| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
(੨੦) ੫. ਬ੍ਰਾਹ੍ਮਣવਗ੍ਗੋ
(20) 5. Brāhmaṇavaggo
੧. ਸੋਣਸੁਤ੍ਤਂ
1. Soṇasuttaṃ
੧੯੧. ‘‘ਪਞ੍ਚਿਮੇ , ਭਿਕ੍ਖવੇ, ਪੋਰਾਣਾ ਬ੍ਰਾਹ੍ਮਣਧਮ੍ਮਾ ਏਤਰਹਿ ਸੁਨਖੇਸੁ ਸਨ੍ਦਿਸ੍ਸਨ੍ਤਿ, ਨੋ ਬ੍ਰਾਹ੍ਮਣੇਸੁ। ਕਤਮੇ ਪਞ੍ਚ? ਪੁਬ੍ਬੇ ਸੁਦਂ 1, ਭਿਕ੍ਖવੇ, ਬ੍ਰਾਹ੍ਮਣਾ ਬ੍ਰਾਹ੍ਮਣਿਂਯੇવ ਗਚ੍ਛਨ੍ਤਿ, ਨੋ ਅਬ੍ਰਾਹ੍ਮਣਿਂ। ਏਤਰਹਿ, ਭਿਕ੍ਖવੇ, ਬ੍ਰਾਹ੍ਮਣਾ ਬ੍ਰਾਹ੍ਮਣਿਮ੍ਪਿ ਗਚ੍ਛਨ੍ਤਿ, ਅਬ੍ਰਾਹ੍ਮਣਿਮ੍ਪਿ ਗਚ੍ਛਨ੍ਤਿ। ਏਤਰਹਿ, ਭਿਕ੍ਖવੇ, ਸੁਨਖਾ ਸੁਨਖਿਂਯੇવ ਗਚ੍ਛਨ੍ਤਿ, ਨੋ ਅਸੁਨਖਿਂ। ਅਯਂ, ਭਿਕ੍ਖવੇ, ਪਠਮੋ ਪੋਰਾਣੋ ਬ੍ਰਾਹ੍ਮਣਧਮ੍ਮੋ ਏਤਰਹਿ ਸੁਨਖੇਸੁ ਸਨ੍ਦਿਸ੍ਸਤਿ, ਨੋ ਬ੍ਰਾਹ੍ਮਣੇਸੁ।
191. ‘‘Pañcime , bhikkhave, porāṇā brāhmaṇadhammā etarahi sunakhesu sandissanti, no brāhmaṇesu. Katame pañca? Pubbe sudaṃ 2, bhikkhave, brāhmaṇā brāhmaṇiṃyeva gacchanti, no abrāhmaṇiṃ. Etarahi, bhikkhave, brāhmaṇā brāhmaṇimpi gacchanti, abrāhmaṇimpi gacchanti. Etarahi, bhikkhave, sunakhā sunakhiṃyeva gacchanti, no asunakhiṃ. Ayaṃ, bhikkhave, paṭhamo porāṇo brāhmaṇadhammo etarahi sunakhesu sandissati, no brāhmaṇesu.
‘‘ਪੁਬ੍ਬੇ ਸੁਦਂ, ਭਿਕ੍ਖવੇ, ਬ੍ਰਾਹ੍ਮਣਾ ਬ੍ਰਾਹ੍ਮਣਿਂ ਉਤੁਨਿਂਯੇવ ਗਚ੍ਛਨ੍ਤਿ, ਨੋ ਅਨੁਤੁਨਿਂ। ਏਤਰਹਿ, ਭਿਕ੍ਖવੇ, ਬ੍ਰਾਹ੍ਮਣਾ ਬ੍ਰਾਹ੍ਮਣਿਂ ਉਤੁਨਿਮ੍ਪਿ ਗਚ੍ਛਨ੍ਤਿ, ਅਨੁਤੁਨਿਮ੍ਪਿ ਗਚ੍ਛਨ੍ਤਿ । ਏਤਰਹਿ, ਭਿਕ੍ਖવੇ, ਸੁਨਖਾ ਸੁਨਖਿਂ ਉਤੁਨਿਂਯੇવ ਗਚ੍ਛਨ੍ਤਿ, ਨੋ ਅਨੁਤੁਨਿਂ। ਅਯਂ, ਭਿਕ੍ਖવੇ, ਦੁਤਿਯੋ ਪੋਰਾਣੋ ਬ੍ਰਾਹ੍ਮਣਧਮ੍ਮੋ ਏਤਰਹਿ ਸੁਨਖੇਸੁ ਸਨ੍ਦਿਸ੍ਸਤਿ, ਨੋ ਬ੍ਰਾਹ੍ਮਣੇਸੁ।
‘‘Pubbe sudaṃ, bhikkhave, brāhmaṇā brāhmaṇiṃ utuniṃyeva gacchanti, no anutuniṃ. Etarahi, bhikkhave, brāhmaṇā brāhmaṇiṃ utunimpi gacchanti, anutunimpi gacchanti . Etarahi, bhikkhave, sunakhā sunakhiṃ utuniṃyeva gacchanti, no anutuniṃ. Ayaṃ, bhikkhave, dutiyo porāṇo brāhmaṇadhammo etarahi sunakhesu sandissati, no brāhmaṇesu.
‘‘ਪੁਬ੍ਬੇ ਸੁਦਂ, ਭਿਕ੍ਖવੇ, ਬ੍ਰਾਹ੍ਮਣਾ ਬ੍ਰਾਹ੍ਮਣਿਂ ਨੇવ ਕਿਣਨ੍ਤਿ ਨੋ વਿਕ੍ਕਿਣਨ੍ਤਿ, ਸਮ੍ਪਿਯੇਨੇવ ਸਂવਾਸਂ ਸਂਬਨ੍ਧਾਯ 3 ਸਂਪવਤ੍ਤੇਨ੍ਤਿ। ਏਤਰਹਿ, ਭਿਕ੍ਖવੇ, ਬ੍ਰਾਹ੍ਮਣਾ ਬ੍ਰਾਹ੍ਮਣਿਂ ਕਿਣਨ੍ਤਿਪਿ વਿਕ੍ਕਿਣਨ੍ਤਿਪਿ, ਸਮ੍ਪਿਯੇਨਪਿ ਸਂવਾਸਂ ਸਂਬਨ੍ਧਾਯ ਸਂਪવਤ੍ਤੇਨ੍ਤਿ। ਏਤਰਹਿ, ਭਿਕ੍ਖવੇ, ਸੁਨਖਾ ਸੁਨਖਿਂ ਨੇવ ਕਿਣਨ੍ਤਿ ਨੋ વਿਕ੍ਕਿਣਨ੍ਤਿ, ਸਮ੍ਪਿਯੇਨੇવ ਸਂવਾਸਂ ਸਂਬਨ੍ਧਾਯ ਸਂਪવਤ੍ਤੇਨ੍ਤਿ। ਅਯਂ, ਭਿਕ੍ਖવੇ, ਤਤਿਯੋ ਪੋਰਾਣੋ ਬ੍ਰਾਹ੍ਮਣਧਮ੍ਮੋ ਏਤਰਹਿ ਸੁਨਖੇਸੁ ਸਨ੍ਦਿਸ੍ਸਤਿ, ਨੋ ਬ੍ਰਾਹ੍ਮਣੇਸੁ।
‘‘Pubbe sudaṃ, bhikkhave, brāhmaṇā brāhmaṇiṃ neva kiṇanti no vikkiṇanti, sampiyeneva saṃvāsaṃ saṃbandhāya 4 saṃpavattenti. Etarahi, bhikkhave, brāhmaṇā brāhmaṇiṃ kiṇantipi vikkiṇantipi, sampiyenapi saṃvāsaṃ saṃbandhāya saṃpavattenti. Etarahi, bhikkhave, sunakhā sunakhiṃ neva kiṇanti no vikkiṇanti, sampiyeneva saṃvāsaṃ saṃbandhāya saṃpavattenti. Ayaṃ, bhikkhave, tatiyo porāṇo brāhmaṇadhammo etarahi sunakhesu sandissati, no brāhmaṇesu.
‘‘ਪੁਬ੍ਬੇ ਸੁਦਂ, ਭਿਕ੍ਖવੇ, ਬ੍ਰਾਹ੍ਮਣਾ ਨ ਸਨ੍ਨਿਧਿਂ ਕਰੋਨ੍ਤਿ ਧਨਸ੍ਸਪਿ ਧਞ੍ਞਸ੍ਸਪਿ ਰਜਤਸ੍ਸਪਿ ਜਾਤਰੂਪਸ੍ਸਪਿ। ਏਤਰਹਿ, ਭਿਕ੍ਖવੇ, ਬ੍ਰਾਹ੍ਮਣਾ ਸਨ੍ਨਿਧਿਂ ਕਰੋਨ੍ਤਿ ਧਨਸ੍ਸਪਿ ਧਞ੍ਞਸ੍ਸਪਿ ਰਜਤਸ੍ਸਪਿ ਜਾਤਰੂਪਸ੍ਸਪਿ। ਏਤਰਹਿ, ਭਿਕ੍ਖવੇ, ਸੁਨਖਾ ਨ ਸਨ੍ਨਿਧਿਂ ਕਰੋਨ੍ਤਿ ਧਨਸ੍ਸਪਿ ਧਞ੍ਞਸ੍ਸਪਿ ਰਜਤਸ੍ਸਪਿ ਜਾਤਰੂਪਸ੍ਸਪਿ। ਅਯਂ, ਭਿਕ੍ਖવੇ, ਚਤੁਤ੍ਥੋ ਪੋਰਾਣੋ ਬ੍ਰਾਹ੍ਮਣਧਮ੍ਮੋ ਏਤਰਹਿ ਸੁਨਖੇਸੁ ਸਨ੍ਦਿਸ੍ਸਤਿ, ਨੋ ਬ੍ਰਾਹ੍ਮਣੇਸੁ।
‘‘Pubbe sudaṃ, bhikkhave, brāhmaṇā na sannidhiṃ karonti dhanassapi dhaññassapi rajatassapi jātarūpassapi. Etarahi, bhikkhave, brāhmaṇā sannidhiṃ karonti dhanassapi dhaññassapi rajatassapi jātarūpassapi. Etarahi, bhikkhave, sunakhā na sannidhiṃ karonti dhanassapi dhaññassapi rajatassapi jātarūpassapi. Ayaṃ, bhikkhave, catuttho porāṇo brāhmaṇadhammo etarahi sunakhesu sandissati, no brāhmaṇesu.
‘‘ਪੁਬ੍ਬੇ ਸੁਦਂ, ਭਿਕ੍ਖવੇ, ਬ੍ਰਾਹ੍ਮਣਾ ਸਾਯਂ ਸਾਯਮਾਸਾਯ ਪਾਤੋ ਪਾਤਰਾਸਾਯ ਭਿਕ੍ਖਂ ਪਰਿਯੇਸਨ੍ਤਿ। ਏਤਰਹਿ, ਭਿਕ੍ਖવੇ, ਬ੍ਰਾਹ੍ਮਣਾ ਯਾવਦਤ੍ਥਂ ਉਦਰਾવਦੇਹਕਂ ਭੁਞ੍ਜਿਤ੍વਾ ਅવਸੇਸਂ ਆਦਾਯ ਪਕ੍ਕਮਨ੍ਤਿ। ਏਤਰਹਿ, ਭਿਕ੍ਖવੇ, ਸੁਨਖਾ ਸਾਯਂ ਸਾਯਮਾਸਾਯ ਪਾਤੋ ਪਾਤਰਾਸਾਯ ਭਿਕ੍ਖਂ ਪਰਿਯੇਸਨ੍ਤਿ। ਅਯਂ, ਭਿਕ੍ਖવੇ, ਪਞ੍ਚਮੋ ਪੋਰਾਣੋ ਬ੍ਰਾਹ੍ਮਣਧਮ੍ਮੋ ਏਤਰਹਿ ਸੁਨਖੇਸੁ ਸਨ੍ਦਿਸ੍ਸਤਿ, ਨੋ ਬ੍ਰਾਹ੍ਮਣੇਸੁ। ਇਮੇ ਖੋ, ਭਿਕ੍ਖવੇ, ਪਞ੍ਚ ਪੋਰਾਣਾ ਬ੍ਰਾਹ੍ਮਣਧਮ੍ਮਾ ਏਤਰਹਿ ਸੁਨਖੇਸੁ ਸਨ੍ਦਿਸ੍ਸਨ੍ਤਿ, ਨੋ ਬ੍ਰਾਹ੍ਮਣੇਸੂ’’ਤਿ। ਪਠਮਂ।
‘‘Pubbe sudaṃ, bhikkhave, brāhmaṇā sāyaṃ sāyamāsāya pāto pātarāsāya bhikkhaṃ pariyesanti. Etarahi, bhikkhave, brāhmaṇā yāvadatthaṃ udarāvadehakaṃ bhuñjitvā avasesaṃ ādāya pakkamanti. Etarahi, bhikkhave, sunakhā sāyaṃ sāyamāsāya pāto pātarāsāya bhikkhaṃ pariyesanti. Ayaṃ, bhikkhave, pañcamo porāṇo brāhmaṇadhammo etarahi sunakhesu sandissati, no brāhmaṇesu. Ime kho, bhikkhave, pañca porāṇā brāhmaṇadhammā etarahi sunakhesu sandissanti, no brāhmaṇesū’’ti. Paṭhamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧. ਸੋਣਸੁਤ੍ਤવਣ੍ਣਨਾ • 1. Soṇasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧. ਸੋਣਸੁਤ੍ਤવਣ੍ਣਨਾ • 1. Soṇasuttavaṇṇanā
