| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
(၂၀) ၅. ဗ္ရာဟ္မဏဝဂ္ဂော
(20) 5. Brāhmaṇavaggo
၁. သောဏသုတ္တဝဏ္ဏနာ
1. Soṇasuttavaṇṇanā
၁၉၁. ပဉ္စမသ္သ ပဌမေ ဗ္ရာဟ္မဏဓမ္မာတိ ဗ္ရာဟ္မဏသဘာဝာ။ သုနခေသူတိ ကုက္ကုရေသု။ နေဝ ကိဏန္တိ န ဝိက္ကိဏန္တီတိ န ဂဏ္ဟန္တာ ကိဏန္တိ, န ဒဒန္တာ ဝိက္ကိဏန္တိ။ သမ္ပိယေနေဝ သံဝာသံ သံဗန္ဓာယ သမ္ပဝတ္တေန္တီတိ ပိယော ပိယံ ဥပသင္ကမိတ္ဝာ ပဝေဏိယာ ဗန္ဓနတ္ထံ သံဝာသံ ပဝတ္တယန္တိ ။ ဥဒရာဝဒေဟကန္တိ ဥဒရံ အဝဒိဟိတ္ဝာ ဥပစိနိတ္ဝာ ပူရေတ္ဝာ။ အဝသေသံ အာဒာယ ပက္ကမန္တီတိ ယံ ဘုဉ္ဇိတုံ န သက္ကောန္တိ, တံ ဘဏ္ဍိကံ ကတ္ဝာ ဂဟေတ္ဝာ ဂစ္ဆန္တိ။ ဣမသ္မိံ သုတ္တေ ဝဋ္ဋမေဝ ကထိတံ။
191. Pañcamassa paṭhame brāhmaṇadhammāti brāhmaṇasabhāvā. Sunakhesūti kukkuresu. Neva kiṇanti na vikkiṇantīti na gaṇhantā kiṇanti, na dadantā vikkiṇanti. Sampiyeneva saṃvāsaṃ saṃbandhāya sampavattentīti piyo piyaṃ upasaṅkamitvā paveṇiyā bandhanatthaṃ saṃvāsaṃ pavattayanti . Udarāvadehakanti udaraṃ avadihitvā upacinitvā pūretvā. Avasesaṃ ādāya pakkamantīti yaṃ bhuñjituṃ na sakkonti, taṃ bhaṇḍikaṃ katvā gahetvā gacchanti. Imasmiṃ sutte vaṭṭameva kathitaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁. သောဏသုတ္တံ • 1. Soṇasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁. သောဏသုတ္တဝဏ္ဏနာ • 1. Soṇasuttavaṇṇanā
