| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
2. д̣̇уд̇ияабан̣н̣аасагам̣
2. Dutiyapaṇṇāsakaṃ
6. махааваг̇г̇о
6. Mahāvaggo
1. сон̣асуд̇д̇аван̣н̣анаа
1. Soṇasuttavaṇṇanā
55. чадтасса батамз сон̣од̇и сукумааласон̣ад̇т̇зро. сийд̇аванзд̇и звам̣наамагз сусаанз. д̇асмим̣ гира бадибаадияаа бан̃жа жан̇гаманабан̣н̣асаалаасад̇аани маабид̇аани, д̇зсу т̇зро ад̇д̇ано саббааяажан̇гаманам̣ г̇ахзд̇ваа саман̣ад̇хаммам̣ гарод̇и. д̇асса аарад̣̇д̇хавийрияасса худ̇ваа жан̇гамад̇о баад̣̇ад̇алаани бхиж̇ж̇им̣су, ж̇аан̣уухи жан̇гамад̇о ж̇аан̣угааниби хад̇т̇ад̇алааниби бхиж̇ж̇им̣су, чид̣̇д̣̇аани ахзсум̣. звам̣ аарад̣̇д̇хавийрияо вихаранд̇о обхаасанимид̇д̇амад̇д̇агамби д̣̇ассзд̇ум̣ наасагки. д̇асса вийриязна гиламид̇агааяасса годияам̣ баасаан̣апалагз нисиннасса яо вид̇агго уд̣̇абаад̣̇и, д̇ам̣ д̣̇ассзд̇ум̣ ат̇а ко ааяасмад̇од̇иаад̣̇и вуд̇д̇ам̣. д̇ад̇т̇а аарад̣̇д̇хавийрияаад̇и барибун̣н̣абаг̇г̇ахид̇авийрияаа. на анубаад̣̇ааяа аасавзхи жид̇д̇ам̣ вимужжад̇ийд̇и сажз хи ахам̣ уг̇гхадид̇ан̃н̃уу ваа ассам̣ вибан̃жид̇ан̃н̃уу ваа нзяяо ваа, нууна мз жид̇д̇ам̣ вимужжзяяа. ад̣̇д̇хаа банасми бад̣̇абарамо, язна мз жид̇д̇ам̣ на вимужжад̇ийд̇и саннидтаанам̣ гад̇ваа сам̣виж̇ж̇анд̇и ко банаад̇иаад̣̇ийни жинд̇зси. д̇ад̇т̇а бхог̇аад̇и убаяог̇ад̇т̇з бажжад̇д̇ам̣.
55. Chaṭṭhassa paṭhame soṇoti sukhumālasoṇatthero. Sītavaneti evaṃnāmake susāne. Tasmiṃ kira paṭipāṭiyā pañca caṅkamanapaṇṇasālāsatāni māpitāni, tesu thero attano sappāyacaṅkamanaṃ gahetvā samaṇadhammaṃ karoti. Tassa āraddhavīriyassa hutvā caṅkamato pādatalāni bhijjiṃsu, jāṇūhi caṅkamato jāṇukānipi hatthatalānipi bhijjiṃsu, chiddāni ahesuṃ. Evaṃ āraddhavīriyo viharanto obhāsanimittamattakampi dassetuṃ nāsakkhi. Tassa vīriyena kilamitakāyassa koṭiyaṃ pāsāṇaphalake nisinnassa yo vitakko udapādi, taṃ dassetuṃ atha kho āyasmatotiādi vuttaṃ. Tattha āraddhavīriyāti paripuṇṇapaggahitavīriyā. Na anupādāya āsavehi cittaṃ vimuccatīti sace hi ahaṃ ugghaṭitaññū vā assaṃ vipañcitaññū vā neyyo vā, nūna me cittaṃ vimucceyya. Addhā panasmi padaparamo, yena me cittaṃ na vimuccatīti sanniṭṭhānaṃ katvā saṃvijjanti kho panātiādīni cintesi. Tattha bhogāti upayogatthe paccattaṃ.
баад̇урахосийд̇и т̇зрасса жид̇д̇аажаарам̣ н̃ад̇ваа ‘‘аяам̣ сон̣о аж̇ж̇а сийд̇аванз бад̇хаанабхуумияам̣ нисинно имам̣ вид̇аггам̣ вид̇аггзд̇и, г̇анд̇ваасса вид̇аггам̣ саход̇т̇ам̣ г̇ан̣хид̇ваа вийн̣обамам̣ гаммадтаанам̣ гат̇зссаамий’’д̇и бамукз баагадо ахоси. бан̃н̃ад̇д̇з аасанзд̇и бад̇хаанигабхигкуу ад̇д̇ано васанадтаанз овад̣̇ид̇ум̣ ааг̇ад̇асса б̣уд̣̇д̇хасса бхаг̇авад̇о нисийд̣̇анад̇т̇ам̣ яат̇аалаабхзна аасанам̣ бан̃н̃аабзд̇ваава бад̇хаанам̣ гаронд̇и, ан̃н̃ам̣ алабхамаанаа бураан̣абан̣н̣ааниби сант̇арид̇ваа убари сан̇гхаадим̣ бан̃н̃абзнд̇и. т̇зроби аасанам̣ бан̃н̃аабзд̇ваа бад̇хаанам̣ агааси. д̇ам̣ санд̇хааяа вуд̇д̇ам̣ – ‘‘бан̃н̃ад̇д̇з аасанз’’д̇и.
Pāturahosīti therassa cittācāraṃ ñatvā ‘‘ayaṃ soṇo ajja sītavane padhānabhūmiyaṃ nisinno imaṃ vitakkaṃ vitakketi, gantvāssa vitakkaṃ sahotthaṃ gaṇhitvā vīṇopamaṃ kammaṭṭhānaṃ kathessāmī’’ti pamukhe pākaṭo ahosi. Paññatte āsaneti padhānikabhikkhū attano vasanaṭṭhāne ovadituṃ āgatassa buddhassa bhagavato nisīdanatthaṃ yathālābhena āsanaṃ paññāpetvāva padhānaṃ karonti, aññaṃ alabhamānā purāṇapaṇṇānipi santharitvā upari saṅghāṭiṃ paññapenti. Theropi āsanaṃ paññāpetvā padhānaṃ akāsi. Taṃ sandhāya vuttaṃ – ‘‘paññatte āsane’’ti.
д̇ам̣ гим̣ ман̃н̃асийд̇и сад̇т̇аа ‘‘имасса бхигкуно авасзсагаммадтаанзхи ад̇т̇о над̇т̇и, аяам̣ г̇анд̇хаб̣б̣асиббз чзго жин̣н̣авасий, ад̇д̇ано висаяз гат̇ияамаанам̣ киббамзва саллагкзссад̇ий’’д̇и вийн̣обамам̣ гат̇зд̇ум̣ ‘‘д̇ам̣ гим̣ ман̃н̃асий’’д̇иаад̣̇имааха. вийн̣ааяа д̇анд̇иссарз гусалад̇аа наама вийн̣ааяа ваад̣̇анагусалад̇аа, со жа д̇ад̇т̇а гусало. маад̇аабид̇аро хисса ‘‘амхаагам̣ буд̇д̇о ан̃н̃ам̣ сиббам̣ сигканд̇о гааязна гиламиссад̇и, ид̣̇ам̣ бана саяанз нисиннзнзва саггаа уг̇г̇ан̣хид̇у’’нд̇и г̇анд̇хаб̣б̣асиббамзва уг̇г̇ан̣хаабзсум̣. д̇асса –
Taṃ kiṃ maññasīti satthā ‘‘imassa bhikkhuno avasesakammaṭṭhānehi attho natthi, ayaṃ gandhabbasippe cheko ciṇṇavasī, attano visaye kathiyamānaṃ khippameva sallakkhessatī’’ti vīṇopamaṃ kathetuṃ ‘‘taṃ kiṃ maññasī’’tiādimāha. Vīṇāya tantissare kusalatā nāma vīṇāya vādanakusalatā, so ca tattha kusalo. Mātāpitaro hissa ‘‘amhākaṃ putto aññaṃ sippaṃ sikkhanto kāyena kilamissati, idaṃ pana sayane nisinneneva sakkā uggaṇhitu’’nti gandhabbasippameva uggaṇhāpesuṃ. Tassa –
‘‘сад̇д̇а сараа д̇аяо г̇аамаа, мужчанаа згавийсад̇и;
‘‘Satta sarā tayo gāmā, mucchanā ekavīsati;
таанаа згуунабан̃н̃ааса, ижжзд̇з сараман̣д̣алаа’’д̇и. –
Ṭhānā ekūnapaññāsa, iccete saramaṇḍalā’’ti. –
аад̣̇игам̣ г̇анд̇хаб̣б̣асиббам̣ саб̣б̣амзва баг̇ун̣ам̣ ахоси. ажжааяад̇аад̇и ад̇иааяад̇аа карамужчанаа. саравад̇ийд̇и сарасамбаннаа. гамман̃н̃аад̇и гаммагкамаа гаммаяог̇г̇аа. ад̇исит̇илаад̇и манд̣̇амужчанаа. самз г̇ун̣з бад̇идтид̇аад̇и маж̇жхимз сарз табзд̇ваа мужчид̇аа.
Ādikaṃ gandhabbasippaṃ sabbameva paguṇaṃ ahosi. Accāyatāti atiāyatā kharamucchanā. Saravatīti sarasampannā. Kammaññāti kammakkhamā kammayoggā. Atisithilāti mandamucchanā. Same guṇe patiṭṭhitāti majjhime sare ṭhapetvā mucchitā.
ажжаарад̣̇д̇ханд̇и ад̇иг̇аал̣хам̣. уд̣̇д̇хажжааяа сам̣вад̇д̇ад̇ийд̇и уд̣̇д̇хад̇абхаавааяа сам̣вад̇д̇ад̇и. ад̇илийнанд̇и ад̇исит̇илам̣. госаж̇ж̇ааяаад̇и гусийд̇абхаавад̇т̇ааяа. вийрияасамат̇ам̣ ад̇хидтахаад̇и вийрияасамбаяуд̇д̇ам̣ самат̇ам̣ ад̇хидтаха, вийрияам̣ самат̇зна яож̇зхийд̇и ад̇т̇о. инд̣̇рияаанан̃жа самад̇ам̣ бадивиж̇жхаад̇и сад̣̇д̇хаад̣̇ийнам̣ инд̣̇рияаанам̣ самад̇ам̣ самабхаавам̣ ад̇хидтаахи. д̇ад̇т̇а сад̣̇д̇хам̣ бан̃н̃ааяа, бан̃н̃ан̃жа сад̣̇д̇хааяа, вийрияам̣ самаад̇хинаа, самаад̇хин̃жа вийриязна яож̇аяад̇аа инд̣̇рияаанам̣ самад̇аа ад̇хидтид̇аа наама ход̇и. сад̇и бана саб̣б̣ад̇т̇игаа, саа сад̣̇аа б̣алавад̇ийязва ваддад̇и. д̇ан̃жа бана д̇зсам̣ яож̇анаавид̇хаанам̣ висуд̣̇д̇химаг̇г̇з (висуд̣̇д̇хи. 1.60-62) багаасид̇амзва. д̇ад̇т̇а жа нимид̇д̇ам̣ г̇ан̣хаахийд̇и д̇асмин̃жа самабхаавз сад̇и язна аад̣̇аасз мукаб̣имб̣знзва нимид̇д̇зна уббаж̇ж̇ид̇аб̣б̣ам̣, д̇ам̣ самат̇анимид̇д̇ам̣ вибассанаанимид̇д̇ам̣ маг̇г̇анимид̇д̇ам̣ паланимид̇д̇ан̃жа г̇ан̣хаахи ниб̣б̣ад̇д̇зхийд̇и звамасса сад̇т̇аа арахад̇д̇з багкибид̇ваа гаммадтаанам̣ гат̇зси.
Accāraddhanti atigāḷhaṃ. Uddhaccāya saṃvattatīti uddhatabhāvāya saṃvattati. Atilīnanti atisithilaṃ. Kosajjāyāti kusītabhāvatthāya. Vīriyasamathaṃ adhiṭṭhahāti vīriyasampayuttaṃ samathaṃ adhiṭṭhaha, vīriyaṃ samathena yojehīti attho. Indriyānañca samataṃ paṭivijjhāti saddhādīnaṃ indriyānaṃ samataṃ samabhāvaṃ adhiṭṭhāhi. Tattha saddhaṃ paññāya, paññañca saddhāya, vīriyaṃ samādhinā, samādhiñca vīriyena yojayatā indriyānaṃ samatā adhiṭṭhitā nāma hoti. Sati pana sabbatthikā, sā sadā balavatīyeva vaṭṭati. Tañca pana tesaṃ yojanāvidhānaṃ visuddhimagge (visuddhi. 1.60-62) pakāsitameva. Tattha ca nimittaṃ gaṇhāhīti tasmiñca samabhāve sati yena ādāse mukhabimbeneva nimittena uppajjitabbaṃ, taṃ samathanimittaṃ vipassanānimittaṃ magganimittaṃ phalanimittañca gaṇhāhi nibbattehīti evamassa satthā arahatte pakkhipitvā kammaṭṭhānaṃ kathesi.
д̇ад̇т̇а жа нимид̇д̇ам̣ аг̇г̇ахзсийд̇и самат̇анимид̇д̇ан̃жа вибассанаанимид̇д̇ан̃жа аг̇г̇ахзси. ча таанаанийд̇и ча гааран̣аани. ад̇химуд̇д̇о ход̇ийд̇и бадивиж̇жхид̇ваа бажжагкам̣ гад̇ваа тид̇о ход̇и. нзгкаммаад̇химуд̇д̇од̇иаад̣̇и саб̣б̣ам̣ арахад̇д̇авасзнзва вуд̇д̇ам̣. арахад̇д̇ан̃хи саб̣б̣агилзсзхи нигканд̇ад̇д̇аа нзгкаммам̣, д̇зхзва бавивид̇д̇ад̇д̇аа бавивзго, б̣яаабаж̇жхаабхаавад̇о аб̣яаабаж̇жхам̣, д̇ан̣хаагкаяанд̇з уббаннад̇д̇аа д̇ан̣хаагкаяо , убаад̣̇аанагкаяанд̇з уббаннад̇д̇аа убаад̣̇аанагкаяо, саммохаабхаавад̇о асаммоход̇и вужжад̇и.
Tattha ca nimittaṃ aggahesīti samathanimittañca vipassanānimittañca aggahesi. Cha ṭhānānīti cha kāraṇāni. Adhimutto hotīti paṭivijjhitvā paccakkhaṃ katvā ṭhito hoti. Nekkhammādhimuttotiādi sabbaṃ arahattavaseneva vuttaṃ. Arahattañhi sabbakilesehi nikkhantattā nekkhammaṃ, teheva pavivittattā paviveko, byāpajjhābhāvato abyāpajjhaṃ, taṇhākkhayante uppannattā taṇhākkhayo, upādānakkhayante uppannattā upādānakkhayo, sammohābhāvato asammohoti vuccati.
гзвалам̣ сад̣̇д̇хаамад̇д̇аганд̇и бадивзд̇харахид̇ам̣ гзвалам̣ бадивзд̇хабан̃н̃ааяа асаммиссагам̣ сад̣̇д̇хаамад̇д̇агам̣. бадижаяанд̇и бунаббунам̣ гаран̣зна вад̣дхим̣. вийд̇арааг̇ад̇д̇аад̇и маг̇г̇абадивзд̇хзна рааг̇асса виг̇ад̇ад̇д̇ааязва нзгкаммасан̇каад̇ам̣ арахад̇д̇ам̣ бадивиж̇жхид̇ваа сажчигад̇ваа тид̇о ход̇и, паласамаабад̇д̇ивихаарзна вихарад̇и, д̇анниннамаанасоязва жа ход̇ийд̇и ад̇т̇о. сзсабад̣̇зсуби зсзва наяо.
Kevalaṃ saddhāmattakanti paṭivedharahitaṃ kevalaṃ paṭivedhapaññāya asammissakaṃ saddhāmattakaṃ. Paṭicayanti punappunaṃ karaṇena vaḍḍhiṃ. Vītarāgattāti maggapaṭivedhena rāgassa vigatattāyeva nekkhammasaṅkhātaṃ arahattaṃ paṭivijjhitvā sacchikatvā ṭhito hoti, phalasamāpattivihārena viharati, tanninnamānasoyeva ca hotīti attho. Sesapadesupi eseva nayo.
лаабхасаггаарасилоганд̇и жад̇убажжаяалаабхан̃жа д̇зсан̃н̃зва сугад̇абхааван̃жа ван̣н̣абхан̣анан̃жа. нигаамаяамаанод̇и ижчамаано бад̇т̇аяамаано. бавивзгаад̇химуд̇д̇од̇и бавивзгз ад̇химуд̇д̇о араханд̇и звам̣ арахад̇д̇ам̣ б̣яаагарод̇ийд̇и ад̇т̇о.
Lābhasakkārasilokanti catupaccayalābhañca tesaññeva sukatabhāvañca vaṇṇabhaṇanañca. Nikāmayamānoti icchamāno patthayamāno. Pavivekādhimuttoti paviveke adhimutto arahanti evaṃ arahattaṃ byākarotīti attho.
сийлаб̣б̣ад̇абараамаасанд̇и сийлан̃жа вад̇ан̃жа бараамасид̇ваа г̇ахид̇ам̣ г̇ахан̣амад̇д̇ам̣. саарад̇о бажжааг̇ажчанд̇од̇и саарабхаавзна ж̇аананд̇о. аб̣яаабаж̇жхаад̇химуд̇д̇од̇и аб̣яаабаж̇жхам̣ арахад̇д̇ам̣ б̣яаагарод̇и. иминаава наязна саб̣б̣адтаанзсу ад̇т̇о д̣̇адтаб̣б̣о. абижзд̇т̇а ‘‘нзгкаммаад̇химуд̇д̇од̇и имасмим̣язва арахад̇д̇ам̣ гат̇ид̇ам̣, сзсзсу бан̃жасу ниб̣б̣аана’’нд̇и згз вад̣̇анд̇и. абарз ‘‘асаммохаад̇химуд̇д̇од̇и зд̇т̇зва ниб̣б̣аанам̣ гат̇ид̇ам̣, сзсзсу арахад̇д̇а’’нд̇и вад̣̇анд̇и. аяам̣ банзд̇т̇а сааро – саб̣б̣зсвзва д̇зсу арахад̇д̇амби ниб̣б̣аанамби гат̇ид̇амзваад̇и.
Sīlabbataparāmāsanti sīlañca vatañca parāmasitvā gahitaṃ gahaṇamattaṃ. Sāratopaccāgacchantoti sārabhāvena jānanto. Abyāpajjhādhimuttoti abyāpajjhaṃ arahattaṃ byākaroti. Imināva nayena sabbaṭṭhānesu attho daṭṭhabbo. Apicettha ‘‘nekkhammādhimuttoti imasmiṃyeva arahattaṃ kathitaṃ, sesesu pañcasu nibbāna’’nti eke vadanti. Apare ‘‘asammohādhimuttoti ettheva nibbānaṃ kathitaṃ, sesesu arahatta’’nti vadanti. Ayaṃ panettha sāro – sabbesveva tesu arahattampi nibbānampi kathitamevāti.
бхусаад̇и б̣алаванд̇о д̣̇иб̣б̣аруубасад̣̇исаа. нзвасса жид̇д̇ам̣ барияаад̣̇ияанд̇ийд̇и зд̇асса кийн̣аасавасса жид̇д̇ам̣ г̇ахзд̇ваа таад̇ум̣ на саггонд̇и. гилзсаа хи уббаж̇ж̇амаанаа жид̇д̇ам̣ г̇ан̣ханд̇и наама. амиссийгад̇анд̇и гилзсаа хи аарамман̣зна сад̣̇д̇хим̣ жид̇д̇ам̣ миссам̣ гаронд̇и, д̇зсам̣ абхааваа амиссийгад̇ам̣. тид̇анд̇и бад̇идтид̇ам̣. аанзн̃ж̇аббад̇д̇анд̇и ажалаббад̇д̇ам̣. ваяан̃жассаанубассад̇ийд̇и д̇асса жзса жид̇д̇асса уббаад̣̇амби ваяамби бассад̇и. бхусаа ваад̇авудтийд̇и б̣алаваа ваад̇агканд̇хо. нзва самбагамбзяяаад̇и згабхааг̇зна жаалзд̇ум̣ на саггун̣зяяа. на самбагамбзяяаад̇и т̇уун̣ам̣ вияа саб̣б̣абхааг̇ад̇о гамбзд̇ум̣ на саггун̣зяяа. на самбавзд̇хзяяаад̇и взд̇хзд̇ваа бавзд̇хзд̇ваа баад̇зд̇ум̣ на саггун̣зяяа.
Bhusāti balavanto dibbarūpasadisā. Nevassa cittaṃ pariyādiyantīti etassa khīṇāsavassa cittaṃ gahetvā ṭhātuṃ na sakkonti. Kilesā hi uppajjamānā cittaṃ gaṇhanti nāma. Amissīkatanti kilesā hi ārammaṇena saddhiṃ cittaṃ missaṃ karonti, tesaṃ abhāvā amissīkataṃ. Ṭhitanti patiṭṭhitaṃ. Āneñjappattanti acalappattaṃ. Vayañcassānupassatīti tassa cesa cittassa uppādampi vayampi passati. Bhusā vātavuṭṭhīti balavā vātakkhandho. Neva sampakampeyyāti ekabhāgena cāletuṃ na sakkuṇeyya. Na sampakampeyyāti thūṇaṃ viya sabbabhāgato kampetuṃ na sakkuṇeyya. Na sampavedheyyāti vedhetvā pavedhetvā pātetuṃ na sakkuṇeyya.
нзгкаммам̣ ад̇химуд̇д̇ассаад̇и арахад̇д̇ам̣ бадивиж̇жхид̇ваа тид̇асса кийн̣аасавасса. сзсабад̣̇зсуби арахад̇д̇амзва гат̇ид̇ам̣. убаад̣̇аанагкаяасса жаад̇и убаяог̇ад̇т̇з саамиважанам̣. асаммохан̃жа жзд̇асод̇и жид̇д̇асса жа асаммохам̣ ад̇химуд̇д̇асса. д̣̇исваа ааяад̇ануббаад̣̇анд̇и ааяад̇анаанам̣ уббаад̣̇ан̃жа ваяан̃жа д̣̇исваа. саммаа жид̇д̇ам̣ вимужжад̇ийд̇и саммаа хзд̇унаа наязна имааяа вибассанаабадибад̇д̇ияаа паласамаабад̇д̇ивасзна жид̇д̇ам̣ вимужжад̇и, ниб̣б̣аанаарамман̣з ад̇химужжад̇и. ат̇а ваа иминаа кийн̣аасавасса бадибад̣̇аа гат̇ид̇аа. д̇асса хи ааяад̇ануббаад̣̇ам̣ д̣̇исваа имааяа вибассанааяа ад̇хиг̇ад̇асса арияамаг̇г̇ассаанубхаавзна саб̣б̣агилзсзхи саммаа жид̇д̇ам̣ вимужжад̇и. звам̣ д̇асса саммаа вимуд̇д̇асса…бз… на виж̇ж̇ад̇и. д̇ад̇т̇а санд̇ажид̇д̇ассаад̇и ниб̣б̣уд̇ажид̇д̇асса. сзсамзд̇т̇а уд̇д̇аанад̇т̇амзваад̇и.
Nekkhammaṃadhimuttassāti arahattaṃ paṭivijjhitvā ṭhitassa khīṇāsavassa. Sesapadesupi arahattameva kathitaṃ. Upādānakkhayassa cāti upayogatthe sāmivacanaṃ. Asammohañca cetasoti cittassa ca asammohaṃ adhimuttassa. Disvā āyatanuppādanti āyatanānaṃ uppādañca vayañca disvā. Sammā cittaṃ vimuccatīti sammā hetunā nayena imāya vipassanāpaṭipattiyā phalasamāpattivasena cittaṃ vimuccati, nibbānārammaṇe adhimuccati. Atha vā iminā khīṇāsavassa paṭipadā kathitā. Tassa hi āyatanuppādaṃ disvā imāya vipassanāya adhigatassa ariyamaggassānubhāvena sabbakilesehi sammā cittaṃ vimuccati. Evaṃ tassa sammā vimuttassa…pe… na vijjati. Tattha santacittassāti nibbutacittassa. Sesamettha uttānatthamevāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. сон̣асуд̇д̇ам̣ • 1. Soṇasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1. сон̣асуд̇д̇аван̣н̣анаа • 1. Soṇasuttavaṇṇanā
