Library / Tipiṭaka / д̇ибидага • Tipiṭaka / уд̣̇аанабаал̣и • Udānapāḷi

6. сон̣асуд̇д̇ам̣

6. Soṇasuttaṃ

46. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ааяасмаа махаагажжаано аванд̇ийсу вихарад̇и гурарагхарз ¹ бавад̇д̇з баб̣б̣ад̇з. д̇зна ко бана самаязна сон̣о убаасаго гудиган̣н̣о ааяасмад̇о махаагажжаанасса убадтааго ход̇и.

46. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā mahākaccāno avantīsu viharati kuraraghare ² pavatte pabbate. Tena kho pana samayena soṇo upāsako kuṭikaṇṇo āyasmato mahākaccānassa upaṭṭhāko hoti.

ат̇а ко сон̣асса убаасагасса гудиган̣н̣асса рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘‘яат̇аа яат̇аа ко аяяо махаагажжаано д̇хаммам̣ д̣̇зсзд̇и наяид̣̇ам̣ сугарам̣ аг̇аарам̣ аж̇жхаавасад̇аа зганд̇абарибун̣н̣ам̣ зганд̇абарисуд̣̇д̇хам̣ сан̇каликид̇ам̣ б̣рахмажарияам̣ жарид̇ум̣. яам̣нуунаахам̣ гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇зяяа’’нд̇и.

Atha kho soṇassa upāsakassa kuṭikaṇṇassa rahogatassa paṭisallīnassa evaṃ cetaso parivitakko udapādi – ‘‘yathā yathā kho ayyo mahākaccāno dhammaṃ deseti nayidaṃ sukaraṃ agāraṃ ajjhāvasatā ekantaparipuṇṇaṃ ekantaparisuddhaṃ saṅkhalikhitaṃ brahmacariyaṃ carituṃ. Yaṃnūnāhaṃ kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajeyya’’nti.

ат̇а ко сон̣о убаасаго гудиган̣н̣о язнааяасмаа махаагажжаано д̇знубасан̇гами; убасан̇гамид̇ваа ааяасманд̇ам̣ махаагажжаанам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко сон̣о убаасаго гудиган̣н̣о ааяасманд̇ам̣ махаагажжаанам̣ зд̇ад̣̇авожа –

Atha kho soṇo upāsako kuṭikaṇṇo yenāyasmā mahākaccāno tenupasaṅkami; upasaṅkamitvā āyasmantaṃ mahākaccānaṃ abhivādetvā ekamantaṃ nisīdi. Ekamantaṃ nisinno kho soṇo upāsako kuṭikaṇṇo āyasmantaṃ mahākaccānaṃ etadavoca –

‘‘ид̇ха маяхам̣, бханд̇з, рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘яат̇аа яат̇аа ко аяяо махаагажжаано д̇хаммам̣ д̣̇зсзд̇и наяид̣̇ам̣ сугарам̣ аг̇аарам̣ аж̇жхаавасад̇аа зганд̇абарибун̣н̣ам̣ зганд̇абарисуд̣̇д̇хам̣ сан̇каликид̇ам̣ б̣рахмажарияам̣ жарид̇ум̣. яам̣нуунаахам̣ гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇зяяа’нд̇и. баб̣б̣ааж̇зд̇у мам̣, бханд̇з , аяяо махаагажжаано’’д̇и.

‘‘Idha mayhaṃ, bhante, rahogatassa paṭisallīnassa evaṃ cetaso parivitakko udapādi – ‘yathā yathā kho ayyo mahākaccāno dhammaṃ deseti nayidaṃ sukaraṃ agāraṃ ajjhāvasatā ekantaparipuṇṇaṃ ekantaparisuddhaṃ saṅkhalikhitaṃ brahmacariyaṃ carituṃ. Yaṃnūnāhaṃ kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajeyya’nti. Pabbājetu maṃ, bhante , ayyo mahākaccāno’’ti.

звам̣ вуд̇д̇з, ааяасмаа махаагажжаано сон̣ам̣ убаасагам̣ гудиган̣н̣ам̣ зд̇ад̣̇авожа – ‘‘д̣̇уггарам̣ ко, сон̣а, яааваж̇ийвам̣ згабхад̇д̇ам̣ згасзяяам̣ б̣рахмажарияам̣. ин̇гха д̇вам̣, сон̣а, д̇ад̇т̇зва ааг̇ааригабхууд̇о самаано б̣уд̣̇д̇хаанам̣ саасанам̣ ануяун̃ж̇а гаалаяуд̇д̇ам̣ згабхад̇д̇ам̣ згасзяяам̣ б̣рахмажарияа’’нд̇и. ат̇а ко сон̣асса убаасагасса гудиган̣н̣асса яо ахоси баб̣б̣аж̇ж̇аабхисан̇кааро со бадибассамбхи.

Evaṃ vutte, āyasmā mahākaccāno soṇaṃ upāsakaṃ kuṭikaṇṇaṃ etadavoca – ‘‘dukkaraṃ kho, soṇa, yāvajīvaṃ ekabhattaṃ ekaseyyaṃ brahmacariyaṃ. Iṅgha tvaṃ, soṇa, tattheva āgārikabhūto samāno buddhānaṃ sāsanaṃ anuyuñja kālayuttaṃ ekabhattaṃ ekaseyyaṃ brahmacariya’’nti. Atha kho soṇassa upāsakassa kuṭikaṇṇassa yo ahosi pabbajjābhisaṅkhāro so paṭipassambhi.

д̣̇уд̇ияамби ко…бз… д̣̇уд̇ияамби ко ааяасмаа махаагажжаано сон̣ам̣ убаасагам̣ гудиган̣н̣ам̣ зд̇ад̣̇авожа – ‘‘д̣̇уггарам̣ ко, сон̣а, яааваж̇ийвам̣ згабхад̇д̇ам̣ згасзяяам̣ б̣рахмажарияам̣. ин̇гха д̇вам̣, сон̣а, д̇ад̇т̇зва ааг̇ааригабхууд̇о самаано б̣уд̣̇д̇хаанам̣ саасанам̣ ануяун̃ж̇а гаалаяуд̇д̇ам̣ згабхад̇д̇ам̣ згасзяяам̣ б̣рахмажарияа’’нд̇и. д̣̇уд̇ияамби ко сон̣асса убаасагасса гудиган̣н̣асса яо ахоси баб̣б̣аж̇ж̇аабхисан̇кааро со бадибассамбхи.

Dutiyampi kho…pe… dutiyampi kho āyasmā mahākaccāno soṇaṃ upāsakaṃ kuṭikaṇṇaṃ etadavoca – ‘‘dukkaraṃ kho, soṇa, yāvajīvaṃ ekabhattaṃ ekaseyyaṃ brahmacariyaṃ. Iṅgha tvaṃ, soṇa, tattheva āgārikabhūto samāno buddhānaṃ sāsanaṃ anuyuñja kālayuttaṃ ekabhattaṃ ekaseyyaṃ brahmacariya’’nti. Dutiyampi kho soṇassa upāsakassa kuṭikaṇṇassa yo ahosi pabbajjābhisaṅkhāro so paṭipassambhi.

д̇ад̇ияамби ко сон̣асса убаасагасса гудиган̣н̣асса рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘‘яат̇аа яат̇аа ко аяяо махаагажжаано д̇хаммам̣ д̣̇зсзд̇и наяид̣̇ам̣ сугарам̣ аг̇аарам̣ аж̇жхаавасад̇аа зганд̇абарибун̣н̣ам̣ зганд̇абарисуд̣̇д̇хам̣ сан̇каликид̇ам̣ б̣рахмажарияам̣ жарид̇ум̣. яам̣нуунаахам̣ гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇зяяа’’нд̇и. д̇ад̇ияамби ко сон̣о убаасаго гудиган̣н̣о язнааяасмаа махаагажжаано д̇знубасан̇гами; убасан̇гамид̇ваа ааяасманд̇ам̣ махаагажжаанам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко сон̣о убаасаго гудиган̣н̣о ааяасманд̇ам̣ махаагажжаанам̣ зд̇ад̣̇авожа –

Tatiyampi kho soṇassa upāsakassa kuṭikaṇṇassa rahogatassa paṭisallīnassa evaṃ cetaso parivitakko udapādi – ‘‘yathā yathā kho ayyo mahākaccāno dhammaṃ deseti nayidaṃ sukaraṃ agāraṃ ajjhāvasatā ekantaparipuṇṇaṃ ekantaparisuddhaṃ saṅkhalikhitaṃ brahmacariyaṃ carituṃ. Yaṃnūnāhaṃ kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajeyya’’nti. Tatiyampi kho soṇo upāsako kuṭikaṇṇo yenāyasmā mahākaccāno tenupasaṅkami; upasaṅkamitvā āyasmantaṃ mahākaccānaṃ abhivādetvā ekamantaṃ nisīdi. Ekamantaṃ nisinno kho soṇo upāsako kuṭikaṇṇo āyasmantaṃ mahākaccānaṃ etadavoca –

ат̇а ко ааяасмаа махаагажжаано сон̣ам̣ убаасагам̣ гудиган̣н̣ам̣ баб̣б̣ааж̇зси. д̇зна ко бана самаязна аванд̇ид̣̇агкин̣аабат̇о ³ аббабхигкуго ход̇и. ат̇а ко ааяасмаа махаагажжаано д̇ин̣н̣ам̣ вассаанам̣ ажжаязна гижчзна гасирзна д̇ад̇о д̇ад̇о д̣̇асаваг̇г̇ам̣ бхигкусан̇гхам̣ саннибаад̇зд̇ваа ааяасманд̇ам̣ сон̣ам̣ убасамбаад̣̇зси.

Atha kho āyasmā mahākaccāno soṇaṃ upāsakaṃ kuṭikaṇṇaṃ pabbājesi. Tena kho pana samayena avantidakkhiṇāpatho ⁴ appabhikkhuko hoti. Atha kho āyasmā mahākaccāno tiṇṇaṃ vassānaṃ accayena kicchena kasirena tato tato dasavaggaṃ bhikkhusaṅghaṃ sannipātetvā āyasmantaṃ soṇaṃ upasampādesi.

ат̇а ко ааяасмад̇о сон̣асса вассам̣вудтасса ⁵ рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘‘на ко мз со бхаг̇аваа саммукаа д̣̇идто, аби жа суд̇оязва мз со бхаг̇аваа – ‘ийд̣̇исо жа ийд̣̇исо жаа’д̇и. сажз мам̣ убаж̇жхааяо ануж̇аанзяяа, г̇ажчзяяаахам̣ д̇ам̣ бхаг̇аванд̇ам̣ д̣̇ассанааяа араханд̇ам̣ саммаасамб̣уд̣̇д̇ха’’нд̇и.

Atha kho āyasmato soṇassa vassaṃvuṭṭhassa ⁶ rahogatassa paṭisallīnassa evaṃ cetaso parivitakko udapādi – ‘‘na kho me so bhagavā sammukhā diṭṭho, api ca sutoyeva me so bhagavā – ‘īdiso ca īdiso cā’ti. Sace maṃ upajjhāyo anujāneyya, gaccheyyāhaṃ taṃ bhagavantaṃ dassanāya arahantaṃ sammāsambuddha’’nti.

ат̇а ко ааяасмаа сон̣о сааяанхасамаяам̣ бадисаллаанаа вудтид̇о язнааяасмаа махаагажжаано д̇знубасан̇гами; убасан̇гамид̇ваа ааяасманд̇ам̣ махаагажжаанам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа сон̣о ааяасманд̇ам̣ махаагажжаанам̣ зд̇ад̣̇авожа –

Atha kho āyasmā soṇo sāyanhasamayaṃ paṭisallānā vuṭṭhito yenāyasmā mahākaccāno tenupasaṅkami; upasaṅkamitvā āyasmantaṃ mahākaccānaṃ abhivādetvā ekamantaṃ nisīdi. Ekamantaṃ nisinno kho āyasmā soṇo āyasmantaṃ mahākaccānaṃ etadavoca –

‘‘ид̇ха маяхам̣, бханд̇з, рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘на ко мз со бхаг̇аваа саммукаа д̣̇идто, аби жа суд̇оязва мз со бхаг̇аваа – ийд̣̇исо жа ийд̣̇исо жаа’д̇и. сажз мам̣ убаж̇жхааяо ануж̇аанзяяа, г̇ажчзяяаахам̣ д̇ам̣ бхаг̇аванд̇ам̣ д̣̇ассанааяа араханд̇ам̣ саммаасамб̣уд̣̇д̇ха’’нд̇и ( ) ⁷.

‘‘Idha mayhaṃ, bhante, rahogatassa paṭisallīnassa evaṃ cetaso parivitakko udapādi – ‘na kho me so bhagavā sammukhā diṭṭho, api ca sutoyeva me so bhagavā – īdiso ca īdiso cā’ti. Sace maṃ upajjhāyo anujāneyya, gaccheyyāhaṃ taṃ bhagavantaṃ dassanāya arahantaṃ sammāsambuddha’’nti ( ) ⁸.

‘‘саад̇ху саад̇ху, сон̣а; г̇ажча д̇вам̣, сон̣а, д̇ам̣ бхаг̇аванд̇ам̣ д̣̇ассанааяа араханд̇ам̣ саммаасамб̣уд̣̇д̇хам̣ ⁹. д̣̇агкиссаси д̇вам̣, сон̣а, д̇ам̣ бхаг̇аванд̇ам̣ баасаад̣̇игам̣ басаад̣̇анийяам̣ санд̇инд̣̇рияам̣ санд̇амаанасам̣ уд̇д̇амад̣̇амат̇асамат̇амануббад̇д̇ам̣ д̣̇анд̇ам̣ г̇уд̇д̇ам̣ яад̇инд̣̇рияам̣ нааг̇ам̣. д̣̇исваана мама важанзна бхаг̇авад̇о баад̣̇з сирасаа ванд̣̇аахи, аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ ¹⁰ бужча – ‘убаж̇жхааяо мз, бханд̇з, ааяасмаа махаагажжаано бхаг̇авад̇о баад̣̇з сирасаа ванд̣̇ад̇и, аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ ¹¹ бужчад̇ий’’’д̇и.

‘‘Sādhu sādhu, soṇa; gaccha tvaṃ, soṇa, taṃ bhagavantaṃ dassanāya arahantaṃ sammāsambuddhaṃ ¹². Dakkhissasi tvaṃ, soṇa, taṃ bhagavantaṃ pāsādikaṃ pasādanīyaṃ santindriyaṃ santamānasaṃ uttamadamathasamathamanuppattaṃ dantaṃ guttaṃ yatindriyaṃ nāgaṃ. Disvāna mama vacanena bhagavato pāde sirasā vandāhi, appābādhaṃ appātaṅkaṃ lahuṭṭhānaṃ balaṃ phāsuvihāraṃ ¹³ puccha – ‘upajjhāyo me, bhante, āyasmā mahākaccāno bhagavato pāde sirasā vandati, appābādhaṃ appātaṅkaṃ lahuṭṭhānaṃ balaṃ phāsuvihāraṃ ¹⁴ pucchatī’’’ti.

‘‘звам̣, бханд̇з’’д̇и ко ааяасмаа сон̣о ааяасмад̇о махаагажжаанасса бхаасид̇ам̣ абхинанд̣̇ид̇ваа анумод̣̇ид̇ваа удтааяаасанаа ааяасманд̇ам̣ махаагажжаанам̣ абхиваад̣̇зд̇ваа бад̣̇агкин̣ам̣ гад̇ваа сзнаасанам̣ сам̣саамзд̇ваа бад̇д̇ажийварамаад̣̇ааяа язна саавад̇т̇и д̇зна жааригам̣ баггаами. анубуб̣б̣зна жааригам̣ жарамаано язна саавад̇т̇и ж̇зд̇аванам̣ анаат̇абин̣д̣игасса аараамо, язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа сон̣о бхаг̇аванд̇ам̣ зд̇ад̣̇авожа – ‘‘убаж̇жхааяо мз, бханд̇з, ааяасмаа махаагажжаано бхаг̇авад̇о баад̣̇з сирасаа ванд̣̇ад̇и, аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ ¹⁵ бужчад̇ий’’д̇и.

‘‘Evaṃ, bhante’’ti kho āyasmā soṇo āyasmato mahākaccānassa bhāsitaṃ abhinanditvā anumoditvā uṭṭhāyāsanā āyasmantaṃ mahākaccānaṃ abhivādetvā padakkhiṇaṃ katvā senāsanaṃ saṃsāmetvā pattacīvaramādāya yena sāvatthi tena cārikaṃ pakkāmi. Anupubbena cārikaṃ caramāno yena sāvatthi jetavanaṃ anāthapiṇḍikassa ārāmo, yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā soṇo bhagavantaṃ etadavoca – ‘‘upajjhāyo me, bhante, āyasmā mahākaccāno bhagavato pāde sirasā vandati, appābādhaṃ appātaṅkaṃ lahuṭṭhānaṃ balaṃ phāsuvihāraṃ ¹⁶ pucchatī’’ti.

‘‘гажжи, бхигку, каманийяам̣, гажжи яаабанийяам̣, гажжиси аббагиламат̇зна ад̣̇д̇хаанам̣ ааг̇ад̇о, на жа бин̣д̣агзна гиланд̇осий’’д̇и? ‘‘каманийяам̣ бхаг̇аваа, яаабанийяам̣ бхаг̇аваа, аббагиламат̇зна жаахам̣, бханд̇з, ад̣̇д̇хаанам̣ ааг̇ад̇о, на бин̣д̣агзна гиланд̇омхий’’д̇и.

‘‘Kacci, bhikkhu, khamanīyaṃ, kacci yāpanīyaṃ, kaccisi appakilamathena addhānaṃ āgato, na ca piṇḍakena kilantosī’’ti? ‘‘Khamanīyaṃ bhagavā, yāpanīyaṃ bhagavā, appakilamathena cāhaṃ, bhante, addhānaṃ āgato, na piṇḍakena kilantomhī’’ti.

ат̇а ко бхаг̇аваа ааяасманд̇ам̣ аананд̣̇ам̣ ааманд̇зси – ‘‘имассаананд̣̇а, ааг̇анд̇угасса бхигкуно сзнаасанам̣ бан̃н̃аабзхий’’д̇и. ат̇а ко ааяасмад̇о аананд̣̇асса зд̇ад̣̇ахоси – ‘‘яасса ко мам̣ бхаг̇аваа аан̣аабзд̇и – ‘имассаананд̣̇а, ааг̇анд̇угасса бхигкуно сзнаасанам̣ бан̃н̃аабзхий’д̇и, ижчад̇и бхаг̇аваа д̇зна бхигкунаа сад̣̇д̇хим̣ згавихаарз вад̇т̇ум̣, ижчад̇и бхаг̇аваа ааяасмад̇аа сон̣зна сад̣̇д̇хим̣ згавихаарз вад̇т̇у’’нд̇и. яасмим̣ вихаарз бхаг̇аваа вихарад̇и, д̇асмим̣ вихаарз ааяасмад̇о сон̣асса сзнаасанам̣ бан̃н̃аабзси.

Atha kho bhagavā āyasmantaṃ ānandaṃ āmantesi – ‘‘imassānanda, āgantukassa bhikkhuno senāsanaṃ paññāpehī’’ti. Atha kho āyasmato ānandassa etadahosi – ‘‘yassa kho maṃ bhagavā āṇāpeti – ‘imassānanda, āgantukassa bhikkhuno senāsanaṃ paññāpehī’ti, icchati bhagavā tena bhikkhunā saddhiṃ ekavihāre vatthuṃ, icchati bhagavā āyasmatā soṇena saddhiṃ ekavihāre vatthu’’nti. Yasmiṃ vihāre bhagavā viharati, tasmiṃ vihāre āyasmato soṇassa senāsanaṃ paññāpesi.

ат̇а ко бхаг̇аваа б̣ахуд̣̇зва рад̇д̇им̣ аб̣бхогаасз нисаж̇ж̇ааяа вийд̇инаамзд̇ваа баад̣̇з багкаалзд̇ваа вихаарам̣ баависи. ааяасмааби ко сон̣о б̣ахуд̣̇зва рад̇д̇им̣ аб̣бхогаасз нисаж̇ж̇ааяа вийд̇инаамзд̇ваа баад̣̇з багкаалзд̇ваа вихаарам̣ баависи. ат̇а ко бхаг̇аваа рад̇д̇ияаа бажжуусасамаяам̣ бажжудтааяа ааяасманд̇ам̣ сон̣ам̣ аж̇жхзси – ‘‘бадибхаад̇у д̇ам̣ бхигку д̇хаммо бхаасид̇у’’нд̇и.

Atha kho bhagavā bahudeva rattiṃ abbhokāse nisajjāya vītināmetvā pāde pakkhāletvā vihāraṃ pāvisi. Āyasmāpi kho soṇo bahudeva rattiṃ abbhokāse nisajjāya vītināmetvā pāde pakkhāletvā vihāraṃ pāvisi. Atha kho bhagavā rattiyā paccūsasamayaṃ paccuṭṭhāya āyasmantaṃ soṇaṃ ajjhesi – ‘‘paṭibhātu taṃ bhikkhu dhammo bhāsitu’’nti.

‘‘звам̣, бханд̇з’’д̇и ко ааяасмаа сон̣о бхаг̇авад̇о бадиссуд̇ваа сол̣аса адтагаваг̇г̇игаани саб̣б̣аанзва сарзна абхан̣и. ат̇а ко бхаг̇аваа ааяасмад̇о сон̣асса сарабхан̃н̃абарияосаанз аб̣бханумод̣̇и – ‘‘саад̇ху саад̇ху, бхигку, суг̇г̇ахид̇аани д̇з, бхигку, сол̣аса адтагаваг̇г̇игаани суманасигад̇аани суубад̇хаарид̇аани, галяаан̣ияааси ¹⁷ ваажааяа саманнааг̇ад̇о виссадтааяа анзлаг̇ал̣ааяа ад̇т̇асса вин̃н̃аабанияаа. гад̇и вассоси д̇вам̣, бхигкуу’’д̇и? ‘‘згавассо ахам̣ бхаг̇аваа’’д̇и. ‘‘гисса бана д̇вам̣ , бхигку, звам̣ жирам̣ агаасий’’д̇и? ‘‘жирам̣ д̣̇идто ¹⁸ мз, бханд̇з, гаамзсу аад̣̇ийнаво; аби жа самб̣аад̇хо гхарааваасо б̣ахугижжо б̣ахугаран̣ийяо’’д̇и.

‘‘Evaṃ, bhante’’ti kho āyasmā soṇo bhagavato paṭissutvā soḷasa aṭṭhakavaggikāni sabbāneva sarena abhaṇi. Atha kho bhagavā āyasmato soṇassa sarabhaññapariyosāne abbhanumodi – ‘‘sādhu sādhu, bhikkhu, suggahitāni te, bhikkhu, soḷasa aṭṭhakavaggikāni sumanasikatāni sūpadhāritāni, kalyāṇiyāsi ¹⁹ vācāya samannāgato vissaṭṭhāya anelagaḷāya atthassa viññāpaniyā. Kati vassosi tvaṃ, bhikkhū’’ti? ‘‘Ekavasso ahaṃ bhagavā’’ti. ‘‘Kissa pana tvaṃ , bhikkhu, evaṃ ciraṃ akāsī’’ti? ‘‘Ciraṃ diṭṭho ²⁰ me, bhante, kāmesu ādīnavo; api ca sambādho gharāvāso bahukicco bahukaraṇīyo’’ti.

ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –

Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –

‘‘д̣̇исваа аад̣̇ийнавам̣ логз, н̃ад̇ваа д̇хаммам̣ нируубад̇хим̣;

‘‘Disvā ādīnavaṃ loke, ñatvā dhammaṃ nirūpadhiṃ;

арияо на рамад̇ий баабз, баабз на рамад̇ий сужий’’д̇и. чадтам̣;

Ariyo na ramatī pāpe, pāpe na ramatī sucī’’ti. chaṭṭhaṃ;

Next: 7. ган̇каарзвад̇асуд̇д̇ам̣ • 7. Kaṅkhārevatasuttaṃ

Footnotes:

1. гурурагхарз (сяаа. махаава. 257), гулагхарз (га.)

2. kururaghare (syā. mahāva. 257), kulaghare (ka.)

3. аванд̇и д̣̇агкин̣абат̇о (сий.)

4. avanti dakkhiṇapatho (sī.)

5. вассам̣вуд̇т̇асса (сий. сяаа. гам̣. бий.)

6. vassaṃvutthassa (sī. syā. kaṃ. pī.)

7. (г̇ажчзяяаахам̣ бханд̇з д̇ам̣ бхаг̇аванд̇ам̣ д̣̇ассанааяа араханд̇ам̣ саммаасамб̣уд̣̇д̇хам̣, сажз мам̣ убаж̇жхааяо ануж̇аанаад̇ийд̇и (махаава. 257)

8. (gaccheyyāhaṃ bhante taṃ bhagavantaṃ dassanāya arahantaṃ sammāsambuddhaṃ, sace maṃ upajjhāyo anujānātīti (mahāva. 257)

9. самаасамб̣уд̣̇д̇ханд̇и (саб̣б̣ад̇т̇а)

10. паасувихааран̃жа (сий.)

11. паасувихааран̃жа (сий.)

12. samāsambuddhanti (sabbattha)

13. phāsuvihārañca (sī.)

14. phāsuvihārañca (sī.)

15. паасувихааран̃жа (сий.)

16. phāsuvihārañca (sī.)

17. галяаан̣ияаа жа (га.), галяаан̣ияаа жааси (?)

18. жирад̣̇идто (сий.)

19. kalyāṇiyā ca (ka.), kalyāṇiyā cāsi (?)

20. ciradiṭṭho (sī.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / уд̣̇аана-адтагат̇аа • Udāna-aṭṭhakathā / 6. сон̣асуд̇д̇аван̣н̣анаа • 6. Soṇasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact