmaṇadhammo etarahi sunakhesu sandissati, no brāhmaṇesu.
‘‘буб̣б̣з суд̣̇ам̣, бхигкавз, б̣раахман̣аа б̣раахман̣им̣ уд̇уним̣язва г̇ажчанд̇и, но ануд̇уним̣. зд̇арахи, бхигкавз, б̣раахман̣аа б̣раахман̣им̣ уд̇унимби г̇ажчанд̇и, ануд̇унимби г̇ажчанд̇и . зд̇арахи, бхигкавз, сунакаа сунаким̣ уд̇уним̣язва г̇ажчанд̇и, но ануд̇уним̣. аяам̣, бхигкавз, д̣̇уд̇ияо бораан̣о б̣раахман̣ад̇хаммо зд̇арахи сунакзсу санд̣̇иссад̇и, но б̣раахман̣зсу.
‘‘Pubbe sudaṃ, bhikkhave, brāhmaṇā brāhmaṇiṃ utuniṃyeva gacchanti, no anutuniṃ. Etarahi, bhikkhave, brāhmaṇā brāhmaṇiṃ utunimpi gacchanti, anutunimpi gacchanti . Etarahi, bhikkhave, sunakhā sunakhiṃ utuniṃyeva gacchanti, no anutuniṃ. Ayaṃ, bhikkhave, dutiyo porāṇo brāhmaṇadhammo etarahi sunakhesu sandissati, no brāhmaṇesu.
‘‘буб̣б̣з суд̣̇ам̣, бхигкавз, б̣раахман̣аа б̣раахман̣им̣ нзва гин̣анд̇и но виггин̣анд̇и, самбиязнзва сам̣ваасам̣ сам̣б̣анд̇хааяа 3 сам̣бавад̇д̇знд̇и. зд̇арахи, бхигкавз, б̣раахман̣аа б̣раахман̣им̣ гин̣анд̇иби виггин̣анд̇иби, самбиязнаби сам̣ваасам̣ сам̣б̣анд̇хааяа сам̣бавад̇д̇знд̇и. зд̇арахи, бхигкавз, сунакаа сунаким̣ нзва гин̣анд̇и но виггин̣анд̇и, самбиязнзва сам̣ваасам̣ сам̣б̣анд̇хааяа сам̣бавад̇д̇знд̇и. аяам̣, бхигкавз, д̇ад̇ияо бораан̣о б̣раахман̣ад̇хаммо зд̇арахи сунакзсу санд̣̇иссад̇и, но б̣раахман̣зсу.
‘‘Pubbe sudaṃ, bhikkhave, brāhmaṇā brāhmaṇiṃ neva kiṇanti no vikkiṇanti, sampiyeneva saṃvāsaṃ saṃbandhāya 4 saṃpavattenti. Etarahi, bhikkhave, brāhmaṇā brāhmaṇiṃ kiṇantipi vikkiṇantipi, sampiyenapi saṃvāsaṃ saṃbandhāya saṃpavattenti. Etarahi, bhikkhave, sunakhā sunakhiṃ neva kiṇanti no vikkiṇanti, sampiyeneva saṃvāsaṃ saṃbandhāya saṃpavattenti. Ayaṃ, bhikkhave, tatiyo porāṇo brāhmaṇadhammo etarahi sunakhesu sandissati, no brāhmaṇesu.
‘‘буб̣б̣з суд̣̇ам̣, бхигкавз, б̣раахман̣аа на саннид̇хим̣ гаронд̇и д̇ханассаби д̇хан̃н̃ассаби раж̇ад̇ассаби ж̇аад̇аруубассаби. зд̇арахи, бхигкавз, б̣раахман̣аа саннид̇хим̣ гаронд̇и д̇ханассаби д̇хан̃н̃ассаби раж̇ад̇ассаби ж̇аад̇аруубассаби. зд̇арахи, бхигкавз, сунакаа на саннид̇хим̣ гаронд̇и д̇ханассаби д̇хан̃н̃ассаби раж̇ад̇ассаби ж̇аад̇аруубассаби. аяам̣, бхигкавз, жад̇уд̇т̇о бораан̣о б̣раахман̣ад̇хаммо зд̇арахи сунакзсу санд̣̇иссад̇и, но б̣раахман̣зсу.
‘‘Pubbe sudaṃ, bhikkhave, brāhmaṇā na sannidhiṃ karonti dhanassapi dhaññassapi rajatassapi jātarūpassapi. Etarahi, bhikkhave, brāhmaṇā sannidhiṃ karonti dhanassapi dhaññassapi rajatassapi jātarūpassapi. Etarahi, bhikkhave, sunakhā na sannidhiṃ karonti dhanassapi dhaññassapi rajatassapi jātarūpassapi. Ayaṃ, bhikkhave, catuttho porāṇo brāhmaṇadhammo etarahi sunakhesu sandissati, no brāhmaṇesu.
‘‘буб̣б̣з суд̣̇ам̣, бхигкавз, б̣раахман̣аа сааяам̣ сааяамаасааяа баад̇о баад̇араасааяа бхигкам̣ бариязсанд̇и. зд̇арахи, бхигкавз, б̣раахман̣аа яаавад̣̇ад̇т̇ам̣ уд̣̇араавад̣̇зхагам̣ бхун̃ж̇ид̇ваа авасзсам̣ аад̣̇ааяа баггаманд̇и. зд̇арахи, бхигкавз, сунакаа сааяам̣ сааяамаасааяа баад̇о баад̇араасааяа бхигкам̣ бариязсанд̇и. аяам̣, бхигкавз, бан̃жамо бораан̣о б̣раахман̣ад̇хаммо зд̇арахи сунакзсу санд̣̇иссад̇и, но б̣раахман̣зсу. имз ко, бхигкавз, бан̃жа бораан̣аа б̣раахман̣ад̇хаммаа зд̇арахи сунакзсу санд̣̇иссанд̇и, но б̣раахман̣зсуу’’д̇и. батамам̣.
‘‘Pubbe sudaṃ, bhikkhave, brāhmaṇā sāyaṃ sāyamāsāya pāto pātarāsāya bhikkhaṃ pariyesanti. Etarahi, bhikkhave, brāhmaṇā yāvadatthaṃ udarāvadehakaṃ bhuñjitvā avasesaṃ ādāya pakkamanti. Etarahi, bhikkhave, sunakhā sāyaṃ sāyamāsāya pāto pātarāsāya bhikkhaṃ pariyesanti. Ayaṃ, bhikkhave, pañcamo porāṇo brāhmaṇadhammo etarahi sunakhesu sandissati, no brāhmaṇesu. Ime kho, bhikkhave, pañca porāṇā brāhmaṇadhammā etarahi sunakhesu sandissanti, no brāhmaṇesū’’ti. Paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. сон̣асуд̇д̇аван̣н̣анаа • 1. Soṇasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1. сон̣асуд̇д̇аван̣н̣анаа • 1. Soṇasuttavaṇṇanā
