| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
(২০) ৫. ব্রাহ্মণৰগ্গো
(20) 5. Brāhmaṇavaggo
১. সোণসুত্তৰণ্ণনা
1. Soṇasuttavaṇṇanā
১৯১. পঞ্চমস্স পঠমে ব্রাহ্মণধম্মাতি ব্রাহ্মণসভাৰা। সুনখেসূতি কুক্কুরেসু। নেৰ কিণন্তি ন ৰিক্কিণন্তীতি ন গণ্হন্তা কিণন্তি, ন দদন্তা ৰিক্কিণন্তি। সম্পিযেনেৰ সংৰাসং সংবন্ধায সম্পৰত্তেন্তীতি পিযো পিযং উপসঙ্কমিত্ৰা পৰেণিযা বন্ধনত্থং সংৰাসং পৰত্তযন্তি । উদরাৰদেহকন্তি উদরং অৰদিহিত্ৰা উপচিনিত্ৰা পূরেত্ৰা। অৰসেসং আদায পক্কমন্তীতি যং ভুঞ্জিতুং ন সক্কোন্তি, তং ভণ্ডিকং কত্ৰা গহেত্ৰা গচ্ছন্তি। ইমস্মিং সুত্তে ৰট্টমেৰ কথিতং।
191. Pañcamassa paṭhame brāhmaṇadhammāti brāhmaṇasabhāvā. Sunakhesūti kukkuresu. Neva kiṇanti na vikkiṇantīti na gaṇhantā kiṇanti, na dadantā vikkiṇanti. Sampiyeneva saṃvāsaṃ saṃbandhāya sampavattentīti piyo piyaṃ upasaṅkamitvā paveṇiyā bandhanatthaṃ saṃvāsaṃ pavattayanti . Udarāvadehakanti udaraṃ avadihitvā upacinitvā pūretvā. Avasesaṃ ādāya pakkamantīti yaṃ bhuñjituṃ na sakkonti, taṃ bhaṇḍikaṃ katvā gahetvā gacchanti. Imasmiṃ sutte vaṭṭameva kathitaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ১. সোণসুত্তং • 1. Soṇasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১. সোণসুত্তৰণ্ণনা • 1. Soṇasuttavaṇṇanā
