| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
3. собаагад̇т̇зраг̇аат̇ааван̣н̣анаа
3. Sopākattheragāthāvaṇṇanā
яат̇ааби згабуд̇д̇асминд̇и ааяасмад̇о собаагад̇т̇зрасса г̇аат̇аа. гаа уббад̇д̇и? со гира буримаб̣уд̣̇д̇хзсу гад̇аад̇хигааро худ̇ваа д̇ад̇т̇а д̇ад̇т̇а виваддуубаниссаяам̣ гусалам̣ убажинанд̇о гагусанд̇хасса бхаг̇авад̇о гаалз ан̃н̃ад̇арасса гудумб̣игасса буд̇д̇о худ̇ваа ниб̣б̣ад̇д̇о згад̣̇ивасам̣ сад̇т̇аарам̣ д̣̇исваа басаннажид̇д̇о б̣ийж̇абуурапалаани сад̇т̇у убанзси. бадиг̇г̇ахзси бхаг̇аваа анугамбам̣ убаад̣̇ааяа . со бхигкусан̇гхз жа абхиббасанно салаагабхад̇д̇ам̣ бадтабзд̇ваа сан̇гхуд̣̇д̣̇зсавасзна д̇ин̣н̣ам̣ бхигкуунам̣ яаавад̇ааяугам̣ кийрабхад̇д̇ам̣ ад̣̇ааси. со д̇зхи бун̃н̃агаммзхи абараабарам̣ д̣̇звамануссзсу самбад̇д̇им̣ анубхаванд̇о згад̣̇аа мануссаяонияам̣ ниб̣б̣ад̇д̇о згасса бажжзгаб̣уд̣̇д̇хасса кийрабхад̇д̇ам̣ ад̣̇ааси. звам̣ д̇ад̇т̇а д̇ад̇т̇а бун̃н̃аани гад̇ваа суг̇ад̇ийсу зва бариб̣бхаманд̇о имасмим̣ б̣уд̣̇д̇хуббаад̣̇з буримагамманиссанд̣̇зна саавад̇т̇ияам̣ ан̃н̃ад̇арааяа д̣̇уг̇г̇ад̇ид̇т̇ияаа гужчимхи бадисанд̇хим̣ г̇ан̣хи. д̇асса маад̇аа д̣̇аса маасз гужчинаа барихарид̇ваа барибаггз г̇аб̣бхз виж̇ааяанагаалз виж̇ааяид̇ум̣ асаггонд̇ий мужчам̣ аабаж̇ж̇ид̇ваа б̣ахувзлам̣ мад̇аа вияа нибаж̇ж̇и. д̇ам̣ н̃аад̇агаа ‘‘мад̇аа’’д̇и сан̃н̃ааяа сусаанам̣ нзд̇ваа жид̇агам̣ ааробзд̇ваа д̣̇звад̇аанубхаавзна ваад̇авудтияаа удтид̇ааяа аг̇г̇им̣ ад̣̇ад̇ваа баггамим̣су. д̣̇аараго бажчимабхаавигад̇д̇аа д̣̇звад̇аанубхаавзна маад̇угужчид̇о арог̇о нигками. маад̇аа бана гааламагааси. д̣̇звад̇аа д̇ам̣ г̇ахзд̇ваа мануссаруубзна сусаанаг̇обагасса г̇зхз табзд̇ваа гад̇ибаяагаалам̣ бад̇ируубзна аахаарзна босзси. д̇ад̇о барам̣ сусаанаг̇обаго жа нам̣ ад̇д̇ано буд̇д̇ам̣ гад̇ваа вад̣дхзд̇и. со д̇ат̇аа вад̣дхзнд̇о д̇асса буд̇д̇зна субиязна наама д̣̇аарагзна сад̣̇д̇хим̣ гийл̣анд̇о вижарад̇и. д̇асса сусаанз ж̇аад̇асам̣вад̣дхабхаавад̇о собаагод̇и саман̃н̃аа ахоси.
Yathāpi ekaputtasminti āyasmato sopākattherassa gāthā. Kā uppatti? So kira purimabuddhesu katādhikāro hutvā tattha tattha vivaṭṭūpanissayaṃ kusalaṃ upacinanto kakusandhassa bhagavato kāle aññatarassa kuṭumbikassa putto hutvā nibbatto ekadivasaṃ satthāraṃ disvā pasannacitto bījapūraphalāni satthu upanesi. Paṭiggahesi bhagavā anukampaṃ upādāya . So bhikkhusaṅghe ca abhippasanno salākabhattaṃ paṭṭhapetvā saṅghuddesavasena tiṇṇaṃ bhikkhūnaṃ yāvatāyukaṃ khīrabhattaṃ adāsi. So tehi puññakammehi aparāparaṃ devamanussesu sampattiṃ anubhavanto ekadā manussayoniyaṃ nibbatto ekassa paccekabuddhassa khīrabhattaṃ adāsi. Evaṃ tattha tattha puññāni katvā sugatīsu eva paribbhamanto imasmiṃ buddhuppāde purimakammanissandena sāvatthiyaṃ aññatarāya duggatitthiyā kucchimhi paṭisandhiṃ gaṇhi. Tassa mātā dasa māse kucchinā pariharitvā paripakke gabbhe vijāyanakāle vijāyituṃ asakkontī mucchaṃ āpajjitvā bahuvelaṃ matā viya nipajji. Taṃ ñātakā ‘‘matā’’ti saññāya susānaṃ netvā citakaṃ āropetvā devatānubhāvena vātavuṭṭhiyā uṭṭhitāya aggiṃ adatvā pakkamiṃsu. Dārako pacchimabhāvikattā devatānubhāvena mātukucchito arogo nikkhami. Mātā pana kālamakāsi. Devatā taṃ gahetvā manussarūpena susānagopakassa gehe ṭhapetvā katipayakālaṃ patirūpena āhārena posesi. Tato paraṃ susānagopako ca naṃ attano puttaṃ katvā vaḍḍheti. So tathā vaḍḍhento tassa puttena supiyena nāma dārakena saddhiṃ kīḷanto vicarati. Tassa susāne jātasaṃvaḍḍhabhāvato sopākoti samaññā ahosi.
ат̇згад̣̇ивасам̣ сад̇д̇авассигам̣ д̇ам̣ бхаг̇аваа бажжуусавзлааяа н̃аан̣аж̇аалам̣ бад̇т̇арид̇ваа взнзяяаб̣анд̇хавз ологзд̇ваа н̃аан̣аж̇аланд̇ог̇ад̇хам̣ д̣̇исваа сусаанадтаанам̣ аг̇амааси. д̣̇аараго буб̣б̣ахзд̇унаа жод̣̇ияамаано басаннамаанасо сад̇т̇аарам̣ убасан̇гамид̇ваа ванд̣̇ид̇ваа адтааси. сад̇т̇аа д̇асса д̇хаммам̣ гат̇зси. со д̇хаммам̣ суд̇ваа баб̣б̣аж̇ж̇ам̣ яаажид̇ваа ‘‘бид̇араа анун̃н̃аад̇осий’’д̇и вуд̇д̇о бид̇арам̣ сад̇т̇у санд̇игам̣ нзси. д̇асса бид̇аа сад̇т̇аарам̣ убасан̇гамид̇ваа ванд̣̇ид̇ваа ‘‘бханд̇з, имам̣ д̣̇аарагам̣ баб̣б̣ааж̇зт̇аа’’д̇и ануж̇аани. сад̇т̇аа д̇ам̣ баб̣б̣ааж̇зд̇ваа мзд̇д̇аабхааванааяа нияож̇зси. со мзд̇д̇аагаммадтаанам̣ г̇ахзд̇ваа сусаанз вихаранд̇о жа жирассзва мзд̇д̇аажхаанам̣ ниб̣б̣ад̇д̇зд̇ваа жхаанам̣ баад̣̇агам̣ гад̇ваа вибассанам̣ вад̣дхзд̇ваа арахад̇д̇ам̣ сажчаагааси. д̇зна вуд̇д̇ам̣ абад̣̇аанз (аба. т̇зра 2.45.1-7) –
Athekadivasaṃ sattavassikaṃ taṃ bhagavā paccūsavelāya ñāṇajālaṃ pattharitvā veneyyabandhave oloketvā ñāṇajalantogadhaṃ disvā susānaṭṭhānaṃ agamāsi. Dārako pubbahetunā codiyamāno pasannamānaso satthāraṃ upasaṅkamitvā vanditvā aṭṭhāsi. Satthā tassa dhammaṃ kathesi. So dhammaṃ sutvā pabbajjaṃ yācitvā ‘‘pitarā anuññātosī’’ti vutto pitaraṃ satthu santikaṃ nesi. Tassa pitā satthāraṃ upasaṅkamitvā vanditvā ‘‘bhante, imaṃ dārakaṃ pabbājethā’’ti anujāni. Satthā taṃ pabbājetvā mettābhāvanāya niyojesi. So mettākammaṭṭhānaṃ gahetvā susāne viharanto ca cirasseva mettājhānaṃ nibbattetvā jhānaṃ pādakaṃ katvā vipassanaṃ vaḍḍhetvā arahattaṃ sacchākāsi. Tena vuttaṃ apadāne (apa. thera 2.45.1-7) –
‘‘гагусанд̇хо махаавийро, саб̣б̣ад̇хаммаана баараг̇уу;
‘‘Kakusandho mahāvīro, sabbadhammāna pāragū;
г̇ан̣амхаа вуубагадто со, аг̇амааси вананд̇арам̣.
Gaṇamhā vūpakaṭṭho so, agamāsi vanantaraṃ.
‘‘б̣ийж̇амин̃ж̇ам̣ г̇ахзд̇ваана, лад̇ааяа аавун̣им̣ ахам̣;
‘‘Bījamiñjaṃ gahetvāna, latāya āvuṇiṃ ahaṃ;
бхаг̇аваа д̇амхи самаяз, жхааяад̇з баб̣б̣ад̇анд̇арз.
Bhagavā tamhi samaye, jhāyate pabbatantare.
‘‘д̣̇исваанахам̣ д̣̇звад̣̇звам̣, виббасаннзна жзд̇асаа;
‘‘Disvānahaṃ devadevaṃ, vippasannena cetasā;
д̣̇агкин̣зяяасса вийрасса, б̣ийж̇амин̃ж̇амад̣̇аасахам̣.
Dakkhiṇeyyassa vīrassa, bījamiñjamadāsahaṃ.
‘‘имасмим̣язва габбамхи, яам̣ мин̃ж̇амад̣̇ад̣̇им̣ д̇ад̣̇аа;
‘‘Imasmiṃyeva kappamhi, yaṃ miñjamadadiṃ tadā;
д̣̇уг̇г̇ад̇им̣ наабхиж̇аанаами, б̣ийж̇амин̃ж̇ассид̣̇ам̣ палам̣.
Duggatiṃ nābhijānāmi, bījamiñjassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахаа худ̇ваа бана ан̃н̃зсам̣ сосаанигабхигкуунам̣ мзд̇д̇аабхааванаавид̇хим̣ д̣̇ассзнд̇о ‘‘яат̇ааби згабуд̇д̇асми’’нд̇и г̇аат̇ам̣ абхааси.
Arahā hutvā pana aññesaṃ sosānikabhikkhūnaṃ mettābhāvanāvidhiṃ dassento ‘‘yathāpi ekaputtasmi’’nti gāthaṃ abhāsi.
33. д̇ад̇т̇а яат̇аад̇и обаммад̇т̇з нибаад̇о. згабуд̇д̇асминд̇и бунаад̇и жа гулавам̣сам̣ д̇ааяад̇и жаад̇и буд̇д̇о, ад̇раж̇аад̣̇ибхзд̣̇о буд̇д̇о. зго буд̇д̇о згабуд̇д̇о, д̇асмим̣ згабуд̇д̇асмим̣. висаяз жзд̇ам̣ бхуммаважанам̣. бияасминд̇и бияааяид̇аб̣б̣ад̇ааяа жзва згабуд̇д̇ад̇ааяа жа руубасийлаажаараад̣̇ийхи жа бзмагаран̣адтаанабхууд̇з. гусалийд̇и гусалам̣ вужжад̇и кзмам̣ сод̇т̇ибхааво, д̇ам̣ лабхид̇аб̣б̣ам̣ зд̇асса ад̇т̇ийд̇и гусалий, сад̇д̇аанам̣ хид̇зсий мзд̇д̇аж̇жхаасаяо. саб̣б̣зсу баан̣зсууд̇и саб̣б̣зсу сад̇д̇зсу. саб̣б̣ад̇т̇аад̇и саб̣б̣аасу д̣̇исаасу саб̣б̣зсу ваа бхаваад̣̇ийсу, саб̣б̣аасу ваа авад̇т̇аасу. ид̣̇ам̣ вуд̇д̇ам̣ ход̇и – яат̇аа згабуд̇д̇агз бияз манаабз маад̇аабид̇аа гусалий зганд̇ахид̇зсий бхавзяяа, звам̣ бурад̇т̇имаад̣̇ибхзд̣̇аасу саб̣б̣аасу д̣̇исаасу, гаамабхаваад̣̇ибхзд̣̇зсу саб̣б̣зсу бхавзсу д̣̇ахараад̣̇ибхзд̣̇аасу саб̣б̣аасу авад̇т̇аасу жа тид̇зсу саб̣б̣зсу сад̇д̇зсу зганд̇ахид̇зсид̇ааяа гусалий бхавзяяа, ‘‘мид̇д̇о уд̣̇аасийно бан̃жад̇т̇иго’’д̇и сиймам̣ агад̇ваа сиймаасамбхзд̣̇авасзна саб̣б̣ад̇т̇а згарасам̣ мзд̇д̇ам̣ бхаавзяяаад̇и. имам̣ бана г̇аат̇ам̣ вад̇ваа ‘‘сажз д̇умхз ааяасманд̇о звам̣ мзд̇д̇аабхааванам̣ ануяун̃ж̇зяяаат̇а, яз д̇з бхаг̇авад̇аа ‘сукам̣ субад̇ий’д̇иаад̣̇инаа (а. ни. 11.15) згаад̣̇аса мзд̇д̇аанисам̣саа вуд̇д̇аа, згам̣сзна д̇зсам̣ бхааг̇ино бхават̇аа’’д̇и оваад̣̇амад̣̇ааси.
33. Tattha yathāti opammatthe nipāto. Ekaputtasminti punāti ca kulavaṃsaṃ tāyati cāti putto, atrajādibhedo putto. Eko putto ekaputto, tasmiṃ ekaputtasmiṃ. Visaye cetaṃ bhummavacanaṃ. Piyasminti piyāyitabbatāya ceva ekaputtatāya ca rūpasīlācārādīhi ca pemakaraṇaṭṭhānabhūte. Kusalīti kusalaṃ vuccati khemaṃ sotthibhāvo, taṃ labhitabbaṃ etassa atthīti kusalī, sattānaṃ hitesī mettajjhāsayo. Sabbesu pāṇesūti sabbesu sattesu. Sabbatthāti sabbāsu disāsu sabbesu vā bhavādīsu, sabbāsu vā avatthāsu. Idaṃ vuttaṃ hoti – yathā ekaputtake piye manāpe mātāpitā kusalī ekantahitesī bhaveyya, evaṃ puratthimādibhedāsu sabbāsu disāsu, kāmabhavādibhedesu sabbesu bhavesu daharādibhedāsu sabbāsu avatthāsu ca ṭhitesu sabbesu sattesu ekantahitesitāya kusalī bhaveyya, ‘‘mitto udāsīno pañcatthiko’’ti sīmaṃ akatvā sīmāsambhedavasena sabbattha ekarasaṃ mettaṃ bhāveyyāti. Imaṃ pana gāthaṃ vatvā ‘‘sace tumhe āyasmanto evaṃ mettābhāvanaṃ anuyuñjeyyātha, ye te bhagavatā ‘sukhaṃ supatī’tiādinā (a. ni. 11.15) ekādasa mettānisaṃsā vuttā, ekaṃsena tesaṃ bhāgino bhavathā’’ti ovādamadāsi.
собаагад̇т̇зраг̇аат̇ааван̣н̣анаа нидтид̇аа.
Sopākattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 3. собаагад̇т̇зраг̇аат̇аа • 3. Sopākattheragāthā
