| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
2. д̣̇уд̇ияабан̣н̣аасагам̣
2. Dutiyapaṇṇāsakaṃ
6. махааваг̇г̇о
6. Mahāvaggo
1. сон̣асуд̇д̇ам̣
1. Soṇasuttaṃ
55. 1 звам̣ , мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и г̇иж̇жхагуудз баб̣б̣ад̇з. д̇зна ко бана самаязна ааяасмаа сон̣о рааж̇аг̇ахз вихарад̇и сийд̇аванасмим̣. ат̇а ко ааяасмад̇о сон̣асса рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘‘яз ко гзжи бхаг̇авад̇о саавагаа аарад̣̇д̇хавийрияаа вихаранд̇и, ахам̣ д̇зсам̣ ан̃н̃ад̇аро. ат̇а жа бана мз на анубаад̣̇ааяа аасавзхи жид̇д̇ам̣ вимужжад̇и, сам̣виж̇ж̇анд̇и ко бана мз гулз бхог̇аа, саггаа бхог̇аа жа бхун̃ж̇ид̇ум̣ бун̃н̃аани жа гаад̇ум̣. яам̣нуунаахам̣ сигкам̣ бажжагкааяа хийнааяаавад̇д̇ид̇ваа бхог̇з жа бхун̃ж̇зяяам̣ бун̃н̃аани жа гарзяяа’’нд̇и.
55.2 Evaṃ , me sutaṃ – ekaṃ samayaṃ bhagavā rājagahe viharati gijjhakūṭe pabbate. Tena kho pana samayena āyasmā soṇo rājagahe viharati sītavanasmiṃ. Atha kho āyasmato soṇassa rahogatassa paṭisallīnassa evaṃ cetaso parivitakko udapādi – ‘‘ye kho keci bhagavato sāvakā āraddhavīriyā viharanti, ahaṃ tesaṃ aññataro. Atha ca pana me na anupādāya āsavehi cittaṃ vimuccati, saṃvijjanti kho pana me kule bhogā, sakkā bhogā ca bhuñjituṃ puññāni ca kātuṃ. Yaṃnūnāhaṃ sikkhaṃ paccakkhāya hīnāyāvattitvā bhoge ca bhuñjeyyaṃ puññāni ca kareyya’’nti.
ат̇а ко бхаг̇аваа ааяасмад̇о сон̣асса жзд̇асаа жзд̇обаривид̇аггаман̃н̃ааяа – сзяяат̇ааби наама б̣алаваа бурисо саммин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ саммин̃ж̇зяяа, звамзвам̣ ко – г̇иж̇жхагуудз баб̣б̣ад̇з анд̇арахид̇о сийд̇аванз ааяасмад̇о сон̣асса саммукз баад̇урахоси. нисийд̣̇и бхаг̇аваа бан̃н̃ад̇д̇з аасанз. ааяасмааби ко сон̣о бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ сон̣ам̣ бхаг̇аваа зд̇ад̣̇авожа –
Atha kho bhagavā āyasmato soṇassa cetasā cetoparivitakkamaññāya – seyyathāpi nāma balavā puriso sammiñjitaṃ vā bāhaṃ pasāreyya, pasāritaṃ vā bāhaṃ sammiñjeyya, evamevaṃ kho – gijjhakūṭe pabbate antarahito sītavane āyasmato soṇassa sammukhe pāturahosi. Nisīdi bhagavā paññatte āsane. Āyasmāpi kho soṇo bhagavantaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ soṇaṃ bhagavā etadavoca –
‘‘нану д̇з, сон̣а, рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘яз ко гзжи бхаг̇авад̇о саавагаа аарад̣̇д̇хавийрияаа вихаранд̇и, ахам̣ д̇зсам̣ ан̃н̃ад̇аро. ат̇а жа бана мз на анубаад̣̇ааяа аасавзхи жид̇д̇ам̣ вимужжад̇и, сам̣виж̇ж̇анд̇и ко бана мз гулз бхог̇аа, саггаа бхог̇аа 3 жа бхун̃ж̇ид̇ум̣ бун̃н̃аани жа гаад̇ум̣. яам̣нуунаахам̣ сигкам̣ бажжагкааяа хийнааяаавад̇д̇ид̇ваа бхог̇з жа бхун̃ж̇зяяам̣ бун̃н̃аани жа гарзяяа’’’нд̇и? ‘‘звам̣, бханд̇з’’.
‘‘Nanu te, soṇa, rahogatassa paṭisallīnassa evaṃ cetaso parivitakko udapādi – ‘ye kho keci bhagavato sāvakā āraddhavīriyā viharanti, ahaṃ tesaṃ aññataro. Atha ca pana me na anupādāya āsavehi cittaṃ vimuccati, saṃvijjanti kho pana me kule bhogā, sakkā bhogā 4 ca bhuñjituṃ puññāni ca kātuṃ. Yaṃnūnāhaṃ sikkhaṃ paccakkhāya hīnāyāvattitvā bhoge ca bhuñjeyyaṃ puññāni ca kareyya’’’nti? ‘‘Evaṃ, bhante’’.
‘‘д̇ам̣ гим̣ ман̃н̃аси, сон̣а, гусало д̇вам̣ буб̣б̣з аг̇аарияабхууд̇о 5 вийн̣ааяа д̇анд̇иссарз’’д̇и? ‘‘звам̣, бханд̇з’’. ‘‘д̇ам̣ гим̣ ман̃н̃аси, сон̣а, яад̣̇аа д̇з вийн̣ааяа д̇анд̇ияо ажжааяад̇аа хонд̇и, аби ну д̇з вийн̣аа д̇асмим̣ самаяз саравад̇ий ваа ход̇и гамман̃н̃аа ваа’’д̇и? ‘‘но хзд̇ам̣, бханд̇з’’.
‘‘Taṃ kiṃ maññasi, soṇa, kusalo tvaṃ pubbe agāriyabhūto 6 vīṇāya tantissare’’ti? ‘‘Evaṃ, bhante’’. ‘‘Taṃ kiṃ maññasi, soṇa, yadā te vīṇāya tantiyo accāyatā honti, api nu te vīṇā tasmiṃ samaye saravatī vā hoti kammaññā vā’’ti? ‘‘No hetaṃ, bhante’’.
‘‘д̇ам̣ гим̣ ман̃н̃аси, сон̣а, яад̣̇аа д̇з вийн̣ааяа д̇анд̇ияо ад̇исит̇илаа хонд̇и, аби ну д̇з вийн̣аа д̇асмим̣ самаяз саравад̇ий ваа ход̇и гамман̃н̃аа ваа’’д̇и? ‘‘но хзд̇ам̣, бханд̇з’’.
‘‘Taṃ kiṃ maññasi, soṇa, yadā te vīṇāya tantiyo atisithilā honti, api nu te vīṇā tasmiṃ samaye saravatī vā hoti kammaññā vā’’ti? ‘‘No hetaṃ, bhante’’.
‘‘яад̣̇аа бана д̇з, сон̣а, вийн̣ааяа д̇анд̇ияо на ажжааяад̇аа хонд̇и наад̇исит̇илаа самз г̇ун̣з бад̇идтид̇аа, аби ну д̇з вийн̣аа д̇асмим̣ самаяз саравад̇ий ваа ход̇и гамман̃н̃аа ваа’’д̇и? ‘‘звам̣, бханд̇з’’.
‘‘Yadā pana te, soṇa, vīṇāya tantiyo na accāyatā honti nātisithilā same guṇe patiṭṭhitā, api nu te vīṇā tasmiṃ samaye saravatī vā hoti kammaññā vā’’ti? ‘‘Evaṃ, bhante’’.
‘‘звамзвам̣ ко, сон̣а, ажжаарад̣̇д̇хавийрияам̣ уд̣̇д̇хажжааяа сам̣вад̇д̇ад̇и, ад̇исит̇илавийрияам̣ госаж̇ж̇ааяа сам̣вад̇д̇ад̇и. д̇асмаад̇иха д̇вам̣, сон̣а, вийрияасамат̇ам̣ ад̇хидтахам̣, инд̣̇рияаанан̃жа самад̇ам̣ бадивиж̇жха, д̇ад̇т̇а жа нимид̇д̇ам̣ г̇ан̣хаахий’’д̇и. ‘‘звам̣, бханд̇з’’д̇и ко ааяасмаа сон̣о бхаг̇авад̇о бажжассоси. ат̇а ко бхаг̇аваа ааяасманд̇ам̣ сон̣ам̣ иминаа оваад̣̇зна овад̣̇ид̇ваа – сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа, звамзвам̣ ко – сийд̇аванз анд̇арахид̇о г̇иж̇жхагуудз баб̣б̣ад̇з баад̇урахоси.
‘‘Evamevaṃ kho, soṇa, accāraddhavīriyaṃ uddhaccāya saṃvattati, atisithilavīriyaṃ kosajjāya saṃvattati. Tasmātiha tvaṃ, soṇa, vīriyasamathaṃ adhiṭṭhahaṃ, indriyānañca samataṃ paṭivijjha, tattha ca nimittaṃ gaṇhāhī’’ti. ‘‘Evaṃ, bhante’’ti kho āyasmā soṇo bhagavato paccassosi. Atha kho bhagavā āyasmantaṃ soṇaṃ iminā ovādena ovaditvā – seyyathāpi nāma balavā puriso samiñjitaṃ vā bāhaṃ pasāreyya, pasāritaṃ vā bāhaṃ samiñjeyya, evamevaṃ kho – sītavane antarahito gijjhakūṭe pabbate pāturahosi.
ат̇а ко ааяасмаа сон̣о абарзна самаязна вийрияасамат̇ам̣ ад̇хидтааси, инд̣̇рияаанан̃жа самад̇ам̣ бадивиж̇жхи, д̇ад̇т̇а жа нимид̇д̇ам̣ аг̇г̇ахзси. ат̇а ко ааяасмаа сон̣о зго вуубагадто аббамад̇д̇о аад̇аабий бахид̇ад̇д̇о вихаранд̇о нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анааг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихааси. ‘‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’’д̇и аб̣бхан̃н̃ааси. ан̃н̃ад̇аро жа банааяасмаа сон̣о арахад̇ам̣ ахоси.
Atha kho āyasmā soṇo aparena samayena vīriyasamathaṃ adhiṭṭhāsi, indriyānañca samataṃ paṭivijjhi, tattha ca nimittaṃ aggahesi. Atha kho āyasmā soṇo eko vūpakaṭṭho appamatto ātāpī pahitatto viharanto nacirasseva – yassatthāya kulaputtā sammadeva agārasmā anāgāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihāsi. ‘‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’’ti abbhaññāsi. Aññataro ca panāyasmā soṇo arahataṃ ahosi.
ат̇а ко ааяасмад̇о сон̣асса арахад̇д̇аббад̇д̇асса зд̇ад̣̇ахоси – ‘‘яам̣нуунаахам̣ язна бхаг̇аваа д̇знубасан̇гамзяяам̣; убасан̇гамид̇ваа бхаг̇авад̇о санд̇игз ан̃н̃ам̣ б̣яаагарзяяа’’нд̇и. ат̇а ко ааяасмаа сон̣о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа сон̣о бхаг̇аванд̇ам̣ зд̇ад̣̇авожа –
Atha kho āyasmato soṇassa arahattappattassa etadahosi – ‘‘yaṃnūnāhaṃ yena bhagavā tenupasaṅkameyyaṃ; upasaṅkamitvā bhagavato santike aññaṃ byākareyya’’nti. Atha kho āyasmā soṇo yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā soṇo bhagavantaṃ etadavoca –
‘‘яо со, бханд̇з, бхигку арахам̣ кийн̣аасаво вусид̇аваа гад̇агаран̣ийяо охид̇абхааро ануббад̇д̇асад̣̇ад̇т̇о баригкийн̣абхавасам̣яож̇ано саммад̣̇ан̃н̃аавимуд̇д̇о, со ча таанаани ад̇химуд̇д̇о ход̇и – нзгкаммаад̇химуд̇д̇о ход̇и, бавивзгаад̇химуд̇д̇о ход̇и, аб̣яаабаж̇ж̇аад̇химуд̇д̇о 7 ход̇и, д̇ан̣хаагкаяаад̇химуд̇д̇о ход̇и, убаад̣̇аанагкаяаад̇химуд̇д̇о ход̇и, асаммохаад̇химуд̇д̇о ход̇и.
‘‘Yo so, bhante, bhikkhu arahaṃ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṃyojano sammadaññāvimutto, so cha ṭhānāni adhimutto hoti – nekkhammādhimutto hoti, pavivekādhimutto hoti, abyāpajjādhimutto 8 hoti, taṇhākkhayādhimutto hoti, upādānakkhayādhimutto hoti, asammohādhimutto hoti.
‘‘сияаа ко бана, бханд̇з, ид̇хзгажжасса ааяасмад̇о звамасса – ‘гзвалам̣сад̣̇д̇хаамад̇д̇агам̣ нууна аяамааяасмаа ниссааяа нзгкаммаад̇химуд̇д̇о’д̇и . на ко банзд̇ам̣, бханд̇з, звам̣ д̣̇адтаб̣б̣ам̣. кийн̣аасаво, бханд̇з, бхигку вусид̇аваа гад̇агаран̣ийяо гаран̣ийяам̣ ад̇д̇ано асаманубассанд̇о гад̇асса ваа бадижаяам̣ каяаа рааг̇асса вийд̇арааг̇ад̇д̇аа нзгкаммаад̇химуд̇д̇о ход̇и, каяаа д̣̇осасса вийд̇ад̣̇осад̇д̇аа нзгкаммаад̇химуд̇д̇о ход̇и, каяаа мохасса вийд̇амохад̇д̇аа нзгкаммаад̇химуд̇д̇о ход̇и.
‘‘Siyā kho pana, bhante, idhekaccassa āyasmato evamassa – ‘kevalaṃsaddhāmattakaṃ nūna ayamāyasmā nissāya nekkhammādhimutto’ti . Na kho panetaṃ, bhante, evaṃ daṭṭhabbaṃ. Khīṇāsavo, bhante, bhikkhu vusitavā katakaraṇīyo karaṇīyaṃ attano asamanupassanto katassa vā paṭicayaṃ khayā rāgassa vītarāgattā nekkhammādhimutto hoti, khayā dosassa vītadosattā nekkhammādhimutto hoti, khayā mohassa vītamohattā nekkhammādhimutto hoti.
‘‘сияаа ко бана, бханд̇з, ид̇хзгажжасса ааяасмад̇о звамасса – ‘лаабхасаггаарасилогам̣ нууна аяамааяасмаа нигаамаяамаано бавивзгаад̇химуд̇д̇о’д̇и. на ко банзд̇ам̣, бханд̇з, звам̣ д̣̇адтаб̣б̣ам̣. кийн̣аасаво, бханд̇з, бхигку вусид̇аваа гад̇агаран̣ийяо гаран̣ийяам̣ ад̇д̇ано асаманубассанд̇о гад̇асса ваа бадижаяам̣ каяаа рааг̇асса вийд̇арааг̇ад̇д̇аа бавивзгаад̇химуд̇д̇о ход̇и, каяаа д̣̇осасса вийд̇ад̣̇осад̇д̇аа бавивзгаад̇химуд̇д̇о ход̇и, каяаа мохасса вийд̇амохад̇д̇аа бавивзгаад̇химуд̇д̇о ход̇и.
‘‘Siyā kho pana, bhante, idhekaccassa āyasmato evamassa – ‘lābhasakkārasilokaṃ nūna ayamāyasmā nikāmayamāno pavivekādhimutto’ti. Na kho panetaṃ, bhante, evaṃ daṭṭhabbaṃ. Khīṇāsavo, bhante, bhikkhu vusitavā katakaraṇīyo karaṇīyaṃ attano asamanupassanto katassa vā paṭicayaṃ khayā rāgassa vītarāgattā pavivekādhimutto hoti, khayā dosassa vītadosattā pavivekādhimutto hoti, khayā mohassa vītamohattā pavivekādhimutto hoti.
‘‘сияаа ко бана, бханд̇з, ид̇хзгажжасса ааяасмад̇о звамасса – ‘сийлаб̣б̣ад̇абараамаасам̣ нууна аяамааяасмаа саарад̇о бажжааг̇ажчанд̇о аб̣яаабаж̇ж̇аад̇химуд̇д̇о’д̇и. на ко банзд̇ам̣, бханд̇з, звам̣ д̣̇адтаб̣б̣ам̣. кийн̣аасаво, бханд̇з, бхигку вусид̇аваа гад̇агаран̣ийяо гаран̣ийяам̣ ад̇д̇ано асаманубассанд̇о гад̇асса ваа бадижаяам̣ каяаа рааг̇асса вийд̇арааг̇ад̇д̇аа аб̣яаабаж̇ж̇аад̇химуд̇д̇о ход̇и, каяаа д̣̇осасса вийд̇ад̣̇осад̇д̇аа аб̣яаабаж̇ж̇аад̇химуд̇д̇о ход̇и, каяаа мохасса вийд̇амохад̇д̇аа аб̣яаабаж̇ж̇аад̇химуд̇д̇о ход̇и.
‘‘Siyā kho pana, bhante, idhekaccassa āyasmato evamassa – ‘sīlabbataparāmāsaṃ nūna ayamāyasmā sārato paccāgacchanto abyāpajjādhimutto’ti. Na kho panetaṃ, bhante, evaṃ daṭṭhabbaṃ. Khīṇāsavo, bhante, bhikkhu vusitavā katakaraṇīyo karaṇīyaṃ attano asamanupassanto katassa vā paṭicayaṃ khayā rāgassa vītarāgattā abyāpajjādhimutto hoti, khayā dosassa vītadosattā abyāpajjādhimutto hoti, khayā mohassa vītamohattā abyāpajjādhimutto hoti.
‘‘каяаа рааг̇асса вийд̇арааг̇ад̇д̇аа д̇ан̣хаагкаяаад̇химуд̇д̇о ход̇и, каяаа д̣̇осасса вийд̇ад̣̇осад̇д̇аа д̇ан̣хаагкаяаад̇химуд̇д̇о ход̇и, каяаа мохасса вийд̇амохад̇д̇аа д̇ан̣хаагкаяаад̇химуд̇д̇о ход̇и.
‘‘Khayā rāgassa vītarāgattā taṇhākkhayādhimutto hoti, khayā dosassa vītadosattā taṇhākkhayādhimutto hoti, khayā mohassa vītamohattā taṇhākkhayādhimutto hoti.
‘‘каяаа рааг̇асса вийд̇арааг̇ад̇д̇аа убаад̣̇аанагкаяаад̇химуд̇д̇о ход̇и, каяаа д̣̇осасса вийд̇ад̣̇осад̇д̇аа убаад̣̇аанагкаяаад̇химуд̇д̇о ход̇и, каяаа мохасса вийд̇амохад̇д̇аа убаад̣̇аанагкаяаад̇химуд̇д̇о ход̇и.
‘‘Khayā rāgassa vītarāgattā upādānakkhayādhimutto hoti, khayā dosassa vītadosattā upādānakkhayādhimutto hoti, khayā mohassa vītamohattā upādānakkhayādhimutto hoti.
‘‘каяаа рааг̇асса вийд̇арааг̇ад̇д̇аа асаммохаад̇химуд̇д̇о ход̇и, каяаа д̣̇осасса вийд̇ад̣̇осад̇д̇аа асаммохаад̇химуд̇д̇о ход̇и, каяаа мохасса вийд̇амохад̇д̇аа асаммохаад̇химуд̇д̇о ход̇и.
‘‘Khayā rāgassa vītarāgattā asammohādhimutto hoti, khayā dosassa vītadosattā asammohādhimutto hoti, khayā mohassa vītamohattā asammohādhimutto hoti.
‘‘звам̣ саммаа вимуд̇д̇ажид̇д̇асса, бханд̇з, бхигкуно бхусаа жзби жагкувин̃н̃зяяаа руубаа жагкусса аабаат̇ам̣ 9 ааг̇ажчанд̇и, нзвасса жид̇д̇ам̣ барияаад̣̇ияанд̇и. амиссийгад̇амзвасса жид̇д̇ам̣ ход̇и тид̇ам̣ аанзн̃ж̇аббад̇д̇ам̣ ваяан̃жассаанубассад̇и . бхусаа жзби сод̇авин̃н̃зяяаа сад̣̇д̣̇аа…бз… гхаанавин̃н̃зяяаа г̇анд̇хаа… ж̇ивхаавин̃н̃зяяаа расаа… гааяавин̃н̃зяяаа подтаб̣б̣аа… мановин̃н̃зяяаа д̇хаммаа манасса аабаат̇ам̣ ааг̇ажчанд̇и, нзвасса жид̇д̇ам̣ барияаад̣̇ияанд̇и. амиссийгад̇амзвасса жид̇д̇ам̣ ход̇и тид̇ам̣ аанзн̃ж̇аббад̇д̇ам̣ ваяан̃жассаанубассад̇и. сзяяат̇ааби, бханд̇з, сзло баб̣б̣ад̇о ажчид̣̇д̣̇о асусиро згаг̇гхано. ат̇а бурад̇т̇имааяа жзби д̣̇исааяа ааг̇ажчзяяа бхусаа ваад̇авудти нзва нам̣ сан̇гамбзяяа на самбагамбзяяа на самбавзд̇хзяяа, ат̇а бажчимааяа жзби д̣̇исааяа ааг̇ажчзяяа бхусаа ваад̇авудти…бз… ат̇а уд̇д̇арааяа жзби д̣̇исааяа ааг̇ажчзяяа бхусаа ваад̇авудти… ат̇а д̣̇агкин̣ааяа жзби д̣̇исааяа ааг̇ажчзяяа бхусаа ваад̇авудти нзва нам̣ сан̇гамбзяяа на самбагамбзяяа на самбавзд̇хзяяа; звамзвам̣ ко, бханд̇з, звам̣ саммаавимуд̇д̇ажид̇д̇асса бхигкуно бхусаа жзби жагкувин̃н̃зяяаа руубаа жагкусса аабаат̇ам̣ ааг̇ажчанд̇и, нзвасса жид̇д̇ам̣ барияаад̣̇ияанд̇и. амиссийгад̇амзвасса жид̇д̇ам̣ ход̇и тид̇ам̣ аанзн̃ж̇аббад̇д̇ам̣ ваяан̃жассаанубассад̇и. бхусаа жзби сод̇авин̃н̃зяяаа сад̣̇д̣̇аа…бз… гхаанавин̃н̃зяяаа г̇анд̇хаа… ж̇ивхаавин̃н̃зяяаа расаа… гааяавин̃н̃зяяаа подтаб̣б̣аа… мановин̃н̃зяяаа д̇хаммаа манасса аабаат̇ам̣ ааг̇ажчанд̇и, нзвасса жид̇д̇ам̣ барияаад̣̇ияанд̇и. амиссийгад̇амзвасса жид̇д̇ам̣ ход̇и тид̇ам̣ аанзн̃ж̇аббад̇д̇ам̣ ваяан̃жассаанубассад̇ий’’д̇и.
‘‘Evaṃ sammā vimuttacittassa, bhante, bhikkhuno bhusā cepi cakkhuviññeyyā rūpā cakkhussa āpāthaṃ 10 āgacchanti, nevassa cittaṃ pariyādiyanti. Amissīkatamevassa cittaṃ hoti ṭhitaṃ āneñjappattaṃ vayañcassānupassati . Bhusā cepi sotaviññeyyā saddā…pe… ghānaviññeyyā gandhā… jivhāviññeyyā rasā… kāyaviññeyyā phoṭṭhabbā… manoviññeyyā dhammā manassa āpāthaṃ āgacchanti, nevassa cittaṃ pariyādiyanti. Amissīkatamevassa cittaṃ hoti ṭhitaṃ āneñjappattaṃ vayañcassānupassati. Seyyathāpi, bhante, selo pabbato acchiddo asusiro ekagghano. Atha puratthimāya cepi disāya āgaccheyya bhusā vātavuṭṭhi neva naṃ saṅkampeyya na sampakampeyya na sampavedheyya, atha pacchimāya cepi disāya āgaccheyya bhusā vātavuṭṭhi…pe… atha uttarāya cepi disāya āgaccheyya bhusā vātavuṭṭhi… atha dakkhiṇāya cepi disāya āgaccheyya bhusā vātavuṭṭhi neva naṃ saṅkampeyya na sampakampeyya na sampavedheyya; evamevaṃ kho, bhante, evaṃ sammāvimuttacittassa bhikkhuno bhusā cepi cakkhuviññeyyā rūpā cakkhussa āpāthaṃ āgacchanti, nevassa cittaṃ pariyādiyanti. Amissīkatamevassa cittaṃ hoti ṭhitaṃ āneñjappattaṃ vayañcassānupassati. Bhusā cepi sotaviññeyyā saddā…pe… ghānaviññeyyā gandhā… jivhāviññeyyā rasā… kāyaviññeyyā phoṭṭhabbā… manoviññeyyā dhammā manassa āpāthaṃ āgacchanti, nevassa cittaṃ pariyādiyanti. Amissīkatamevassa cittaṃ hoti ṭhitaṃ āneñjappattaṃ vayañcassānupassatī’’ti.
‘‘нзгкаммам̣ ад̇химуд̇д̇асса, бавивзган̃жа жзд̇асо;
‘‘Nekkhammaṃ adhimuttassa, pavivekañca cetaso;
аб̣яаабаж̇ж̇аад̇химуд̇д̇асса, убаад̣̇аанагкаяасса жа.
Abyāpajjādhimuttassa, upādānakkhayassa ca.
‘‘д̇ан̣хаагкаяаад̇химуд̇д̇асса , асаммохан̃жа жзд̇асо;
‘‘Taṇhākkhayādhimuttassa , asammohañca cetaso;
д̣̇исваа ааяад̇ануббаад̣̇ам̣, саммаа жид̇д̇ам̣ вимужжад̇и.
Disvā āyatanuppādaṃ, sammā cittaṃ vimuccati.
‘‘д̇асса саммаа вимуд̇д̇асса, санд̇ажид̇д̇асса бхигкуно;
‘‘Tassa sammā vimuttassa, santacittassa bhikkhuno;
гад̇асса бадижаяо над̇т̇и, гаран̣ийяам̣ на виж̇ж̇ад̇и.
Katassa paṭicayo natthi, karaṇīyaṃ na vijjati.
‘‘сзло яат̇аа згаг̇гхано, ваад̇зна на самийрад̇и;
‘‘Selo yathā ekagghano, vātena na samīrati;
звам̣ руубаа расаа сад̣̇д̣̇аа, г̇анд̇хаа пассаа жа гзвалаа.
Evaṃ rūpā rasā saddā, gandhā phassā ca kevalā.
‘‘идтаа д̇хаммаа анидтаа жа, наббавзд̇хзнд̇и д̇аад̣̇ино;
‘‘Iṭṭhā dhammā aniṭṭhā ca, nappavedhenti tādino;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. сон̣асуд̇д̇аван̣н̣анаа • 1. Soṇasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1. сон̣асуд̇д̇аван̣н̣анаа • 1. Soṇasuttavaṇṇanā
