| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๙. โสปากเตฺถรอปทานํ
9. Sopākattheraapadānaṃ
๑๑๒.
112.
สิทฺธโตฺถ นาม ภควา, อาคจฺฉิ มม สนฺติกํฯ
Siddhattho nāma bhagavā, āgacchi mama santikaṃ.
๑๑๓.
113.
‘‘พุทฺธํ อุปคตํ ทิสฺวา, โลกเชฎฺฐสฺส ตาทิโน;
‘‘Buddhaṃ upagataṃ disvā, lokajeṭṭhassa tādino;
๑๑๔.
114.
‘‘ปุปฺผาสเน นิสีทิตฺวา, สิทฺธโตฺถ โลกนายโก;
‘‘Pupphāsane nisīditvā, siddhattho lokanāyako;
มมญฺจ คติมญฺญาย, อนิจฺจตมุทาหริฯ
Mamañca gatimaññāya, aniccatamudāhari.
๑๑๕.
115.
‘‘‘อนิจฺจา วต สงฺขารา, อุปฺปาทวยธมฺมิโน;
‘‘‘Aniccā vata saṅkhārā, uppādavayadhammino;
อุปฺปชฺชิตฺวา นิรุชฺฌนฺติ, เตสํ วูปสโม สุโข’ฯ
Uppajjitvā nirujjhanti, tesaṃ vūpasamo sukho’.
๑๑๖.
116.
‘‘อิทํ วตฺวาน สพฺพญฺญู, โลกเชโฎฺฐ นราสโภ;
‘‘Idaṃ vatvāna sabbaññū, lokajeṭṭho narāsabho;
นภํ อพฺภุคฺคมิ วีโร, หํสราชาว อมฺพเรฯ
Nabhaṃ abbhuggami vīro, haṃsarājāva ambare.
๑๑๗.
117.
‘‘สกํ ทิฎฺฐิํ ชหิตฺวาน, ภาวยานิจฺจสญฺญหํ;
‘‘Sakaṃ diṭṭhiṃ jahitvāna, bhāvayāniccasaññahaṃ;
เอกาหํ ภาวยิตฺวาน, ตตฺถ กาลํ กโต อหํฯ
Ekāhaṃ bhāvayitvāna, tattha kālaṃ kato ahaṃ.
๑๑๘.
118.
‘‘เทฺว สมฺปตฺตี อนุโภตฺวา, สุกฺกมูเลน โจทิโต;
‘‘Dve sampattī anubhotvā, sukkamūlena codito;
ปจฺฉิเม ภเว สมฺปเตฺต, สปากโยนุปาคมิํฯ
Pacchime bhave sampatte, sapākayonupāgamiṃ.
๑๑๙.
119.
‘‘อคารา อภินิกฺขมฺม, ปพฺพชิํ อนคาริยํ;
‘‘Agārā abhinikkhamma, pabbajiṃ anagāriyaṃ;
ชาติยา สตฺตวโสฺสหํ, อรหตฺตมปาปุณิํฯ
Jātiyā sattavassohaṃ, arahattamapāpuṇiṃ.
๑๒๐.
120.
‘‘อารทฺธวีริโย ปหิตโตฺต, สีเลสุ สุสมาหิโต;
‘‘Āraddhavīriyo pahitatto, sīlesu susamāhito;
โตเสตฺวาน มหานาคํ, อลตฺถํ อุปสมฺปทํฯ
Tosetvāna mahānāgaṃ, alatthaṃ upasampadaṃ.
๑๒๑.
121.
‘‘จตุนฺนวุติโต กเปฺป, ยํ กมฺมมกริํ ตทา;
‘‘Catunnavutito kappe, yaṃ kammamakariṃ tadā;
ทุคฺคติํ นาภิชานามิ, ปุปฺผทานสฺสิทํ ผลํฯ
Duggatiṃ nābhijānāmi, pupphadānassidaṃ phalaṃ.
๑๒๒.
122.
‘‘จตุนฺนวุติโต กเปฺป, ยํ สญฺญํ ภาวยิํ ตทา;
‘‘Catunnavutito kappe, yaṃ saññaṃ bhāvayiṃ tadā;
ตํ สญฺญํ ภาวยนฺตสฺส, ปโตฺต เม อาสวกฺขโยฯ
Taṃ saññaṃ bhāvayantassa, patto me āsavakkhayo.
๑๒๓.
123.
‘‘ปฎิสมฺภิทา จตโสฺส, วิโมกฺขาปิ จ อฎฺฐิเม;
‘‘Paṭisambhidā catasso, vimokkhāpi ca aṭṭhime;
ฉฬภิญฺญา สจฺฉิกตา, กตํ พุทฺธสฺส สาสนํ’’ฯ
Chaḷabhiññā sacchikatā, kataṃ buddhassa sāsanaṃ’’.
อิตฺถํ สุทํ อายสฺมา โสปาโก เถโร อิมา คาถาโย อภาสิตฺถาติฯ
Itthaṃ sudaṃ āyasmā sopāko thero imā gāthāyo abhāsitthāti.
โสปากเตฺถรสฺสาปทานํ นวมํฯ
Sopākattherassāpadānaṃ navamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๙. โสปากเตฺถรอปทานวณฺณนา • 9. Sopākattheraapadānavaṇṇanā
