| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
6. сон̣асуд̇д̇аван̣н̣анаа
6. Soṇasuttavaṇṇanā
46. чадтз аванд̇ийсууд̇и аванд̇ирадтз. гурарагхарзд̇и звам̣наамагз наг̇арз. бавад̇д̇з баб̣б̣ад̇зд̇и бавад̇д̇анаамагз баб̣б̣ад̇з. ‘‘бабаад̇з баб̣б̣ад̇з’’д̇иби батанд̇и. сон̣о убаасаго гудиган̣н̣од̇и наамзна сон̣о наама, д̇ийхи саран̣аг̇аманзхи убаасагабхааваббадивзд̣̇анзна убаасаго, годиаг̇гханагасса ган̣н̣абил̣анд̇ханасса д̇хааран̣зна ‘‘годиган̣н̣о’’д̇и вад̇д̇аб̣б̣з ‘‘гудиган̣н̣о’’д̇и звам̣ абхин̃н̃аад̇о, на сукумааласон̣од̇и ад̇хиббааяо . аяан̃хи ааяасмад̇о махаагажжааяанасса санд̇игз д̇хаммам̣ суд̇ваа саасанз абхиббасанно, саран̣зсу жа сийлзсу жа бад̇идтид̇о бавад̇д̇з баб̣б̣ад̇з чааяууд̣̇агасамбаннз таанз вихаарам̣ гаарзд̇ваа т̇зрам̣ д̇ад̇т̇а васаабзд̇ваа жад̇уухи бажжаязхи убадтаад̇и. д̇зна вуд̇д̇ам̣ – ‘‘ааяасмад̇о махаагажжаанасса убадтааго ход̇ий’’д̇и.
46. Chaṭṭhe avantīsūti avantiraṭṭhe. Kuraraghareti evaṃnāmake nagare. Pavatte pabbateti pavattanāmake pabbate. ‘‘Papāte pabbate’’tipi paṭhanti. Soṇo upāsako kuṭikaṇṇoti nāmena soṇo nāma, tīhi saraṇagamanehi upāsakabhāvappaṭivedanena upāsako, koṭiagghanakassa kaṇṇapiḷandhanassa dhāraṇena ‘‘koṭikaṇṇo’’ti vattabbe ‘‘kuṭikaṇṇo’’ti evaṃ abhiññāto, na sukhumālasoṇoti adhippāyo . Ayañhi āyasmato mahākaccāyanassa santike dhammaṃ sutvā sāsane abhippasanno, saraṇesu ca sīlesu ca patiṭṭhito pavatte pabbate chāyūdakasampanne ṭhāne vihāraṃ kāretvā theraṃ tattha vasāpetvā catūhi paccayehi upaṭṭhāti. Tena vuttaṃ – ‘‘āyasmato mahākaccānassa upaṭṭhāko hotī’’ti.
со гаалзна гаалам̣ т̇зрасса убадтаанам̣ г̇ажчад̇и. т̇зро жасса д̇хаммам̣ д̣̇зсзд̇и. д̇зна сам̣взг̇аб̣ахуло д̇хаммажарияааяа уссаахаж̇аад̇о вихарад̇и. со згад̣̇аа сад̇т̇зна сад̣̇д̇хим̣ ваан̣иж̇ж̇ад̇т̇ааяа уж̇ж̇зним̣ г̇ажчанд̇о анд̇араамаг̇г̇з адавияам̣ сад̇т̇з нивидтз рад̇д̇ияам̣ ж̇анасамб̣аад̇хабхаязна згаманд̇ам̣ абаггамма нид̣̇д̣̇ам̣ убаг̇ан̃чи. сад̇т̇о бажжуусавзлааяам̣ удтааяа г̇ад̇о, на згоби сон̣ам̣ баб̣од̇хзси, саб̣б̣зби висарид̇ваа аг̇амам̣су. со бабхаад̇ааяа рад̇д̇ияаа баб̣уж̇жхид̇ваа удтааяа ган̃жи абассанд̇о сад̇т̇знзва г̇ад̇амаг̇г̇ам̣ г̇ахзд̇ваа сийгхам̣ сийгхам̣ г̇ажчанд̇о згам̣ вадаругкам̣ убаг̇ан̃чи. д̇ад̇т̇а ад̣̇д̣̇аса згам̣ махаагааяам̣ вируубад̣̇ассанам̣ г̇ажчанд̇ам̣ бурисам̣ адтид̇о муд̇д̇аани ад̇д̇ано мам̣саани саяамзва каад̣̇анд̇ам̣, д̣̇исваана ‘‘госи д̇ва’’нд̇и бужчи. ‘‘бзд̇омхи, бханд̇з’’д̇и. ‘‘гасмаа звам̣ гаросий’’д̇и. ‘‘ад̇д̇ано буб̣б̣агаммзнаа’’д̇и. ‘‘гим̣ бана д̇ам̣ гамма’’нд̇и. ‘‘ахам̣ буб̣б̣з бхааругажчанаг̇араваасий гуудаваан̣иж̇о худ̇ваа барзсам̣ санд̇агам̣ ван̃жзд̇ваа каад̣̇им̣, саман̣з жа бхигкааяа убаг̇ад̇з ‘д̇умхаагам̣ мам̣сам̣ каад̣̇ат̇аа’д̇и аггосим̣, д̇зна гаммзна зд̇арахи имам̣ д̣̇угкам̣ анубхаваамий’’д̇и. д̇ам̣ суд̇ваа сон̣о ад̇ивияа сам̣взг̇ам̣ бадилабхи.
So kālena kālaṃ therassa upaṭṭhānaṃ gacchati. Thero cassa dhammaṃ deseti. Tena saṃvegabahulo dhammacariyāya ussāhajāto viharati. So ekadā satthena saddhiṃ vāṇijjatthāya ujjeniṃ gacchanto antarāmagge aṭaviyaṃ satthe niviṭṭhe rattiyaṃ janasambādhabhayena ekamantaṃ apakkamma niddaṃ upagañchi. Sattho paccūsavelāyaṃ uṭṭhāya gato, na ekopi soṇaṃ pabodhesi, sabbepi visaritvā agamaṃsu. So pabhātāya rattiyā pabujjhitvā uṭṭhāya kañci apassanto sattheneva gatamaggaṃ gahetvā sīghaṃ sīghaṃ gacchanto ekaṃ vaṭarukkhaṃ upagañchi. Tattha addasa ekaṃ mahākāyaṃ virūpadassanaṃ gacchantaṃ purisaṃ aṭṭhito muttāni attano maṃsāni sayameva khādantaṃ, disvāna ‘‘kosi tva’’nti pucchi. ‘‘Petomhi, bhante’’ti. ‘‘Kasmā evaṃ karosī’’ti. ‘‘Attano pubbakammenā’’ti. ‘‘Kiṃ pana taṃ kamma’’nti. ‘‘Ahaṃ pubbe bhārukacchanagaravāsī kūṭavāṇijo hutvā paresaṃ santakaṃ vañcetvā khādiṃ, samaṇe ca bhikkhāya upagate ‘tumhākaṃ maṃsaṃ khādathā’ti akkosiṃ, tena kammena etarahi imaṃ dukkhaṃ anubhavāmī’’ti. Taṃ sutvā soṇo ativiya saṃvegaṃ paṭilabhi.
д̇ад̇о барам̣ г̇ажчанд̇о мукад̇о баг̇гхарид̇агаал̣алохид̇з д̣̇вз бзд̇ад̣̇аарагз бассид̇ваа д̇ат̇зва бужчи. д̇збисса ад̇д̇ано гаммам̣ гат̇зсум̣. д̇з гира бхааругажчанаг̇арз д̣̇аарагагаалз г̇анд̇хаваан̣иж̇ж̇ааяа ж̇ийвигам̣ габбзнд̇аа ад̇д̇ано маад̇ари кийн̣аасавз ниманд̇зд̇ваа бхож̇знд̇ияаа г̇зхам̣ г̇анд̇ваа ‘‘амхаагам̣ санд̇агам̣ гасмаа саман̣аанам̣ д̣̇зси, д̇аяаа д̣̇иннам̣ бхож̇анам̣ бхун̃ж̇анагасаман̣аанам̣ мукад̇о гаал̣алохид̇ам̣ баг̇гхарад̇уу’’д̇и аггосим̣су. д̇з д̇зна гаммзна нираяз бажжид̇ваа д̇асса вибаагаавасзсзна бзд̇аяонияам̣ ниб̣б̣ад̇д̇ид̇ваа д̇ад̣̇аа имам̣ д̣̇угкам̣ анубхаванд̇и. д̇амби суд̇ваа сон̣о ад̇ивияа сам̣взг̇аж̇аад̇о ахоси.
Tato paraṃ gacchanto mukhato paggharitakāḷalohite dve petadārake passitvā tatheva pucchi. Tepissa attano kammaṃ kathesuṃ. Te kira bhārukacchanagare dārakakāle gandhavāṇijjāya jīvikaṃ kappentā attano mātari khīṇāsave nimantetvā bhojentiyā gehaṃ gantvā ‘‘amhākaṃ santakaṃ kasmā samaṇānaṃ desi, tayā dinnaṃ bhojanaṃ bhuñjanakasamaṇānaṃ mukhato kāḷalohitaṃ paggharatū’’ti akkosiṃsu. Te tena kammena niraye paccitvā tassa vipākāvasesena petayoniyaṃ nibbattitvā tadā imaṃ dukkhaṃ anubhavanti. Tampi sutvā soṇo ativiya saṃvegajāto ahosi.
со уж̇ж̇зним̣ г̇анд̇ваа д̇ам̣ гаран̣ийяам̣ д̇ийрзд̇ваа гулагхарам̣ бажжааг̇ад̇о т̇зрам̣ убасан̇гамид̇ваа гад̇абадисант̇ааро т̇зрасса д̇амад̇т̇ам̣ аарожзси. т̇зробисса бавад̇д̇инивад̇д̇ийсу аад̣̇ийнаваанисам̣сз вибхаавзнд̇о д̇хаммам̣ д̣̇зсзси. со т̇зрам̣ ванд̣̇ид̇ваа г̇зхам̣ г̇ад̇о сааяамаасам̣ бхун̃ж̇ид̇ваа саяанам̣ убаг̇ад̇о т̇огам̣язва нид̣̇д̣̇ааяид̇ваа баб̣уж̇жхид̇ваа саяанад̇алз нисаж̇ж̇а яат̇аасуд̇ам̣ д̇хаммам̣ бажжавзгкид̇ум̣ аарад̣̇д̇хо. д̇асса д̇ам̣ д̇хаммам̣ бажжавзгкад̇о, д̇з жа бзд̇ад̇д̇абхаавз ануссарад̇о сам̣саарад̣̇угкам̣ ад̇ивияа бхаяаанагам̣ худ̇ваа убадтааси, баб̣б̣аж̇ж̇ааяа жид̇д̇ам̣ нами. со вибхаад̇ааяа рад̇д̇ияаа сарийрабадиж̇аг̇г̇анам̣ гад̇ваа т̇зрам̣ убасан̇гамид̇ваа ад̇д̇ано аж̇жхаасаяам̣ аарожзд̇ваа баб̣б̣аж̇ж̇ам̣ яаажи. д̇зна вуд̇д̇ам̣ – ‘‘ат̇а ко сон̣асса убаасагасса гудиган̣н̣асса рахог̇ад̇асса…бз… баб̣б̣ааж̇зд̇у мам̣, бханд̇з, аяяо махаагажжаано’’д̇и.
So ujjeniṃ gantvā taṃ karaṇīyaṃ tīretvā kulagharaṃ paccāgato theraṃ upasaṅkamitvā katapaṭisanthāro therassa tamatthaṃ ārocesi. Theropissa pavattinivattīsu ādīnavānisaṃse vibhāvento dhammaṃ desesi. So theraṃ vanditvā gehaṃ gato sāyamāsaṃ bhuñjitvā sayanaṃ upagato thokaṃyeva niddāyitvā pabujjhitvā sayanatale nisajja yathāsutaṃ dhammaṃ paccavekkhituṃ āraddho. Tassa taṃ dhammaṃ paccavekkhato, te ca petattabhāve anussarato saṃsāradukkhaṃ ativiya bhayānakaṃ hutvā upaṭṭhāsi, pabbajjāya cittaṃ nami. So vibhātāya rattiyā sarīrapaṭijagganaṃ katvā theraṃ upasaṅkamitvā attano ajjhāsayaṃ ārocetvā pabbajjaṃ yāci. Tena vuttaṃ – ‘‘atha kho soṇassa upāsakassa kuṭikaṇṇassa rahogatassa…pe… pabbājetu maṃ, bhante, ayyo mahākaccāno’’ti.
д̇ад̇т̇а яат̇аа яат̇аад̇иаад̣̇ийнам̣ бад̣̇аанам̣ аяам̣ сан̇кзбад̇т̇о – язна язна аагаарзна аяяо махаагажжаано д̇хаммам̣ д̣̇зсзд̇и аажигкад̇и бан̃н̃абзд̇и бадтабзд̇и виварад̇и вибхаж̇ад̇и уд̇д̇аанийгарод̇и багаасзд̇и, д̇зна д̇зна мз убабаригкад̇о звам̣ ход̇и, яад̣̇зд̇ам̣ сигкад̇д̇аяаб̣рахмажарияам̣ згамби д̣̇ивасам̣ агкан̣д̣ам̣ гад̇ваа жаримагажид̇д̇ам̣ баабзд̇аб̣б̣ад̇ааяа зганд̇абарибун̣н̣ам̣. згад̣̇ивасамби гилзсамалзна амалинам̣ гад̇ваа жаримагажид̇д̇ам̣ баабзд̇аб̣б̣ад̇ааяа зганд̇абарисуд̣̇д̇хам̣. сан̇каликид̇анд̇и ликид̇асан̇касад̣̇исам̣ д̇ход̇асан̇касаббадибхааг̇ам̣ жарид̇аб̣б̣ам̣. ид̣̇ам̣ на сугарам̣ аг̇аарам̣ аж̇жхаавасад̇аа аг̇аарамаж̇жхз васанд̇зна зганд̇а барибун̣н̣ам̣…бз… жарид̇ум̣ яам̣нуунаахам̣ гзсз жзва массууни жа охаарзд̇ваа воробзд̇ваа гаасааяарасабийд̇ад̇ааяа гаасааяаани б̣рахмажарияам̣ жаранд̇аанам̣ анужчавигаани вад̇т̇аани ажчаад̣̇зд̇ваа ниваасзд̇ваа жзва баарубид̇ваа жа аг̇аарасмаа нигкамид̇ваа анаг̇аарияам̣ баб̣б̣аж̇зяяам̣ . яасмаа аг̇аарасса хид̇ам̣ гасиваан̣иж̇ж̇аад̣̇игаммам̣ аг̇аарияанд̇и вужжад̇и, д̇ан̃жа баб̣б̣аж̇ж̇ааяа над̇т̇и, д̇асмаа баб̣б̣аж̇ж̇аа анаг̇аарияаа наама. д̇ам̣ анаг̇аарияам̣ баб̣б̣аж̇ж̇ам̣ баб̣б̣аж̇зяяам̣ убаг̇ажчзяяам̣, бадибаж̇ж̇зяяанд̇и ад̇т̇о.
Tattha yathā yathātiādīnaṃ padānaṃ ayaṃ saṅkhepattho – yena yena ākārena ayyo mahākaccāno dhammaṃ deseti ācikkhati paññapeti paṭṭhapeti vivarati vibhajati uttānīkaroti pakāseti, tena tena me upaparikkhato evaṃ hoti, yadetaṃ sikkhattayabrahmacariyaṃ ekampi divasaṃ akkhaṇḍaṃ katvā carimakacittaṃ pāpetabbatāya ekantaparipuṇṇaṃ. Ekadivasampi kilesamalena amalinaṃ katvā carimakacittaṃ pāpetabbatāya ekantaparisuddhaṃ. Saṅkhalikhitanti likhitasaṅkhasadisaṃ dhotasaṅkhasappaṭibhāgaṃ caritabbaṃ. Idaṃ nasukaraṃ agāraṃ ajjhāvasatā agāramajjhe vasantena ekanta paripuṇṇaṃ…pe… carituṃ yaṃnūnāhaṃ kese ceva massūni ca ohāretvā voropetvā kāsāyarasapītatāya kāsāyāni brahmacariyaṃ carantānaṃ anucchavikāni vatthāni acchādetvā nivāsetvā ceva pārupitvā ca agārasmā nikkhamitvā anagāriyaṃ pabbajeyyaṃ. Yasmā agārassa hitaṃ kasivāṇijjādikammaṃ agāriyanti vuccati, tañca pabbajjāya natthi, tasmā pabbajjā anagāriyā nāma. Taṃ anagāriyaṃ pabbajjaṃ pabbajeyyaṃ upagaccheyyaṃ, paṭipajjeyyanti attho.
звам̣ ад̇д̇анаа раховид̇аггид̇ам̣ сон̣о убаасаго т̇зрасса аарожзд̇ваа д̇ам̣ бадибаж̇ж̇ид̇угаамо ‘‘баб̣б̣ааж̇зд̇у мам̣, бханд̇з, аяяо махаагажжаано’’д̇и ааха. т̇зро бана ‘‘д̇аавасса н̃аан̣абарибаагам̣ гат̇а’’нд̇и убад̇хаарзд̇ваа н̃аан̣абарибаагам̣ ааг̇амаяамаано ‘‘д̣̇уггарам̣ ко’’д̇иаад̣̇инаа баб̣б̣аж̇ж̇аачанд̣̇ам̣ ниваарзси.
Evaṃ attanā rahovitakkitaṃ soṇo upāsako therassa ārocetvā taṃ paṭipajjitukāmo ‘‘pabbājetu maṃ, bhante, ayyo mahākaccāno’’ti āha. Thero pana ‘‘tāvassa ñāṇaparipākaṃ katha’’nti upadhāretvā ñāṇaparipākaṃ āgamayamāno ‘‘dukkaraṃ kho’’tiādinā pabbajjāchandaṃ nivāresi.
д̇ад̇т̇а згабхад̇д̇анд̇и ‘‘згабхад̇д̇иго ход̇и рад̇д̇уубарад̇о вирад̇о вигаалабхож̇анаа’’д̇и (д̣̇ий. ни. 1.194; а. ни. 3.71) звам̣ вуд̇д̇ам̣ вигаалабхож̇анавирад̇им̣ санд̇хааяа вад̣̇ад̇и. згасзяяанд̇и ад̣̇уд̇ияасзяяам̣. зд̇т̇а жа сзяяаасийсзна ‘‘зго д̇идтад̇и, зго г̇ажчад̇и, зго нисийд̣̇ад̇ий’’д̇иаад̣̇инаа (махаани. 7; 49) наязна вуд̇д̇зсу жад̇уусу ирияаабат̇зсу гааяавивзгам̣ д̣̇ийбзд̇и, на згаагинаа худ̇ваа саяанамад̇д̇ам̣. б̣рахмажарияанд̇и мзт̇унавирад̇иб̣рахмажарияам̣, сигкад̇д̇аяаануяог̇асан̇каад̇ам̣ саасанаб̣рахмажарияам̣ ваа. ин̇гхаад̇и жод̣̇анад̇т̇з нибаад̇о. д̇ад̇т̇зваад̇и г̇зхзязва. б̣уд̣̇д̇хаанам̣ саасанам̣ ануяун̃ж̇аад̇и нижжасийлаубосат̇асийлаад̣̇ибхзд̣̇ам̣ бан̃жан̇г̇аадтан̇г̇ад̣̇асан̇г̇асийлам̣, д̇ад̣̇ануруубан̃жа самаад̇хибан̃н̃аабхааванам̣ ануяун̃ж̇а. зд̇ан̃хи убаасагзна буб̣б̣абхааг̇з ануяун̃ж̇ид̇аб̣б̣ам̣ б̣уд̣̇д̇хасаасанам̣ наама. д̇знааха – ‘‘гаалаяуд̇д̇ам̣ згабхад̇д̇ам̣ згасзяяам̣ б̣рахмарияа’’нд̇и.
Tattha ekabhattanti ‘‘ekabhattiko hoti rattūparato virato vikālabhojanā’’ti (dī. ni. 1.194; a. ni. 3.71) evaṃ vuttaṃ vikālabhojanaviratiṃ sandhāya vadati. Ekaseyyanti adutiyaseyyaṃ. Ettha ca seyyāsīsena ‘‘eko tiṭṭhati, eko gacchati, eko nisīdatī’’tiādinā (mahāni. 7; 49) nayena vuttesu catūsu iriyāpathesu kāyavivekaṃ dīpeti, na ekākinā hutvā sayanamattaṃ. Brahmacariyanti methunaviratibrahmacariyaṃ, sikkhattayānuyogasaṅkhātaṃ sāsanabrahmacariyaṃ vā. Iṅghāti codanatthe nipāto. Tatthevāti geheyeva. Buddhānaṃ sāsanaṃ anuyuñjāti niccasīlauposathasīlādibhedaṃ pañcaṅgaaṭṭhaṅgadasaṅgasīlaṃ, tadanurūpañca samādhipaññābhāvanaṃ anuyuñja. Etañhi upāsakena pubbabhāge anuyuñjitabbaṃ buddhasāsanaṃ nāma. Tenāha – ‘‘kālayuttaṃ ekabhattaṃ ekaseyyaṃ brahmariya’’nti.
д̇ад̇т̇а гаалаяуд̇д̇анд̇и жаад̇уд̣̇д̣̇асийбан̃жад̣̇асийадтамийбаадихаарияабагкасан̇каад̇зна гаалзна яуд̇д̇ам̣, яат̇аавуд̇д̇агаалз ваа д̇уяхам̣ ануяун̃ж̇анд̇асса яуд̇д̇ам̣ бад̇ируубам̣ саггун̣зяяам̣, на саб̣б̣агаалам̣ баб̣б̣аж̇ж̇аад̇и ад̇хиббааяо. саб̣б̣амзд̇ам̣ н̃аан̣асса абарибаггад̇д̇аа д̇асса гаамаанам̣ д̣̇уббахаанад̇ааяа саммаабадибад̇д̇ияам̣ яог̇яам̣ гаараабзд̇ум̣ вад̣̇ад̇и, на баб̣б̣аж̇ж̇аачанд̣̇ам̣ ниваарзд̇ум̣. баб̣б̣аж̇ж̇аабхисан̇каарод̇и баб̣б̣аж̇ид̇ум̣ аарамбхо уссаахо. бадибассамбхийд̇и инд̣̇рияаанам̣ абарибаггад̇д̇аа, сам̣взг̇асса жа наад̇ид̇игкабхаавад̇о вуубасами. гин̃жааби бадибассамбхи, т̇зрзна вуд̇д̇авид̇хим̣ бана ануд̇идтанд̇о гаалзна гаалам̣ т̇зрам̣ убасан̇гамид̇ваа баяирубаасанд̇о д̇хаммам̣ сун̣аад̇и. д̇асса вуд̇д̇анаязнзва д̣̇уд̇ияам̣ баб̣б̣аж̇ж̇ааяа жид̇д̇ам̣ уббаж̇ж̇и, т̇зрасса жа аарожзси. д̣̇уд̇ияамби т̇зро бадигкиби. д̇ад̇ияаваарз бана н̃аан̣асса барибаггабхаавам̣ н̃ад̇ваа ‘‘ид̣̇аани нам̣ баб̣б̣ааж̇зд̇ум̣ гаало’’д̇и т̇зро баб̣б̣ааж̇зси, баб̣б̣аж̇ид̇ан̃жа д̇ам̣ д̇ийн̣и сам̣важчараани ад̇иггамид̇ваа г̇ан̣ам̣ бариязсид̇ваа убасамбаад̣̇зси. д̇ам̣ санд̇хааяа вуд̇д̇ам̣ – ‘‘д̣̇уд̇ияамби ко сон̣о…бз… убасамбаад̣̇зсий’’д̇и.
Tattha kālayuttanti cātuddasīpañcadasīaṭṭhamīpāṭihāriyapakkhasaṅkhātena kālena yuttaṃ, yathāvuttakāle vā tuyhaṃ anuyuñjantassa yuttaṃ patirūpaṃ sakkuṇeyyaṃ, na sabbakālaṃ pabbajjāti adhippāyo. Sabbametaṃ ñāṇassa aparipakkattā tassa kāmānaṃ duppahānatāya sammāpaṭipattiyaṃ yogyaṃ kārāpetuṃ vadati, na pabbajjāchandaṃ nivāretuṃ. Pabbajjābhisaṅkhāroti pabbajituṃ ārambho ussāho. Paṭipassambhīti indriyānaṃ aparipakkattā, saṃvegassa ca nātitikkhabhāvato vūpasami. Kiñcāpi paṭipassambhi, therena vuttavidhiṃ pana anutiṭṭhanto kālena kālaṃ theraṃ upasaṅkamitvā payirupāsanto dhammaṃ suṇāti. Tassa vuttanayeneva dutiyaṃ pabbajjāya cittaṃ uppajji, therassa ca ārocesi. Dutiyampi thero paṭikkhipi. Tatiyavāre pana ñāṇassa paripakkabhāvaṃ ñatvā ‘‘idāni naṃ pabbājetuṃ kālo’’ti thero pabbājesi, pabbajitañca taṃ tīṇi saṃvaccharāni atikkamitvā gaṇaṃ pariyesitvā upasampādesi. Taṃ sandhāya vuttaṃ – ‘‘dutiyampi kho soṇo…pe… upasampādesī’’ti.
д̇ад̇т̇а аббабхигкугод̇и гад̇ибаяабхигкуго. д̇ад̣̇аа гира бхигкуу язбхуяязна маж̇жхимад̣̇зсз зва васим̣су. д̇асмаа д̇ад̇т̇а гад̇ибаяаа зва ахзсум̣ , д̇з жа згасмим̣ ниг̇амз зго, згасмим̣ д̣̇взд̇и звам̣ висум̣ висум̣ васим̣су. гижчзнаад̇и д̣̇угкзна. гасирзнаад̇и ааяаасзна. д̇ад̇о д̇ад̇од̇и д̇асмаа д̇асмаа г̇ааманиг̇амаад̣̇ид̇о. т̇зрзна хи гад̇ибаяз бхигкуу аанзд̇ваа ан̃н̃зсу аанийяамаанзсу буб̣б̣з аанийд̇аа гзнажид̣̇зва гаран̣ийязна баггамим̣су, гин̃жи гаалам̣ ааг̇амзд̇ваа буна д̇зсу аанийяамаанзсу ид̇арз баггамим̣су. звам̣ бунаббунам̣ аанаяанзна саннибаад̇о жирзнзва ахоси, т̇зро жа д̇ад̣̇аа згавихаарий ахоси. д̣̇асаваг̇г̇ам̣ бхигкусан̇гхам̣ саннибаад̇зд̇ваад̇и д̇ад̣̇аа бхаг̇авад̇аа бажжанд̇ад̣̇зсзби д̣̇асаваг̇г̇знзва сан̇гхзна убасамбад̣̇аа анун̃н̃аад̇аа. ид̇онид̣̇аанан̃хи т̇зрзна яаажид̇о бан̃жаваг̇г̇зна сан̇гхзна бажжанд̇ад̣̇зсз убасамбад̣̇ам̣ ануж̇аани. д̇зна вуд̇д̇ам̣ – ‘‘д̇ин̣н̣ам̣ вассаанам̣…бз… саннибаад̇зд̇ваа’’д̇и.
Tattha appabhikkhukoti katipayabhikkhuko. Tadā kira bhikkhū yebhuyyena majjhimadese eva vasiṃsu. Tasmā tattha katipayā eva ahesuṃ , te ca ekasmiṃ nigame eko, ekasmiṃ dveti evaṃ visuṃ visuṃ vasiṃsu. Kicchenāti dukkhena. Kasirenāti āyāsena. Tato tatoti tasmā tasmā gāmanigamādito. Therena hi katipaye bhikkhū ānetvā aññesu ānīyamānesu pubbe ānītā kenacideva karaṇīyena pakkamiṃsu, kiñci kālaṃ āgametvā puna tesu ānīyamānesu itare pakkamiṃsu. Evaṃ punappunaṃ ānayanena sannipāto cireneva ahosi, thero ca tadā ekavihārī ahosi. Dasavaggaṃ bhikkhusaṅghaṃ sannipātetvāti tadā bhagavatā paccantadesepi dasavaggeneva saṅghena upasampadā anuññātā. Itonidānañhi therena yācito pañcavaggena saṅghena paccantadese upasampadaṃ anujāni. Tena vuttaṃ – ‘‘tiṇṇaṃ vassānaṃ…pe… sannipātetvā’’ti.
вассам̣вудтассаад̇и убасамбаж̇ж̇ид̇ваа батамавассам̣ убаг̇анд̇ваа вусид̇авад̇о. ийд̣̇исо жа ийд̣̇исо жаад̇и зваруубо жа зваруубо жа, зваруубааяа наамагааяаруубагааяасамбад̇д̇ияаа саманнааг̇ад̇о, зваруубааяа д̇хаммагааяасамбад̇д̇ияаа саманнааг̇ад̇од̇и суд̇оязва мз со бхаг̇аваа. на ко мз со бхаг̇аваа саммукаа д̣̇идтод̇и зд̇зна бут̇уж̇ж̇анасад̣̇д̇хааяа звам̣ ааяасмаа сон̣о бхаг̇аванд̇ам̣ д̣̇адтугаамо ахоси. абарабхааг̇з бана сад̇т̇аараа сад̣̇д̇хим̣ згаг̇анд̇хагудияам̣ васид̇ваа бажжуусасамаяам̣ аж̇жхидто сол̣аса адтагаваг̇г̇игаани сад̇т̇у саммукаа адтим̣ гад̇ваа манаси гад̇ваа саб̣б̣ам̣ жзд̇асо саманнаахарид̇ваа ад̇т̇ад̇хаммаббадисам̣взд̣̇ий худ̇ваа бхан̣анд̇о д̇хаммуубасан̃хид̇абаамож̇ж̇аад̣̇имукзна самаахид̇о сарабхан̃н̃абарияосаанз вибассанам̣ бадтабзд̇ваа сан̇каарз саммасанд̇о анубуб̣б̣зна арахад̇д̇ам̣ баабун̣и. зд̇ад̣̇ад̇т̇амзва хисса бхаг̇авад̇аа ад̇д̇анаа сад̣̇д̇хим̣ згаг̇анд̇хагудияам̣ ваасо аан̣ад̇д̇од̇и вад̣̇анд̇и.
Vassaṃvuṭṭhassāti upasampajjitvā paṭhamavassaṃ upagantvā vusitavato. Īdiso ca īdiso cāti evarūpo ca evarūpo ca, evarūpāya nāmakāyarūpakāyasampattiyā samannāgato, evarūpāya dhammakāyasampattiyā samannāgatoti sutoyeva me so bhagavā. Na kho me so bhagavā sammukhā diṭṭhoti etena puthujjanasaddhāya evaṃ āyasmā soṇo bhagavantaṃ daṭṭhukāmo ahosi. Aparabhāge pana satthārā saddhiṃ ekagandhakuṭiyaṃ vasitvā paccūsasamayaṃ ajjhiṭṭho soḷasa aṭṭhakavaggikāni satthu sammukhā aṭṭhiṃ katvā manasi katvā sabbaṃ cetaso samannāharitvā atthadhammappaṭisaṃvedī hutvā bhaṇanto dhammūpasañhitapāmojjādimukhena samāhito sarabhaññapariyosāne vipassanaṃ paṭṭhapetvā saṅkhāre sammasanto anupubbena arahattaṃ pāpuṇi. Etadatthameva hissa bhagavatā attanā saddhiṃ ekagandhakuṭiyaṃ vāso āṇattoti vadanti.
гзжи банааху – ‘‘на ко мз со бхаг̇аваа саммукаа д̣̇идто’’д̇и ид̣̇ам̣ руубагааяад̣̇ассанамзва санд̇хааяа вуд̇д̇анд̇и. ааяасмаа хи сон̣о баб̣б̣аж̇ид̇ваава т̇зрасса санд̇игз гаммадтаанам̣ г̇ахзд̇ваа гхадзнд̇о вааяаманд̇о анубасамбаннова сод̇аабанно худ̇ваа убасамбаж̇ж̇ид̇ваа ‘‘убаасагааби сод̇аабаннаа хонд̇и, ахамби сод̇аабанно, гимзд̇т̇а жид̇д̇а’’нд̇и убаримаг̇г̇ад̇т̇ааяа вибассанам̣ вад̣дхзд̇ваа анд̇овассзязва чал̣абхин̃н̃о худ̇ваа висуд̣̇д̇хибавааран̣ааяа баваарзси . арияасажжад̣̇ассанзна хи бхаг̇авад̇о д̇хаммагааяо д̣̇идто наама ход̇и. вуд̇д̇ан̃хзд̇ам̣ –
Keci panāhu – ‘‘na kho me so bhagavā sammukhā diṭṭho’’ti idaṃ rūpakāyadassanameva sandhāya vuttanti. Āyasmā hi soṇo pabbajitvāva therassa santike kammaṭṭhānaṃ gahetvā ghaṭento vāyamanto anupasampannova sotāpanno hutvā upasampajjitvā ‘‘upāsakāpi sotāpannā honti, ahampi sotāpanno, kimettha citta’’nti uparimaggatthāya vipassanaṃ vaḍḍhetvā antovasseyeva chaḷabhiñño hutvā visuddhipavāraṇāya pavāresi . Ariyasaccadassanena hi bhagavato dhammakāyo diṭṭho nāma hoti. Vuttañhetaṃ –
‘‘яо ко, ваггали, д̇хаммам̣ бассад̇и, со мам̣ бассад̇и. яо мам̣ бассад̇и, со д̇хаммам̣ бассад̇ий’’д̇и (сам̣. ни. 3.87).
‘‘Yo kho, vakkali, dhammaṃ passati, so maṃ passati. Yo maṃ passati, so dhammaṃ passatī’’ti (saṃ. ni. 3.87).
д̇асмаасса д̇хаммагааяад̣̇ассанам̣ баг̇зва сид̣̇д̇хам̣, баваарзд̇ваа бана руубагааяам̣ д̣̇адтугаамо ахосийд̇и.
Tasmāssa dhammakāyadassanaṃ pageva siddhaṃ, pavāretvā pana rūpakāyaṃ daṭṭhukāmo ahosīti.
‘‘сажз мам̣ убаж̇жхааяо ануж̇аанаад̇ий’’д̇иби баато. ‘‘бханд̇з’’д̇и бана ликанд̇и. д̇ат̇аа ‘‘саад̇ху саад̇ху, аавусо сон̣а, г̇ажча д̇вам̣, аавусо сон̣аа’’д̇иби баато. ‘‘аавусо’’д̇и бана гзсужи бод̇т̇агзсу над̇т̇и. д̇ат̇аа ‘‘звамаавусод̇и ко ааяасмаа сон̣о’’д̇иби баато. аавусоваад̣̇оязва хи ан̃н̃аман̃н̃ам̣ бхигкуунам̣ бхаг̇авад̇о д̇харамаанагаалз аажин̣н̣о. бхаг̇аванд̇ам̣ баасаад̣̇иганд̇иаад̣̇ийнам̣ бад̣̇аанам̣ ад̇т̇о хздтаа вуд̇д̇оязва.
‘‘Sace maṃ upajjhāyo anujānātī’’tipi pāṭho. ‘‘Bhante’’ti pana likhanti. Tathā ‘‘sādhu sādhu, āvuso soṇa, gaccha tvaṃ, āvuso soṇā’’tipi pāṭho. ‘‘Āvuso’’ti pana kesuci potthakesu natthi. Tathā ‘‘evamāvusoti kho āyasmā soṇo’’tipi pāṭho. Āvusovādoyeva hi aññamaññaṃ bhikkhūnaṃ bhagavato dharamānakāle āciṇṇo. Bhagavantaṃ pāsādikantiādīnaṃ padānaṃ attho heṭṭhā vuttoyeva.
гажжи бхигку каманийяанд̇и бхигку ид̣̇ам̣ д̇уяхам̣ жад̇ужаггам̣ навад̣̇ваарам̣ сарийраяанд̇ам̣ гажжи каманийяам̣, гим̣ саггаа камид̇ум̣ сахид̇ум̣ барихарид̇ум̣, гим̣ д̣̇угкабхааро наабхибхавад̇и. гажжи яаабанийяанд̇и гим̣ д̇ам̣д̇ам̣гижжзсу яаабзд̇ум̣ г̇амзд̇ум̣ саггаа, на ган̃жи анд̇арааяанд̇и д̣̇ассзд̇и. гажжиси аббагиламат̇знаад̇и анааяаасзна имам̣ зд̇д̇агам̣ ад̣̇д̇хаанам̣ гажжи ааг̇ад̇оси.
Kacci bhikkhu khamanīyanti bhikkhu idaṃ tuyhaṃ catucakkaṃ navadvāraṃ sarīrayantaṃ kacci khamanīyaṃ, kiṃ sakkā khamituṃ sahituṃ pariharituṃ, kiṃ dukkhabhāro nābhibhavati. Kacci yāpanīyanti kiṃ taṃtaṃkiccesu yāpetuṃ gametuṃ sakkā, na kañci antarāyanti dasseti. Kaccisi appakilamathenāti anāyāsena imaṃ ettakaṃ addhānaṃ kacci āgatosi.
зд̇ад̣̇ахосийд̇и б̣уд̣̇д̇хаажин̣н̣ам̣ ануссаранд̇асса ааяасмад̇о аананд̣̇асса зд̇ам̣ ‘‘яасса ко мам̣ бхаг̇аваа’’д̇иаад̣̇инаа ид̣̇аани вужжамаанам̣ жид̇д̇з аажин̣н̣ам̣ ахоси. згавихаарзд̇и згаг̇анд̇хагудияам̣. г̇анд̇хагуди хи ид̇ха вихаарод̇и ад̇хиббзд̇аа. вад̇т̇унд̇и васид̇ум̣.
Etadahosīti buddhāciṇṇaṃ anussarantassa āyasmato ānandassa etaṃ ‘‘yassa kho maṃ bhagavā’’tiādinā idāni vuccamānaṃ citte āciṇṇaṃ ahosi. Ekavihāreti ekagandhakuṭiyaṃ. Gandhakuṭi hi idha vihāroti adhippetā. Vatthunti vasituṃ.
нисаж̇ж̇ааяа вийд̇инаамзд̇ваад̇и зд̇т̇а яасмаа бхаг̇аваа ааяасмад̇о сон̣асса самаабад̇д̇исамаабаж̇ж̇анз бадисант̇аарам̣ гаронд̇о саавагасаад̇хааран̣аа саб̣б̣аа самаабад̇д̇ияо ануломабадиломам̣ самаабаж̇ж̇анд̇о б̣ахуд̣̇зва рад̇д̇им̣…бз… вихаарам̣ баависи, д̇асмаа ааяасмааби сон̣о бхаг̇авад̇о ад̇хиббааяам̣ н̃ад̇ваа д̇ад̣̇ануруубам̣ саб̣б̣аа д̇аа самаабад̇д̇ияо самаабаж̇ж̇анд̇о ‘‘б̣ахуд̣̇зва рад̇д̇им̣…бз… вихаарам̣ баависий’’д̇и гзжи вад̣̇анд̇и. бависид̇ваа жа бхаг̇авад̇аа анун̃н̃аад̇о жийварам̣ д̇ирогаран̣ийяам̣ гад̇вааби бхаг̇авад̇о баад̣̇абассз нисаж̇ж̇ааяа вийд̇инаамзси. аж̇жхзсийд̇и аан̣аабзси. бадибхаад̇у д̇ам̣ бхигку д̇хаммо бхаасид̇унд̇и бхигку д̇уяхам̣ д̇хаммо бхаасид̇ум̣ убадтаад̇у н̃аан̣амукз ааг̇ажчад̇у, яат̇аасуд̇ам̣ яат̇аабарияад̇д̇ам̣ д̇хаммам̣ бхан̣аахийд̇и ад̇т̇о.
Nisajjāya vītināmetvāti ettha yasmā bhagavā āyasmato soṇassa samāpattisamāpajjane paṭisanthāraṃ karonto sāvakasādhāraṇā sabbā samāpattiyo anulomapaṭilomaṃ samāpajjanto bahudeva rattiṃ…pe… vihāraṃ pāvisi, tasmā āyasmāpi soṇo bhagavato adhippāyaṃ ñatvā tadanurūpaṃ sabbā tā samāpattiyo samāpajjanto ‘‘bahudeva rattiṃ…pe… vihāraṃ pāvisī’’ti keci vadanti. Pavisitvā ca bhagavatā anuññāto cīvaraṃ tirokaraṇīyaṃ katvāpi bhagavato pādapasse nisajjāya vītināmesi. Ajjhesīti āṇāpesi. Paṭibhātu taṃ bhikkhu dhammo bhāsitunti bhikkhu tuyhaṃ dhammo bhāsituṃ upaṭṭhātu ñāṇamukhe āgacchatu, yathāsutaṃ yathāpariyattaṃ dhammaṃ bhaṇāhīti attho.
сол̣аса адтагаваг̇г̇игаанийд̇и адтагаваг̇г̇абхууд̇аани гаамасуд̇д̇аад̣̇ийни сол̣аса суд̇д̇аани. сарзна абхан̣ийд̇и суд̇д̇уссааран̣асарзна абхааси, сарабхан̃н̃авасзна гат̇зсийд̇и ад̇т̇о. сарабхан̃н̃абарияосаанзд̇и уссааран̣аавасаанз. суг̇г̇ахид̇аанийд̇и саммаа уг̇г̇ахид̇аани. суманасигад̇аанийд̇и судту манаси гад̇аани. згажжо уг̇г̇ахан̣агаалз саммаа уг̇г̇ахзд̇вааби бажчаа саж̇жхааяаад̣̇ивасзна манаси гаран̣агаалз б̣яан̃ж̇анаани ваа мижчаа робзд̇и, бад̣̇абажчаабхадтам̣ ваа гарод̇и, на звамаяам̣. иминаа бана саммад̣̇зва яат̇уг̇г̇ахид̇ам̣ манаси гад̇аани. д̇зна вуд̇д̇ам̣ – ‘‘суманасигад̇аанийд̇и судту манаси гад̇ааний’’д̇и. суубад̇хаарид̇аанийд̇и ад̇т̇ад̇оби судту убад̇хаарид̇аани. ад̇т̇з хи судду убад̇хаарид̇з саггаа баал̣им̣ саммаа уссаарзд̇ум̣. галяаан̣ияааси ваажааяа саманнааг̇ад̇од̇и сит̇илад̇ханид̇аад̣̇ийнам̣ яат̇аавид̇хаанаважанзна бариман̣д̣алабад̣̇аб̣яан̃ж̇анабарибун̣н̣ааяа борияаа ваажааяа саманнааг̇ад̇о ааси. виссадтааяаад̇и вимуд̇д̇ааяа. зд̇знасса вимуд̇д̇аваад̣̇ид̇ам̣ д̣̇ассзд̇и. анзлаг̇ал̣ааяаад̇и злаа вужжад̇и д̣̇осо, д̇ам̣ на баг̇гхарад̇ийд̇и анзлаг̇ал̣аа, д̇ааяа нид̣̇д̣̇осааяаад̇и ад̇т̇о. ат̇а ваа анзлаг̇ал̣ааяаад̇и анзлааяа жа аг̇ал̣ааяа жа нид̣̇д̣̇осааяа аг̇ал̣ид̇абад̣̇аб̣яан̃ж̇анааяа, абарихийнабад̣̇аб̣яан̃ж̇анааяаад̇и ад̇т̇о. д̇ат̇аа хи нам̣ бхаг̇аваа ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ галяаан̣авааггаран̣аанам̣ яад̣̇ид̣̇ам̣ сон̣о гудиган̣н̣о’’д̇и (а. ни. 1.206) зд̇ад̣̇аг̇г̇з табзси. ад̇т̇асса вин̃н̃аабанияаад̇и яат̇аад̇хиббзд̇ам̣ ад̇т̇ам̣ вин̃н̃аабзд̇ум̣ самад̇т̇ааяа.
Soḷasa aṭṭhakavaggikānīti aṭṭhakavaggabhūtāni kāmasuttādīni soḷasa suttāni. Sarena abhaṇīti suttussāraṇasarena abhāsi, sarabhaññavasena kathesīti attho. Sarabhaññapariyosāneti ussāraṇāvasāne. Suggahitānīti sammā uggahitāni. Sumanasikatānīti suṭṭhu manasi katāni. Ekacco uggahaṇakāle sammā uggahetvāpi pacchā sajjhāyādivasena manasi karaṇakāle byañjanāni vā micchā ropeti, padapacchābhaṭṭhaṃ vā karoti, na evamayaṃ. Iminā pana sammadeva yathuggahitaṃ manasi katāni. Tena vuttaṃ – ‘‘sumanasikatānīti suṭṭhu manasi katānī’’ti. Sūpadhāritānīti atthatopi suṭṭhu upadhāritāni. Atthe hi suṭṭu upadhārite sakkā pāḷiṃ sammā ussāretuṃ. Kalyāṇiyāsi vācāya samannāgatoti sithiladhanitādīnaṃ yathāvidhānavacanena parimaṇḍalapadabyañjanaparipuṇṇāya poriyā vācāya samannāgato āsi. Vissaṭṭhāyāti vimuttāya. Etenassa vimuttavāditaṃ dasseti. Anelagaḷāyāti elā vuccati doso, taṃ na paggharatīti anelagaḷā, tāya niddosāyāti attho. Atha vā anelagaḷāyāti anelāya ca agaḷāya ca niddosāya agaḷitapadabyañjanāya, aparihīnapadabyañjanāyāti attho. Tathā hi naṃ bhagavā ‘‘etadaggaṃ, bhikkhave, mama sāvakānaṃ bhikkhūnaṃ kalyāṇavākkaraṇānaṃ yadidaṃ soṇo kuṭikaṇṇo’’ti (a. ni. 1.206) etadagge ṭhapesi. Atthassa viññāpaniyāti yathādhippetaṃ atthaṃ viññāpetuṃ samatthāya.
гад̇ивассод̇и со гира маж̇жхимаваяасса д̇ад̇ияагодтаасз тид̇о аагаббасамбанно жа барзсам̣ жирад̇арабаб̣б̣аж̇ид̇о вияа кааяад̇и. д̇ам̣ санд̇хааяа бхаг̇аваа бужчад̇ийд̇и гзжи, д̇ам̣ агааран̣ам̣. звам̣ санд̇з самаад̇хисукам̣ анубхавид̇ум̣ яуд̇д̇о, зд̇д̇агам̣ гаалам̣ гасмаа бамаад̣̇амаабаннод̇и буна ануяун̃ж̇ид̇ум̣ сад̇т̇аа ‘‘гад̇ивассосий’’д̇и д̇ам̣ бужчад̇и. д̇знзвааха – ‘‘гисса бана д̇вам̣ бхигку звам̣ жирам̣ агаасий’’д̇и.
Kativassoti so kira majjhimavayassa tatiyakoṭṭhāse ṭhito ākappasampanno ca paresaṃ ciratarapabbajito viya khāyati. Taṃ sandhāya bhagavā pucchatīti keci, taṃ akāraṇaṃ. Evaṃ sante samādhisukhaṃ anubhavituṃ yutto, ettakaṃ kālaṃ kasmā pamādamāpannoti puna anuyuñjituṃ satthā ‘‘kativassosī’’ti taṃ pucchati. Tenevāha – ‘‘kissa pana tvaṃ bhikkhu evaṃ ciraṃ akāsī’’ti.
д̇ад̇т̇а гиссаад̇и гим̣ гааран̣аа. звам̣ жирам̣ агаасийд̇и звам̣ жирааяи, гзна гааран̣зна звам̣ жирагаалам̣ баб̣б̣аж̇ж̇ам̣ анубаг̇анд̇ваа аг̇аарамаж̇жхз васийд̇и ад̇т̇о. жирам̣ д̣̇идто мзд̇и жирзна жирагаалзна маяаа д̣̇идто. гаамзсууд̇и гилзсагаамзсу жа вад̇т̇угаамзсу жа. аад̣̇ийнавод̇и д̣̇осо. аби жаад̇и гаамзсу аад̣̇ийнавз гзнажи багаарзна д̣̇идтзби на д̇ааваахам̣ гхарааваасад̇о нигкамид̇ум̣ асагким̣. гасмаа? самб̣аад̇хо гхарааваасо ужжааважзхи гижжагаран̣ийязхи самубаб̣яуул̣хо аг̇аарияабхааво. д̇знзвааха – ‘‘б̣ахугижжо б̣ахугаран̣ийяо’’д̇и.
Tattha kissāti kiṃ kāraṇā. Evaṃ ciraṃ akāsīti evaṃ cirāyi, kena kāraṇena evaṃ cirakālaṃ pabbajjaṃ anupagantvā agāramajjhe vasīti attho. Ciraṃ diṭṭho meti cirena cirakālena mayā diṭṭho. Kāmesūti kilesakāmesu ca vatthukāmesu ca. Ādīnavoti doso. Api cāti kāmesu ādīnave kenaci pakārena diṭṭhepi na tāvāhaṃ gharāvāsato nikkhamituṃ asakkhiṃ. Kasmā? Sambādho gharāvāso uccāvacehi kiccakaraṇīyehi samupabyūḷho agāriyabhāvo. Tenevāha – ‘‘bahukicco bahukaraṇīyo’’ti.
зд̇амад̇т̇ам̣ вид̣̇ид̇ваад̇и гаамзсу яат̇аабхууд̇ам̣ аад̣̇ийнавад̣̇ассино жид̇д̇ам̣ жирааяид̇вааби на бад̇идтаад̇и, ан̃н̃ад̣̇ад̇т̇у бад̣̇умабалаасз уд̣̇агаб̣инд̣̇у вияа винивад̇д̇ад̇иязваад̇и зд̇амад̇т̇ам̣ саб̣б̣аагаарад̇о вид̣̇ид̇ваа. имам̣ уд̣̇аананд̇и бавад̇д̇им̣ нивад̇д̇ин̃жа саммад̣̇зва ж̇аананд̇о бавад̇д̇ияам̣ д̇аннимид̇д̇з жа на гад̣̇аажиби рамад̇ийд̇и ид̣̇амад̇т̇ад̣̇ийбагам̣ имам̣ уд̣̇аанам̣ уд̣̇аанзси.
Etamatthaṃ viditvāti kāmesu yathābhūtaṃ ādīnavadassino cittaṃ cirāyitvāpi na patiṭṭhāti, aññadatthu padumapalāse udakabindu viya vinivattatiyevāti etamatthaṃ sabbākārato viditvā. Imaṃ udānanti pavattiṃ nivattiñca sammadeva jānanto pavattiyaṃ tannimitte ca na kadācipi ramatīti idamatthadīpakaṃ imaṃ udānaṃ udānesi.
д̇ад̇т̇а д̣̇исваа аад̣̇ийнавам̣ логзд̇и саб̣б̣асмим̣ сан̇кааралогз ‘‘анижжо д̣̇угко вибарин̣аамад̇хаммо’’д̇иаад̣̇инаа аад̣̇ийнавам̣ д̣̇осам̣ бан̃н̃ааяа бассид̇ваа. зд̇зна вибассанаавааро гат̇ид̇о . н̃ад̇ваа д̇хаммам̣ нирубад̇хинд̇и саб̣б̣уубад̇хибадиниссаг̇г̇ад̇д̇аа нирубад̇хим̣ ниб̣б̣аанад̇хаммам̣ яат̇аабхууд̇ам̣ н̃ад̇ваа ниссаран̣авивзгаасан̇кад̇аамад̇асабхаавад̇о маг̇г̇ан̃аан̣зна бадивиж̇жхид̇ваа. ‘‘д̣̇исваа н̃ад̇ваа’’д̇и имзсам̣ бад̣̇аанам̣ ‘‘саббим̣ бивид̇ваа б̣алам̣ ход̇и, сийхам̣ д̣̇исваа бхаяам̣ ход̇и, бан̃н̃ааяа д̣̇исваа аасаваа баригкийн̣аа хонд̇ий’’д̇иаад̣̇ийсу (бу. ба. 208; а. ни. 9.42-43) вияа хзд̇уад̇т̇ад̇аа д̣̇адтаб̣б̣аа. арияо на рамад̇ий баабзд̇и гилзсзхи аарагад̇д̇аа арияо саббурисо ан̣умад̇д̇зби баабз на рамад̇и. гасмаа? баабз на рамад̇ий сужийд̇и сувисуд̣̇д̇хагааяасамаажаараад̣̇ид̇ааяа висуд̣̇д̇хабуг̇г̇ало рааж̇ахам̣со вияа уггаарадтаанз баабз сам̣гилидтад̇хаммз на рамад̇и наабхинанд̣̇ад̇и. ‘‘баабо на рамад̇ий сужи’’нд̇иби баато. д̇ассад̇т̇о – баабо баабабуг̇г̇ало сужим̣ анаваж̇ж̇ам̣ вод̣̇аанад̇хаммам̣ на рамад̇и, ан̃н̃ад̣̇ад̇т̇у г̇аамасуугараад̣̇аяо вияа уггаарадтаанам̣ асужим̣ сам̣гилзсад̇хаммам̣язва рамад̇ийд̇и бадибагкад̇о д̣̇зсанам̣ баривад̇д̇зд̇и.
Tattha disvā ādīnavaṃ loketi sabbasmiṃ saṅkhāraloke ‘‘anicco dukkho vipariṇāmadhammo’’tiādinā ādīnavaṃ dosaṃ paññāya passitvā. Etena vipassanāvāro kathito . Ñatvā dhammaṃ nirupadhinti sabbūpadhipaṭinissaggattā nirupadhiṃ nibbānadhammaṃ yathābhūtaṃ ñatvā nissaraṇavivekāsaṅkhatāmatasabhāvato maggañāṇena paṭivijjhitvā. ‘‘Disvā ñatvā’’ti imesaṃ padānaṃ ‘‘sappiṃ pivitvā balaṃ hoti, sīhaṃ disvā bhayaṃ hoti, paññāya disvā āsavā parikkhīṇā hontī’’tiādīsu (pu. pa. 208; a. ni. 9.42-43) viya hetuatthatā daṭṭhabbā. Ariyo na ramatī pāpeti kilesehi ārakattā ariyo sappuriso aṇumattepi pāpe na ramati. Kasmā? Pāpe na ramatī sucīti suvisuddhakāyasamācārāditāya visuddhapuggalo rājahaṃso viya ukkāraṭṭhāne pāpe saṃkiliṭṭhadhamme na ramati nābhinandati. ‘‘Pāpo na ramatī suci’’ntipi pāṭho. Tassattho – pāpo pāpapuggalo suciṃ anavajjaṃ vodānadhammaṃ na ramati, aññadatthu gāmasūkarādayo viya ukkāraṭṭhānaṃ asuciṃ saṃkilesadhammaṃyeva ramatīti paṭipakkhato desanaṃ parivatteti.
звам̣ бхаг̇авад̇аа уд̣̇аанз уд̣̇аанид̇з ааяасмаа сон̣о удтааяаасанаа бхаг̇аванд̇ам̣ ванд̣̇ид̇ваа ад̇д̇ано убаж̇жхааяасса важанзна бажжанд̇ад̣̇зсз бан̃жаваг̇г̇зна убасамбад̣̇аад̣̇ибан̃жавад̇т̇ууни яаажи. бхаг̇авааби д̇аани ануж̇аанийд̇и д̇ам̣ саб̣б̣ам̣ канд̇хагз (махаава. 242 аад̣̇аяо) ааг̇ад̇анаязна взд̣̇ид̇аб̣б̣ам̣.
Evaṃ bhagavatā udāne udānite āyasmā soṇo uṭṭhāyāsanā bhagavantaṃ vanditvā attano upajjhāyassa vacanena paccantadese pañcavaggena upasampadādipañcavatthūni yāci. Bhagavāpi tāni anujānīti taṃ sabbaṃ khandhake (mahāva. 242 ādayo) āgatanayena veditabbaṃ.
чадтасуд̇д̇аван̣н̣анаа нидтид̇аа.
Chaṭṭhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 6. сон̣асуд̇д̇ам̣ • 6. Soṇasuttaṃ
