| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
2. д̣̇уд̇ияабан̣н̣аасагам̣
2. Dutiyapaṇṇāsakaṃ
6. махааваг̇г̇о
6. Mahāvaggo
1. сон̣асуд̇д̇аван̣н̣анаа
1. Soṇasuttavaṇṇanā
55. чадтасса батамз нисийд̣̇и бхаг̇аваа бан̃н̃ад̇д̇з аасанзд̇и зд̇т̇а гим̣ д̇ам̣ аасанам̣ батамамзва бан̃н̃ад̇д̇ам̣, уд̣̇ааху бхаг̇аванд̇ам̣ д̣̇исваа бан̃н̃ад̇д̇анд̇и жз? бхаг̇авад̇о д̇харамаанагаалз бад̇хаанигабхигкуунам̣ вад̇д̇амзд̇ам̣, яад̣̇ид̣̇ам̣ ад̇д̇ано васанадтаанз б̣уд̣̇д̇хаасанам̣ бан̃н̃абзд̇ваава нисийд̣̇ананд̇и д̣̇ассзнд̇о ааха ‘‘бад̇хаанигабхигкуу’’д̇иаад̣̇и. б̣уд̣̇д̇хагаалз гира яад̇т̇а яад̇т̇а згоби бхигку вихарад̇и, саб̣б̣ад̇т̇а б̣уд̣̇д̇хаасанам̣ бан̃н̃ад̇д̇амзва ход̇и. гасмаа? бхаг̇аваа хи ад̇д̇ано санд̇игз гаммадтаанам̣ г̇ахзд̇ваа паасугадтаанз вихаранд̇з манаси гарод̇и – ‘‘асуго маяхам̣ санд̇игз гаммадтаанам̣ г̇ахзд̇ваа г̇ад̇о, асагки ну ко висзсам̣ ниб̣б̣ад̇д̇зд̇ум̣, но’’д̇и. ат̇а нам̣ бассад̇и гаммадтаанам̣ виссаж̇ж̇зд̇ваа агусалавид̇аггам̣ вид̇аггаяамаанам̣, д̇ад̇о ‘‘гат̇ан̃хи наама маад̣̇исасса сад̇т̇у санд̇игз гаммадтаанам̣ г̇ахзд̇ваа вихаранд̇ам̣ имам̣ гулабуд̇д̇ам̣ агусалавид̇аггаа ад̇хибхавид̇ваа анамад̇аг̇г̇з ваддад̣̇угкз сам̣саарзссанд̇ий’’д̇и д̇асса ануг̇г̇ахад̇т̇ам̣ д̇ад̇т̇зва ад̇д̇аанам̣ д̣̇ассзд̇ваа д̇ам̣ гулабуд̇д̇ам̣ овад̣̇ид̇ваа аагаасам̣ уббад̇ид̇ваа буна ад̇д̇ано васанадтаанамзва г̇ажчад̇и. ат̇звам̣ овад̣̇ияамаанаа д̇з бхигкуу жинд̇аяим̣су ‘‘сад̇т̇аа амхаагам̣ манам̣ ж̇аанид̇ваа ааг̇анд̇ваа амхаагам̣ самийбз тид̇ам̣язва ад̇д̇аанам̣ д̣̇ассзд̇и. д̇асмим̣ кан̣з, ‘бханд̇з, ид̇ха нисийд̣̇ат̇а нисийд̣̇ат̇аа’д̇и аасанабариязсанам̣ наама бхааро’’д̇и. д̇з аасанам̣ бан̃н̃абзд̇ваава вихаранд̇и. яасса бийтам̣ ад̇т̇и, со д̇ам̣ бан̃н̃абзд̇и. яасса над̇т̇и, со ман̃жам̣ ваа палагам̣ ваа баасаан̣ам̣ ваа ваалигаабун̃ж̇ам̣ ваа бан̃н̃абзд̇и. д̇ам̣ алабхамаанаа бураан̣абан̣н̣ааниби сам̣гад̣дхид̇ваа д̇ад̇т̇а бам̣сугуулам̣ бад̇т̇арид̇ваа табзнд̇и.
55. Chaṭṭhassa paṭhame nisīdi bhagavā paññatte āsaneti ettha kiṃ taṃ āsanaṃ paṭhamameva paññattaṃ, udāhu bhagavantaṃ disvā paññattanti ce? Bhagavato dharamānakāle padhānikabhikkhūnaṃ vattametaṃ, yadidaṃ attano vasanaṭṭhāne buddhāsanaṃ paññapetvāva nisīdananti dassento āha ‘‘padhānikabhikkhū’’tiādi. Buddhakāle kira yattha yattha ekopi bhikkhu viharati, sabbattha buddhāsanaṃ paññattameva hoti. Kasmā? Bhagavā hi attano santike kammaṭṭhānaṃ gahetvā phāsukaṭṭhāne viharante manasi karoti – ‘‘asuko mayhaṃ santike kammaṭṭhānaṃ gahetvā gato, asakkhi nu kho visesaṃ nibbattetuṃ, no’’ti. Atha naṃ passati kammaṭṭhānaṃ vissajjetvā akusalavitakkaṃ vitakkayamānaṃ, tato ‘‘kathañhi nāma mādisassa satthu santike kammaṭṭhānaṃ gahetvā viharantaṃ imaṃ kulaputtaṃ akusalavitakkā adhibhavitvā anamatagge vaṭṭadukkhe saṃsāressantī’’ti tassa anuggahatthaṃ tattheva attānaṃ dassetvā taṃ kulaputtaṃ ovaditvā ākāsaṃ uppatitvā puna attano vasanaṭṭhānameva gacchati. Athevaṃ ovadiyamānā te bhikkhū cintayiṃsu ‘‘satthā amhākaṃ manaṃ jānitvā āgantvā amhākaṃ samīpe ṭhitaṃyeva attānaṃ dasseti. Tasmiṃ khaṇe, ‘bhante, idha nisīdatha nisīdathā’ti āsanapariyesanaṃ nāma bhāro’’ti. Te āsanaṃ paññapetvāva viharanti. Yassa pīṭhaṃ atthi, so taṃ paññapeti. Yassa natthi, so mañcaṃ vā phalakaṃ vā pāsāṇaṃ vā vālikāpuñjaṃ vā paññapeti. Taṃ alabhamānā purāṇapaṇṇānipi saṃkaḍḍhitvā tattha paṃsukūlaṃ pattharitvā ṭhapenti.
сад̇д̇а сараад̇и – чаж̇ж̇о, усабхо, г̇анд̇хааро, маж̇жхимо, бан̃жамо, д̇хзвад̇о, нисаад̣̇од̇и зд̇з сад̇д̇а сараа. д̇аяо г̇аамаад̇и – чаж̇ж̇аг̇аамо, маж̇жхимаг̇аамо, саад̇хааран̣аг̇аамод̇и д̇аяо г̇аамаа, самуухаад̇и ад̇т̇о. мануссалогз вийн̣ааваад̣̇анаа згзгасса сарасса васзна д̇аяо д̇аяо мужчанаад̇и гад̇ваа згавийсад̇и мужчанаа. д̣̇звалогз вийн̣ааваад̣̇анаа бана самабан̃н̃ааса мужчанаад̇и вад̣̇анд̇и. д̇ад̇т̇а хи згзгасса сарасса васзна сад̇д̇а сад̇д̇а мужчанаа, анд̇арасса сарасса жа згаад̇и самабан̃н̃ааса мужчанаа. д̇знзва саггабан̃хасуд̇д̇асам̣ван̣н̣анааяам̣ (д̣̇ий. ни. адта. 2.345) ‘‘самабан̃н̃ааса мужчанаа мужчзд̇ваа’’д̇и бан̃жасикасса вийн̣ааваад̣̇анам̣ д̣̇ассзнд̇зна вуд̇д̇ам̣. таанаа згуунабан̃н̃аасаад̇и згзгассзва сарасса сад̇д̇а сад̇д̇а таанабхзд̣̇аа, яад̇о сарасса ман̣д̣алад̇аававад̇т̇аанам̣ ход̇и. згуунабан̃н̃аасадтаанависзсо д̇иссо д̣̇увз жад̇ассо жад̇ассо д̇иссо д̣̇увз жад̇ассод̇и д̣̇ваавийсад̇и суд̇ибхзд̣̇аа жа ижчид̇аа.
Satta sarāti – chajjo, usabho, gandhāro, majjhimo, pañcamo, dhevato, nisādoti ete satta sarā. Tayo gāmāti – chajjagāmo, majjhimagāmo, sādhāraṇagāmoti tayo gāmā, samūhāti attho. Manussaloke vīṇāvādanā ekekassa sarassa vasena tayo tayo mucchanāti katvā ekavīsati mucchanā. Devaloke vīṇāvādanā pana samapaññāsa mucchanāti vadanti. Tattha hi ekekassa sarassa vasena satta satta mucchanā, antarassa sarassa ca ekāti samapaññāsa mucchanā. Teneva sakkapañhasuttasaṃvaṇṇanāyaṃ (dī. ni. aṭṭha. 2.345) ‘‘samapaññāsa mucchanā mucchetvā’’ti pañcasikhassa vīṇāvādanaṃ dassentena vuttaṃ. Ṭhānā ekūnapaññāsāti ekekasseva sarassa satta satta ṭhānabhedā, yato sarassa maṇḍalatāvavatthānaṃ hoti. Ekūnapaññāsaṭṭhānaviseso tisso duve catasso catasso tisso duve catassoti dvāvīsati sutibhedā ca icchitā.
ад̇иг̇аал̣хам̣ аарад̣̇д̇ханд̇и т̇инамид̣̇д̇хачамбхид̇ад̇д̇аанам̣ вуубасамад̇т̇ам̣ ад̇ивияа аарад̣̇д̇хам̣. саб̣б̣ад̇т̇а нияуд̇д̇аа саб̣б̣ад̇т̇игаа. саб̣б̣зна ваа лийнуд̣̇д̇хажжабагкиязна ад̇т̇зд̇аб̣б̣аа саб̣б̣ад̇т̇игаа. самат̇оязва самат̇анимид̇д̇ам̣. звам̣ сзсзсуби. каяаа рааг̇асса вийд̇арааг̇ад̇д̇аад̇и зд̇т̇а яасмаа б̣аахираго гаамзсу вийд̇арааг̇о на каяаа рааг̇асса вийд̇арааг̇о саб̣б̣асо авиббахийнарааг̇ад̇д̇аа. вигкамбхид̇арааг̇о хи со. арахаа бана каяаа зва, д̇асмаа вуд̇д̇ам̣ ‘‘каяаа рааг̇асса вийд̇арааг̇ад̇д̇аа’’д̇и. зса наяо д̣̇осамохзсуби.
Atigāḷhaṃ āraddhanti thinamiddhachambhitattānaṃ vūpasamatthaṃ ativiya āraddhaṃ. Sabbattha niyuttā sabbatthikā. Sabbena vā līnuddhaccapakkhiyena atthetabbā sabbatthikā. Samathoyeva samathanimittaṃ. Evaṃ sesesupi. Khayā rāgassa vītarāgattāti ettha yasmā bāhirako kāmesu vītarāgo na khayā rāgassa vītarāgo sabbaso avippahīnarāgattā. Vikkhambhitarāgo hi so. Arahā pana khayā eva, tasmā vuttaṃ ‘‘khayā rāgassa vītarāgattā’’ti. Esa nayo dosamohesupi.
лаабхасаггаарасилогам̣ нигаамаяамаанод̇и зд̇т̇а лаб̣бхад̇и баабун̣ийяад̇ийд̇и лаабхо, жад̇уннам̣ бажжаяаанамзд̇ам̣ ад̇хиважанам̣. саггажжам̣ гаад̇аб̣б̣од̇и саггааро. бажжаяаа зва хи бан̣ийд̇абан̣ийд̇аа сунд̣̇арасунд̣̇араа абхисан̇карид̇ваа гад̇аа ‘‘саггааро’’д̇и вужжад̇и, яаа жа барзхи ад̇д̇ано г̇ааравагирияаа, бубпаад̣̇ийхи ваа бууж̇аа. силогод̇и ван̣н̣абхан̣анам̣. д̇ам̣ лаабхан̃жа, саггааран̃жа, силоган̃жа, нигаамаяамаано, бавад̇д̇аяамаанод̇и ад̇т̇о. д̇знзвааха ‘‘жад̇убажжаяалаабхан̃жа…бз… бад̇т̇аяамаано’’д̇и.
Lābhasakkārasilokaṃ nikāmayamānoti ettha labbhati pāpuṇīyatīti lābho, catunnaṃ paccayānametaṃ adhivacanaṃ. Sakkaccaṃ kātabboti sakkāro. Paccayā eva hi paṇītapaṇītā sundarasundarā abhisaṅkharitvā katā ‘‘sakkāro’’ti vuccati, yā ca parehi attano gāravakiriyā, pupphādīhi vā pūjā. Silokoti vaṇṇabhaṇanaṃ. Taṃ lābhañca, sakkārañca, silokañca, nikāmayamāno, pavattayamānoti attho. Tenevāha ‘‘catupaccayalābhañca…pe… patthayamāno’’ti.
т̇уун̣анд̇и басуунам̣ б̣анд̇ханад̇т̇ааяа никаад̇ад̇т̇амбхасан̇каад̇ам̣ т̇уун̣ам̣. сзсам̣ сувин̃н̃зяяамзва.
Thūṇanti pasūnaṃ bandhanatthāya nikhātatthambhasaṅkhātaṃ thūṇaṃ. Sesaṃ suviññeyyameva.
сон̣асуд̇д̇аван̣н̣анаа нидтид̇аа.
Soṇasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. сон̣асуд̇д̇ам̣ • 1. Soṇasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. сон̣асуд̇д̇аван̣н̣анаа • 1. Soṇasuttavaṇṇanā
