| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
8. сон̣аат̇зрийг̇аат̇ааван̣н̣анаа
8. Soṇātherīgāthāvaṇṇanā
д̣̇аса буд̇д̇з виж̇ааяид̇ваад̇иаад̣̇игаа сон̣ааяа т̇зрияаа г̇аат̇аа. аяамби бад̣̇умуд̇д̇арасса бхаг̇авад̇о гаалз хам̣савад̇ийнаг̇арз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇ваа згад̣̇ивасам̣ сад̇т̇у санд̇игз д̇хаммам̣ сун̣анд̇ий сад̇т̇аарам̣ згам̣ бхигкуним̣ аарад̣̇д̇хавийрияаанам̣ бхигкунийнам̣ аг̇г̇адтаанз табзнд̇ам̣ д̣̇исваа, ад̇хигаарагаммам̣ гад̇ваа саяамби д̇ам̣ таананд̇арам̣ бад̇т̇зд̇ваа яааваж̇ийвам̣ бун̃н̃аани гад̇ваа, д̇ад̇о жуд̇аа габбасад̇асахассам̣ д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з саавад̇т̇ияам̣ гулаг̇зхз ниб̣б̣ад̇д̇ид̇ваа ваяаббад̇д̇аа бад̇игулам̣ г̇ад̇аа д̣̇аса буд̇д̇ад̇хийд̇аро лабхид̇ваа б̣ахубуд̇д̇игаад̇и бан̃н̃ааяид̇т̇а. саа саамигз баб̣б̣аж̇ид̇з ваяаббад̇д̇з буд̇д̇ад̇хийд̇аро гхарааваасз бад̇идтаабзд̇ваа саб̣б̣ам̣ д̇ханам̣ буд̇д̇аанам̣ вибхаж̇ид̇ваа ад̣̇ааси, на гин̃жи ад̇д̇ано табзси. д̇ам̣ буд̇д̇аа жа д̇хийд̇аро жа гад̇ибаахамзва убадтахид̇ваа барибхавам̣ агам̣су. саа ‘‘гим̣ маяхам̣ имзхи барибхавааяа гхарз васанд̇ияаа’’д̇и бхигкунияо убасан̇гамид̇ваа баб̣б̣аж̇ж̇ам̣ яаажи. д̇ам̣ бхигкунияо баб̣б̣ааж̇зсум̣. саа лад̣̇д̇хуубасамбад̣̇аа ‘‘ахам̣ махаллигаагаалз баб̣б̣аж̇ид̇ваа аббамад̇д̇ааяа бхавид̇аб̣б̣а’’нд̇и бхигкунийнам̣ вад̇д̇абадивад̇д̇ам̣ гаронд̇ий ‘‘саб̣б̣арад̇д̇им̣ саман̣ад̇хаммам̣ гариссаамий’’д̇и хздтаабаасаад̣̇з згат̇амбхам̣ хад̇т̇зна г̇ахзд̇ваа д̇ам̣ авиж̇ахамаанаа саман̣ад̇хаммам̣ гаронд̇ий жан̇гамамаанааби ‘‘анд̇хагаарз таанз ругкаад̣̇ийсу яад̇т̇а гад̇т̇ажи мз сийсам̣ бадихан̃н̃зяяаа’’д̇и ругкам̣ хад̇т̇зна г̇ахзд̇ваа д̇ам̣ авиж̇ахамаанаава саман̣ад̇хаммам̣ гарод̇и. д̇ад̇о бадтааяа саа аарад̣̇д̇хавийрияад̇ааяа баагадаа ахоси. сад̇т̇аа д̇ассаа н̃аан̣абарибаагам̣ д̣̇исваа г̇анд̇хагудияам̣ нисиннова обхаасам̣ парид̇ваа саммукз нисинно вияа ад̇д̇аанам̣ д̣̇ассзд̇ваа –
Dasa putte vijāyitvātiādikā soṇāya theriyā gāthā. Ayampi padumuttarassa bhagavato kāle haṃsavatīnagare kulagehe nibbattitvā viññutaṃ patvā ekadivasaṃ satthu santike dhammaṃ suṇantī satthāraṃ ekaṃ bhikkhuniṃ āraddhavīriyānaṃ bhikkhunīnaṃ aggaṭṭhāne ṭhapentaṃ disvā, adhikārakammaṃ katvā sayampi taṃ ṭhānantaraṃ patthetvā yāvajīvaṃ puññāni katvā, tato cutā kappasatasahassaṃ devamanussesu saṃsaritvā imasmiṃ buddhuppāde sāvatthiyaṃ kulagehe nibbattitvā vayappattā patikulaṃ gatā dasa puttadhītaro labhitvā bahuputtikāti paññāyittha. Sā sāmike pabbajite vayappatte puttadhītaro gharāvāse patiṭṭhāpetvā sabbaṃ dhanaṃ puttānaṃ vibhajitvā adāsi, na kiñci attano ṭhapesi. Taṃ puttā ca dhītaro ca katipāhameva upaṭṭhahitvā paribhavaṃ akaṃsu. Sā ‘‘kiṃ mayhaṃ imehi paribhavāya ghare vasantiyā’’ti bhikkhuniyo upasaṅkamitvā pabbajjaṃ yāci. Taṃ bhikkhuniyo pabbājesuṃ. Sā laddhūpasampadā ‘‘ahaṃ mahallikākāle pabbajitvā appamattāya bhavitabba’’nti bhikkhunīnaṃ vattapaṭivattaṃ karontī ‘‘sabbarattiṃ samaṇadhammaṃ karissāmī’’ti heṭṭhāpāsāde ekathambhaṃ hatthena gahetvā taṃ avijahamānā samaṇadhammaṃ karontī caṅkamamānāpi ‘‘andhakāre ṭhāne rukkhādīsu yattha katthaci me sīsaṃ paṭihaññeyyā’’ti rukkhaṃ hatthena gahetvā taṃ avijahamānāva samaṇadhammaṃ karoti. Tato paṭṭhāya sā āraddhavīriyatāya pākaṭā ahosi. Satthā tassā ñāṇaparipākaṃ disvā gandhakuṭiyaṃ nisinnova obhāsaṃ pharitvā sammukhe nisinno viya attānaṃ dassetvā –
‘‘яо жа вассасад̇ам̣ ж̇ийвз, абассам̣ д̇хаммамуд̇д̇амам̣;
‘‘Yo ca vassasataṃ jīve, apassaṃ dhammamuttamaṃ;
згаахам̣ ж̇ийвид̇ам̣ сзяяо, бассад̇о д̇хаммамуд̇д̇ама’’нд̇и. (д̇ха. ба. 115) –
Ekāhaṃ jīvitaṃ seyyo, passato dhammamuttama’’nti. (dha. pa. 115) –
г̇аат̇ам̣ абхааси. саа г̇аат̇аабарияосаанз арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зрий 2.3.220-243) –
Gāthaṃ abhāsi. Sā gāthāpariyosāne arahattaṃ pāpuṇi. Tena vuttaṃ apadāne (apa. therī 2.3.220-243) –
‘‘бад̣̇умуд̇д̇аро наама ж̇ино, саб̣б̣ад̇хаммаана баараг̇уу;
‘‘Padumuttaro nāma jino, sabbadhammāna pāragū;
ид̇о сад̇асахассамхи, габбз уббаж̇ж̇и нааяаго.
Ito satasahassamhi, kappe uppajji nāyako.
‘‘д̇ад̣̇аа сздтигулз ж̇аад̇аа, сукид̇аа бууж̇ид̇аа бияаа;
‘‘Tadā seṭṭhikule jātā, sukhitā pūjitā piyā;
убзд̇ваа д̇ам̣ муниварам̣, ассосим̣ мад̇хурам̣ важам̣.
Upetvā taṃ munivaraṃ, assosiṃ madhuraṃ vacaṃ.
‘‘аарад̣̇д̇хавийрияаанаг̇г̇ам̣, ван̣н̣зси бхигкуним̣ ж̇ино;
‘‘Āraddhavīriyānaggaṃ, vaṇṇesi bhikkhuniṃ jino;
д̇ам̣ суд̇ваа муд̣̇ид̇аа худ̇ваа, гаарам̣ гад̇ваана сад̇т̇уно.
Taṃ sutvā muditā hutvā, kāraṃ katvāna satthuno.
‘‘абхиваад̣̇ияа самб̣уд̣̇д̇хам̣, таанам̣ д̇ам̣ бад̇т̇аяим̣ д̇ад̣̇аа;
‘‘Abhivādiya sambuddhaṃ, ṭhānaṃ taṃ patthayiṃ tadā;
анумод̣̇и махаавийро, сиж̇жхад̇ам̣ бан̣ид̇хий д̇ава.
Anumodi mahāvīro, sijjhataṃ paṇidhī tava.
‘‘сад̇асахассид̇о габбз, оггаагагуласамбхаво;
‘‘Satasahassito kappe, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
‘‘д̇асса д̇хаммзсу д̣̇ааяаад̣̇аа, орасаа д̇хамманиммид̇аа;
‘‘Tassa dhammesu dāyādā, orasā dhammanimmitā;
сон̣аад̇и наама наамзна, хзссад̇и сад̇т̇у саавигаа.
Soṇāti nāma nāmena, hessati satthu sāvikā.
‘‘д̇ам̣ суд̇ваа муд̣̇ид̇аа худ̇ваа, яааваж̇ийвам̣ д̇ад̣̇аа ж̇инам̣;
‘‘Taṃ sutvā muditā hutvā, yāvajīvaṃ tadā jinaṃ;
мзд̇д̇ажид̇д̇аа барижарим̣, бажжаязхи винааяагам̣.
Mettacittā paricariṃ, paccayehi vināyakaṃ.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘бажчимз жа бхавз д̣̇аани, ж̇аад̇аа сздтигулз ахам̣;
‘‘Pacchime ca bhave dāni, jātā seṭṭhikule ahaṃ;
саавад̇т̇ияам̣ бураварз, ид̣̇д̇хз пийд̇з махад̣̇д̇ханз.
Sāvatthiyaṃ puravare, iddhe phīte mahaddhane.
‘‘яад̣̇аа жа яоб̣б̣анаббад̇д̇аа, г̇анд̇ваа бад̇игулам̣ ахам̣;
‘‘Yadā ca yobbanappattā, gantvā patikulaṃ ahaṃ;
д̣̇аса буд̇д̇аани аж̇аним̣, суруубаани висзсад̇о.
Dasa puttāni ajaniṃ, surūpāni visesato.
‘‘сукзд̇хид̇аа жа д̇з саб̣б̣з, ж̇ананзд̇д̇аманохараа;
‘‘Sukhedhitā ca te sabbe, jananettamanoharā;
амид̇д̇аанамби ружид̇аа, мама баг̇зва д̇з сияаа.
Amittānampi rucitā, mama pageva te siyā.
‘‘д̇ад̇о маяхам̣ агаамааяа, д̣̇асабуд̇д̇абурагкад̇о;
‘‘Tato mayhaṃ akāmāya, dasaputtapurakkhato;
баб̣б̣аж̇ид̇т̇а са мз бхад̇д̇аа, д̣̇звад̣̇звасса саасанз.
Pabbajittha sa me bhattā, devadevassa sāsane.
‘‘д̇ад̣̇згигаа вижинд̇зсим̣, ж̇ийвид̇знааламад̇т̇у мз;
‘‘Tadekikā vicintesiṃ, jīvitenālamatthu me;
жад̇д̇ааяа бад̇ибуд̇д̇зхи, вуд̣дхааяа жа вараагияаа.
Cattāya patiputtehi, vuḍḍhāya ca varākiyā.
‘‘ахамби д̇ад̇т̇а г̇ажчиссам̣, самбад̇д̇о яад̇т̇а мз бад̇и;
‘‘Ahampi tattha gacchissaṃ, sampatto yattha me pati;
зваахам̣ жинд̇аяид̇ваана, баб̣б̣аж̇им̣ анаг̇аарияам̣.
Evāhaṃ cintayitvāna, pabbajiṃ anagāriyaṃ.
‘‘д̇ад̇о жа мам̣ бхигкунияо, згам̣ бхигкунубассаяз;
‘‘Tato ca maṃ bhikkhuniyo, ekaṃ bhikkhunupassaye;
вихааяа г̇ажчумоваад̣̇ам̣, д̇аабзхи уд̣̇агам̣ ид̇и.
Vihāya gacchumovādaṃ, tāpehi udakaṃ iti.
‘‘д̇ад̣̇аа уд̣̇агамаахид̇ваа, огирид̇ваана гумбхияаа;
‘‘Tadā udakamāhitvā, okiritvāna kumbhiyā;
жуллз табзд̇ваа аасийнаа, д̇ад̇о жид̇д̇ам̣ самаад̣̇ахим̣.
Culle ṭhapetvā āsīnā, tato cittaṃ samādahiṃ.
‘‘канд̇хз анижжад̇о д̣̇исваа, д̣̇угкад̇о жа анад̇д̇ад̇о;
‘‘Khandhe aniccato disvā, dukkhato ca anattato;
кзбзд̇ваа аасавз саб̣б̣з, арахад̇д̇амабаабун̣им̣.
Khepetvā āsave sabbe, arahattamapāpuṇiṃ.
‘‘д̇ад̣̇ааг̇анд̇ваа бхигкунияо, ун̣ход̣̇агамабужчисум̣;
‘‘Tadāgantvā bhikkhuniyo, uṇhodakamapucchisuṃ;
д̇зж̇од̇хаад̇умад̇хидтааяа, киббам̣ санд̇аабаяим̣ ж̇алам̣.
Tejodhātumadhiṭṭhāya, khippaṃ santāpayiṃ jalaṃ.
‘‘вимхид̇аа д̇аа ж̇инаварам̣, зд̇амад̇т̇амасааваяум̣;
‘‘Vimhitā tā jinavaraṃ, etamatthamasāvayuṃ;
д̇ам̣ суд̇ваа муд̣̇ид̇о наат̇о, имам̣ г̇аат̇ам̣ абхаасат̇а.
Taṃ sutvā mudito nātho, imaṃ gāthaṃ abhāsatha.
‘‘яо жа вассасад̇ам̣ ж̇ийвз, гусийд̇о хийнавийрияо;
‘‘Yo ca vassasataṃ jīve, kusīto hīnavīriyo;
згаахам̣ ж̇ийвид̇ам̣ сзяяо, вийрияамаарабхад̇о д̣̇ал̣хам̣.
Ekāhaṃ jīvitaṃ seyyo, vīriyamārabhato daḷhaṃ.
‘‘аараад̇хид̇о махаавийро, маяаа суббадибад̇д̇ияаа;
‘‘Ārādhito mahāvīro, mayā suppaṭipattiyā;
аарад̣̇д̇хавийрияаанаг̇г̇ам̣, мамааха са махаамуни.
Āraddhavīriyānaggaṃ, mamāha sa mahāmuni.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
ат̇а нам̣ бхаг̇аваа бхигкунияо бадибаадияаа таананд̇арз табзнд̇о аарад̣̇д̇хавийрияаанам̣ аг̇г̇адтаанз табзси. саа згад̣̇ивасам̣ ад̇д̇ано бадибад̇д̇им̣ бажжавзгкид̇ваа уд̣̇аанавасзна –
Atha naṃ bhagavā bhikkhuniyo paṭipāṭiyā ṭhānantare ṭhapento āraddhavīriyānaṃ aggaṭṭhāne ṭhapesi. Sā ekadivasaṃ attano paṭipattiṃ paccavekkhitvā udānavasena –
102.
102.
‘‘д̣̇аса буд̇д̇з виж̇ааяид̇ваа, асмим̣ руубасамуссаяз;
‘‘Dasa putte vijāyitvā, asmiṃ rūpasamussaye;
д̇ад̇охам̣ д̣̇уб̣б̣алаа ж̇ин̣н̣аа, бхигкуним̣ убасан̇гамим̣.
Tatohaṃ dubbalā jiṇṇā, bhikkhuniṃ upasaṅkamiṃ.
103.
103.
‘‘саа мз д̇хаммамад̣̇зсзси, канд̇хааяад̇анад̇хаад̇уяо;
‘‘Sā me dhammamadesesi, khandhāyatanadhātuyo;
д̇ассаа д̇хаммам̣ сун̣ид̇ваана, гзсз чзд̇ваана баб̣б̣аж̇им̣.
Tassā dhammaṃ suṇitvāna, kese chetvāna pabbajiṃ.
104.
104.
‘‘д̇ассаа мз сигкамаанааяа, д̣̇иб̣б̣ажагку висод̇хид̇ам̣;
‘‘Tassā me sikkhamānāya, dibbacakkhu visodhitaṃ;
буб̣б̣зниваасам̣ ж̇аанаами, яад̇т̇а мз вусид̇ам̣ бурз.
Pubbenivāsaṃ jānāmi, yattha me vusitaṃ pure.
105.
105.
‘‘анимид̇д̇ан̃жа бхаавзми, згаг̇г̇аа сусамаахид̇аа;
‘‘Animittañca bhāvemi, ekaggā susamāhitā;
ананд̇араавимогкаасим̣, анубаад̣̇ааяа ниб̣б̣уд̇аа.
Anantarāvimokkhāsiṃ, anupādāya nibbutā.
106.
106.
‘‘бан̃жагканд̇хаа барин̃н̃аад̇аа, д̇идтанд̇и чиннамуулагаа;
‘‘Pañcakkhandhā pariññātā, tiṭṭhanti chinnamūlakā;
д̇хи д̇авад̇т̇у ж̇арз ж̇аммз, над̇т̇и д̣̇аани бунаб̣бхаво’’д̇и. – имаа г̇аат̇аа абхааси;
Dhi tavatthu jare jamme, natthi dāni punabbhavo’’ti. – imā gāthā abhāsi;
д̇ад̇т̇а руубасамуссаязд̇и руубасан̇каад̇з самуссаяз. аяан̃хи руубасад̣̇д̣̇о ‘‘жагкун̃жа бадижжа руубз жа уббаж̇ж̇ад̇и жагкувин̃н̃аан̣а’’нд̇иаад̣̇ийсу (сам̣. ни. 4.60) руубааяад̇анз ааг̇ад̇о. ‘‘яам̣гин̃жи руубам̣ ад̇ийд̇аанааг̇ад̇абажжуббанна’’нд̇иаад̣̇ийсу (а. ни. 4.181) руубагканд̇хз. ‘‘бияаруубз саад̇аруубз раж̇ж̇ад̇ий’’д̇иаад̣̇ийсу (ма. ни. 1.409) сабхаавз. ‘‘б̣ахид̣̇д̇хаа руубаани бассад̇ий’’д̇иаад̣̇ийсу (д̣̇ий. ни. 3.338; а. ни. 1.427-434) гасин̣ааяад̇анз. ‘‘руубий руубаани бассад̇ий’’д̇иаад̣̇ийсу (д̣̇ий. ни. 3.339; а. ни. 1.435-442) руубажхаанз. ‘‘адтин̃жа бадижжа нхаарун̃жа бадижжа мам̣сан̃жа бадижжа жамман̃жа бадижжа аагаасо бариваарид̇о руубанд̇взва сан̇кам̣ г̇ажчад̇ий’’д̇иаад̣̇ийсу (ма. ни. 1.306) руубагааяз. ид̇хааби руубагааязва д̣̇адтаб̣б̣о. самуссаяасад̣̇д̣̇оби адтийнам̣ сарийрасса барияааяо. ‘‘сад̇анд̇и самуссаяаа’’д̇иаад̣̇ийсу адтисарийрабарияааяз. ‘‘аад̇урам̣ асужим̣ бууд̇им̣, басса нанд̣̇з самуссаяа’’нд̇иаад̣̇ийсу (т̇зраг̇аа. 19) сарийрз. ид̇хааби сарийрз зва д̣̇адтаб̣б̣о. д̇зна вуд̇д̇ам̣ – ‘‘руубасамуссаяз’’д̇и, руубасан̇каад̇з самуссаяз сарийрзд̇и ад̇т̇о. тад̇ваад̇и важанасзсо. асмим̣ руубасамуссаязд̇и хи имасмим̣ руубасамуссаяз тад̇ваа имам̣ руубагааяам̣ ниссааяа д̣̇аса буд̇д̇з виж̇ааяид̇ваад̇и яож̇анаа. д̇ад̇од̇и д̇асмаа д̣̇асабуд̇д̇авиж̇ааяанахзд̇у. саа хи батамаваяам̣ ад̇иггамид̇ваа буд̇д̇агз виж̇ааяанд̇ий ануггамзна д̣̇уб̣б̣аласарийраа ж̇арааж̇ин̣н̣аа жа ахоси. д̇зна вуд̇д̇ам̣ ‘‘д̇ад̇охам̣ д̣̇уб̣б̣алаа ж̇ин̣н̣аа’’д̇и.
Tattha rūpasamussayeti rūpasaṅkhāte samussaye. Ayañhi rūpasaddo ‘‘cakkhuñca paṭicca rūpe ca uppajjati cakkhuviññāṇa’’ntiādīsu (saṃ. ni. 4.60) rūpāyatane āgato. ‘‘Yaṃkiñci rūpaṃ atītānāgatapaccuppanna’’ntiādīsu (a. ni. 4.181) rūpakkhandhe. ‘‘Piyarūpe sātarūpe rajjatī’’tiādīsu (ma. ni. 1.409) sabhāve. ‘‘Bahiddhā rūpāni passatī’’tiādīsu (dī. ni. 3.338; a. ni. 1.427-434) kasiṇāyatane. ‘‘Rūpī rūpāni passatī’’tiādīsu (dī. ni. 3.339; a. ni. 1.435-442) rūpajhāne. ‘‘Aṭṭhiñca paṭicca nhāruñca paṭicca maṃsañca paṭicca cammañca paṭicca ākāso parivārito rūpantveva saṅkhaṃ gacchatī’’tiādīsu (ma. ni. 1.306) rūpakāye. Idhāpi rūpakāyeva daṭṭhabbo. Samussayasaddopi aṭṭhīnaṃ sarīrassa pariyāyo. ‘‘Satanti samussayā’’tiādīsu aṭṭhisarīrapariyāye. ‘‘Āturaṃ asuciṃ pūtiṃ, passa nande samussaya’’ntiādīsu (theragā. 19) sarīre. Idhāpi sarīre eva daṭṭhabbo. Tena vuttaṃ – ‘‘rūpasamussaye’’ti, rūpasaṅkhāte samussaye sarīreti attho. Ṭhatvāti vacanaseso. Asmiṃ rūpasamussayeti hi imasmiṃ rūpasamussaye ṭhatvā imaṃ rūpakāyaṃ nissāya dasa putte vijāyitvāti yojanā. Tatoti tasmā dasaputtavijāyanahetu. Sā hi paṭhamavayaṃ atikkamitvā puttake vijāyantī anukkamena dubbalasarīrā jarājiṇṇā ca ahosi. Tena vuttaṃ ‘‘tatohaṃ dubbalā jiṇṇā’’ti.
д̇ассаад̇и д̇ад̇о, д̇ассаад̇и ваа д̇ассаа санд̇игз. буна д̇ассаад̇и гаран̣з саамиважанам̣, д̇ааяаад̇и ад̇т̇о. сигкамаанааяаад̇и д̇иссоби сигкаа сигкамаанаа.
Tassāti tato, tassāti vā tassā santike. Puna tassāti karaṇe sāmivacanaṃ, tāyāti attho. Sikkhamānāyāti tissopi sikkhā sikkhamānā.
ананд̇араавимогкаасинд̇и аг̇г̇амаг̇г̇асса ананд̇араа уббаннавимогкаа аасим̣. руубий руубаани бассад̇ийд̇иаад̣̇аяо хи адтаби вимогкаа ананд̇аравимогкаа наама на хонд̇и. маг̇г̇аананд̇арам̣ ануббад̇д̇аа хи палавимогкаа паласамаабад̇д̇игаалз бавад̇д̇амаанааби батамамаг̇г̇аананд̇арамзва самуббад̇д̇ид̇о д̇ам̣ убаад̣̇ааяа ананд̇аравимогкаа наама, яат̇аа маг̇г̇асамаад̇хи аананд̇аригасамаад̇хийд̇и вужжад̇и. анубаад̣̇ааяа ниб̣б̣уд̇аад̇и руубаад̣̇ийсу гин̃жиби аг̇г̇ахзд̇ваа гилзсабариниб̣б̣аанзна ниб̣б̣уд̇аа аасим̣.
Anantarāvimokkhāsinti aggamaggassa anantarā uppannavimokkhā āsiṃ. Rūpī rūpāni passatītiādayo hi aṭṭhapi vimokkhā anantaravimokkhā nāma na honti. Maggānantaraṃ anuppattā hi phalavimokkhā phalasamāpattikāle pavattamānāpi paṭhamamaggānantarameva samuppattito taṃ upādāya anantaravimokkhā nāma, yathā maggasamādhi ānantarikasamādhīti vuccati. Anupādāya nibbutāti rūpādīsu kiñcipi aggahetvā kilesaparinibbānena nibbutā āsiṃ.
звам̣ виж̇ж̇аад̇д̇аяам̣ вибхаавзд̇ваа арахад̇д̇апалзна гуудам̣ г̇ан̣ханд̇ий уд̣̇аанзд̇ваа, ид̣̇аани ж̇арааяа жирагаалам̣ убад̣̇д̣̇уд̇асарийрам̣ виг̇араханд̇ий саха вад̇т̇унаа д̇асса самад̇игганд̇абхаавам̣ вибхаавзд̇ум̣ ‘‘бан̃жагканд̇хаа барин̃н̃аад̇аа’’д̇и осаанаг̇аат̇амааха. д̇ад̇т̇а д̇хи д̇авад̇т̇у ж̇арз ж̇аммзд̇и ан̇г̇аанам̣ сит̇илабхаавагаран̣аад̣̇инаа ж̇арз ж̇аммз лаамагз хийнз д̇ава д̇уяхам̣ д̇хи ад̇т̇у д̇хигааро ход̇у. над̇т̇и д̣̇аани бунаб̣бхавод̇и д̇асмаа д̇вам̣ маяаа ад̇игганд̇аа абхибхууд̇аасийд̇и ад̇хиббааяо.
Evaṃ vijjāttayaṃ vibhāvetvā arahattaphalena kūṭaṃ gaṇhantī udānetvā, idāni jarāya cirakālaṃ upaddutasarīraṃ vigarahantī saha vatthunā tassa samatikkantabhāvaṃ vibhāvetuṃ ‘‘pañcakkhandhā pariññātā’’ti osānagāthamāha. Tattha dhi tavatthu jare jammeti aṅgānaṃ sithilabhāvakaraṇādinā jare jamme lāmake hīne tava tuyhaṃ dhi atthu dhikāro hotu. Natthi dāni punabbhavoti tasmā tvaṃ mayā atikkantā abhibhūtāsīti adhippāyo.
сон̣аат̇зрийг̇аат̇ааван̣н̣анаа нидтид̇аа.
Soṇātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 8. сон̣аат̇зрийг̇аат̇аа • 8. Soṇātherīgāthā
