| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
9. собаагад̇т̇зраабад̣̇аанаван̣н̣анаа
9. Sopākattheraapadānavaṇṇanā
баб̣бхаарам̣ сод̇хаяанд̇ассаад̇иаад̣̇игам̣ ааяасмад̇о собаагад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о сид̣̇д̇хад̇т̇асса бхаг̇авад̇о гаалз ан̃н̃ад̇арасса гудумб̣игасса буд̇д̇о худ̇ваа ниб̣б̣ад̇д̇и. згад̣̇ивасам̣ сад̇т̇аарам̣ д̣̇исваа б̣ийж̇абуурапалаани сад̇т̇у убанзси, барибхун̃ж̇и бхаг̇аваа д̇ассаанугамбам̣ убаад̣̇ааяа. со бхигку сад̇т̇ари сан̇гхз жа абхиббасанно салаагабхад̇д̇ам̣ бадтабзд̇ваа сан̇гхуд̣̇д̣̇зсавасзна д̇ин̣н̣ам̣ бхигкуунам̣ яаавад̇ааяугам̣ кийрабхад̇д̇ам̣ ад̣̇ааси. со д̇зхи бун̃н̃зхи абараабарам̣ д̣̇звамануссзсу самбад̇д̇ияо анубхаванд̇о згад̣̇аа мануссаяонияам̣ ниб̣б̣ад̇д̇о згасса бажжзгаб̣уд̣̇д̇хасса кийрабхад̇д̇ам̣ ад̣̇ааси.
Pabbhāraṃ sodhayantassātiādikaṃ āyasmato sopākattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto siddhatthassa bhagavato kāle aññatarassa kuṭumbikassa putto hutvā nibbatti. Ekadivasaṃ satthāraṃ disvā bījapūraphalāni satthu upanesi, paribhuñji bhagavā tassānukampaṃ upādāya. So bhikkhu satthari saṅghe ca abhippasanno salākabhattaṃ paṭṭhapetvā saṅghuddesavasena tiṇṇaṃ bhikkhūnaṃ yāvatāyukaṃ khīrabhattaṃ adāsi. So tehi puññehi aparāparaṃ devamanussesu sampattiyo anubhavanto ekadā manussayoniyaṃ nibbatto ekassa paccekabuddhassa khīrabhattaṃ adāsi.
звам̣ д̇ад̇т̇а д̇ад̇т̇а бун̃н̃аани гад̇ваа суг̇ад̇ийсуязва бариб̣бхаманд̇о имасмим̣ б̣уд̣̇д̇хуббаад̣̇з буримагамманиссанд̣̇зна саавад̇т̇ияам̣ ан̃н̃ад̇арааяа д̣̇уг̇г̇ад̇ид̇т̇ияаа гужчимхи бадисанд̇хим̣ г̇ан̣хи. саа д̇ам̣ д̣̇асамаасз гужчинаа барихарид̇ваа барибаггз г̇аб̣бхз виж̇ааяанагаалз виж̇ааяид̇ум̣ асаггонд̇ий мужчам̣ аабаж̇ж̇ид̇ваа б̣ахувзлам̣ мад̇аа вияа нибаж̇ж̇и. н̃аад̇агаа ‘‘мад̇аа’’д̇и сан̃н̃ааяа сусаанам̣ нзд̇ваа жид̇агам̣ ааробзд̇ваа д̣̇звад̇аанубхаавзна ваад̇авудтияаа удтид̇ааяа аг̇г̇им̣ ад̣̇ад̇ваа баггамим̣су. д̣̇аараго бажчимабхавигад̇д̇аа д̣̇звад̇аанубхаавзнзва арог̇о худ̇ваа маад̇угужчид̇о нигками. маад̇аа бана гааламагааси. д̣̇звад̇аа мануссаруубзнубаг̇амма д̇ам̣ г̇ахзд̇ваа сусаанаг̇обагасса г̇зхз табзд̇ваа гад̇ибаахам̣ гаалам̣ бад̇ируубзна аахаарзна босзси. д̇ад̇о барам̣ сусаанаг̇обаго ад̇д̇ано буд̇д̇ам̣ гад̇ваа вад̣дхзси. со д̇ат̇аа вад̣дхзнд̇о д̇асса буд̇д̇зна суббиязна наама д̣̇аарагзна сад̣̇д̇хим̣ гийл̣анд̇о вижари. д̇асса сусаанз ж̇аад̇асам̣вад̣дхабхаавад̇о собаагод̇и саман̃н̃аа ахоси.
Evaṃ tattha tattha puññāni katvā sugatīsuyeva paribbhamanto imasmiṃ buddhuppāde purimakammanissandena sāvatthiyaṃ aññatarāya duggatitthiyā kucchimhi paṭisandhiṃ gaṇhi. Sā taṃ dasamāse kucchinā pariharitvā paripakke gabbhe vijāyanakāle vijāyituṃ asakkontī mucchaṃ āpajjitvā bahuvelaṃ matā viya nipajji. Ñātakā ‘‘matā’’ti saññāya susānaṃ netvā citakaṃ āropetvā devatānubhāvena vātavuṭṭhiyā uṭṭhitāya aggiṃ adatvā pakkamiṃsu. Dārako pacchimabhavikattā devatānubhāveneva arogo hutvā mātukucchito nikkhami. Mātā pana kālamakāsi. Devatā manussarūpenupagamma taṃ gahetvā susānagopakassa gehe ṭhapetvā katipāhaṃ kālaṃ patirūpena āhārena posesi. Tato paraṃ susānagopako attano puttaṃ katvā vaḍḍhesi. So tathā vaḍḍhento tassa puttena suppiyena nāma dārakena saddhiṃ kīḷanto vicari. Tassa susāne jātasaṃvaḍḍhabhāvato sopākoti samaññā ahosi.
ат̇згад̣̇ивасам̣ сад̇д̇авассигам̣ д̇ам̣ бхаг̇аваа бажжуусавзлааяам̣ н̃аан̣аж̇аалам̣ бад̇т̇арид̇ваа взнзяяаб̣анд̇хавз ологзнд̇о н̃аан̣аж̇ааласса анд̇ог̇ад̇ам̣ д̣̇исваа сусаанадтаанам̣ аг̇амааси. д̣̇аараго буб̣б̣ахзд̇унаа жод̣̇ияамаано басаннамаанасо сад̇т̇аарам̣ убасан̇гамид̇ваа ванд̣̇ид̇ваа адтааси. сад̇т̇аа д̇асса д̇хаммам̣ гат̇зси. со д̇хаммам̣ суд̇ваа баб̣б̣аж̇ж̇ам̣ яаажид̇ваа бид̇араа ‘‘анун̃н̃аад̇осий’’д̇и вуд̇д̇о бид̇арам̣ сад̇т̇у санд̇игам̣ аанзси. д̇асса бид̇аа сад̇т̇аарам̣ ванд̣̇ид̇ваа ‘‘имам̣ д̣̇аарагам̣ баб̣б̣ааж̇зт̇а, бханд̇з’’д̇и ануж̇аани, д̇ам̣ баб̣б̣ааж̇зд̇ваа бхаг̇аваа мзд̇д̇аабхааванааяа нияож̇зси. со мзд̇д̇аагаммадтаанам̣ г̇ахзд̇ваа сусаанз вихаранд̇о нажирассзва мзд̇д̇аажхаанам̣ баад̣̇агам̣ гад̇ваа вибассанам̣ вад̣дхзд̇ваа арахад̇д̇ам̣ сажчаагааси. арахаа худ̇вааби ан̃н̃зсам̣ сосаанигабхигкуунам̣ мзд̇д̇аабхааванаавид̇хим̣ д̣̇ассзнд̇о ‘‘яат̇ааби згабуд̇д̇асми’’нд̇и (т̇зраг̇аа. 33) г̇аат̇ам̣ абхааси. ид̣̇ам̣ вуд̇д̇ам̣ ход̇и – яат̇аа згабуд̇д̇агз бияз манаабз маад̇аа бид̇аа жа гусалий зганд̇ахид̇зсий бхавзяяа, звам̣ бурад̇т̇имаад̣̇ибхзд̣̇аасу саб̣б̣аасу д̣̇исаасу гаамабхаваад̣̇ибхзд̣̇зсу ваа саб̣б̣зсу бхавзсу д̣̇ахараад̣̇ибхзд̣̇аасу саб̣б̣аасу авад̇т̇аасуби тид̇зсу саб̣б̣зсу сад̇д̇зсу зганд̇ахид̇зсид̇ааяа гусалий бхавзяяа ‘‘мид̇д̇о, уд̣̇аасино, бажжад̇т̇иго’’д̇и сиймам̣ агад̇ваа сиймааяа самбхзд̣̇авасзна саб̣б̣ад̇т̇а згарасам̣ мзд̇д̇ам̣ бхаавзяяаад̇и имам̣ бана г̇аат̇ам̣ вад̇ваа ‘‘сажз д̇умхз ааяасманд̇о звам̣ мзд̇д̇ам̣ бхаавзяяаат̇а, яз д̇з бхаг̇авад̇аа ‘сукам̣ субад̇ий’д̇иаад̣̇инаа (а. ни. 11.15; бари. 331; ми. ба. 4.4.6) згаад̣̇аса мзд̇д̇аанисам̣саа жа вуд̇д̇аа, згам̣сзна д̇зсам̣ бхааг̇ино бхават̇аа’’д̇и оваад̣̇ам̣ ад̣̇ааси.
Athekadivasaṃ sattavassikaṃ taṃ bhagavā paccūsavelāyaṃ ñāṇajālaṃ pattharitvā veneyyabandhave olokento ñāṇajālassa antogataṃ disvā susānaṭṭhānaṃ agamāsi. Dārako pubbahetunā codiyamāno pasannamānaso satthāraṃ upasaṅkamitvā vanditvā aṭṭhāsi. Satthā tassa dhammaṃ kathesi. So dhammaṃ sutvā pabbajjaṃ yācitvā pitarā ‘‘anuññātosī’’ti vutto pitaraṃ satthu santikaṃ ānesi. Tassa pitā satthāraṃ vanditvā ‘‘imaṃ dārakaṃ pabbājetha, bhante’’ti anujāni, taṃ pabbājetvā bhagavā mettābhāvanāya niyojesi. So mettākammaṭṭhānaṃ gahetvā susāne viharanto nacirasseva mettājhānaṃ pādakaṃ katvā vipassanaṃ vaḍḍhetvā arahattaṃ sacchākāsi. Arahā hutvāpi aññesaṃ sosānikabhikkhūnaṃ mettābhāvanāvidhiṃ dassento ‘‘yathāpi ekaputtasmi’’nti (theragā. 33) gāthaṃ abhāsi. Idaṃ vuttaṃ hoti – yathā ekaputtake piye manāpe mātā pitā ca kusalī ekantahitesī bhaveyya, evaṃ puratthimādibhedāsu sabbāsu disāsu kāmabhavādibhedesu vā sabbesu bhavesu daharādibhedāsu sabbāsu avatthāsupi ṭhitesu sabbesu sattesu ekantahitesitāya kusalī bhaveyya ‘‘mitto, udāsino, paccatthiko’’ti sīmaṃ akatvā sīmāya sambhedavasena sabbattha ekarasaṃ mettaṃ bhāveyyāti imaṃ pana gāthaṃ vatvā ‘‘sace tumhe āyasmanto evaṃ mettaṃ bhāveyyātha, ye te bhagavatā ‘sukhaṃ supatī’tiādinā (a. ni. 11.15; pari. 331; mi. pa. 4.4.6) ekādasa mettānisaṃsā ca vuttā, ekaṃsena tesaṃ bhāgino bhavathā’’ti ovādaṃ adāsi.
112. звам̣ со бад̇д̇апалаад̇хиг̇амо ад̇д̇ано гад̇абун̃н̃ам̣ бажжавзгкид̇ваа сан̃ж̇аад̇асоманассо буб̣б̣ажарид̇аабад̣̇аанам̣ д̣̇ассзнд̇о баб̣бхаарам̣ сод̇хаяанд̇ассаад̇иаад̣̇имааха. д̇ад̇т̇а баб̣бхааранд̇и силаабаб̣б̣ад̇асса вивзгадтаанам̣, д̇ам̣ баб̣б̣аж̇ид̇аануруубад̇д̇аа идтагабаагаарам̣ гад̇ваа д̣̇ваарагаваадам̣ яож̇зд̇ваа бхигкуунам̣ васанад̇т̇ааяа ад̣̇ааси, багаарзна бхаро бад̇т̇зд̇аб̣б̣од̇и баб̣бхааро, д̇ам̣ сод̇хаяанд̇асса мама санд̇игам̣ сид̣̇д̇хад̇т̇о наама бхаг̇аваа ааг̇ажчи баабун̣и.
112. Evaṃ so pattaphalādhigamo attano katapuññaṃ paccavekkhitvā sañjātasomanasso pubbacaritāpadānaṃ dassento pabbhāraṃ sodhayantassātiādimāha. Tattha pabbhāranti silāpabbatassa vivekaṭṭhānaṃ, taṃ pabbajitānurūpattā iṭṭhakapākāraṃ katvā dvārakavāṭaṃ yojetvā bhikkhūnaṃ vasanatthāya adāsi, pakārena bharo patthetabboti pabbhāro, taṃ sodhayantassa mama santikaṃ siddhattho nāma bhagavā āgacchi pāpuṇi.
113. б̣уд̣̇д̇хам̣ убаг̇ад̇ам̣ д̣̇исваад̇и звам̣ мама санд̇игам̣ ааг̇ад̇ам̣ д̣̇исваа д̇аад̣̇ино идтаанидтзсу агамбияасабхаавад̇д̇аа д̇аад̣̇иг̇ун̣аяуд̇д̇асса логаж̇здтасса б̣уд̣̇д̇хасса сант̇арам̣ д̇ин̣абан̣н̣аад̣̇исант̇арам̣ гадтад̇т̇арам̣ бан̃н̃аабзд̇ваа нидтаабзд̇ваа бубпаасанам̣ бубпамаяам̣ аасанам̣ ахам̣ ад̣̇аасим̣.
113.Buddhaṃ upagataṃ disvāti evaṃ mama santikaṃ āgataṃ disvā tādino iṭṭhāniṭṭhesu akampiyasabhāvattā tādiguṇayuttassa lokajeṭṭhassa buddhassa santharaṃ tiṇapaṇṇādisantharaṃ kaṭṭhattharaṃ paññāpetvā niṭṭhāpetvā pupphāsanaṃ pupphamayaṃ āsanaṃ ahaṃ adāsiṃ.
114. бубпаасанз нисийд̣̇ид̇ваад̇и д̇асмим̣ бан̃н̃ад̇д̇з бубпаасанз нисийд̣̇ид̇ваа логанааяаго сид̣̇д̇хад̇т̇о бхаг̇аваа. маман̃жа г̇ад̇иман̃н̃ааяаад̇и маяхам̣ г̇ад̇им̣ ааяад̇им̣ уббад̇д̇идтаанам̣ ан̃н̃ааяа ж̇аанид̇ваа анижжад̇ам̣ анижжабхаавам̣ уд̣̇аахари гат̇зси.
114.Pupphāsanenisīditvāti tasmiṃ paññatte pupphāsane nisīditvā lokanāyako siddhattho bhagavā. Mamañca gatimaññāyāti mayhaṃ gatiṃ āyatiṃ uppattiṭṭhānaṃ aññāya jānitvā aniccataṃ aniccabhāvaṃ udāhari kathesi.
115. анижжаа вад̇а сан̇каараад̇и вад̇а зганд̇зна сан̇каараа бажжаязхи самзжжа самааг̇анд̇ваа гарийяамаанаа саб̣б̣з саббажжаяад̇хаммаа худ̇ваа абхаавадтзна анижжаа. уббаад̣̇аваяад̇хамминод̇и уббаж̇ж̇ид̇ваа винассанасабхааваа уббаж̇ж̇ид̇ваа баад̇убхавид̇ваа зд̇з сан̇каараа нируж̇жханд̇и винассанд̇ийд̇и ад̇т̇о. д̇зсам̣ вуубасамо сукод̇и д̇зсам̣ сан̇каараанам̣ висзсзна убасамо суко, д̇зсам̣ вуубасамагарам̣ ниб̣б̣аанамзва зганд̇асуканд̇и ад̇т̇о.
115.Aniccā vata saṅkhārāti vata ekantena saṅkhārā paccayehi samecca samāgantvā karīyamānā sabbe sappaccayadhammā hutvā abhāvaṭṭhena aniccā. Uppādavayadhamminoti uppajjitvā vinassanasabhāvā uppajjitvā pātubhavitvā ete saṅkhārā nirujjhanti vinassantīti attho. Tesaṃ vūpasamo sukhoti tesaṃ saṅkhārānaṃ visesena upasamo sukho, tesaṃ vūpasamakaraṃ nibbānameva ekantasukhanti attho.
116. ид̣̇ам̣ вад̇ваана саб̣б̣ан̃н̃ууд̇и саб̣б̣ад̇хаммаж̇аананаго бхаг̇аваа логаанам̣ ж̇здто вуд̣дхо нараанам̣ аасабхо бад̇хаано вийро ид̣̇ам̣ анижжабадисам̣яуд̇д̇ам̣ д̇хаммад̣̇зсанам̣ вад̇ваана гат̇зд̇ваа амб̣арз аагаасз хам̣сарааж̇аа ива набхам̣ аагаасам̣ аб̣бхуг̇г̇амийд̇и самб̣анд̇хо.
116.Idaṃ vatvāna sabbaññūti sabbadhammajānanako bhagavā lokānaṃ jeṭṭho vuḍḍho narānaṃ āsabho padhāno vīro idaṃ aniccapaṭisaṃyuttaṃ dhammadesanaṃ vatvāna kathetvā ambare ākāse haṃsarājā iva nabhaṃ ākāsaṃ abbhuggamīti sambandho.
117. сагам̣ д̣̇идтим̣ ад̇д̇ано лад̣̇д̇хим̣ канд̇им̣ ружим̣ аж̇жхаасаяам̣ ж̇ахид̇ваана бахааяа. бхааваяаанижжасан̃н̃аханд̇и анижжз анижжанд̇и бавад̇д̇асан̃н̃ам̣ ахам̣ бхааваяим̣ вад̣дхзсим̣ манаси агаасим̣. д̇ад̇т̇а гаалам̣ гад̇о аханд̇и д̇ад̇т̇а д̇иссам̣ ж̇аад̇ияам̣ д̇ад̇о ж̇аад̇ид̇о ахам̣ гаалам̣ гад̇о мад̇о.
117.Sakaṃ diṭṭhiṃ attano laddhiṃ khantiṃ ruciṃ ajjhāsayaṃ jahitvāna pahāya. Bhāvayāniccasaññahanti anicce aniccanti pavattasaññaṃ ahaṃ bhāvayiṃ vaḍḍhesiṃ manasi akāsiṃ. Tattha kālaṃ kato ahanti tattha tissaṃ jātiyaṃ tato jātito ahaṃ kālaṃ kato mato.
118. д̣̇вз самбад̇д̇ий анубход̇ваад̇и мануссасамбад̇д̇ид̣̇иб̣б̣асамбад̇д̇исан̇каад̇аа д̣̇вз самбад̇д̇ияо анубхавид̇ваа. суггамуулзна жод̣̇ид̇од̇и бураан̣агусаламуулзна, муулабхууд̇зна гусалзна ваа жод̣̇ид̇о сан̃жод̣̇ид̇о. бажчимз бхавз самбад̇д̇зд̇и барияосаанз бхавз самбад̇д̇з баабун̣ид̇з. сабаагаяонубааг̇аминд̇и сагам̣ бажид̇абхад̇д̇ам̣ сабаагам̣ яоним̣ убааг̇амим̣. яасса гуласса ад̇д̇ано бажид̇абхад̇д̇ам̣ ан̃н̃зхи абхун̃ж̇анийяам̣, д̇асмим̣ жан̣д̣аалагулз ниб̣б̣ад̇д̇осмийд̇и ад̇т̇о. ат̇а ваа саа вужжад̇и сунако, сунакожчидтабхад̇д̇абхун̃ж̇анагажан̣д̣аалагулз ж̇аад̇од̇и ад̇т̇о. сзсам̣ уд̇д̇аанад̇т̇амзваад̇и.
118.Dvesampattī anubhotvāti manussasampattidibbasampattisaṅkhātā dve sampattiyo anubhavitvā. Sukkamūlena coditoti purāṇakusalamūlena, mūlabhūtena kusalena vā codito sañcodito. Pacchime bhave sampatteti pariyosāne bhave sampatte pāpuṇite. Sapākayonupāgaminti sakaṃ pacitabhattaṃ sapākaṃ yoniṃ upāgamiṃ. Yassa kulassa attano pacitabhattaṃ aññehi abhuñjanīyaṃ, tasmiṃ caṇḍālakule nibbattosmīti attho. Atha vā sā vuccati sunakho, sunakhocchiṭṭhabhattabhuñjanakacaṇḍālakule jātoti attho. Sesaṃ uttānatthamevāti.
собаагад̇т̇зраабад̣̇аанаван̣н̣анаа самад̇д̇аа.
Sopākattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 9. собаагад̇т̇зраабад̣̇аанам̣ • 9. Sopākattheraapadānaṃ
